Rengkhawpui

01/06/2023

MJA member pakhat chawlhtîr anih chungchang a thu dik leh RTI chhan loh avanga Dept in sawifiah tura tihna bakah ramri hnai kawng chungchang RTI News hrang hrang te .

Nimin a MJA ten an member pakhat chawlhtîr chungchang chungchang a thudik leh P&e deptt kolasib Dist ten RTI an chhan loh vanga Information commission in saw...

29/05/2023

Kolasib district MJA ten kawngpui thar 4 lane siam tur a compensation pêk a thil diklo awm te an chhui atanga thil lo lang te bihchiang ila..

NHIDCL ten Vairengte to Aizawl inkar kawngpui thar (4 lane) an siam turah ram an lâk a compensation in pêk dânah thil fello a awm ni a hria avang leh hei hi ...

28/05/2023

KAN POLITICS KHELH LEH HRIAT VE DAN HI ..
( Kan sawi ve tawh a nge)

Tunhnaiah thlalak a kan hmuh ang hian Rengkhawpui chanchinbu lan telna post pah a k*mtling lo khuaikhem chungchangah tu ten emaw Party politcs taka he thil hi sawichhuah a, puandarh phet tum an awm niin a hriat a, a pawi tak zet ani. Rengkhawpui News hian tumah sual thup pui a tum lova. He hmeichhe naupang hi Dan in dikna a pêk a hum sak duh vang leh a nun kal zêl tur tana tha ber a hriat anga chhuah a ni a. Mipa hi k*mtling pawh nise ama nihna tarlan anihna lamah hmeichhe naupang nihna hi a chhiartu zawng zawng tana chhui zawn theih loh turin Dan hnuaia a him chinah tarlan ani. Mi thenkhatin a mipa hming tarlan an duh chhan hi chu he thil sual an huatna aiin party in beihna atana hman an duh vang niin alang ani. Heng k*mtling lo chunga pawi khawihna leh zêl hi chu party inbeihna thil ah la lo teh u.

Anih leh tih hian inzawt ang aw.. k*min ah 2023 ah k*mtlinglo pawngsual (POCSO) case hi ka hriat sual loh chuan Vairengte Police station ah case 2 ziah luhna a ni tawh a. A hmasa a mi pawh kha tuna mi ang tho hian tarlan ani a. A ni leh kha kha enge kan buaipui zui chiam lova. A titu kha a huasak/rethei vang leh a tuartu kha an hausak/ rethei vang zawk em ni? Tuna kan buaipui vak chhan hi chu party in chirhtheh nan a hman theih tur thil mai mai anih vang ani. Sual haw tak tak silovin a tuartu naupang nun nen a tih mualpho nawn leh hreh lo hi kan tam viau awm a sin.

Naupang pawngsual leh khuaikhem hi Kolasib district ngei ah hian a thleng fo a. News leh thil dang kan lo hmu zêl em in chhui zui ila. Nik*m 2022 pocso leh a kaihnawih case thlen dan Vanglaini (24th may 2022) in a tarchhuah hi en ila.

KOLASIB DISTRICT DINHMUN

JJB Case (2016-2022)

1. Pawngsual tâwk naupang - 106

2. Kumin bikah naupang pawngsual - 5

POCSO Case (Puitling) (2016-2022)

1. Naupang khuaikhemtu - 69

2. Kuminah naupang khuaikhemtu - 4 -

POCSO case (Naupang) (2015-2022)

1. Thubuai siamsak zat - 26

2. Kumina thubuai siamsak - 1
(2022 December thleng khan POCSO case hi 8 a awm ani : k*m 2022 December thla a kolasib district Crime report in atarlan dan)

Hetiang khawp hian case kan district ah kan ngah a. Hengah hian naupang him zawk nan thil tisualtu hi k*mtling pawh nise puan loh a tam zawk ani. Tuna taka engvangin nge thil tisualtu hi thup anih? Ti a rak rak ho khan tuna taka thup anih loh zia chu alang chiang viau awm e.

Tin, ka sawi tel duh hram chu rulling anni emaw opposition anni emaw tute hnên atanga sum hmuh leh thamna lâk/hmuh avanga an thil tih sual ngawihsan tura min lo ngai te kan awm anih pawh dem viau tur an awm lo lem lova, amaherawhchu chu in hre fû viau lo tih kan sawi tel hram ang e. Tute emaw an sual thup pui tur a min tlem an awm chuan an neih zawng zawng pawn a daih ka ring chiah lo ani. 😀

A tawp berah chuan vanduaithlak takin heng hi kan fanu chungah pawh lo thleng palh ta se, case hi anih tur ang anih tawh avang leh thil tisual titu hi man anih tawh avângin mi zawng zawng hriat a puan nawn leh emaw kan fanu mualphona zau zawk thleng thei hi kei pawhin ka duh lo bawk ang.
(A nih loh chuan damchhung tan huamin thilsual tirtu hi talh ve ani mai 😡)

