AQUIN INFOS

19/03/2024

https://www.facebook.com/100076347357361/posts/432037326017842/?sfnsn=mo

Ede ORJADA reyalize yon pwojè ke li genyen. Achte yon nimewo pou sèlman 250 goud e wap gen chans pou ta premye, dezyèm ou twazyèm nan jou tiraj la kap fèt pou 26 me nan okazyon fèt manman yo.
Ann ede mezanmi! Ou menm ki pa vle achte pouw patisipe, men ki vle kontribiye pou pwojè sa, bay sa ki vini sou kè ou pouw bay, Bondye ap miltipliye chans ou.
Ede ORJADA se ede moun Aken nan kèk aktivite.

18/03/2024

Aken : machin ki abandonne sou wout yo, yon gwo danje pou kondiktè ak pyeton

Yon moun kap sikile nan vil Aken kapab remake nan divès ri, sou wout la, estasyonman yon pakèt machin. Anpil ladan yo konn souvan anpàn, anpil lòt se pwopriyetè yo ki pran abitid pake yo nan diferan kwen.
Pratik sila konn lakoz gwo aksidan ki konn retire lavi anpil moun ak fè plizyè blese.
Nou ka sonje sa, nan mwa desanm ki sot pase la,
2 Jèn gason mouri nan yon aksidan nan zòn grizon, Aken. Aksidan sila
ta pral rive akoz yon kamyon ki abandone plis
pase yon lane sou wout la. Kondiktè a ki pat konnen sa ta l espante sou li epi pèdi kontwòl veyikil li tap kondwi a epi antre nan kamyon an.

Nou resanse anpil lòt ka ankò ki rive nan zòn mache a, moriso, tè blanch, vyebou elatriye.
Kèk sitwayen ki ap opine sou sijè sa toujou ap poze
Anpil kesyon tankou:
Èske responsab sikilasyon pa okouran de pratik sa?
kisa otorite lokal yo tankou lameri di nan koze sa ki reprezante yon gwo danje pou konditè yo sitou lèswa?

Lameri se yon antite nan kolektivite tèritoryal yo ki otonòm administrativman ak Finansyèman daprè
konstitisyon 1987 la. Nan atik 20 nan dekrè sou kad jeneral desantralizasyon kolektivite
teritoryal yo, meri yo gen preogativ pou itilize , kreye mwayen pou bay popilasyon li sèvis.
Kisa ki anpeche minisipalite a nan tèt kole ak responsab sikilasyon nan zòn nan pa pran dispozisyon pou desitire koze sa ki se yon gwo sous ensekirite pou chak grenn moun kap itilize vwa piblik yo?

Èske se mwayen ak kapasite ki pa genyen pou remoke machin ak lòt bagay ki antrave sikilasyon an nan vil la?

Nan kòd penal ayisyen an, prensip yo defini kòman pou moun kap itilize epas piblik yo dwe fèsa.
" yon moun ki bouche wout kote tout moun pase kòmèt yon enfraksyon" daprè kòd sila a.

Kiyès ki dwe fè prensip yo aplike ? Poukisa pagen prevansyon.
Antoukaaa, se kesyon kap poze...

Aquin INFOS

06/03/2024

Vous êtes jeunes , et vous ameriez apprendre un métier? Nous vous présentons le Projet d'Accompagnement des Jeunes pour le Développement Communautaire.

Entrez en contact avec eux pour tous les infos supplémentaires.

28/02/2024

Kidnape jounen Jedi 22 fevriye 2024 la, Evanjelis Sandrine Lalanne Laguerre jwenn liberasyon li aprè midi 27 fevriye a daprè sa yon pwòch fanmi an fè AQUIN INFOS konnen

27/02/2024

AQUIN INFOS souhaite un heureux anniversaire à l'un de ses collaborateurs, Amos DELVA.
Santé, prospérité !

10/02/2024

10/02/2024

ANTÈMAN ANPOULAN CHANTE JOUNEN VANDREDI 9 fevriye a

Emmanuel Jean Claude ke pi fò moun konnen sou non " Anpoulan" antere jodi vandredi 9 fevriye 2024 la . Fineray defen an chante nan legliz katolik Aken an.

