Verite paka kache

05/04/2021

Poukisa legliz mond lan jounen jodia pa preche levanjil batèm Jezi a nan jouden an? Poukisa legliz mond lan jounen jodia preche sèlman levanjil san vèse Jezi kris sou lakwa ? Eske redanmsyon an te vini ak san sèlman? Eske nou kapab sèvi Bondye avègleman sou latè? Eske Bondye se lòm? Eske lòm kapab sèvi Dye ki kreye syèl la ak tè a san yo pa gen konesans de verite?

05/04/2021

Pitit Bondye, se tout moun ki toujou plase lafwa yo nan redanmsyon dlo ak lespri a.

Send a message to learn more.

05/04/2021

Legliz mond lan jounen jodia pa preche levanjil batèm Jezi a nan jouden an, legliz mond lan preche sèlman levanjil san vèse Jezi kris sou lakwa, sa vin lakòz kretyen legliz mond lan pa ne de nouvo, yo kontinye viv ak maladi peche a devan Bondye. Si jenerasyon moun k'ap viv sou latè jounen jodia pa banm rezon, gen yon jenerasyon moun ki gen pou vini sou latè anpil moun gen pou yo vin banm rezon. Bondye gen poul louvri zye espirityèl anpil moun sou latè. (Matye 24 v14). Mwen ekri liv, mwen esplike pwoblèm ki genyen nan krisyanis lan jounen jodia, anpil moun konprann ke se pawòl pa'm m'ap pale, men gen yon jenerasyon ki gen pou vini k'ap banm rezon.

03/04/2021

Peche nou fè jodia ak peche nou gen poun fè pandan tout lavi nou, Jezi kris padone yo deja ak dlo batèm li nan jouden an ak san l kite koule sou lakwa.

03/04/2021

Jezi kris se yon Dye etènèl, li pa padone moso peche epi l kite moso peche sou responsabilite nou. Jezi kris mouri, li padone tout peche kite sou latè, se yon verite absoli. Nan landemen aprè Jan Batis te fin batize Jezi nan Jouden an, pandan Jan te kanpe ak 2 nan disip li yo, Jezi kris te vin ap pase, Jan Batis te di 2 disip li yo konsa : Men ti mouton Bondye a ki vin efase peche mond lan (Jan 1 v 29). Peche mond lan vle di : Peche mond prezan, peche mond pase ak peche mond fiti. Jezi kris gentan efase tout peche sa yo. Peche Adan premye lòm lan ak peche dènye moun ki gen pou vin fèt sou latè, Jezi kris gentan padone peche sa yo deja ak dlo batèm li nan jouden an ak san l kite koule sou lakwa. Jodia dèt peche nou peye deja, nou pa dwe ankò, se poun toujou remèsye Bondye pou benediksyon espesyal sa. Mèsi.

01/04/2021

Kretyen an jounen jodia dwe toujou repete pawòl sa yo nan lapriyè l : Mèsi segnè Jezi kris paske w padone peche m yo deja, paske w lave peche m yo deja, paske w pirifye peche m yo deja ak dlo batèm ou nan jouden an ak san w kite koule sou lakwa. Mèsi segnè Jezi kris paske w peye dèt peche m yo, mwen pa dwe ankò, tout glwa ak louanj se pou ou. Men jounen jodia Kretyen an pa dwe ap mande Bondye pou l padone peche pou li ankò, Kretyen an pa dwe ap mande Bondye pou l lave l, pou l pirifye l. Se pou kretyen yo rekonèt alyans lan chanje, Jezi kris padone peche limanite deja, Jezi kris lave peche limanite deja, Jezi kris pirifye peche limanite deja. San kris la pa't koule pou grenmèsi. Lè yon moun mande Bondye pou l padone peche l, pou l lave l, pou l pirifye l nan epòk lagras la, se di li di Bondye retounen Jezi kris vin mouri ankò sou lakwa. Lè yon moun mande Bondye pou l padone peche pou li, pou l lave l, pirifye l, se prèv ke moun lan rete sou kondwit lalwa. Si nou li ansyen testaman an n'ap wè moun yo te konn repete pawòl sa yo nan konfesyon yo: Lave moi seigneur, purifie moi, pardonne moi. Lè nou li liv nouvo testaman yo n'ap wè apòt yo souvan repete : Nos péchés sont pardonés par le sang de Jésus, nos péchés sont lavés par le sang de Jésus, nos péchés sont purifiés par le sang de Jésus. Attention! Nos péchés sont pardonés par le sang de Jésus ( San ki pirifye peche a li gen dlo batèm Jezi a ki enkli ladan l paske redanmsyon an pa't vini ak san sèlman). Moun ki entèlijan se moun ki rekonèt alyans lan chanje, epi ki konnen ki pawòl pou yo repete nan priyè yo pou yo jwenn Bondye. Moun ki pa gen konprann repete pawòl yo jwenn nan lapriyè yo. Bondye se lespri li ye, l'ap reponn priyè ki gen sans yo sèlman. "Car, l'alliance est changé, il y a nécessairement un changement de loi" ( Hébreux 7 v 12). Alyans lan ki chanje a vin lakòz gen de seri de pawòl moun kite sou kondwit lalwa yo te konn repete nan priyè de konfesyon yo, jounen jodia nou paka kontinye repete yo ankò.

