28/05/2021
📖__________________________________✍🏽
Am💘ur interdit
_______________________________________
Avan'w li like 👍🏽kite ti pous bleu a, lè'w fin li banm avi pa'w nan kòmantè yo, e pa bliye pi gwo bagay la kise pataje... Ale nou lage 👇
An pasan gen kèk moun ki vle'm detaye nan yon videyò pou yo vrè istwa Bonnie & Clyde,gen moun ki konn vrè istwa a deja yo vle konnen si se menmjan lavi 2 pèsonaj nan ''Amour interdit'' yo ap pase, ki relasyon ki genyen antre istwa vrè sa ak pa'm lan de A à Z siw twouve'l nesesè tou dim sa nan kòmantè a paske se selon demand nou map fè'l.
-Milly : ok ok map diw tout bagay.
-Clyde : map tande'w.
-M : mwen te....
Milly pat menm di fraz la li te tande pòt li frape.
-C, ak zam li pwente sou Milly : ki moun sa?
-M : genlè se vwazin an?
-C : sa'l vin fè la lè sa?
-M : lè'm te panse yo pran kouran mwen te rele'l li ka vin gade sa kouran'm lan te genyen, sil tande lè'm fè bri an tou li ka vini gade sa'm genyen.
-C : eben nap kite'l kontinye frape.
-M : li konnen'm la sil wè'm pa reponn li ka rele mande èd vwazinaj pou vin gade sak fè'm pa reponn lè sa deyò ap plen ak moun lap difisil pou'w ale si yo jwenn ou tou li pap bon pou ou pito'w ale.
✊✊Pòt la te kontinye frape pandan vwazen an tap rele vwazin eske'w la?
-C :...
-M : ale non pase pa dèyè mwen garanti'w se nan enterè'w.
-C : 😏pa panse'm ba'w vag wap gen pou wè'm ankò e lè sa siw eseye fè betiz li pap bon pou ou.
Clyde te kouri ale li pase pa dèyè pou moun pat wè'l,, lè Clyde ale Milly te rale yon soupi tankou'l sot lwen.
-V : vwazin reponn non ou la?
-M : ouff wi vwazen mwen la men map vin ouvri.
-V : oohh ou gentan fè kè'm kase wi.
**
⏰⏳
Lè a tap mache Clyde potko antre, Lebon menm li te ret nan salon an ap gad tele tann kilè Clyde ap antre pou esplikel sa kap pase konsa.
Malen vin jwenn Lebon ap gad film nan salon an.
-M: kot Clyde epa'l pa avè'w ap gad film la?
-L : mwen gen 4jou isi a ap gad TV Clyde pa konn akonpanye'm non se toujou nan chanm li'l ye wi.
-M : men yèswa mwen te vin jwenn li la avèw.
-L : wi sèl yè swa men pou kounya li nan chanm li.
-M : ou sur ke'l nan chanm li an?
-L : mwen panse sa wi.
-M : kòm se panse ou panse sa banm al konfime ke'l nan chanm li an paske sil pa nan chanm li an map konfime ke nap manniganse yon bagay.
Lebon te santi'l nwi menm moman li te kouri swiv Malen ki pral nan chanm Clyde la gad sil la.
Pou Malen pat two sispèk li pat kontinye swiv li rive jis devan chanm lan li te kanpe nan bout wout li eseye rele Clyde.
-L : s**t men map rele'l mwen paka jwenn li.. Jodia nou pap ka epanye Malen omwen sil te reponn apèl la mwen ta dil kouri antre.
Pandan'l te kanpe li te wè Malen kap retounen sou li.
-M : ou sur ke Clyde anndan chanm lan?
-L : wi sil pa anba avèk nou se nan chanm li'l toujou fèmen.
-M : poutan men map frape li pa reponn e'l pa nan chanm kot ti dam lan ye a.
-L : li ka ap dòmi anndan.
-M : ebyen'l mouri lè lap dòmi pou'm frape fò konsa li pa reveye
-L : li ka gen kas nan zòrèy li tou wi.
-M : gen yon sèl fason pou'm konn sa gen lontan map jere kay sa mwen pa kwè'm pa gen double kle chanm sa sere yon kote, ban mal gade pou'm wè.
Lebon te souke tèt li konsa'l di : fwa sa pa gen wout pa bwa misye kenbe nou, sak di an menm toujou paka jwenn Clyde.
Li te pran mache ak demen'l nan figi'l lap priye pou Clyde gentan vini, men vini an se youn men lap reflechi ki kote Clyde pral pase pou'l tonbe nan chanm lan san Malen pa wè'l, tout kou Lebon te santi misye kenbe yo.
Malen te vin parèt ak kle a se lè sa Lebon te panike.
-M : mwen santi'w sou presyon ou panike.
-L : ooh non panike poukisa?
-M : anh mwen te kwè.
Malen tap foure kle a se lè sa Clyde te vin parèt.
-Clyde : kisa nap fè nan pòt mwen an la?
