Skanda

20/11/2024

എന്താണ് ബോധോദയം? നിങ്ങളെ... നിങ്ങളുടെ കഴിവുകളെ .. നിങ്ങളുടെ ശക്തിയെ... നിങ്ങൾക്കറിയുമോ? നിങ്ങളുടെ സന്തോഷത്തിന് കാരണം നിങ്ങളാണോ? നിങ്ങളുടെ ദുഃഖത്തിന് കാരണം നിങ്ങളാണോ? നിങ്ങൾ സന്തോഷിക്കണോ ദുഖിക്കണോ എന്ന് തീരുമാനിക്കേണ്ടത് നിങ്ങളാണോ? അതെ... നിങ്ങൾ തന്നെ. നമ്മുടെ ജീവിതത്തിൽ പ്രതിസന്ധികൾ ഉണ്ടായാൽ കരഞ്ഞിരിക്കണോ അതോ പോരാടി ജയിക്കണോ? പലർക്കും പലപല ആഗ്രഹങ്ങളായിരിക്കും. ചിലർക്ക് വിവാഹം കഴിക്കാനാഗ്രഹം. വിവാഹം കഴിച്ചാൽ മുന്നോട്ടുകൊണ്ടുപോകാനുള്ള തന്ത്രപ്പാട്. കുട്ടികൾ ഇല്ലാത്തവർക്ക് കുട്ടികൾ ഉണ്ടാവാൻ ആഗ്രഹം. കുട്ടികൾ ഉണ്ടായാൽ കുട്ടികളെക്കുറിച്ച് ആധി. സുഖദുഃഖ സമ്മിശ്രമാണ് ജീവിതം. സന്തോഷത്തിന്റെ ആധിക്യം അനുഭവിക്കണമെങ്കിൽ ദുഃഖമുണ്ടാകണം. ചിലർക്കെങ്കിലും ഓർക്കാനുണ്ടാകും, അന്ന് കഴിച്ച ചോറിൻറെയും പരിപ്പുകൂട്ടാന്റെയും സ്വാത്, ഇന്നുവരെ കിട്ടിയിട്ടില്ല എന്ന്. കാരണമെന്താണ്? ഒരു പ്രത്യേക സാഹചര്യത്തിൽ വിശന്നു തളർന്നിരിക്കുമ്പോഴായിരിക്കും ആ ഭക്ഷണം കഴിച്ചിട്ടുണ്ടാകുക. അനുഭവങ്ങളാണ് നിങ്ങളുടെ കണ്ണ് തുറപ്പിക്കുന്നത്. നിറയെ സ്വർണനാണയങ്ങൾ ഉള്ള ഒരു ഇരുട്ട് മുറിയിലേക്ക് നിങ്ങളെ കയറ്റിവിട്ടാൽ അതിലെന്താണെന്ന് നിങ്ങൾക്ക് കാണാൻ പറ്റുമോ? ഇല്ല.. നിങ്ങളുടെ ഉള്ളിൽ സ്വർണനാണയങ്ങൾ ഉണ്ട്. അത് കണ്ടെത്തണം. അപ്പോൾ അതിന്‌ വേണ്ടത് വെളിച്ചം. ജ്ഞാനം. അത് കിട്ടിക്കഴിഞ്ഞാൽ അതിന്‌ പറയുന്ന പേരാണ്.. ബോധോദയം... സ്നേഹപൂർവ്വം സ്കന്ദ✍️

19/11/2024

കണ്ണും മനസ്സും. കണ്ണ്, മനസ്സിന്റെ കണ്ണാടിയാണ്. ഒരു മനുഷ്യന്റെ പല വികാരങ്ങളും അവരുടെ കണ്ണിൽ നിന്നും മനസ്സിലാക്കാം. പല സന്ദർഭങ്ങളിലും, പലരും മുഖത്തുനോക്കി സംസാരിക്കുന്നില്ല.. വളരെ വിഷമത്തിലിരിക്കുന്ന വ്യക്തിയാണെങ്കിൽ സംസാരിക്കുമ്പോൾ കണ്ണിൽ നോക്കണമെന്നില്ല.. അതുപോലെ, ഒരു വ്യക്തി, നുണ പറയുകയാണെങ്കിൽ, കണ്ണിൽനോക്കാൻ മടി കാണും. എന്തെങ്കിലും ദേഷ്യമോ വെറുപ്പോ ഉള്ളിലുള്ള വ്യക്തിയാണെങ്കിലും, കണ്ണിലേക്ക് നോക്കാൻ ഇഷ്ടപ്പെടില്ല.. അവർ ചെയ്ത എന്തെങ്കിലും തെറ്റ് നമ്മൾ കണ്ടുപിടിച്ചു എന്നറിഞ്ഞാൽ, കണ്ണിൽനോക്കി സംസാരിക്കില്ല.. നിങ്ങളുടെ സംസാരം ഇഷ്ട്ടപ്പെടുന്നില്ലെങ്കിൽ കണ്ണിൽ നോക്കണമെന്നില്ല.. ചിലരുടെ നാണം, അല്ലെങ്കിൽ confidence ഇല്ലായ്മ, കണ്ണിൽ നോക്കി സംസാരിക്കുന്നതിൽ നിന്നും അവരെ പുറകോട്ടുവലിക്കുന്നു. സമൂഹം എന്തുകരുതും എന്നുകരുതി കണ്ണിൽ നോക്കി സംസാരിക്കാത്തവർ ഉണ്ട്. കണ്ണിൽ നോക്കി സംസാരിക്കുന്നവർ straight ഫോർവേഡ് ആയിരിക്കും. കണ്ണിൽ നോക്കിയിരിക്കുക സ്നേഹത്തിന്റെ ഒരു ഭാഷകൂടിയാണ്. സ്നേഹപൂർവ്വം സ്കന്ദ✍️