01/04/2021

Jezi pa't batize pou l te kapab sèvi nou modèl, men l te batize pou l te kapab akonpli Jistis Bondye. Annou analize deklarasyon Jezi lè l te vini kote Jan Batis nan jouden an. " Laisse faire maintenant car il est convenable que nous accomplissions ainsi toute justice. (MATYE 3).Jezi te di Jan Batis: batize m se sèl mwayen posib pou'm kapab akonpli jistis Bondye. Akonpli Jistis Bondye vle di kisa: Akonpli Jistis Bondye vle di padone peche limanite. Jezi kris te vini sou latè pou l te vin padone peche limanite. Jezi padone tout peche kite sou latè deja. Jodia dèt peche limanite peye. Limanite pa dwe ankò. Jezi batize nan jouden an li pran chaj peche limanite, peche sa yo kondwi l sou lakwa li vèse san l, li jije, li peye dèt peche limanite. Jodia sila yo ki kwè ke Jezi kris te batize nan jouden an li te pran fado peche yo, epi peche sa yo te kondwi l sou lakwa, li vèse san l, jije, li peye dèt peche a pou yo, y'ap resevwa lespri Bondye kòm kado. Fòs fènwa yo ap kite tout moun ki gen lafwa nan dlo batèm Jezi a nan jouden an ak san l kite koule sou lakwa an repo. Depi yon moun toujou plase lafwa l nan dlo batèm Jezi a nan jouden an ak san l kite koule sou lakwa, moun sa a p'ap janm tounen pechè ankò nan lavi l, menm lòske feblès lachè kontinye ap souflete l. Lè yon moun plase lafwa l nan dlo batèm Jezi a nan jouden an ak san l kite koule sou lakwa, l'ap vin yon moun ne de nouvo dlo ak sentespri. (Jan 3 v 5). Aprè nouvèl nesans lan, kretyen yo dwe toujou remèsye Bondye paske l padone peche yo deja, paske l lave peche yo deja, paske l pirifye peche yo deja ak dlo batèm li nan jouden an ak san l kite koule sou lakwa. Kretyen yo dwe toujou konfese peche yo konsa jounen jodia : *"Segnè mwen peche nan prezans ou akoz feblès lachè, feblès lachè toujou pouse m fè sa ki pa bon devan w, menm remèsye w paske w te deja padone peche sa yo pou mwen ak dlo batèm ou nan jouden an ak san w kite koule sou lakwa.*

31/03/2021

Se pa travay pa nou n'ap fè. Se pou Bondye n'ap travay sou latè. Fason nou pale diferan, fason nou preche levanjil diferan. Nou pap swiv mond lan. Nou pa preche moun levanjil san ke nou pa montre yo kòman pou yo rezoud maladi peche a pou yo kapab vin pitit Bondye. Nou pa preche levanjil mond lan nou menm. Nou pa preche levanjil kote moun vin chante, priye san yo pako rezoud maladi peche yo. Nou pa anfas Bondye sou latè nou menm. Bondye an relasyon sèlman ak moun ki rezoud pwoblèm peche yo devan l.

31/03/2021

Lòm fèt pechè. Nan sòm 51 David deklare depi anndan vant manman l li se yon pechè. Nou fèt pechè nou gen bezwen rezoud pwoblèm peche a poun kapab vin pitit Bondye san peche. Lè yon moun rezoud pwoblèm peche l èske l kontinye peche nan lachè devan Bondye? Wi, li kontinye peche nan lachè paske redanmsyon an pa efase feblès lachè ki lakay moun lan. Menm lè moun lan kontinye peche nan lachè, depi'l toujou kwè nan jistis Bondye, l'ap toujou rete pitit Bondye san peche. Bondye pa dakò pou pitit li yo pratike peche aprè nouvèl nesans lan. Pitit Bondye yo dwe toujou rayi peche. Si yon moun asepte Jezi kris nan lavi l, epi l kontinye pratike peche devan Bondye, se prèv ke l pa gen lafwa nan redanmsyon dlo ak lespri a, se prèv ke li pa ne de nouvo. Bondye vle pou lòm ne de nouvo dlo ak lespri pou yo kapab sove ( Jan 3v5). Redanmsyon an gen yon pwisans ekstraòdinè pou l transfòme lavi kèlkeswa moun lan pou l kapab sispann pratike peche devan Bondye.

