https://www.facebook.com/1634466123490207/

Theihnak

Home
India
Aizawl
Theihnak

Lungawi soparten nan k*t zatial kai in kan lo hmuak.

08/12/2023

Mizoram cozah minister thar pawl

04/12/2023

Mizoram MLA Hrilawknak Ah ZPM An Tling

Mizoram cozah MLA 2023 hriawlnak ah ZPM party an tling. Party tum pahnih MNF le INC (Congress) in k*m reipi sung cozah an rak sawng aw rero ih tu ahcun Party thar in cozah an tuah thlang ding.

01/12/2023

Tahan Ihsin Khaw Dang Ih Raltlan Duh Hrangah Lamzin Ong Ding

Tahan ihsin hmun dangih raltlan duh hrangah December 2 ihsin lamzin an on sak ding tiah theih a si.

Raltlan duh pawl cun raltlan ding hmin cazin cahnah ih ngan mi cu mipi ralkap duty pawl hnenah an pe ding. Raltlan zo hnu inn lam ih kir sal a theih hrih lo ding tiah theih a si.

30/11/2023

Kalay Nitlaknak Saklam Zin An Kham

Kalay peng nitlaknak saklam (Letpanchaung zin) cu November 30, zan n**i 6 ihsin lamzin khar a si.

Khaw khat le khaw khat khal pal tlaikaiawk tuk lo ding a si. Fang lak lai a si ruangah lo lam hnatuan pawl cu theihthiamnak a um ding.

Dam lonak le thih hlo thu ahcun mipi ralkap lam hruaitu sim theih ding.

Credit: Zofa Pasaltha

30/11/2023

Lairawn ah KBZ pay account an phitmi a tam

Tulai hi Lairawn ih KBZ pay account pawl an phit sakmi a tam zet.
Mi zaan sun lawng ah account 30 luan an phit tin kan thei. Himi ah Bank lam in zianghman tuahsak theimi an nei lo.

Curuangah mipi in kan ralrin theinak dingah kan KBZ pay sungah paisa tampi ret lo hi a tha timi kan run lo than duh.
Paisa a lut le suak a tamtukmi account pawl an phit sak kan zum. Online shop tuahtu pawl account khal an phitsakmi ah a tel.

An tummi cu Dothlengnak hrang paisa lut suak an phit duh ruangah si.

Credit: CNO-UCR

27/11/2023

CNDF in pokpi 60mm kah an zir

26/11/2023

A thawt khal le thawt lo khal ah, hmeh um le um lo khalah buh a rak um cun a rak puar aw thotho. CNDF Fighting 💪

23/11/2023

November 24 ihsin Kalay Airport an ong ding ti thuthang a um. An ong ngaingai asile a lungawi um.

22/11/2023

Mipi Theithernak

Falam peng, Tuphei khua ih ralhrang pawl cu November 22 zing ah an Sakhan an suah san tluh a si.

Ralhrang pawl inkhualtlawng sukso vak pawl ralphaw ih an hman thei ruangah Falam - Kalay lamzin zawh hrih lo dingin CNO in mipi an theihter.

20/11/2023

Kalaymyo Ah Datsi 1 Gallon Ah 34,200 Tiang A Kai, Dawr Khar An Tam

Maha Myin lamzin (မဟာမြိုင်လမ်းမကြီး) an khar ruangah Kalay ah motor pi an lut thei lo ih datsi man na sa zetin a kai, dawr hrekkhat an khar tiah theih a si.

November 20 ah datsi 1 gallon ah 34,200 tiang a kai. Duhduh in lei ding a um lo ih dawr khar an um ruangah dawr onnak hawl a tul. Cu mi hman ah mi pakhat ah 10,000 man hrawng lawng an co thu tualsung mi pawl in an sim.

Lamzin sir ih datsi zuar mi 1 litre ah 7,000 in an zuar tiah theih a si.

Tui k*m September thla khalah lamzin an khar ruangah datsi le thil man na sa zetin a rak kai zo.

