Omah Rahat

09/10/2023

22/07/2023

Ayo podho seneng bungah kerono di tekdirke dadi wong Islam.

Ingatase gur awak dewe kok di tekdirke dadi wong Islam, gelem ngaji lan nglakoni Islam iku keren.

09/06/2022

Ayo golek barokah

07/06/2022

Sinau Karo Kahanan Lan Kedadean

Nderek bela sungkawa sesarengan Gubernur Jawa Barat Bapak Ridwan Kamil ingkang nembe nandang duhkita kanti musibah keremipun ingkang putra ing kali Aare Swiss.

Mugi kaparingan khusnul khatimah, dipun tampi sedaya amalipun, dipun ampunten sedaya kalepatanipun, dipun papanaken wonten panggenan ingkang sae lan kulowargo ingkang dipun tilar kaparingan sabar lan tabah.

Ngemutaken kita sedaya bilih gesang wonten alam dunya boten saklaminipun, saben kita bakal marak sowan dumateng ngarsa dalem Allah subhanahu wata'ala.

Ugi ngemutaken kalian pangandikan bilih "manungso iku amung sak dermo titah sawantah, mobah mosike gumatung mring kang nitahake”. Kita menungsa makhluk inkang lemah boten kuwaos nandingi takdiripun Allah Kang Maha Kuwaos.

Mila kuwajiban kita nindakaken punapa ingkang Allah syareataken, saklajengipun pasrah berserah diri kalian punapa ingkang Allah Subhanahu wata'ala tetepaken.

Sesarengan kalian kabar duhkita puniko, kita mireng kabar bilih Swiss puniko kalebet papan ingkang kathah dipun kunjungi para wisatawan, kalinipun ingkang bening/jernih, pemandangan alam ingkang sarwo endah.

Kados makaten kaendahan satunggaling papan ing alam dunya, lajeng kados pundi kawontenan lan kaendahan taman-taman suwargo ingkang Allah Subhanahu wa taala siapaken kangge tiang-tiang ingkang kagungan iman lan takwa.

Wonten satunggaling pangandikan Rasulullah shalallahu alaihi wasalam nyebataken bilih kawontenan taman-taman suwargo puniko kaendahanipun dereng nate kapirsani netra, dereng nate kapireng, dereng nate kapenggalih dening manah. Satunggaling bebasan bilih kawontenan lan kaendahan taman suwargo puniko boten saget dipun bayangaken.

Ngalir kali-kali sakngandapipun, wonten kali arupo susu, kali khamer ingkang boten mabukaken, kali arupo madu ingkang murni lan sedaya macem woh-wohan ingkang gampil dipun petik.

Mugi kita kalebet tiang-tiang ingkang kaparingan taufiq saking ngarsa dalem Allah subhanahu wata'ala, dipun tetepaken ing dalem iman lan islam, tansah takwa lan istiqomah ngantos akhir hayat.

04/06/2022

04/06/2022

AYO PODHO DILESTAREKNO

Nate krungu crito soko poro ilmuan, babagan kewan kang wis podho punah.
Kekayaan alam arupo tetaneman lan poro kewan kalebu karunia Allah ta’ala kanggo poro menungso kang kudu dilestarekno, mongko mumpung isih ono ayo podho dijogo, ojo podho diburu kanti ditembaki utowo dijaring. Utowo ngrusak lingkungan kanti bebuwang sampah ing sakparan-paran.

Opo siro pingin crito marang putro wayah; “Le… Ndhuk… ono deso kene biyen pernah ono manuk deruk, tilang, pentet lan liya-liyane, nanging iku biyen ….”

Opo maneh papan kang nedheng-nedhenge dipromosekake kanggo wisata, kekayaan alam kang arupo manuk kewan tetaneman lan pemandangan alam kudu dijogo bareng-bareng, becik iku dening warga mukim utowo wisatawan kang podho teko.

Awak dhewe kabeh pinongko umate Allah ta’ala kang kagungan sifat Rahman lan Rahim, kudu iso paring rahmat lan kasih sayang marang lingkungan. Ora becik ngrusak alam sekitar becik kewan utawa tetaneman mung karono golek kasenengan kang sedelo.