27/05/2023

DT.27.5.2023 RENGKHAWPUI NEWS

Banglaveng ah Truck lian leh Bike insu in Bike khalhtu hliam tuar lovin boral zui
Vairengte Dated 27th May 2023 : Nimin zing dar 6:30 vel khan Banglaveng a SDO(C) quaters zawn, National Highway kawngpui ah Truck (12 wheel) B/R No. NL01AD-7334, Kalain, Assam lam pan a kal leh Bike(Splendor )B/R No. AS11R3821 chu an insu a. Bike khalhtu Babul Hans Das (31) s/ o Azad Hans Das of Channighat, Cachar, Assam chu a hliam tuar lovin a boral zui a ni.
Vairengte Police Station a report atanga alan danin ninim zing dar 6:30 vel khan Vai-rengte Bangla Veng ah Truck lian (12 wheel) NL0 1AD-7334, Kalain, Assam lam pan tlan leh Bike Splendor (AS11 R3821) chu an insu a. Bike khalhtu Babul Hans Das (31) S/o Azad Hans Das of Chan nighat, Cachar, Assam chu Vairengte Damdawiin panpui a ni a, amaherawhchu a hliam tuar lovin a ahnu deuh lawkah a boral zui a ni. Hetihlai hian Bike a chuang ve, a mi phurh Faiz Uddin Majumdar (53) s/o Sajad Ali Majum dar, Hawai thang, Cachar, Assam pawhin hliam tuar ve bawkin anih hi CIJWS lam enkawl tur a phur chho a ni a. He mi hnu hian enkawl zui turin Silchar lamah an phur thla leh ni a thu dawn a ni.
An chetsual dan chung chang ah hian thu dawn danin Bike hi Silchar lam atanga CIJWS lam pana tlan niin an hman hmawh deuh ni a sawi a ni a. Helai kawng kual lai takah hian an hma ah motor pakhat tlanin hemi leh pelh a tumna ah hian an lam pana Truck lian lo tlan hi a va su zui ta niin an sawi a. Truck lian hi a tlan chak lutuk lo ni a thu dawn a ni bawk. Bike khalhtu hian Truck bum -per/ ke hma bawr vel hi ava tauh/su ni a hriat a ni a,Bike hi a tluk na, dinglama cover vel chhe nualin leg guard a tlum lut a, a hnunglam spring a kawih bakah a ke a dik lova, ala nawr lir theih thung a ni. Hetihlai hian Truck erawh he chetsualna ah hian chhia a awm ve lem lo ni a thu dawn a ni.
Nimin khan mitthi hi Vairengte damdawi in ah postmortem nghal a ni a. Postmortem report atanga alan danin Balul Hans Das hi a chetsualna ah khan a a nak dinglam ruh tliak nual in hei hian a thin a zuk tichhia a. Hei hi a thihpui chhan ber niin doctor chuan a sawi a. Heibakah hian a tukhum lamah hliam neiin a ke dinglam khup ruh a lang theih bakah a ngal rek bul ah a ruh a tliak nual ni a thu dawn a ni bawk. Hetih lai hian Bike hnunga chuang hi a hliam dan kim chang erawh kan hre thei rih lo thung a ni.
He chetsualna boral ta, Babul Hans Das hi CIJW School-a Civil Defence Employees, Masalchi thawk lai a ni a. A nupui leh a fapa k*m 5 mi vel a kalsanin a ruang hi Vairengte CHC ah postmortem a nih hnuin a chhungte hnenah hlan a ni. Hetihlai hian Truck khalhtu,Abul Kashim Talukdar S/o Ataur Rahman Talukdar,, Gumra Bazar, Katigora, Cachar, Assam leh a lirthei khalh hi Vairengte Police ten an lak nghal a ni a. He chetsualna hian case ziah luh niin Truck driver hi U/S 279/338/304 ‘A’ IPC hmanga thu buai siam sak a ni.

Tunhnaia thil thleng MHIP ten sawifiah
Tunhnaia k*mtling lo khuaikhem chungchang social media lamah sawi zui anih vak avangin nizan khan Vairengte Block MHIP te chuan thil thlen dan leh an hmalak dante thuchhuah siamin an sawifiah. Block MHIP te chuan khawtlanga thil thleng chung changah MHIP chuan hma theih tawpin a la nghal niin an sawi a, a tuartu chhungkaw lam pawh hmalak dan tur thlenga rawnin an ngaihven zui a ni. Hetiang thil ah hian a tuartu chhungkaw lam ngaihven loa,kawng zawh leh rik hluai hian thil tha ber a thlen chuang lo va, a tuartu te zai ngaiin hma a la zawk thin a ni,an ti a. Dan ang taka a tisualtu chunga hremna lekkawh anih tawh chuan a tuartu hma lam hun thlenga ngaihtuah telsak hi MHIP tum anih avangin, tlang thang kher lova hmalak chu MHIP kal dan a nih thu an sawi bawk. Hetihlai hian he case hi Rengkhawpui pawhin a thlen ni khan Police lam zawtfiah nghalin POCSO case niin a tuartu hi k*mtling lo anih avangin amah chhui zawn theihna tur ang chi reng reng tarlan a rem loh thu Police te chuan an sawi a. Hei vang hian thil tisualtu hi k*mtling tawh pawh nimahse a tisualtu tarlan anihna lamah a tuartu hriat theihna tura awm theih avangin he thil hi chipchiarin tarlan a ni ta lova,tarlan tawh angin he thubuaiah hian Police te chuan case siamin a tisualtu pawh hi Court ah thawn ani tawh a ni. Hetihlai hian nimin lam khan hemi chungchang hi social media lamah rawn darh leh hluai in thil tisualtu thup tum anga puhna te, MHIP ten hmalakpui tha duh lo leh thlavang huapui lo anga sawi te a awm a. Hei hi mithenkhat khatin party in beihna anga kalpui chho in sawi zui a hlawh viau a, a tuartute hi chhungkaw khawsak tha lem lo tak anih avanga hmalakpui duh lo anga sawi te a awm mek bawk a ni. Hetihrual hian Police lam chuan engkim Dan anga case kalpui ni tawhin thil tisualtu hi Jail-ah an thawh tawh thu an sawi bawk.