Seremoni sila te dewoule an prezans plizyè pesonalite piblik ak òganizasyon nan vil la. Pami yo AJCA ( Académie des Jeunes Corps d'Honneur Actif ) ak la jeunesse en action .
Daprè temwayaj yo anpoulan se te yon moun kite toujou enplike l nan anpil aktivite sosyal ak kiltirèl nan site Julien Raymond an. Li te yon Kòmandan parad , Pwofesè dans nan vil Aken ak zòn ki antoure l yo. "malerezman konjonkti peyi a fè lekol paka voye elev vin asiste epi bay yon denye omaj ak komandan anpoulan".

"La Jeunesse en action", yon gwoup dans Anpoula te konn sipòte epi ki soti nan katye li , te danse nan pakou defile pou te mennen l nan dènye demè li.
Gwoup dans sila ki konpoze an majorite jèn, te prezante yon espektak ekstraòdinè sou pakou a yon fason pou rann omaj ak defen an ki te fè vil ap pratike dans ak parad nan vil sa.

Anpoulan te fèt nan dat
13 novanm 1973. Li mouri ak 51 lane sou tèt li nan lopital Ame disali fondènèg la, apre l te vin soufri anba yon maladi depi plizyè jou. Pitit Louisana Chery ak
Ferdinand Jean Claude, Pratick ak Rosimène Jean Claude se te sèl frè ak sè li te genyen, li travèse men li kite yon sèl pitit gason "Hantzlee Jean Claude".

Anpoulan ap rete nan memwa tout moun Aken.

26/01/2024

Erickson D'Haïti bay Bay Bladimir Noradin plizyè kout machèt yèswa Jedi 25 janvye 2024 la. Zak sa pase nan lokalite sentelèn, 5è seksyon komin Aken.

Daprè enfòmasyon yo , zak sa rive aprè yon gwo diskisyon kite genyen ant 2 jèn gason sa yo. San l pat pèdi tan ni reflechi, Erickson al pran machèt li epi bay Bladimir yon kout machèt nan fontenn.

Saki tapral lage viktim nan yon eta deplorab.
Fanmi l te oblije kouri avèk li pou kapab pran premye swen nan lopital fondèblan kipat pran tan transferel pòtoprens.

Nap siyale aprè zak sa, otè a, pat pran tan pou mete van nan vwèl li, se gras ak brigad nan zòn nan kita pral arete l nan komin fondènèg. Pou kounya Erickson anba kontwòl lajistis

Aquin Infos

19/12/2023

Aquin/Jaquimo/Yaquimo.

'Une tranche d'histoire peu connue de la communauté aquinoise'.

An 1493, lè Christophe Colomb te pwennte Aken, li te jwenn teritwa nou-an byen òganize. Se te pi gran 'sous-caciquat qui faisait partie du caciquat de Jaragua/Xaragua' (li te etann rive jis nan pati sid-wès aktyèl Dominikani). Li te gen Jaguana/Yaguana (actuel Léogane) kòm kapital 'et Bohéchio comme cacique'.

Chèf pouvwa sa-a (Bohéchio) se te frè Anacaona, larèn-chantrèl, bèl, jèn fanm (ki, limenm, te marye ak Caonabo, 'cacique de Maguana'); ki te twouve-l nan obligasyon pran pouvwa kòm 'cacique de Xaragua' apre lanmò frè-l,Bohéchio; e, ki, pòv fanm,te jwenn lanmò-l 'par pandaison, à l'âge de 29 ans' - nan men Nicolas Ovando). Selon Thomas Madiou, Anacaona te eritye pouvwa-a paske frè-l la - ki te gen 32 fanm - pat janm rive gen yon pitit.

Bohéchio te mete 'Quartier-Général' li nan Jaquimo (Aquin) pour des raisons stratégi-ques. Il 'devait résider à Jaquimo, au sein du caciquat de Xaragua, car il devait soutenir une guerre contre deux groupes (d'indiens) très primitifs, premiers occupants de l'île' (endyen 'Caraïbes' yo, petèt) ki te tabli nan zòn 'sud et sud-ouest du caciquat'. Sa te fòse-l fè 'une alliance défensive et offensive' avèk bòfrè-l, 'Caonabo, le chef de Maguana'.

Te toujou gen gwo akwochaj ant gwoup primitif sa yo ak otorite Xaragua yo pou kontwòl yon 'espace sacré' kote yo konn fè seremoni 'à l'honneur de Zuimaco, la déesse-mère du Xaragua'. Non Zuimaco-a te derive 'de l'union de Xaragua (Zui) et de Yaquimo (Maco)'.