20/11/2023

Tio ihsin Kalay lut ding motor an lan thei zo. November 18 ihsin ralhrang pawl in Khaikam ah Tio motor Kalay lut ding an kham ih tuisun (November) sun ah an lutter sal.

Hmailam ah ziangvek a si vivo ding sim thei a si hrih lo.

19/11/2023

CNDF in Tibual Camp an lak lai

18/11/2023

Tio ihsin Motor suak Kalay lut ding pawl cu Ku-mai ah motor ziangmawzat lut an siang lo. Thaisun lam ah teh an lut thei kei maw, Thlacamnak in bawm cio uh si.
November 18, 2023

18/11/2023

Falam khawsung, Cinmual veng OPD tlun zin ih Salai Van Bawi Lian umnak inn cu November 17 zan n**i 8:40 hrawng ah a kang. Ziangruangah a kang ti theih a si lo.

18/11/2023

Kalaymyo Letpanchaung, November 17, n**i 7 hrawngah ralhrang pawl ih bomb kap mi a tla ih mi 3 in hriam an tuar.

17/11/2023

CNDF vs CNA (Zosaw ralhrang lam ṭang?)

Tibual sakhan lak thu ah CNDF dotu le cimitter duhtu unau Hakha pawl cun ralhrang mi 29 Mizoram ih an tlann lut ruangah CNDF cu ralhrang lam ṭang tin an paisa ngahnak ding ah thuhla an vorh darh ciamco. Hakha unau pawl in an mino le mipi in CNDF le Falam peng mi hua dingin ci an tuh ciamco.

CNDF cangvaihnak le sakhan an lak mi khal thuphan a phunphun in an puh ih an vorh darh ciamco ṭheu. Falam peng sung mi lala in CNDF hi hua hai sehla cem seh ti thinlung nei in ṭongkam mawi lo le thuphan an post ciamco.

Tu khalah Tibual sakhan ih ralhrang tlan suak pawl cu Ralhrang le CNDF an ṭangtlang tin mipi thinlung ti siat an tum.

* CNDF cun kan k*t ih pek awk maw nan duh Mizoram ih pekawk tin duhhril ding
an pe. A sung pe dingin duhhrilnak an pek mi a si, an kaih mi a si hrih lo.

* CNA/CDF-Hualngo in Ṭio sakhan an lak hnu (Tlawngkai nihnih zing-November 14) ih Mizoram palik k*t ih ralhrang pe aw mi kha CNA/CDF-Hualngo k*t sungta va lut an si. India ih pe aw dingin an k*t sangta kha an fial sawn a si thu kahawknak ih teltu in a sim.

Zoha ralhrang lam ṭang sawn tiah cun an kaih cia mi hman Mizoram ih lut dingin fialtu kha CNA/CDF-Hualngo an si maw?

Zoha thuphan phuah ih online ih porak le mi deusawhtu pawl? Mahte tawhlip ah an cang sawn lo sawm

Dothlengnak tuahtu lakah ralhrang lam ṭang an um nan zum maw? CNA/CDF khalin an k*t sungta India ah tlan dingin an fial sawn mi hi va dem ding a um lo. Ral kawl hi a buaithlak. Thu an thiam sawn ti ruat theih a si.

A Thupi bik cu kan ral pawl in a sung an pek hi a thupi bik mi a si. Mi that dingih raldo pawl cun mithat mizia an mah ah a um ih ram ṭha khal sehla mi hnoksak an si theu. Mi that dingin raldo hlah uh, ralhrang sung dingin raldo uh, nehnak in a lo pan sawn ding.

Tlangkomnak

Diktak ten sim ahcun hi vek thu ah online paisa hawl pawl in hriamkai pakhat le pakhat, peng pakhat le pakhat huatawknak le buainak um thei mi, k*m reipi tiang cinat lo huatawknak um thei mi hi thuphan phuah rero ding a si lo. Hivek pawl in lungrual thei lonak a suakter thei.