Malen te sote li kouri retire kle a, Lebon menm te kontan lè'l wè Clyde.
-Malen : kote'w te ye la?
-C : nan lakou a mwen tap pran van.
-M : nan lakou a?
-C : wi nan lakou a ou pa wè se ak bout shot epi chemizèt ki sou mwen ki kote'w te vle ale konsa...kounya ou ka dim sa'w ta pral fè nan chanm mwen wap ouvri ak lot kle pandan kle'm nan men'm nan lakou a?
-M : map chache'w mwen pa wè'w Lebon dim ou nan chanm lan tout frape mwen frape m'pa tande'w reponn mwen te vle konfime ke'w anndan an vre.
-C : paske'w pat chache bon kote.
-M : mwen pat fè ide chache'w nan lakou a.
-C : men ou konnen pou'w vin eseye antre nan chanm mwen ak lòt kle'w nan men'w lè'm anba.
-M : sa'w panse a ou twonpe'w.
-C : sa'w vle'm panse ? Pou'm nan lakou a ap pran van epi se lè'm monte mwen wè'w nan pòt mwen ap ouvril ak lot kle san'm pat konnen siw te gen yon lòt kle chanm lan.
-M : panse sa'w vle mwen senpleman te vle konfime yon bagay epi sim ta pral eseye antre nan chanm ou ak move entansyon zanmi'w lan pa tap soutni'm,kounya banm pase.
-C : non wap oblije banm kle sa wi sinon map oblije di boss la ke map chanje seri a paske'm pap santi afè'm an sekirite anndan lè'm sòti, an pansan ke gen yon lòt kle nan kay la.
-M : men li ou pa bezwen rive jiske la m'pat gen move entansyon okontrè mwen pat janm panse ak kle rezèv sa avan jodia.
-C : mèsi anpil pou jantiyès oi paske'w ban mwen'l mwen pap bezwen al nan chanje seri.
Malen te vire deplase kite de nèg yo ansanm,, Clyde te souri epi'l al ouvri pòt chanm lan e antre Lebon te antre swiv li.
-L : kote'w kite rad kite sou a?
-C : mwen sere yo nan lakou a mwen pat gen kontwòl sou kiyès map tonbe depi'm antre mwen te deside tou mete'm tankou yon moun ki pat rive lwen.
-L : yow ou fò anpil wi mwen pa regrèt ke'm toujou prè pou kouvri'w,paske'w se nèg kap toujou jwenn yon mwayen pou sòti tèt ou san'w pa mete'm nan cho.
-C : aaah ou konn se yon bagay konsa'l ye deja.
-L : dim non kote'w ta'l la?
-C : mwen ta'l eseye jwenn yon verite kot Milly ke'm te pran pou manman'm depi lè'm te piti a.
-L : sa'l diw?
-C : li konfime ke se vre li menm ak papa'm pat vrè paran'm.
-L : men eske'l pale'w de vrè fanmi'w, kijan'w fè tonbe nan men yo?
-C : se pou sa'm te ale wi men nan moman li pral esplike'm lan se lè sa yon vwazen ki ret nan zone lan te vin frape pòt la mwen te oblije ale, men map tounen paske fòk li rakonte'm tout bagay.
-L : sèlman lè'w prale evite sèlman pou Malen pa kenbe'w.
-C : pa enkyete'w mwen ka jere misye li ka malen men se pa pou mwen,kounya fòk mwen desann retounen al fè skal nan lakou a paske fòk mwen antre ak rad kite sou mwen yo epi zam lan, avan se yo lòt moun ki jwenn yo.
Pandan yap sòti...
-L : ou te konte itilize zam lan kont li vre?
-C : depi'l te mete'm nan pozisyon pou'm itlize'l mwen pa tap pè paske'm vin pa gen san pou li depi aprè'l fin abandone'm nan prizon an,met sou li l'al renmen ak frè papa'm vin jwenn mwen konnen'l pa vrè manman.
-L : ou poko banm tande sa papa'w te kite pou ou a non.
-C : ann evite pale bagay sa la tann nou rive anba pou evite yon moun kache ap tande nou.
**
Anba te gen Rebelle ki tap kouri dèyè Pikan ki tap evite'l nan kay la.
-Rebelle : Pikan kanpe tann mwen non.
-P : talè gade'm vin gade si pa gen yon ti gwòg la sou ti tab la.
-R : fòk nou pale.
-P : s**t gade pa gen gwòg la fòk mwen achete yon gwo boutèy bicool met la wi.
-R : Pikan avèw map pale wi mwen wè depi aprè midi an wap epanye'm ou evite kwaze avèm a de.
-P : oh non Rebelle sak fè'w panse sa?
-R : ou konnen trè byen,poukisa ou te dim papa'm tap rele'm poutan se pat vre?
-P : li pat bezwen'w vre?
-R : non li te tou kenbe'm pou pale yon bagay avèm se paske'l te wè'm men li pat banm aspè yon moun kite voye rele'm vre.
-P : ebyen genlè se mwen kite mal konprann.