Ramri hnaih kawng siamthat la zo lo.
Ramri hnaia Kawng siam mek chu la thawh chhunzawm zel niin an zawh hun tur hriat theih ala ni rih lo ni a thu dawn ani. Aitlang hnar leh Middle Aitlang (Sabual) a ramri hnaih kawng siam nan hian PWD enkawlna hnuaiah Estimate cheng Nuai 400 chuang hret ve ve ruahman niin tunah hian boulder lung phah mek ve ve a ni a. Kawng an siam mek hi a chhahlam layer thuma siam tum niin a hmasa berah kawng ti muk hmasain hemi chungah hian boulder lung phah leh tur a ni a, hemi hnu hian pannel concreate pavement a siam leh tura tih a ni.Aitlang hnar lamah 1 km chuang hret phah tur anih laiin Sabual (Middle Aitlang) lam ah erawh 3.729 kms phah tur a tih ani thung. Hna hi a chak lutuk lo ni a thu dawn niin Fur hma hian an zo hman lovang tih a hlauhawm hle a ni.

ATM 2 chhia in siam hun tur hriat rih loh
Vairengte a ATM booth pahnih chu hun engemaw chen atang khan chhe tawhin a siam that hun tur sawi theih ala ni lo ni a thu dawn a ni. Hemi chung changah hian Rengkhawpui chuan Bank a thawktute thu zawtfiah in ATM booth hi a khawl chhung lam a chhiat a vang leh helai a thawktute khawih/siam theih anih loh avangin Engineer te a hmun ah lo kal a, siam a ngai dawn a. Hei hi an hotu lam te pawh hrilh tawhin a buaipuitute lam an lo inthlak avangin an lo kal mai thei lova. Hei vang hian a siam hun tur hi an la sawi thei lo ni a thu dawn ani.ATM booth hi Bang laveng SBI Office bul leh CIJWS area-ah awmin tun ah hian a chhiat dan a in ang chiah a, hei vang hian Vairengte ah ATM hman theih ani rih lova, pawisa la chhuak tur ten harsatna an tawk mek a ni.

MJA ten zirchiang \an dawn
Mizoram Journalist Association (MJA) Kolasib District te chuan Executive committee a an lo rel tawh angin vawiin hian National Highway, kawngpui thar (Four Lane) siam tura compensation pek chhuah tawh leh pek chhuah leh turah thil diklo a awm em tih zirchiang turin Bilkhawthlir an tlawh dawn a. He hun ah hian MJA member te kal vek tura beisei niin Vairengte atangin Rengkhawpui Editor pawh a kal dawn a ni.

Inkawmhona nei
Nimin khan Vairengte Block MHIP hruaitute chuan Police OC Pu Mawitea hmuin in kawmhona an neihpui a ni. He hunah hian MHIP ten an hmalak thin dan te in hrilh hriatna leh thawhho dan tur te an sawiho ni a thu dawn a ni.

ILP check 176 awm
Nimin piah zing dar 8 atanga nimin zing dar 8 thleng khan Vairengte Police checkgate kal tlangin lirthei 430 leh khualzin 921 an lo lut a, hnamdang ILP check mi 176 an awm bawk. Lirthei lo lut zingah hian Oil phur 21 leh LPG phur 13 a tela ni. Hemi hun chhung vek hian Mizoram a\anga lirthei chhuak 419 awmin Oil phur 37 leh LPG phur 15 an awm a, Mizoram atanga state pawna chhuak mi 832 an awm bawk.

Police Station report
Nimin khan Vairengte Police Station ah thu buai /FIR lut pakhat awmin hei hi Road Accident thihna thleng (Fatal) case a ni a.He chetsualna thleng a Truck khalhtu hnamdang 1 leh handyman hi lock up ah an kawl mek a ni.

Operation e.roll
Ni zan khan Vairengte a Congress party North leh South Group huamchhunga Unit hruaitu te chu Bangla veng YMA Hall ah kalkhawm in E-Roll chungchang a hmalak dan tur in hrilhhriatna an nei. He hunah hian MPCC General Hqtr. hruaitu mi engemawzat lo kalin he an hmalakna hi Operation 'E' Roll programme tih a ni a. He hunah hian k*min inthlan atana Eroll chungchang a hriat tur pawimawh awm leh hmalak dan tur te inhrilhhriatna an nei a ni.

Jail tang 81 awm
Kolasib District Jail mi 134 tan theihna ah nimin tlai thleng khan tang mi 81 awm in, thubuai ngaihtuahlai Under Trail Prisoner (UTP) ah mipa 47 leh hmeichhia 8 an awm a, Court in thiam loh a chantir case lian lutuk lo SI Convict avanga tang mipa 18 leh hmeichhia 1 an awm bawk a, hrehawm tak a hna thawk chunga jail tang tura tih RI Convict mipa 7 an awm bawk.

Raltlante school-ah
Bilkhawthlir High School chuan Manipur atanga raltlan rawn kal mi 5 te chu a thlawnin an school ah luh tir. Tarlan tawh angin tun dinhmunah Bilkhawthlirah raltlan hi 198 an awm mek a,. Bilkhaw thlir North lamah raltlan hi 126 an awmin, Bilkhawthlir South lamah 72 an awm mek bawk.

