我係小編同大家分享及討論最新Digital Marketing及Social Media資訊，分享各小編實戰貼士，還是教學書「第一次做小編就上手」的作者！
#小編隨噏：Friday Blue - 國際藍畫面日💻🟦
今日Windows 國際藍畫面日，唔單止影響喺機場返鄉下嘅港人，令世界各地交通、銀行同商業活動受到影響，Don Don Donki連POS都用唔到。同朋友同事講開即刻分成兩派，第一派不嬲都唔支持AI，話有AI又點？唔係有用Copilot debug咩（笑咗）？點解救佢唔到？另一邊就覺得GenAI係萬能聖藥，話就係冇用AI幫手所以攪咪出事囉。兩邊都好極端同唔係好認清件事係咪AI可以預防到，遲下再講講公司同同事嘅GenAI趣事。
我反而想睇對家/同業會唔會出嚟抽水😂同埋咁大單嘢會點賠償呢？大部分MSA都講到自己99%運作正常，出事都有賠償上限，但呢次應該冇得走留名睇點收科。
#國際藍畫面日
#我係小編
#小編筆記: Reels影片教學全集 - 30多個實戰技巧x例子
成日收到問關於Reels嘅問題，今次由統計數據、技巧同例子一次同大家分享，詳細內容喺晒圖入面，Feed字會List返咁多個Point俾大家方便閱讀。希望新手老手都有所得益，以下係Reels影片教學全集嘅內容主題：
1️⃣Reels小小大數據：一齊睇下Reels有幾多人用同幾犀利。
2️⃣尺吋大小安全範圍：1080x1920px有咩好處？
3️⃣影片長度：支援最長90秒，有俾建議大家應該做幾長。
4️⃣用Reels說故事：點解要做有故事性嘅Reels？
5️⃣影片內容分佈：Reels嘅內容點鋪排。
6️⃣有樣有人味：據統計顯示有人樣嘅Reels CTR成效較好。
7️⃣影片內容標題：影片標題十分重要，仲有方法快捷後加標題。
8️⃣出Reels頻率：一星期出幾多條Reels好？
9️⃣音樂及聲效：加聲怕唔怕啲人Mute咗聽唔到浪費心機？
🔟影片模板及音樂：用Template Layout同音樂方便又快捷。
1️⃣1️⃣Reels互動貼紙：Reels好似Stories咁可用互動貼紙啦！
1️⃣2️⃣-2️⃣1️⃣10個Reels內容點子。
2️⃣2️⃣-2️⃣9️⃣8個Reels過場及拍攝手法。
3️⃣0️⃣-3️⃣3️⃣4個Reels實戰品牌例子。
鐘意嘅麻煩大家CLSS(Comment, Like, Share & Save)，謝謝支持！
#我係小編
#小編想當年：Pitching⚡️Pottermore🪄
新嚟嘅Intern好有興趣知大家遇過嘅工作趣事，上星期飲嘢同佢分享咗當年Pitching嘅經驗。喺英國有幸參與Pottermore(Wizarding World前身)嘅Pitch - 一個整合所有Harry Potter(下稱HP)資訊、粉絲討論同產品嘅官方網站，一個滿足所有HP迷嘅官方頻道，Scale好大所以拆做好多部分由3-4個部門負責，當年由Senior帶住做Art Direction、諗新功能同Demo，Overall大橋由之後有份做倫敦奧運Branding同事負責，來來回回玩咗3個幾月，去到Final Pitch大家都覺得準備充足嘅情況之下輸咗😥，輸在「唔夠死忠！唔夠愛！唔夠真！」。
Present當日所有人都打份過先出發，著住霍格華茲校服，手持Wand，ECD膊頭有隻假嘅白貓頭鷹，先嚟一句現形咒(Aparecium)打開序幕，過程流暢冇冷場又多互動，諗住十拿九穩，公佈輸Pitch大家都好驚訝輸咗啲乜？問返個客知道贏嗰間係PR底公司，當日派個Intern做主將，佢有Drama底加埋係瘋狂嘅HP迷，帶埋本睇到溶溶爛爛有羅琳簽名嘅書用5分鐘講身為粉絲有幾開心可參與呢個Pitch，再以忠粉角度講Pottermore應有嘅原素，冇互動Demo得Mockup，全程靠Intern精彩真人演出成功打動金主，最後仲可自肥同JK羅琳瘋狂對話。
