Bazanack-Actualités

02/04/2024

: Ambassade des États-Unis en Haïti

Jodi a, daprè jan pwotokòl diplomatik yo mande sa, Anbasadè Hankins te rankontre ak Ministè Afè Etranjè ak Afè Relijye, Jean V. Généus ak Premye Minis Pwovizwa a Boisvert. Anbasadè a te kontan tande gouvènman an konfime ke li pare pou avanse ak tranzisyon an depi kedokiman Konsèy Tranzisyon Prezidansyèl yo finalize epi yo resevwa yo nan fòm final yo. Anbasadè Hankins espere prezante lèt kreyans li bay nouvo gouvènman an.

___”___

Aujourd'hui, conformément aux protocoles diplomatiques, l'ambassadeur Hankins a rencontré Ministère des Affaires étrangères et des Cultes, Jean V. Généus et le Premier ministre intérimaire Boisvert. L'ambassadeur a été heureux d'entendre le gouvernement confirmer qu'il est prêt à avancer avec la transition dès que les documents du Conseil présidentiel de transition seront finalisés et reçus dans leur forme finale. L'ambassadeur Hankins est impatient de présenter ses lettres de créance au nouveau gouvernement.

02/04/2024

: Pandan jounen lendi 1 avril 2024 la bandi ak zam yo fè yon pote boure sou plizyè zòn tankou wout frè, Dèlma, Pòtoprens ak anviwon yo kote anpil katouch chante pandan jounen an.
Nan kad gwo pote boure sa genyen pou pi piti yon moun ki pèdi lavi li nan Dèlma 30, non sitwayen an se Emile Fritz, selon enfòmasyon yo nou jwenn li se te yon machann telefòn ki t'ap degaje l bò lari a.
Bandi yo t'ap fè tantativ pou atake palè nasyonal nan tantativ sa a selon eleman enfòmasyon nou rive jwenn genyen omwen 4 polisye USGPN ki soti blese.
Bandi yo te pran yon seri polisye nan yon kou sezi malgre efò polisye yo, yo arive mete dife nan yon blennde polis nasyonal d Ayiti.
Yon sitiyasyon ki koz bò kote popilasyon an te gen anpil panik kote yo t'ap kouri nan tout direksyon pou bal pat pra yo.
Nou aprann selon kèk sous gen yon moun ki ta mouri tou nan zòn Channmas la men nou poko gen konfimasyon sou sa.

Jiska moman nou ap ekri a sitiyasyon an fòs lòd yo poko gen kontwòl li, ou menm lè w'ap mache fè anpil pridans si w oblije deplase. Bazanack-Actualités.

01/04/2024

01/04/2024

: Yè dimanch 31 mas 2024 la bandi nan komin Kwadèboukè atake pak endistriyèl nan moman atak sila yo vòlè materyèl enfòmatik pak la ak kraze tout machin endistriyèl.
Yon sous nan nivo pak la fè Bazanack-Actualités konnen se anviwon 15 milyon defisi pak la fè aprè bandi yo fin mete dife nan espas la.

Yon lòt bò nou aprann bandi vandalize lokal lòj etwal d Ayiti a ki ri monseyè Giyou a nan komin Pòtoprens.
Bandi yo bwote tout sa yo te vle anndan espas la.

01/04/2024

: Aprè la polis te fin fouye lakay li ak syèj gouvènman an nan lanwit vandredi 29 mas pou ouvri samdi 30 mas 2024 la pou sispisyon mont chè li ta genyen li pa deklare nan deklarasyon patrimwàn li. Dina Boluarte, prezidant peyi a la jistis some li pou li prezante vandredi k'ap la a tout mont chè (Rolex) li ta posede.
Dina Boluarte li menm sou bò pa l fè konnen men li blan tankou nèj e fè konnen se yon sèl grenn mont li genyen. Bazanack-Actualités .

01/04/2024

: Nan komin Petyon-Vil presizeman nan ang ri Metelis ak Vilat, popilasyon an leve jwenn omwen 4 kò san vi nan yon kay ki abandone maten lendi 1 avril 2024 la.

