20/11/2025
“હું તો માત્ર રસ્તો બતાવીશ, કર્મ તો તારે જ કરવું પડશે.”
આ સંવાદ ના દરેક અક્ષરે સફળતા આપી અંકિત સખિયા ની લાલો ફિલ્મ ને.....
ફિલ્મના ડિરેક્ટર અંકિત સખિયાની ગોંડલ નજીકના નાના ગામ મેતા ખંભાળિયાથી શરુ થયેલી આ સફર કોઈ સપનાથી ઓછી નથી. ફિલ્મ જોવા માટે 30-35 કિમી જવું પડતું, છતાં પણ ફિલ્મો માટેનો જજ્બો કદી ઓછો થયો નહીં. લોકો જ મજાક ઉડાવતા — “તું શું ફિલ્મ બનાવશે..?” — પણ એ મજાક જ અમારી એક દિવસ પ્રેરણામાં બદલાઈ ગઈ.
ધોરણ 8માં જ એડિટિંગની કળા શીખી લીધી, પણ કોલેજના દિવસોમાં સાથીઓનો સાથ જ છૂટી ગયો. છતાં, જીવનના દરેક અનુભવોને ફિલ્મોમાં રૂપાંતરિત કરવાની ઇચ્છા જીવંત રહી.
“લાલો” બનવાનો વિચાર ત્યારે આવ્યો જ્યારે ફંડિંગ ન મળ્યું — પરંતુ વિશ્વાસ અને હઠ જ તો સર્જનશીલતાનું બીજ છે. અને તે યુવા ડિરેક્ટરે એ સાબિત પણ કર્યું.
ફિલ્મના દરેક પાત્ર જીવંત છે — શ્રુહદ ગોસ્વામી ભગવાન કૃષ્ણ તરીકે શાંતિ અને કરુણાનો અહેસાસ કરાવે છે, જ્યારે કરણ જોશી “લાલો” તરીકે એક તૂટેલા પણ સત્યવાન માનવની ઝલક દેખાડે છે. રીવા રાચ્છ તુલસીના રૂપમાં અટલ સંવેદનાને જીવંત કરે છે.
અંકિત સખીયા કહે છે આ ફિલ્મ બહુ ઓછા બજેટમાં બની, નવા એક્ટરો સાથે બની અને ખૂબ ઓછા શૉ હતા.
ફિલ્મ ચાલી કારણ કે લોકો તેની માનવતા સાથે જોડાયા અને ધીમે ધીમે અમને વધુ સ્ક્રીન આપી. દરેક મુશ્કેલીએ અમને કહાનીમાં વિશ્વાસ રાખવાનું શીખવ્યું.
“લાલો” માત્ર ફિલ્મ નથી, એ છે સંઘર્ષથી સર્જન સુધીની સફર.
ગુજરાતી ફિલ્મ " લાલો "
10 ઓક્ટોબર ના રોજ રીલિઝ થયેલી આ ફિલ્મમાં જુનાગઢ અને આસપાસના દ્રશ્યો ખુબ જ સુંદર રીતે કંડારવામાં આવ્યા છે.
ઘણા સમય બાદ આવી ગુજરાતી ફિલ્મ જોઈ જેમાં હાસ્ય છે, દુઃખ છે, પ્રેમ છે, તિરસ્કાર છે અને ભગવાન પ્રત્યેનો ભાવ પણ છે.
થોડા બજેટમાં બનેલી આ ફિલ્મમાં કલાકારોએ દિલથી મહેનત કરી છે અને તે ખરેખર રંગ લાવી છે.
હિન્દી ફિલ્મોને પણ ટક્કર આપે તેવી ગુજરાતી ફિલ્મ બનાવી છે આ ગર્વની વાત છે!
અપણે સામાન્ય રીતે ભગવાન કૃષ્ણને વાંસળી વગાડતા અને ગોપીઓ સાથે રાસ રમતા જોયા છે,પરંતુ આ ફિલ્મ બતાવે છે કે ભગવાન કૃષ્ણ સામાન્ય માણસ બનીને પણ આપણી મદદે આવી શકે છે. સાચા હૃદયથી ભગવાનને યાદ કરો તો તેઓ કોઈને કોઈ સ્વરૂપે જરૂર આવશે એ જ આ ફિલ્મનો સુંદર સંદેશ છે.
અમારું મન સ્પર્શી ગયેલો એક દિવ્ય સંવાદ
“હું તો માત્ર રસ્તો બતાવીશ, કર્મ તો તારે જ કરવું પડશે.”
પરિવાર સાથે જોવાલાયક ફિલ્મ
તમે જોઈ કે નહીં...?
"જુનાગઢની ધરતી પર બનેલી ફિલ્મ ‘લાલો’
આજે ગુજરાતના સિનેમા જગતમાં એક ઇતિહાસ રચી રહી છે.
લાલો આપણા સંસ્કાર, શ્રમ અને ધરતીની સુગંધને જીવંત કરે છે.
ટીમ લાલો ને દિલથી અભિનંદન....
આ સિદ્ધિ ગુજરાત માટે ગૌરવની બાબત છે.
જય જય ગુજરાત... 🚩
જય જય ગરવી ગુજરાત....🇮🇳