Soko Abu Hurairah raḍiyallāhu ‘anhu, Rasulullah shalallahu alaihi nate crito: sakwijining dino ono wong-wongan kang mlaku ono sakwijing dalan lan ngrasakake ngelak, dheweke nemokake sumur banjur mudun kanggo ngombe. Rikolo metu soko sumur, dheweke nemokake Asu kang melet ndilati lemah karono ngelak. Wong-wongan iku ngucap: “Asu iku ngrasakake ngelak koyo kang tak rasakno”, dheweke medun ing sumur nyiduk banyu nganggo sepatune, digowo munggah nganggo tutuke banjur diombekake marang Asu iku. Allah ta’ala atur panuwun marang dheweke banjur paring pangapuro kalawan dosane. Poro shahabat podho takon: Duh Rasulullah, punopo kito pikantuk ganjaran rikolo tumindak becik marang kewan?. Ngendiko Rasulullah shalallahu alaihi wasalam: Yo, saben tumindak becik marang makhluk kang urip bakal nekakake ganjaran/pahala.

28/05/2022

Anak shalih lan shalihah pinongko investasi jangka panjang,
mumpangati kanggo wong tuwane becik rikolo sugeng utowo sak bubare ninggal

26/03/2022

Membaca Al Qur'an mendatangkan barakah

09/01/2022

ꦏꦤ꧀ꦠꦶ​ꦚꦺꦧꦠ꧀​ꦲꦱ꧀ꦩꦤꦶꦥꦸꦤ꧀​ꦄꦭ꧀ꦭꦃ​ꦲꦶꦁ​ꦏꦁ​​ꦩꦲ​ꦮꦺꦭꦱ꧀​ꦭꦤ꧀​ꦄꦱꦶꦃ꧈​​ꦩꦸꦒꦶ​ꦠꦤ꧀ꦱꦃ​ꦥꦫꦶꦁ​​ꦥꦶꦠꦺꦢꦃ​ꦝꦸꦩꦠꦺꦁ​​ꦩꦂꦒꦶ​ꦲꦶꦁ​ꦏꦁ​​ꦭꦺꦫꦺꦱ꧀꧉

05/12/2021

Lan siro podho tulung-tinulung ing babagan kabecikan

Allah Ta'ala bakal paring pitulungan marang sakwijining wong, rikolo dheweke paring pitulungan marang sedulure

05/12/2021

Muga Allah Ta'ala paring kesabaran keslametan marang sedulur-sedulur kito

16/11/2021

Kalebu perkoro kang ngademno lan nentremno ati yoiku eling marang Allah subhanahu wata'ala

12/11/2021

20/10/2021

Kalebu perkoro kang ngademno ati, wong kang sekeng kumpulono.

Supayane ati qonaah, nerimo ing pandum, ora ngangah-angah.

Ebo gedhene nikmat Allah subhanahu wata'ala mangka syukurono.

Opo maneh Iman lan Islam tansah tumancep ing manah iro. Iku gujengono kanggo nggayuh urip mulya.

Sabda Nabi shalallahu alaihi wasalam:
Sawangen sopo kang sak ngisor iro ing babagan dunyo.
Ojo nyawang sopo kang sak duwur iro ing babagan dunyo.
Mongko iro ora bakal ngremehno nikmat Allah marang iro.

05/04/2021

Semakin tinggi engkau mendaki
Semakin indah engkau memandang

02/03/2021

Bismillah
Alhamdulillah dherek bingah kalian keputusan Bapak Presiden siang puniko, mugi Allah limpahaken berkah lan taufiq dumateng Bapak Presiden sumrambah sedoyo rakyat Indonesia.

Kito husnudzon ugi yakin bilih Bapak Presiden, Gubernur, Bupati sami sarujuk bilih ndem-ndeman puniko perkawis ingkang awon lan kalebet awisanipun agami, ngrisak generasi mudo ugi tatanan nuso lan bongso ing bumi Nusantoro

Mugi Allah Subhanahu wa taala ugi njagi Bumi Selo puniko dipun tebihaken saking sedoyo perkawis ingkang magayutan kalian ndem-ndeman puniko.