Pèsòn poko konnen idantite moun sa yo ni nan ki sikonstans yo rive pèdi lavi yo a men kèk rivren fè redaksyon Bazanack-Actualités konnen moun sa yo se te moun ki te konn kanpe devan plizyè biznis nan Petyon-Vil pou mande moun.

31/03/2024

: Depi mouvman vyolans gang yo nan zòn metwopolitèn Pòtoprens lan, tout konpayi avyon ki asire vòl yo te kanpe tout vòl yo sou Ayiti, jodi dimanch 31 mas 2024 la Miami Herald fè konnen, JetBlue toujou kenbe mòd kanpe vòl la jiska omwen vandredi 5 avril, pou AmericanAirlines, yo di yo sispann vòl yo sou🇭🇹Ayiti jiska mèkredi 17 avril. Konpayi Spirit Airlines li menm fè konnen, yo kanpe jiska nouvèl òd, kel te sou Pòtoprens, kel te sou Okap.
N'ap soulinye genyen konpayi Sunrise Airways ki li menm depi plizyè jou òganize kèk vòl soti Etazini antre Kap-Ayisyen ak yon pri pi wo ke avan. Bazanack-Actualités .

31/03/2024

: Sou demand pwokirè nasyon an la polis nan peyi Pewou fouye kay prezidant peyi Pewou a, Dina Boluarte nan , pati lès kapital la (Lima) yè samdi 30 mas 2024 la, nan anviwon minwi yo konsa nan kad yon ankèt pou anrichisman sal ki pote sou kèk mont chè ( ) yo sispèk li genyen ke li pat deklare nan deklarasyon patrimwàn li.
Kote gouvènman an twouve l la tou te fouye kèk tan aprè.

Yon fouy prezidant Dina Boluarte kalifye "abitrè ak abiziv".

Premye minis Pewivyen an, Gustavo Andrianzén denonse devan la près "yon atent ki pa dwe tolere ak diyite prezidans repiblik la ak nasyon an li reprezante".

N'ap raple Dina Boluarte te vin prezidant aprè destitisyon kòmansman mwa desanm 2022 ak arestasyon prezidan Pedro Castillo, ki li menm te vis prezidant. Bazanack-Actualités

30/03/2024

: Police Nationale d'Haiti - PNH pote plis detay sou arestasyon te fè nan Mibalè yè vandredi a: 6 milyon 300 mil goud ak 20 mil dola ameriken se lajan yo te jwenn sou mesye yo.
2 zam 9 mm ak 6 chajè ranpli katouch ak yon bwat katouch 9 mm.
La polis konfiske yon machin mak Nissan Xterra koulè nwa, nimewo plak li se AA-49833 ak 7 telefòn pòtab.
La fè konnen selon enfòmasyon li arive jwenn se katouch Alexandre Ananel, polisye ajan 2 ki te nan inite CBIM ak Michelet Musca ajan sekirite a t'ap al achte pou gang yo sou fwontyè a nan nivo Beladè.
N'ap raple popilasyon an nan Mibalè te sezi 2 mesye yo nan men la polis epi tiye yo britalman.

Selon enfòmasyon nou rive jwenn fanmi polisye a antere l maten an nan simetyè Mibalè a menm. Bazanack-Actualités .

29/03/2024

La polis te pèdi kontwòl sitiyasyon an.

25/03/2024

: Sendika nasyonal polisye Ayisyen yo ( ) konfime asasina polisye Duplan Joveny, ki soti nan 27 èm pwomosyon Police Nationale d'Haiti - PNH a e li te fè pati maten lendi 25 mas 2024 la nan zòn Kafou Vensan.
Selon enfòmasyon Synapoha di li jwenn, te gen plizyè polisye ansanm nan yon machin lè bandi ouvri katouch sou machin nan e gen 2 lòt polisye ki soti blese. Bazanack-Actualités .

24/03/2024

Atak teworis nan peyi la Risi yè vandredi a nan Crocus City Hall.

