Khit Ta Media -KTM

28/08/2023

ရေးမြို့တွင် တိုက်ပွဲဖြစ်ပြီး စစ်တပ်ဘက်မှ ၉ ဦးသေဆုံး

သြဂုတ် ၂၈

မွန်ပြည်နယ်၊ ရေးမြို့နယ်၊ သံကဒိုက်ကျေးရွာအနီး ဩဂုတ်လ ၂၈ ရက်နေ့ ညနေ ၄ နာရီခွဲအချိန်တွင် အင်အား ၁၅၀ ဝန်းကျင်ဖြင့် စစ်ကြောင်းထိုးလာသော စစ်တပ်နှင့် ကျားဖြူစစ်ကြောင်းအကြား တိုက်ပွဲဖြစ်ပွားခဲ့ကြောင်း ကျားဖြူစစ်ကြောင်း က တရားဝင် သတင်း ထုတ်ပြန်သည်။

ယင်းတိုက်ပွဲတွင် အကြမ်းဖက် စစ်ကောင်စီ ဘက်မှ ၉ ဦးသေဆုံးကာ အများအပြားဒဏ်ရာရခဲ့ကြောင်း၊ ကျားဖြူစစ်ကြောင်းဘက်မှ ရဲဘော်တစ်ဦး မစိုးရိမ်ရ ထိခိုက်ဒဏ်ရာရရှိခဲ့ကြောင်း ထုတ်ပြ်ချက်တွင် ပါရှိသည်။

28/08/2023

မဝေးတော့သည့်ကာလတွင် နေပြည်တော်၌ PDF အလံစိုက်ထူနိုင်တော့မည်ဟု NUG ကာကွယ်ရေး တာဝန်ရှိသူပြော

" နေပြည်တော်ဟာ စစ်အာဏာရှင်တွေရဲ့ နောက်ဆုံးသင်္ချိုင်းဖြစ်ရမယ်လို့ ပြည်သူလူထုကို တင်ပြလိုက်ပါတယ်" - ဦးမောင်မောင်ဆွေ

သြဂုတ် ၂၈

ပြည်သူ့ကာကွယ်ရေးတပ်မတော်(PDF)များနှင့်တိုင်းရင်းသားမဟာမိတ် တော်လှန်ရေးတပ်များ ပူးပေါင်းပြီး စစ်ကောင်စီတပ်ကို ဒေသအများအပြား၌ တိုက်ခိုက်လျက်ရှိရာ စစ်ကောင်စီတပ် အထိနာလျက်ရှိနေပြီဖြစ်ကြောင်း အမျိုးသားညီညွတ်ရေးအစိုးရ(NUG) ကာကွယ်ရေးဝန်ကြီး ဌာန ပြောရေးဆိုခွင့်ရှိသူ ဦးမောင်မောင်ဆွေက ယနေ့ ရှင်းလင်းအသိပေးခဲ့ပြီး ဝေးတော့သည့် ကာလတွင် နေပြည်တော်၌ PDFအလံ စိုက်ထူနိုင်တော့မည်ဟု ပြောကြားခဲ့သည်။

ကရင်၊ ကချင်၊ ကရင်နီ၊ ချင်း ဒေသများနှင့် နေပြည်တော် အနီးတဝိုက်အပါအဝင် ဒေသအများအပြား၌ စစ်ကောင်စီတပ်များ အထိနာအောင် PDFနှင့် မဟာမိတ်တော်လှန်ရေးတပ်များက ဆောင်ရွက်နိုင်ခဲ့ကြောင်း ရှင်းပြသည်။

“ဒါကြောင့် ကျနော်တို့ ပြည်သူလူထုကို တင်ပြချင်ပါတယ်။ မဝေးတော့တဲ့ကာလမှာ နေပြည်တော်မှာ ကျနော်တို့ ပြည်သူ့ကာကွယ်ရေးတပ်မတော်ရဲ့ အလံတိုင်ကို စိုက်ထူနိုင်တော့မယ်။ မဝေးတော့တဲ့ ကာလမှာ နေပြည်တော်သည် စစ်အာဏာရှင်တွေနဲ့ စစ်တပ်ကြီးစိုးရေး ဝါဒရဲ့ မြေမြှုပ်သင်္ဂြိုလ်ရာ နေရာဖြစ်ရမယ်။ မဝေးတော့တဲ့ကာလမှာ နေပြည်တော်ဟာ စစ်အာဏာရှင်တွေရဲ့ နောက်ဆုံးသင်္ချိုင်းဖြစ်ရမယ်လို့ ပြည်သူလူထုကို တင်ပြလိုက်ပါတယ်” ဦးမောင်မောင်ဆွေက ပြောသည်။

မကြာမီ ကာလအတွင်း ဖြစ်ပွားခဲ့သည့် တိုက်ပွဲများကိုလည်း ရှင်းလင်းပြောကြားခဲ့ရာ ကချင်လွတ်လပ်ရေးတပ်မတော်(KIO) ဌာနချုပ် လိုင်ဇာအနီးရှိ နမ့်ဆန်ယန်ဒေသ တိုက်ပွဲအခြေအနေကိုလည်း ထည့်သွင်း ပြောကြားခဲ့သည်။ နမ့်ဆန်ယန်ကို ဇူလိုင်လဆန်းကတည်းက ထိုးစစ်ဆင်တိုက်ခိုက်နေသည်မှာ နှစ်လနီးပါး ကြာသော်လည်း စစ်ကောင်စီတပ်သာ အထိနာခဲ့သည်ဟု ဆိုသည်။

"အဲဒီ နှစ်လနီးပါး အတွင်းမှာ ထိုးစစ်တိုင်း လန်ပြီးတော့ အရာရှိ စစ်သည် အမြောက်အများလည်း ကျဆုံးနေတယ်ဆိုတာ ပြည်သူလူထုလည်း သိရှိပြီးဖြစ်ပါတယ်”ဟု ဦးမောင်မောင်ဆွေက ပြောသည်။

ထိုသို့ ကျဆုံး၍ နမ့်ဆန်ယန်ဒေသသို့ ထိုးစစ်ဆင်ရန် ငြင်းဆန်သည့် တပ်ရင်းမှူးများ ငါးဦး ဖမ်းဆီးခံထားရကြောင်း၊ ခလရ(၁၂)၊ ခလရ(၁၃)၊ ခမရ(၄၁၁)၊ ခလရ(၃၇)နှင့် ခမရ(၃၈၇)စသည့် တပ်များမှ တပ်ရင်းမှူးများက နမ့်ဆန်ယန်ဒေသကို တိုက်ခိုက်ရန် ငြင်းဆန်၍ ဗန်းမော်ရှိ အမှတ် ၂၁၊ စစ်ဆင်ရေးကွပ်ကဲမှုဌာနချုပ်(စကခ-၂၁) တွင် ဖမ်းဆီးစစ်ဆေးခံနေရသည်ဟု ၎င်းက ဆိုသည်။

ပြီးခဲ့သည့်လများအတွင်းကလည်း မြောက်ပိုင်းတိုင်း တိုင်းမှူး ဗိုလ်ချုပ်ကိုကိုမောင်နှင့် အပေါင်းအပါများ ၊ ကချင်ပြည်နယ် နယ်လုံဝန်ကြီး ဗိုလ်မှူးကြီး အောင်ကြည့်ဝင်း၊ ဒုတပ်ရင်းမှူး အောင်နိုင်ဦး၊ တပ်မ(၃၃) တပ်မမှူး ကိုကိုလွင်၊ တပ်မ(၈၈) တပ်မမှူးနှင့် ဗိုလ်မှူး ၂ဦးကိုလည်း နေပြည်တော်မှ ဖမ်းဆီး စစ်ဆေးနေသည်ကို သိရှိရသည်ဟု ပြောသည်။

စစ်ကောင်စီအနေဖြင့် စစ်ရေး၌ ရှုံးနိမ့်တိုင်း ၎င်းတို့ တပ်တွင်း၌ ဖြုတ်ထုတ်သတ် လုပ်ငန်းစဉ်များကို လုပ်ဆောင်နေပြီး မိသားစုဝင်များ၏ ပိုင်ဆိုင်မှုကို သိမ်းခြင်းများကို ခပ်စိပ်စိပ်လုပ်နေသည်ဟုဆိုသည်။

တိုက်ပွဲများ၌ ထိခိုက်သေဆုံးမှုများသည့်အပြင် ဗျူဟာမြောက်လက်နက်များကိုလည်း တော်လှန်ရေးတပ်ဖွဲ့များက သိမ်းဆည်းရရှိခဲ့သည်ဟု ပြောသည်။

လက်နက်ကြီးများ အပါအဝင် ခဲယမ်းမီးကျောက် အများအပြား သိမ်းဆည်းရရှိခဲ့ပြီး (၁၂၀)မမများနှင့် ပွိုင့်ဖိုက် စက်သေနတ်၊ အခြား လက်နက်များနှင့် ခဲယမ်းများစွာ ပါဝင်ကြောင်း ရှင်းပြသည်။

“အဲဒီ လက်နက်တွေနဲ့ပဲ ရန်သူ့လက်နက် ကိုယ့်လက်နက်လုပ်ပြီးတော့ စစ်ကောင်စီကို ပြန်လည်တွန်းလှန် တိုက်ခိုက်ခြေမှုန်းနိုင်နေပြီဆိုတာကို ပြည်သူလူထုကို ထပ်လောင်းပြီး တင်ပြချင်ပါတယ်။ စစ်ကောင်စီ အနေနဲ့ စစ်ရေးစွမ်းရည်တွေ အဖက်ဖက်က ကျဆင်းနေတဲ့အချိန် ကျရှုံးနေတဲ့အချိန် ကျနော်တို့ ပြည်သူ့ကာကွယ်ရေးတပ်မတော် အနေနဲ့က ပြည်သူ့ကာကွယ်ရေးတပ်မတော်သားတွေရဲ့ စစ်ရေးစွမ်းရည်ကို မြှင့်တင်ဖို့ တစ်ဆင်ပြီးတစ်ဆင့် စနစ်တကျ တည်ဆောက် သင်ကြားပေးလျက်ရှိပါတယ်”ဟု ဦးမောင်မောင်ဆွေက ပြောသည်။