輸係唔抵但輸俾個死忠粉絲真係冇計，但對家知道硬碰硬冇勝算不如搏一搏點知俾佢扑中，之後另一場合見返忠粉intern佢講當年其實好興奮，Present嗰陣不斷輸出甚至冇跟Script因都打定輸數倒不如將自嘅感覺講哂出嚟，佢當然係win-win贏Pitch即有份長工可惜嘅係成個Pottermore Porject玩唔夠3年要轉，但呢次經驗都真係幾特別。
呢期愛上分享啲小編技巧以外嘅故事，想聽多啲俾啲反應有機會再講吓歐洲同香港嘅廣告xDigital工作趣事。仲有仲有，Threads因字數關係會減短到500字，IG同FB會多返少少細節，請大家多多支持🙏🏻
#我係小編
#小編推介：自加人工必備出糧工具！
好多小編都係Slasher，身兼多職除咗自由度高仲可以搵多啲錢得閒可以旅行放鬆吓，但個市唔好小編想加人工都難咗。而家恒生虛擬 KOL 兼 Slasher Hazel 就到處試工，最近連譚仔姐姐呢份工都撈埋，仲為我地介紹恒生 PayDay+ 做出糧戶口！只要係恒生Mobile App登記 PayDay+ 兼轉用恒生出糧可享高達6%港元儲蓄年利率，變相加人工！仲有一系列其他優惠，無論你想出糧後去旅行、買保險定投資，恒生都幫你賺到盡！快啲瀏覽 hangseng.com/payrolloffer8 了解更多啦！
最緊要而家新客戶開立 Preferred Banking 可享總值超過 $5,000 獎賞！快啲下載恒生 Mobile App 開戶啦：https://qr1.be/R2XN
除另有註明外，PayDay+ 優惠及Preferred Banking 獎賞推廣期至 2024 年 6 月 30 日。以上優惠受條款及細則約束，詳情請向恒生銀行有限公司各分行職員查詢或瀏覽 hangseng.com/payrolloffer8。借定唔借？還得到先好借！
此推廣適用於身處香港人士。
以上資料由恒生銀行有限公司所提供。
#恒生銀行 #恒變生無限 #恒生出糧戶口 #人工加 #全城人工加 #我係小編
#小編筆記：Threads十大注意事項
上年出Threads玩咗兩星期之後做CD-ROM，上星期回歸試咗各種玩法，大家可去我哋Threads 睇睇，同呢邊唔同我哋分享好多職場生存技巧，以下分享10個Threads注意事項（第十點好重要）：
1️⃣同好群：FB/IG主打朋友群，Threads就針對有共同喜好者，冇Fol但有共同興趣會見到相關內容，平台主張擴大同好而家好易接觸新朋友同上粉。
2️⃣粉多未必紅：平台以同好優先所以跟蹤咗但未必睇到新文，粉絲多但都爆唔係次次爆，粉少內容到位都可跑出，粉絲數量不再是重點。
3️⃣流量密碼：多互動、長停留時間閱讀會影響接觸量，有投票功能引互動，簡單問題亦好常見，適當發文時間（返工、午飯、放工及週五、六晚）！
4️⃣寧濫勿缺：曝光率同出文頻率疑似掛勾所以冇高質Post都可短打出心情雞湯文保持熱度，長短Post日日 出可穩定成長。
5️⃣內容方向：廢文之外，Memes、少布同獵奇相都吸引眼球，正經Mode就出知識學習型、個人經歷、職人技巧及實用問題/分享。
6️⃣媒體格式：同FB/IG唔同Threads唔洗有片有圖，純文字都可以跑出，內容方向同熱度比媒體更重要，亦方便小編可減少製作資源。
7️⃣三行定律：IG App會建議Threads文，建議時會顯示頭三行所以頭三行極度重要，可用第一行做標題，如有圖會縮小放右邊。
