Jèn Enfliyan Kafou

02/04/2024

Eske wap tann retou JÈN ENFLIYAN KFOU ?

Send a message to learn more

17/10/2022

*FEMME INDÉPENDANTE vol 3*
🇭🇹🫂💙💛🤍💚🫂🇭🇹

« Aucun destin biologique, psychique, économique ne définit la figure que revêt au sein de la société la femelle humaine... » *Simone de Beauvoir*

Être femme, c’est quoi ? Quand et comment le devient-on ? Est-ce normal qu'une femme ait du pouvoir ? De l'autorité ? Qu'est-ce que donc le pouvoir ?

A travers l’histoire, sur plusieurs périodes, nous avons assisté à la lutte acharnée de la femme contre un système méchant bien huilé. Elles étaient en quête de liberté et d'autonomie.

Malgré les résultats positifs monstres de cette lutte et l'évolution multidimensionnelle de la société, les inégalités perdurent encore et ceci à différents niveaux. Ce sexe dit faible doit donc continuer à lutter pour s'affirmer et réclamer sa place sur l'échiquier social.

De ce fait, se voulant un pourvoyeur à l’émergence d'une nouvelle génération de leaders universels et responsables, LEAD-Academy vous invite à le rejoindre à la troisième édition de cette formation conçue sur mesure, axée sur le leadership féminin, qui se déroulera du 28 au 30 décembre 2022, au Centre Culturel Municipal Emmanuel Charlemagne.

🎯 *Objectif Gen.*: Renforcer les compétences conceptuelles, psychologiques et techniques des jeunes Femmes de la communauté afin qu'elles puissent mieux se positionner sur l’échiquier social et s'imposer entant que leadeuses.

👉🏾 *Réservation*: $ 200 HT
👉🏾 *Participation*: $ 300 HT (dâte butoir: 20 Décembre)

📍 *Lieu*: Thor 12, Carrefour (HAITI)

⏰ *Heure*: 9h Am - 2h Pm

🤲🏾 *Avantages*: Documents, certificat, collation, buffet, photos professionnelles, surprises, accompagnement à travers notre communauté…

*NB* : _LA FORMATION SERA AUSSI DIFFUSÉE SUR GOOGLE MEET AFIN DE PERMETTRE À TOUS CEUX ET CELLES QUI SONT À DISTANCE D'Y PRENDRE PART_.

🔗 *Lien de RSV*:
https://bit.ly/3ThcB0C

📲 *Contact*:
https://bit.ly/3CPEPKB
_+509 4749-5132_

10/09/2022

25/06/2022

05/06/2022

𝙅𝙪𝙡𝙞𝙤 𝙅𝙪𝙡𝙚𝙨, 𝙮𝙤𝙣 𝙢𝙤𝙙è𝙡 𝙋è𝙨𝙚𝙫𝙚𝙧𝙖𝙣𝙨 𝙖𝙠 𝙆𝙤𝙪𝙧𝙖𝙟.

Dènye tan sa yo pa bò isit ou ta gen lenpresyon moun pa ta vle bay moun bourad nan anyen ankò, dayè nou menm gen pawòl pou kore lide sa yo piske nou kwè "chak koukouy dwe klere pou je yo" paske "zafè kabrit pa zafè mouton." Men, malgre sa gen kèk grenn moun ki demake yo de lide sa yo, gen moun ki fè ede moun, bay moun bourad nan fason pa yo tounen yon pasyon.
Julio Jules, yon Jèn Mànken nan Komin Kafou se youn pami kèk Moun ki nan dènye kategori sa nou pran plezi nomine Jèn Enfliyan Kafou mwa Me 2022 a.

Julio fèt yon 16 novanm nan Komin kafou, se l al grandi epi ap viv nan yon katye ki rele Akachon.
Anpil moun plis konnen Julio kòm Mànken ak Kotch, dayè se youn nan prensipal aktivite pwofesyónèl li.
Nan domèn sila, li akonpànye yon latriye Jèn fanm ak gason nan defile mòd ak nan preparasyon Mis pou konkou.
Aktyèlman, Julio se Ko-fondatè epi Manm "Miss Carrefour", yon aktivite ki gen pou youn nan objektif li ki se pèmèt Jenn fanm nan Komin nan ekspoze don ak talan yo gen lakay yo.

Atravè ansanm sa Julio rive reyalize, kit se endividyèl osnon kolektif, li kwè yo ka sèvi lot jèn ki ta ap suiv li yo kòm ekzanp pèseverans ak kouraj. Paske pou li, se konstans li rive kenbe nan pil ak pakèk risk li rive pran yo ki fè l kapab Moun li di l ye jodi a.

Se sa k fè l fini pou l ankouraje Jèn yo pou yo pa abandóne men pito pou yo goumen epi mande lavi a sa yo menm yo merite.

Tèks: Jèn Enfliyan Kafou.