ပြီးခဲ့သည့်လက အနာဂတ်ဖက်ဒရယ်တပ်မတော်၌ တာဝန်ထမ်းဆောင်နိုင်ရန် ရည်ရွယ်ပြီး တပ်ခွဲမှူးပေါင်း ၃၀၀ကျော်ကို သင်တန်းဆင်းပြီး မွေးထုတ်နိုင်ခဲ့ ကြောင်း၊ တပ်ခွဲမှူးများသည် စစ်မြေပြင်၌ တပ်ရင်းတပ်ဖွဲ့များနှင့်အတူ တော်လှန်ရေးတာဝန်များကိုထမ်းဆောင်နေပြီဖြစ်ကြောင်း အသိပေးသည်။

လက်ရှိတွင် နေပြည်တော် အနီးအနားသို့ ထိုးဖောက်ဝင်ရောက်နေရာယူပြီး တိုက်ပွဲများကို ဖော်ဆောင်နိုင်နေပြီဖြစ်ကြောင်း ၎င်းက ပြောသည်။

နေပြည်တော်နှင့်နီးသည့် တောင်ငူခရိုင် ရှိ ဒေသအများအပြား၌ တိုက်ပွဲများ ဖော်ဆောင်ပြီး စစ်ကောင်စီကို ချေမှုန်းတိုက်ခိုက်နိုင်သကဲ့သို့ ရန်ကုန်မန္တလေး လမ်းဟောင်း၊ ရေတာရှည်၊ ညောင်လေးပင် စသည့် ဒေသများ၌လည်း နယ်မြေစိုးမိုးရေးကိစ္စများ ဆောင်ရွက်နေပြီဟု အသိပေးသည်။ နေပြည်တော် တပ်ကုန်းနှင့် ရမည်းသင်းကြားရှိ စစ်ကောင်စီ လက်အောက်ခံ တပ်သားများကို PDFနှင့် မဟာမိတ် တော်လှန်ရေးတပ်များက ချေမှုန်းတိုက်ခိုက် နေပြီဖြစ်သည်ဟု ဆိုသည်။

နေပြည်တော်နှင့် ၂၅ မိုင်ခန့်သာဝေးသည့် တောင်ပေါ်ဒေသ နေရာများ၌လည်း ယခုလအတွင်း တိုက်ပွဲများ ဖြစ်ခဲ့ပြီး စစ်ကောင်စီတပ် အထိနာအောင် တိုက်ခိုက်နိုင်ခဲ့သည်ဟု ပြောပြသည်။
ထိုသို့ တိုက်ခိုက်ရာတွင်လည်း မြေပြင်၌ အထိနာသည့် စစ်ကောင်စီတပ်က လေကြောင်း ပစ်ကူများ အသုံးပြု တိုက်ခိုက်ခဲ့ရသည်ဟု ရှင်းပြသည်။

လမ်းများအားလုံးနေပြည်တော်သို့ ဆိုသည့် ဆောင်ပုဒ်များနှင့်အတူ တိုင်းရင်းသားဒေသများမှ တဆင့် ပြည်မထဲသို့ ဝင်ရောက်ကာ နေပြည်တော်၊ နေပြည်တော်နှင့် အနီးတဝိုက်၊ ရန်ကုန်၊ မန္တလေး စသည့် ဒေသများ၌ ထိုးဖောက်ဝင်ရောက်နေရာယူထားနိုင်နေပြီဖြစ်ကြောင်း ဦးမောင်မောင်ဆွေက ပြောကြားခဲ့သည်။

28/08/2023

ကျောက်ဂူ အမှတ် (၃၄၉) အမြောက်တပ်ထဲမှာ ပေါက်ကွဲမှုဖြစ်ပွားလို့ စစ်သား ၄ ဦးသေပြီး ၄ ဦး ဒဏ်ရာပြင်းထန်

သြဂုတ် ၂၈

ရှမ်းပြည်နယ် တောင်ပိုင်း၊ ရပ်စောက်မြို့နယ်၊ ကျောက်ဂူရွာ အနီးရှိ စစ်ကောင်စီ အမှတ် (၃၄၉) အမြောက်တပ်ထဲမှာ သြဂုတ်လ ၂၆ ရက်နေ့၊ မနက် ၉ နာရီခန့်က ပေါက်ကွဲမှုဖြစ်ပြီး စစ်သား ၄ ဦးသေဆုံးကာ ၄ ဦး ပြင်းထန်ဒဏ်ရာ ရခဲ့တယ်လို့ ဒေသခံတွေက ပြောပါသည်။

“အဲ့နားက ရွာခံတွေ ပြောတာတော့ သူတို့ဟာသူတို့ ဗုံး error ဖြစ်တယ် ပြောတယ်။ အသံလည်း တော်တော်ကျယ်တယ်။ တချို့ကလည်း လက်နက်ကိုင် အဖွဲ့ တစ်ခုခုက ဝင်ပစ်တယ် ထင်ကြတာ။ အခုထိတော့ ဘာကြောင့်မှန်း မသိသေးဘူး” လို့ ကျောက်ဂူရွာ ဒေသခံ တစ်ဦးက မဲခေါင်သတင်းဌာနကို ပြောပါသည်။

အဆိုပါ ပေါက်ကွဲမှုကြောင့် သေဆုံးခဲ့တဲ့ စစ်သား ၄ ဦးအနက် ၂ ဦးမှာ ဦးခေါင်းပြတ်ထွက်သွားတယ်လို့ အမည်မဖော်လိုသူ သတင်းရင်းမြစ် တစ်ဦးက မဲခေါင်သတင်းဌာနကို အတည်ပြု ပြောဆိုပါသည်။

“သေတဲ့ ၄ ယောက်ထဲက ၂ ယောက်က ခေါင်းပြတ်သွားတယ်။ နောက် ၄ ယောက်ကလည်း တော်တော်စိုးရိမ်ရတဲ့ အခြေအနေပဲ” လို့ သူကဆိုပါသည်။

ပေါက်ကွဲမှု ဖြစ်ပွားရတဲ့ အကြောင်းအရင်းကိုတော့ မဲခေါင်သတင်းဌာန အနေနဲ့ သီးခြား အတည်ပြုနိုင်ခြင်း မရှိသေးပါဘူး။

အဲဒီ ပေါက်ကွဲမှု ဖြစ်ပြီးနောက် အမြောက်တပ်ထဲက စစ်သားတွေ အရပ်ဝတ်နဲ့ ကျောက်ဂူရွာထဲ စုံစမ်းမှုတွေ ပြုလုပ်နေတယ်လို့ ဆိုပါသည်။

ကျောက်ဂူရွာအနီးက အမှတ် (၃၄၉) အမြောက်တပ်ဟာ စစ်သားအင်အား နည်းပါးလာတာကြောင့် တခြားတပ်က စစ်သားတွေ လာရောက်စုရုံးထားတဲ့ တပ်ပေါင်းစု ဖြစ်နေတယ်လို့ သိရပါသည်။

ရပ်စောက်မြို့နယ်၊ အင်တော၊ ကျောက်ဂူနယ် တဝိုက်ဟာ စစ်တပ်နဲ့ SSPP၊ RCSS တို့ကြား မကြာခဏ စစ်ရေးတင်းမာပြီး တိုက်ပွဲငယ်တွေ ဖြစ်လေ့ရှိတဲ့ ဒေသတွေ ဖြစ်ပါသည်။

28/08/2023

ကြောင်ရိုင်း-ရွှေဘိုတပ်မှ ထုတ်လုပ်အောင်မြင် ပြီးစီးသော လက်နက်အချို့ပြသ

သြဂုတ် ၂၈

ကြောင်ရိုင်း-ရွှေဘို ပြည်သူ့ကာကွယ်ရေးတပ်မှ ထုတ်လုပ်အောင်မြင် ပြီးစီးသော လက်နက်အချို့ကို ယနေ့ သြဂုတ်လ ၂၈ ရက်နေ့တွင် ထုတ်ပြန် ပြသလိုက်သည်။

ကျနော်တို့အဖွဲ့ဟာ ရွှေဘိုမြို့နယ် တိုက်နယ်၂
ပ.က.ဖ အဖွဲ့ဝင် စာရင်းပေါက်အဖွဲ့အစည်းတစ်ခုဖြစ်ပါတယ်လို့ ဆိုသည်။

ယခုအချိန်အခါမှာနယ်မြေခံ မြေပြင်အခြေပြည်သူလူထုညီကိုမောင်နှမများထောက်ပံ့မှု့ဟာ တော်လှန်ရေး အချိန်ကြာလာတာနဲ့ အမျှ
အရင်လို မထောက်ပံနိုင်တော့တာတကြောင်း
စကစရဲ့ ရွှာတွေကိုမီးရှို့မှု့ကြောင့် အဆင်မပြေနိုင်တော့ပါ ယခုလို့အကြောင်းအရင်းတွေကြောင်
Page လေးထောင်ပိ အကူအညီရလို့ရညာ
တင်ပြတောင်ခံကြည့်တာပါ ဆိုသည်။

"လိုင်းပေါ်မှာ လည်းလုပ်စားတဲ့သူတွေများနေလို့ဟုရဲ့လာလို့သိုလောသိုလောမေးကြသူများ
ကျနော်တို့အဖွဲ့ဟာ ရွှေဘိုမြို့နယ် တိုက်နယ်၂
ပ.က.ဖအဖွဲ့ဝင်စရင်းပေါက်ဖြစ်ပါတယ်
သိုလောသိုလောမဖြစ်ကြပါနဲ့
တက်နိုင်သလောက်လှူကြပါအုန်းလို့
ကြောင်ရိုင်းရွှေဘို အဖွဲ့သားများ အားလုံး ကိုယ်စား မေတ္တာ ရပ်ခံအပ်ပါတယ်"ဟု ကြောင်ရိုင်း-ရွှေဘို ပြည်သူ့ကာကွယ်ရေးတပ်မှ ဗိုလ်ပေါက်စီ
ပြန်ကြားရေး နှင့် ဘဏ္ဍားရေးတာဝန်ခံ က ပြောဆိုသည်။

