Chirayinkeezhu News

11/04/2020

ലോക്ക് ഡൗൺ രണ്ടാഴ്ചത്തേക്ക് നീട്ടാൻ ധാരണ

CHIRAYINKEEZHU * NEWS

കൊവിഡ് വ്യാപനം തടയാൻ രാജ്യത്ത് ഏര്പ്പെടുത്തിയ ലോക്ക് ഡൗൺ രണ്ടാഴ്ചത്തേക്ക് കൂടി നീട്ടാൻ ധാരണ. പ്രധാനമന്ത്രി വിളിച്ച യോഗത്തിലാണ് സമവായം ആയത്. ചില മേഖലകളിൽ ഇളവ് നൽകാനുള്ള തീരുമാനവും ഉണ്ടെന്നാണ് പുറത്ത് വരുന്ന വിവരം. ഇത് സംബന്ധിച്ച വിശദമായ പുതിയ ഉത്തരവ് കേന്ദ്ര സര്ക്കാര് പുറത്തിറക്കുമെന്നാണ് വിവരം.
വിവിധ സംസ്ഥാനങ്ങളിലെ സ്ഥിതിഗതികൾ വിലയിരുത്താൻ പ്രധാനമന്ത്രി മുഖ്യമന്ത്രിമാരുമായി ചര്ച്ച നടത്തിയിരുന്നു.
കൊവിഡ് വ്യാപനം പിടിച്ച് നിര്ത്താൻ ലോക്ക് ഡൗൺ കാര്യക്ഷമമായിരുന്നു എന്ന വിലയിരുത്തലാണ് യോഗത്തിൽ പൊതുവെ ഉണ്ടായത് എന്നാണ് വിവരം. സംസ്ഥാനങ്ങൾക്ക് സ്ഥിതി തീരുമാനിക്കാൻ സ്വാതന്ത്ര്യം നൽകുന്നതിന് പകരം പൊതു സ്ഥിതി കണക്കിലെടുത്ത് രാജ്യത്താകെ ലോക്ക് ഡൗൺ തുടരുന്നതാകും ഉചിതമെന്ന അഭിപ്രായത്തിനായിരുന്നു യോഗത്തിൽ മുൻതൂക്കം എന്നാണ് വിവരം.
ഒറ്റയടിക്ക് ലോക്ക് ഡൗൺ പിൻവലിക്കുന്നതിനെ കേരള മുഖ്യമന്ത്രി പിണറായി വിജയനും പിന്തുണച്ചില്ലെന്നാണ് സൂചന.

10/04/2020

പോലീസുകാർക്ക് സഹായമായി കുടുംബശ്രീ പ്രവർത്തകർ


അഞ്ചുതെങ്ങ് ഗ്രാമപഞ്ചായത്ത് ആറാം വാർഡിലെ കുടുംബശ്രീ പ്രവർത്തകരാണ് രാവും പകലുമില്ലാതെ കഷ്ടപ്പെടുന്ന പോലീസുകാർക്ക് സഹായവുമായി എത്തിയത്. ഓറഞ്ചും, ആപ്പിളും മാതളവും, തണ്ണിമത്തനും പൈനാപ്പിൾ, ഏത്തപ്പഴം ഒക്കെ അടങ്ങുന്ന കിറ്റുകൾ കുടുംബശ്രീ പ്രവർത്തകർ പോലീസ് ഉദ്യോഗസ്ഥർക്ക് നൽകി.
കൊറോണയുമായി ബന്ധപ്പെട്ട ഡ്യൂട്ടി ചെയ്യുന്ന പോലീസുകാർ പലപ്പോഴും ഭക്ഷണം കഴിക്കാതെയാണ് ഡ്യൂട്ടി ചെയുന്നത്. ഇത് മനസ്സിലാക്കിയാണ് കുടുംബശ്രീ പ്രവർത്തകർ പോലീസുകാർക്ക് സഹായവുമായി എത്തിയത്.
ഗ്രാമപഞ്ചായത്ത് അംഗം എസ് പ്രവീൺ ചന്ദ്രയുടെ സാന്നിധ്യത്തിൽ സി ഡി എസ് വൈസ് ചെയർപേഴ്സൺ എൽ. ഗീതാകുമാരി കിറ്റുകൾ അഞ്ചുതെങ്ങ് പോലീസ് സർക്കിൾ ഇൻസ്പെക്ടർ പി ചന്ദ്രദാസിനു കൈമാറി. എ ഡിഎസ് ചെയർപേഴ്സൻ നിത്യ ബിനു, റൂബി സുരേഷ്, ബേബി അനിത, കെ. ആർ നീലകണ്ഠൻ, സുഭാഷ് ചന്ദ്ര ബോസ്, വിഷ്ണു മോഹൻ, മിഥുൻ എന്നിവർ പങ്കെടുത്തു