23/05/2022

Felisitasyon

Aucune victoire ne s'obtient sans Bataille, ni difficultés. Il faut batailler avec hargne pour s'en sortir vainqueur, afin de savourer les délices de ses efforts. Ce samedi 21 Mai 2022 Miss Carrefour a couronner sa toute première Ambassadrice, sa toute première preuve de travail acharné et de principes continues.
Mesdames et Messieurs Neida Pierre la toute première Miss Carrefour.🥰🥰🥰

📸:

01/05/2022

𝙍𝙤𝙤𝙗𝙚𝙣𝙨 𝙄𝙎𝙈𝘼,𝙮𝙤𝙣𝙣 𝙥𝙖𝙢𝙞 𝙟è𝙣 𝙠𝙞 𝙠𝙬è 𝙥𝙖𝙨𝙞𝙫𝙞𝙩𝙚 𝙥𝙖 𝙥𝙤𝙩𝙚 𝙨𝙤𝙡𝙞𝙨𝙮𝙤𝙣 𝙖𝙠 𝙥𝙬𝙤𝙗𝙡è𝙢

Angajman pa sèlman yon mo, li toujou mache ak aksyon. Se sou dwèt pa bò isit pou n konte Jèn k ap pran inisyativ, mete pasivite ak dezespwa sou kote pou sèvi kominote yo.Pou mwa Avril la, JEK (Jèn Enfliyan Kafou) te gen chans kontre ak jèn sa ki rele Roobens ISMA e prezante l kòm Jèn ki enpakte kominote kafouwaz pou mwa sila.

Roobens ISMA fèt yon 27 novanm 1999 nan komin Kafou.Li rete Mariani. Li ta pral kòmanse etid siperyè li nan lane 2018. Yon jèn ki te enterese ak kominikasyon ak bay sèvis li sitou nan lokalite l leve a. Isma se etidyan an kominikasyon sosyal Fakilte Syans Moun nan Inivèsite Leta Ayisyen an.

Konsta l fè nan sosyete a chita sou abi seksyèl moun ap sibi e sitou pou fanm. Sa ta pral pouse l ansanm ak yon gwoup jèn ki te pataje menm lide ak li mete sou pye yon estrikti ki pote non"Vision Innovatrice pour le Progrès(V.I.P). Yon regwoupman ki espesyalize nan ankadre jèn fanm kou gason epi fè pwomosyon pou ledikasyon ak lakilti. Isma reyalize plizyè seri konferans ki baze sou jan an patikilye vyolans seksyèl.

Riske nan vi a se yon abitid kotidyen paske si w bezwen genyen ou oblije fè gwo miz, selon ide kamarad Isma.Lavi a mete de(2) chwa devan yon jèn k ap afwonte kotidyen an : chwa pou riske osnon abandone. Apranti kominikatè a te konfime pou JEK,dènye opsyon an p ap janm nan plan l. Manb"Organisation Chrétienne Eau Esprit et Vie(OCEEV) ak prezidan V.I.P an toujou panse depi w se jèn ou kapab. Sa l ap pataje ak jèn parèy li yo nan konferans sou divès kalte sijè pa twò depaman de reyalite ekonomik ak sosyal li.Kidonk Konpreyansyon l de jenès la sèvi l bousòl pou l Kontinye aji pou l kapab ede yo.

An kalite hmiste,nan sousi pou l envante meyè li menm nan, li kwè avni an se chak moun ki dwe prepare l atravè aksyon y ap poze san konte degre angajman yo mete nan balans reyisit la. Li pa chwazi viv tankou yon senp endividi k ap viv pou tèt li ak fanmi l, men l kwè l kapab itil nan kominote l antanke sitwayen. Rete nan pasivite n,peyi a ap fin degrade,soti grif sitwayen n nan poze bon jan aksyon sivik, sa kapab yon eleman pou kreye yon demen miyò. Lesansyèl se chwazi pami moun k ap aji yo.

"Nan eksperyans m fè m poko janm wè kote pasivite ak dezespwa pote solisyon ak pwoblèm, se toujou aksyon ki detèmine finalite ak limit pwoblèm lan.Kidonk ann angaje n, kwè nan avansman epi mete men nan pat la pou n reyalize rèv Ayiti nou swete a", se te konsèy ak apèl an aksyon jèn etidyan Roobens ISMA te kite pou jenès la.

Pierre Henry CADET

02/04/2022

𝗔𝗻𝗶𝗰𝗶𝗹𝗲 𝗠𝗮î𝘁𝗿𝗲, 𝘆𝗼𝗻 𝗮𝗸𝘁𝗶𝘃𝗶𝘀 𝗮𝗸 𝗱𝗼𝘂𝗯 𝗰𝗵𝗮𝗽𝗼

Kontrèman ak jan sa te ye pandan kèk àne k pase yo, enplikasyon fanm yo nan divès domèn aktivite pa bò isit, sitou, kòmanse pi vizib. Anpil Jefò pa sispann fèt pou montre gen nesesite pou n konstwi yon sosyete pi djanm san n pa blije mete yon kategori moun sou kote, fanm yo an patikilye. Sa k pral fè depi kèk bon bout tan anpil fanm kòmanse e menm kontinye sòti tèt yo toujou an granmoun, pou montre divès kalte bon bagay yo genyen lakay yo. Anicile Maître ki se yon Jounalis/Enfimyè se youn pami latriye fanm sa yo ki chwazi distenge yo valableman, nou deside prezante kòm Jèn Enfliyan Kafou mwa Mas 2022 a .

Anicile fèt yon 31 desanm, l ap viv nan yon katye nan komin Kafou ki rele bèten. Kèk ane aprè etid klasik li an 2011, l te deside kòmanse karyè pwofesyónèl li. Aktyèlman, li se Jounalis epi Enfimyè.
Anicile pa rete endiferan nan kominote l ap viv la, Pèsónèl medikal la fè n konnen anplis li patisipe nan divès fòmasyon pou moun, l pa sispann bay popilasyon an sèvis sitou nan lopital matènite kafou a.
Sepandan, ekzèse metye l yo jan sa ta sipoze fèt pa toujou fasil pou li, sa k souvan mennen l fè fas sitou ak anpil risk men Jounalis la ret kwè risk sa yo sèvi l kòm boustè pou l ale pi lwen toujou paske sa yo fè pati vi a.