Raltlan 2786 awm
Nimin tlai dar 5 thleng khan Kolasib district chhung a khua leh veng 43 ah Manipur a\anga zohnahthlak raltlan chhungkaw 609 member 2786 an awm tawh a. Ral -tlan hi Kolasib bialah 816 awm in, Serlui bial ah 1699 an awm bawk a. Tuirial bial ah 283 an awm mek bawk.

Minister in raltlan kohkhawm te hun a hmanpui
Nimin chawhnu khan Kolasib Town Jt VC Assn chuan Kolasib Town chhunga Manipur raltlante chu Tuithaveng Community Hall-ah kokhawm in, hun an hmanpui a, he hun hi Kolasib bialtu MLA Pu K. Lalrinliana, Minister chuan a hmanpui.Minister Pu K. Lalrinliana chuan thu sawiin, tunhma chuan Mizo leh Mizo kan in do thin a, chuvang chuan hmun hrang hrangah thendarhin kan awm phah ani, tiin, hun a lokal a, tunah chuan kan tum reng vang nilovin hruaikhawm in kan awm mek ani, a ti. Minister chuan kan neih ang ang kan ei ho anga, kan theih angin kan intuamhlawm zel ang tiin, Mizorama Tlawmngai pawl hrang hrangte nen hmun dang atanga lokal kan unaute kan tuamhlawm inkan ngaihven reng ani, a ti a. Zohnahthlak peng hrang hrang- Hmar, Paite, Thado, Kuki, Lai, Mara leh a dang tam tak te chu Mizo kan nih angin kan tawng hman apiang kha Mizo tawng a ni, tiin, Zohnahthlakte hi kan inpumkhat chuan hnam lian leh ropui takah Pathian in min siam ang, a ti. Minister chuan, tuna sahimna zawnga Mizorama rawn lut te chu an chenna hmunah let leh duh an awm chuan an let leh thei anga, an let duh lo anih chuan Bairabi bulah chhungkaw 100 awm theihna tur ram a awm thu a sawi. Supply Minister chuan, 'One Nation One Ration Card' kalpui mek anih thu sawiin, Manipur atanga rawn raltlan te paw'n Manipurah Ration Card an nei anih chuan, kha mi hmang khan Mizorama an awmna hmunah an chanpual Buhfai Ration an lak theihna turin sokarin ruahmanna a siam thu a sawi a, raltlante chu hatsatna an neih chuan a hnenah thlen zel turin a chah bawk. Minister chuan Manipur atanga sahimna zawnga Kolasib Town chhung veng hrang hranga cheng mek te tan Buhfai quintal 45; Alu quintal 2.5 leh Dailuah quintal 1.5 a pe a, hengte hi veng hrang hrangah sem ani ang. Kolasib Town chhunga raltlan awm te kohkhawmna hun hi Kolasib Town Jt VC Assn Chairman Pu C. Rothuamluaia'n kaihruai in, raltlante aiawhin Pu Vara Varte in thu a sawi. Tunah hian Kolasib Town chhunga veng hrang hrangah raltlan chhungkaw 231 awm in, mi 1117 an awm mek a ni.

NEWS TAWI
: Vawiin hian Kolasib district Hospital OPD No. 5-ah Beng, Hnar leh Hrawk lama harsat na nei tan ENT Specialist Dr. Lalram nghaki, Aizawl a \hu dawn a, registration hi zing dar 9 a\anga chhun dar 12 thleng tih theih a ni dawn ani
: Hmar Student’s Association, Kolasib Jt. Hqrs. chuan vawi in hian Kolasib ah Charity Concert an nei dawn.Nimin piah leh nimin khan Vairengte, Kawnpui leh Bilk charity concert hi an lo nei tawh a ni.
-a paih turin ti :CYMA chuan nimin khan CEC hnenah hian Mizoram a\anga mahni duhthu a Tri pura-a pem Bru-te Mizoram Electoral Roll a\anga paih hna kalpui mek chak taka kalpui tur leh, k*min k*m tawp lama Mizoram inthlanpui hma ngeia paih kim turin an ngen.

27/05/2023

DT.26.5.2023 RENGKHAWPUI TUALCHHUNG NEWS

Futsal chhuat tur chhung zo tawhin fencing siam leh nghal dawn..
Venghlun Field No.1 a Futsal siam mek chu nimin khan a chhuat tur chhunzawh ni tawhin a hungna (Fencing) pawh an siam leh nghal dawn ni a thu dawn a ni. He Futsal inkhelhna hmun siam chungchangah hian thu dawn danin he hna hi DRDA dept lamin thawkin sum he deptt a sum awm ang ang te bialtu MLA Pu Lalrinsanga Ralte in a pawhkhawm tir a. Hei vang hian sum hman tur zat bithliah (estimate) pawh awm lem lovin a rem chan anga thawh tawp a nih thu dawn a ni. He hna buaipuitu Deptt mi leh sa erawh a hman/awm loh avangin Pu Oliver-a’n he hna hi alo enkawlpui ni a thu dawn a ni bawk. Tun dinhmunah Dept lam hi chuan a chhuat an chhun leh a hungna (Fencing) siam bak hi an thawk rih dawn lo ni a thu dawn a ni a, hemi bak hi chu Bialtu MLA in a tul angin hma a lak zawm tawh dawn ni a thu dawn a ni bawk. DRDA atanga Vairengte a Futsal siam chungchang ah hian nimin vek khan Rengkhawpui chuan Kolasib DRDA Project Director thar chu be pawp in thil awm dan a zawtfiah a. Projector Director hi tunhnai khan an inthlak avang leh ani hi a thar zawk niin a hna hi a la zawm chiah loh thu a sawi a, hei vang hian a hriatpui rih loh thu a sawi a ni.

