Miraclesinfo

08/12/2023

👇

18/11/2023

AYITI/JISTIS: ETA SANTE PI GWO SISPÈK NAN DOSYE LANMÒ ANSYEN PREZIDAN JOVENEL MOÏSE LA BAY GWO KÈ SOTE ANNDAN PENITANSYE NASYONA -

Yon mwa apre arestasyon Joseph Félix Badio, otè entelektyèl nimewo 1 nan zafè asasina ansyen Prezidan Jovenel MOÏSE, tonbe nan yon eta ki trè kritik ak sante li anndan pi gwo sant prizon peyi a ki se Penitansye nasyonal, akize a ki fè maladi dyabèt (S*k) pa gen otorizasyon pou resevwa vizit ...

09/12/2021

RAVIDEP ANBRASE YON BÈL INISYATIV KI PRAN NAN MITAN DYASPORA AYISYEN YO POU RIVE FINI AVÈK KRIZ POLITIK AYITI A

Inisyativ ki pran kote Haitian Diaspora Political Action Committee (HDPAC) nan tèt kole avèk Gwoup Inisyativ Ayisyen Ayiti ak Dyaspora pou rezolisyon kriz la (GIPHADREC) pou òganize yon gwo somè nan peyi Etazini nan lakou Louisiane jou Dimanch 12 pou rive Jedi 16 Desanm 2021 an, nan objektif rive fè tout akò yo fè yon sèl pote anpil kè kontan nan mitan sosyete a sitou kote anpil òganizasyon nan peyi a espesyalman RAVIDEP.

Regwoupman Asosiyasyon Vizyonè pou Devlopman ak Pwogrè (RAVIDEP) bat gwo bravo pou bèl inisyativ sa nan mitan dyaspora ki gen pou misyon fini avèk kriz politik la k'ap pèmèt popilasyon an sispann soufri anba grif lamizè.

Yon lòtbò RAVIDEP kore deklarasyon ansyen senatè Sidès la Dieupie CHÉRUBIN ki mande aktè politik yo jwe patisipasyon pa yo k'ap pèmèt popilasyon an jwenn yon ti soulajman pou moman fèt la.

N'ap raple misyon somè sa se rive fè akò Montana, Akò lari a, Pwotokòl Antant Nasyonal (Pen), akò 11 Septanb 2021 an fè yon sèl kote ap gen twa (3) reprezantan nan chak akò yo avèk patisipasyon OEA, CARICOM ak lòt pèsonalite pou rive jwenn yon solisyon nan kriz la k'ap pèmèt yo jwenn yon akò laj k'ap akouche yon gouvènman ke tout moun ka fè konfyans pou rive òganize eleksyon ki onèt e kredib.

18/10/2021

REGWOUPMAN ASOSIYASYON VIZYONÈ POU DEVLOPMAN AK PROGRÈ (RAVIDEP) MANDE PREMYE MINIS LAN POUL PRAN YON DESIZYON PRESE PRESE SOU KIDNAPIN MAN

Regwoupman Asosiyasyon Vizyonè Pou Devlopman ak Pwogrè mande Premye minis Ariel Henry poul poze problèm ensekirite a e gade ki meyè estrateji yap aplike pou frennen prese prese zak kidnapin saa ki mete pèp la nan sitiasyon difisil kel trouvel laa.Regwoupman Asosiyasyon Vizyonè yo enkyete pou ane lekòl saa. Regwoupman an enkyete pou lavi chak Ayisyen ak etranje kap viv nan peyi a parapò ak kesyon kidnapin saa kap pran chè.

RAVIDEP enkyete pou dola ak mache nwa ki gen nan peyi an. Fòk Leta aji prese prese poul pran kontwòl peyi a.RAVIDEP konstate ke pèp la ap vire touwon.Genyen ki anvi retounen nan komin respektiv yo men matisan bare yo. Genyen ki anvi retounen nan gran nò peyi an men gang pasi pala pap bayo pase.E anpil Pwovens yo koumanse gen enkyetid parapò ak vizaj enkoni e lòt bagay. Donk Nou mele wi laa si leta pa pran responsablitel.RAVIDEP ap mande popilasyon an poul trè pridan jiskaske Leta frennen ensekirite jeneralize saa.

RAVIDEP. Regroupman asosiyasyon vizyonè pou devlopmam ak progrè.