10/04/2020

*രോഗികൾക്കും കൂട്ടിരിപ്പുകാർക്കും സാന്ത്വനമായി ഔർ ടീം കടയ്ക്കാവൂർ*


രാജ്യം ലോക ഡൗൺ ആയതിനെ തുടർന്ന് ഭക്ഷണത്തിനു ബുദ്ധമുട്ടിലായ ചിറയിൻകീഴ് താലൂക്ക് ആശുപത്രിയിലെ രോഗികൾക്കും കൂട്ടിരിപ്പുകാർക്കും സാന്ത്വനമായി ഔർ ടീം കടയ്ക്കാവൂർ. ദിവസവും രാവിലെ അമ്പതോളം പ്രഭാതഭക്ഷ കിറ്റുകളും ഉച്ചയ്ക്ക് 90 ഭക്ഷണപ്പൊതികളും കുപ്പി വെള്ളവും സൗജന്യമായി ഔർ ടീം പ്രവർത്തകർ ആശുപത്രിയിൽ എത്തിച്ചു കൊടുത്തു. കഴിഞ്ഞ 16 ദിവസമായി ഇവർ ഇവിടെ ഭക്ഷണം എത്തിക്കുന്നു. ഇന്നത്തെ ഭക്ഷണം വിതരണം അഡ്വ. വി. ജോയി എം എൽ എ നിർവഹിച്ചു. എസ്. സുരേന്ദ്രൻ, എസ്. പ്രവീൺ ചന്ദ്ര, അൻവിൻമോഹൻ, സുജീഷ് എന്നിവർ പങ്കെടുത്തു.

10/04/2020

ചിറയിൻകീഴ് ബ്ലോക്ക് പരിധിയിൽ നിരീക്ഷണത്തിലുള്ളവർ

വക്കം - 78
കിഴുവിലം - 04
മുദാക്കൽ -26
അഞ്ചുതെങ്ങ് - 119
കടയ്ക്കാവൂർ - 62
ചിറയിൻകീഴ് - 26

പുതിയതായി 6 പേരെ കൂട്ടിച്ചേർത്തും ക്വാറൻ്റയിൻ കഴിഞ്ഞ 49 പേരെ ഒഴിവാക്കിയുമാണ് 315 പേർ. ഒരാൾ മെഡിക്കൽ കോളേജിലും മറ്റുള്ളവർ വീടുകളിലുമാണ് നിരീക്ഷണത്തിലുളളത്.

21/03/2020

ശാർക്കര ദേവീഭക്തരുടെ ശ്രദ്ധക്ക്

ശാർക്കര ദേവീക്ഷേത്രത്തിലെ മീനഭരണി മഹോത്സവത്തോടനുബന്ധിച്ച് ഭക്തജനങ്ങൾക്ക് മാർച്ച് 21 മുതൽ മാർച്ച് 31വരെ ദർശനസൗകര്യം ഉണ്ടായിരിക്കുന്നതല്ല
കൂടാതെ ക്ഷേത്രത്തിൻ്റെ ഇളം മതിൽ , നടപന്തൽ, കളിതട്ട്, ആൽത്തറ തുടങ്ങിയ സ്ഥലങ്ങളിൽ കൂട്ടംകൂടി നിൽക്കാനും പാടുള്ളതല്ല .
ബഹുമാനപ്പെട്ട കേരള സർക്കാറിൻ്റെയും ,തിരുവനന്തപുരം ജില്ലാ കളക്ടറുടേയും, തിരുവിതാംകൂർ ദേവസ്വം ബോർഡിൻ്റെയും തീരുമാനങ്ങൾ എല്ലാ ദേവീ ഭക്തരും സഹകരിക്കണമെന്ന് ദേവീനാമത്തിൽ അപേക്ഷിക്കുന്നു.

ക്ഷേത്രോപദേശക സമിതി
ശാർക്കര

12/03/2020

അറിയിപ്പ്................