Poro muda-mudi ugi wisatawan monggo sesarengan kito jagi kelestarian Bumi Selo puniko, mugi Allah Subhanahu wa taala tansah paring berkah lan taufiq, Bumi Selo dados bumi ingkang gemah ripah loh jinawi, masyarakatipun sadar agami sami nindakaken ibadah dumateng ngarsa dalem Allah Subhanahu wa taala kemawon, nindakaken sedoyo perintahipun lan nebihi sedoyo awisanipun.

Mugi Bumi Selo kalebet baldatun thoyyibatu wa Robbun Ghofur.

Katimbang ndem-ndeman, monggo meniko sampun kathah panggenan kangge ngopi ingkang insyaallah luwih manfaat kangge kasarasan.

Nopo malih sinambi sesawangan ciptaanipun Allah Subhanahu wa taala ingkang sarwo endah, adem lan asri saking papan sarwo Inggil.

Sesungguhnya dalam penciptaan langit dan bumi, dan silih bergantinya malam dan siang terdapat tanda-tanda bagi orang-orang yang berakal, (yaitu) orang-orang yang mengingat Allah sambil berdiri atau duduk atau dalam keadan berbaring dan mereka memikirkan tentang penciptaan langit dan bumi (seraya berkata): “Ya Rabb kami, tiadalah Engkau menciptakan ini dengan sia-sia, Maha Suci Engkau, maka peliharalah kami dari siksa neraka”. [Ali ‘Imran/3:190-191].

21/02/2021

Ngangsu kawruh iku wajib tumrape wong kang muslim, utamane kawruh babagan mengenal Dzat Kang kito ibadahi yoiku Allah Subhanahu wa taala, mengenal agama Islam, mengenal Nabi kita Muhammad Shalallahu alaihi wasallam

14/01/2021

27/12/2020

Dunyo Iki pinongko ladang akhirat

07/11/2020

Tondo tresno marang Nabi Muhammad shalallahu alaihi wa salam, yo kanti nindakake kabeh syareate

01/11/2020

Ojo nganti rugi urip

30/10/2020

Urip dunyo ora saklawase

30/10/2020

اللهم إني أسألك الهدى والتقى والعفاف والغنى

16/10/2020

Bondho lan iman

02/08/2020

Ngendiko Rasulullah Muhammad Shalallahu alaihi wasalam:
Telogoku ambane sak-adohe lelaku sewulan, banyune luwih putih tinimbang susu, gandane luwih arum tinimbang kesturi, ciduk/gayunge sak-akèhé lintang ing langit, sing sopo wonge ngombe soko telogo iku mau ora bakal ngelak saklawase

https://youtu.be/NA7J0kZ0x9Y

28/07/2020

Anugrah Kang Moho Kuoso

Pemandangan kang endah, Asri asli ijo royo-royo, nentremake ati ngademake pikiran.

Allah subhanahu wata'ala kang nyiptakake, numbuhake lan nyuburake, kanti banyu udan lan suasono kang adem. Awu soko kawah Merapi kang jarene marakaké subur, ugo Allah subhanahu wata'ala kang nggawe ngedunake lan ngratakaké. Mulo menowo ono asile, kudu di syukuri di jogo di manfaatake pinongko anugrah Kang Moho Kuoso. Langit bumi lan sak kabêhé isine amung Allah subhanahu wata'ala kang agawe.

Syukur marang sak kabêhé nikmat Allah subhanahu wata'ala, kalebu kewajiban kito kabeh. Syukur ono ing ati kanti ngakoni menowo sak kabêhé nikmat dumugi soko Allah subhanahu wata'ala. Syukur ono lisan kanti ngucap Alhamdulillah. Syukur nganggo sakperangan awak kanti nggunaaké sak kabêhé nikmat kanggo nindakaké ketaatan, kanggo sarono ngibadah marang Dzat Kang Akaryo Jagat.

Agama islam ugo sakwijiné anugrah Kang Moho Kuoso. Sopo kang gelem nindakaké ajaran islam kanti ati ikhlas dhodho lapang, bakal antuk katentreman urip ing dunyo kalawan akhirat.

Islam kudu di sinau lan di tindakaké, sarono ngluru ilmu ugo wis akeh, majelis ilmu offline utowo online ugo akeh, sing penting duwêni karèp. Sosial Media ugo biso dadi sarono. Grup WA, Facebook, Telegram iso dimanfaataké.