22/09/2021

RAVIDEP MANDE POU RESPEKTE AKÒ MONOSEFAL LA PANDAN YO KONTINYE A JISTIS POU TOUT MOUN KI TONBE ANBA BAL ASASEN ESPESYALMAN POU ANSYEN PREZIDAN JOVENEL MOÏSE

14/09/2021

_Nòt ofisyèl ki esprime pozisyon RAVIDEP nan konjonkti nou ye laa._

Nou nan yon sitiyasyon eksepsyonèl ki mande bonjan depasman pou n kite kalfou entranzijans lan. Se pou tètsa, RAVIDEP pwopoze bay aktè k ap siyen akò pou gouvènman apeze a e ak PM Ariel anpatikilye pwen sa yo

1-- Retounen ak klima sekirite nan tout peyi a.

2-- Entegrasyon jenès la nan remanyeman gouvènman an.

3-- Sibvansyon pou paran yo pou lane lekòl 2021-2022a, pèmèt pwofesè yo rale souf _epi retire 300goud ki ajoute sou frè enskripsyon postilan nan UEH la.

4-- Soulaje popilasyon an ki pakonn ki sen pou yo adresé anba lavi chè ak grangou

5-- Eleksyon pou retounen peyi a nan lòd demokratik nan lane 2022 a ak fòmasyon yon lòt CEP selon lespri konstitisyon 1987 la.

14/09/2021

Premye minis Ariel HENRY entèdi kite peyi a daprè sa Bed Ford Claude komisè Gouvènman Tribinal premye enstans Pòtoprens lan mande direktè imigrasyon ak emigrasyon JOSEPH CIANCIULLI sou koze asasinay Prezidan yo ta jwenn dwèt premye minis lan tranpe nan dosye sila.

08/09/2021

FONDASYON FANMI MIRACLE BAY YON KONFERANS POU LAPRÈS NAN GRAN SID PEYI A

Apre pasaj tranbleman tè nan Gran Sid peyi a pou samdi 14 Dawout 2021 an Fondasyon Fanmi Miracle bay yon koferans pou Laprès jodi Mèkredi 8 Septanb 2021 an nan Vil Okay.

Objektif konferans pou laprès sa se pou fè bilan de kantite èd Fondasyon an bay nan Gran Sid peyi a epi pwofite rale zòrèy Leta pou reponn a bezwen popilasyon Gran Sid la prese prese apre konsta Fondasyon Fanmi Miracle fè kote anpil fanmi ap konnen sitiyasyon kritik koz tranbleman tè a ki tiye epi kraze anpil bagay yo te posede.

07/09/2021

21/08/2021

JAN SA TE ANONSE FONDASYON FANMI MIRACLES POTE SIPÒ BAY PÈP GRAN SID LA

11/08/2021

AYITI-DYALÒG: ÒGANIZASYON COSOPH MANDE POU RESPEKTE PWOTOKÒL AKÒ PATI POLITIK YO AK SENA TE SIYEN POU SÒTI PEYI A NAN KRIZ LI YE A

Coalition des organisations sociaux politique en Haïti (COSOPH) ki reprezante senkant (50) òganizasyon nan peyi a sòti yon nòt pou laprès jodi Madi 10 Dawout la pou yo di y'ap swiv gwo jefò k'ap fèt bò kote sosyete sivil la, pati politik yo ak tout gwoup òganize yo e swiv diferan pozisyon sektè nan peyi a.

Aprè analiz Coalition an fè sou pwotokòl dantant anpil pati politik ak òganizasyon sosyopolitik yo te jwenn avèk senatè yo ki pote plis fòs a prezidan sena mande premye minis lan pou remèt pouvwa avè Joseph LAMBERT sa k'ap pèmèt peyi a rale yon souf paske se sèl prezidan kòm eli ki pi pwòch konstitisyon an.

Coalition an mande pou pati politik yo, sosyete sivil la ak tout fòs nasyon an pou kanpe anfas tout pwojè ki vize kite peyi a san prezidan epi chita prese prese pou jwenn yon solisyon pou retire popilasyon an nan mizè atwòs, ensekirite ak briganday politik.

COSOPH di li pare pou parafe akò lajmanlaj saa le peyi a ap tann e k'ap akouche Senatè Joseph LAMBERT kòm dènye prezidan pwovizwa Ayiti.

11/08/2021

AYITI-KONFERANS: ÒGANIZASYON REZO SITWAYEN AKTIF KAFOU (RESAK) KORE CHWA POU PREZIDAN SENA VIN DIRIJE PEYI A POU YON TI TAN

RESAK ki regwoupe douz (12) òganizasyon nan komin Kafou bay yon konferans pou Laprès jodi Madi 10 Dawout 2021 an pou mande jistis pou prezidan repiblik la Jovenel MOÏSE pwòp Ayisyen parèy li fè etranje Asasine 7 Jiyè 2021 an lakay li.