ശ്രീ ശാർക്കര ദേവീ ക്ഷേത്രത്തിലെ 2020 മീനഭരണി മഹോത്സവത്തോടനുബന്ധിച്ച് നടത്തി വരാറുള്ള സ്റ്റേജ് പ്രോഗ്രാമുകൾ, അശ്വതി നാളിൽ നടത്തിവരാറുള്ള ഉരുൾ വഴിപാട്, ഇവ കൊറോണ വൈറസ് ബാധയുടെ പശ്ചാത്തലത്തിൽ സർക്കാർ ഇറക്കിയ ഉത്തരവിൻ്റെ അടിസ്ഥാനത്തിൽ പൂർണമായും ഒഴിവാക്കി ഉത്സവം നടത്തുവാൻ തീരുമാനിച്ചു .
ഭരണി നാളിൽ നടക്കാറുള്ള ഗരുഡൻ തൂക്കം ക്ഷേത്ര തന്ത്രിയുമായി കൂടിയാലോചിച്ച് ഉചിതമായ തീരുമാനമെടുക്കും
ഉത്സവബലി, പള്ളിവേട്ട, തിരു: ആറാട്ട് എന്നീ ചടങ്ങുകൾ ഭക്തജനങ്ങളുടെ തിരക്ക് ഒഴിവാക്കി നടത്തും. ഉത്സവം മാർച്ച് 19-ന് തൃക്കൊടിയേറി മാർച്ച് 28 ന് തിരു: ആറോട്ടുകൂടി അവസാനിക്കും .
ഈ ദിവസങ്ങളിൽ ക്ഷേത്ര ആചാരചടങ്ങുകൾ മാത്രമേ ഉണ്ടായിരിക്കുകയുള്ളൂ
തിരുവിതാംകൂർ ദേവസ്വം ബോർഡിൻ്റെ നിർദ്ദേശപ്രകാരം ക്ഷേത്രോപദേശക സമിതി ഇങ്ങനെ ഒരു തീരുമാനത്തിൽ എത്തുകയാണ് എല്ലാ ദേവി ഭക്തരും സഹകരിക്കണമെന്ന് ദേവീനാമത്തിൽ അപേക്ഷിക്കുന്നു

ബഹുമാനപെട്ട കേരള സർക്കാരോ, ദേവസ്വം ബോർഡോ ഇപ്പോൾ എടുത്ത തീരുമാനത്തിൽ എന്തെങ്കിലും മാറ്റം വരുത്തുകയാണങ്കിൽ അടിയന്തിരമായി യോഗം കൂടി
ഉചിതമായ തീരുമാനമെടുക്കുന്നതാണ്

പ്രസിഡൻ്റ്
എസ്സ് .വിജയകുമാർ
9447501823

സെക്രട്ടറി
എൻ.അജയകുമാർ
9447126423

ക്ഷേത്രോപദേശക സമിതി
ശാർക്കര

11/03/2020

സ്റ്റേറ്റ് പോലീസ് മീഡിയ സെന്റർ
പത്രക്കുറിപ്പ്
11.03.2020

*കോവിഡ് 19: വ്യാജവാര്‍ത്തകള്‍ പ്രചരിപ്പിക്കുന്നവരെ ജാമ്യമില്ലാക്കുറ്റം ചുമത്തി അറസ്റ്റ് ചെയ്യും*

കോവിഡ് 19 വൈറസ് ബാധ സംബന്ധിച്ച് നവമാധ്യമങ്ങളിൽ വ്യാജസന്ദേശങ്ങള്‍ നിര്‍മ്മിക്കുകയും പ്രചരിപ്പിക്കുകയും ചെയ്യുന്നവരെ ജാമ്യമില്ലാക്കുറ്റം ചുമത്തി അറസ്റ്റ് ചെയ്യുമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ അറിയിച്ചു.

ഇത്തരം സന്ദേശങ്ങള്‍ കണ്ടെത്തി അതിനു പിന്നില്‍ പ്രവര്‍ത്തിക്കുന്നവരെ നിയമത്തിനു മുന്നില്‍ കൊണ്ടുവരുന്നതിന് അടിയന്തര നടപടി സ്വീകരിക്കാന്‍ ഹൈടെക് ക്രൈം എന്‍ക്വയറി സെല്‍, സൈബര്‍ ഡോം, സൈബര്‍ പോലീസ് സ്റ്റേഷന്‍, സൈബര്‍ സെല്‍ എന്നിവയ്ക്ക് അദ്ദേഹം നിര്‍ദ്ദേശം നല്‍കി. എല്ലാത്തരം സാമൂഹ്യമാധ്യമങ്ങളിലെ ആശയവിനിമയവും പോലീസ് കര്‍ശനമായി നിരീക്ഷിച്ചുവരികയാണെന്ന് അദ്ദേഹം പറഞ്ഞു.