En Janvier 1494, C. Colomb te ba Alonso de Ojeda lòd pou-l chèche jwenn konpatriyòt espayòl ke li te kite dèyè nan premye vwayaj la. Li te mete 15 sòlda selman sou kòmandman misye nan kad misyon sa-a. Nan pwomennen chèche, Ojeda te dekouvri yon pakèt mìn lò nan Cibao - yon lokalite nan Managua ki te sou kontwòl Caonabo, youn nan premye, e pi gwo opozan prezans Espayòl yo sou teritwa Ayiti.

'En Mars 1494, Colomb fonda le fort Santo-Tomas' - ke li te, an final, ba Ojeda kòmande. Caonabo pat tann lontan pou-l te atake fò sa-a. Ojeda ak sòlda-l yo te konbat epi pran viktwa sou li. Yon ti bout tan apresa, Ojeda te 'utilisé la ruse et l'audace' pou-l te arete epi depòte Caonabo - ki te peri nan nofraj batiman ki t'ap mennen-l Espagne.

Nan menm epòk la, Ojeda ak sòlda-l yo te 'participé dans la grande bataille de Vega-Real (ou la Bataille de Jaquimo/Yaquimo)', nan Aquin. Selon Bartolomé de Las Casas, 10.000 combattants indigènes' te an fas 400 grenn 'soldats espagnols...et les Espagnols ont gagné la bataille'.

An 1499, Ojeda te jwenn pèmisyon nan men otorite Espagne yo pou-l retounen nan kontinan nou-an vìn fè plis eksplorasyon, plis dekouvèt. Li te òganize yon 'flotte dans la ville de Séville, en Espagne'. Améric Despuce, yon biznisman ki te rich anpil, te peye yon pil lajan pou-l te ka fè pati ekspedisyon sa-a - yon mannyè pou-l te al ranmase lò e fè ogmante richès li. ' Mesye sa yo te bòde Aquin 5 Sektanm 1499.

Pouvwa ak enterè te kreye gwo rivalite ak divizyon nan mitan Ojeda ak Améric Despuce. 'En 1502, lors d'un deuxième voyage qu'ils entreprirent ensemble', Vespuce te fè arete, minote Ojeda nan larad Aquin -...'où ils étaient quand leur bâtiment vint mouiller de nouveau'.

Ojeda te 'lutté du bec et des ongles' pou arestasyon sa-a pat rive fèt sou li. Il 's'y jetta même à la mer pour tenter de gagner le rivage, mais il fut secouru, comme il allait se noyer, et ramené à bord. (Selon Moreau de Saint-Méry)'.

Foto anlè: 'carte d'Haïti à l'époque des caciquats'.
Foto anba-a: A. Ojeda.

Guy Claude Edouard

28/11/2023

Travay plas Aken an te komanse nan lane 2001. Li tapral kanpe definivman nan lane 2004 sanl pat fini.
Nan lane 2019 gras ak batay plizyè òganizasyon, sitwayen nan komin nan, site Julien Raymond an tapral benefisye pwojè rekonstriksyon pigwo plas ki genyen nan depatman sid la. Se fim CESA kap egzite l pou yon montan 2 milyon dola ameriken sou yon dire yon lane. Lansman an te fèt 22 mars 2019 pase a.

23/11/2023

Aquin/Bodequin/Habitation Bodkins & Plus.

Bodequin à l'honneur !

Sou rèy blan franse Bodequin te yon bitasyon ke Robert Etienne BODKINS-FITZGERALD te posede (Habitation Bodkins). Bitasyon sa-a te 'très vaste'. Li te kòmanse depi sou tèt fò - kote kalvè ak lopital-la ye jounen jodi-a jis rive sou mòn nan tèt Lakoray. Dayè, fò sa-a ki te rele 'Fort Bodequin', te gen yon simityè ladan (ekzakteman nan plasman lopital-la). Se la yo te antere 'Général Pierre FRANCISQUE, héros aquinois de la guerre de l'Indépendance et, pendant une longue période de temps, chef du commandement militaire d'Aquin'. Misye te mouri 30 Août 1823, 'au grade de général de division'.

