WOM Studios Haïti

05/10/2024

18/02/2024

WOM Studios

26/10/2023

KIJAN POUW SEVRE TIBEBE OU A?

Pou evite ale twò rapid ak tibebe w la, sevre li pezape. Pou kòmanse, elimine youn nan tete yo pandan jounen an, sa ki vle di siw te konn bay bebe tete 5 fwa pandan jounen an ba li tete 4 fwa. Si sa mache byen, ou ka elimine yon lòt tete nan yon lòt jou. Pezape, wap ranplase tete a otan de fwa ke ou vle. Evite sevre pitit ou a si tout fwa li ta malad, paske li bezwen prezans rekonfòtan ou an.

Li preferab pou'w komanse elimine tete maten yo avan epi aswè yo an dènye, paske se souvan tete aswè yo ke timoun yo prefere. Ou ka kenbe yo pou trè lontan. Anpil manman fè sa menm apre yo retounen sot travay.

Si pitit ou a kòmanse manje manje solid, ou ka eseye estrateji sa yo pou'w sevre l:

🔹️San ou pa "refize" ba li tete, sispann ofri li bridsoukou.

🔹️Pran ti reta lè w'ap ba li tete si li pa twò enpasyan. Sa ap edew espase yo epi redwi kantite yo. Fèl chanje lide nan sijere li lòt aktivite.

🔹️Diminye nan dire tete yo. Si'w te konn ba li 30minit ou ba li 15minit.

🔹️Chanje kontèks tete yo (pa chita avèl nan chèz abityèl, nan menm moman yo, elatriye).

Pwosesis sevraj la ka pran plis tan pase sa ou te espere oswa, okontrè, pi vit. Sa depann de laj pitit ou a, tanperaman li, de santiman ou konsènan sevraj ak apwòch ou. Li jeneralman reyalis pou prevwa alantou 4 semèn pou yon sevraj konplè ak dousè. Epitou pa janm bliye ke sevre bebe pa vle di ou pa dwe ba li lèt ankò, ou sipoze toujou ba li lèt sitou lè li fenk leve ak lè li pral kouche.

Pataje ak nou kijan ou te fè pou'w sevre bebe ou a 😊😊




👇👇👇

https://www.facebook.com/pediactu00

Https://www.instagram.com/pedi.actu/

24/10/2023

KÒMAN W'AP FÈ KONNEN SI BEBE OU A BYEN TETE?

W'ap bay bebe ou a tete e se vrèman yon moman byenèt pataje ! Men ou toujou ap poze tèt ou si li manje ase... paske li enposib pou'w konnen egzakteman kantite lèt li bwè ! Ou pa bezwen panike n'ap eksplikew pou'w ka konnen lè bebe'w la rasazye.

MEN KÒMAN W'AP FÈ KONNEN SI LI BWÈ ASE LÈT

Men kèk sinyal :
- Ti bebe ou a tete omwen 6 a 8 fwa pa jou pandan premye mwa li fèt la.
- Lè l'ap pran tete a bouch li dwe byen louvri, mete pwent tete ak tout oswa yon pati nan areyòl la (pati won ki pi nwa ke rès tete a). Nen li sipoze degaje, babin li ki sipoze byen antre nan tete a.
- Apre'w fin bay tete, tete yo ap vid osinon pi mou.
- Depi sou 5yèm jou bebe a l'ap kòmanse mouye kouch li yo plis.
- P**i li ap gen koulè pal el pap gen kwè.
- Twalèt li ap jòn, pat e l'ap twalèt souvan ( omwen 3 fwa pa jou pandan premye mwa a).
- Lè l'ap byen tete w'ap wè mouvman lè li vale lèt la.
- W'ap remake pwent tete a pwenti men ou pa'p gen ni blese ni li pa'p plede fèw mal.
- Ti bebe a ap chanje ritm pandan l'ap tete, l'ap fè plizyè poz e se li k'ap chwazi kite tete a poukòl lè'l fini.

LÈ LI PA MANJE ASE

Manman yo toujou ap di mpa gen ase lèt. Men pou yon bebe fèw konnen li grangou, se pa kriye sèlman li ka fèw konn sa nan premye jou nan vi li yo, li yon jan difisil pou'w konnen sa tout kriye li yo vle di, pou'w distenge kriye grangou ak kriye kalen oswa kriye dòmi.

Gen kèk siy ki ka pèmèt ou konnen si bebe ou a pa manje ase.
- Li pa pran pwa nan kèk semèn.
- Tetew toujou rete gonfle ak lèt aprew fin bay tete e bebe a sanble manke fòs.
- Lè l'ap tete ou tande lang li k'ap fè yon bri, se yon siy kew pa byen mete tete a nan bouch li. Nan ka sa retire tete a epi remete'l.
- Si'w remake li pa p**i ni twalèt nan jounen an konsilte yon pedyat.