23/03/2024

: Plizyè zòn reveye byen bonè maten samdi a anba katouch bandi ak zam yo.
Nou aprann bandi yo t'al atake baz la ki twouve l sou Fò Nasyonal depi bò 4 è nan maten.
Erezman polisye yo te rive riposte pou te kapab repouse kriminèl yo.
Nou aprann bandi yo atake baz nan ak komisarya Taba a.
Police Nationale d'Haiti - PNH nan moman an ap batay ak bandi yo ki bloke plizyè kote pou bare wout ak bakòp Polis la.
Nan seri deblozay sa yo bandi yo boule plizyè kay. Bazanack-Actualités .

23/03/2024

: Prezidan peyi la Risi a Vladimir Poutine dekrete yon jounen dèy nasyonal nan memwa viktim atak teworis ki fèt nan yon pwovens nan kapital peyi a (Moskou) yè vandredi a.

Selon sa plizyè medya rapòte, sèvis ransèyman amerikèn yo te enfòme omològ Ris yo sou yon posib atak teworis sou la Risi malerezman sanble yo pat pran sa serye.

Ikrèn ki li menm deja selon pale prezidan Ris la, Vladimir Poutine ta gen rapò ak atak sila, prezidan peyi Ikrèn nan Volodymyr Zelensky deja pran distans li ak atak ki fèt sou kapital peyi la Risi a. Bazanack-Actualités .

23/03/2024

: Yon atak teworis nan yon pwovens Moskou, nan yon sal konsè ki rele "Crocus City Hall" fè pou pi piti 115 mò ak anviwon 100 blese yè vandredi 22 mas 2024 la.

Otorite Ris yo anonse arestasyon 11 moun pami yo 4 ki gen soupson dirèk kòm moun ki ta patisipe nan atak sila a ak rekipere plizyè materyèl asayan yo te kite sou lye atak la.

"Nou ka di nan stad sa a bagay sa yo: 4 akize yo, sa ki tiye yo ak sa ki te sou plas yo te arete.
Yo t'ap eseye kouri nan direksyon Ikrèn.
Selon premye enfòmasyon yo bò kote Ikrèn te genyen yon fenèt pasaj te prepare pou pèmèt yo janbe fwontyè a.
Antou genyen 11 sispèk ki arete, lòt ajans ap travay pou dekouvri tout rezo ki te dèyè atanta sa a, ki bay materyèl , mouvman yo nan plizyè zòn, kiyès ki te prepare kachèt zam.
Anketè yo ak sèvis lòd yo pral fè tout sa ki posib pou eklere mistè atanta teworis sa.
Men nou wè deja se pa sèlman yon atanta teworis men se yon tiri mas ki vize sivil", se sa prezidan Vladimir Poutine deklare sou atak teworis sila.

Yon atak gwoup djadis eta islamik (EI) lan deja revandike sou sou kont telegram yo.
Bazanack-Actualités

22/03/2024

: Ernst Julien alyas Ti Grèg, ansyen polisye ki te bandi selon plizyè moun e li t'ap dirije Dèlma 95 ak anviwon yo jwenn lamò l anba bal la Police Nationale d'Haiti - PNH jedi 21 mas 2024 la nan aprè midi nan zòn Dèlma 66.
Ti Grèg te twouve li nan prizon depi ane 2021, nan atak bandi ak zam yo te fè nan prizon sivil Pòtoprens lan 2 mas pase a Ti Grèg te pami prizonye ki te evade yo.

Paralèlman bandi te anvayi zòn Channmas la nan menm jounen ap tire bal pasi pala, sa ki te kreye yon mouvman panik nan zòn palè e gen enfo ki fè kwè se ta palè nasyonal bandi yo te vle anvayi.
La polis te mete pye l atè rapid pou l te kapab fè fas kare epi repouse kriminèl yo.
Okenn bilan sou si ta gen viktim nan echanj sa yo poko disponib. Bazanack-Actualités .

