11/10/2025
Qofka Isaaqa ah ee aan la dhacsanayn dhismaha Waqooyi Bari waa aynnu u garaabi karnaa oo waxa uu rabaa in aanay Waqooyi Bari sabab u noqon baajinta ictiraafkii ay raadinayeen. Qofka Hawiye ee aan taageerin maalmihii halganka Waqooyi Bari socdayna waan fahmi karnaa oo awood qaybsiga siyaasadda Soomaaliya ee Daarood iyo Hawiye buu u arkay in ay dheelli ku keeni karto. Qofka Dhulbahante ama Warsangeli ama reer Waqooyi Bariga kale ee raba taabbogalka maamul WB la dhahana waa fahmi karnaa oo talada in uu gacantiisa ku soo celiyo oo uu ka baxo aag lagu muransan yahay ("disputed area") buu doonin.
Maadaama intaas aan kor ku xusnay oo dhan garan karno ujeeddooyinka ay ka leeyihiin oo ah kuwa sababaysan oo salaysan, qofka Majeerteen ee Deni iyo tiimkiisa la fikirka ah ee diiddan in WB noqoto maamul goballeed maxuu diidmadiisa sal uga dhigin? "Waan kuu soo hiiliyey sidaa darteed hiilkaygii waxa aan ku beddelan in uu fashilmo halgankii oo aanu midhodhalin, miyuu ku doodin maadaama ujeedka laga lahaa halganka uu ahaa in dadka taladooda gacantooda lagu soo celiyo"?
Anigu waan fikiray, oo fikirey oo fikiray oo waan dhaafsiin waayey marka ay ugu fiican tahay dano shakhsi ah oo aan la isku hubin in uu u diiddan yahay WB, marka ay ugu fiican tahay (at best), marka ay ugu xun tahayna (at worst) waxa uu u diidda yahay waa hinaas, xaasidnimo iyo cuqdad. Bal adiga maxay ku la tahay?