07/03/2020

SARKARA KALIYOOT 2020

06/03/2020

ശാർക്കര കാളിയൂട്ടിൽ നിന്ന്

05/03/2020

ശാർക്കര കാളിയൂട്ടിന്റെ ഭാഗമായി നടന്ന മുടിയുഴിച്ചിൽ ചടങ്ങ്

29/02/2020

തെങ്ങുംവിള ഭഗവതി ക്ഷേത്രത്തിൽ നടന്ന ഗരുഡൻ തൂക്കം

27/02/2020

26/02/2020

ശാർക്കര കാളിയൂട്ട്‌ നാളെ തുടങ്ങും

●

തെക്കൻ കേരളത്തിൽ പ്രസിദ്ധമായ ഭദ്രകാളി ക്ഷേത്രങ്ങളിലൊന്നായ ശാർക്കര ദേവീ ക്ഷേത്രത്തിലെ സുപ്രധാന ചടങ്ങായ ശാർക്കര കാളിയൂട്ടിന് വ്യാഴാഴ് ച (27.02.2020) കുറികുറിക്കും. വ്യാഴാഴ്ച രാവിലെ 8നും 8.30നും ഇടയ്ക്ക് ക്ഷേത്ര മേൽശാന്തി വടക്കേമഠത്തിൽ എസ് രാജഗോപാലൻ പോറ്റിയുടെ സാന്നിദ്ധ്യത്തിലാണ് കുറികുറിക്കൽ ചടങ്ങുകൾ നടക്കുന്നത്. ക്ഷേത്ര ഭണ്ഡാരപ്പിള്ള സ്ഥാനി ശാർക്കര ഐക്കരവിളാകം കുടുംബാംഗം കാരേറ്റ് പേടികുളം സരസ്വതിഭവനിൽ ജി ജയകുമാർ താളിയോലയിൽ നീട്ടെഴുതി പൊന്നറ കുടുംബത്തിലെ കൊച്ചുനാരായണപിള്ളയ്ക്ക് കൈമാറിയാണ് കുറികുറിക്കൽ ചടങ്ങ് നിർവ്വഹിക്കുന്നത്. മാർച്ച് ആറിനാണ് കാളീനാടകത്തിലെ അവസാന രംഗമായ നിലത്തിൽ പോരും ദാരിക നിഗ്രഹവും അരങ്ങേറുന്നത്. കുറികുറിച്ചുകൊണ്ട് ആരംഭിക്കുന്ന കാളിയൂട്ടിൽ വെള്ളാട്ടംകളി, കുരുത്തോലയാട്ടം, നാരദർപുറപ്പാട്, നായർ പുറപ്പാട്, ഐരാണിപ്പറ പുറപ്പാട്, കണിയാരുപുറപ്പാട്, പുലയർ പുറപ്പാട് എന്നീ ചടങ്ങുകൾ ക്ഷേത്ര മതിൽ കെട്ടിനകത്തെ തുള്ളൽപ്പുരയ്ക്കകത്തും, മുടിയുഴിച്ചിൽ, നിലത്തിൽപ്പോരും ദാരിക നിഗ്രഹവും എന്നീ പ്രധാന നാടകീയ മുഹൂർത്തങ്ങൾ ക്ഷേത്ര മതിൽക്കെട്ടിന് പുറത്തുമാണ് അരങ്ങേറുന്നത്.