Ramri hnaih sipai riahna tur Barrack sa zo tawh
Sabual mual,Middle Aitlang a ramri hnai Sipai duty te riahna tur Barrick chu sak zawh fel ni tawhin rawng pawh an hnawihfel vek a ni tawh a ni. Barrick hi a bang leh chhuat Cement/brick a siam a ni a, a chungah Dynaroof hmangin Celling pawh siam a ni a, a sirah lawm theih turin Sintex lian pangngai 2 dah a ni bawk.

CZS leh Jt.YMA ten tanpuina hlan
Nimin khan CZS netu, Pu Mawitea,Kolasib chuan Va-irengte a raltlan te mamawh tur ei leh in tur thahnem tak, Joint YMA kal tlangin a rawn pe ni a thu dawn a ni. Raltlan te tan hian CZS chuan Buhfai - Bag 60, Alu-Bag 12, Purun-Bag 2, Chini -Bag2,Dal -Bag 4,Chi-Bag 1,Tel -Box 4 te a ni a. Heng thilpek te hi Joint YMA te chuan Vairengte a VC bial 4 a Village Level Com mittee on Refugee te hnenah Refugee tam dan a zir ang zelin an sem nghal a ni.Tin,Jt. YMA te hnen ah Pu Robinson Hmar,BJP aiawha Serlui bial viltu hnen a tanga Rs.5000/- a dawn pawh nimin zing khan Re fugee Camp nei Committee te kutah an hlan nghal a,Sum hi VC-Iah Rs. 1000/-,VC III (IOC) ah Rs. 1000/- leh VC -IV (Stateveng) ah Rs.3000/- an pe a ni.

Science building sa mekin VHSS zirlai thahnem
Vairengte Higher Sec. School a Science building thar chu sak mek zel a ni a. Science buliding hi tunah a bang plaster hna thawk mekin thla thar lamah an zawh hman beisei a ni. Hetihlai hian VHSS pawhin tunkar atang khan class kal tan tawh in tun dinhmun ah Class-XI ah zirlai 110 (Arts-90 leh Sc.-20) vel awmin Class-XII ah zirlai 64 ( Arts-47 leh Sc.-17) vel an awm mek a, admission ti thar pawh an awm belh zel ni a thu dawn a ni bawk.

|anpuina hlan
Nimin zing khan ZPM Hall Veng/ Venglai Unit te chuan an Unit huam chhung a raltlan te hnen ah tanpuina thilpek engemawzat an hlan. ZPM Hallveng/Venglai Unit te hian Manipur buai avanga zohnah thlak rawn raltlan te hnen ah hian Alu bag1, Tel case 1, Purun sen kg 5, Dal kg 10 , Nghaum, Zikhlum kg 9, Hmar chapui leh Bawkbawn te an hlan ni a thu dawn a ni.

ILP check 158 awm
Nimin piah zing dar 8 atanga nimin zing dar 8 thleng khan Vairengte Police checkgate kal tlangin lirthei 525 leh khualzin 884 an lo lut a, hnamdang ILP check mi 158 an awm bawk. Lirthei lo lut zingah hian Oil phur 34 leh LPG phur 20 a tela ni. Hemi hun chhung vek hian Mizoram a\anga lirthei chhuak 390 awmin Oil phur 317 leh LPG phur 18 an awm a, Mizoram atanga state pawna chhuak mi 422 an awm bawk.

Tanky zo hnai tawh
Vairengte Auto stand chhak a Elevated Water tanky sak mek chu an zo hnai tawh ni a thu dawn a ni. He tanky hi helai a sipai duty te leh vengthar te chawm thei tur a beisei niin a hnuai hi luah theih tura siam a ni a. Rawnghnawih leh thuam that deuh ngai la awmin tunkar a an zawh loh pawhin kar thar ah zawhfel an tum a ni. Tankyy panna kawng hi tunhnai khan PHE dept ten flooring siam in hei hi nghah ro a ngaih avang in hna a ti khaihhlak deuh ni a thu dawn a ni bawk.

Raltlan 2744 awm
Nimin tlai dar 5 thleng khan Kolasib district chhung a khua leh veng 43 ah Manipur a\anga zohnahthlak raltlan chhungkaw 599 member 2744 an awm tawh a. Ral -tlan hi Kolasib bialah 766 awm in, Serlui bial ah 1695 an awm bawk a. Tuirial bial ah 283 an awm mek bawk.

CLF meeting dawn
NRLM Bilkhawthlir Block hnuaia Serlui CLF te chuan vawiin hian Bilkhawthlir VC North conference hall ah General Body Meeting nei dawn. Serlui CLF hnuaiah hian Village Organisation 10 an awm a. General Body meeting hi Block Mission Director Henry Malsawmtluanga BDO ni bawk chuan a hmanpui ang.

