12/03/2022
Travay nou mande chak jou, pou nou an kontak ak diferan gwoup moun ak Atis. Pou chak evènman se Yon pakèt virewon, chak nouvo lide, se toujou bèl echanj Menm si nou pa toujou Dakò sou tout bagay. Sa pa janm anpeche nou mete tèt ansanm epi travay pou fè siksè. Nan chak pawoli sa yo toujou chaje fanm e dèyè chak aktivite nou yo se Nanm ki ladan l.
Nou ap pwofite moman sa, pou raple plas fanm nan sosyete nou an jodi a, e pou nou menm se Yon fason pou rann omaj a moun yo ye. Nou ap selebre chak grenn fanm, chak grenn moun sa yo, ki bay syè yo pou mete nou Kote nou ye la. Sou chak sèn nou yo, lavi pa sispann boujonnen paske fanm se lavi.
Mèsi a tout atis, tout fanm ki janm kolabore ak nou nan Yon fason oubyen nan yon lòt. Yo djanm, yo rèd, yo fò e sak pi enpòtan yo moun tout bon !
Ochan pou yo ! Mèsi anpil, anpil anpil lanmou pou nou !
Emeline Michel Lunise E Morse Darline Desca Gessica Geneus Mimerose P. Beaubrun Savannah Savary