Minung zo cio khal ṭan mi kan nei thluh ding, cucu leitlun thil um dan a si. Raldonak hi fand zawng ih ruat ding a si lo. Hlasak zuamawknak khal a si lo, bawhlungsit zuamawknak le Celebrity zuamawknak le award pekawknak khal a si lo ti kan theih a ṭha.

Ralhrang pawl hi thah cimit ding in ṭhalpau dothlengnak a si suak lo, an thuneihnak hmang thei lo nawn lo ih sung dingin dothlengnak a suak mi a si. Doawk an duh lo ih an sakhan an suah san thluh, a sung an pe a si ahcun va thah kherkher a tulnak a um lo, doawknak dan khal a si lo ti kan theih a ṭha. Raldo ṭul lai ah kan ral kan kawl, rawl kan cawm, CDM an tuah ruangih paisa tam pi kan pek hnakin ralthuam leinak ah hmang sawn sehla, Chin ramkulh sungah ralhrang um nawn lo in sakhan tlan san thluh sehla cerek cem ṭul lo, paisa pek ṭul lo, nunnak thap ṭul lo a si ih raldonak nuam bik a si sawn ding. Doawk ciamco a ṭul lo cun vanzam ih bomb thlak khal kan tuar lo sawn dingih mipi khal kan hna a ngam sawn ding.

A hleice in Hakha unau pawl hi peng khat le peng khat huatawknak lam hawi, paisa hawlnak ah an hmang tuk hi thil ṭha a si lo. Mipi tling thinlung khal a si lo, rim a cu zo.

Hi video hi paisa ngahnak lawng hawl ih ṭan bul le ṭan lo bul nei a si dah lo. A hmun ih feh le phone in thuhla confirm ṭheu a si. A video post mi pawl hi rintlak lo a um dah lo ruangah “Zoha ralhrang lam ṭang sawn” timi online ih elawknak hrangah ṭansan le thu dik hailangtu ah ka run hmannak a si.

Himi lo khal ralhrang tlannak dingin lamzin an on mi a hmun ih hmutu pawl in an hmu, sim ding tampi an nei.

16/11/2023

November 16 zan n**i 6:30 luan ah Vaphai lam ah ring zetin bomb vei 3 a tla. Khui tawk ciah ah a tla ti theih a si lo, Varpi kiangkap khal a si thei.

16/11/2023

Falam Feng Tibual Ralhrang Sakhan CNDF In An La

CNDF in November 15 zing ah Tibual ralhrang sakhan an va sim ih ralhrang mi 2 an thi, sakhan khal an ur kang sak.

16/11/2023

NUG hin ralhrang kuat tlung lo dingin India hi a nor thei lo si kei maw, nor harsa si khal le nor ve rero ding si.

16/11/2023

Zokhawthar Thar Ih Ralhrang Tlan Lut Pawl India In Moreh Le Tamu Ramri Ah Kuat

India le Myanmar ramri Tio sakhan CNA le CDF in an lak ttum ih Zokhawthar thar ih ralhrang tlan lut pawl cu Indian Army le Indian Air Force tangtlang in Mi-17 helicopter pahnih in Moreh ramri ah a ret ih Tamu lam in Myanmar ramsung an lut tiah theih a si.

IAF Helicopter pahnih cun Mizoram Champhai district ih Hnahlan khua ihsin India le Myanmar ramri khawpi, Manipur ramkulh ih Moreh leilung km 300 hla hrawngah international border paltlang in ralhrang pawl hi November 14 ah a ret.

Sahimnak hawl ih Zokhawthar ih ralhrang lut pawl hi mi 41 hnakih mal lo an si ih hriamtuar ruangah Champhai sizung ih ret mi khal an um. Times of India cun mi 39 Myanmar ram ih kuat tlung mi lakah ralbawi sinak sang mi 2 an tel tiah a tarlang.