31/03/2021

Toupatou sou latè nou dwe preche levanjil dlo ak lespri a, mete kou levanjil dlo ak lespri a nan pwogram lekòl timoun yo, nan pwogram inivèsitè yo, Bondye ki anwo nan syèl la ap kontan anpil. Si nou vle mechanste redwi konsiderableman sou latè, depi kounye a se pou nou komanse anseye timoun nou yo, jèn nou yo, granmoun nou yo pawòl levanjil dlo ak lespri a. Si nou vle latè vin abite ak yon ekip syantifik k'ap fè anpil dekouvèt ekstraòdinè, se pou nou grandi timoun nou yo nan verite levanjil dlo ak lespri a. Levanjil dlo ak lespri a se levanjil Bondye li ye, lè yon timoun grandi nan ansèyman verite levanjil Jezi kris la, de jou an jou Bondye ap anrichi l ak konesans. Levanjil dlo ak lespri a gen yon pwisans ekstraòdinè pou l chanje lòm fè l vin pitit Bondye sou latè. Levanjil nou anseye timoun yo jounen jodia pa kapab fè yo vin pitit Bondye paske l gen twòp feblès ladan l. Bondye pa mele nan manti. Levanjil ki chaje ak manti a se li menm ki mete latè nan tout pwoblèm li ye jounen jodia.

31/03/2021

Edikasyon espirityèl la se manman tout lòt edikasyon yo. Jèn gason, jèn fanm dwe resevwa yon bòn edikasyon espirityèl an levanjil dlo ak lespri a pou lavi yo kapab chanje. Timoun yo dwe resevwa yon edikasyon adekwat pou yo kapab vin itil sosyete mondyal la. Bondye pa't kreye latè pou lèzòm te pratike lenjistis. Limanite dwe repanse fason y'ap viv sou latè. Lèzòm obsede nan chèche byen materyèl kraze, brize, detwi tout sa yo jwenn sou chemen yo. Lòm ap vin rayi lenjistis, si yo resevwa yon bòn edikasyon espirityèl. Yon bòn edikasyon espirityèl an levanjil dlo ak lespri, ap vin fè lòm fè yon sèl ak Bondye.

31/03/2021

Twòp pwoblèm sou latè. Latè fatige ak fo levanjil la. Twòp moun sou latè lage kò yo nan fè sa ki pa bon devan Bondye. Anpil moun jounen jodia pou yo kapab gen lajan, yo lage kò yo nan fè koripsyon. Latè pa't kreye pou koripsyon. Koripsyon detwi yon soyete. Kretyen yo pa dwe janm patisipe nan okenn koripsyon nan mond sa a. Timoun kou granmoun nan mond lan dwe resevwa yon bòn edikasyon espirityèl an levanjil dlo ak lespri a, se sa k'ap ede nou diminye pwogresivman koripsyon sou latè. Lè yon peyi gen twòp koripsyon k'ap fèt ladan l, peyi sa a mouri. Lamizè ak ensekirite se zanmi la koripsyon. Lè gen twòp koripsyon nan yon peyi, abitan peyi a gen pou l soufri anpil anba lamizè. Peyi ki gen twòp koripsyon k'ap fèt ap difisil pou l devlope. Anpil moun sou latè kontinye viv pou fè trionfe la koripsyon, se yon pwoblèm edikasyon espirityèl.

31/03/2021

Se yon obligasyon pou timoun nou yo resevwa yon bòn edikasyon an levanjil dlo ak lespri a pou yo kapab reyisi nan lavi yo. Levanjil dlo ak lespri a ap anrichi timoun nou yo ap konesans de jou an jou. Si nou grandi timoun nou yo nan ansèyman verite levanjil dlo ak lespri a, n'ap sove lavi yo. Lè yon timoun vin zanmi Bondye depi l piti sa fè Bondye plezi anpil, Bondye ap pwoteje l, li p'ap kite anyen mal rive l. Si nou vle timoun yo vin itil peyi yo ak mond lan, se pou nou grandi yo nan verite levanjil dlo ak lespri a. Malerezman timoun nou yo jounen jodia grandi nan ansèyman yon fo levanjil ki pa kapab transfòme lavi yo, se pa posib.

23/03/2021

Ceux qui croient en l’évangile de l’eau et de l’Esprit ne peuvent pas marcher avec ceux qui n’y croient pas. La Bible dit: «Ne vous mettez pas avec les infidèles sous un joug étranger. Car quel rapport y a-t-il entre la justice et l’iniquité? Ou qu’y a-t-il de commun entre la lumière et les ténèbres? Quel accord y a-t-il entre Christ et Bélial? Ou quelle part a le fidèle avec l’infidèle?» (2 Corinthiens 6:14-15) L’Eglise de Dieu est une assemblée des saints qui ont reçu la rémission de leurs péchés et sont devenus saints par la foi en l’évangile de l’eau et de l’Esprit (1 Corinthiens 1:2). Ainsi ceux qui ne croient pas en l’évangile de l’eau et de l’Esprit ne peuvent pas faire partie de l’Eglise de Dieu.