ഭദ്രകാളിയുടെയും ദാരികയുടെയും ഉത്ഭവം യഥാക്രമം നന്മയുടെയും തിന്മയുടെയും പ്രതിനിധികളായ നാടകീയ അവതരണമാണ് കാളിയൂട്ട്. അവരുടെ ഏറ്റുമുട്ടലും പിന്നീട് ഭക്തിപരമായും താളാത്മകമായ കാൽപ്പാടുകളിലൂടെയും ദാരികയെ ഉന്മൂലനം ചെയ് തുകൊണ്ടുള്ള പഴയ കാർഷിക കലാ പാരമ്പര്യത്തിന്റെ സമന്വയമാണ് കാലിയൂട്ട്. ഭൂമിയുടെ സംരക്ഷകയായ അമ്മയ്ക്ക് പ്രാഥമിക വിളവെടുപ്പ് നൽകുക എന്നതാണ് കാളിയൂട്ട് ഉത്സവത്തിന്റെ ലക്ഷ്യം. ക്ഷേത്രപരിസരത്ത് ആചാരാനുഷ്ഠാനങ്ങളും പരമ്പരാഗത ചടങ്ങുകളും നടത്തുന്ന 9 ദിവസം നീണ്ടുനിൽക്കുന്ന ഉത്സവമാണിത്. ആദ്യ 7 ദിവസത്തെ ചടങ്ങുകൾ ഭദ്രകാളീയും ദാരികയും തമ്മിലുള്ള യുദ്ധത്തിലേക്ക് നയിക്കുന്ന കഥകളുടെ നാടകീയ ദൃശ്യവൽക്കരണമാണ്. എട്ടാമത്തെയും ഒമ്പതാമത്തെയും ചടങ്ങുകളായ യഥാക്രമം "മുടിയുഴിച്ചിൽ", "നിലത്തിൽപ്പോര്" എന്നിവയാണ് ചടങ്ങുകളുടെ ഉച്ചസ്ഥായിയിലെത്തുന്നത്.
ചടങ്ങുകളുടെ എട്ടാം ദിവസം, ഭദ്രകാളി തന്നെ ദാരികനെ തേടി പുറപ്പെടുന്നു. പക്ഷേ അസുര രാജാവിനെ കണ്ടെത്താതെ ദിവസാവസാനം മടങ്ങുന്നു. ഈ പ്രവർത്തനം ഉത്സവവുമായി ബന്ധപ്പെട്ട ഏറ്റവും പ്രധാനപ്പെട്ട ആചാരമാണ്. ഈ ദിവസം ദേവി ഭക്തർക്ക് നേരിട്ട് അനുഗ്രഹം വാഗ്ദാനം ചെയ്യുന്നു. പ്രസിദ്ധമായ "നിലത്തിൽ പോര്" നടക്കുന്നത് ഒൻപതാമത്തെയും അവസാനത്തെയും ചടങ്ങുകളിലാണ്. അസുരരാജാവായ ദാരികനെ ഭദ്രകാളി കൊന്നതും തിന്മയിൽ സത്യത്തിന്റെ വ്യാപനം വ്യാപിപ്പിക്കുന്നതും ദൃശ്യമാക്കുന്നു. വർണ്ണാഭമായ ചടങ്ങുകൾ പൂർത്തിയാകാൻ മണിക്കൂറുകൾ എടുക്കും. ആറ്റിങ്ങൽ പൊന്നറ കുടുംബത്തിലെ പുരുഷന്മാരെ കാളി, ദുർഗ, ദാരിക വസ്ത്രങ്ങൾ എന്നിവ ഉപയോഗിച്ച് നിയോഗിക്കുന്നു. ആദ്യ ദിവസങ്ങളിലെ മുഖ്യ ആചാരങ്ങൾ ആരംഭിക്കുകയും അവസാനിക്കുകയും ചെയ്യുന്നത് ഭദ്രകാളിയും ദാരികയും തമ്മിലുള്ള വിട്ടുവീഴ്ചയില്ലാത്ത സംഭാഷണത്തോടെയാണ് "മുടിത്താളം തുള്ളൽ" എന്നറിയപ്പെടുന്നത്.