NEWS TAWI
dawn: Vawiin tuktuan eikham hian VC-I area a raltlante awmna tur sak hnatlang neih leh a ni dawn a. Pu Z.Lalremliana In hmun,2nd lane ah i nghahkhawm tur niin In sakna ken tur a ni.
hlan:Nimin khan Mizoram Pradesh Youth Congress Committee chuan Thingdawl leh Kolasib Rengtekawn-a Manipur state tualchhung buaina avanga raltlante awmkhawmna hmun tlawhin, \anpuina an hlan.
la lut:Chakma Autonomous Dist Council 11-na Chief Executive Member (CEM) a tan MNF hruaitu Pu Rasik Mohan Chakma chu rinawmna thu tiam tira lakluh a ni.
:PM Modia chuan nimin khan Dehraduh atanga Delhi tlan tur Vande Bharat Express chu vailiam.

25/05/2023

DT.25.5.2023 RENGKHAWPUI NEWS

Kolasib District MJA ten Kawngpui thar siam tur a Compensation pek chhui chiang dawn
Vairengte Dated 25th May 2023 :Nimin khan Mizoram Journalist Association (MJA) Kolasib District te chuan Executive meeting neiin he hunah hian an pawl hmalakna turte sawiho a ni a. Meeting hmasa a an lo rel tawh angin NHIDCL ten kawngpui thar (4 lane) an siam turah compensation pekchhuah tawh leh pekchhuah leh turah thil diklo a awm em tih zirchiang turin hun remchang hmasa ber ah hmalak an tum a ni.
MJA, Kolasib District Executive Committee meeting hi Pu S. Lalhmachhuana In, New Diakkawn, Kolasib ah neih a ni a. He hun hi Kolasib District MJA President Pu Andrew Vanlal-auva’n kaihruai in meeting ah hian a hmaa an lo rel tawh NHIDCL ten kawng pui thar (4 lane) kawng an siam turah dik lo taka compensation pekchhuah tawh leh pek leh tum chungchang chu chhui chian nise,an ti a. MJA President Andrew VL Auva chuan compensation chu central sum anih vangin a theih ang anga lak a pawi lo ti a sawitu ten diklo taka sum lakluh pawizia an hre lo tih a sawi a, diklo taka sum lakluh hian hmasawnna hna thawh dangah te leh kawng hrang hrangin nghawng a nei thin tiin hetiang thil hi a punlun zel lohna tura MJA ten hma kan lak hi thil tul tak a ni tih a sawi. Meeting ah hian Committee hmasain a lo rel tawh angin, National Highway Four Lane siam tura compensation pek chhuah tawh leh pek chhuah leh turah thil dik lo a awm em tih zir chiang tura hma lakna hmasa atan hun rem chang hmasa berah Bilkhaw-thlir-ah zin/kal nise, an ti a. A hun tur chu President leh Secretary-in lo ruahman se an ti. Hemi chungchangah hian a tul angin sorkarah pawh RTI hmang a zawhna zawh belh ni se, he thil an zirchiana an thil hmuhchhuah te chu a darh zau thei ang berin mipui hriatah puanzar ni se,a \ul a nih chuan thuneitute hnenah bawh zui tura thlen ni bawk se an ti a ni.
Tarlan tawh angin Kawng pui thar siam turah ram an lakna Compensation hi package 3 leh 4 te a huan lo ram neitute hnenah zangnadawmna sum hi sem a ni tawh a. Hetianga sum pek chhuah dan leh pek leh tum dan ah hian thenkhat ram leh thlai pawh nei mumal lova compensation sum tha hnem tak dawng te an awm ni a hriat a ni a.A tir a ram nei lemlo, ram lo nei ve leh ta tawpte,thlai awm mang lo, awm teuh anga dah te leh ram in neih thuah leh hmun hma ruak,nei tu in siam chawp ang chi te a awm ni a hriat a ni a. Heng hi a theih ang anga zir chiangin Kolasib District MJA te chuan hma lak an tum a ni.
Meeting chuan Dt. 4.5.23 to 15.5.23 inkar chhunga Dehra dun leh a chhehvel tlawh a MJA Press Tour an neih chungchang an thlir let a. Chanchinbu miten an mamawh tak exposure tour an nei thei chu lawmawm an ti a. Press Tour an neih theih nana advertisement tihchhuah tur awmte pawl tana tichhuak tura member chanchinbu neite inhuamna ah lawmthu an sawi a. Journalist-te hian exposure tour an mamawh thin avangin, hun dangah pawh press tour hi neih leh zel dan zawn chhunzawm zel ni se an ti bawk. Tin, Kolasib Project venga Press Club sak mek chu hawn theih a peih thuai tura hma lak ni se an ti a. Hmalak chhunzawm dan turah remchang hmasaah member-ten a hmuna en hovin ruahman na siam ni se,an ti bawk.