-R : weyyy ou pa di pito ou te vle a de ak demwazèl la lè lap sòti nan douch la.
-P : 😃rireee gad jan Rebelle pa fye'm.
-R : mwen konnen'w trè byen Pikan sèlman tande,bonDye fè'w wè sak rive frè'm bat pou pimal pa rive'w,ou panse wap ka sòti menmjan ak premye fwa pou se yon inosan ki peye sa nan plas ou?
-P : se mwen ki Pikan an wi,se mwen kite tounen kouwon pou yo te mete sou tèt Jezi a wi map fin pike'w epi wap soufri anyen ankò.
-R : se sa'w panse di premye fwa a se paske Gorille te patisipe avèw pou evite ke boss la te tiye 'l tou nou te fè konprann se Oscar kite fè sa men si se pat paske papa'm pat vle pèdi Gorille sil te livre'w pou tap bay konplis ou a lè konsa ou te mouri deja.
-P : sak pou diw fwa sa li pap avèm ankò?
-R : fòk li ta sanwont pou sa yo sot fè'l la akoz yon derespektan li fè a,epi si'm te nou mwen ranje kò'm paske depi'n oze fè demwazèl sa yon bagay Clyde ap kanpe pou li.
-P : sa vle di nou pè Clyde la?
-R : pito'w pè'l paske'w pa konn sa'l kapab fè li fè prizon deja men ou menm non ,li kontre ak bandi ki pi mal pase'w e pa panse si boss la chwazi rekrite'l se pou ryen pito nou mefye nou de li.
-P : aah li paka fè'm pè.
Lebon ak Clyde te tande vwa nan sal a manje a pandan yo tap desann lan yo te parèt gad ki de moun sa yo.
-P : 😃ooh ti mesye vin non yon ti gwòg map pran la nou pa sou sa map ba nou yon vè wi.
-Rebelle : ☹️
-L : banm yon bagay non.
-P : e ou Clyde ou pap pran yon kou fòk ou rechove san'w wi.
-C : ou mèt banm li wi.
-P : banm pran kèp se talè map di fòk mwen achete yon galon met la wi, mwen ak Gorille konn distrè nou pafwa wi.
Rebelle te rete lap gad Pikan kap bay nèg yo bèl jan jus pou'l ka gen amitye Clyde.
-P : men Clyde pran sa.
-C : mèsi.
-P : pran sa Lebon.
-L : alèz.
-C : mwen kite nou wi mwen pral pran ti van nan lakou a.
-P : wap ret distrè'w avèm la Lebon?
-L : non mwen gen yon bagay pou'm pale ak Clyde kolòn lè'n antre siw toujou la na bwè ansanm.
-C : e ou Rebelle epa'w pa bwè?
-R : non mwen pa sou sa Clyde.
-C : mwen nan lakou a mèsi ankò Pikan.
-P : pa gen danje broh.
Nèg yo te sòti e kite Rebelle ak Pikan.
-R : ou panse gen amitye Clyde ap anpeche'l kanpe kont ou siw vle tante yon bagay kont demwazèl la.
-P : ou sou men'w rapid wi 😀.
-R : sèlman wa sonje yon moman mwen te pale'w e'm pa kache diw fwa sa pa gen moun kap kouvri pou ou paske'm pap tolere sa ankò.
**
-Lebon : mwen panse'w tap pase wè demwazèl la avan'w sòti wi.
-C : aswè a mwen pa gen ide sa, ann sòti nan lakou a.
🚶🚶
-L : jan'w reponn lan se tankou gen yon bagay antre nou.
-C : wi gen yon bagay menm pap ret sou sa.
-L : mwen swete sa pa twò pèsonèl antre li menm avè'w pou'w bliye travay ou.
-C : pa enkyete'w pou sa map fè travay ke'm gen pou'm fè a.
-L : depi'w dim, kounya nou sèl pale'm on ti kras de sa papa'w te kite pou ou a non.
-C : banm ba'w tande'l pito se yon vwa li te anrejistre aprè'l fin pran bal la li te gentan santi'l pral mouri e'l te vle'm konn verite a, banm limen phone lan li te etèn.
-L : se sak fè'm tap rele'w mwen pat ka jwenn ou an, pou'm te diw fè vit antre.
-C : ou konnen'l pa bon se tanzantan lap fèmen pou kont li.
Tan yap pale Clyde te limen phone lan li bay Lebon tande voice papa'l te kite pou li an.
..
Aprè'l fin tande voice la.
-L : ou te konnen'l gen yon kòb sòl pou'l touche sou non'w lan?
-C : wi se yon kòb sol li tap touche pou'l te achete yon machine pou mwen.
-L : ooh sil pat mouri ou tap alèz nan vi an wi paske'l tap panse pou ou, e kòb sa li pat vin nan men'w aprè lanmò'l.
-C : Zachary te fè'm kwè ke kòb sa pèdi paske'l pat konn ak kiyès papa'm te nan sòl la.
-L : li te pran'l ebyen paske nan voice la papa'w di sil mouri se Zachary kap touche kòb sa pou ba ou.