MEN KÈK KONSÈY POU BEBE OU A BYEN TETE

Asire'w kew pran yon bon pozisyon: jeneralman pi bon pozisyon an se chita, ou ka mete yon zòrye sou janm ou pou'w pa bese dow twòp e sa ap evite menw fèw mal anplis. Detann zepòl ou e mete bebe ou a byen anfas ou, nen li nan nivo pwent tete ou. Si pandan w'ap bay tete a li fèw mal, konnen pozisyon an pa bon: rekòmanse. Bay bebe bwè nan tou 2 tete yo.




👇👇👇

https://www.facebook.com/pediactu00

Https://www.instagram.com/pedi.actu/

24/10/2023

ÈSKEW GEN GWO DOULÈ NAN TETE OU SANTI L'AP LANSE'W OU GEN FRISON AK KÒ KRAZE?

Mwen jwenn plizyè manman k'ap bay tete api ki nan ka sa. Sa souvan fè yo pè yo pa konnen si pou yo toujou bay bebe tete nan tete ki ap fè yo mal la, ebyen pòs sa se pou nou.

Si wap bay tete epi ou santi sa mwen site anlè yo ou pwobableman gen yon mastit. Enflamasyon sa a nan tete a ka kòmanse si gen yon kanal bloke, si yon angòjman te mal trete, oswa si tete a enfekte. Men lè manman an fatige anpil, li pa kite bebe a byen bwè tete yo ak si manman an gen ti blese nan pwent tete li sa ogmante risk pou li gen yon mastit.

KISA OU DWE FÈ SI SA RIVEW?

🔹️Kontinye bay ti bebew la tete nan menm tete ki ap fèw mal la 8 oswa plis fwa pa jou, men san ou pa neglije lòt tete a. Plis ou vide kanal ki nan tete ki afekte a, se pi vit tete a ap geri.

🔹️Varye pozisyon pitit ou a pandan wap asirew ke manton li oswa nen li pwente nan direksyon zòn ki fè mal la.

🔹️Eseye bay tete nan pozisyon 4 pat pou tetew pandye sou tibebe w la. Gravite a ap ede vide tete ki afekte a. Pozisyon sa rele la Louve, (Gade foto a pouw konn kijan)

🔹️Repoze'w.

🔹️Pran asetaminofèn (parasetamòl) oswa ibipwofèn (Advil® elatriye) pou soulaje doulè ak lafyèv la.

Si sentòm yo pa amelyore apre 12 a 24 èdtan, yon tretman ak antibyotik ka oblije fèt. Konsilte yon doktè. Gen antibyotik efikas li ka preskri ou ki ap san danhe pandan w'ap bay tete.

Mastit pran 2 a 5 jou pou geri. Lafyèv la anjeneral ale nan 24 èdtan, gwo doulè a nan mwens pase 48 èdtan, ak zòn nan vin di, nan kèk jou. Sepandan, tete a ka rete sansib pandan plizyè jou.

Pédiactu

24/10/2023

Nou tande anpil bagay sou benefis bay tete pandan 6 mwa gen ladan li pou ti bebe yo, e PédiActu menm fè anpil piblikasyon tou sou sa. Men èskew te konnen tou ke li gen anpil benefis tou pou manman an?

Ebyen ann wè ak mwen byenfè alètman pou manman an:

✅ Oksitosin yo rele li tou òmonn lanmou, li libere pandan akouchman an epi li ede matris la retounen nan gwosè nòmal li epi li redwi senyman nan matris la apre nesans.

✅ Alètman ede ekonomize lajan

✅ Alètman ede ti bebe a kreye yon lyen afektif ak manman li

✅ Alètman edew ekonomize tanw

✅ Pwolaktin libere tou pandan alètman an sa ki edew detann ou

✅ Bay tete diminye risk pou kansè nan tete ak nan ovè

✅ Manman an gen mwens risk tou pou li devlope maladi sa yo:
• dyabèt tip 2 ( maladi s*k)
• Poliatrit rimatoyid
• Maladi Kadyo-vaskilè (maladi nan kè)
• tansyon wo
• Kolestewòl ki wo

✅ Bay tete nan mitan lannwit ka pi fasil pase leve al prepare bibon

✅ Bay tete ap edew pèdi pwa

✅ Lè wap soti, ou pa bezwen pote anpil bagay tankou bwat lèt, bibon, dlo elatriye...

✅ Fè alètman bay mwens risk pou fè depresyon

✅ Alètman fèw pa gen règ ou tou swit apre akouchman an, ki donk li evite lòt ka gwosès.

Bay tete sèlman pandan 6 mwa gen anpil avantaj pou manman an ak tout ti bebe li a e anplis de sa se pa achte ou pral achte li ni se pa fè ou pral fè li. Sitou ak lavi chè sa, nou konseyew bay bebew tete sa kap evitew plede mache lopital.

E anplis mkonnen gen anpil nan nou ki pè pou tete nou pa tonbe men konnen ke siw byen mete tete a nan bouch bebe a ou ka evite sa men sonje tou kò a pap janm menm jan li te ye a avan gwosès la.

Kontinye pataje ak renmen paj la, Pédiactu renmen nou.

15/10/2023

OBED Louis

12/08/2021

Schénatsar école de musique