28/08/2023

ဒေသကွပ်ကဲမှုစစ်ဌာနချုပ်(ဒကစမှူး) ဗိုလ်မှူးချုပ်တစ်ဦးရဲ့ တပ်ပြောင်းပစ္စည်းများ ဖမ်းဆီးရမိခဲ့

သြဂုတ် ၂၈

ပြည်သူ့ကာကွယ်ရေးတပ်မတော်(PDF)၊ အမှတ် (၁) စစ်ဒေသ၊ ထီးချိုင့်မြို့နယ်မှာ ဒေသကွပ်ကဲမှုစစ်ဌာနချုပ်(ဒကစမှူး) ဗိုလ်မှူးချုပ်တစ်ဦးရဲ့ တပ်ပြောင်းပစ္စည်းများ ဖမ်းဆီးရမိခဲ့တယ်လို့ NUG ကာကွယ်ရေးဝန်ကြီးဌာန(MOD)က ဒီကနေ့ ထုတ်ပြန်ပါတယ်။

သြဂုတ်လ (၉) ရက်နေ့မှာ ပြည်သူ့ကာကွယ်ရေးတပ်မတော်(PDF)၊ အမှတ် (၁) စစ်ဒေသ၊ ကသာခရိုင်ကွပ်ကဲမှုနဲ့ ပြည်သူ့ကာကွယ်ရေးအဖွဲ့(ထီးချိုင့်-ပကဖ)က ထီးချိုင့်မြို့နယ်မှာ ကုန်ကားများကို စစ်ဆေးနေချိန် ကုန်ကားတစ်စီးမှာ လွိုင်ကော်ကနေ တနိုင်းကို တပ်ပြောင်းရွှေ့ လာတဲ့ အကြမ်းဖက်စစ်တပ်က ဗိုလ်မှူးချုပ်တစ်ဦးရဲ့ တပ်သုံးပစ္စည်းများနဲ့ အိမ်ထောင်သုံးပစ္စည်းများကို သိမ်းဆည်းရမိခဲ့တယ်လို့ ဆိုပါတယ်။

အဲ့ဒီဗိုလ်မှူးချုပ်ဟာ ဒေသကွပ်ကဲမှု စစ်ဌာနချုပ် (လွိုင်ကော်)ရဲ့ ဒေသကွပ်ကဲမှူစစ်ဌာနချုပ်မှူး(ဒကစမှူး) အဖြစ်ကနေ ဒေသကွပ်ကဲမှုစစ်ဌာနချုပ် (တနိုင်း)ကို ဒေသကွပ်ကဲမှူစစ်ဌာနချုပ်မှူး(ဒကစမှူး) အဖြစ် ရွှေ့ပြောင်းလာရတာ ဖြစ်ပါတယ်။

သိမ်းဆည်းရမိတဲ့ တပ်သုံးပစ္စည်းများနဲ့ အိမ်ထောင်သုံးပစ္စည်းများမှာ

(၁) စစ်ယူနီဖောင်း (၇၀) စုံ
(၂) 5.56 ကျည် (၄၆၅) တောင့်
(၃) လက်ပစ်ဗုံး (၅) လုံး
(၄) ၁၂ ဘီးကား (၁) စီး
(၅) Skynet (၂) လုံး
(၆) ဓာတ်မြေသြဇာ (၁၅၀) အိတ်
(၇) Sony အမျိုးအစား Camera (၁) လုံး
(၈) Fax စာပို့စက် (၁) လုံး
(၉) Jammer အကြီး (၁) လုံး
(၁၀) Jammer အသေး (၁) လုံး
(၁၁) PC Computer (၂) လုံး
(၁၂) TYT ဆက်သွယ်ရေးစက် (၄) လုံး
(၁၃) Inverter (၄) လုံး
(၁၄) Equipment (၁) စုံ
(၁၅) စစ်ဖိနပ် (၃) ရံ
(၁၆) ဆုတံဆိပ် (၆) ခု
(၁၇) TV (၂) လုံး
(၁၈) ကော်ရည်လောင်းစက် (၁) ခု
(၁၉) ကတ်ထရစ် (၂) ခု တို့ ဖြစ်တယ်လို့ MOD က ထုတ်ပြန်ပါတယ်။

27/08/2023

မူဆယ်တွင် စစ်တပ်က ပြည်သူများ အသုံးပြုနေသည့် လမ်းပိုင်းကို ဖျက်ဆီးရန် လာရောက်စဥ် TNLA တပ်ဖွဲ့နှင့် တိုက်ပွဲဖြစ်ပွားပြီး စစ်တပ်ဘက်မှ ထိခိုက်သေဆုံးမှုရှိ

​Khit Ta Media
သြဂုတ် ၂၇

ရှမ်းပြည်နယ်၊ မူဆယ်မြို့နယ်တွင် အကြမ်းဖက် စစ်တပ်က ပြည်သူများ အသုံးပြုနေသည့် လမ်းပိုင်းကို ဖျက်ဆီးရန် လာရောက်စဥ် TNLA တပ်ဖွဲ့နှင့် တိုက်ပွဲဖြစ်ပွားပြီး စစ်တပ်ဘက်မှ ထိခိုက်သေဆုံးမှုရှိကြောင်း PSLF/TNLA သတင်းနှင့် ပြန်ကြားရေးဌာနက ထုတ်ပြန်ထားသည်။

သြဂုတ်လ ၂၇ ရက်နေ့ မွန်းလွဲ ၁ နာရီ ၃၀ မိနစ်တွင် တအာင်းတပ်မတော် TNLA ပြုပြင်ခဲ့သည့်လမ်းပိုင်းကို အကြမ်းဖက် စစ်တပ်က ထပ်မံဖျက်ဆီးရန် ၁၀၅ မိုင်မှ ဘူဒိုဇာ ၁ စီးဖြင့် ထိုးစစ်ဆင်လာစဥ် တအာင်းအမျိုးသားလွတ်မြောက်ရေး တပ်မတော် (TNLA) နှင့် တိုက်ပွဲဖြစ်ပွားခဲ့ကြောင်း သိရသည်။

ထိတွေ့ တိုက်ပွဲသည် နမ့်တောင်းရွာနှင့် ဖာဖိန့်ရွာ အကြားတွင် ဖြစ်ပွားခြင်းဖြစ်ပြီး အကြမ်းဖက် စစ်တပ်၏ တပ်မ ၉၉ ၊ ခမရ ၄၂၀ တပ်ရင်းနှင့် ပြည်သူ့စစ် ပူးပေါင်းတပ်တို့ကို တအာင်းတပ်မတော် TNLA တပ်မဟာ ၁ တပ်ရင်း ၅၇၁ က တိုက်ခိုက်ခဲ့ခြင်းဖြစ်ပြီး စစ်တပ်ဘက်မှ ထိခိုက်ကျဆုံးမှုရှိကြောင်း သိရှိရသည်။

နမ့်တောင်းနှင့် ပန်ကြုံအကြားရှိ လမ်းပိုင်းကို သြဂုတ်လ ၁၅ ရက်နေ့တွင် အကြမ်းဖက် စစ်တပ်နှင့် မြို့မပြည်သူ့စစ်တပ်တို့က ဖျက်ဆီးခဲ့ခြင်းဖြစ်ပြီး သြဂုတ်လ ၂၃ ရက်နေ့တွင် တအာင်းတပ်မတော်မှ ပြန်လည်မြေဖို့ပြုပြင်ပေးခဲ့ပြီးနောက် အကြမ်းဖက် စစ်တပ်က ထပ်မံလာရောက် ဖျက်ဆီးခြင်းဖြစ်ကြောင်း သိရသည်။

အလားတူ သြဂုတ်လ ၂၆ ရက်နေ့ ညနေ ၄ နာရီ ၅၀ မိနစ်တွင် ကွတ်ခိုင်မြို့မှ သိန္နီသို့ စစ်ကား ၂၄ စီးဖြင့် ထိုးစစ်ဆင်လာသည့် အကြမ်းဖက် စစ်တပ်နှင့် တအာင်းတပ်မတော် တပ်မဟာ ၅ တပ်ရင်း ၃၃၅ တို့ မန့်ပိန်းအနီးတွင် တိုက်ပွဲဖြစ်ပွားခဲ့ကြောင်း၊ တအာင်းအမျိုးသားလွတ်မြောက်ရေးတပ်မတော်- TNLA နှင့် စစ်ကောင်စီတပ်အကြား ယခုသြဂုတ်လအတွင်း စုစုပေါင်း တိုက်ပွဲ ၁၃ ကြိမ်ဖြစ်ပွားခဲ့ကြောင်း PSLF/TNLA သတင်းနှင့် ပြန်ကြားရေးဌာနထံမှ သိရှိရသည်။

27/08/2023

အရာတော်မြို့နယ်၊ ငွေတွင်းရွာရှိ စစ်တပ် စခန်းကို ဒရုန်းဖြင့် ဗုံးကျဲ တိုက်ခိုက်မှု စစ်တပ်ဘက်မှ ၃၀ ကျော် သေဆုံး

ဩဂုတ် ၂၇

စစ်ကိုင်းတိုင်း၊ အရာတော်မြို့နယ်၊ ငွေတွင်းရွာရှိ အကြမ်းဖက် စစ်တပ် စခန်းကို ဒရုန်းဖြင့် ဗုံးကျဲ တိုက်ခိုက်ခဲ့ရာ စစ်သား ၃၀ ခန့်သေဆုံးခဲ့ကြောင်း ကျောက်ဆည်ခရိုင် တပ်ရင်း ၁ (နဂါးနီ တပ်ရင်း)မှ ဒုတပ်ရင်းမှူးက ပြောသည်။