19/03/2021

Kilè yon moun se pitit Bondye? Daprè labib se lè moun lan kwè nan Jezi kris, se laverite absoli. Men eske lòm kapab kwè nan pitit Bondye a san yo pa plase lafwa yo nan temwayaj Bondye bay sou pitit li a nan bib la? Non, pèsòn moun sou latè pa kapab kwè nan Jezi kris san yo pa konnen okenn temwayaj de li. Nan mond lan gen anpil moun ki toujou di yo kwè nan Jezi kris, men se avègleman. Moun yo annik ale legliz, pastè yo oubyen prèt yo di yo : Kwè nan Jezi kris w'ap gen lavi. Kwè nan Jezi kris w'ap beni. Kwè nan Jezi kris w'ap delivre anba satan. Kwè nan Jezi kris maladi w la ap geri. Fidèl yo reponn Amèn nou kwè, san yo pa menm konnen temwayaj Bondye bay sou pitit li a nan bib la. Fidèl yo kwè avègleman menm jan ak predikatè yo. Yon kwayans avèg nan Bondye p'ap kapab ede pèsòn moun vin pitit Bondye sou latè. Satan pa pè moun ki kwè avègleman nan Bondye yo. Sila yo ki kwè avègleman nan Bondye, yo pako rezoud maladi peche yo devan Bondye. Kisa sa vle di kwè nan Jezi kris? Kwè nan Jezi kris vle di : Kwè nan dlo batèm li nan jouden an ak san l kite koule sou lakwa ( 1 Jean 5, Jean 19 v 34, Ebre 9....). Yon moun ki plase lafwa l nan dlo batèm Jezi a nan jouden an ak san l kite koule sou lakwa ap rezoud pwoblèm peche l devan Bondye. Yon moun ki plase lafwa l nan dlo batèm Jezi a nan jouden an ak san l kite koule sou lakwa ap vin mennen yon lavi beni sou latè. Satan pa gen okenn pouvwa sou sila yo ki gen lafwa nan dlo ak san Jezi Kris. Mèsi!

17/03/2021

Lè yon moun resevwa yon bòn edikasyon espirityèl an levanjil dlo ak lespri, l'ap vin konnen vrè sans lavi a. Sou latè gen twòp moun ki pa konprann sans lavi a, gen moun ki deja mouri, men lè yo t'ap viv sou latè, yo pa't janm konprann sans lavi a. Lòm aprè yo fin resevwa yon bòn edikasyon espirityèl an levanjil dlo ak lespri a, y'ap vin konnen efektivman kòman pou yo viv sou latè. Anpil moun toujou di gen de seri de pawòl ki nan bib la ki mal tradwi. Nan tradiksyon bib la kapab gen erè ki glise vrèman . Men lèzòm pa kapab chanje redanmsyon dlo ak lespri a ki sove limanite ki nan bib la, paske l pa zafè lèzòm. Redanmsyon an pa zafè okenn zanj ki anwo nan syèl la tou. Redanmsyon an pa zafè okenn moun sou latè, se yon Dye ki vini sou latè ki akonpli l, se rezon sa a kifè satan paka fè lèzòm chanje l. Lèzòm pa konprann redanmsyon an ki nan bib la, se yon ti ponyen moun sou latè sèlman ki konprann redanmsyon dlo ak lespri a ki sove limanite anba vyolans peche a. Si yon moun ap mache preche levanjil toupatou, li pa janm esplike pèsòn moun redanmsyon dlo ak lespri a, pou moun yo kapab konnen kòman pou yo rezoud maladi peche a, anverite levanjil moun lan ap preche a pa sòti nan Bondye.

17/03/2021

Yon bòn edikasyon espirityèl an levanjil dlo ak lespri, ap ede lòm viv nan lapè ak kè poze sou latè. Lòm dwe entèlijan, lòm dwe goumen pou yo kapab resevwa yon bòn edikasyon espirityèl an levanjil dlo ak lespri. Moun ki entèlijan se moun ki rekonèt gen twòp feblès nan doktrin ki kreye pa lèzòm yo epi ki deside chèche verite sou levanjil Jezi kris la. Lavi sila yo ki grandi nan ansèyman verite levanjil dlo ak lespri a diferan de lavi moun k'ap swiv mond lan. Lavi lòm kapab chanje a nenpòt laj. Lòm kapab resevwa edikasyon espirityèl la a nenpòt laj paske mond espirityèl la pi rapid ke mond fizik la. Depi premye jou yon moun plase lafwa l nan redanmsyon dlo ak lespri a, lavi'l ap chanje. Pou yon moun viv byen sou latè, li gen bezwen sajès ki sòti nan Bondye. Sajès ki sòti nan Bondye ede nou viv pi byen sou latè nan respè youn pou lòt. Sajès ki sòti nan Bondye ap ede lòm konprann sans lavi a. Sajès ki sòti nan Bondye ap ede lòm konprann mond fizyk la ak mond espirityèl la. Sajès ki sòti nan Bondye ap ede nou resevwa tout sòt de benediksyon ( materyèl, espirityèl ). Lè yon moun vin saj, l'ap vin egzèse pwofesyon l pi byen.