Vairengte ah Chief Minister-in mi 798 MNF ah lawmlut
Nimin khan Chief Minister leh MNF President ni bawk Pu Zoramthanga chuan Serlui MNF Joint Block Conference, Vairengte Multipurpose Hall a neih hmanpuiin he hunah hian mithar mi 798 a lawmlut.Pu Zoramthanga chuan an party ah mi 798 lawmlutin MNF in an party zawm thar zat te hi a dik takin an sawi thin tih a sawi a, lawmluh zat dik tak zel chauh sawi turin kalkhawmte a ngen nghal bawk. Hetiang zat Serlui bial pumpuia lawmluh tur in nei hian Bialtu MLA in duh zia, thlantlin leh ngei in duhzia a tilang chianga a ngaihthu a sawi bawk. MNF President Pu Zoramthanga chuan 'Serlui bial, ramria awm ten, mi hrat khawkheng bialtu in nei hi lawmawm ka ti. Tifuh in inti tulh tulh dawn a ni' a ti. Kumin k*m tawp inthlanpui lo awm turah MNF chuan candidate turah buaina an nei lo tih sawiin ZPM chuan green signal pek thuah an nei nual,a ti.Serlui bialtu MLA Pu Lalrinsanga Ralte, Adviser, MNF Gen. Hqrs. pawhin thu sawiin, 'MLA danglam ni turin in bulah ka intiam a. Pathian leh nangmahni zarah MLA term khatna kan hmang zo dawn ta reng mai. In hmaa din a, in tan theihtawp chhuah zel hi ka tum a ni. Pathian hian MLA hi mahni intihropui nan leh mahni tanghma haihna tur atan min hlangkai niin ka hre lo,Pathian leh nangmahni zarah ka tling leh dawn tih ka sawi ngam. Pathianah ka innghat anga, a dawtah nangmahniah ka innghat a ni. Ka theih ang angin ka thawk ang a, in tan ka awm reng ang. Helai bialah thisen zawmpui ka nei lova, nangmahni hi ka unaute,ka zawmpui te in ni, In tan dingin, ka tlanchhe ngai lovang' a ti bawk.

Phullem siam mek leh futsal siam mek enfiah
Nimin khan VEZFA hruaitute leh Media mite chuan YMA Field a phullem phah mek leh Field No.1a Futsal siam mek te a hmunah an enfiah. Nimin lama Field panna kawnga kawr dai kainna chhia anga sawi chu enfiahin hei hi hnathawktute chuan Pipe phum a, lei a an hnawh mai tur thu an lo sawi a. Field ah hian JCB luh tir an duh avangin tha zawk a siam an tum thu an sawi a, nimin khan achhe lai hi lei an lo hnawh tawh a ni. Tin, an enfiah hmasak a Pavil lion hnunglam AC block an siam chu lo thlak tawhin a ban pawh siamin brick an lo rem a, hetihrual hian beam siam tel an tum loh chu tha ti lovin a a beam hi dah tur in an ti nghal a ni. Tun dinhmun ah harsatna an neih hran loh thu thawktute chuan sawiin Rora supply chu a cha tlak thin thu an sawi a,pipe an phum tur chu a tlem tawh thu an sawi bawk.Tin, Field No.1 a futsal siam mek pawh tlawhin a chanve aia tam cement an lo chhung tawh a.Hetihlai hian leveling mumal awm lovin an chhung tawp ni a hriat a ni a.He hna contract tute an awm loh avangin hun remchang ah sawii pui leh an tum a ni.

CM hnenah thlen
Nimin khan khawtlang hruai tute chuan Chief Minister Pu Zoramthanga hmu in Vai rengte Higher Sec. School (VHSS) chu Lump sum Grand in Aid atanga Adhoc Grand in Aid ah hlang kai anih thuai theih nan ziak in an thlen ni a thu dawn a ni. He hunah hian khawtlang hruaitute chuan VHSS chu Adhoc Grand in Aid ah hlan kai a nih theih nan Forest IB ah Chief Minister hi hmu dil na lehkha an pe , he hunah VHSS pawimawh zia leh Adhoc a hlan kai an mamawh zia te an hrilh nghal ni a thu dawn a ni.

College lut duh tan admission hawng \an
Vawiin atang hian Vairengte a College din turah Admission a tih tan theih dawn a,May ni 30,2023 thleng hun hawn a ni ang. Vairengte College (Pvt)-ah hian HSSLC or Equivalent pass-te tan admission dil theih a ni a, Admission tihna form hi Social media lamah download theih a dah niin Admission tihna hmun hi SDO (C) Office,Vairengte a ni. College ah hian Subject lak/thlan tur 5 awmin chungte chu- English, Mizo, History, Political Science leh Economics te a ni dawn a ni.

Hming thlak
Nimin khan VC-II te chuan hriattirna tichhuakin Hermon veng a awm, Field veng Thlan mual ti a thenkhatin an lo hriat tawh chu veng pahnih, Field veng leh Chhim veng ten an in \awm tawh dawn avangin, thil thui tak ngaihtuahin a hmaa khawtlang hruaitu hmasa ten an lo phuah tawh angin Aitlang Thlanmual tih tur a ni tih khaw tlang mipuite an hriattir a ni.

ILP check 301 awm
Nimin piah zing dar 8 atanga nimin zing dar 8 thleng khan Vairengte Police checkgate kal tlangin lirthei 487 leh khualzin 951 an lo lut a, hnamdang ILP check mi 301 an awm bawk. Lirthei lo lut zingah hian Oil phur 37 leh LPG phur 20 a tel.a ni. Hemi hun chhung vek hian Mizoram a\anga lirthei chhuak 390 awmin Oil phur 37 leh LPG phur 16 an awm a, Mizoram atanga state pawna chhuak mi 977 an awm bawk.

Centre mi boral
Nimin chawhnu dar 2:30 vel khan Pu Lerhhlunthanga (Golgo tha Camping Centre a enkawl lai) chu Vairengte CHC ah a boral a. A ruang hi nizan khan Golgotha Centre-ah lumenpui niiin IOC veng YMA leh VC te nen an sawiho angin tukkin zingah thlan laiin vawiin chawhma dar 11:00 hian IOC veng thlanmual ah vuiliam a ni ang.