Kabêh kudu mbudidoyo piyé beciké iso sinau lan nindakaké agama islam, amargo iku sakwijiné sarono kanggo nggayuh urip mulyo. Opo maneh tekané pati ora ono kang mangerteni.

Ojo digawé gampang lur, urip dunyo amung sedelo, surgo neroko perkoro kang mesti ono.

01/06/2020

Mampir Selo
Arepo mung sakwetoro.

Selo, sakwijine papan ing jalur Boyolali - Magelang antarane gunung Merapi lan Merbabu soyo tambah rame. Jarene sakdurunge jaman kamardikan papan iki sepi banget ora ono kendaraan, menowo podho lelungan biasane dilakoni karo mlaku sikil loro.

Semono ugo poro petani Selo podho mlaku sikil loro nyunggi utowo nggendong sayur tekan Cepogo, adol sayur wortel lan sakpiturute ing pasar Cepogo. Arepo rekoso kudu di lakoni, bot-boté le nggolek sangu kanggo urip ing alam donya.

Alhamdulillah kurang luwih taun 1980 ono perkembangan, lekas ono kendaraan umum jurusan Selo-Cepogo-Boyolali kang ngangkut penumpang utowo hasil pertanian.

Sekitar taun 1986 ugo ono bis umum jurusan Boyolali-Magelang liwat Selo. Kang sepisan bis HASAP JAYA sakbanjure ketambahan bis YULIET.

Taun 1990 HASAP JAYA lan YULIET ora mlaku maneh diganti karo bis TRI SAKTI kang ugo jurusan Boyolali-Magelang, banjur teko bis MASA jurusan Solo-Selo sekitar taun 1992.

Kahanan Selo tambah rame karo kendaraan umum, bis tansah kebak penumpange wiwit esuk tekan sore amargo durung akeh wong kang duweni kendaraan pribadi, bècik iku roda loro opo maneh roda papat.

Jaman saiki owah maneh, tambah akeh wong kang duweni kendaraan pribadi bècik iku roda papat opo maneh roda loro. Akhire kendaraan umum jurusan Selo-Cepogo-Boyolali dadi ora rame penumpange.

Yo koyo mangkono kahanan alam donya, ora ono kang abadi kekal saklawasé, kabeh mung sakwetoro.

Saiki akeh penginapan utowo homestay ing daerah Selo, sewa sedino sewengi kisaran Rp.200.000 - Rp.300.000. Wong kang lelungan menyang Solo, Boyolali utowo Magelang iso mampir sèdélo transit, lêrên sewengi utowo luwih banjur nerusaké perjalanané.

Suasono deso lan pegunungan kang adem tentrem, adoh soko keramaian, lan pemandangan kang endah cukup kanggo nglerenaké awak lan nentremake pikiran sakwetoro.

Alam donya iki saktèmèné ugo sakwijine papan kanggo transit, lahir soko gua garbo mampir donya mung sèdélo, sakwetoro ora saklawase. Bubar iku mangkat maneh menyang alam kubur banjur alam akherat saklebare dino kiamat.

Ananging eman temen akeh wong kang leno lan kesengsem karo kaendahan alam donya, banjur lali karo akherat utowo malah ora percoyo.

Mulo sethithik eling-eling sedulur kabeh, ayo digunakaké urip ing donya kanti temenan kanggo nggolek sangu urip ing alam akherat.

Sakbècik-bèciké sangu yo bekal takwa, iman islam amal sholih, nindakake ibadah marang Allah subhanahu wa ta'ala Dzat Kang Peparing urip, ninggalake sakabehe ibadah marang sakliyané.

Sinau ngaji ngluru elmu ngangsu kawruh, sakbanjuré nindakake opo kang Allah lan Rasulullah parentahake, ninggalake opo kang dadi awisane, tetep istiqomah arepo piyé carané.

Yo mbok menowo iku abot lan rekoso, ananging piyé maneh bot-boté lé nggolek sangu kanggo urip mulyo ing alam akherat. Ketimbang saiki urip seneng-seneng ora gelem rekoso, sakbanjure malah ciloko kebak sikso.