'BODKINS-FITZGERALD a developpé la culture de l'indigo et du coton' nan tout plèn bitasyon -an ki te pre vil-la. Sepandan, nan pati ki te kòmanse sou Premyè-Pas rive nan mòn se kafe sèlman ke li te kiltive ladan. Misye te yon kolon fransè ki te gen orijin li nan vil Dublin, nan peyi Irelande. Li te gen plizyè esklav ap travay sou bitasyon an - e, sa te rann zafè l byen mache. Se te yon moun eklere ki te rive 'Conseiller au Parlement de Paris' epi, an 1789, yo te eli l 'Député du Sud'. Nan menm ane sa-a, misye te gen 180 nèg ap travay sou bitasyon-an pou li.

'En 1798, pendant la guerre du Sud', François Julien DELAUNAY te anfèmen bitasyon-an 'pour l'exploitation du café'. Misye te 'secrétaire militai- re, en 1797, et directeur de la douane, en 1799, à Aquin.

Lokalite sa-a nan 3è seksyon kominal Aken. Se ladan l Chapèl St André tabli depi 30 Novanm 1908. Se yon zòn ki pa twò lwen vil la men aksè a pa fasil - akòz wout la ki pa kòdyòm. (Pou rive la fòk ou travèse rivyè a plizyè fwa - epitou gen anpil gwo wòch nan pakou a).

Se yon zòn ki te tèlman pwospè ke yo te rele-l grenye Aken - ni an pwodui agrikòl (kafe, kakawo, yanm, patat, pwa, lamveritab, zaboka, etc) ni an moun entèlijan, devwe e sousye pou avanse lekòl ak sou wout lavi a. Gen anpil fanmi Bwodken ki make istwa vil Aken: Boéreau, Isaac, Moïse, Brutus, Apollon/Appolon, Dessources, Jacquet, César, Clénard/Clénat/Cléna,Tilus/Tulysse, etc.

Ti Djo Apollon, youn nan pi gran komèsan/espekilatè awondisman-an nan mitan ane 1950 yo, e ansyen Préfè awondisman Aken, te mentni katye-jeneral li la. Se limenm ki te bati kay chanmòt orijinal ki sou foto a. Charles César, ansyen ofisye Etat civil, gran espekilatè-plantè, te mare sosis li ak peyizan Bwodken pandan prèske tout vi l...

Mèt André Jacquet (premye gran pwofesè Matematik modèn vil Aken), O'Calo Tilus ( youn nan meyè gadyen n bi seleksyon foutbòl Aken-an, ak ekip Boule-de-Feu, nan fen ane 1960 ak kòmansman ane 1970 yo). Julio Appolon (premye jèn nèg Bodken ki rive jij enstriksyon), Madan Thony Comeau (sèl komèsant ki te sipòte prèske tout popilasyon an nan zafè edikasyon pitit yo), Mèt Lithan Isaac (ki te rive 'Commissaire du gouvernement') ak yon bann lòt ankò...

Bodequin bay plis otorite ak notab nan sant vil la ke tout lòt seksyon kominal yo.

Ayibobo, moun Bwodken !

16/11/2023

Bagay yo sanble konplike pou rapè Aken an, Dorby King.
Aprè l fin boude envitasyon komisè gouvènman Aken an Adrien Exama, CG a lanse yon manda al chache mennen bali atis la , nou sonje fanmil tap chache l wikenn pase a kòm kwa zagoloray ta kidnape l.

16/11/2023

Yon jenn gason asasisen nan Batis( Aken)

Patrick BELUS jwenn lanmò l nan lannwit 15 novanm nan nan Batis( Aken).

Zak sa rive nan moman viktim nan te gen yon bouch louvri ak yon lòt jenn gason nan yon veye kitap fèt nan lokalite sila a.

Daprè enfòmasyon yo Patrick resevwa plizyè kout kouto nan men prezime asasen an kipat pran tan pou l te pati aprè zak la.

Sous : Intervalle.

Aquin Infos

12/11/2023

4è: 28 Pm: Wout nasyonal no2 a bloke nan nivo moriso( Aken).

Foto: Fanor Snyader

12/11/2023

Lèw ap travay se pou w, non sèlman pran swen tèt ou, men tou repwodwi lavi w.

Aprè w fin fè plizyè ane ap travay di li toujou enpòtan pou w achte yon ti moso tè mete yon kote pou w fè kay ou rete oubyen fè biznis.

Donk nan sans sa, ou menm ki nan dyaspora a, ki Ayiti ki vle achte yon moso tè Aken pa ezite antre an kontak ak nou.

Ou bezwen nan sant vil la wap jwenn, ou bezwen grizon, flanman, lozandye( pou w konstwi plaj) koridò Wap jwenn.

