Kelana Kediri

Home
Indonesia
Kediri
Kelana Kediri

Potret Jalanan Kediri
(6)

05/04/2022

Jarene enek bakul sego goreng uenak. nyar. Lokasine Daerah Dinamo Batu, Tinalan, Kota Kediri. Kulone Viva Hotel. Lagek teko jam set.8 bengi nganti saiki jam 9 antri rung didoli😅.

Wes tau njajal rung lur? Iki didudohi cah harapan jaya. Lek mampir jajalen wkwkwk. Suwe ndak posting soale tas mari loro ati🥲.

10/03/2022

Genamu sek enek tradisi sing jenenge Metri pora Ndaa? Biasane koyok ngeneiki, diwenehi berkat karo jenang abang. Biasane dilakoni pas nduweni barang anyar contone koyok omah, mobil, motor, trek, mantu, bahkan kadang tuku sapi ae dipetri😅.

Lek nggenamu biasane diundangne wong trus dislameti koyok genduren ngunu kae. Opo cukup ditonjokne utawa diterne neng tonggo/dulur? Jan jane lek dipikir tradisi iki apik, soale marai wong liyo iso ngrasakne seneng masio ndak melu nduweni barang anyar sing dituku😅.

Tapi yo kadang iso dadi sumber rasan-rasan yoan. Terutama lek musuh emak-emak ngunu kae. Kadang omongane. "Yungalah, tukune trek puso anyar tapi lek metri ra mbejaji. Iwak ae dipilihne brutu karo jeroan." Ueram tenan lek wes musuh mak-mak ngunu kui😁.

04/03/2022

Sopo sing biyen ngarepan omahe duwe bandulan teko ban karet ding ditaleni tampar ngeneiki Ndaa? Ditalekne wit rambutan utawa wit pelem. Trus akhire dipedot mergo digawe rebutan cah cilik utawa wes bolak balik nibakne bocah😅.

Jare mbahku, bandulan ngeneiki lek bengi ora diunggahne utawa dicantelne neng pang wet. Mesti ogreh dewe soale gawe dolanan karo tuyul😱. Ciri-cirine mesti teles gek nampon banyu. padahal bengi ra udan. Kui ngunu jarene ompole tuyul.

Lokasi Sotretan Area Musholla KUA Kandat.

02/03/2022

Makmu utawa Bulekmu lek dijak dolan enek sing sangu senjata andalan ngeneiki pora Ndaa?

Jan minyak iki ki kenek disebut musuhe cah nom-noman lek dijak dolan numpak mobil bareng keluarga😅. Iyo pora ndaa? Lek musuhku selain iki, biasane Stella aroma jeruk, gek pas tumpakane panther diesel. ACne ngowos koyok freeser pisan🥲. Teko nggen dijamin glegeken kudu metu untal-untalane.

27/02/2022

Sak durunge dunia perombenan dikuasai bongsone marjan, opo maneh sing saiki perombenan pas riyoyo dikuasai siplah karo sari asem😅. Mbiyen koyok2e ora enek sing ora cepak ORSON neng omahe pas riyoyo. Terutama sing rasa jeruk.

Gekno Mbiyen roto2 orson dicam gawe banyu anget, soale s*k jarang wong duwe klukas. Masio rodok ribet penyajiane, tapi asline orson kene gawe titen2 status sosiale wong. Padahal ribet, sing dadak dicam disek, trus bar disuguhne dadak ngisahi. Tapi yo panggah ae wong seneng cepak orson.

Nah, Kenek g*e titenan Biasane lek omahe sedia orson, mesti sing duwe omah bakal nyangoni sak nduwure 1000, bahkan sampek 5000. opo maneh lek sing disuguhne orson dingin. sing artine wonge mesti duwe klukas😅. Lek genamu kae, pas cilikanmu lek riyoyo suguhe orson opo mung banyu towo sing diadahi ceret utawa kendi ngunu kae ndaa?

25/02/2022

Jek kelingan jajan iki ra ndaa? Lek cah lawas mesti jek kelingan jajan iki😅. Biyen regane 100, trus maleh 200 trus 500 oleh loro. Akhire saiki regane 500an. Termasuk jajan mewah mbiyen. Sak nduwure iki enek Ciki karo Tini Wini Biti😁.

Iki jaman-jamane Duit 25 gambar komodo jek aji oleh permen sugus. Karo jaman-jaman loro atine jik mergo ra dibolo koncone, ora mergo nekat mencintai trus dianggep koyok mas.e dewe🥲.

24/02/2022

Sopo sing langganan Bakso Pak Pri Branggahan sing manggen neng ngarepe Pabrik Roti Jordan. Regone Mourah, mung 5000 wes oleh bakso uakeh, rasane ya enak lek menurutku. Ditambah ngombene sing khas yoiku es garbis sing regane mung 1000 sak gelas gede😅.