21/03/2024

: Nèg ak zam atake plizyè katye nan komin Petyon-Vil depi madi 19 mas 2024 jiska yè mèkredi yo te kontinye ap tire katouch toupatou, selon kèk sous nou pale se ta kontwòl zòn sa yo bandi bezwen pran.
Plizyè moun ki abite anndan komin sila t'ap chape poul yo pou yo pa viktim anba zak bandi yo, plizyè sitwayen etranje ki abite nan komin nan se elikoptè ki te vin pran yo pou sove ak yo.

La Police Nationale d'Haiti - PNH bò kote pa l fè konnen genyen 3 bandi ki tonbe anba bal la polis nan yon entèvansyon fòs lòd yo te fè yè mèkredi maten nan lè 1 è nan maten nan Reinbold sou wout Boudon an epi konfiske 2 machin.
Moun ki te nan machin sa te louvri kout zam sou yon patwouy la polis nan Dèlma 40 B epi polisye yo te rapidman reponn, selon la polis.

Yon lòt kote nan nivo Dèlma 95 ak 97, la polis fè konnen nan moman yo t'ap mennen yon operasyon nan komin chèf gang Makandal, sou non sa yo konnen l, blese jis li mouri pandan li t'ap echanje kout zam ak fòs lòd yo nan menm jounen mèkredi 20 fevriye 2024 la.

Malerezman, nan menm jounen mèkredi a polisye Anel Noël, 17 èm pwomosyon ki te afekte nan Primature de la République d'Haïti tonbe anba bal bandi nan Dèlma 72. Bazanack-Actualités

21/03/2024

: Aprè yon reyinyon dèyè pòt fèmen nan ONU, reprezantan peyi la Russie a nan l ONU diskite ak ansyen senatè Moïse Jean-Charles pou li kapab rejwenn konsèy prezidansyèl 7 manm KARIKOM nan.
Finalman lidè Pitit Dessalines nan aksepte rejwenn konsèy prezidansyèl la paske li di li pa ka refize la Russie e se ansyen jij enstriksyon Kap-Ayisyen, Emmanuel Vertilaire ki pral reprezante pati politik Pitit Dessalines anndan konsèy sila a selon enfòmasyon nou jwenn.

Yon lòt kote pati politik EDE/RED ak konpwomi istorik deside chanje reprezantan pa yo a, olye de Ghislaine Mompremier yo chwazi pito Dominique Dupuy, ki se dezyèm pèsonaj anndan UNESCO.

Èske nan desizyon Moïse Jean-Charles pran an akò avèk patnè entènasyonal li a, sa vle di li tou aksepte pou fòs miltinasyonal la vini nan peyi a e èske li tou aksepte reprezantan li an p'ap kapab konteste eleksyon ki ta dwe fèt yo si gen rezon pou kontestasyon? Bazanack-Actualités

20/03/2024

/POLITIK: Kriz politik an Ayiti, pwopozisyon KARIKOM nan sou wout pou li materyalize.

Depi 25 fevriye 2024 premye minis Ariel Henry kite peyi a pou li te ale nan yon premye tan nan peyi Giyàn ak nan yon dezyèm tan nan peyi Kenya, pou li te patisipe nan 46 èm reyinyon òdinè chèf leta yo ak gouvènman KARIKOM yo ak finalize modalite deplwaman misyon miltinasyonal soutyen ak sekirite an Ayiti (MSS).

Pandan absans premye minis Ariel Henry nan peyi a bandi ak zam yo leve yon gwo mouvman vyolan kote yo tiye polisye tankou sivil, yo bloke wout, yo kraze pòs polis ak prizon, majorite prizonye evade nan plizyè prizon, yo piye epi mete dife nan anpil antrepriz prive, lekòl prèske pa fonksyone, yo atake ayewopò pou te anpeche premye minis lan rantre nan peyi a aprè misyon li eksetera.....

