20/11/2022
Jadi ada 1 keluarga di kampung ini, d**g terkenal dengan 💣bom-bom ikan 🐟 (DOPIS)... jadi 1 kampung itu paling takut dorang keluarga itu, jadi 1 waktu pace d kena musibah. Dopis 💣meledak di dalam perahu tapi ⛵ pace d selamat, tapi pace pu tangan deng kaki putus(cacat), jadi pace d cuma duduk di kursi roda saja...
Sudah pace ni d bilang buat d pu ade, d bilang ade tong stop bom-bom ikan 🐟 sudah 😃 ko lihat kaka ni su tra bisa jalan, tinggal di kursi roda saja, tapi d pu ade tra mo dengar 👂...
Sudah besok pagi-pagi begini d pu ade pergi bom-bom ikan 🐟 lagi, tapi pas d su dapa lihat ikan 🐟 karna banyak d cepat-cepat bakar🚬💣 dopis.. jadi pas d mo lempar.. perahu ⛵ oleng karna ombak, sudah terlambat jadi dopis meledak di dalam perahu ⛵💣
Pace d pu keponakan dapa lihat👁️, d bilang ooh tra bisa.. itu bapade yang meledak di laut itu, anak kecil ni d bikin lari ke rumah.. langsung d kasih tau d pu bapa..
Sudah, orang-orang di kampung itu d**g bantu pergi angkat pace d pu jenazah.. jadi d**g bilang kita harus pemakaman skrg ini, jadi sudah.. orang-orang semua menuju ke kubur, d**g sampe saja su magrib itu pun belum mulai ibadah..
Skrg ibadah berlangsung, jadi pendeta ada sementara berdoa... Tiba-tiba pace ko berdiri di tengah-tengah dorang.. boh.. siapa yang mo tunggu lama, orang-orang semua termasuk pendeta dengan majelis d**g semua baku taru bubar..
Jadi anak kecil ni d lari su sampe di rumah, baru d dapa ingat d pu bapa🤔... d bilang tuhar bapa ada tatinggal dengan kursi roda di kuburan, tiba-tiba d**g pu pintu rumah bunyi..
Tok,tok,tok,tok... anak kecil ni d bilang sa buka pintu k tidak e ? Tapi karna takut, dalam hati d bilang adoh ini bapade ikut sa dari kuburan tadi kapa ? Gara-gara tadi sa lari pulang, tapi anak kecil d paksa buka pintu saja..
Pintu pas tabuka begini d lihat kiri kanan tidak ada orang, d pas mo tutup pintu cepat-cepat begini pintu tra bisa tatutup....d pu bapa malintang di bawah pele pintu baru bilang... ko angkat bapa ke dalam dolo cepat, anak kecil ko kaget baru tanya ? Bapa, bapa jalan bagaimana sampe bisa tiba di rumah sini ? d pu bapa bilang... Ko tidak tau bahwa bapa ulat sagu dari kuburan sampe di rumah sini k, d tanya lagi.. bapa baru kursi roda ?.d bapa bilang pas yang orang tabongkar itu sudah bapa jatuh dari kursi roda, bapa ada sempat balik muka. Bapa lihat ko pu bapade yang duduk di akan, makanya bapa kasih tinggal untuk ko pu bapade...
😂😂😂🙏
HUMOR CANDA TAWA