Menm jan ak tout Moun, li rekónèt li pa pafè, men l kwè piti kou l ye jèn yo, sitou Jèn fanm yo, ta ka suiv li kòm modèl sitou si sa ap pèmèt yo pike pou devan.

Se pou sa, l konseye jèn yo malgre sitiyasyon malouk peyi a ap konnen dènye tan sa yo, pou yo kenbe yon moral ki wo, pa dekouraje, pandan yo p ap sispann poze aksyon pozitiv nan anviwónman y ap evolye a. Epi kòm kretyèn, li envite yo fikse zye yo sou Bondye pandan l ap rete kwè "peyi a dwe chanje e se avèk nou pou sa fèt."

Tèks: Jèn Enfliyan Kafou.

25/03/2022

Ou se yon etidyan, ou tap renmen benefisye yon fòmasyon antreprenarya, an patikilye sou rechèch, lansman ak devlopman yon pwojè antrepriz.

Aplike nan lyen sa pou kapab gen chans seleksyone pami you nan gwoup 50 ETIDYAN nap seleksyon pa KOMIN yo : https://forms.gle/MV8uX3YaBqACRQE2A

Avantaj : SÈTIFIKA + YON MWA AKONPANYEMAN
————————
ANN KREYE

16/03/2022

Mèsi anpil pou sipò ak enterè nou eksprime nan inisyativ sila.

Pou yon lòt Komin Kafou, pou yon lòt Peyi, pou yon lòt kalte Jenès, travay la ap kontinye toujou.

16/03/2022

Konkou Jeni Entè-Eskolè se youn nan aktivite ki toujou montre kalte bon grenn tèt ki genyen nan Komin Kafou sitou. A travè plizyè edisyon divès òganis rive reyalize n ka rive wè sa.

Collège Mixte Eddy Pascal
Collège Catherine Flon
Centre d'Etudes Lumière de côte plage
Juvénat Collège Sacré Coeur
Lycée Louis Joseph Janvier

Se kèk pami yon latriye lekòl ki toujou fè bèl figi nan aktivite paraskolè sa.

Kiyès k ap chanpyon nouvèl edisyon sa???? N pral suiv......

13/03/2022

Jèn Enfliyan Kafou Sipòte l

02/03/2022

*Mackendy Dort, Yon Jenn gason Ekstrawòdinè ki p ap dòmi.*

Pa bò isit, nou rive konstwi anpil diskou ki pou fè n kwè bagay moun, bagay k ap pase ozalantou nou ki konsène moun pa ta dwe regade nou. Si pou anpil moun, "zafè kabrit pa zafè mouton", sa k fè "chak koukouy dwe klere pou je yo", pou yon seri lòt, lespri patisipatif, kolaboratif la ki dakò "yon sèl dwèt pa manje kalalou", paske "men anpil chay pa lou" a dwe grandi nan nou chak jou Bondye mete paske l ka rive yon jou depi "nen pran kou, je ap kouri dlo" kanmenm.
Nan dènye kategori sa, nou tonbe sou yon jenn gason enfliyan nan komin Kafou, ki rele Mackendy Dort, nou gen lonè prezante kòm Jèn Enfliyan Kafou mwa Fevriye 2022 a.

Mackendy fèt yon 14 jiyè e l ap viv nan yon katye nan komin Kafou ki rele Twitye.
Nan làne 2017, li kòmanse etid pwofesyónèl li nan Syans Kontab nan PAODES inivèsite.
Jèn kontab la pa t chwazi rete fokis sèlman sou etid li pou l konstui moun li vle ye a, yon moun ki dwe itil kominote l. Sa k pral fè li mete sou pye "Massives of Capacities Promotion (MC Promo)", yon jèn enstitisyon, ki daprè li menm, ap travay pou chanje kondisyon lavi moun epi kontribye nan kreye richès. Pou atenn objektif sila yo, li rive tabli kat pilye fondamantal ki se: devlopman pèsónèl, finans pèsónèl, lidèchip ak antreprenarya. Paske li kwè ak yon pi bon fòmasyon sou domèn sa yo, sitou finans pèsónèl, jenn yo ap rive gen yon libète finansyè.

Pi lwen toujou, jèn imanis la mete kanpe ak lòt jèn parèy li yon mouvman sosyal li rele "EDE M SOURI". Mouvman si la bay tèt li objektif pou pote moso lajwa, lespwa ak anvi viv bay timoun ki vilnerab nan komin kafou. Atravè mouvman sa, yo rive kolekte lajan ak materyèl timoun ki swa nan òfelina osnon nan sant dakèy ap gen bezwen pou viv plizoumwen tankou moun dwe viv.

Menm jan ak anpil moun ki rive fè siksè nan yon domèn kèlkonk, Mackendy rekonèt risk la se yon etap li ye nan chimen reyisit la, e se atitid ou rive devlope nan pwosesis risk la k ap fè konnen eske w ap reyisi ou non.

Responsab depatman kiltirèl ak sosyal KOZE JÈN YO rekonèt efektivman l te mete nan Ttèt li se Leta ki dwe fè yon bagay pou li. Men byen vit, l pral rive konprann "moun ekstrawòdinè pa tann moun fè pou yo men yo yo fè pou moun", sa ki pral fè l kòmanse kreye pwòp opòtinite l.
Nan sans sa, Mackendy ki se tou, manm "Collectif Haïtien d'aide et appui pour l'Émancipation Sociale (CHAAPES) ak manl CEEH, pa janm sispann motive jèn parèy li paske l vle enfliyanse yo fè sa k bon pou yo ka kontinye pran bon desizyon pou vi yo.