Fas ak tout mouvman sila yo kont premye minis lan ak echèk tout tantativ li te fè pou li retounen nan peyi a, pou pi piti 2 peyi entèdi li antre lakay yo pami yo Repiblik Domikèn.
Depi lè sa a premye minis lan twouve li nan peyi Pòtoriko e se la li t'ap al anonse aprè tout dezòd sa yo li menm ak tout gouvènman li an ap retire kò l pou fè plas ak yon konsèy prezidansyèl ki ap soti nan diskisyon ant aktè politik ak entènasyonal la men se KARIKOM ki jwe wòl mitan jwèt l pou vin dirije peyi a, gouvènman li an ap toujou rete sou plas pou pou likide afè kourant yo an atandan komsèy la monte gouvènman pa yo.

Pami plizyè pwopozisyon soti kriz plizyè antite politik ak sosyete sivil te transmèt bay KARIKOM pou debat sou yo ak entènasyonal la, se pwopozisyon yon konsèy prezidansyèl ki ap gen 7 manm ladann ak 2 obsèvatè ki kenbe pou vin dirije peyi a.
Antite KARIKOM kenbe ki ka voye reprezantan yo nan konsèy sa a se: Kolektif 30 janvye, Akò monntana, Akò 21 desanm, EDE/RED ak konpwomi istorik, Fanmi lavalas, Pati pitit Dessalines ak sektè prive afè a.
Rasanbleman pou yon antant nasyonal ak granmoun (REN) ak Dyaspora pral reprezante kòm obsèvatè.
Pami tout antite sa yo KARIKOM chwazi ka voye reprezantan anndan konsèy sila a sèl Pati Pitit Dessalines, Moïse Jean-Charles boude pwosesis sa a.

Tout antite yo voye non yo kote, Edgard Leblanc Fils (OPL) reprezante kolektif 30 janvye, Lesly Voltaire reprezante Fanmi lavalas, Fritz Alphonse Jean reprezante akò monntana, Marie Ghislaine Mompremier reprezante RED/EDE/Konpwomi istorik, Louis Gérald Gilles reprezante akò 21 desanm, Laurent St-Cyr reprezante sektè prive a.
Jean André Raymond reprezante Dyaspora ak René Jean Jumau reprezante REN kòm 2 obsèvatè yo.
Akò 21 desanm te gen anpil difikilte pou chwazi reprezantan li an paske yo te divize an 2 sou chwa ansyen depite Vikerson Garnier ak Charles Tardieu e te genyen ansyen depite Levaillant Louisjeune ki te sou tab la tou pou reprezante akò 21 desanm ki se alye premye minis Ariel Henry.
Depite Louisjeune te lese diskisyon yo bonè ant Charles Tardieu ak Vikerson Garnier, Charles Tardieu t'ap al antann li ak Vikerson Garnier pou Vikerson Garnier t'al reprezante yo men finalman yo pa chwazi youn ladann yo e yo chwazi ansyen senatè Louis Gérald Gilles.

Pou moman m'ap pale a se moun sa yo ki sou wout pou enstale pou vin dirije peyi a e depi yè KARIKOM t'ap prepare pou li voye lis sa bay premye minis Ariel Henry.
Yon konsèy minis ta dwe òganize nan pa twò lwen pou kapab nome moun sa yo ki ta dwe enstale nan finisman semèn nan selon yon sous nou ka fè konfyans.

Pati pitit Dessalines ki genyen kòm lidè Moïse Jean-Charles ki se youn prensipal opozan ak administrasyon Joseph Michel Martelly, Jovenel Moïse, Jocelerme Privert ak Ariel Henry menm si plizyè moun souvan akize l kòm moun ki ap kolabore ak kèk nan pouvwa sa yo anba tab, li menm li boude pwopozisyon KARIKOM nan e li fè alyans ak ansyen senatè eli Grandans, ansyen prizonye Etazini pou blanchiman lajan ki fèt nan dwòg, Guy Phillippe ak plizyè lòt lidè politik pou fè pase yon konsèy prezidansyèl ki ap gen 3 manm.
Yè madi 19 mas 2024 la devan la près Moïse Jean-Charles kontinye eksprime opozisyon li ak demach KARIKOM nan fè konnen yo p'ap kite konsèy sa a enstale e konsèy la pral fè fas ak yon opozisyon ki p'ap janm kite yo travay.