Syahadat loro podho digujengi, Sholat limang wektu sedino sewengi, zakat shodaqoh saperangan rezeki, poso Ramadhan ugo ojo lali, menowo mampu nindakake haji.

Tansah donga dinonga muga Allah subhanahu wa ta'ala paring taufiq dateng kita, sregep anggone nindakake agama, dirungkepi nganti tekane seda.

29/05/2020

Wayah Udan kanggo Wayah Ketigo

Embung Manajar, mapan ing tlatah Desa Samiran, Kec Selo. Sakliyane iso kanggo papan plesiran amargo pemandangane kang endah, embung ugo iso kanggo nampung banyu ing wayah udan supoyo iso dimanfaatake kanggo nyirami area pertanian sak sekitare ing wayah ketigo.

Semono ugo menungso kudu nanem amal sholih wayah urip ing alam donya kanti nindakake ibadah marang Allah subhanahu wa ta'ala, supaya iso kanggo sangu wayah urip ing alam akhirat.

Wulan Ramadhan kang kebak barokah, rahmat lan maghfiroh wis pungkasan. Ananging amal ibadah kang kita tindakake ing wulan Ramadhan bèciké kita terusake ing wulan-wulan sak lebare. Kita tansah nindakake ibadah lan amal sholih nganti tekane pati, wayahe marak sowan marang Allah Dzat Kang Akaryo Jagat.

Umur umat nabi Muhammad shalallahu alaihi wasallam kurang luwih antarane 60/70 taun, ora koyo umate poro nabi kang wis kapungkur kang iso luwih soko atusan taun.

Ananging kalebu rahmat lan welas asih Allah subhanahu wa ta'ala marang umat saiki, Allah subhanahu wa ta'ala netepake piro-piro amalan kang ganjarane matikel-tikel, iso-iso ngluwihi amalane umat-umat kang wis kapungkur.

Contone ing wulan syawal iki disyariatake sakwijine poso kang kautamakane ora sethithik.

Ngendiko Rasulullah shalallahu alaihi wasallam:

"من صام رمضان ثم أتبعه ستا من شوال كان كصيام الدهر " رواه مسلم

"Sopo wonge poso Ramadhan banjur poso 6 dino ono wulan Syawwal moko koyo-koyo (oleh ganjaran) poso setahun” (HR. Muslim)

Wong kang poso wulan Ramadhan kurang luwih 30 dino, banjur poso syawal 6 dino, ateges dheweke poso kurang luwih 36 dino. Saben dino poso antuk 10 kabecikan, menowo poso 36 dino ateges antuk 360 kabecikan. 360 kabecikan podho karo poso setahun kang itungane 360 dino.

Ngendiko Allah subhanahu wa ta'ala:

مَنْ جَاءَ بِالْحَسَنَةِ فَلَهُ عَشْرُ أَمْثَالِهَا ۖ

"Sopo wonge nindakake siji kabecikan, mongko kanggo dheweke ganjaran tikel kaping sepuluh"
Al Qur'an surat Al An'am ayat 160.

Menowo ono wong kang durung genep anggone poso Ramadhan mergo haidh, loro utowo safar/tindakan adoh, piye becike supayane antuk ganjaran koyo-koyo poso setahun.

Menowo wektune longgar, ateges cukup kanggo nindakake poso qodho' kanggo nggenepi poso Ramadhan kang durung genep semono ugo poso syawal 6 dino, mongko becike ndisikake poso gantine Ramadhan banjur poso syawal 6 dino. Mergo iku kang luwih utomo.

Ananging menowo wektune ora longgar, ateges wektune ora cukup kanggo nindakake poso qodho' gantine Ramadhan lan poso syawal, mongko dheweke nindakake poso syawal disik lan nindakake poso qodho Ramadhan ing wektu liyo, mugo-mugo wae tetep kareken koyo poso setahun koyo ngendikane Nabi Muhammad shalallahu alaihi wasallam.
Mugi mumpangati.

23/05/2020

21/05/2020

Sanajan Mung Kari Kenangan

Lapangan Samiran Selo. Papan iki ngelingake sakwijining event agung kang katindakna masyarakat muslim saben taun. Papan iki dadi seksi menowo awakké dhewe pernah padha lungguh bareng manunggal dadi siji, sanajan iki mung kari kenangan.