Rezo Sitwayen Aktif Lafou (RESAK) yon lòtbò mande a Premye minis Ariel HENRY pou chita pale ak tout pati politik yo, sosyete sivil la ak diferan sektè anndan peyi a pou chwazi yon prezidan ki pi pre konstitisyon an ki pa lòt ke Joseph LAMBERT kise prezidan aktyèl Sena Ayisyen an kite deja jwenn yon pwotokòl antant ansanm ak plizyè pati politik sa k'ap pèmèt yon solisyon jwenn nan kriz k'ap travèse peyi a.

Rezo Sitwayen Aktif Kafou di nasyon an ak tout sektè nan lavi nasyonal la lè a rive pou mete tèt ansanm tout bon vre paske bagay yo difisil, frajil ki ka menm ajandre plis kriz nan peyi a koz moun ki pi mal yo pa ka al nan aktivite yo, bandi menm pa sispann okipe peyi a.

Apre tout konsta RESAK fè nan tout depatman yo, komin yo ak seksyon kominal yo moun ki pi byen plase pou sòti peyi a nan sal ye a pa lòt ke prezidan sena aktyèl la Joseph LAMBERT.

Moun ki siyen nòt koferans sila :

Jn Rober Paul ( RESAK= Rezo Sitwayen Aktif Kafou.)

Wislande JASMIN (COSC= Coalition des organisations Socio-Culturelles.)

Charles JEAN-PIERRE ( MJK= Mouvman Jèn Kafou.)

Rabel VOLCY (VPK= Vwa Peyizan Kafou.)

Mathurin JEUNE (AVDEC= Associations Visionnaires pour le Développement de Carrefour.)

Regnard OBIN ( FÒS KAFOU.)

Nadège VILMA ( Fanm Kafou yo la.)

Geline VILSSAINT (OJAC= Organisation des Jeunes pour L'avancement de Carrefour.)

Roseberline MIRACLE (VIZYON FANM)

Édouard Paul Raymond ( ANSANM ANSANM)

Derival Louis MATHIEU (APA= Aji pou Ayiti)

AKSEEK= Aksyon ak Koperasyon Sosyal pou Emèjans Ekonomik.

09/08/2021

AYITI-SOSYAL: RAVIDEP KONTINYE AP ELAJI NAN DEPATMAN SIDÈS, YO PWOFITE MANDE TOUT SITWAYEN KONSEKAN VIN ENTEGRE BÈL FANMI SA A

Regwoupman asosiyasyon vizyonè pou devlòpman ak progrè RAVIDEP deja pran tout dispozisyon pou akonpaye e angaje kat san swasant kat (464) lidè responsab anndan depatman Sidès la pou fasilite RAVIDEP rive byen plante nan tout komin yo,nan tout seksyon ak nan tout abitasyon yo nan sidès peyi an.

Nap raple lidè sa yo ap soti anndan kòdinasyon kominal yo ki deja egziste. Donk tout sitwayen onèt kita renmen fè pati fanmi saa ou kapab kontakte nenpòt nan Kòdonatè depatmantal yo.Y'ap kontan resevwa ou poun konstwi ansanm vrè fòs saa pou'n chanje done yo nan depatman an.

Ekip nasyonal la deja fokis sou tout rès depatman yo poun kapab ranfòse nou davantaj sou tout peyi an.

RAVIDEP se vrè koze pèp la.

Anilus Jaunisse kòdonatè depatmantal
Tel 48266139

Prospere Elysé Kòdonatè depatmantal adwen

Tel 37936289.

09/08/2021

AYITI-ENSEKIRITE: YON POLISYE PRAN BAL NAN AFWONTMAN A BANDI MATISAN

Apèn PNH la fin enstale plizyè polisye nan plizyè inite anndan PNH la pou pote sekou avèk popilasyon an nan Matisan yon polisye ak yon sivil blese anba bal pou jodi Dimanch 8 Dawout 2021 an nan afwontman ak Bandi ki okipe zòn antre Sid peyi a.

08/08/2021

AYITI-SEKIRITE: PNH LA ANONSE GEN PLIZYÈ INITE ANNDAN LAPOLIS LA KI PREZAN NAN KOMISARYA MATISAN POU BAY SEKIRITE

BOID ak UDMO se de (2) inite espesyalize anndan lapolis la ki gen plizyè polisye ki gen misyon pou kontrekare gang k'ap afwonte nan Matisan pou mete lòd epi pèmèt sikilasyon tounen reprann, polisye sa yo gen twa (3) Blennde a dispozisyon yo pou siyonnen zòn nan.