-C : wi se pou sa'm pa regrèt ke'm tiye'l se li ki koz mwen devni moun mwen ye jodia 😠.
-L : wi se li paske ou wè nan voice la malgre papa'w dekouvri li pa vrè papa'w men nan zye'l ou te toujou reprezante pitit li.
-C : wi se kont Milly li te fache se pou sa nan fin an li dim sil mouri chache tout mwayen pou'm dekouvri plis de vrè paran'm paske'l pap anpè si'm kontinye ap viv ak Milly tankou pitit li paske manzè pa merite sa e'l pap janm trete'm tankou pitit li.
-L : sa wap fè?
-C : se pou sa fòk mwen retounen kot Milly wi pou'm fè'l pale paske gen kèk bagay papa'm pa konnen byen kifè'l pa dim plis nan voice la kounya se mwen ki pou dekouvri verite a.
**
Nwit lan te pase Clyde pat al rann SanG vizit kòm dabitud, li te santi'l vekse jan SanG te pale avèl la.
🌤️🌤️⛅
Li te 8h nan matin lè Clyde te kanpe nan salle a manger a lap bwè yon ti kafe ak pen kom déjeune, lòt mesye dam yo te la tou ap manje sou tab la.
-Rebelle : poukisa'w pa chita Clyde manje a ap desann nan pye'w wi,lol.
-C : mwen bon konsa cheri pa enkyete'w.
-R : mmmhhh ok solda.
Pandan yap manje konsa menm de nèg kite vin pran Gorille yo te tounen men fwa sa yo pat vin pou Gorille, lè yo wè de nèg yo tout te frikat paske yo konnen de nèg sa yo se gard boss la yo ye depi yo antre nan kay la se yon moun ki fè yon bagay ki pa dwat yo vin chache moun lan pou yo al ba'l sèvis.
-Youn nan nèg yo : Clyde.
-Clyde : wi.
-Nèg : depoze sak nan men'w lan swiv nou.
Clyde te voye zye'l gad mesye dam yo sou tab la tout tap gade'l ak yon zye etonan.
-Nèg : fè sa rapid.
-C : ok men map depoze tas la.
Clyde te depoze tas la ak yon rès pen kite nan men'l pou'l swiv nèg yo, pandan yo 3 ap sòti men Malen kap antre ki pat anndan tout moun te gade Malen ak yon zye tankou'l koupab.
-R : sa kap pase la papa?
-M : mwen pa konn anyen non.
-R : boss lan la?
-B : wi menm pat konn si lap vini se rele'l rele'm dim li nan yon machine deyò a.
Rebelle te kouri leve kite tab la la'l gade ki kote yap fè ak Clyde, Lebon te swiv li tou.
..
Aprè yo 2 a te antre ankò Rebelle ta'l kot papa'l dirèk.
-R : papa.
-M : sak pase Rebelle?
-R : epa se deyò yo sòti avèl?
-M : mwen paka diw anyen paske boss la pa rnmen di moun afè'l sèl sa'm ka diw genlè se yon prensip misye pa respekte.
-R : piga yo tiye'l non paske'm sonje se konsa yo te sòti deyò ak Oscar lè yo ta pral tiye'l la.
-Gorille : sak pran'w la ou sansib pou Clyde konsa talè li kanpe lap manje ou mande'l pou'l chita men kounya ou pè pou'l pa mouri, pa dim ou gentan renmen'l.
-R : li fè pati de nou se nòmal pou'm panike pou li.
-G : mwen pa kwè se sèl sa ou gen yon lòt santiman e'm pa kwè'w te panike konsa lè yo te vin pran'm pou al kraze figi'm lan.
-R : tchuiippp ou pa konn sa wap di an enbesil se sa'w tap toujou di (rive ale)
-G : si yo tiye'l li tap bon omwen li ta wè isi a pa gen moun ki epanye.
-L : 😒
-G : sa'w genyen ou gade'm konsa Lebon ou te vle'm nan ipokrizi pran pòz sa tap fè'm mal, aprè li ak pitit boujwa li a ki koz yo bat mwen e menm manke tiye'm.
-L : fòk sa te pase pou'm te wè mwen ak Clyde pa gen rnmen isi a.
-P : se pa avèw problem nan ye pa gen moun ki gen anyen kont ou isi a Lebon.
-L : poze'w tande Pikan, siw pat konn sa map diw sa Clyde se frè'm si yon moun rayil mwen pa bezwen moun sa renmen'm.
-P : zafè'w la se ou ki kreye pròp ennemi'w.
**
Nou ta renmen konn ki kote nèg yo te ale ak Clyde e poukisa?... Ebyen se senp yo ta'l nan yon machine vit tente kite kanpe deyò a avèl nan machine sa te gen boss la Mr X ki chita ap tann li.
-Gard : monte.
Lè yo te ouvri pòt machine nan bay Clyde li te wè se boss la ki chita anndan machine lan ap tann li.