18/11/2024

എന്താണ് അവശ്യഹിംസാ? ഏതൊരു കാര്യത്തിനും രണ്ടു വശം ഉണ്ടാകും. ശരിക്കും മൂന്ന് വശമാണുള്ളത്. മൂന്നാമത്തെ വളരെ ചെറിയതായതുകൊണ്ട് ആരും മൈൻഡ് ചെയ്യാറില്ല. ഉദാഹരണത്തിന് ഒരു കോയിന് രണ്ടു വശമാണെന്നാണ് പറയുക പക്ഷെ അതിന്റെ അരികുവശം നമ്മൾ കണക്കാക്കാറില്ല. പറഞ്ഞുവന്നത് നമ്മൾ എന്തുകാര്യം ചെയ്യുമ്പോഴും അതിനു സൈഡ് പറയാനും തെറ്റുതിരുത്താനും വേണ്ടെന്നുപറയാനും ആളുണ്ടാവും. നമുക്ക് എപ്പോഴും സപ്പോർട്ട് തരുന്ന ആളായിരിക്കും ചിലപ്പോൾ ഒരു കാര്യത്തിന് തടസ്സമായി നിൽക്കുന്നത്. പക്ഷെ നമ്മുടെ വിജയത്തിന് അയാളെ എതിർക്കേണ്ടിവന്നാൽ എതിർക്കണം. അതാണ് അവശ്യഹിംസാ എന്നുപറയുന്നത്. അപ്പോൾ ജീവിതവിജയത്തിന് അവശ്യഹിംസാ ഒരു അത്യാവശ്യ ഘടകമാണ് എന്നർത്ഥം. സ്നേഹപൂർവ്വം സ്കന്ദ✍️

16/11/2024

നിങ്ങൾ ഭയപ്പെടുന്നവനാണെങ്കിൽ ഭയപ്പെടുത്താൻ ആളുണ്ടാവും. ഭയമില്ലെങ്കിലും മിണ്ടാതിരിക്കുകയാണെങ്കിലോ, ആ ഭയപ്പെടുത്തൽ സഹിച്ചുകൊണ്ടിരിക്കേണ്ടിവരും. ഇതിനൊരു മാറ്റം വരുത്തേണ്ടതാണ് നിങ്ങളുടെ വിജയം. നിങ്ങൾ ശാന്തസ്വഭാവം ഉള്ളവനാണെങ്കിൽ ഇതിൽ നിന്നും മോചനം കിട്ടാൻ നിങ്ങളുടെ സ്വഭാവത്തിന് ഓപ്പോസിറ്റ് ആയി റിയാക്ട് ചെയ്യേണ്ടതായി വരും. റിയാക്ട് ചെയ്യണം. നിങ്ങളുടെ ഉള്ളിലെ ഭാവങ്ങളാണ് നിങ്ങളുടെ ജീവിതത്തിന്റെ ഗതി നിർണ്ണയിക്കുന്നത്. ഏതു ഭാവത്തിനാണോ നിങ്ങളുടെ ജീവിതത്തിനെ മുന്നോട്ടുകൊണ്ടുപോകാൻ സഹായിക്കുന്നത് ആ ഭാവം നമ്മളെടുത്താൽ നമ്മൾ വിജയിച്ചു. എല്ലാവർക്കും എല്ലാവരോടും ഒരേ ഭാവമല്ല എന്നത് ഒരു വസ്തുതയാണ്. എന്നോട് ഒരാൾ നല്ല രീതിയിൽ പെരുമാറി എന്നുവെച്ചു അയാൾ നല്ലവനാണെന്നും അതെ ആൾ വേറൊരാളോട് മോശമായി പെരുമാറിയാൽ മോശക്കാരനാണെന്നും പറയാൻ പറ്റില്ല. ഓരോ സാഹചര്യങ്ങളും, ഓരോ കാഴ്ചപ്പാടുകളും, ഓരോ വ്യക്തിത്വങ്ങളും വിഭിന്നമാണ്‌. സ്നേഹപൂർവ്വം സ്കന്ദ ✍️

14/11/2024

06/11/2024

കുഞ്ഞുകുഞ്ഞു അറിവുകൾ നിങ്ങളിലേക്ക് പകർന്നുകൊണ്ട്, നിങ്ങളിലെ സന്തോഷത്തെ കണ്ടെത്താൻ, നിങ്ങളിലെ നിങ്ങളെ തിരിച്ചറിയാൻ, നിങ്ങളിൽ ആത്മവിശ്വാസം പകരാൻ, നിങ്ങളിൽ ആയിരത്തിലൊരുവനെങ്കിലും ഞാൻ മൂലം കാരണമായാൽ അതില്പരം സന്തോഷം എനിക്ക് വേറെയില്ല.
സ്നേഹപൂർവ്വം,
സ്കന്ദ

19/04/2022