ယမန်နေ့ ဩဂုတ်လ ၂၆ ရက် ည ၁၀ နာရီခွဲခန့်က မူးရူးသောက်စားကာ အိပ်ပျော်နေသော ငွေတွင်း ကျေးရွာ စခန်းကို ဒရုန်း ၂ စီးဖြင့် ၄ ကြိမ်ပျံသန်းကျဲချခဲ့ရာ ပျူစောထီးများအိပ်နေရာ ပင်မဆောင်ခေါင် မိုးပွင့် ထွက်သွားပြီး ထပ်မံဗုံးကျဲချမှုကြောင့် အိပ်ပျော်နေသော အကြမ်းဖက်စစ်သား၊ ပျူစောထီးများ ထိ မှန်သေဆုံးကာ အဆောက်အအုံအတွင်းပိုင်းပါ ပျက်စီးခဲ့ပြီး ၃၀ ခန့်သေဆုံးကာ အများအပြားဒဏ်ရာရရှိ ကြောင်း ကျောက်ဆည်ခရိုင် တပ်ရင်း ၁ (နဂါးနီ တပ်ရင်း)မှထုတ်ပြန်သည်။

“အင်အား ၃၀ လောက်သေတယ်၊ ဘာကြောင့် အဲလောက်သေရလဲဆိုတော့ သူတို့ မူးရူးသောက်စားပြီး တော့ ပျူစခန်းရဲ့ ပင်မဆောင်ထဲမှာ အိပ်သွားတာ၊ ကျနော်တို့ကလည်း သူတို့အိပ်တဲ့အချိန်ကို စောင့်နေ တာ၊ အဲဒီပင်မဆောင်ကို အချလိုက်တယ်၊ ပင်မဆောင်ထဲမှာ ဝရုန်းသုန်းကားနဲ့ ၂၀ ကျော်လောက်သေ သွားတာ၊ တစ်ချို့တွေက ဘန်ကာတွေထဲ ဝင်ပြေးတာ၊ အဲဒီဘန်ကာတွေထဲကို ထပ်ချခဲ့တာ၊ ဘန်ကာ ထဲမှာလည်း ၄ ကောင်ထပ်သေတယ်၊ အဲဒါတွေကြောင့် စုစုပေါင်း ၃၀ လောက်ဖြစ်သွားတာ၊ ဒဏ်ရာရ တာလည်းများတယ်၊ ဒဏ်ရာရနေတဲ့သူတွေကိုတော့ အရာတော်ဆေးရုံမှာ ဆေးကုနေတယ်လို့ သတင်း ရထားတယ်၊” ကျောက်ဆည်ခရိုင် တပ်ရင်း ၁ (နဂါးနီ တပ်ရင်း)မှ ဒုတပ်ရင်းမှူး က ပြောသည်။

အဆိုပါတိုက်ခိုက်မှုကို ကျောက်ဆည်ခရိုင်ဒရုန်းတပ်ဖွဲ့မှဦးဆောင်၍ ကျောက်ဆည်ခရိုင်တပ်ရင်း-၁(နဂါး နီတပ်ရင်း)၊ ရွှေဘိုခရိုင် တပ်ရင်း ၁၅ Eagles Guerilla Force (ဗိုလ်ကောက်ရိုးအဖွဲ့)၊ ဆားတောင် မိုး ကြိုး (Local PDF)၊ Lighting drone force၊ အောင်သပြေ LPDF ၊ မင်းရွာကြီး MRTF LPDF ၊ မိုးညို LPDFတပ်ဖွဲ့ တို့ပူးပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။

“ကျွန်တော်တို့ ချတာက တစ်ခါချရင် ၂ လုံးကို အပေါ်အောက်တပြိုင်တည်းချတာ၊ ပထမ တစ်လုံးကခေါင်း မိုးကို ဖောက်ဝင်သွားတယ်ဆိုရင် နောက်ကတစ်လုံးက အဲဒီဖောက်ဝင်သွားတဲ့နေရာကနေက အထဲကို ကျပြီးပေါက်ကွဲတာ၊ စက္ကန့်က ဘယ်လောက်မှ မခြားဘူး၊ ရှေ့ဆင့်နောက်ဆင့်ပုံစံမျိုးသွားတာ၊ ကျနော် တို့ဗုံးသီးက တစ်ပိဿာခွဲလောက်ရှိတော့ တော်ရုံတန်ရုံလေလောက်နဲ့ နေရာပြောင်းမသွားနိုင်ဘူး၊ အဲဒါကြောင့် အထဲမှာ အိပ်ပျော်နေတဲ့ကောင်တွေ အများကြီးသေသွားတာ” ဟု ကျောက်ဆည်ခရိုင် တပ်ရင်း ၁ (နဂါးနီ တပ်ရင်း)မှ ဒုတပ်ရင်းမှူး က ပြောဆိုသည်။

27/08/2023

ပြွန်တန်ဆာမြို့နယ် အဝေးပြေးလမ်းမတွင် ဆီဘောက်ဆာယာဉ်တစ်စီး တိမ်းမှောက်မီးလောင် သေဆုံးမှုရှိ

Khit Ta Media သြဂုတ် ၂၇

ပဲခူးတိုင်း၊ ပြွန်တန်ဆာမြို့နယ် အဝေးပြေးလမ်းမပေါ်တွင် စက်သုံးဆီတင် ဆီဘောက်ဆာယာဉ် တစ်စီး တိမ်းမှောက်မီးလောင်ပြီး ယာဉ်မောင်းသေဆုံးကာ မီးငြှိမ်းသတ်နေရဆဲဟု ဒေသခံများကပြောသည်။

ပြွန်တန်ဆာမြို့နယ် ပင်တလဲကျောင်းကွေ့နေရာတွင် ယနေ့(ဩဂုတ် ၂၇ရက်) နံနက် ၁၀နာရီခွဲခန့်က ဆီဘောက်ဆာယာဉ်တိမ်းမှောက်ပြီး မီးလောင်ခြင်းဖြစ်သည်။

"ယာဉ်မောင်းက ပိတ်မိပြီး သေဆုံးပါတယ်။ယာဉ်နောက်လိုက်က လွတ်ပါတယ်။ အခုထိ မီးငြိမ်းလို့ မရသေးပါ။ အိမ်တွေကို ကူးတာတွေ ရှိပါတယ်"ဟု ဒေသခံတစ်ဦးက ယနေ့ နေ့လယ် ၁နာရီခန့်တွင်ပြောသည်။

မီးလောင်နေသည့်နေရာသို့ ညောင်လေးပင်နှင့်ဒိုက်ဦးမြို့မှ မီးသတ်ယာဉ်များ လာရောက်ငြှိမ်းသတ်နေသည်ဟု သတင်းရရှိသည်။

ယခုကားတိမ်းမှောက်မီး‌ လောင်သည့်နေရာတွင် ယမန်နှစ် ၂၀၂၂ မတ်လ ၁၇ရက်ကလည်း ဆီဘောက်ဆာကားတစ်စီးမှောက်ကာ မီးလောင်ခဲ့သည်ဟု ဒေသခံများက ပြောသည်။

ဒေသခံတစ်ဦးက "မနှစ်ကလည်း အခုနေရာမှာပဲ ဆီဘောက်ဆာကား မီးလောင်ပြီး ကားဆရာလည်းဆုံးသွားတယ်"ဟု ပြောသည်။

(ဆီဘောက်ဆာယာဉ်တစ်စီး တိမ်းမှောက်မီးလောင်နေစဉ်။ ဓာတ်ပုံ - CJ)

27/08/2023

ကော့ကရိတ်မြို့အဝင်ရှိ စစ်တပ် စခန်းနှင့် ကော့နွဲ့ကျေးရွာရှိ စစ်တပ်စခန်း တို့ကို ဒရုန်းဖြင့် ဗုံးကျဲ တိုက် ခိုက်မှု စစ်သား ၅ ဦးသေဆုံး

Khit Ta Media
ပြည်​​သူ့​ခေတ်
ဩဂုတ် ၂၇

ကရင်ပြည်နယ်၊ ကော့ကရိတ်မြို့အဝင်၌ တပ်စွဲထားသော အကြမ်းဖက်စစ်သားများနှင့် ကော့နွဲ့ကျေးရွာ ရှိ အကြမ်းဖက်စစ်သားများကို ဒရုန်းဖြင့် ဗုံးကျဲတိုက်ခိုက်ခဲ့ရာ အကြမ်းဖက်စစ်ကောင်စီတပ်သား ၅ ဦး ခန့်သေဆုံးခဲ့ကြောင်း Cloud Wings ဒရုန်းတပ်ဖွဲ့မှ သိရသည်။

ယမန်နေ့ ဩဂုတ်လ ၂၆ ရက် နံနက် ၈ နာရီမိနစ် ၂၀ နှင့် နံနက် ၉ နာရီခွဲခန့်တွင်ကော့ကရိတ်မြို့အဝင် အာရှလမ်းမဘေးရှိ ဆောက်လက်စဆီဆိုင်ဝန်းအတွင်း တပ်စွဲထားတဲ့ စစ်ကောင်စီစခန်းနှင့် ကော့နွဲ့ ကျေးရွာအတွင်း တပ်စွဲထားတဲ့ စစ်ကောင်စီစခန်းတို့ကို ၁၀၇ မမ ဗုံးသီး၊ ၆၀ မမ ဗုံးသီးတို့အသုံးပြုပြီး ဒရုန်းဖြင့် ကျဲချတိုက်ခိုက်ခဲ့ရာ အကြမ်းဖက်စစ်သား ၅ ဦးခန့်သေဆုံးပြီး ၁၀ ဦးခန့်အပြင်းအထန်ဒဏ် ရာရရှိခဲ့ကြောင်း သိရသည်။

“တစ်နေရာကို ၃၀ နဲ့ ၅၀ ဝန်းကျင်ကြားလောက်မှပဲ တပ်စွဲထားတာပါ၊ ၁၀၇ မမ ဗုံးသီးကြောင့် စစ်ခွေး တွေသေဆုံးထိခိုက်များတာ၊ ၁၀၇ မမ ဗုံးသီးကို ဒရုန်းမှာတပ်ပြီး ကျဲချခဲ့တာ၊ စစ်တပ်က ရွာတွေဘက်ကို လက်နက်ကြီးနဲ့ ရမ်းသမ်းပစ်ခတ်လို့ ရွာသားတစ်ဦးထိတယ်လို့ သိရတယ်၊ဘယ်ရွာကလည်းတော့ မသိရ ဘူး၊ နေအိမ်တွေ ထိခိုက်ပျက်စီးမှုရှိမရှိလည်း မသိရသေးပါဘူး” ဟု Cloud Wings ဒရုန်းတပ်ဖွဲ့မှ တာဝန် ရှိ သူတစ်ဦးက ပြောသည်။