10/03/2021

Legliz primitif yo te konn preche levanjil batèm Jezi a nan jouden an ak san l kite koule sou lakwa. Men depi lè konstantin fin pibliye Edi de milan an, 313 ane aprè Jezi kris, ki garanti libète relijye, ki rekonèt krisyanis lan kòm relijyon leta, anpil moun vin konvèti nan krisyanis lan, Konstantin prezide premye konsil de Nise a, li pran tèt krisyanis lan, kòm konsekans krisyanis lan vin kowonpi, levanjil dlo ak lespri a ki se verite levanjil Jezi kris la, te vin kòmanse pa preche ankò sou latè. Sen yo kite nan legliz primitif yo te vin mouri, levanjil la vin rete li disparèt sou latè. Daprè listwa, legliz primitif yo te konn fete batèm Jezi a nan jouden an chak 6 Janvye. Malgre tout refòm kifèt nan sektè relijye a lèzòm kreye yon ekip doktrin, verite levanjil dlo ak lespri a te toujou rete kache pou limanite. Etan done ke n'ap rapwoche nan fen tan an se volonte Bondye pou verite levanjil dlo ak lespri a retounen vin preche sou tout latè. Nan mond lan aktyèlman gen legliz ki preche verite levanjil dlo ak lespri a, sa vle di gen pwogrè ki kòmanse fèt. Sou latè se yon ponyen moun sèlman ki gen lafwa nan verite levanjil dlo ak lespri a. Majorite moun k'ap viv sou latè aktyèlman, yo kwè nan relijyon, nan doktrin ki kreye pa lèzòm, ki pa kapab ede pèsòn moun jwenn sali a. Poukisa legliz mond lan pa preche levanjil batèm Jezi a nan jouden an ak san l kite koule sou lakwa jounen jodia ? Paske legliz mond lan pran nan pyèj satan, se rezon sa a ki lakòz yo pa preche verite levanjil Jezi kris la sou latè.

10/03/2021

Bondye vle pou latè preche levanjil dlo ak lespri oubyen levanjil dlo ak san. Dlo a senbolize batèm Jezi a nan jouden an, san an senbolize sakrifis lakwa. Nou kapab di tou: Bondye vle pou latè preche levanjil batèm Jezi a nan jouden an ak san l kite koule sou lakwa. Nampwen okenn pasaj nan bib la ki prezante Jezi kris te vini ak san sèlman,poutan lèzòm pran nan pyèj satan yo prezante Jezi kris te vini ak san sèlman. En Français on dit : L'évangile d'eau et d'esprit oubien l'évangile d'eau et de sang. L'évangile du baptême de Jesus dans le Jourdain et son sang sur la croix. Jezi kris se moun kite vini an, li te vini ak dlo batèm lan ansanm ak san lanmò li, li pa't vini ak dlo sèlman, men li te vini ak dlo ak san ( 1Jan 5).

10/03/2021

Krisyanis lan jounen jodia pran nan pyèj diab la. Lèzòm jounen jodia pa preche levanjil batèm Jezi a nan jouden an ak san l kite koule sou lakwa. Legliz mond lan pa preche levanjil batèm Jezi a nan jouden an, sa vin lakòz limanite kontinye viv ak maladi peche a devan Bondye. Sila yo ki pa rezoud maladi peche yo devan Bondye, yo gen pou yo konnen jijman Bondye. La bible dit: Les jaloux n'hériteront pas le royaume des cieux (Galate 5 v 19- 21). Jalou sa a senbolize pechè yo. Labib di : Si yon moun pa ne de nouvo dlo ak sentespri, li p'ap kapab rantre nan wayòm Bondye a.(Jan 3 v 5). Sa vle di gen yon kondisyon pou yon moun rantre nan wayòm Bondye a. Kondisyon an se rezoud maladi peche w pouw kapab vin ne de nouvo. Sila yo ki rezoud maladi peche yo devan Bondye, y'ap vin genyen viktwa sou fòs fènwa yo, y'ap vin gen lapè nan lavi yo. Sou latè gen twòp moun ki pa janm gen lapè nan lavi yo, mwen konseye nou rezoud maladi peche nou, Bondye ap vizite nou. Bondye p'ap janm vizite moun ki malad nan nanm yo. Nan Ezayi 59 pawòl Bondye di nou: Se peche nou yo ki mete yon baryè ant nou menm ak Bondye kifè Bondye pa tande lapriyè nou. Sila yo ki entèlijan ki rekonèt ke yo pa kapab kontinye viv san Bondye sou latè, y'ap rezoud maladi peche yo pou yo kapab vin fè yon sèl ak Bondye. Men moun ki ògeye yo ap rete mouri avèk peche yo.