Paske menm jan ak anpil lòt, li kwè Jèn yo se avni a, yo sipoze enplike yo nan chanjman peyi a pou yon demen sèten e yo pa sipoze kite anyen ni pèsonn mete yo deyò ou byen anpeche yo patisipe nan konstwi demen sa.

Tèks: Jèn Enfliyan Kafou

01/02/2022

𝗝𝗼𝗻𝗮𝘀 𝗕𝗲𝗮𝘂𝘃𝗼𝗶𝗿 𝗮𝗸 𝗦𝘆𝗮𝗻𝘀 𝗘𝗻𝗳𝗶𝗺𝘆è, 𝘆𝗼𝗻 𝗶𝘀𝘁𝘄𝗮 𝗟𝗮𝗻𝗺𝗼𝘂 𝗦𝗮𝗻 𝗽𝗮𝗿è𝘆.

Nan sosyete pa nou sitou, li pa t toujou fasil pou yon moun, yon gwoup moun rive dakò devye kèk modèl konstriksyon sosyal li leve jwenn. Lè sa yo rive fèt, yo souvan kalifye moun sa osnon gwoup moun sa yo de Devyan. Men, se yon seri kalifikasyon ki pa toujou chita sou okenn baz lojik.
Tankou, nan tèt anpil moun pa bò isit, gen metye se metye fanm gen lòt se metye gason genyen tou, tou de kapab fè. Pami metye sa yo, anpil moun jiskaprezan poko kwè yon gason kapab Enfimye. Sepandan, li rive gen anpil gason pa bò isit ki dakò pran kouraj yo ak de men pou afwonte modèl panse sa e menm rive enpakte kominote yo pozitivman nan ekzèsis pwofesyon Nòb sa. Nan mitan tout Enfimye sa yo, nou kontan prezante nou Jonas BEAUVOIR, yon Jèn Enfimye Enfliyan nan komin Kafou.

Jonas fèt yon 10 Novanm nan yon katye ki rele ti sous nan komin Kafou. Se nan lokalite sa tou l grandi. Li fè tout etid klasik li nan Lise Lwi Jozèf Janvye ki gen pou ti non jwèt Lise kafou.
De(2) làne aprè l met yon bout ak etid klasik li, li entegre "École Nationale d'infirmières de Port-au-Prince (ENIP)" nan làne 2016, la tou l kòmanse ak karyè pwofesyónèl li.

Anplis karyè pwofesyónèl li, Jonas Beauvoir enplike l nan divès aktivite sosyal ak edikatif. Jèn Enfimye a se Direktè Maketin ADOC(Académie de Développement Orienté et Continu) yon espas ki la pou akonpànye jèn ekolye yo an patikilye nan koze kominikasyon, teknoloji ak antreprenarya; Jonas se Direktè an apre depatman lojistik INTACS(Infirmiers-ères Travaillant pour l'Amélioration des Conditions Sanitaires), pi lwen nou jwenn Jonas kòm Vis Kòdonatè Nightingale Prefak, yon espas mizanivo ki la pou bay tout Jèn moun ki swete entegre ENIP bourad, e pou àne sa kòm dènye rezilta mizanivo sa, 10 sou 14 postilan yo t ap akonpànye yo rive entegre ENIP. Nou bat bravo lakontantman pou sa.

Pou Jonas, pran risk se zafè pa l, se sa k fè l kwè "si w pa riske Jodi , w ap regrèt demen". E kèk nan gwo risk li rive pran se: kreye pwòp antrepriz li ki rele "J&j's création", yon antrepriz ki la pou koud rad epi fè enpresyon sou mayo ak Tas. Yon lot bò, Nan yon kontèks kote nan majorite bis, pasajè yo souvan rankontre ajan Maketin k ap ponpe yo medikaman tribòbabò, Jonas te konn itilize menm espas sa pou sansibilize moun sou fason yo dwe byen jere sante yo.

Tout sa yo fè Jèn Enfimye a kwè, angajman l nan syans Enfimyè ak enplikasyon l nan divès aktivite sa yo ak lòt ankò li antreprann kapab enspire lòt moun k ap suiv li swa pou yo vin etidye Syans Enfimyè oubyen fasilite yo pran inisyativ k ap ede kominote yo ale devan.

Jonas Beauvoir fini pou l ankouraje Jèn yo, sitou sila ki dekouraje yo pou yo mete plis entèlijans deyò toujou, pou yo aprann kolabore youn ak lòt nan lanmou ak tèt ansanm pandan y ap kontinye kwè nan fòmasyon, nan travay, nan suiv bon jan ekzanp k ap pèmèt yo tabli yon konfyans nan tèt yo e rive akonpli ansanm pwojè yo ta genyen yo.

Tèks: Jèn Enfliyan Kafou

14/12/2021

La Finale

08/12/2021

Envesti nan Timoun, sitou nan sila ki pi mal yo, se envesti pou yon demen miyò.
Nan sans sa, menm jan ak làne pase, pou mwa Desanm sa, "MC Promo" angaje l pou ede kèk Timoun ki nan Komin Kafou espesyalman sila yo ki ap dòmi leve anndan sant espòtif Kafou a. Men poukont yo yo p ap rive touche anpil timoun men ak ou yo kapab mete kè kontan lakay anpil timoun, si ou swete kole men ak yo pou pwojè sa rive reyalize ou pakab kontakte yo sou youn nan adrès sa yo:
+509 4601-5955/+509 3230-1160 [email protected]
Y ap trè kontan resevwa bourad pa w la.