Prezans inite sa yo la depi Jedi 5 Dawout 2021 nan komisarya Matisan, PNH la pwofite voye byen lwen enfòmasyon kita fè kwè polisye ki prezan anndan inite sa yo ta kouri kite espas la jodi Dimanch 8 Dawout 2021 an akoz bandi, yo fè konnen sa pa ankouraje enstitisyon PNH la nan gwo konba y'ap mennen pou desitire bandi nan peyi a, yo mande medya yo pou yo pridan ak jan de enfòmasyon sa yo k'ap sikile sou rezo sosyo yo.

08/08/2021

AYITI-ENSEKIRITE: MATISAN SITE DE TENÈB AYITI

Deja plis pase 21 lane depi antre Sid peyi a tounen yon site tenèb kote plizyè moun deja pèdi lavi yo, nan yon ti vizit riske redaktè an chèf BON ZANMI INFO tanmen nan Matisan ak Fontamara pou Lendi 2 Dawout 2021 an pou rive Madi 3 Dawout la se avèk anpil tristès li konstate jan chen ap manje kadav moun ki tonbe anba bal Bandi, sak pi etonan li fè konnen lè machin nan derape li pral rive nan espas sa ou ka konstate jan pasajè yo ap mande pou Bondye pwoteje yo, tout ap founi je gade sa k'ap pase nan zòn nan, chofè yo mande tout moun ki anndan machin nan fèmen telefòn yo oubyen mete yo sou silans sak pi etonan zòn nan sanble yon kote gwo gè te pase jan sa konn fèt nan peyi Oksidan yo.

N'ap fè konnen yon total sis (6) chèf leta pase nan peryòd 21 lane sa nan tèt peyi a kat (4) ladan yo te gen yon manda 5 lane tankou Jean Bertrand ARISTIDE, René Garcia PRÉVAL, Joseph Michel MARTELI, Jovenel MOÏSE ak De (2) lòt kite pwovizwa tankou Boniface ALEXANDRE, Jocelerme PRIVERT youn pa rive jwenn yon solisyon a sa k'ap pase nan antre Matisan ki pèmèt koneksyon fèt ak kat (4) lòt depatman nan peyi a.

Gouvènman sou gouvènman chanje poutan gwoup gang sa yo vin pi rezistan pandan plizyè fanmi kontinye ap degrennen ki koz manman ak papa pèdi pitit, pitit pèdi manman ak papa san konte sila yo ki pèdi tout sa yo te posede k'ap dòmi nan lari, k'ap pran imilyasyon nan anpil lòt moun y'al mande sekou.

Ekipman sou ekipman chanje jis pou kontrekare bandi sila yo pandan yo menm se sèlman zam y'achte pou fè fas a lapolis, PNH la genyen sant fòmasyon, Bandi yo yo menm menm nan tèritwa yo nou pa kwè yo gen yon espas pou antrene.

Site tenèb sa deja pote ale timoun, elèv lekòl, etidyan inivèsite, enfimyè, jounalis, polisye, chofè moto, chofè tap tap, chofè trelè, bandi nan sans sa grenn kesyon ke n'ap poze èske se lè youn nan moun sa yo viktim ou mouri nan Matisan ap gen yon solisyon ki pran ? tankou:
Prezidan
Minis
Senatè
Depite
Direktè jeneral
Paske malere malerèz bouke ak soufrans sa yo.

08/08/2021

AYITI-JISTIS: PLIZYÈ JIJ NAN PEYI AYITI KOURI METE DOSYE ASASINAY ANSYEN PREZIDAN JOVENEL LA ATÈ POU PA MENNEN ANKÈT SOU LI AKOZ VI YO MENASE

Sa fè yon mwa deja depi yon gwoup mèsenè yo peye antre nan peyi Ayiti vin asasine prezidan repiblik la Jovenel MOÏSE anndan lakay li pandan l'ap dòmi a fanmil.

Jiskaprezan Me Bernard SAINT-VIL dwayen tribinal sivil nan Pòtoprens ap chache yon jij ki gen konpetans pou avanse avè dosye asasinay sa pako ka wè klè akoz tout jij yo ta remèt dosye a rale kò akoz vi yo ak fanmi yo ta menase.

Plizyè moun nan tout sektè vi nasyonal peyi a ap poze tèt yo kesyon èske prezidan ap jwenn jistis jan bagay la ap dewoule a kote plizyè moun deja resevwa menas pou di retire kò yo nan dosye sa si non y'ap pase menm jan ansyen prezidan pase a.

08/08/2021

MIRACLES INFO MEDIA DU MOMENT