09/03/2021

Poukisa Jezi te batize, li menm ki pa't komèt okenn peche? Kesyon sa a toujou poze anpil pwoblèm lakay predikatè yo. Pou anpil moun ki nan krisyanis lan, yo toujou di Jezi te batize pou l te kapab sèvi nou modèl. Eske gen pasaj biblik ki konfime nou sa ? Non, nanpwen okenn pasaj nan bib la ki konfime nou sa. Si nou analize deklarasyon Jezi pandan l te vini kote Jan Batis nan jouden an, nou kapab konprann poukisa Jezi te batize. Jezi te di Jan Batis men pou ki rezon pou w batize m. Jezi kris te di Jan Batis konsa : "Laisse faire maintenant car il est convenable que nous accomplissions toute justice" gen bib ki di : accomplissions tout ce qui est juste. (Matye 3 v 15.) Jezi kris di Jan Batis batize m, se sèl mwayen posib poum kapab akonpli jistis Bondye sou latè. Jezi kris di Jan Batis batize m poum kapab rann limanite vin jis devan Bondye. Kisa sa vle di akonpli Jistis Bondye? Akonpli jistis Bondye vle di: padone peche limanite. Jezi kris resevwa sou do li pa batèm li nan jouden an peche limanite, peche sa yo kondwi l sou lakwa, li vèse san l, li jije, li peye dèt peche limanite. Si nou retounen nan sistèm sakrifisyèl la nan sen tabènak la, nou kapab wè pou ki rezon Jezi te batize nan jouden an tou. Sou lalwa, pou yon moun te rezoud pwoblèm peche l, li te gen pou l chwazi yon bèt san defo, san enfimite. Li te gen poul depoze de men l sou tèt bèt la pou l te transfere peche l yo sou tèt bèt la, aprèsa l'ap egòje bèt la pran san an pote bay sakrifikatè ki responsab sasèdòs la, sakrifikatè a menm ap repann san an sou kòn lotèl la ak devan lotèl la, se konsa moun lan ap vin jwenn padon pou peche l yo ( Levitik ch 1). Menm jan pechè yo te konn mete de men yo sou tèt bèt la nan ansyen testaman an pou yo te kapab transfere peche yo sou bèt la, se konsa Jan Batis mete 2 men l sou tèt Jezi nan dlo jouden an, li transfere tout peche limanite sou Jezi. Olye pou chak moun ta vin depoze men yo sou tèt Jezi pou yo ba l peche yo, Bondye fè Jan Batis fè travay la pou limanite.

09/03/2021

L'homme vit-il sur la terre avec la maladie spirituelle devant Dieu? L'évangile prêche partout dans le monde entier, mais cela n'empêche pas que l'humanité continue à vivre avec la maladie spirituelle devant Dieu. Les gens qui prêchent l'évangile à travers le monde, bon nombre d'entre- eux, ne connaissent pas le chemin de la redemption. Ils ne peuvent pas montrer aux gens le chemin pour qu'ils puissent résoudre la maladie de l'âme. La terre habite depuis des temps avec des gens malades spirituelment. Bien que Jésus Christ avait résolu le problème du péché de l'humanité cela fait environ 2000 ans, mais les hommes continuent de vivre jusqu'à présent sous le joug de l'esclavage du péché, parce que le christianisme d'aujourd'hui a pris dans le piège du diable. Est ce qu'on peut parler du bonheur quand ont est malade spirituelment? Non, c'est ridicule de parler du bonheur quand on est sous le joug de l'esclavage du péché. Les gens malades spirituelment sur la terre sont très malchanceux, même lorsque certains d'entre - eux possèdent beaucoup de richesses matérielles. Bon nombre de gens croient dans le bonheur terrestre, c'est grave. Le veritable bonheur n'est pas ici-bas, mais c'est normal quand ont est de ce monde, nous devons lutter pour vivre bien. Dieu veut que tout le monde mène une vie agréable sur la terre, mais ce n'est pas le bonheur. Quand quelqu'un souffre d'une maladie chronique, il peut dire : j'etais troublé, il n'ya pas de bonheur sur la terre. Le diable peut faire ce qu'il veut, quand il veut, avec les gens qui n'ont pas résoudre leur maladie spirituelle. Merci!