အဆိုပါတိုက်ခိုက်မှုကို ကရင်အမျိုးသားလွတ်မြောက်ရေးတပ်မတော် KNLA၊ Cloud Wings ဒရုန်းတပ်ဖွဲ့ နှင့် Special Operation Group တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး အကြမ်းဖက်စစ်ကောင်စီတပ်မှ ၁၂၀ မမ၊ ၈၁ မမ လက်နက်ကြီးများဖြင့် အလုံး၅၀ ထက်မနည်း နေရာအနှံ့ ရမ်းသမ်းပစ်ခတ်မှုကြောင့် ရွာသားတစ်ဦး လက်နက်ကြီးထိမှန် ဒဏ်ရာရရှိခဲ့ကြောင်း၊ KNLA ၊ Cloud Wings ၊ SOG ပူးပေါင်း တပ်ဖွဲ့ ဝင်များ ၊ လက်နက်ခဲယမ်း၊ ပစ္စည်းများ ထိခိုက်ဆုံးရှုံးမှု တစုံတရာမရှိခဲ့ကြောင်း သိရသည်။

ပြည်သူလူထုအပေါ် ဥပဒေမဲ့ဖိနှိပ်၊ ဖမ်းဆီး၊ သတ်ဖြတ်မှုများကျူးလွန်နေသည့် အကြမ်းဖက်စစ်ကောင်စီ တပ်သား၊ လက်အောက်ခံဝန်ထမ်းများကို ကော့ကရိတ်မြို့နယ်မှ စတင်ကာ အမြစ်ပြတ်တိုက်ခိုက် ချေ မှုန်း သွားမည်ဖြစ်ကြောင်း Cloud Wings တပ်ဖွဲ့မှ ထုတ်ပြန်အသိပေးထားသည်။

27/08/2023

ဒုံးကျည် ထုတ်လုပ်ရေးစက်ရုံ၌ ပေါက်ကွဲမှုဖြစ်ပြီး PDF ရဲဘော် ၆ ဦး သေဆုံး

Khit Ta Media
ပြည်သူ့ခေတ်
သြဂုတ် ၂၇

မကွေးတိုင်း၊ ပခုက္ကူခရိုင်ထဲက ဒေသကာကွယ်ရေး အမှတ် ၆ တပ်ရင်းနယ်မြေထဲမှာ ဒုံးကျည် ထုတ်လုပ်ရေးစက်ရုံ ပေါက်ကွဲခဲ့ပြီး PDF သင်တန်းသား ၆ ယောက် ကျဆုံးခဲ့တယ်လို့ တပ်ရင်းတခုရဲ့ ပြန်ကြားရေးတာဝန်ခံက ဩဂုတ် ၂၆ ရက်မှာ ပြောပါသည်။

ဩဂုတ် ၁၅ ရက် မနက် ၈ နာရီကျော်ကပေါက်ကွဲခဲ့တာဖြစ်ပြီး မင်းဘူးခရိုင်၊ အမှတ် ၅ တပ်ရင်းက ရဲဘော်တွေဖြစ်တဲ့ မောင်အောင်ပြည့်စုံ(ခ)ကိုပြည့်(တပ်စုမှူး)နဲ့ မောင်ချစ်စန်းလွင်(ခ)ကိုရဲနိုင် (တပ်စိတ်မှူး)တို့ဟာ တခြားတပ်ဖွဲ့က သင်တန်းသား ၄ ယောက်တို့နဲ့ အတူ ပေါက်ကွဲမှုမှာသေဆုံးခဲ့တာလို့ မင်းဘူးခရိုင် အမှတ် ၅ တပ်ရင်းရဲ့ သတင်းနဲ့ ပြန်ကြားရေးတာဝန်ခံ ဗိုလ်သူရိန်က ပြောပါသည်။

“လက်နက် Rocket ထုတ်လုပ်ရေးအပိုင်း သင်တန်းသား စေလွှတ်ခဲ့တာ။ ရဲဘော် ၂ ဦး သင်ယူရတဲ့ အပိုင်းက ထုတ်လုပ်နေတဲ့ ထိပ်ဖူးအပိုင်းထည့်နေတုန်း ယမ်း error တက်ခဲ့လို့ ပေါက်ကွဲမှု ဖြစ်ပွားခဲ့ရတယ်။ အဲဒီမှာ တခြား တပ်ရင်းက ရဲဘော် ၄ ဦးနဲ့အတူ ကျနော်တို့ တပ်ရင်းက ၂ ဦး သေဆုံးသွားခဲ့ရပါတယ်" ဟု ပြောဆိုပါသည်။

ပေါက်ကွဲမှုဖြစ်တဲ့ အဲဒီစက်ရုံဟာ ပခုက္ကူခရိုင်ထဲကဖြစ်ပြီး ပေါက်ကွဲမှုမှာပါတဲ့ တခြားတပ်ရင်းက ရဲဘော် ၄ ယောက် အကြောင်းကိုတော့ အသေးစိတ်မသိရဘူးလို့ ဗိုလ်သူရိန်က ဆိုပါသည်။

ကျဆုံးခဲ့တဲ့ ရဲဘော် ကိုပြည့်နဲ့ ရဲဘော် ကိုရဲနိုင်တို့အတွက် မင်းဘူးခရိုင် အမှတ် ၅ တပ်ရင်း ရဲဘော်တွေက ကျန်ရှိသူ မိသားစုဝင်တွေနဲ့ ထပ်ထူ ဝမ်းနည်းကြေကွဲရတယ်လို့ ဆိုပါသည်။

==========
Pyi Thu Khit သည် မြန်မာနိုင်ငံ တစ်ဝန်းရှိ အကြမ်းဖက် စစ်ကောင်စီများ အကြမ်းဖက်ရန် သွား လာနေခြင်းများကို အချိန်မှိ တင်ပြပေးနိုင်ဖို့ ကြိုးစားလျှက်ရှိနေပြီး တော်လှန်ရေး တိုက်ပွဲ သတင်းများကိုလည်း အချိန်နှင့် တပြေးညီး တင်းပြပေးသွားမည်ဖြစ်သည်။

ပြည်သူအတွက် ပြည်သူ့ခေတ် ပြည်သူ့ မီဒီယာကို ယနေ့ စတင်လိုက်ပါပြီ ။ ပြည်သူအတွက် အမှန်တရားဖက် အမြဲရှိနေစေရမည်။

သတင်းများကို တစ်နေရာတည်းမှာ စုံစုံလင်လင် သိရှိဖို့ ပြည်သူ့ခေတ်ကို like &follow လုပ်ထားစို့

27/08/2023

26/08/2023

MOD အောက်ပြန်ရောက် တပ်ရင်း ၄ ရင်း ကိစ္စ “ဒွိဟမပွားကြရန်” ဗိုလ်နဂါး ပြော

Khit Ta Media သြဂုတ် ၂၆

အမျိုးသားညီညွတ်ရေးအစိုးရ (NUG) ၊ ကာကွယ်ရေးဝန်ကြီးဌာန (MOD) ၏ COC အောက် ပြန်ရောက်သွားသည့်ကိစ္စ ၎င်းတို့၏ တော်လှန်ရေးတပ်မတော်အတွက် “အားလျှော့သွားခြင်းမဟုတ်” သည့်အပြင် “ဒွိဟမပွားကြရန်”လည်း ဗိုလ်နဂါးက ပြောကြားလိုက်သည်။

ယင်းမာပင်ခရိုင် တပ်ရင်း အမှတ် (၃)၊ (၄) ၊ (၅) နှင့် (၆) တပ်ရင်း လေးရင်းသည် ဗိုလ်နဂါးဦးဆောင်သော မြန်မာ့တော်ဝင်နဂါးတပ်တော် (MRDA) သို့မဟုတ် ဗမာအမျိုးသားတော်လှန်ရေးတပ်မတော် (BNRA) နှင့် မသက်ဆိုင်ဘဲ MOD တွင်သာ ဆက်လက်ရပ်တည်မည်ဟု ထိုတပ်ရင်း လေးရင်းက ထုတ်ပြန်သည်။

ယနေ့ ဩဂုတ်လ ၂၆ ရက်နေ့တွင် တပ်ရင်းမှူး လေးဦးက အသီးသီးလက်မှတ် ရေးထိုးကာ ပူးတွဲကြေညာချက် ထုတ်ပြန်လိုက်ခြင်းဖြစ်ပြီး အဆိုပါ ထုတ်ပြန်ချက်အပေါ် ဗိုလ်နဂါးက ၎င်း၏ လူမှုကွန်ရက်မှတဆင့် ထိုသို့ တုံ့ပြန်လိုက်ခြင်း ဖြစ်သည်။

“ကျနော်တို့သွားမယ့် တော်လှန်ရေးတပ်မတော်မှာ အားလျော့သွားခြင်းမဟုတ်ပါ၊ ဒီဘက်မှာ ပူးပေါင်းလာတဲ့ မြို့နယ် ၁၀ ခုအထက်မှ Local အင်အားများဖြင့် ဆက်လက်တိုးနေဆဲပါ၊ MOD ဌာနမှ ယမန်နေ့က ထုတ်ပယ်ထားသည့် ရင်း လေးရင်းကို ပြန်လည်စာရင်းသွင်းခြင်းသာ ဖြစ်ပါတယ်” ဟု ဗိုလ်နဂါးက ယနေ့တွင် လူမှုကွန်ရက်၌ ရေးသားထားသည်။

ပုလဲမြို့နယ်တွင် အခြေပြုလှုပ်ရှားသော မြန်မာ့တော်ဝင် နဂါးတပ်တော် (MRDA)၏ တပ်ရင်း လေးရင်းကို ဗိုလ်နဂါးက NUG အစိုးရ၊ ကာကွယ်ရေးဝန်ကြီးဌာန (MOD) ၏ COC အောက်သို့ ပေးအပ်ခဲ့သည်။