-Clyde : se pou yo te mennen'm kote'w yo vin pran'm konsa? Mwen panse se pou yo te al tiye'm wi.
-X : se tiye'm dwe bay lòd pou tiye'w la wi.
Se la Clyde te etone.
-C : poukisa boss eske'm fè yon bagay?
-X : wi ou fè yon bagay yè swa ou te sòti nan kay la al regle bagay personel ou?
Clyde te gade'l ak yon zye etonan epi'l reponn : wi mwen te sòti al regle yon bagay pèsonèl.
-X : ou ta'l kay manman'w lan?
-C : 😲men wi kijan'w fè konnen?
-X : poutan ou te gen pou prensip se koupe kontak ak tout moun deyò specialman manman'w.
-C : mwen dakò ke'm vyole prensip sa menm te oblije ale paske se te enpòtan mwen te vle'l retire'm nan nwa sou yon dosye,map dakò siw aksepte elimine'm pou sa.
-X : non jijman'w rachte.
-C : kòman sa?
-X : mwen pap fè tiye'w paske'w banm verite se moun tankou'w mwen vle menmsi'l wè lanmò devan'l se bay verite a jan'l ye a.
-C : sa se youn nan karaktè ke'm genyen e'm kontan paske se li ki sove'm jodia.
-X : mwen ba'w chans lan jodia menm pap ba ou'l ankò sim konnen ou eseye antre an kontak ak manman'w ankò, lè sa ou pap met sèl vi'w an danje men wap mete vi zanmi'w lan an danje tou, eske'w konprann?
-C : wi sa pap repete ankò map fè yon kwa sou pase'm jis pou'm ka avanse.
-X : byen... Kounya dim kijan sa ap evolye pou Elle kòm se non sa ou chwazi pou li.
-C : sa te kòmanse trè byen li te menm kòmanse fè'm konfyans li ta pral rive nan pwen pou pale'm de fanmi'l men yè tout bagay ta pral chanje.
-X, : sa'w antann pa tout bagay ta pral chanje?
-C : li vin ap trete'm kidnapè li di se sanble map fè avèl jis pou'm ka kouche'l men nan zye'l map toujou rete yon kidnapè.
-X : kisa'w wè nou ka fè nan ka sa paske sil pa tounen fè'w konfyans gen de bagay li pap janm rakonte'w ki ka itil nou kont papa'l.
-C : sa mande pou'n fè plis jès avèl sak pi deranje'l kifè'l pran' m pou kidnapè se paske li kòmanse nwi ret fèmen nan chanm lan san'l pa wè solèy, wè lakou a, banm pèmisyon pou'm lese'l sikile alèz nan kay la pou'l gen aksè ak kek bagay ki nan kay la lè sa lap wè'l pap viv tankou yon moun yo kidnape fèmen yon kote.
-X : ok ou gen pèmisyon an.
-C : mèsi kounya mwen ka desann?
-X : wi.
Clyde te ouvri pòt la pou'l desann e antre.
-X : Clyde.
-C : wi boss.
-X : fè atansyon sèlman pou'l pa sove kite kay la, se vre nap ba'l pèmisyon sikile nan kay la men se ak anpil siveyans.
-C : wi map asire sa.
Li te pran direksyon antre nan kay la ankò.
-Gard : ou kite'l ale boss?
-X : wi nou pap gen pou'n tiye'l ankò nou monte machine lan mennen'm ale.
-G : ok boss.
-X : lap plis fè'm wè ke'l pran tanperaman ke'm tap atann de li a, nèg ki pap pè bay verite a menmsi'l wè lanmò anfas, gen plis li ka ofri'm sil pran tout tanperaman ke map atann de li yo.
📞📞
Mr X te fè yon apèl...
-X : mwen rele'w pou diw tout bagay rezoud ou pa bezwen enkyete'w sa pap repete ankò.
**
Lè Clyde te rive nan lakou a li te jwenn Lebon tou panike kap veye kote lap sòti, lè Lebon wè misye antre li te soulaje.
-Lebon : mwen te gentan panike wi jan yo vin pran'w lan te fè'm doute wi.
-C : mwen ret kwè se sèl ou kite panike pou mwen anndan an.
-L : pavre non, se vre majorite tap tann pire men Rebelle te panike wi.
-C : mwen santi sa lakay li, li son lòt moun li pa pran kot frè'l la.
-L : kounya wap dim poukisa de nèg sa yo te vin pran'w la?
-C : pou yo ta'l tiye'm sou lòd boss la.
-L : 😲poukisa yo ta pral tiye'w la? E sak fè yo pa tiye'w?
-C : men ou paka poze'm tout kesyon sa yo yon sèl kou non bro omwen tann mw reponn youn,, paske'l konnen ke'm vyole yon prensip mwen te sòti yè al kay manman'm lan, mwen pa mouri paske'm pa du gens ap kache sa'm fè depi moun lan poze'm kesyon map ba'l verite a sutou depi'm wè'l konn sa lap di a.
-L : epi Malen di Rebelle li pa konn sa pou boss la te fè'w.