Èske konsèy prezidansyèl 7 manm KARIKOM nan pral gen mwayen politik yo pou rezoud kriz ki la epi retabli sekirite pou pèmèt gen eleksyon ki òganize nan peyi a pou moun ki genyen an vin adrese vrè pwoblèm nasyon an? Bazanack-Actualités

19/03/2024

: Yè lendi 18 mas 2024 plizyè bandi ame atake bank repiblik d Ayiti ( ) nan ri Pave, la Police Nationale d'Haiti - PNH ak 'H te kouri pote soutyen yo bay ajan sekirite bank lan kote pou pi piti 4 nan malfra yo ale nan peyi moun pa janm mete chapo.
Fòs lòd yo rive sezi 4 zam mak M4.
Yon ajan sekirite soti blese nan kad afwontman sa.

pat pran tan pou li remèsye fòs lòd yo ak ajan sekirite bank lan ki te reyaji ak pwofesyonalism ak efikasite pou kontrekare ensidan ki t'ap dewoule nan zòn bank lan.

19/03/2024

RALPH STENSON MIDY se non sitwayen sa a ki pèdi kat idantite li, pou moman nou ap ekri la kat idantite a nan sal nouvèl Bazanack-Actualités.
Li kapab kontakte nan nimewo Bazanack-Actualités pou li kapab rekipere pyès li.

# B-A yo: 3473-7879/3528-0388/4322-5287.

Pataje pou kapab ede mesye MIDY rekipere pyès li silvouplè.

19/03/2024

: Pou pi piti 10 moun pèdi lavi yo nan yon fiziyad ki fèt nan komin Petyon-Vil jodi lendi 18 mas 2024 la.

"Se yon seri nèg ki te sou yon machin zo reken, bout pantalon ak sandal nan pye yo ki fè zak la" , deklarasyon yon temwen ki prezan nan moman atak sila a.

Plizyè enfòmatè nou genyen nan komin Dèlma enfòme Bazanack-Actualités sou kèk moun ki pase sou moto ki ap di yo pa rete nan lari, li te nan 7 è pou 8 è nan aswè.
Atè a pyeje rete vijilan. -Actualités

17/03/2024

: Konferans pou la près lidè pati politik pitit Dessalines nan, Moïse Jean-Charles jounen mèkredi 13 mas 2024 la.
Nan konferans sila ansyen senatè Moïse Jean-Charles voye jete byen lwen pwopozisyon KARIKOM ki mande pou yon konsèy prezidansyèl 7 manm ak 2 obsèvatè pran tèt peyi a.
Pi lwen Moïse Jean-Charles fè konnen ke yo vle ke yo pa vle li menm ak alye li yo ap rive enstale konsèy ke li menm ak plizyè strikti pwopoze pou ta vin nan tèt peyi a.

N envite w koute l li te nan mikwo Bazanack-Actualités .

17/03/2024

: Vladimir Poutine remporte la présidentielle avec 87% des voix (résultats à la sortie des urnes)

Le président actuel russe Vladimir Poutine arrive en première place à la présidentielle russe, obtenant 87% des voix, selon le sondage à la sortie des urnes du Centre panrusse pour l'étude de l'opinion publique (VTsIOM) que TASS a pu consulter.

Derrière Poutine arrive le candidat du Parti communiste Nikolaï Kharitonov (4,6%). Vladislav Davankov occupe la troisième place (4,2%) et Leonid Sloutski la quatrième (3%).

En outre, 1,2% bulletins de vote seront déclarés nuls.

L'enquête a été réalisée à la sortie des bureaux de vote du 15 au 17 mars.