Dadine ndak nggumun lek wayahe jam makan siang ngunu kae iso sampek antri-antri mergo ruame. Bagi sing durung tau, jajal lek pas lewat neng Branggahan mampiro, bukae mbuh jam piro, tapi tutupe biasane rodok sore. Paling aman yo mendekati jam makan siang ngunu kae😁.

Jo lali lek rene jak en yangmu timbang ndis*ki yangmu mengko dijak koncomu, ndak entek duit 15 ewu lho. wes wareg berduwa. Ditambah nggene sing pinggir sawah, angine jan sepoi sepoi. Kenek ge romantis-romantisan dulang-dulangan pentole bakso🥰.

22/02/2022

Sek kelingan ra lur karo kewan iki? Lek ben gelem metu omahe kudu diababi dis*k, utawa kadang diwenehi banyu. Dek ingi pas antar jemput yangku pas enek acara wali murid neng salah sijine SD. Eruh bakul ngeneiki.

Akhire aku tuku, siji regane sewu. Gek tak jenengne Waluyo, jal tag.en koncomu sing jenenge podo😅, Tak jenengne Waluyo ben koyok jenenge cah lanang sing tau ngrebut pacarku biyen. Lha lek sampean kapab terakhir kaline ngingu ngeneiki? Mbuh nyapo kewan ngeneiki angel diingu. mbuh kabur, dipangan tikos utawa gampang mati😔.

21/02/2022

Duwe kenangan opo ndaa neng Dhoho Plaza salah sijine pusat perbelanjaan sing mbiyen tau suepi trus saiki kok ketoke mulai rame meneh semenjak enek swalayan samudra😁.

Sampean ngerti pora lek mbiyen jarene sak durunge enek dhoho plaza, tau enek wit ringin sing guede neng kene. Trus sekelilinge lahan-lahan kosong sing biasane gawe bal-balan karo cah sekitaran kene iki.

Nah, Krungu-krungu neng Dhoho Plaza iki enek mitos.e yoan, lek seumpama sampean blonjo neng dhoho plaza trus ora mbayar langsung mlayu metu gowo blanjaan. Mitose sampean iso terkenal, mlebu koran trus akeh sing pingin wawancara. Tapi yo jenenge mitos ki Mbuh hooh pener pora yo ndak paham. Ben tambah yakin, Jajal takokno koncomu sing omahe sekitar kene utawa lek pas blonjo rene jajalen. Bener pora mitos kui😅. ko lek wes terbukti, kabarono aku yo ndaa.

20/02/2022

Kenanganmu pas nglewati gerbang GOR kene iki opo ndaa? Lek aku tau dipalak cah haik njaluk uwul pas ketemuan karo yangku neng kene😅. Trus tak ceramahi lek ngombe ki perkoro sing ndak apik, dilarang Agama.

Lha aku malah diceramahi genten. wonge muni ngene. "Lha sampean pacaran, berduaan bukan mukrim neng petengan trus grayah-grayahan prayo dusone malah luweh akeh."

Peh, krungu dionokne maleh kisinan, akhire tak wenehi duit 5000 trus ngaleh aku🥲. Lek kenanganmu piye ndaa?

19/02/2022

Wong area Dukuh, Ngadiluwih enek sing ruh pentol iki ndak yo? Bakulane ndek lor.e SDN Dukuh 2. Mesti uantri, gek sing sitimewane enek pentol mercone😅. Sak porsi 5000an isine uakeh.

Jal tag.en yang e koncomu, menowo gelem dijak tuku neng kene. Mumpung hawane mben sore mesti udan. dadi lek disambi dulang dulangan pentol karo nyruput pop es rasa permen karet berdua tambah syahdu pol. Gek mulihe ojo lali. dipeseni lek peristiwa dulang-dulangan hari ini hanya kita saja yang boleh tau dan menikmati😊.

18/02/2022

Mumpung jumat, kimau pas arep jumatan aku kan ketok-ketok kuku tangan. Trus kelingan. Jarene bapakku biyen, lek ser ketok-ketok kuku ojo pas bengi. Jarene ndak ilok trus marai KAMISISETEN. Tak pikir-pikir artine kamisiseten kui opo to Ndaa?

Trus enek perkoro meneh, lek ngetok kuku ojo dikrikiti karo untu. mengko marai SIWILEN. peh jan kata-katane kok yo enek ae.

Nah dirimu enek sing ruh pora? Sampek iki mau bingung artine KAMISISETEN karo SIWILEN kui opo? Arep takok pakku, wonge wes AFK🥲. jan maleh penasaran aku.