Rele nou oubyen ekri n nan +509 374957 01.

06/11/2023

*Aken kolera*

Nan komin aken ka kolera yo pa sispann ogmante, plizyè ka anrejistre nan zòn lozandye, bodnè majorite se timoun piti. Nan yon ti pale AQUIN INFOS te fè ak youn nan paran yo jedi 2 novanm ki sot pase a, ki pa vle non l site di : lè l rive nan lopital aken vè 6h nan maten li pat jwenn pésonn. Pandan timoun nan tap vomi, dyare san rete . Li te oblije kouri nan yon klinik pou l te ka sove lavi piti li a.

Eske otorite yo nan aken konsyan de sitiyasyon sa. Jiska dat okenn otorite sanitè nan komin nan pa janm di yo mo fas ak ogmantasyon ka maladi sila.

Amos DELVA, AQUIN INFOS

05/11/2023

Sa se lekòl nasyonal Brodken, 3èm seksyon kominal Aken.

Foto: Radio Intervalle

01/11/2023

Bato sa a, M/V CYGNUS, rive maten mèkredi a nan pò senlwidisid la avèk 75,000 sak siman

30/10/2023

Jodi lendi 30 oktob 2023 komisè gouvènman Aken an Mèt Adrien EXAMA akonpanye komisè polis la Daguy MALBRANCHE lanse mouvman reparasyon kèk chanm nan Komisarya kite kraze depi kèk tan.

Sous: radyo Intervalle

30/10/2023

Komisè gouvènman Aken an mete kanpe yon kò brigad ban 2è seksyon kominal Aken . Kò sa ki gen ladan anviwo 60 manm gen pou misyon bay sekirite nan seksyon kominal sila a epi konbat zak vòl ak vyòl

30/10/2023

Rebwazman nan aken

Anite Alerte youn nan atis feminen kap fe pale anpil de li, swa nan kpk ak lot dosye ki gen enterè peyi bat bravo pou inisyativ plante pyebwa nan vil aken an.

28/10/2023

Yon gwoup Akinwa vle rebwaze vil Aken

Plizyè sitwayen nan vil Aken lanse jounen vandredi 27 oktòb nan mango blan yon mouvman pou plante pye bwa nan plizyè ri nan komin sila. Objektif mouvman sa, daprè inisyatè yo, se rann Aken pibèl epi konbat rechofman klimatik, nou konnen kap boulvèse mond lan depi kèk ane.

Nan yon entèvansyon l fè sou medya "Aquin et Nous", youn nan inisyatè yo, Lenz Michel deklare yo rive pran inisyativ sila aprè yo fin konstate depi nan komansman ane 2023 tanperati a nan komin nan pajanm piwo pase 90 degre. " yon siy ki lage n nan gwo enkyetid", se sal ajoute.

Nan kad pwojè sila , akinwa sa yo ap genyen pou mete nan tè anviwon 2 mil pye bwa nan 11 ri ki nan site Julien Raymond an.

dimanch 29 oktob la, yo anonse yap komanse mete 100 pyebwa nan tè.

Nan sans , gwoup sitwayen sa yo mande ak tout moun Aken kap viv isit kou lòt bò dlo pote kole pou rann inisyativ sa vin yon reyalite.

Sous: Aquin et Nous.

Aquin Infos

27/10/2023

Aken/ kolera: 5 moun mouri, 10 lòt kantamine

Maladi kolera reparèt nan komin Aken, pi presizeman nan 10èm seksyon Giran. 5 moun deja mouri anba maladi sa 10 lòt kantamine. Se kazèk zòn nan, Sympson Bruny ki konfime enfòmasyon an nan laprès jounen vandredi 27 oktòb la.

Kolera pa sispann fè dega nan peyi dayiti. Nan yon entèvansyonl fè sou radyo karayib maten vandredi 27 oktob la, kazèk 10è seksyon kominal Aken an, Sympson Bruny fè konnen maladi sila deja fè gwo dega nan seksyon l ap dirije a. 5 moun mouri ak 10 lòt deja trapel .

Otorite lokal la ki montrel enkyè pa rapò ak fason kolera ap mache sou popilasyon an lanse yon apèl ak otorite nan sante piblik pou fè yon entèvansyon prese prese nan lokalite sila yon fason pou frennen pwopagasyon maladi sila a

27/10/2023

Yon moun mouri ak 2 lòt blese nan yon aksidan sikilasyon Aken.