NUG ကာကွယ်ရေးဝန်ကြီး ဦးရည်မွန်ကမှု MRDA က ပေးသည့် တပ်ရင်းလေးရင်းကို PDF တပ်ရင်းများအဖြစ် ထောက်ပံ့ကူညီမှုများ ဆောင်ရွက်ခဲ့ကြောင်း RFA သတင်းဌာနနှင့် အင်တာဗျူး တခုတွင် ပြောဆိုထားသည်။

အဆိုပါ တပ်ရင်း လေးရင်းသည် မြေပြင်စစ်ရေးလှုပ်ရှားရာတွင် MOD ၏ COC ‌အောက်တွင်ထက် နဂါးတပ်တော် MRDA အဖြစ်ပဲ လှုပ်ရှားဆောင်ရွက်နေခြင်းကြောင့် MRDA အနေဖြင့်သာ သီးသန့်ရပ်တည်ရန် MOD က ထုတ်ပယ်လိုက်သည်။

ထိုယင်းမာပင်ခရိုင် တပ်ရင်းလေးရင်းအနေဖြင့် NUG ကာကွယ်ရေးဌာန၏ ထိန်းချုပ်အောက်တွင် ဆက်လက်ရပ်တည်လိုပါက ဗိုလ်နဂါးက ၎င်းဦးဆောင် ဝယ်ယူထားသော တိုက်ပွဲဝင် လက်နက်ခဲယမ်းများကို အပ်နှံရမည်ဟု ဆုံးဖြတ်ခဲ့ရာ ယင်းအပေါ် တပ်ရင်းလေးရင်းက သဘောတူခဲ့ကြောင်း ယနေ့ထုတ်ပြန်ချက်တွင် ပြောထားသည်။

ထိုသို့ဆုံးဖြတ်ပြီးနောက် NUG ကာကွယ်ရေးဌာကလည်း ထိုတပ်ရင်းလေးရင်းကို MOD လက်အောက်ရှိ ပြည်သူ့ကာကွယ်ရေးတပ်ရင်းများအဖြစ် ဆက်လက်အသိ အမှတ်ပြုကြောင်း ဩဂုတ်လ ၂၂ ရက်နေ့တွင် အကြောင်းပြန်ခဲ့သည်။

"ထိုရင်း လေးရင်းမှ ရဲဘော်များပင် တော်လှန်ရေးတပ်မတော်တွင် ပူးပေါင်းပါဝင်လာဆဲဖြစ်ပါ၍ ပြည်သူများ ဒွိဟမပွားကြစေရန် လေးစားစွာတင်ပြအပ်ပါတယ်" ဟု MRDA ခေါင်းဆောင် ဗိုလ်နဂါးက ရေးသားထားသည်။

နွေဦးတော်လှန်ရေး၌ လက်နက်ကိုင်ခုခံမှု အားကောင်းရာ အညာဒေသ စစ်ကိုင်းတိုင်းတွင် ခေတ်မီလက်နက်များ တပ်ဆင်ထားသော အာဏာသိမ်း စစ်တပ်နှင့် အာဏာသိမ်းပြီးနောက် ပေါ်ပေါက်လာသော NUG အစိုးရ လက်အောက်ခံ PDF များ၊ Local PDF တို့အကြား တိုက်ပွဲများ နေ့စဉ် ဖြစ်ပွားနေသည်။

ဓာတ်ပုံ- MRDA ခေါင်းဆောင် ဗိုလ်နဂါး

“Supported by the Staying Resilient Amidst Multiple Crises in Southeast Asia initiative of SEA Junction in partnership with CMB Foundation”

26/08/2023

ရငဲရွာမှာ ဖက်ဆစ်တပ်စစ်ကြောင်း(၂)ကြိမ်တိုက်ခိုက်ခံရပြီးစစ်သား(၂၅)ဦး​​ သေ ဆုံး၊(၅)ဦးကျော်ဒဏ်ရာရဟုဆို

Khit Ta Media သြဂုတ်၂၆

ထားဝယ်ခရိုင်၊သရက်ချောင်းမြို့နယ်၊ရငဲရွာမှာ ပြန်လည်တပ်စွဲရန်လာသည့် စကစစစ်ကြောင်း ပြီးခဲ့သော(၂)ရက်က တို.က်ခိုက်ခံရပြီးထိခိုက်​ေ.သဆုံးမှုများစွာရှိခဲ့သည်။

သြဂုတ်(၂၄)ရက်၊ညနေ(၅)နာရီ(၁၅)မိနစ်မှာကမြိုင်ရွာနဲ့ရငဲရွာကြား၌ အင်အား(၁၃၀)ပါဖက်ဆစ်တပ်စစ်ကြောင်းကို ပြည်သူ့ကာကွယ်ရေးပူးပေါင်းတပ်ဖွဲ့မှ မိုင်း(၆)လုံးဆွဲပြီးလ.က်နက်ငယ်များနဲ့မိနစ်(၂၀)ခန့်ထိုးပ-စ်၍ပြန်လည်ဆုတ်ခွာခဲ့ကြောင်း ကစယ်ဒိုတပ်ခွဲ(၃)အဖွဲ့ဝင်မှဆိုသည်။

'တောင်ပျောက်တိုက်နယ်၌စစ်ကြောင်းထိုး၍ရငဲရွာဘုရားတောင်ပေါ်မှာပြန်တပ်စွဲဖို့ခြေလျင်လာတဲ့ စစ်သားတွေကို တို.က်ခိုက်ခဲ့တာပါ။အဲနေ့ကစစ်သားတွေထိနာများပြီးရငဲဆေးရုံမှာညအိပ်လိုက်ရတယ်"ဟု၎င်းကထပ်ပြောသည်။

ထိုတို.က်ခိုက်မှုမှာဖက်ဆစ်တပ်သား(၁၅)ဦးခန့်​ေ.သဆုံးပြီး(၅)ဦးကျော်ဒဏ်ရာရခဲ့ကြောင်း ၎င်းကပြောဆိုသည်။

ယင်း ဖက်ဆစ်တပ်စစ်ကြောင်းသည် သြဂုတ်(၂၅)ရက် ၊နံနက်(၉)နာရီမှာ မြွေတောင်ပေါ်သို့ ပြန်တက်စဥ် ပြည်သူ့ကာကွယ်ရေးတပ်ဖွဲ့ ဖက်မှမြုပ်ထားသော မို.င်း(၇)လုံးကို နင်းမိခဲ့ပြီး စစ်သား(၁၀)ဦးကျော်ခန့်ထိ.ခိုက် ​ေ.သဆုံး၍ ထိနာသူများအားခမရ-၄၀၄ တပ်ရင်းထဲသို့သယ်ယူသွား
ခဲ့ကြောင်း ကစယ်ဒိုနယ်မြေခံတပ်ခွဲ(၃)က ရှင်းပြသည်။

အဆိုပါမို-င်းဆွဲတို.က်ခိုက်မှု(၂)ကြိမ်ကိုကစယ်ဒိုနယ်မြေခံတပ်ခွဲ(၃) ၊ ကျားရိုင်းပြောက်ကျားတပ်ဖွဲ့ နှင့် ဂဋ္ဌုန်မင်းပြောက်ကျားတပ်ဖွဲ့တို့မှ ထိခိုက်မှုမရှိ လုပ်ဆောင်နိုင်ခဲ့ပြီး
ထားဝယ်-ပုလောလမ်းပိုင်းမှာလည်း ၎င်းတို့ပူးပေါင်းဖွဲ့မှ ယနေ့နယ်မြေရှ.င်းလင်းရေးလုပ်ဆောင်စဥ် ဖက်ဆစ်တပ်
၏လက်အောက်ခံရဲယူနီဖောင်းများကိုသိမ်းဆီးရမိလာ၍ မီ.းရှို့ ရှ-င်းလင်းခဲဲ့ခြင်းဖြစ်ကြောင်း စုံစမ်းသိရှိရသည်။

ရုပ် /သံ = ကစယ်ဒိုနယ်မြေခံတပ်ခွဲ(၃)။

Dawei Information Center
Dawei information center - 2

26/08/2023

လှည်းတန်းဘူတာမှာ အနက်ရောင် ဝတ်ဆင်ထား၍ အမျိုးသား တစ်ဦးကို စစ်ကောင်စီ ဖမ်းဆီး လမ်းသွားများရဲ့ ဖုန်းတွေကို စစ်ဆေနေ၍ အားလုံး သတိထားကြပါ

Khit Ta Mediaဩဂုတ် ၂၆
ပြည်သူ့ခေတ်

ရန်ကုန်၊ ကမာရွတ်မြို့နယ် လှည်းတန်းဘူတာမှာ အတက်ရောင် ဝတ်ဆင်ထားတဲ့ အမျိုးသား တစ်ဦးကို စစ်ကောင်စီတပ်က စစ်ဆေးပြီးနောက် လက်ထိပ်ခတ် ဖမ်းဆီးသွားတယ်လို့ သိရပြီး လမ်းသွားလမ်းလာ ပြည်သူများကို တယောက်ချင်းစီရဲ့ ဖုန်းကိုယူပြီး သေခြာ စစ်ဆေးနေကြောင်းလည်း သိရပါသဖြင့် အားလုံး ခွေးရန်မှ ကင်းဝေးဖို့ သတိထားကြပါရန် ပြည်သူ့ခေတ်မှ အသိပေးအပ်ပါသည်။

ဒီကနေ့ ဩဂုတ်လ ၂၆ ရက်၊ မနက် ၉ နာရီ ဝန်းကျင်က လှည်းတန်းဘူတာမှာ စစ်ကားတစ်စီးနဲ့ လမ်းသွား လမ်းလာ လူငယ်များရဲ့ လက်ကိုင်ဖုန်းတွေ စစ်ဆေးနေစဉ် အနက်ရောင် တီရှပ် ဝတ်ဆင်ထားတဲ့ အမျိုးသား တစ်ဦးရဲ့ ဖုန်းကို စစ်ဆေးပြီးနောက် လက်ထိပ်ခတ် ဖမ်းဆီးသွားတာလို့ ရပ်ကွက်နေ မျက်မြင်တွေ့သူ တစ်ဦးက ပြည်သူ့ခေတ်သို့ ပြောပါသည်။

