22/07/2020
Madi 8 jiyè 2020 an konsey de gwoup Kasik Anri nan tigwav te teyini pou yo te wè kijan yo ka soti nan konfinman an, desizyon ki te soti a se te fè yon vizit Kay paran yo epi reprann reyinyon jou kap 2 out 2020 an.
BIWO NASYONAL AK KOMISÈ JENERAL ASOSYASYON AN TE NAN GRAN SID PEYI A
Soti madi 30 jen rive samdi 4 jiyè.ki sot pase la a, biwo nasyonal te nan gran sid peyi a epi tou nan depatman lwès eksteryè 2. Toune sa te fèt sou 2 pwen:
1. Kontinye sansibilizasyon sou pwojè U-REPORT la
2. Fè fòmasyon nan kad pwojè èd OMMS te bay a travè biwo entè ameriken pou pèmèt asosyasyon nasyonal eskout yo pote ti repons nan kesyon pandemi Covid 19 la. Pou benefisye ti lajan sa, asosyasyon an te monte yon pwojè ki baze sou challenge *flite kowona*. Moun ki te nan delegasyon sa, se te delege nasyonal la Estellan Saul, grafis asosyasyon an ki an menm tan ap pilote pwojè U-REPORT la ki se animatè Wilbert Gilles, komisè depatmantal lwès enteryè a Emmanuel Paul epi chofè asosyasyon an, Brunel Petit Mars Pierre ke nou gen abitid rele Zo Kole.
Komisè jeneral la te la tou men nan misyon evalyasyon plan estratejik la ak travay teren yo epi tou ankouraje komisè yo nan travay yap fè a. Li yap eseye gade si li kapab pwofite paske nan kalandriye soti li menm ak CGA te genyen, yo toujou fè konnen pa gen lajan pou yo al fè sa yo planifye pou fè yo. Malerezman, se te byen konte mal kalkile paske yo pat ba li tan ditou pou l te fè sa ki nan ajanda li a.
Ekip la te dòmi Okay nan madi swa. Komisè jeneral la ak komisè Emmanuel te dòmi yo menm lakay komisè depatmantal sid la. Nan mèkredi maten, yo rantre Jérémie kote yo te fè pwemye travay yo. Yo kite Jérémie vè 7è nan aswè pou yo retounen al dòmi Okay menm jan nou te di pi wo a.
Jedi yo fè atelye pou depatman sid. Yo kite Okay li te nan anviwon 1è konsa pou rantre Fond-des-Nègres. Se la yo ta pral genyen seyans pou depatman Nip la. Vè 6è edmi konsa, yo kite Fond-des-Nègres pou rantre dòmi Tigwav nan yon otèl. Nan demen maten, yo rantre l