Selon la Fondation pour l'opinion publique (FOM), le chef d’État russe a recueilli 87,8% des votes, suivi de Kharitonov (4,7%). Davankov et Sloutski ont récolté 3,6% et 2,5% des voix respectivement.
Bazanack-Actualités

17/03/2024

- /Centre-nord: plusieurs terroristes tués à Boala par les Forces combattantes

L'armée burkinabè a opéré le 13 mars 2024 à Boala (Boulsa, Centre-nord), des frappes qui ont permis de tuer plusieurs terroristes, a appris l'AIB auprès de sources sécuritaires.

Ce 13 mars 2024, une position amie à Boala dans la zone de Boulsa, a vu des terroristes se diriger vers elle.

Aussitôt l'alerte donnée, aussitôt des vecteurs aériens sont arrivés sur les lieux.

Les pilotes commencent par frapper un premier groupe de malfaiteurs stationnés sous un arbre.

C'est le sauve-qui-peut parmi les assassins qui prennent la direction Nord.

C'est alors que les hélicoptères d'attaque vont prendre le relais et neutraliser les criminels dans leur débandade.

Après cette opération, les Forces combattantes
ont mis le cap sur la zone de Kossouka.

En effet le 15 mars 2024, plusieurs centaines de terroristes venus du Nord, avaient prévu de mener plusieurs assauts.

Les troupes au sol montent rapidement une embuscade pour ceuillir les criminels.

Mais comme alertés, les terroristes rebroussent chemin en s'enfuyant vers le Nord.

Mais c'est sans compter sur la détermination des pilotes.

Un premier groupe de fuyards est rattrapé puis pulvériser.

Juste après le bombardement, les troupes au sol arrivent sur les lieux pour découdre avec les rescapés.

Au bilan, plusieurs terroristes sont cramés dans les flammes et d’autres neutralisés par les combattants.

On note aussi que plusieurs armes dont d’autres sont encore utilisables, ont été récupérées de même qu’une diversité de logistique.

: Agence d'Information du Burkina (AIB)

15/03/2024

: Jounen jedi 14 mas 2024 la bandi ak zam vandalize rezidans prive direktè jeneral pou yon ti bout tan Police Nationale d'Haiti - PNH a, Frantz Elbé nan Santo 17, komin Kwadèboukè.
Selon plizyè sous direktè jeneral la te abandone lakay li depi kòmansman mwa pou ensekirite a ki monte men wotè.
Selon menm sous plizyè vwazen kòmandan an chèf la tou te kouri kite zòn nan.

Nan menm jounen an byen bonè yon dife eklate nan penitansye nasyonal ki sot viktim yon evazyon ki koz majorite prizonye nan lari, poko gen bilan sou dega dife sa a ta fè men yon sous fè nou konnen ti rès prizonye ki te anndan an te gentan evakye.

15/03/2024

: Aprè gwo mouvman vyolan gwoup bandi ak zam yo fè nan rejyon metwopolitèn Pòtoprens lan, kote genyen moun ki mouri polisye tankou sivil, lekòl pa fonksyone, plizyè kote bloke, plizyè enstitisyon piblik tankou prive atake, plizyè pòs polis vandalize eksetera....
Nan yon mesaj videyo premye minis Ayisyen an Ariel Henry rann piblik nan dat 11 mas la li fè konnen gouvènman li ap dirije a pa ka rete ensansib aprè tout dega sa yo, pou rezon sa a li fè konnen gouvènman li an ap mete yon konsèy prezidansyèl sou pye epi touswit konsèy sa fin enstale yo ap retire kò yo men y'ap rete an plas pou ekspedye afè kouran.
Premye minis Henry kontinye pou li di okenn sakrifis pa twò gran pou .

N'ap fè remake, selon kèk sous nou ka fè konfyans premye minis Ariel Henry te anvizaje rete sou pouvwa a jiska mwa out 2026.

10/03/2024

-Faso/ élections du 17 mars: Les Russes du Burkina votent par anticipation.

Les citoyens russes vivant au Burkina Faso ont voté dimanche par anticipation pour l'élection du futur président de la fédération de Russie, prévue le 17 mars 2024, a constaté un journaliste de l'AIB.

Le favori et président sortant Vladimir Poutine et trois autres candidats sont en lice pour le scrutin.