09/03/2021

Bondye vle sen yo mennen yon lavi san repwòch sou latè. Latè dwe abite ak plis moun jis, se volonte Bondye. Se travay pa'm, se travay pa'w kòm kretyen k'ap pèmèt latè vin gen anpil jis ki abite ladan l. Moun jis yo gen viktwa sou peche. Nan 1 Jan 5, Apòt Jan di konsa : " Qui est celui qui a triomphé du monde, sinon celui qui croit que Jésus est le fils de Dieu"? Le mot monde dans ce passage signifie : péché. Kiyès moun ki kapab gen viktwa sou peche? Se sèlman moun jis yo ki gen viktwa sou peche. Pechè yo pa gen okenn viktwa sou peche paske kè yo tou nwè ak peche. Pechè yo pap janm sispann pratike peche devan Bondye paske kè yo ranpli ak peche. Jounen jodia Bondye gen plis ènmi ke zanmi sou latè. Bondye vle pou l vin gen plis zanmi. Se responsabilite chak kretyen pou yo preche verite levanjil la sou tout latè pou Bondye kapab vin gen plis zanmi. Nou dwe patisipe dirèkteman oubyen endirèkteman nan difizyon verite levanjil la, pou Bondye kapab vin gen plis zanmi sou latè.

02/03/2021

“Si l’Eternel ne bâtit la maison,
celui qui bâtit le fait en vain;
Si l’Eternel ne veille sur la ville,
la sentinelle veille en vain” (Psaume 127:1).

02/03/2021

Bondye vle lòm rezoud maladi nanm lan pou yo kapab vin pitit li, konsa y'ap rive benefisye lavi ki pa'p janm fini an. Labib di: Moun jis yo gen pou yo abite sou latè y'ap viv sou li etènèlman. (Sòm 37 v 29). Nanpwen sali pou pechè daprè labib. Ki levanjil ki kapab ede lòm rezoud maladi peche a? Levanjil dlo ak lespri oubyen levanjil batèm Jezi a nan jouden an ak san l kite koule sou lakwa. Levanjil san vèse Jezi kris sou lakwa a pa kapab rezoud maladi peche pèsòn moun sou latè paske se lèzòm ki kreye levanjil sa a. Bondye vle mwen menm ansanm avèw preche verite levanjil la sou tout latè pou pechè yo kapab rezoud maladi peche yo. Genyen twòp moun sou latè k'ap sèvi Bondye avègleman, Bondye vle sa sispann. Bondye vle pou legliz mond lan retounen nan verite levanjil levanjil dlo ak lespri a pou yo kapab eritye wayòm li an. Krisyanis jounen jodia pran nan pyèj satan, menm lè gen plizyè refòm kifèt deja nan mond lan, nan domèn relijye a, verite levanjil dlo ak lespri a toujou rete kache pou lòm. Bondye kache verite levanjil dlo ak lespri a pou tout mechan yo, moun k'ap pratike peche sou latè p'ap janm rive jwenn verite levanjil dlo ak lespri a. La bible dit: Les choses cachées de Dieu font partie de sa sagesse. Proverbe 25 v 2. Se Bondye ki kache verite Levanjil Jezi kris la, l'ap revele li sèlman ak moun k'ap chèche prezans li tout bon. Mèsi!

24/02/2021

*Misyon kretyen yo se pou yo chase demon yo (Matye 10)*

Bondye bay chak kretyen ne de nouvo yo don pou yo chase demon sou malad yo. Demon yo abite nan kè sila yo ki malad espirityèlman yo. Pechè yo gen demon nan kè yo. Demon yo pè pwisans levanjil dlo ak lespri a. Levanjil dlo ak lespri a se sèl levanjil ki kapab mete demon yo deyò nan lavi lèzòm. Demon yo fè twòp ravaj sou latè, nou dwe preche levanjil Jezi kris la poun kapab chase yo. Lavi anpil moun sou latè toujou toumante anba pwisans demon yo. Gen anpil moun nan mond lan ki pèdi bon sans yo anba demon yo. Nou gen bezwen preche verite levanjil Jezi kris la pou Bondye kapab libere sila yo ki anba pèsekisyon demoniak yo. Lè yon demon fin sòti sou yon moun, nou dwe preche l verite levanjil dlo ak lespri a poun kapab pran l pou Bondye. Latè gen bezwen preche levanjil dlo ak lespri a paske gen twòp demon ki lage nan mond lan. Twòp moun kontinye pèdi lavi yo anba demon yo, latè dwe preche verite levanjil dlo ak lespri a kounye a. Mèsi!

24/02/2021

*"Misyon kretyen yo se pou yo pirifye sila yo ki touche ak maladi lèp espirityèl la". Matye 10*

Sila yo ki pa kwè nan Jezi kris, yo genyen lèp peche a nan kè yo. Limanite dwe geri maladi lèp espirityèl la pou yo kapab vin fè yon sèl ak Bondye ki gen tout pouvwa a. Maladi lèp peche a anpeche nou viv byen sou latè. Maladi lèp espirityèl la anpeche lanmou kris la rantre nan kè nou. Maladi lèp espirityèl la anpeche lavi nou transfòme. Jounen jodia nou dwe retounen vin jwenn Bondye poun kapab geri maladi lèp peche a. Se sèlman Jezi kris ki kapab geri maladi lèp la pou nou, okenn lòm pa kapab geri maladi lèp espirityèl la pou nou. Mèsi!