Wout yo pa sispann fè viktim. Yon moun mouri, 2 lòt blese, se bilan Yon aksidan sikilasyon Ki fèt jodi jedi 26 oktòb 2023 la sou wout nasyonal nimewo #2 a, Aken zòn kafou Batis.

Daprè enfòmasyon yo se yon kamyon Ford ki antre an kolizyon ak yon kamyon Mak ki imatrikile TM-23451.
Sa rive nan moman kamyon mak la te fin debake siman nan yon depo nan zòn nan tap eseye vire pou li pran direksyon lwès, se konsa kamyon Ford la ki se yon kantè tap rantre nan sid al pantan sou kamyon trelè a ki lakoz kantè a chavire.

Sous/Foto: Radyo Intervalle

25/10/2023

Istwa plaj Gelée Okay

Gelée Beach se youn nan plaj ki pi gwo, pi bèl, pi popilè e pi frekante nan peyi d'Ayiti. 'Étendue sur plusieurs kilomètres de côte, cette plage est l'une des plus grandes références du Département du Sud en matière d'espaces de loisirs, de détente et, sans conteste, de la gastronomie traditionnelle haïtienne'.
Si yon vizitè al Aux Cayes ou pa antre Gelée, se kòm si vizit la pa byen pase.

Istwa Gelée marinen ak fondman vil Aux Cayes menm, piske fanmi sa-a konte 'parmi les premières familles françaises qui s'établirent dans la région au début du 18ème siècle'. Ansanm avè-m nou pral pase fèy listwa pou-n pote bon jan limyè sou li.

Charles GELÉE, originaire de Nantes (ki se youn nan pi 'grands ports maritimes qui connectèrent la Métropole avec les colonies françaises pour faciliter le commerce d'esclaves), arriva à Saint-Domingue vers 1720. Il s'établit bien vite dans la région des Cayes - après que les autorités coloniales donnèrent l'ordre aux citoyens français d'occuper la partie Sud du territoire.

Papa misye, ki te rele Charles GELÉE tou, 'fut le Doyen des Conseillers de l'Amirauté de Nantes et un ancien conseiller et échevin de cette ville, puis secrétaire royal au Parlement de Bretagne (vers 1731).

Charles GELÉE Fils, un planteur blanc, épousa Aux Cayes, le 28 Janvier 1728, Marie-Catherine BOISROND '. Maryaj sa-a te debouche sou yon fanmi 6 pitit: Charles-Claude, Joseph-Hyacinthe, Marie-Catherine, Marthe, Charles-François ak Jean-Baptiste. Gen nan yo ki te fèt sou bitasyon Gelée ke nou abitye travèse pou-n antre sou plaj la, gen tou ki te fèt 'en Fance'.

Marie-Catherine BOISROND, madanm misye, 'fut la tante des frères BOISROND qui marquent très fort l'histoire d'Aquin (les père, père adoptif, oncles et parrain du célèbre héros de l'Indépendance et écrivain BOISROND-TONNERRE). Femme de couleur libre, son statut fut l'objet d'une polémique et d'un procès qui facilitèrent l'essor de sa famille dans la société coloniale'.

Gen youn nan pitit Charles GELÉE Fils yo 'qui influença non seulement la société cayenne, mais aussi celles de toute la partie Sud de la Colonie: Charles-Claude GELÉE, l'aîné'. Misye te fèt Aux Cayes an 1729. Mwen paka di w si misye te fòme nan koloni-an oswa 'en France. Mais, il fut un personnage instruit'.

Charles-Claude GELÉE, menm jan ak lòt frè-l yo, te sèvi 'au grade d'officier dans l'armée royale et dans la milice coloniale. En 1787, il devint un important capitaine de la Milice Montée des Dragons. Et, étant que haut-gradé de la franc-maçonnerie, il fut membre de presque toutes les loges du Sud'.

Anplis, misye te pase plizyè ane ap jere lòj nan Aux Cayes ak Cavaillon. Bon rapò misye te gen'yen ak kouzen-l yo, 'les frères BOISROND', te pòte-l ede anpil moun Aquin inisye nan lòj swa Aux Cayes swa Cavaillon swa Fond-des-Nègres oswa Anse-à-Veau. Epitou, misye te kole tèt ak gran-don milat Aquin yo 'dans la lutte pour l'égalité avec les blancs'.