Raltlan 2703 awm
Nimin tlai dar 5 thleng khan Kolasib district chhunga khaw hrang hrangah Manipur a\anga zohnahthlak raltlan chhungkaw 585 member 2703 an awm tawh a. Raltlan hi Phainuam ah tam berin 272 an awm tawh a, Rengtekawn in dawt in 250 an awm bawk a, Vairengte-II ah 226 an awm bawk.

CM-in bilkhawthlir ah Rest House leh quarters hawng
Nimin zing khan Chief Minister Pu Zoramthanga chuan Bilkhawthlir a PWD Rest House leh Chowkider quarters sak thar a hawng. Chief Minister Pu Zoram thanga chuan Bilkhawthlir a Rest House \ha tak sak, hawn theiha a awm ta chu lawmawm a tih thu a sawi a. Ramri buai, Covid leh vawk hri avanga harsatna an tawh thute sawiin, kan \henawm buai avanga raltlan \hahnem tak lo awm nen sawrkar tan pawh a lu haithlak thu sawiin, chutiang chunga hetiang dinhmun an thleng thei chu lawmawm a tih thu a sawi. CM chuan Covid vanga sum hmuh tur cheng vaibelchhe 3000 vel zet an hmuh loh avang in sum lamah harsatna an tawk nasa hle tih thu leh sum puk a ngaih phah tih a sawi a, a dawt lehah tupawh lo sawrkar se he leiba hi an vawm hlum hman angem tih hi ngaih tuah tham a ni,a ti bawk. Khualzahawm Serlui bialtu MLA Pu Lalrinsanga Ralte chuan Chief Minister hmalakna avanga Rest House tha tak a bial chhunga sak a ni chu lawmawm a tih thu a sawi bawk. Technical report a a lan dan in, Rest House hawn thar hi ni 15.12,2020 khan sak \an niin,asak nan hian Rs. 4,12,39, 000/- sen a ni a, building hi chhawng 3 niin, a basement ah hian Dormitory leh Kitchen Cum Dining hall a awm a, Ground Floor ah Ordinary room 8 awm in, First floor ah VIP room 2 leh Ordinary room 7 leh Lounge a awm bawk a ni. He Rest House hi Kolasib district a Rest house lian leh tha ber a nih thu sawi lan a ni.

Mizoram aiawhin
National Muaythai Championship 2023, Tamil Nadu khawpui Chennai a tun thla ni 26-30 chhung a neih turah Mizoram aiawh in mi 5 an kal dawn a, an zingah hian Kolasib College Veng tlangval pahnih Lalrinhlua s/o PC Laltlanliana leh Roney Lalchhuan sanga s/o R. Lalchhuanmawia te chu Mizoram aiawhin an tel dawn a, vawiin hian Lengpui Airport a\angin Chennai an pan ang. Mi 5 kal tur te hi Kolasib mi tih loh mi 3 dang te hi Aizawl mi an ni.

MIMA in Labour law hman duh lo
Mizoram Merchant Association (MIMA), an office-a Executive meeting neih chuan Mizoramah Labour Law hman an duh loh thu leh, Mizo hnam kal zelah pawh hman a tha lo a nih thu an sawi. MIMA hruaitute sawi danin hei hi sorkar kal tawhah pawh MIMA ngaihdante lain tun thlengin la hman loh a la ni a. State dangah pawh proprietorship angah chuan hmang an la awm lova, factory lian, insurance company, private bank, private hospital lianahte chauh hman a ni a. Law Court-a inkhinte, hnathawh mamawh hun lai taka kar neiha nawrh huaihawtte, hnathawh hun laia danin a phalsak anga chawlh lak te, thil tam tak thleng tawh leh thleng mek a awm a ni an ti. MIMA hruaitute sawi danin tunhnaiah Council of Minister meeting-ah Shops and Establishment Acts leh Minimum Wages hman chungchangah LESDE Department-in proposal siamin a ngaihtuah nia hriat a ni a. Hei hi Labour Law chiah a ni a, hei hi ngun taka ngaihtuaha, sumdawnna kawnga hnam kal zel tur ngaihtuah a ti lo turin MIMA chuan sorkar a ngen a. Hnam upa zawk leh sumdawnna kalpui hmasa zawkten proprietorship-a an hman loh hi engvangin nge Mizoram hian a hmanna chhan tur MIMA chuan a hre lo tih an sawi a ni.
NEWS TAWI
: Pi Flora Lal\anpuii, District Programme Officer, Wo men & Child Development, Kolasib District chu Joint Director-ah a kaisang a, a post ruak hi Pi Lal thlengkimi, CDPO, Bilkhawthlir ICDS Project chu kawp tura tih a ni a,nimin khan charge a la nghal ani
dawn:HT High School, Kolasib |umpui chuan vawiin tlai dar 4:30 hian HSLC pass thar te lawmpuina hun an hmang dawn a, he hun hi Kolasib bialtu MLA Pu K. Lalrinliana, Minister chuan khuallian niin a hmanpui ang.
:Mizoram Sorkar, Home Dept thuchhuah in a tarlan danin Mizoram Forensic Science Laboratory chuan June 1, 2023 atanga tanin a tak takin lehkha tel lovin (Paperless) Forensic Report an kalpui tawh dawn