19/02/2020

തെങ്ങുംവിള കുംഭ ഭരണി മഹോത്സവത്തിന് 21ന് കൊടിയേറും



മുടപുരം തെങ്ങുംവിള ഭഗവതി ക്ഷേത്രത്തിലെ കുംഭ ഭരണി മഹോത്സവം 21 മുതൽ 29 വരെ വിവിധ പരിപാടികളോടെ നടക്കും. വെള്ളിയാഴ് ച രാവിലെ രാവിലെ 9.15ന് ക്ഷേത്ര തന്ത്രി കീഴ് പേരൂർ ശങ്കരൻ നമ്പൂതിരിപ്പാടിന്റെ കാർമികത്വത്തിൽ തൃക്കൊടിയേറും. വൈകിട്ട് ആറിന് നടക്കുന്ന സാംസ് കാരിക സമ്മേളനം കേരള ചീഫ് ഇലക്ടോറൽ ഓഫീസർ ടിക്കാറാം മീണ ഉദ്ഘാടനം ചെയ്യും. കവി കാര്യവട്ടം ശ്രീകണ് ഠൻ നായർ മുഖ്യപ്രഭാഷണം നടത്തും. ചിറയിൻകീഴ് പോലീസ് എസ്.എച്ച്.ഓ സതീഷ് എച്ച്.എൽ വിവിധ വ്യക്തികളെ ആദരിക്കും. ക്ഷേത്രം ട്രസ്റ് പ്രസിഡന്റ് എസ് ബിജുകുമാർ അധ്യക്ഷനാകും.
രാത്രി 8.30ന് കാപ്പുകെട്ടി ദേവിയെ കുടിയിരുത്തി തോറ്റംപാട്ട് ആരംഭിക്കും. 9.30ന് ആലപ്പുഴ വൈഹരിയുടെ ഗാനമേള, 22ന് വൈകിട്ട് ആറിന് മുടപുരം ഗവ.യു.പി സ്‌കൂളിലെ കുട്ടികൾ അവതരിപ്പിക്കുന്ന കലാപരിപാടികൾ, രാത്രി ഏഴിന് വിൽപ്പാട്ട്, ഒമ്പതിന് തിരുവനന്തപുരം സൗപർണികയുടെ നാടകം- ഇതിഹാസം, 23ന് വൈകിട്ട് ആറിന് തെങ്ങുംവിള ഭഗവതി തിരുവാതിര ട്രൂപ്പിന്റെ തിരുവാതിരക്കളി, ആറരയ്ക്ക് ഡാൻസ്, രാത്രി ഒമ്പതിന് തിരുവനന്തപുരം സെവൻ സ്റ്റാർസിൻ്റെ മെഗാഷോ - 'മേരാനാം ജോക്കർ', 24ന് രാവിലെ പത്തിന് ക്ഷേത്രം പബ്ലിക് ട്രസ്റ്റും ചിറയിൻകീഴ് ബ്ലോക്ക് പഞ്ചായത്തും സംയുക്തമായി നടത്തുന്ന സൗജന്യ മെഡിക്കൽ ക്യാമ്പ് ബ്ലോക്ക് പഞ്ചായത്ത് പ്രസിഡന്റ് ആർ സുഭാഷ് ഉദ്‌ഘാടനം ചെയ്യും. വൈകിട്ട് അഞ്ചിന് ഓട്ടംതുള്ളൽ, രാത്രി 7.45ന് ദേവിയുടെ ത്രിക്കല്യാണം, രാത്രി ഒമ്പതരയ്ക്ക് വള്ളുവനാട് നാദം കമ്മ്യൂണിക്കേഷന്സിന്റെ നാടകം - കാരി, 25ന് രാത്രി ഒമ്പതിന് മേജർസെറ്റ് കഥകളി കഥ - ഭദ്രകാളി വിജയം, 26ന് രാത്രി ഒമ്പതിന് തമിഴ് പിന്നണി ഗായിക കാവ്യകൃഷ് ണ നയിക്കുന്ന മെഗാ ഗാനമേള, 27ന് വൈകിട്ട് അഞ്ചിന് തെങ്ങുംവിള അമ്മയുടെ മൂലസ്ഥാനമായ തെക്കേതിൽ പൊങ്കാല, ആറിന് കാരേറ്റ് ജയകുമാറിന്റെ കഥാപ്രസംഗം, രാത്രി ഒമ്പതരയ്ക്ക് ആലപ്പുഴ ഇപ്റ്റ നാട്ടരങ്ങിന്റെ നാടൻപാട്ട്, 28ന് രാവിലെ എട്ടരയ്ക്ക് അശ്വതി പൊങ്കാല, ഉച്ചയ്ക്ക് 11.30ന് തൂക്കവൃതക്കാരുടെ നറുക്കെടുപ്പ്, ഉച്ചയ്ക്ക് രണ്ടരയ്ക്ക് പറയ്‌ക്കെഴുന്നള്ളത്ത്, 3.10ന് മേതാളി ഊട്ട്, നാലിന് വെള്ളപ്പുറം, 4.30ന് ഉരുൾ വഴിപാടുകാരുടെ മേളക്കാഴ് ച, അഞ്ചിന് യക്ഷിക്ക് പൂപ്പട വാരൽ, മാടന് കൊടുതി, അഞ്ചരയ്ക്ക് ഓട്ടൻതുള്ളൽ, രാത്രി ഏഴിന് നാട്ട്യവേദം നൃത്തശില്പം, ഒമ്പതിന് അശ്വതി വിളക്ക്, പത്തിന് തിരുവനന്തപുരം പ്രാർത്ഥസാരഥിയുടെ നൃത്തനാടകം, ഭരണിദിവസമായ 29ന് രാവിലെ എട്ടരയ്ക്ക് എഴുന്നള്ളത്ത്, ഉച്ചയ്ക്ക് ഒന്നിന് ഗരുഡൻ തൂക്കം, കുത്തിയോട്ടം ആരംഭം, വൈകിട്ട് നാലിന് ശിങ്കാരിമേളം, രാത്രി ഏഴിന് സംഗീതസദസ്സ്, പത്തിന് പിന്നണി ഗായകൻ റഹ്മാൻ നയിക്കുന്ന സൂപ്പർ ഹിറ്റ് ഗാനമേള, 11ന് ചമയവിളക്ക്, തുടർന്ന് കൊടിയിറക്ക്, വലിയ കാണിക്ക, ആചാര വെടിക്കെട്ട്. മാർച്ച് ഒന്നിന് രാത്രി ഏഴരയ്ക്ക് ഗുരുസി നടക്കും.