Event agung pinangka pralambang manunggaling masyarakat muslim ing Samiran lan umume Selo. Ninggalake sak kabehe perbedaan, manunggal dadi siji, bebarengan ngadep marang Allah kang Maha Tunggal, kiblat kang siji, papan lan wektu kang podho.

" الصَّوْمُ يَوْمَ تَصُوْمُوْنَ وَالْفِطْرُ يَوْمَ تُفطِرُوْنَ "

“Dina pasa iku dina rikolo siro kabeh padha nindakake pasa, lan dina fithri (berbuka) yaiku dino rikolo siro kabeh padha buka (ora poso)"

Hadits iki nuduhake marang kita kabeh supoyo padha nindakake poso lan idul fitri bebarengan ing wektu kang padha, amarga poso lan idul fitri iku pinongko ibadah jamaah kang di tindakake kanti cara bebarengan.

Mongko becike kaum muslimin padha nderek mituhu kalawan keputusan pemerintah babagan penentuan dino poso lan idul fitri, lan ora podho nggugu angenane dhewe-dhewe, maslahat manunggaling masyarakat luwih di utamaake ing babagan iki lan supoyo ora ndaděkaké cecongkrahan ing tengah-tengah masyarakat.

"وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا ۚ"

Siro kabeh padha gegujengan kalawan tali (agama) Allah, lan ojo padha cecongkrahan.

Agama Islam iku agama kang ngajak marang manunggaling masyarakat lan ngedohi sak kabehe perkoro kang iso ndaděkaké cecongkrahan.
Islam agama rahmatan lil'alamin, paring rahmat marang sak kabehe poro menungsa lan alam sekitar.

Semono ugo taun iki hubungane karo babagan wektu lan papan pelaksanaan Shalat idul fitri ing jaman pandemi, becike masyarakat nderek lan mituhu kalawan arahan pemerintah setempat, becik iku Pemerintah Desa utawa Pemerintah Kecamatan.

Nderek lan mituhu kalawan arahan pemerintah kalebu tatananing agama lan anjurane poro ulama kang wajib katindakna.

Di anjurake sakdurunge pelaksanaan hari raya idul fitri iki supoyo podho ngakeh-akehake maos takbir lan tahmid, ngresiki awak, nganggo pakean kang endah, nganggo wewangian lan mangan kurma utawa dhedhaharan liyo.

19/05/2020

Dino iki Selasa, 19 Ramadhan 1441 H. Esuk-esuk Pak Binali nyilih mobile Pak Candra banjur metu soko ngomah kanti numpak mobil iku mau. Mobil di parkir ing pinggir dalan, Pak Binali mampir lelungguhan karo kanca-kancane.

Wis sakwetoro anggone podho jagongan, Pak Binali pingin mulih nerusake aktivitas ono ngomah.
Pak Binali ngadek soko lungguh, nyawang mobil lan kaget amarga mobile Pak Candra wis lekas mlaku.
Dheweke banjur mlayu ngoyak mobil kang mlaku alon-alon, sakwetoro mikir "Dadi opo aku padahal iku mobile Pak Candra, piye anggone kudu ngganti, iki kedadean nyata opo ora yo". Mobil mlebu gang cilik arah kanan Pak Binali melu mlayu arah kanan, mobil balik arah kiri lewat dalan mau banjur ngebut ora ketututan.

Gumbregah Pak Binali sadar ngucap Alhamdulillah ono ing ati.
Dheweke bersyukur ora kudu ngganti mobile Pak Candra. Jebule kedadean iku mau mung ngimpi pinongko kembange wong turu esuk merga ngantuk sakbubare saur.

Biasane poro Nabi rikolo mirsani kedadean ono ing ngimpi, iku kalebu wahyu soko Allah Dzat kang akaryo jagat. Mulane terkadang ngimpi iku mau banjur dadi dasar syariat agama.
Ananging wis ora ono nabi lan rasul sak lebare Nabi Muhammad shalallahu alaihi wasallam. Semono ugo ora ono Wahyu medun sak lebare Nabi Muhammad shalallahu alaihi wasallam wafat.