Indian defence thusuah mi ahcun Mi-17 helicopter hi Myanmar airspace lut lo dingin an kil. Ram pahnih tuantlaknak tha zet a si, Myanmar rakap mi 2 hrawng India ah an lut sal ti kan thei ih annih khal a tuvekin kan kuat tlung sal ding tiah an tarlang.

15/11/2023

Falam Mipi kan zaten' mangbang anhai tuk lo in aw...

Ralring tluktu um lo ti bang in, a tulmi timlamnak le ralringnak pawl cu bulpak le innsang tin in kan tuah pei.

Tualsung um mino pawl tla mipi kan kilhim ding caan hi tu vek caan ah a si!

Lungrual zet ih kan tangkhawm ahcu felfai ten a cangsuak thluh ko ding!

Tha nau lo le beidong lo in aw!
Ziangkim theitu, titheitu le neitu Pathian in umpi ding!

Thlacamnak thawn thazang lak in kan timtuah tulmi lawng kan ruat pei!

Credit: Falam Regional Committee

15/11/2023

Ramri Sakhan Lak Sal Dan Ding Ralhrang Pawl In An Relkhawm, A Tul Asile India Hnen Khalah Bomnak An Dil Tum

Chin ramkulh Falam peng Rihkhawdar le Tio ralhrang sakhan CNA le CDF in an lak thu thawn pehpar in Hakha khawpi ih ralhrang hotu pawl cu November 15 ah emergency meeting an nei tiah theih a si.

Zing 9:30 ihsin ramkulh ralhrang cozah le North-West Military Command
Deputy commander in emergency meeting an ko ih ramri vuanci khal a tel. Hi thurel khawmnak ah Rihkhawthar ralhrang sakhan le Tio sakhan la sal dingin na sa zetih kah an tum thu an rel tiah ralhrang sung telin a sim thu Zalen in a tarlang.

N**i 2 sung thurel khawmnak ah Deputy commander le Minister of Borders an thinheng zet. Ramri sakhan 2 an sung ruangah lak sak sal ding le a tul a si ahcun India lam khal bomnak dil ih thianfainak an tuah tum thu Deputy commander in a sim.

15/11/2023

Var Sakhan Ralhrang Pawl An Tlan Thluh

Falam peng Var ralhrang sakhan ih ralhrang pawl cu November 15, sun n**i 1 hrawngah an sakhan an suahsan thluh ih Falam ralhrang hmunpi ah an lut.

Ralhrang pawl hi Rihkhawdar, Tio le Tibual sakhan an lak ruangah mipi kilhimtu in kah an phang ruangah an tih ih an tlam thluh.

15/11/2023

Kalaymyo November 15 zing ah ralhrang pawl in Kawlkulh le Khawpisip karlak lilawn, Kawlkulh le Pingkhungli karlak lilawn cu JCB in an nor siat tiah theih a si.

15/11/2023

CNDF In Ralhrang Sakhan 4 An Lak Zo Mi

Tibual (CNDF) November 15, 2023
မြောက်စည်း (CNDF le a tuanpi) November 5, 2023
Khampat khawpi (CNDF le a tuanpi) November 6, 2023
Var (CNDF) April 10, 2023

15/11/2023

CDF-Hualngoram in Tio zin an ong sal thu an tarlang.

15/11/2023

Rihkhawdar le Tio ralhrang sakhan ih an ralthuam CNA le CDF in an lak sak mi pawl.

15/11/2023

Tibual Sakhan CNDF In An La Fel Zo

Falam peng, Tibual khua ih ralhrang sakhan cu CNDF in November 15, zinglam n**i 5 hrawngah an la fel tiah theih a si.

Sakhan laknak ah khat lam khat lam thi le hriamtuar theih a si hrih lo. Ralhrang tlan suak khal an um ih ralthuam ziangmawzat an lak sak.