06/12/2021

01/12/2021

❝𝐊𝐞𝐫𝐫𝐲 𝐃𝐚𝐧𝐢𝐞𝐥, 𝐲𝐨𝐧 𝐉è𝐧 𝐛𝐨𝐮𝐫𝐞 𝐚𝐤 𝐤𝐨𝐮𝐫𝐚𝐣.❞

Nan kontèks malouk n ap viv pa bò isit depi kèk tan, aksepte pran inisyativ sosyal kòm Jèn pou enterè kominote ou ap evolye ladann nan pa fasil ditou. Bòykotaj, mank akonpayman, mank patisipasyon, dekourajman, se kèk nan barikad ou ta ka kwaze sou wout ou. Men, anpil san fwa ak detèminasyon marande ak yon lespri pozitif, se kèk nan estimilan ki konn nesesè pou w pa rive bat ba.
Kerry Daniel, se youn nan Jèn ekzanplè nan sans sa, JEK kontan prezante nou pou mwa novanm 2021 an.

Kerry Daniel fèt yon 25 Novanm, l ap viv nan yon katye nan komin Kafou ki rele Sapoti.
Kòm Jèn sitwayen nan Komin nan, Kerry patisipe nan divès aktivite sosyo-edikatif tankou: sansibilize timoun epi travay ak yo sitou nan aktivite kreyasyon atelye k ap pèmèt yo aprann yon metye mànyèl. Li patisipe nan òganizasyon divès pwogram asenisman nan kominote l ap viv la.
Pi lwen, avèk IVAP-HAÏTI, Kerry te patisipe nan òganizasyon konkou "Je chante Lionel Benjamin". Li se tou "Ambassadeur chargé des relations avec les enfants de rue.
Sa ki montre, nivo enplikasyon l nan divès aktivite sosyo-kiltirèl ak edikatif anndan komin Kafou. Men malgre mank sipò tout kalte ak bòykotaj li di li konn jwenn sou wout li, sa yo pa konn fè l fè bak, paske pou li, ansanm aktivite l rive tanmen pèsonèlman ou byen ak kèk lòt regwoupman tankou Koze Jèn yo, IVAP-HAÏTI, OJEPROH pèmèt yo ede Jèn yo devlope talan yo, epi mete deyò tout bon bagay yo gen anndan yo. Sa ki pou yo reprezante grenn wòch pa yo nan lòt Ayiti yo reve wè a.

Kerry ret kwè , si gen plis aktivite sosyo-edikatif ak kiltirèl ki sen ki kontinye tanmen pou Jèn yo nan diferan katye nan peyi a ak enplikasyon Leta sitou, nivo delenkans jivenil la ap rive diminye pezape, jouk nou rive jwenn efektivman kalte Jenès sa ki se avni peyi a tout bon.

Tèks: Jèn Enfliyan Kafou

18/11/2021

Generation 2000
👇🏿🫂

13/11/2021

Brisons le Silence
Make dat sa👇🏿
#26/11/2021

11/11/2021

Ann Bal sipò nou

01/11/2021

𝐏𝐚 𝐩è 𝐫𝐢𝐬𝐤𝐞 𝐬𝐞 𝐦𝐚𝐤 𝐟𝐚𝐛𝐫𝐢𝐤 𝐝𝐞𝐯𝐥𝐨𝐩𝐦𝐚𝐧 𝐚𝐤 𝐫𝐞𝐲𝐢𝐬𝐢𝐭 𝐲𝐨𝐧 𝐣è𝐧.

"Moun ki pè fè gwo miz p ap janm posede".Panse sila ta sanble pral jwenn bon jan agimantasyon lakay yon jèn ki rete bizoton 53.

Marc-Edwidge JADOTTE se non l sa, li fèt yon 6 jiyè, li fini etid klasik li nan làne 2010.Tousuit apre,li ta pral kòmanse etid siperyè li nan Fakilte Medsin ak Famasi (Inivèsite Leta Ayisyen) an 2011.Yon jèn ki boure ak foug e ki kwè nan travay an ekip. Pi gwo asirans li se antoure ak moun ki enspire konfyans. Aktyèlman li se Kòdonatè epi Direktè maketin Enstiti Fòmasyon Pou Aksyon ak Devlopman (IFAD), yon enstitisyon ki enplike l nan Devlopman pèsonèl ak òganizasyonèl. Estrikti sila bay anpil jèn opòtinite pou jwenn travay ak pou aplike nan fòmasyon byen lwen.

Enplikasyon Jèn medsen sila nan ofri sèvis imanitè ak kominotè se chapo ba. Aktyèlman, kòm volontè komite lokal kwawouj pou Kafou, li pa janm kite okazyon pase pou l pa entèvni nan komin lan lè gen kastastwòf tankou siklòn, goudougoudou ak konfli. Apre etid medsin lan, li te konstate difikilte postilan yo pou entegre Inivèsite Leta Ayisyen an, met sou trajè sot Kafou al nan prefak lavil la ki te sanble difisil ak fatigan, ta pral fè li menm ansanm ak kèk kòlèg li ta pral mete sou pye premye prefak gratis nan komin kafou kite pote non "Konbit Prefak".

Youn nan karakteristik devlopman ak reyisit pou Edwidge se "pa pè pran risk". Li te kontinye fè JEK (Jèn Enfliyan Kafou) konnen "risk paka anpeche yon moun pran yon inisyativ ak reyalize rèv li kòmsadwa". Sa ki dwe anime aktivite yon moun se "pasyon" ak "sajès". Lide sila a ta pral vini, toujou apre l te fin boukle etid medsin lan, epi li ta pral vizite "Grankay", senkyèm seksyon kominal Kafou, apre konsta l te fin fè nan fason moun yo ap viv melanje ak difikilte pou moun yo jwenn bon Jan swen, li ta pral mete sou pye yon sant sante nan lokalite sila ki ta pral pote non "Sant Sante Geisly Kernizan". E depi lò, Sant Sante a kòmanse resevwa ka ijans, fanm ansent elatriye.