24/02/2021

*Misyon pitit Bondye yo*

Nan Matye chapit 10, Jezi kris bay disip li yo anpil enstriksyon sou fason pou yo fè travay Bondye sou latè : " Allez, prêchez, et dites: le royaume des cieux est proche. Guerissez les malades, ressuscitez les morts, purifiez les lépreux, chassez les démons." Vous avez reçu gratuitement, donnez gratuitement................

Bondye nan pawòl li fè nou konnen se pou nou geri malad espirityèl yo, resisite mò espirityèl yo. Misyon chak kretyen se pou yo geri moun ki malad espirityèlman yo, se sa Bondye vle. Misyon chak kretyen se preche verite levanjil dlo ak lespri a nan mond lan poun kapab libere nanm ki an soufrans yo. Sou latè gen twòp moun ki mouri espirityèlman, nou dwe anseye yo levanjil dlo ak lespri a pou Bondye kapab resisite yo. Labib fè nou konnen Bondye pa nan relasyon ak mò yo. Bondye pa janm tande lapriyè sila yo ki mouri espirityèlman yo. Misyon pa'm, misyon pa'w jounen jodia se pou nou resisite mò espirityèl yo. Frèm, sèm yo! Wayòm Bondye a vrèman pwòch nou, pa rete tan ankò se poun travay poun kapab resisite mò espirityèl yo pou yo kapab rantre nan wayòm Bondye a. Wayòm Bondye a pa pou moun ki malad espirityèlman yo, men l pou sila yo ki an bòn sante.

21/02/2021

Notre Seigneur dit que la personne qui diffuse l’évangile
“brillera comme le soleil” (Matthieu 13:43). Et l’Ancien
Testament dit aussi que la personne qui aide les gens à recevoir
la rémission de leurs péchés et ramène beaucoup de gens à la
justice brillera comme les étoiles (Daniel 12:3). Ceux qui sont
fidèles au Seigneur sont décrits comme ceux qui “brillent
comme le soleil” dans le Nouveau Testament, et “brillent
comme les étoiles” dans l’Ancien Testament. Cela signifie que
les justes brillent pour toujours.

21/02/2021

Le Seigneur nous a
sauvés, nous qui croyons en l’évangile de l’eau et de l’Esprit à la
fois. Il est écrit: «approchons-nous avec un cœur sincère, dans
la plénitude de la foi, les cœurs purifiés d’une mauvaise
conscience, et le corps lavé d’une eau pure.» (Hébreux 10:22)
en entendant et en obéissant à la Parole. Cela signifie que Jésus
a lavé tous nos péchés absolument par le baptême qu’il a reçu de
Jean-Baptiste et le sang qu’il a versé sur la croix. Nous sommes
vraiment des gens bénis. Par conséquent, l’auteur du Livre des
Hébreux dit: «Approchons-nous avec un vrai cœur en pleine
assurance de foi.»

16/02/2021

Latè jounen jodia abite ak yon ekip moun ki malad espirityèlman paske yo pa konnen chemen redanmsyon an. Sa fèm lapèn anpil paske kretyen legliz mond lan panse maladi peche yo rezoud, satan pyeje yo nan sans sa a. Nan krisyanis jounen jodia lèzòm ap mache preche levanjil tout kote sou latè poutan yo malad nan nanm yo. Sou latè aktyèlman gen anviwon 7 milya moun k'ap viv, men se sèlman yon ti ponyen moun ki rezoud maladi peche yo devan Bondye. Lèzòm pa gen lafwa nan redanmsyon dlo ak lespri a, konsa yo kontinye viv sou latè ak maladi peche a devan Bondye.

16/02/2021

Moyiz ak Aawon te toujou konn montre Izrayelit yo kòman pou yo rezoud pwoblèm peche yo devan Bondye, jounen jodia kèlkeswa sèvitè Bondye ki vini sou latè li dwe montre limanite kòman pou yo rezoud maladi peche a. Limanite dwe trè pridan nan zafè levanjil sa a. Preche levanjil, fè evanjelizasyon toupatou sou latè, ede sila yo ki nan bezwen, tout se bon bagay men sa ki pi enpòtan pou Bondye a se zafè peche a. Si nou pa rezoud pwoblèm peche a menm lè nou te konn preche levanjil toupatou sou latè n'ap toujou rete gran ènmi Bondye jiskaske nou mouri nou pèdi lavi etènèl. Si limanite te konnen kòman pou yo rezoud pwoblèm peche yo, pa t'ap gen tout pwoblèm sa yo nan mond lan jounen jodia. N'ap viv nan yon moun ki chaje ak kriminèl, ti krik ti krak, lòm detwi lavi lòm parèy yo. Latè de jou an jou ap vin ranpli ak plis mechanste paske lèzòm pa renmen Bondye.