Sing wigati, ngimpi sakliyane Nabi lan Rasul ora bisa dadi dasar agama utawa sakwijining ibadah.
Perkara agama kudu adedasar Al Qur'an lan Hadits. Semono ugo kita wong muslim ora nindakake sakwijining ibadah kajaba ono conto lan dasare soko Nabi kita Muhammad shalallahu alaihi wasallam.
Mugi mumpangati.

18/05/2020

Hotel Samiran Selo taun 1924, Bungalow Samiran Selo taun 2010 lan taun 2020.

Daerah Selo wis dadi papan tetirah, ngademake awak lan ati, nentremake pikiran wiwit sakdurunge jaman kamardikan.

Nunggal papan panggonan lan tujuan, babagan model bangunan iso dimodifikasi sesuai selera pengelola utawa perkembangan jaman waton nyaman kanggo pengguna.

Nindakake agama Islam uga sarana kanggo tetirah rohani, ngademake awak lan ati, nentremake pikiran.

Ananging agama Islam iku warna siji, wiwit jaman Nabi nganti mbesok ora mathuk di modifikasi sesuai selera sopo wae utawa perkembangan jaman.

Alhamdulillah Islam agama kang sampurna nyaman ditindakake dening sopo wae, papan ngendi wae lan kapan wae.

18/05/2020

Nyawang photo-photo jaman biyen katon luwih natural, sederhana, alami, asli, opo anane lan ora neko-neko.
Kahanan urip jaman saiki kang sarwa neko-neko, angel nemokake swasono koyo jaman semono.
Mulo ora aneh menowo ono roso koyo pingin balik maneh ing jaman kang wis kapungkur.

Menungsa podho makaryo nggayuh urip mulyo, golek kesenengan urip kanthi werna-werna cara. Koyoto jabatan, raja brana, wanita lan sak kabehe kanikmatan donya. Ananging kamulyan, kesenengan lan kanikmatan kang hakiki ora bakal ketemu kanthi iku werna-werna cara.

Ora ono kamulyan, kesenengan lan kanikmatan kang hakiki kajaba kanthi nindaake agama.
Nindakake agama Islam kang natural, alami, kebak kesederhanaan, asli saka Dzat Kang akaryo jagat pinangka solusi utama kanggo nggayuh urip mulyo, kesenengan lan kenikmatan kang hakiki.
Ora percoyo?
Ayo dibuktekno.

17/05/2020

Nurut sumber berita iki Hotel no Selo, Boyolali taun 1924.
Dipirsani ono jembatan ing sebelah ngisore, menowo ora salah iki mapan ing Desa Samiran, yaiku lokasi Kantor Pemerintah Desa Samiran kang saiki, sebelahe dibangun gedung diklat lan Bungalow/Penginapan. Munggah sithik ono Villa Omah Kita.

Kisaran taun 1980 papan iki arupo tanah kosong biasa kanggo dolanan bocah-bocah, masyarakat sekitar nyebut papan iki kanti sebutan "NGGOTEL". Manut ceritane poro bapak, pancen ing papan iki biyen ono gedung kang dipanggoni dening penjajah. Sak banjure gedung iku dibumihangusake supoyo ora dipanggoni dening penjajah kang sakwise.

Masa lalu tansah ninggalake kenangan kang apik, kita kang urip jaman saiki koyo pingin bali meneh ing jaman semono. Sak kabehe isih alami, asri, asli durung kacampur kalawan polusi utawa pencemaran.

Semono uga ing babagan agama, becike kita bali marang islam kang isih asli lan murni koyo dene kang katindakake dening Nabi kita Muhammad shalallahu alaihi wasalam poro Shohabat lan poro ulama saklebare. Ebo endahe kahanan Islam jaman semono.

16/05/2020

Urip Kanggo Ibadah

Saben-saben awak bakal ngrasakake pati, lan sira kabeh bakal ditetepake walesan laku sira bèsuk ing dina kiamat, maka sapa kang dislametake saka neraka lan mlebu ana ing suwarga temen dheweke wong kang beja, lan ora liyo urip donya iku kajaba kesenengan/bungah kang ngapusi. QS Al Imran 185

Ingsun Allah ora nyiptaake jin lan menungsa kajaba supaya padha nindakake ibadah marang ingsun Allah. QS. Adz Dzariyat 56

https://youtu.be/zl6PMnl7PBA