16/02/2020

‘ഗ്രാമം’ ഒരുങ്ങി; ജനജീവിതം അറിയാൻ

>>സമഗ്ര ശാസ് ത്രീയ വിവരശേഖരണത്തിനായി 'ഗ്രാമം' എന്ന മൊബൈൽ ആപ്പ്



കേരളത്തിൽ ആദ്യമായി ജനങ്ങളുടെ ജീവിത സാഹചര്യങ്ങളെക്കുറിച്ച് ചിറയിൻകീഴ് ബ്ലോക്ക് പഞ്ചായത്ത് ഒരു സമഗ്ര വിവരശേഖരണത്തിനു തയ്യാറെടുക്കുന്നു. മാർച്ച് ആദ്യവാരം മുതൽ വിവരശേഖരണം തുടങ്ങും. കേരള സംസ്ഥാന ആസൂത്രണ ബോർഡിന്റെ സഹായത്താൽ കേരള സംസ്ഥാന റിമോട്ട് സെൻസിംഗ് & എൻ വിയോൺമെൻറ് സെന്ററിന്റെ (കെ.എസ്.ആർ.എസ്.ഇ) സാങ്കേതിക സഹായത്തോടെ ജനകീയ പങ്കാളിത്തം ഉറപ്പാക്കി ബ്ലോക്ക് പഞ്ചായത്തിന്റെ പരിധിയിൽ വരുന്ന ആറ് പഞ്ചായത്തുകളിലെ 103 വാർഡുകളിലെയും ജനങ്ങൾക്ക് നിലവിൽ ലഭ്യമായ അടിസ്ഥാന സൗകര്യങ്ങൾ, ജീവിതനിലവാരം, അവരുടെ വിദ്യാഭ്യാസം, ആരോഗ്യം, കുടിവെള്ള ലഭ്യത, തൊഴിലില്ലായ്മ, ജീവിക്കാവനാവശ്യമായ വരുമാന മാർഗ്ഗങ്ങൾ, മറ്റു അനുബന്ധ സൗകര്യങ്ങളുടെ കുറവുകൾ എന്നിവ സംബന്ധിച്ച് സമഗ്ര ശാസ്ത്രീയ വിവരശേഖരണം ആരംഭിക്കുന്നത് . ഇതിനായി 'ഗ്രാമം' എന്ന പേരിൽ ഒരു മൊബൈൽ ആപ്ളിക്കേഷന് കെ.എസ്.ആർ.ഇ.സി രൂപം നൽകിയിട്ടുണ്ട്. 103 വാർഡുകളുടെയും സമഗ്ര വികസനം ജനകീയ പങ്കാളിത്തത്തോടെ പഞ്ചവത്സര പദ്ധതിയുടെ കാലയളവിൽ യാഥാർത്ഥ്യമാക്കുക എന്ന ലക്ഷ്യത്തോടെയാണ് വിവരശേഖരണത്തിന് തയ്യാറെടുക്കുന്നത്. ബ്ലോക്ക് പഞ്ചായത്തിന്റെ 'ജൈവഗ്രാമം സന്തുഷ്ട ഗ്രാമം' എന്ന കർമ്മപദ്ധതി നിർവ്വഹണത്തിനായി 103 വാർഡിലേയും ഭൂപ്രകൃതി, ഭൂവിനിയോഗം ,ജലലഭ്യത എന്നിവ സംബന്ധിച്ച് ശാസ്ത്രീയ പഠനം കേളത്തിൽ ആദ്യമായി സംഘടിപ്പിക്കുകയും അതിന്റെ റിപ്പോർട്ടു പൂർണ്ണമായും തയ്യാറാക്കി കഴിഞ്ഞു. ഇതിന്റെ തുടർച്ചയായാണ് പുതിയ സമഗ്ര വിവരശേഖരണമെന്ന് ബ്ലോക്ക് പഞ്ചായത്ത് പ്രസിഡൻ്റ് ആർ സുഭാഷ് പറഞ്ഞു.