8️⃣字字珠璣：觀察及測試各類型Threads文長文有助跑數但字數不過500，盡量分行/段較易睇同可霸多啲位，建議在標題加Emoji。
9️⃣真性情：玩得Threads要放下品牌、KOL嘅達人包袱，不妨多啲分享慘慘經驗、工作日常、多發問並引發同理心吸引互動！
🔟IG跑數必備：睇圖第十點呀，我哋過去一週嘅Threads同IG實戰經驗！
玩Threads帶動IG曝光率大增，零廣告零新IG post都加Follower，同埋未有廣告同植入式產品介紹所以大家可安心玩，總之冇包袱地玩就好。
#我係小編
#小編筆記：Instagram 輪播爛圖錯圖解決方法
自從 Instagram 可以出 10+張圖做輪播之後，成日都想借啲意用多啲，但除咗第一次用冇事之外之後幾個 Acc 用都出現圖片重複、黑圖同爛圖等問題，Del Post 再出出到唔知邊次先得真係心力交瘁。經過幾十次出完即 Del 嘅經驗終於搵到個9成冇事既方法，無論你有得用10+未都睇定先，睇哂呢個 Post 啲圖就知答案啦！請多多支持！
#我係小編
#小編筆記：META AI 生字生圖生片同你試
新鮮出爐 Meta AI ！Meta 官方宣佈今日開始 FB, IG, WhatsApp 同 Messenger 都可以用 Meta AI, 我哋同大家試用睇下有幾勁 ! 以下講返啲重點想睇詳情圖入面啲字啦：
1️⃣Meta 官方產品一定有對平台嘅獨特性, 介面方面易用唔洗轉台唔俾你離開 Meta。
2️⃣引用 Google （有埋 Link ）即時資料即時性大增。
3️⃣生圖同其他工具差唔多, 手指問題仲有但人物面相算自然， AI 味仍然有但唔算太濃。
4️⃣生片唔OK
5️⃣唔識中文！
6️⃣香港未有得用！暫時得美國、澳大利亞、加拿大、加納、牙買加、馬拉威、新西蘭、尼日利亞、巴基斯坦、新加坡、南非、烏干達、贊比亞和津巴布韋可以用。
7️⃣唔及 Gemini ( Meta AI 唔識 Google 我係小編呀....) 。
我知香港未有得用但當佢學好中文應該就有，大家覺得 Meta AI 幫唔幫到手定係都係一般般呢？大家去 IG 睇返呢個 Post 會開心啲 (一樓有 Link)。btw, 未有 Whatsapp acc 有，如有小編有可 screencap 個樣睇睇。
#我係小編
#小編日常：搵工轉工
而家出面好多位炒咗或現職走咗之後都唔再請，個市唔好開少咗位同要縮減人手，但身邊總有小編因各種原因想轉工，剛返新發現環境同工作都不似預期而萌生轉工念頭。
上星期有朋友辭咗份半年唔夠嘅工，人工OK公司名都可以但做嘅嘢有啲浪費時間，唔算係上咗賊船但如果有更好機會就算辛苦啲都應該走，所以一有 Offer 就建議佢走咗先再算。過去幾個月好多小編都問轉唔轉工好，通常第一句都叫佢地搵咗先，但如果現職已經好忙要行出第一步都唔容易，所以可先諗諗以下幾點：
#人工：最實際嘅衡量單位，而家份工/ Offer 人工算OK 嗎？諗得走都係唔滿意而家人工，咁新工多幾多％？多幾多都好過幾個月都會習慣，反而要睇新工加薪比率，個人覺得冇15%都冇著數，如20%以上就係正常啦，但記住老細都計過數出幾多糧好有可能喺工作量度表現出嚟。
#前途：無論係進升機會、有冇嘢學、公司名聲、類別同規模會幫到你搵下份工，有時啲人唔理你實際做過啲咩，公司名響都夠照，好多人會用公司名去騙工，唔係叫大家有樣學樣但公司名最主要係用嚟過 HR。進升機會就要睇 Team Structure 同公司發展，One Man Band 進升機會唔多但多嘢做多嘢學。另外喺出名難頂嘅公司做得耐都係一種成就。