Pou Marc-Edwidge, gen opòtinite menm nan dezespwa ak dekourajman. Li menm pran egzanp yon ti plant k ap grandi ki bezwen reyon solèy la pou l ka devlope. Pandanstan ti plant sila nan mitan kèk gwo wòch ki ta ka anpeche l jwenn ti limyè a (fotosentèz). Imedyatman li jwenn ti reyon limyè, gwo wòch yo paka enpeche l devlope e pote fui. Se vre avni anpil jèn Ayisyen sanble sonb, li ta enspire dezespwa ak dekourajman, men Edwidge konseye n pou n idantifye moun ki gen vizyon e ki pa pè fè gwo miz, fòme ekip nou epi jwenn reyon limyè solèy ki pral pèmèt nou devlope ak reyisi. Pa kite gwo wòch anpeche n soti tèt nou pou bloke devlopman ak reyisit nou. Reyalize pwòp fotosentèz pa w, se mesaj Edwidge pou jèn yo. Vi an pa gen eskiz, mond lan pa bay kobay chans, li enpòtan pou devlope epi reyisi nan tout sa w ap antreprann kòm aktivite. Kwè nan travay an ekip, kite pasyon ak sajès gide n nan chemen epi defini pwòp sous motivasyon n pou n enpakte kominote n ap viv la. Lespri ekip, pa pè pran risk se pami mak fabrik devlopman ki ka ede yon jèn fè siskè nan vi l.

Otè:Pierre Henry CADET/CPH

01/10/2021

𝗡𝗶𝘅𝗼𝗻 𝗚𝗲𝗹𝗶𝗻, 𝘆𝗼𝗻 𝗘𝗻𝗷𝗲𝗻𝘆è 𝗞𝗿𝗲𝘆𝗮𝘁𝗶𝗳

Risk pou antreprann an Ayiti vin pi difisil chak jou Bondye mete. Pou anpil moun, enstabilite ki ekziste nan tout domèn yo pa bò isit ta prensipal koz ki anpeche kèk moun rive antreprann kèk aktivite ki, pou yo, ta kapab rantab nan yon sèten nivo. Sepandan, gen yon lòt kategori ki chwazi nan moman enstab ki la yo menm pou antreprann e degaje enèji pozitif yo kwè k ap ride yo rete kanpe djanm. Se reyalite pa Nixon Gelin, yon Jèn Achitèk nan Komin Kafou.

Nixon fèt yon 21 Desanm, se nan Komin Kafou li grandi epi ap viv nan yon katye yo rele Tò. Tousuit aprè etid klasik li nan làne 2011, li te kòmanse yon etid nan achitekti, se te youn nan rèv li depi piti. Yon rèv ki ta pral jwenn reyalizasyon l kèk ane aprè.

Kèk tan aprè Nixon met fen ak etid Inivèsite li, li rive mete sou pye "𝗣𝗶𝗻𝗰𝗲𝗮𝘂 𝗖𝗮𝗿𝗮ï𝗯𝗲", yon fim konstriksyon ki la pou fasilite moun konstwi pi byen. Antrepriz sila tou, kreye travay pou anpil Jèn moun nan Komin nan, a travè li, Jèn Achitèk la finanse anpil lòt Jèn nan domèn edikasyon, espòtif ak kiltirèl.
Nixon pa janm rate okazyon pou l di Jèn ki ap kolabore ak li yo: "lavi ban nou yon Fèy blanch ak enstriman jewometrik pou trase lavni nou, ba l fòm nou vle e si n pa trase li l ap trase l pou nou, pafwa li difisil pou efase l lè sa rive, kidonk pa pè pran Risk pou kreye..."

Se sa k fè malgre l konsyan degre difikilte ki ekziste pa bò isit, si Jèn yo dakò pou yo kontinye al lekòl, bat bèt yo, kwè nan Bondye, pa di peyi a pa itil yo anyen men dakò pou yo ofri peyi a kèk bagay pandan yo pa p chita tann travay dèyè biwo sèlman men dakò kreye yon bagay pou yo fè, li kwè demen kapab miyò. Paske pou Achitèk la, "𝘁𝗶 𝗯𝗼𝘂𝘁 𝗽𝗲𝘆𝗶 𝘀𝗮𝗹 𝘀𝗮 𝗽𝗹𝗲𝗻 𝗹𝗮𝗷𝗮𝗻 𝗺𝗲𝗻 𝘀𝗲 𝗻𝗼𝘂 𝗸𝗶 𝗽𝗼𝘂 𝗰𝗵è𝗰𝗵𝗲 𝘆𝗼."

Tèks: Jèn Enfliyan Kafou

03/09/2021

👏👏👏👏

01/09/2021

𝗥𝘂𝗱𝗷𝗲𝗿𝗶 𝗝. 𝗢𝗽𝗼𝗻𝘁, 𝘆𝗼𝗻 𝗝𝗲𝗻𝗶 𝗿𝗮.