November 13 khalah CNA le CDF pawl in Falam peng, Rih sakhan le Tio sakhan khal an rak lak sak zo. CNDF in April 10, 2023 ah Var sakhan an rak lak sak zo tiah theih a si.

14/11/2023

Tio sakhan lak ttum ih ralhrang mi 43 India ram ih tlan pawl cu India cozah in November 14 zing n**i 9 ah helicopter in Myanmar ah an kuat tlung tiah theih a si.

12/11/2023

Ralhrang pawl ih raldonak vanzam an kap tla

Karen ramkulh ah China tuah mi raldonak vanzam K-8W, 20 million man cu mipi kilhimtu pawl in an kap tla. National Unity Government (NUG) cun mizan sun ah 1111 operation Karen ramkulh ih hriamhreikai pawl bomb tlaktu ding vanzam cu Thantaunggyi peng, November 12 ah hmuh a si thu an tarlang.

11/11/2023

Chin Star Winner Mai Van Mal Nei

Chin Star final zuamawknak cu November 11 ah an nei ih Mai Van Mal Nei in winner a ngah.

Mai Van Mal Nei hi Falam peng, Khawpual khaw mi Pa Van Uk Thang le Nu Lal Than Mawi tei' fa, unau 4 lakah nauta bik a si.

10/11/2023

Kalay peng saklam Yarzagyo zebet sakhan (2) an lak video

09/11/2023

Kalaymyo saklam Yarzagyo zebet thawnginn cu mipi kilhimtu pawl in November 3 ah an va kap. Cu tawk ih ralhrang tlan suak mi 4 cu meithal 2 telin November 9 ah an kai sal tiah NUG in an tarlang.

09/11/2023

Khampat SAC ralhrang camp kan lak lai ah November 5 ah ram hrang nunnak hlantu Pa raltha Salai Lal Pek Thanga ruak cu tluang te'n an vuiliam.

09/11/2023

Kalay peng thlanglam မြောက်စည်း palik camp ih ralthuam an lak sak mi pawl

09/11/2023

Tonzang peng palik sakhan in mi 3 le Tamu peng Khampat palik sakhaan in mi 1 cu October thla ah Tonzang mipi uknak pawlkom hnenah hriamhrei tel lo in pum an pe aw tiah theih a si.

09/11/2023

1027 Operation Lehrulnak Ding Meeting Ah Henry Van Thio Tel

Shan ramkulh saklam cu October 27 ihsin MNDAA,TNLA, AA in na sa zetin operation an tuah ih ralhrang sakhan tum le sakhan te telin sakhan 150 hnakih tam an lak sak zo tiah theih a si.

2017 Operation lehrulnak ding ah ralhrang NDSC cun November 8 ah thurel khawmnak an nei ih Pu Henry Van Thio a tel tiah theih a si.

09/11/2023

Khampat Palik Sakhan Lak Sak Ttum Ah Ralthuam Ziangmawza An Lak Sak

Khampat khawpi palik sakhan ah lak ttum ah mipi kilhimtu pawl in ralthuam ziangmawzat an lak sak tel. 5 mechine gun, G3 meithal 3, shotgun 2, muruk thun pistol 2, cerek bawm 3, walkie talkie 2, namte 5 le ralkap hman mi thilri pawl an lak sak.

09/11/2023

Arsenal 2-0 Sevilla [FT]

(Trossard 29', Saka 64')

09/11/2023

Bayern Munich 2-1 Galatasaray [FT]

(Kane 80', 86') (Bakambu 90+3')

Address

Aizawl
796001

Telephone

+919856504305

Website

facebook.com

Alerts

Be the first to know and let us send you an email when Theihnak posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Theihnak:

Videos

CNDF in pokpi 60mm kah an zir

A thawt khal le thawt lo khal ah, hmeh um le um lo khalah buh a rak um cun a rak puar aw thotho. CNDF Fighting 💪

CNDF in Tibual Camp an lak lai

CNDF vs CNA (Zosaw ralhrang lam ṭang?)