-C : li di verite wi paske boss la pa moun kap esplike moun afè'l konsa.
-L : bon boss la konnen sûrement se misye kite sou men'l yè swa ke'w te sòti ou pat nan lakou a vre.
-C : men kijan fè boss la fè konnen egzak ki kote'm tale e sa se pa Malen ki dil paske misye pa konn si se kay manman'm mwen tale admeton li te sispèk ke'm pat nan lakou a vre.
-L : bagay sa drôle wi ou panse boss la gen yon lòt nèg deyò kap swiv nou depi'n met pye nou nan lari pou'l al gade kote'n ale?
-C : sa se yon posiblite, konsa tou sa ka rive se Milly ki dil sa.
-L : ou kwè manman'w ta an kontak avèk boss la? Eee dosye sa santi kri wi.
-C : yon sèl fason mwen ka konnen'l se sòti pita ankò.
-L : ou fou man sa vle di wap sòti pita al kot manman'w ankò?
-C : non mwen pap al kay manman'm si tout fwa li an kontak avèl vre lap dil ke'm te tounen, map sòti al regle yon lòt bagay si reyèlman se yon moun li met deyò a pou veye tout pa nou fè menm moun sa ap dil ke'm sòti pita e demen lap vin reprimande'm pou sa tou.
-L : si se pa yon moun li met deyò a pou siveye sa vle di se manman'w ki rele'l dil sa?
-C : egzak.
-L : ou di wap sòti men'w poko dim kisa'w pral fè.
-C : map reflechi sou sa talè map ba'w répons, kounya banm antre al kot Elle pou'm vin mennen'l pran ti van deyò a boss la otorize sa.
**
Clyde te antre trè serye, te gen Gorille ak Pikan kite wè lè'l tap antre a li te trè cool ak yon vizaj souriyan nèg yo te sezi wè sa yo te panse a se pat sa.
Lè'l rive kot SanG li antre souri a, paske antre yo de a sa pat fini trè byen yè nou konn sa deja.
-SanG : sa'w vin fè la mwen panse'm pa tap wè'w la ankò wi?
-C : sòti.
-S : sòti al ki kote? Rebelle te fè'm al benyen deja wi.
-C : ou te mande pou'w wè solèy la ou chanje ide? Dim pou'm ka re fèmen ankò.
Lè SanG te tande sa li kouri leve sou kabann lan li ranje rad ki sou li a pi byen epi leve al jwenn Clyde.
Clyde te devan SanG te nan do'l lè'l tap pran direksyon sòti nan lakou a... Maken te vin parèt lè Clyde ap sòti a li patka konprann.
-Gorille : kote yo pral la?
Lebon te tou prè yo a li te tande kesyon Gorille poze a li te deside reponn misye.
-L : li pral mennen'l pran yon ti van.
-G : an misye sòti li antre san boss la pa fè'l anyen, met sou li se antre li antre vin pran fanm li an al mennen'l pran van,, sa'w di nan sa papa ou pa santi boss la vle pèdi kontwol bagay yo?
-M : banm lapè'm Gorille siw vle mwen ka mennen'w al kote'l pou'w dil sa wi pou'w wè sil pa tap tou reprann kontwol tout bagay sou ou.
Malen te vire tou fache li ale aprè'l fin di sa Lebon te kanpe ap ri yo.
**
Dans la peau de SanG.
M'pat janm santi'm byen konsa pou tout lavi'm aprè kèk jou anfème nan yon bout chanm ou pa janm wè solèy ni pran ti lè, mwen te kage kou'm mwen leve anlè map gad zyè'l la epi'm ap respire bon l'air mwen pa bezwen di nou kijan sa te fè'm santi'm byen.
Kèlke segond konsa mwen te menm bliye si akote'm te gen Clyde,men li ta pral fè'm desann sou nyaj mwen byen rapid lè'l ta pral pale.
-C : wap ret kanpe konsa oubyen ou pral fè ti mache nan lakou?
-Moi : hein!! Mwen bliye siw kanpe la wi se tankou tan te stope wi.
-C : mwen santi sa wi,,men vin al fon ti mache nan lakou a konsa wap ka respire l'air frech pi byen.
-Moi : pa mal kòm ide.
Nou tap mache kot ak kot mwen pa kache di nou mwen te kòmanse bliye si se kidnape yo kidnape'm mwen te profite de ti moman sa ke map viv lan.
-C : anba ti pye bwa sa se la'm konn pran ti van se pati prefere'm nan lakou a gen bèl lonbraj lè'm la mwen respire plis bèl air.
-Moi : se yon bèl andwa vre wi.
Lè'm te voye zye'm lòtbò a mwen te wè yon espas ki bare ak gri dèyè'l te gen kana kap benyen nan yon basen.
-Moi : waw janm renmen kana banm al gade yo.
Li te swiv mwen kite kouri al gade kana yo.
-Moi : yo bèl wi, pou kiyès yo?
-C : pou Rebelle genlè ou menm avèl gen menm gou.