Depi kèk tan pa bò isit an Ayiti, aksepte pran wout liv ak rechèch pou rive pwodui savwa ki ap itil anviwónman imedya nou sitou, pa fasil ditou. Òf yo ki ale nan sans kontrè a tèlman pisan, sa lakoz minorite ki dakò fè sakrifis kenbe yon liy nòmal vin tounen yon menas pou sa yo k pito pase nan wout fasil la. Men malgre sa, sa pa anpeche gen Jèn fanm ak gason konsekan toujou ki ret kwè rechèch, pwodiksyon savwa, rete youn nan eleman fondalnatal ki pou ede peyi sa sòti nan twou fè nwa l ye la. Se ka Rudjeri Justin Opont, yon Jeni trè remakab nan Komin Kafou.

Rudjeri fèt yon 1e avril 1996, li grandi epi l ap viv nan yon lokalite ki rele Waney. Tousuit aprè l met bout nan etid klasik li nan làne 2014, li rantre nan Fakilte Agwonomi ak Medsin Veterinè (FAMV) pou l fè yon etid nan Agwonomi. Yon etid l te rive boukle nan làne 2019.

Men depi lè l te lekòl klasik non l te konn fè moun tranble nan kesyon Jeni entè-eskolè, sa k ta pral fè nan làne 2014 l te fini meyè jwè Jeni Entè-eskolè Kafou ak Tele Jeni sou TNH. Pi lwen toujou, kapasite l te rive deplòtonnen ta pral fè l al reprezante lekòl li nan pwogram FBLA nan peyi Etazini. Yon pwogram ki fè pwomosyon pou lidèchip ak biznis.

Yon lòt bò, Djo, ti non jwèt Kamarad li yo ba li, enplike l nan divès aktivite sosyo-edikatif.
Pandan etid Inivèsitè l, li te kowòdone yon pwogram rebwazman ak DINEPA nan sous Tinèl nan zòn Dikini; li patisipe nan òganize konkou Jeni Entè-eskolè nan làne 2016-2017; li kreye sou rezo sosyal yo "Nutri-Santé clé", yon paj ki bay konsèy sou kesyon alimantasyon; a travè de(2) òganizasyon li Manm yo, NOUSEJEN ak OJVEH, li ede anpil Jèn fanm ak gason rantre anndan Inivèsite Leta.

Jèn Agwonòm nan se yon modèl ansiklopedi k ap flannen, yon modèl entèlektyèl ra ki, nan sitiyasyon nòmal, t ap itil peyi l nan pi wo nivo san pwoblèm. Se sak fè Rudjeri kwè, malgre avni nou menm jèn yo difisil anpil , yon bon revolisyon sosyo-ekonomik kapab ede nou wè klè paske nou oblije goumen pou sa chanje piske pa gen pyès moun k ap vi n fè l pou nou.

Tèks: Jèn Enfliyan Kafou

01/08/2021

Bon travèse Ansyen prezidan Jovenel Moïse

01/07/2021

𝙈𝙤𝙪𝙣 𝙆𝙖𝙛𝙤𝙪, 𝙮𝙤𝙣 𝙥𝙤𝙥𝙞𝙡𝙖𝙨𝙮𝙤𝙣 𝙠𝙞 𝙜𝙚𝙣 𝙠è 𝙣𝙖𝙣 𝙢𝙚𝙣.

Depi kèk tan, plizyè moun k ap viv nan divès kalte komin nan peyi a pa sispann soulve
enkyetid yo genyen sou yon bann kesyon tankou: kiyès Kafouwa-waz yo ye menm ? Ki kalitemoun k ap viv nan komin sila a ? kòman moun Kafou fè viv?
Souvan, nan pa chèche konnen tout nannan lokalite sila, yo mal prezantekomin sa ki sot fete, 208 rekòt nan jou ki te premye me ane sila.

Kafou, yon komin ki gen trèz seksyon kominal, ladan yo w ap jwenn tout tip moun.Pou anpil nan yo, Kafou pa viv de tèt li piske l pa plante, poutan yo inyoreyon bann seksyon kominal Kafou ki te konn pwodui pou bay Komin nan ak kèk lòt zòn manje menm si te toujou gentravèse fontamara-Matisan pou al chèche lavi miyò anba lavil la. Sa ki vin fè, Pasaj fontamara-Matisan se youn nan pon ki egziste ant Kafou ak Lavil, yon travèse, dènye tan sa yo ki pa manke fè non l, malerezman nan zafè goumen ant nèg ak zam ilegal. Alòske listwa rakonte nou, pa t konn gen bagay sa pyès nan zòn sila yo.

Se sa k pral fè, aprè yon bon ti tan kalmi nou te rive konstate, jou madi ki te premye jen 2021 an, kout bal ta pral pran pete ankò ant de(2) nan gwoup gang ki tabli kò yo nan twazyèmsikonskripsyon Pòtoprens la. Yon sitiyasyon panik ki malerezman te rive fè anpil viktim nan popilasyon an. Pèsonn pa t epanye. Yon bon kantite moun ki t ap viv Matisan akFontamara sitou, te blije kite lakay yo pou y al pran refij nan yon espas ki pi poze.
Yon kote, plas Fontamara a tedebondare tèlman moun te sou moun. Timoun, Fanm ak granmoun ki pa t ka kenbe kò yo te fè remakeyo plis nan espas sila.Yon lòt kote, plizyè nan refijye entèn sa yo te pran wout Kafou pou yo tou paske yo konnen se yon lokalite ki pezib, e ki ta enspire plis asirans.

Kòman moun ak kèk enstitisyon, òganizasyon te akeyi moun sa yo ?

Anben, malerezman se nan yon kontèks konsa moun Kafou teakeyi yo ak bra louvri. Ki fè sa pa t pran tan pou viktim gè sa, te benefisye solidarite, asistans moun Kafou nan tout sans san menm Leta lokal ak Leta santral potko di kwik.