Nan ane 1760 yo, kolon blan yo, 'par le biais du Conseil Supérieur de Port-au-Prince', te kòmanse ap pran yon 'série de mesures arbitraires contre les personnes de couleur ou d'origine africaine nées libres'. Yo te mèm dekrete pitit blan ak fanm-nwa pa dwe pote non papa yo. Sa vle di ke yo paka eritye byen papa yo tou. Blan nan Aux Cayes te kouri rimè ke manman mesye-dam GELÉE yo te yon 'africaine'.

'En Mars 1768, Charles-Claude GELÉE réclama une enquête par le Conseil Supérieur de Port-au-Prince. Car, Marie-Catherine BOISROND, bien que descendant de deux juges coloniaux, traça ses origines comme étant liées à un mariage célébré à Saint-Christophe (actuel Saint Kitts) en 1698'.

La-ba sa-a kolon blan fransè yo te gen repitasyon marye ak fanm-nwa oswa ak 'indiennes' yo. E, manzè te di 'que sa grand-mère fut une indienne née à Saint-Christophe'.

Sepandan, kòm Marie-Catherine te pèdi 'son certificat de baptème, le Conseil Supérieur de Port-au-Prince' te bije mennen ankèt la pi lwen avan yo deside 'que ses origines ne posèrent aucun élément de doute' e ke fanmi GELÉE te ka 'continuer de j***r des privilèges de leur classe.

Charles-Claude GELÉE prit la direction du domaine familial avant même que ses parents décédèrent. Il l'a rendu beaucoup plus prospère par une meilleure orga- nisation de la culture de la canne-à-sucre et du riz'. E, gras a travay-di esklav nèg-nwè yo, misye te reyalize plis richès - 'donnant ainsi beaucoup plus de notoriété à sa famille'.

Revolisyon ak Gè Endepandans-lan te demantle fanmi GELÉE. Yo te epapiye toupatou. Anpil nan yo te janbe 'en France'. Kèk te al 'en Louisiane'; kèk lòt te fè vwèl pou Jamaïque.

Nou jwenn yon Charles GELÉE ki te yon 'prêtre né à Nantes et qui décéda aux Cayes le 28 Mai 1762. S'agit-il de Charles-François GELÉE?' - Nou pa konnen.

Anfen, gen tou Pierre-Nicolas GELÉE de BOISROND ki te mouri aux Cayes le 20 Décembre 1785.

À S U I V R E...

Tèks: Guy Claude Edouard

25/10/2023

Dupré BARBANCOURT, né à Aquin, Haïti et décédé à Paris, France, le 16 Novembre 1907, fut le co-fondateur (avec son frère Labbé BARBANCOURT) de la distillerie et du rhum Barbancourt. Il devint Consul Général, Chargé d'Affaires de la République du Libéria en Haïti au début des années 1900.

Tèks ak foto: sou paj Guy Claude Edouard

22/10/2023

Pwosesis sètifikasyon avoka nan bawo Aken an bloke.

5 mwa depi l enstale, komisyon ki chaje pou verifye pyès chak grenn avoka nan bawo Aken paka fè travay li. Rezon an, daprè enfòmasyon yo , gen yon pakèt avoka nan bawo a ki pajanm ka jwenn pyès pou yo bay.

sitiyasyon sila a lage gwo pale anpil nan tribinal la, an patikilye, anndan bawo a. Kèk sitwayen ki toujou frekante kap opine kwè se paske gen yon bann avoka kifè fo papye , kipat reyisi swa nan reto oubyen filo vwa inivèsite ki lakoz sa. Pou yo, moun sa yo te bay gwo lajan pou entegre bawo a.

Nan sans sa enstans lan fè konnen l kontinye ap tann tout òm de lwa yo pote dokiman pou travay sètifikasyon an kapab fèt jan batona te prevwa sa.

Nap raple se nan mwa Jen a pase a Batonye lòd avoka Aken an, David Jacquet , te soti yon sèkilè pou mande tout manm bawo lap dirije a pote pyès yo yon fason pou sètifye chak grenn avoka.

AQUIN INFOS

21/10/2023

Ou nan zòn Aken? Fondènèg ? Zangle ? Senjòj? Wap òganize gradyasyon? Yon konkou? elt..ou bezwen bay fè plak donè oubyen Meday? Ebyen ou gen yon sèl atelye pou w kontakte : DELV'ART. Pa ezite. Bon sèvis pou yon tikras lajan. Kontak la se: +509 48 44 9369