17/02/2022

Menurut sejarah, Kediri kui mbiyen enek kerajaan-kerajaan karo Tokoh sing gede bahkan terkenal sampek monconegoro. Koyok Sri Aji Jayabaya misale sing nduweni ramalan-ramalan sing terkenal. Nah berdasarkan pemahaman kui, lha mau ndilalah pas res*k-res*k omah. Kok aku nemu iki yo Ndaa?🤔

Menurutmu iki benda ko kerajaan ndi yo? Umpomo diduitne ngeneiki payu piro yo? Soale mbahku mbiyen kui tau cerito lek omahku tau dituroni karo tokoh-tokoh penting ko kerajaan Kediri, mbuh jenenge sopo yo lali aku

Gek iki sampek warnane ijo-ijo lumut ngeneiki lo. kiro-kiro umure pirang atus tahun ya? peh. jal takokno koncomu sing kolektor-kolektor barang antik. menowo weruh.

16/02/2022

Bingung pol aku Ndaa, kan kon rewang neng gene tonggoku sing rabi oleh mantanku😢. Lha aku kebagian jobdesk kon gawe bikang. Nah kae mau, tukang masake muni bikang sing apik kui sing mlecur. Tapi ra let suwe ibuke tonggoku pesen, lek gawe bikang kui sing mekrok.

Nah, menurutmu aku kudu gawe bikang sing piye, Mlecur opo Mekrok? trus bedane opo antara mlecur karo mekrok kui😔. Maleh bingung. Wes loro ati mergo ditinggal rabi. Sek kon mikirne antarane mlecur karo mekrok?

mohon aku dikasih info Ndaa. ben ndak bingung.

15/02/2022

Jan jane tulisane sing bener kui opo to Ndaa? Kenthukcy? Kentuki? Kentaki? Kenthaky? Opo piye? Lawuh murah meriah, lek genaku regane 4000an. Lek genamu piroan biasane regane?🤔.

Jan saiki tuku iwak pitik ngeneiki wes koyok ndak mikir rego. Padahal biyen lek arep mangan iwak pitik ngenteni bapak muleh genduren dis*k. Kui ae mesti didum wong sak ngomah. Trus lek muni gene emak njaluk lawuh iwak pitik, mesti dadak ditakoni. Awakmu opo panas? Sangking mewahe iwak pitik jaman biyen kae.

Terus paling pol.e lek sepi utawa ndak usum gendurenan, pas bayaran bapak mesti ngajak tuku soto neng pasar, jarene ge perbaikan gizi😅. jaman cilikanku soto s*k 2000 sak mangkok .

14/02/2022

Enek sing ruh pora iki wit opo jenenge? Mbiyen jaman omah latare s*k ombo-ombo kae. Ndak jarang ngarepane mesti enek tanduran sukun. Lek tak takoni, jarene sih uakeh gunane.

Buahe kenek digodog kadang yo digoreng ge suguhan tamu. dicepakne karo teh manget manget gek mangane pas sore sing rodok gerimis ngunu, lungguh ngarepan karo sarungan. Wes jian mantap. Trus pulute kenek gawe njebak manuk liaran sebangsane tilang, ciblek, lsp. Trus godonge kenek dirampeli gawe pakan sapi darurat pas ndak suket angel😅. Kayune yo jarene kuat masio relatif enteng.

Saiki koyoke wes juarang sing tandur wet ngeneiki. soale ndak populer koyok wit buah sing hasile luweh nggenah. Lek sekitar mahmu jek enek sing nduwe tanduran iki pora ndaa?

11/02/2022

Genamu s*k enek buah sing kecut kecut seger iki ra Ndaa? Lek genaku ngarani murbei, enek yoan sing ngarani besaran😁. Liyane dipangan mentah yoiso gawe wedang barang, rasane enak yoan.

Trus sing penomenal kenek ge pitek. carane dideplok bareng karo godong pacar banyu. sampek warnane abang trus didekek neng kuku. Biyen pas cilikanku sering dolanan pasaran ngunu kui karo koncoku wedok. xixixi.

Godonge kenek ge pakan ulat sutra jarene yoan. Mbuh neng kediri kae enek sentrane. tapi saiki ketoke wes ndak produksi meneh. Lek kenanganmu biyen karo buah iki opo Ndaa?

09/02/2022

Tak pikir neng Bali, tempone Rembang.
Pas oleh Whatsapp ko nggenamu dek.
Tak pikir kowe arep muni ngajak bali, tempone ijin arep masang kembar mayang.

Karo pilihane Bapakmu. peh🥲.

Lha lek sampean duwe kenangan opo gek karo sopo neng deso Rembang kene Ndaa?😊

08/02/2022

wkwkwk. Enek sing ruh iki nengdi ra Ndaa? Lek biasane wong diancem ben ra wani maling. Iki malah ditantang😅. Jan kendel masszeeh.

