31/10/2023
Men ki jan tout nimewo telefòn WhatsApp biznis yo bloke.
N ap itilize yo pou sa yo pa fèt. Si ou gen WhatsApp biznis yon moun bloke ou, se yon rapò li bay WhatsApp. Aktyèlman ou bezwen 4 rapò pou WhatsApp bani nimewo ou a sou platfòm yo a.
Lè w ap bloke yon nimewo WhatsApp biznis, li diferan ak lè w ap bloke yon nimewo senp. Yon nimewo senp, 50 moun ka bloke li, yo p ap di moun sa anyen. Yon nimewo biznis, 10 moun bloke, gen yon bagay ki pa mache, biznis sa ap mal itilize WhatsApp ebyen y ap bani ou.
Nan tèm ak kondisyon WhatsApp la, si w ap li byen, w ap wè li t ap pi sekirite pou ou, si se kliyan ki kòmanse konvèsasyon ak ou avan. Si se pa kliyan an, se ou ki ekri li avan, mal chans pou ou, moun sa tou bloke ou, ou nan kouri. Poukisa? Lè moun sa ap bloke ou a, WhatsApp ap mande li Poukisa li bloke ou, epi l ap chwazi youn nan opsyon anba yo.
Pou WhatsApp chak mesaj ou ekri yon moun avan sou WhatsApp biznis, se yon pwomosyon w ap fè, moun ou voye mesaj la, depi li bloke ou, sa vle di moun sa pat enterese ak pwomosyon ou an. Ou vin tankou yon moun k ap ranmase nimewo epi fè pwomosyon san konsantman moun nan. Ebyen Whatsapp ap bloke nimewo a.
M pa bezwen di ou, ou menm ki gen yon nimewo WhatsApp biznis, w ap itilize li tankou lòt nimewo WhatsApp pèsonèl la, ou ekri tout moun sou li, mennaj ou nan kont ak ou epi li bloke ou.
An konklizyon, depi ou pa gen biznis, itilize WhatsApp senp la, pa itilize WhatsApp biznis paske ou riske pèdi nimewo a. Crédit: Rémy