"ဖုန်းထဲမှာ ဘာပါလို့ ဖမ်းတာလဲတော့ သေချာ မသိဘူး။ သူ့ကို စစ်တပ်က ကားပေါ်မှာ လက်ထိပ်ခတ်ပြီး တင်ထားသေးတယ်။ ပြီးတော့မှ ကွမ်းခြံ (၁) လမ်းထိပ်အထိ ခေါ်သွားတယ်။ ရဲစခန်းက‌ ကောင်တွေကို ဖုန်းဆက်ခေါ်လိုက်တော့ မီးတန်းကားနဲ့ ရဲ ၃ ကောင် ရောက်လာတယ်။ သူတို့ကမှ တဆင့် ရဲစခန်းထဲ ဖမ်းခေါ်သွားတာ တွေ့လိုက်တယ်" လို့ ၄င်း ကပြောပါသည်။

စစ်ကောင်စီတပ်က ကမာရွတ်မြိုနယ် လှည်းတန်းဘူတာ၊ ကွမ်းခြံ (၁) လမ်းထိပ်၊ သင်္ဘောကျင်း အိမ်ရာဝန်း အနီး လူကူးတံတား အသစ်၊ လှည်းတန်းဈေးရှေ့၊ လှည်းတန်း ကားမှတ်တိုင်၊ ဗဟိုလမ်း ကားမှတ်တိုင် တွေမှာ မနက် ၈ နာရီကနေ ၁၀ နာရီအထိနဲ့ ညနေ ၃ နာရီမှာ ပုံမှန် စစ်ဆေးလေ့ရှိတယ်လို့ ဆိုပါသည်။

"လှည်းတန်းဘူတာ စာရေးက ဒလန် အကြီးစား။ ဒီကောင်က အဲ့နားကနေပြီး တောက်လျှောက် သတင်းပေးပြီး တိုင်နေတာ။ ပုလင်းခွံ ဘူးခွံကောက်တဲ့ ဟာလေးတွေလည်း မွေးထားပြီး သတင်းပေး လုပ်ခိုင်းနေတာ။ ဖမ်းခံရရင်တော့ ပိုက်ဆံပေးနိုင်ရင် လွတ်မှာပါ။ ဖမ်းပြီး ပြန်ရွေးခိုင်း အဲ့လို လုပ်စားနေတာ ကြာပြီ" လို့ ရပ်ကွက်နေ ပြည်သူ တစ်ဦးက ပြောပါသည်။

လက်ရှိ ကမာရွတ်မြို့နယ်အတွင်း စစ်ကောင်စီတပ်က တိုက်ခန်းတွေကို ဝင်ရောက်စစ်ဆေးကာ ဧည့်စာရင်း မတိုင်သူတွေကို ဖမ်းဆီးပြီးနောက် ငွေတောင်းကာ ပြန်လွှတ် ပေးနေပေမယ့် ခိုးဆိုးလုယက်သူတွေ ကိုတော့ ဖမ်းဆီးတာ မရှိဘူးလို့ ဒေသခံများက ပြောပါသည်။

26/08/2023

စစ်ကောင်စီထံ လေယာဉ်ဆီ မရောက်ရှိရေး အမေရိကန်ပြည်ထောင်စုရဲ့ အရေးယူ ဒဏ်ခတ်ပိတ်ဆို့မှုအပေါ် အရပ်ဘက်အဖွဲ့အစည်းများ ကြိုဆို။

သင်္ဘောလိုင်းများနဲ့ အာမခံလုပ်ငန်းများ အပါအဝင် စစ်အုပ်စုကို လေယာဉ်ဆီ ရရှိအောင် ထောက်ပံ့ပေးနေတဲ့ ကုမ္ပဏီတွေမှန်သမျှကို ဆက်လက်ဒဏ်ခတ် ပိတ်ဆို့အရေးယူရေး တောင်းဆို

ဩဂုတ် ၂၆

မြန်မာနိုင်ငံရဲ့ လေယာဉ်ဆီကဏ္ဍမှာ လုပ်ကိုင်နေတဲ့ ကုမ္ပဏီ (သို့မဟုတ်) လူတစ်ဦးချင်းစီအပေါ် အမေရိကန်နိုင်ငံက ပိတ်ဆို့အရေးယူဖို့ ခွင့်ပြုလိုက်တဲ့ ဆုံးဖြတ်ချက်ကို Justice for Myanmar (JFM) အပါအဝင် အရပ်ဘက် အဖွဲ့အစည်းတွေက ကြိုဆိုလိုက်ပါတယ်။

ဒါဟာ စစ်ရာဇဝတ်မှုတွေ ကျူးလွန်နေတဲ့ စစ်အုပ်စုအပေါ် အမေရိကန်ပြည်ထောင်စုရဲ့ ထိရောက်တဲ့ ဒဏ်ခတ် ပိတ်ဆို့မှုတစ်ခု ဖြစ်တာကြောင့် မြန်မာ့အရေး တက်ကြွလှုပ်ရှားနေတဲ့ အရပ်ဘက် အဖွဲ့အစည်းတွေက ကြိုဆိုလိုက်တာပါ။

မြန်မာအပါအဝင် နိုင်ငံတကာ အရပ်ဘက် အဖွဲ့အစည်းတွေက စစ်အုပ်စုရဲ့ လေယာဉ်ဆီ ရရှိနေမှုကို ပိတ်ဆို့ဖြတ်တောက်ပေးဖို့ တစိုက်မတ်မတ် တောင်းဆိုနေတဲ့ လှုပ်ရှားမှုတွေအပြီးမှာ ယခုကဲ့သို့ အမေရိကန်ပြည်ထောင်စုရဲ့ အရေးယူ ဒဏ်ခတ်ပိတ်ဆို့မှုတွေ ထွက်ပေါ်လာခြင်း ဖြစ်ပါတယ်။

အခုလို ပိတ်ဆို့မှုဟာ အကြမ်းဖက် စစ်အုပ်စုက လေကြောင်းတိုက်ခိုက်မှုကို အသုံးပြုပြီး အရပ်သားပြည်သူတွေအပေါ် ဆင်နွှဲနေတဲ့ အကြမ်းဖက် စစ်ဆင်ရေးတွေကို ရပ်တန့်စေဖို့ စတင်လိုက်တဲ့ ခြေလှမ်းတစ်လှမ်းလည်း ဖြစ်ပါတယ်။

အမေရိကန်ပြည်ထောင်စုအနေနဲ့ စစ်အုပ်စုကို လေယာဉ်ဆီ ရရှိအောင် ထောက်ပံ့ပေးနေတဲ့ ကုမ္ပဏီတွေဖြစ်တဲ့ Shoon Energy Pte Ltd , P.E.I Energy Pte Ltd (ယခင် Puma Energy Irrawaddy), PEIA Pte Ltd (ယခင် Puma Energy Irrawaddy Aviation) တို့အပေါ် ကန့်သတ်ပိတ်ဆို့ အရေးယူမှုတွေကို စတင်လိုက်ခြင်းပဲ ဖြစ်ပါတယ်။

Shoon ကုမ္ပဏီအုပ်စုဝင် ယခင် Asia Sun ဟာ မြန်မာစစ်အုပ်စုရဲ့ အဓိကပြည်တွင်း မိတ်ဖက်ဖြစ်ပြီး၊ အဲ့ဒီ့ကုမ္ပဏီတွေဟာ လေယာဉ်လောင်စာဆီ တင်သွင်းခြင်း၊ သိုလှောင်ခြင်း၊ ရောင်းချခြင်းနဲ့ ပို့ဆောင်ခြင်းတွေမှာ ပါဝင်ဆောင်ရွက်လျှက် ရှိတာပါ။

Ernst & Young LLP ကတော့ လက်ရှိမှာ အသစ်ပိတ်ဆို့ခံထားရတဲ့ စင်ကာပူ စီးပွားရေးလုပ်ငန်းနှစ်ခုဖြစ်တဲ့ PEIA Pte Ltd နှင့် P.E.I Energy Pte Ltd တို့ရဲ့ စာရင်းဝင်ကုမ္ပဏီတွေ ဖြစ်ပါတယ်။

Ernst & Young ကုမ္ပဏီအနေနဲ့ မြန်မာနိုင်ငံကို လေယာဉ်ဆီ ထောက်ပံ့မှုမှာ ပါ၀င်နေတဲ့ မည်သည့် ကုမ္ပဏီများနဲ့မဆို အဆက်အသွယ်ဖြတ်တောက်ဖို့ Justice For Myanmar က တောင်းဆိုထားပါတယ်။

လတ်တလောမှာ အဲ့ဒီ့ကုမ္ပဏီအများစုဟာ စင်ကာပူနိုင်ငံမှာ အခြေစိုက်နေတာဖြစ်ပြီး မြန်မာစစ်အုပ်စုကို ထောက်ပံ့နေတဲ့ အဲ့ဒီ့ကုမ္ပဏီတွေကို စင်ကာပူအစိုးရက အရေးယူဖို့ ပျက်ကွက်နေတယ်လို့လည်း အရပ်ဘက်အဖွဲ့အစည်းတွေက ဆိုနေကြတာပါ။

ဒါ့ကြောင့် Justice For Myanmar အပါအဝင် အရပ်ဘက်အဖွဲ့အစည်း ၂၀၀ကျော်က စင်ကာပူနိုင်ငံခြားရေးဝန်ကြီးထံ အိတ်ဖွင့်ပေးစာ တစ်စောင်ကို ပြီးခဲ့တဲ့ ရက်ပိုင်းအတွင်းက ပေးပို့ခဲ့ပါတယ်။