-Moi : mwen tèlman renmen yo se yo menm ak pijon mwen renmen konsa, epa genyen ki ret kouche anndan ti kay la ki pa sòti?
-C : de manman yo ye yap chofe ze.
-Moi : oohh ebyen lòt semèn la ap plen ti kana.
M'te rete tankou yon gamin ap kontanple yo genyen kap benyen e netwaye kò yo nan dlo a genyen kap avanse sou dlo a, map di nou ke'm pa sèlman gen fèb pou kana mwen renmen pijon tou.
-C : se pa sel nan lakou a wap gen pou'w rete non mwen gen pou mal montre'w anndan an kèk pati ke'w ka sikile alèz.
-Moi : kidonk nou pap fèmen'm nan chanm lan ankò?
-C : non men ak kondisyon piga'w fè betiz ki ka koz mwen regrèt.
-Moi : non se promis 🙏
Se te yon superbe joune mwen pat janm santi'm byen konsa isi a, aprè'm te fin vizite lakou a pran bon van Clyde te antre avèm la'l montre'm kèk pati nan kay la ke'm gen dwa avè yo sim bezwen yon bagay, tankou sal a manje a ki fè yon sèl ak kwizin lan, epi salon an aprè sa mwen pat gen dwa antre lòt kote nan kay la.
-C : ou ka fè ti tan'w nan salon an la tann lè domi'w rive pou'w antre nan chanm wi.
-Moi : okeu...
M'tal chita nan salon vin gen Rebelle ki vin parèt.
-Rebelle : ou byen?
Li te pale ak Clyde.
-C : wi mwen byen.
-R : mwen te enkyè pou sa pat pi grav menm kontan ke'w anfòm.
-C : mèsi anpil Lebon te dim se sèl ou menm avèl kite panike pou mwen, mwen vrèman apresye sa.
-R : se nòmal paske aprè tou nou se yon fanmi.
Genlè Clyde te gen yon bagay m'pat ka mande'l sa'l te genyen yon fason pou'l pa wè'm curieuse, menmsi'm sa vre lol.
-R : ou la toi?
-Moi : wi.
-R : mwen kontan ke Clyde fè'w sòti al pran ti van aprann alèz nan kay la sa ap mèy fè'w santi ke nou pa gen ide trete'w tankou yon otaj.
-Moi : mèsi anpil Rebelle fèmen anndan te kòmanse fè'm anvi f***e vre.
Aprè Clyde nan kay la mwen ka di se Rebelle kite dezyèm moun ki pat wè'm tankou yon otaj ke yo dwe maltrete, mwen poko konnen kisa yap atann de mwen kifè yo kenbe'm la men kanmèm yo pa gen vizaj kidnapè.
-C : ou renmen li Elle?
Mwen te rayi lè'l ap rele'm Elle menm te reziye'm paske'm pat vle kouri prezante'm ba li dil mwen rele SanG.
-Moi : wi se sak pas tan'm lè'm lakay mwen m'plis li ke'm gad tele.
-C : ou gen liv la Rebelle?
-R : oh wi se sa'm pa manke.
-C : fè'l jwenn liv pou'l ka li pandan'l chita nan salon an pou'l pa santi'l raz.
-R : vini swiv mwen pou'w al chwazi titre ki nan gou'w lan.
-C : zye'w pa tonbe sou Lebon pou mwen?
-R : non.
-C : genlè'l nan chanm li banm al kote'l.
**
Efektivam Clyde te jwenn Lebon nan chanm li an vre.
-C : yow ou gen kontak Jeffson?
-L : wi men sa pou'w fè'l?
-C : mwen gen yon ide pou pita li dwe patisipe ansanm avè nou.
Map raple nou Jeffdon se youn nan nèg kite konn fè kou sal nan lari avè yo.
-L : ki kou li ye la?
-C : map sòti al kase materyo konstriksyon Zachary tap jere ak papa'm lan, mwen pap kite anyen pou fanmi'l,mete Jeffson sou kou a dil nap bezwen de nèg avè nou pou kou sa nap fè'l a minwi.
-L : ou kwè nan sa'w ap fè a Clyde mwen santi'w yon tijan bref pou sa wi dabitud lè nap fè kou avèw ou konn pran tan pou analize'l.
-C : ebyen di nan lespri'w se yon kou ke map panse sou li depi lè'm nan prizon an ok,,, aswè li dwe ezekite akoz de fanmi sa mwen devni moun mwen ye ebyen'm pral fè yo peye sa menm aprè lanmò Zachary mwen pap kite anyen pou pitit li benefisye.
-L : kijan'w konte kite yon machine kanpe devan nap pran bagay sòti met ladan'l san moun pa wè nou?
-C : mwen diw se yon kou ke'm te panse sou li deja, machine lan pap ret devan kote moun ka wè'l gen yon lakou pa dèyè nap antre nan lakou sa nou pran nèg sa an otaj lap ouvri baryè nou antre machine lan nap ka pran bagay nan biznis lan al met nan machine lan an pasan pa pòt dèyè a.