Falam Feng Tibual Ralhrang Sakhan CNDF In An La

Falam Feng Tibual Ralhrang Sakhan CNDF In An La CNDF in November 15 zing ah Tibual ralhrang sakhan an va sim ih ralhrang mi 2 an thi, sakhan khal an ur kang sak.

Tio sakhan lak ttum ih ralhrang mi 43 India ram ih tlan pawl cu India cozah in November 14 zing nazi 9 ah helicopter in Myanmar ah an kuat tlung tiah theih a si.

Kalay peng saklam Yarzagyo zebet sakhan (2) an lak video

Khampat SAC ralhrang camp kan lak lai ah November 5 ah ram hrang nunnak hlantu Pa raltha Salai Lal Pek Thanga ruak cu tluang te'n an vuiliam.

A thupthiar in ralhrang do an tul

A thupthiar in ralhrang do an tul Mipi raldo dan khal theihthiam a tul

Tio Ah Kahawknak A Suak ih Jet Fighter A Zam Falam peng Rihkhawdar ahmat (2) veng Tio ah August 10 zinglam nazi 5 hrawngah mipi kilhimtu le ralhrang an kapaw. Tio kiang tlangpar ih um ralhrang pawl le mipi kilhimtu an kahawk hnu, zing nazi 9 hrawngah raldonak (Jet Fighter) a zam. Zingih kahawknak ah Rih ihsin ralthuam tum an kap ih Tio khawsung khalah a tla. Khawsung mi hriamtuar an um tiah theih a si. Mipi kilhimtu lam thi le hriamtuar an um le um lo theihfiang a si hrih lo.

Kalaymyo thlanglam Tayakung khua ah doawknak a dai thei hrih lo.

Kalaymyo thlanglam Tayakung khua ah kahawknak boruak a dai thei hrih lo. August 8 khalah ralhrang le mipi kilhimtu pawl an kap aw.

Kalaymyo Ni 3 Sungah Ralhrang 45 Hrawng An Thi

Kalaymyo Ni 3 Sungah Ralhrang 45 Hrawng An Thi Kalaymyo saklam le thlanglam Aungust 2 ihsin ni 4 tiang, ni 3 sung, ralhrang le PDF (Kalay) battalion 1, 2, 5, 6, 7, 8, 12, ပ.က.ဖ (Kalay), CNDF, CDF-KKG le RKDF tangtlang na sa zetin an kapaw ih ralhrang 45 hrawng an thi tiah PDF (Kalay) ih tarlang mi ihsin theih a si.

Vakok-CNDF in raldonak lawng si lo, hriamtuar hrangah tuamhlawmnak an tul.

Vakok-CNDF ဒီနေ့တိုက်ပွဲမှာ တိုက်နေရင်းကျည်ကုန်သွားလို့ နာရီဝက်အတွင်း ကျနောတို့ရဲဘော်တွေ အများကြီးအထိနာခဲ့ရတာပါ။ကျနော်တို့ကို ကျည်ဖိုး လှူပေးကြပါဗျာ...🙏🙏 #နိုင်ငံတကာ ပြည်ပကနေလဲ လှူပေးလို့ရပါတယ်ခင်ဗျာ 4.8.2022 Vakok-CNDF in raldonak lawng si lo, hriamtuar hrangah tuamhlawmnak an tul.

Tamu peng ရန်လင်းဖိုင်‌ khua, June 8 sun nazi 2:30 hrawngih kahawknak ah PDF (Tamu) Battalion-3 ကိုစိုင်း in ram zalennak hrangah a nunnak a liam.

#RIP PDF (Tamu) Battalion-3 ကိုစိုင်း Tamu peng ရန်လင်းဖိုင်‌ khua, June 8 sun nazi 2:30 hrawngih kahawknak ah PDF (Tamu) Battalion-3 ကိုစိုင်း in ram zalennak hrangah a nunnak a liam. Upatnak sang bik thawn ralkap dan in an vui liam.