Pokoke salah siji kuburan neng deso sing masok Wilayah Kecamatan Ngadiluwih

07/02/2022

Minggu wingi pas ndak sengojo tangi esuk. Budal golek swasana sing rodok seger. ndilalah kok yo wes teko jembatan wijayakusuma perbatasan Ngadiluwih-Mojo. Nyawangi cah sepedahan ngetan ngulon karo aliran kali brantas.

Pas arep muleh kok ruh bakul ruame dirubung mbak mbak karo cah cilik-cilik. Tempone bakul Terang Bulan Jowo😅. Mbuh lek ngarani neng nggenamu piye? Soale jamanku SD mbiyen jajanan ngeneiki arane terang bulan.

Regane murah, 5000 wes oleh 3 terang bulan lengkap karo guyuran susu kenyal manis, trus prutukan meses warna warni. Jan ngelingi masa kecil pas sangu jek 200 repes kae. Syahdu tenan, yo rodok mareki masio ndak wareg sepenuhnya😅.

Lek genamu s*k enek bakul ngeneiki pora Ndaa? Soale tak takoni wonge tempone koncone bakul enek akeh. Tapi nyebar enek sing munyer area kras, kota, sampek pare. Mbarang tak takoki omahe ndi, aku dijiwit mak-mak soale wes podo kesuwen antri😅, tambah nesu soale aku lek tuku sepisan wawancara karo curhat tipis-tipis mengenai roso kelangan sing angel marine.

03/02/2022

Kasurmu neng ngomah s*k ngeneiki opo wes springbet ngunu kae Ndaa? Lek entek kapuke utawa ngempel mergo kenek iler iso direfill utawa diisi ulang. Trus kadang yo sewulan pisan perlu dipepe trus diseblaki ben tuma-tuma dan tinggi karo bledug iso ilang😁.

Trus kadang lek duwe cah cilik mesti dilemeki perlak ben ndak ngrembes ompolnya. sehingga kasurnya ndak mambu badeg😅. Ngertio nda, Kasur ngeneiki asline ngrejekeni soale mbiyen sesasi pisan po 2 sasi pisan enek emak-emak tukang jahit utawa servisan kasur mlaku keliling nawakne jasane, saiki wes ndak enek ketoke.

Mergo prasaanku, saiki wong-wong ketoke do ganti springbet kabeh, soale wes jarang eruh kasur dipepe neng ngarepan utawa wong sing pesen kapuk gawe isi ulang kasur.

01/02/2022

Iki candi opo lur? nggen e area Kandat. Enek sing ruh pora? Enek tulisane jowo barang kui. Jal tag.en koncomu sing omahe Kandat menowo podo paham? Mau arep takok wong-wong kok yo pas sepi ndak enek sing lewat🤔.

29/01/2022

Ndaa, kapan terakhir awakmu blonyohan minyak kayu putih gawe menghangatkan awak?

Nggumunku mbiyen ki lek butuh kehangatan cukup diblonyohi ngeneiki. Tapi nyapo saiki lek butuh kehangatan ki mesti kudu gawe pelukanmu? Padahal nggak setiap waktu dirimu ada disampingku🥲.

28/01/2022

Genamu s*k enek Opak Sermier opo ora ndaa? opak legend sing lek jamanku mbiyen siji ngeneiki regane 25 repes trus karo bakule diolesi caos abang ngunu kae. Biasane neng ngarep SD utawa neng toko pracangan dibungkus plastik guede😅.

Gandengane biasane tuku es lilin ben bar mangan iki ndak nyereti😁. Opak sermier iki jarene digawe songko telo. Rasane gurih trus enek cita rasa khas soale ditambahi taburan godong bawang karo jarene sih lek gawe diwenehi tambahan tumbar gawe bumbune.

Sayange lek tuku saiki kudu bungkusan isi 5 regane 3000an. ndak iso tuku siji siji koyok biyen. tapi mangan siji ae iso wareg po meneh lek ngemile pas cerito-cerito soal masa depane adewe sing mulai temu dalane.

27/01/2022

Jal sebagai wong Kediri sing kulino turut pawon ngewangi mak.e masak. Menurutmu sing bener, iki jenenge opo? Kucai, Sereh opo Seledri? Opo malah sampean nduweni jeneng liyane?

Pokok Ciri utamane rasane getir, koyok pas dirimu sadar ternyata selama iki cah sing kok perjuangne. ternyata neng atine wes enek liyane. Gek alasane gelem menjalani hubungan karo sampean atas dasar mesakne tok ndak enek roso tresno blass🥲🥲.

Address

Kediri

Telephone

+6285702650829

Website

http://instagram.com/kelanakediri

Alerts

Be the first to know and let us send you an email when Kelana Kediri posts news and promotions. Your email address will not be used for any other purpose, and you can unsubscribe at any time.