-L : ok mwen pral rele misye.
-C : dil nap bezwen 3 nèg fyab pou ede nou ankò men piga'l fè apèl ak Karl.
Nou sonje se Karl kite koz Clyde pran prizon se pou sa'l pa vle kole ak misye ankò, map raple nou ke Clyde pat anvi fè kou sa sèlman pou'l tire sa Nathan te kite Zachary te kenbe yo, men li te vle fè kou sa pou'l konfime si boss la met nèg veye yo deyò a.
Lè tap kouri nèg yo te veye minwi lè tout moun nan kay la al dòmi yo te sòti pou ya'l fè kou Clyde te planifye a.
**
⏰⏰⏰⏳
Dans la peau de Dina.
Pantan nan dòmi aprè yon vye rèv mwen te fè m'pat konn kilè'l te ye mwen te pase menm mwen limen limyè ki nan chanm mwen an.
-Moi : ssaaww.
Se yon p**i kite kenbe'm konsa men depi aprè lè Pikan te fè tantativ la sou mwen an m'pè leve al p**i nan douch la, wi yo banm pèmisyon pou'm al p**i le swa nan douch la pou kont mwen nou dwe ap mande si yo banm pèmisyon leve al p**i nan yon douch ki ak kèlke distans de kote'm dodo a poukisa'm pa tou sove, mwen pap kache di nou mwen te eseye sove yè swa aprèm te fin diskite ak Clyde la men lè'm rive nan pòt ki bay sou lakou a gen yon gwo kadna ladan'l... Se enposib.
Bon'm te reziye'm paske p**i a te kenbe'm lè'm ouvri pòt la mwen pat wè tele salon an ouvri sa vle dil ta sinon yo tap nan tele toujours, ni'm pat gen mwayen pou'm gade kilè'l ye,, apèn map leve pye'm pou'm sòti se lè sa mwen te tande de vwa tou ba kap antre, mwen te fasil konprann ke vwa sa se vwa Clyde ak Lebon mwen te aproche yo, lè Clyde wè'm dezye'l te sòti.
-Clyde : 😲 2h li ye kisa wap fè la ou pa nan kabann ou?
-Moi : mwen pat konnen sil tout lè sa se pantan'm pantan nan dòmi epi'm gen p**i, e nou poukisa se lè sa nap antre?
-L : souuu silans ou pale twò fò moun pa dwe konnen si se lè sa nou antre.
-Moi : sa'w kenbe nan do'w la Clyde?
-C : anyen al p**i pou'w tounen dòmi.
M'te wè'l kenbe yon bagay nan do'l tankou yon bout twal li pa vle tonbe,, men sa se san 😲twa'l la te wouj ak san. Mayo kite sou li ate sal tou.
-Moi : Clyde ou genlè blese? ooh.
-C : non pa enkyete'w map jere sa.
-Moi : ou ka enfekte ale banm gade.
-C : 😡non al dòmi.
Li te mare min li sou mwen pou fè'm pè pou'm kouri mwen te anvi kouri vre menm te tèlman konnen'l ap pè fè'm mal mwen te ret kanpe.
-C : ale'm diw wi siw pa vle'm blese'w tou 😡.
Li te vle fè'm pè pou pi rèd si se Pikan ki mare min li sou mwen konsa epi'l dim sa mwen tap pou mwen kouri mdr... Kòm se Clyde mwen pa pè se tankou gen yon bagay ki anpeche'm pè'l.
-Moi : kite'm pran swen'w mwen kapab netwaye'l pou ou.
-C : non mwen pa vle al dòmi.
-....: ki moun ki la?
-L, tou ba : nou mele Clyde sa se Malen wi kap vin la.
-C : ann al kache nan chanm Elle la li pa dwe wè'm eta sa.
-Moi : non li gentan tande vwa la lap sispèk lè sa lap chache tout kote, kache dèyè sofa Lebon kite mwen ak Clyde la mwen gen yon ide.
-L :....
-C : fè sa'l diw la non baz nou pa gen chwa.
Aprè Lebon fin kache mwen te vire Clyde fè'l bay do'l sou bò chanm mwen an li te kite'm fè sa san fè rèd malgre'l pat konn entansyon men entansyon se pat kite do'l bay nan direksyon Malen ap vini an pou'l pat wè san an.
-Malen : ki moun ki la mwen mande wi?
Lè'm te tande vwa Malen rive sou nou mwen te anvanse prè Clyde mwen pase men'l nan senti'm, epi'm pase menm nan nan kou'l mwen met bouch mwen nan bouch li nap fè lanmou.
-Clyde,etone : 😲😳.
Lol, eske kou SanG an bon? Eske kou sa ap mache? Kòman lap mache nou poko konnen... Ebyen randevou pati kote'w pral dekouvri tout kesyon sa yo ou ka ap poze, pa bliye pataje pati sa siw ap tann swit la...
Suite bientôt...👍💬↪aimée, commenter,partager et donner vos avis.
💔Lanmou entèdi💘