အဆိုပါ အိတ်ဖွင့်ပေးစာထဲမှာ မြန်မာစစ်တပ်ထံ တိုက်ရိုက် သို့မဟုတ် သွယ်ဝိုက်တဲ့ပုံစံနဲ့ လက်နက်များ လွှဲပြောင်းမှု၊ နှစ်မျိုးသုံးကုန်ပစ္စည်းတွေနဲ့ နည်းပညာတွေ ပေးပို့နေမှုကို တားဆီးဖို့နဲ့ ပိတ်ဆို့အရေးယူမှုတွေ စတင်လုပ်ဆောင်ဖို့ စင်ကာပူအစိုးရကို တောင်းဆိုထားတယ်လို့ ဆိုပါတယ်။

ဒါ့အပြင် စင်ကာပူရဲ့ ဘဏ္ဍာရေးစနစ်ကို စစ်အုပ်စုဘက်က ဝင်ရောက်အသုံးချခွင့် ရနေတာကို ပိတ်ဆို့တားမြစ်ဖို့ တိုက်တွန်းထားတာ တွေလည်း ပါဝင်ပါတယ်။

ဒါ့ကြောင့် စင်ကာပူအနေနဲ့ လက်ရှိမြန်မာ့အရေး တိကျသေချာတဲ့ အရေးယူ ဆောင်ရွက်မှုတွေ လုပ်ဆောင်ဖို့အတွက် မြန်မာ့အရေး ဆောင်ရွက်နေတဲ့ အရပ်ဘက်အဖွဲ့အစည်းတွေရဲ့ အသံနဲ့ မြန်မာနိုင်ငံဆိုင်ရာ လူ့အခွင့်အရေး ကုလသမဂ္ဂ အထူးကိုယ်စားလှယ်ရဲ့ လတ်တလော အကြံပြုချက်တွေကို နားထောင်ဖို့ ကိုလည်း တစ်ပါတည်းတောင်းဆိုထားပါတယ်။

ဒါ့အပြင် လက်ရှိ စစ်အုပ်စုက ထိန်းချုပ်ထားတဲ့ မြန်မာ့ရေနံဓာတုလုပ်ငန်း (MPE) နဲ့ Shoon လုပ်ငန်းစုတို့အပေါ်ကို ထပ်ဆင့်အရေးယူဖို့ လိုအပ်နေသေးတယ် လို့လည်း JFM ဆိုပါတယ်။

MPE ဟာ ဂျက်လေယာဥ်ဆီ ထောက်ပံ့ရေး ကွင်းဆက်ကို ထိန်းချုပ်ထားပြီး ဂျက်လေယာဥ်ဆီ ထုတ်လုပ်တဲ့ မန်းရေနံချက်စက်ရုံကို လည်ပတ်ကာ National Energy Puma Aviation Services (NEPAS) ကို Shoon နဲ့အတူ ပူးတွဲပိုင်ဆိုင်ထားတာပါ။

NEPAS ဟာ လေယာဉ်ဆီ တင်သွင်း၊ သိုလှောင်ဖြန့်ဖြူးခြင်း တွေကို ဆောင်ရွက်နေပြီး Shoon Energy Thilawa Terminal Company Limited (ယခင် Puma Energy Asia Sun) က အဓိက လောင်စာဆီ ဂိတ်နှင့် သိုလှောင်ကန်များကို လည်ပတ်ဆောင်ရွက်နေခြင်း ဖြစ်ပါတယ်။

MPE၊ NEPAS နဲ့ Shoon Energy Thilawa Terminal တို့ကို လတ်တလောမှာ မည်သည့်နိုင်ငံကမျှ ပိတ်ဆို့အရေးယူ ထားခြင်း မရှိသေးလို့ အမြန်ဆုံးပိတ်ဆို့ဖို့ လိုအပ်နေတယ်လို့လည်း JFM ကဆိုပါတယ်။

Justice For Myanmar ၏ ပြောရေးဆိုခွင့်ရှိသူ မရတနာမောင်က

“လေယာဉ်လောင်စာဆီ ကဏ္ဍအပေါ် အမေရိကန်က ဒဏ်ခတ်အရေးယူမှုတွေ ချမှတ်ရာမှာ အခုနောက်ဆုံး သိသာထင်ရှားတဲ့ ခြေလှမ်းတွေနဲ့ အကြမ်းဖက် မြန်မာစစ်အုပ်စုကို လေယာဉ်ဆီ ထောက်ပံ့ပေးတဲ့ အဓိကကုမ္ပဏီတွေနဲ့ လူပုဂ္ဂိုလ်တွေကို ဒဏ်ခတ်အရေးယူမှုတွေ ချမှတ်လိုက်တာကို ကြိုဆိုပါတယ်"

"မြန်မာပြည်သူတွေအပေါ် လေကြောင်းတိုက်ခိုက်မှုတွေ ရပ်တန့်အောင် ကူညီပေးဖို့ စစ်အုပ်စုရဲ့ လေယာဉ်ဆီ ထောက်ပံ့ရေးကွင်းဆက်မှာ ပါနေကြတဲ့ နိုင်ငံတကာစီးပွားရေးလုပ်ငန်းတွေကို ဒဏ်ခတ်ပိတ်ဆို့ခြင်းနဲ့ ဆုံးဖြတ်ချက် ကို မြန်မြန်ဆန်ဆန် အကောင်အထည်ဖော်ဆောင်ရွက်ဖို့ အမေရိကန်ကို ကျမတို့က တိုက်တွန်းထားပါတယ်“ လို့ ပြောဆိုခဲ့ပါတယ်။

ဒါ့အပြင် အကြမ်းဖက်စစ်အုပ်စုက ဂျက်လေယာဥ်ဆီ ရရှိနေမှုမှာ အရေးပါတဲ့ သင်္ဘောလိုင်းတွေနဲ့ အာမခံလုပ်ငန်းတွေ အပါအဝင် စစ်အုပ်စုကို လေယာဉ်ဆီ ရရှိအောင် ထောက်ပံ့ပေးနေတဲ့ ကုမ္ပဏီတွေကို ဆက်လက်ပိတ်ဆို့ အရေးယူမှုများ ပြုလုပ်ဖို့ အမေရိကန်ပြည်ထောင်စုရဲ့ ဆုံးဖြတ်ချက်အတိုင်း ဆက်လက် အကောင်အထည်ဖော်ဖို့ တွေကို တိုက်တွန်းတောင်းဆိုကြောင်း Justice for Myanmar ထုတ်ပြန်ပြောဆိုထားပါတယ်။

26/08/2023

ဗိုလ်နဂါးဦးဆောင်ဝယ်ယူခဲ့တဲ့ လက်နက်ခဲယမ်းနဲ့ စစ်သုံးပစ္စည်းတွေအားလုံးကို ဗိုလ်နဂါးဆီ ပြန်အပ်ပြီး ယင်းမာပင်ခရိုင် တပ်ရင်း ၃၊ ၄၊ ၅၊ ၆ တို့ဟာ NUG အစိုးရ၊ MOD အောက်ကို ပြန်ဝင်

NUG ကာကွယ်ရေးဝန်ကြီးဌာန ကွပ်ကဲမှုအောက်မှာ ဆက်လက်ရပ်တည်မယ်လို့ဆို

ဩဂုတ် ၂၆

စစ်ကိုင်းတိုင်း၊ ယင်းမာပင်ခရိုင် တပ်ရင်းအမှတ် ၃၊ ၄၊ ၅၊ ၆ တို့က ဗိုလ်နဂါး ဦးဆောင်တဲ့ မြန်မာ့တော်ဝင်နဂါးတပ်တော် (MRDA) ရဲ့ ဦးဆောင်မှုနောက်ကို မလိုက်ပါလိုတော့တဲ့အတွက် ဗိုလ်နဂါး ဦးဆောင်ဝယ်ယူခဲ့တဲ့ လက်နက်ခဲယမ်းတွေ၊ စစ်သုံးပစ္စည်းတွေအားလုံးကို ဗိုလ်နဂါးဆီ ပြန်အပ်ပြီး NUG ကာကွယ်ရေးဝန်ကြီးဌာန(MOD)ရဲ့ ကွပ်ကဲမှုအောက်မှာ ဆက်လက်ရပ်တည်မယ်လို့ ဒီနေ့ရက်စွဲနဲ့ ထုတ်ပြန်လိုက်ပါသည်။

“ယနေ့အချိန်မှစပြီး ယင်းမာပင်ခရိုင် အမှတ် ၃ ၊ ၄ ၊ ၅ ၊ ၆ တပ်ရင်းများသည် မြန်မာ့တော်ဝင်နဂါးတပ်တော် (MRDA) သို့မဟုတ် ဗမာအမျိုးသားတော်လှန်ရေးတပ်မတော် (BNRA) နှင့် လုံးဝမသက်ဆိုင်တော့ဘဲ အမျိုးသားညီညွတ်ရေးအစိုးရ ၊ ကာကွယ်ရေးဝန်ကြီးဌာနရဲ့ ကွပ်ကွဲမှုအောက်တွင်သာ ဆက်လက်ရပ်တည် သွားမည်ဖြစ်ကြောင်း” လို့ ထုတ်ပြန်ချက်မှာ ဖော်ပြထားပြီး ထုတ်ပြန်ချက်ကို အမှတ် ၃ တပ်ရင်းမှူး ၊ အမှတ် ၄ တပ်ရင်းမှူး ၊ အမှတ် ၅ တပ်ရင်းမှူး နဲ့ အမှတ် ၆ တပ်ရင်းမှူးတို့က လက်မှတ်ရေးထိုး ထုတ်ပြန်ခဲ့တာဖြစ်ပါသည်။

NUG ကာကွယ်ရေးဝန်ကြီးဌာနအနေနဲ့ ယင်းမာပင်ခရိုင် အမှတ် ၃ ၊ ၄ ၊ ၅ ၊ ၆ တပ်ရင်းတွေကို ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော် တပ်ရင်းများအဖြစ် ဆက်ပြီး အသိအမှတ်ပြုတယ်လို့ ဩဂုတ် ၂၂ ရက်မှာ အကြောင်းပြန်ထားကြောင်း ထုတ်ပြန်ချက်မှာ ဖော်ပြပါသည်။