Menm jan Sosyològ
Emile Durkheim konprann pou yon sosyete ekziste fòk gen yon lyen ki makònen moun yo k apviv ladan l lan, lyen sa ki pou li se baz tout sosyete, pa lòt ke solidarite. Nan sans sa depi jou madi premye jen an jis konnya, Sant Espòtif komin lan louvri pou moun sila yo ki toujou poko kapab rantre lakay yo malgre manti otorite santral yo ap mache bay sou swadizan prezans lapolis ki ta prezan pou fasilite yon kèlkonk pasaj .

Jèn òganizasyon, legliz, divès antrepriz, tout nan fason pa yo te pote solidarite yo ak refijye yo pandankèk nan yo t ap evite detui idantite moun yo nan sa y ap ba yo kòm èd.

Anpil fwa, moun k ap viv lwen komin nan panseKafou se andeyò, yo souvan konfonn li ak travèse Fontamara-Matisan, nan di : « Mwen, sa m ap vin fè Kafou, kotepèdi sa, yon kote blokis, tire, toujou ap taye banda ». Alòs se regretab paske se inyorans
melanje ak fristrasyon k ap degaje pi souvan lakay moun sa yo, ki fè , Jewografikman ak Sosyolojikman, pa rive konn Kafou.

Moun ki konn Kafou prezante l kòm paradi, Vil Bondye. Anpil Jèn Inivèsitè, Fonksyónè, gwo Entèlèktyèl, Mizisyen serye, se pitit
Komin lan. Kidonk, si w bezwen konn kòman moun Kafou ap viv, vini y ap resevwa ou ak kè
kontan, nan yon lespri solidarite ak lanmou.

Tèks: Pierre-Henry Cadet

01/06/2021

𝙍𝙤𝙙𝙤𝙡𝙨𝙤𝙣 𝙅𝙚𝙖𝙣𝙩𝙮, 𝙮𝙤𝙣 𝙅è𝙣 𝙠𝙞 𝙨𝙖𝙠𝙧𝙞𝙛𝙮𝙚 𝙡 𝙥𝙤𝙪 𝙛è 𝙡𝙚𝙙𝙞𝙠𝙖𝙨𝙮𝙤𝙣 𝙈𝙤𝙪𝙣 𝙆𝙖𝙛𝙤𝙪_

Pandan gen anpil Jèn k ap eseye kite peyi a, genyen youn pami lòt yo ki dakò rete yo ki chwazi fè diferans la nan oryante l nan domèn Ledikasyon.
Jèn sila pran plezi pou l anseye Jèn Moun kou Granmoun, se konsa l chwazi bay bourad pa l pou Ayiti pi bon nou espere a.

Pwofesè kou Kreyòl ak Syans Sosyal nan nivo Segondè, Rodolson Jeanty sèvi non sèlman Lekòl ki te fòme l la, "Collège Mixte Eddy Pascal" men tou li sèvi plizyè lòt Lekòl nan Komin Kafou tou.

Rive tonbe damou travay l ap fè a, li angaje l chak jou Bondye mete pou l kontribye nan edikasyon Jèn yo nan peyi a, yon aktivite ki se pou li a la fwa yon sasèdòs men tou yon mwayen pou rive met lajan nan pòch li.
Etidyan Syans Sosyal ak Epsikoloji anndan Inivèsite Leta(ILA) pa kache lanmou l di l genyen pou ansèyman, sa ki pouse l di :" M renmen anseye e m wè li enteresan lè yon Anseyan pase tan nan fè rechèch tou."

Menm jan ak anpil Pwofesyónèl nan domèn Edikasyon, Jèn Pwofesè a fè fas ak diferan pwoblèm ekonomik tou.
Menm si l chèche gen endepandans ekonomik li ak sa l ap fè a met sou bourad antouraj imedya l ap ba li, men sa pa ase pou reponn ak bezwen yon Jèn moun k ap fè de(2) etid Siperyè anndan Inivèsite Leta. Dol, ti non jwèt li, eksplike nou l depanse chak jou pou l reponn sitou ak ansanm ekzijans akademik l ap fè fas yo.
Men malgre difikilte sa yo, li pa kanpe travay.

Jèn Etidyan nan Epsikoloji a, se yon Jèn ki angaje l nan divès aksyon sosyal pou kontribye nan devlopman kominote l ap viv la. Li patisipe nan mete sou pye VJRDH(Vision des Jeunes Pour la Reconstruction et le Développement d'Haïti), yon asosyasyon ki t ap goumen lontan nan domèn Lakilti ak Lit kont vyolans y ap fè sou Fanm. Li se volontè tou nan SOFA(Solidarite Fanm Ayisyèn) epi Direktè SFGA(Sant Fòmasyon Granmoun pou Alfabetizasyon) ki se yon lekòl ki la pou pèmèt granmoun aprann li ak ekri byen.

Lantouray Rodolson wè nan li yon bon zanmi, yon Jèn Moun ki respekte Moun. Yo menm dekri l kòm yon moun ki damou lang ak kilti kreyòl men tou yon moun ki konn pran ti plezi l tou lè sa mande pou lbfèt.

Si pou li, rete anpil chemen toujou pou l pase, Jèn Pwofesè a rete kwè yon Ayiti pi bon posib e l ap travay chak jou Bondye mete pou l pote kontribisyon pa l nan domèn Ansèyman paske pou li menm se pi bon fason pou l ede nan chanjman pozitif Peyi sila.

Tèks:https://gpsmags.com/rodolson-jeanty-un-jeune-qui-se-voue-a-lenseignement/

Tradiksyon/Adaptasyon: Jèn Enfliyan Kafou.