16/02/2020

മലയാളം പള്ളിക്കൂടം ഭൂമിയിൽ പ്രേംനസീർ സാംസ്‌കാരികകേന്ദ്രം ഉയരും



മലയാള സിനിമയുടെ നിത്യഹരിതനായകനായ ചിറയിൻകീഴിൻ്റെ സ്വന്തം പ്രേംനസീറിൻ്റെ ഓർമ്മയ്ക്കായി സാംസ് കാരിക കേന്ദ്രം നിർമ്മിക്കാൻ റവന്യു വകുപ്പ് 66.22 സെൻ്റ് സ്ഥലം സാംസ് കാരിക വകുപ്പിന് വിട്ടുനൽകി ഉത്തരവായി. ശാർക്കര വില്ലേജിലെ റീസർവ്വേ 442/7ൽപ്പെട്ട മലയാളം പള്ളിക്കൂടം എന്ന കലാഗ്രാമത്തിലെ പൊതുവിദ്യാഭ്യാസ വകുപ്പിൻ്റെ കൈവശത്തുള്ള 66.22 ഭൂമി ചിറയിൻകീഴ് സാംസ് കാരിക നിലയം നിർമ്മിക്കാനായി രണ്ട് സേവന വകുപ്പുകൾ തമ്മിലുള്ള ഭൂമി കൈമാറ്റ വ്യവസ്ഥകൾ പ്രകാരം ഭൂമിയുടെ ഉടമസ്ഥാവകാശം റവന്യു വകുപ്പിൽ നിലനിർത്തിക്കൊണ്ട് സാംസ് കാരിക വകുപ്പിന് ഉപയോഗാനുമതി നൽകിക്കൊണ്ടാണ് ബുധനാഴ് ച (12.02.2020) ഉത്തരവ് പുറപ്പെടുവിച്ചത്.
ചിറയിൻകീഴ് നിവാസികളുടെ വർഷങ്ങളായുള്ള സ്വപ് നമാണ് കേരള സർക്കാർ യാഥാർത്ഥ്യമാക്കിയത്. കഴിഞ്ഞ ദിവസം ഡെപ്യൂട്ടി സ് പീക്കർ വി ശശിയുടെ അഭ്യർത്ഥന മാനിച്ച് മറുപടി പ്രസംഗത്തിലാണ് ധനകാര്യ വകുപ്പ് മന്ത്രി സാംസ് കാരിക കേന്ദ്രം നിർമ്മിക്കാനായി ഒരു കോടി രൂപ അനുവദിച്ചതായി അറിയിച്ചത്. പതിറ്റാണ്ട് മുമ്പ് തന്നെ ഇതിനായി പല ശ്രമങ്ങളും നടന്നെങ്കിലും ഫലം കാണാതെ പോയത് ഏറെ വിമർശനങ്ങൾക്ക് കാരണമായിരുന്നു. സ്ഥലസൗകര്യം കണ്ടെത്തുവാൻ കഴിയാതിരുന്നതാണ് ഏറെ നാളായി നേരിട്ടിരുന്ന പ്രശ് നം. പിന്നീടാണ് മലയാളം പള്ളിക്കൂടം ഇരിക്കുന്ന 66.22 സെൻ്റ് ഭൂമി അനുയോജ്യമായി കണ്ടത്. ഭൂമി കൈമാറ്റവും ഏറെ തർക്കങ്ങൾക്കും സാങ്കേതിക പ്രശ് നങ്ങൾക്കും കാരണമായിരുന്നു. ഈ വസ് തു സ്വകാര്യ വ്യക്തി ദാനം നൽകിയതായിരുന്നു. നൽകിയ സമയത്തെ കരാർ വ്യവസ്ഥ മൂലം സാംസ് കാരിക സ്ഥാപനത്തിന് കൈമാറുന്നതിൽ നിയമതടസ്സം നേരിട്ടിരുന്നു. ഇതിനെ അതിജീവിച്ച് സാംസ് കാരിക പഠന കേന്ദ്രമെന്ന നിലയിൽ പദ്ധതി തയ്യാറാക്കിയാണ് ഭൂമി കൈമാറിയത്.