#滿足感：每個人對滿足感都好唔同，有啲人冇嘢做會想走，做啲嘢覺得冇價值又想走，但我會叫大家諗當前你最想得到嘅係咩，新鮮人要有嘢學唔怕忙，老海鮮要安穩薪高糧準，多年冇升嘅想快啲升一級，想自己攪公司接外快嘅想要人脈同多啲 Free time，所以轉工要諗好自己個 Objective 唔好轉完都係原地踏步或面對相同嘅問題。
想搵一份工滿足哂以上三個願望？Sorry 就算有都唔多同做緊嘅人身在福中不知福唔會睇呢個 Post。大家諗轉工都總有好多理由，有錢做得耐就話冇成就，冇錢就話做咩做得咁辛苦，同一樣嘢做得耐又話冇新鮮感同冇嘢學，但大家冇錯，人會隨時間而改變尤其 Digital 員工同 Digital 市場一樣轉得咁快，所以好多小編都定期諗轉工㗎。歡迎 PM 分享或傾下搵工轉工問題，有問必答但一定唔快（我都打緊幾份工）。有需要亦可去我哋嘅 Facebook Group 小編 R Job Market 睇睇。
#搵工
#轉工
#我係小編
#小編日常：Facebook 應唔應該@所有人？
Facebook 上年開始可以俾 Page/ Group 小編出 Post/ Comment @所有人，即係 Tag 所有 Follower，佢地會收到 Notification，但小編應唔應該用同幾時用好呢？
我哋粗略計過 Page 使用 @所有人比 Group 多30-40%（可能 Group 求生意志冇咁強），而暫時用嘅 Page 多數係中小企，使用量比媒體多30%，例子如下：
1️⃣新產品發佈/開售
2️⃣多謝大家支持
3️⃣出咗新Post（任何內容）
通常被@入去睇原來係普通 Post 覺得有啲小題大做，冇正式做調查但身邊嘅小編都有同感，覺得@我應該同我有關唔係咩都開地圖炮，而個 Notification 只係話某某 Page/ Group @你冇內容其實都好難吸引人入去。
我哋之前都有用過幾次，發現用咗都唔係返多好多數，因本身對 Post 有興趣嘅 Facebook 已經派咗俾佢入埋去睇，如果要通知先知即係本身對個 Page/ Group 嘅興趣不太大，你 Send 10 個 Notification 俾佢都唔太幫到忙，最大問題係被 @多兩次會嬲有可能會流失粉絲！
講咁耐係咪叫大家唔應該用？但佢可以免費通知 Fans 挑戰 Algorithm 喎！我哋建議係唔到非必要都唔好用，就算用都唔好短時間內用，個人覺得每月用一次都太多，半年到一年冇咁覺眼，使用建議如下：
1️⃣終極年度產品/服務（一年重中之重嗰個 Post）
2️⃣重要或特別通知如結束營業同會影響服務嘅資訊
唔 @所有人 但反而可@頭號粉絲 因佢地都係忠粉但都唔好太過份，最好係同頭粉有關同一至兩個月一次就好了。本嚟想@所有人去出呢個 Post 但都係算啦唔好騷擾大家😂
#我係小編
#小編隨噏
今日應該放完哂假返工啦！返工前睇下我哋有咩噏？之前有小編問關於內容轉化同出抽水 Post 嘅問題，上星期 孖劇亭 亦喺講 Conglomerate 業績當中提到貼文互動量與業績關係，我諗好多小編同老闆都會問做 Social 做得好有咩用？如果做到過過千 Post Like 同大堆 Fans 對業績有冇幫助？
拆解以上問題前講講返數先，同業績扯得上關係嘅數就唔止係互動量，仲要有人俾錢先算返到數，好多品牌都係賣產品服務，無論業務有實體鋪定網上商店，賣咩都好都係返到單先算入帳，當然業績好與壞仲有好多因素，可能唔係 Social 做得咁好業績仲差呢！但如果要用內容角度去睇，先了解社交內容對消費者購買行為嘅影響。
大家一日睇咁多 Post，要用戶睇完個 Post 去買產品服務除咗價錢吸引更加要吸引用戶注意，如果隻隻都係老正 Post 平鋪直敍賣貨真係好悶，小編為跑數們各出奇謀用唔同手法去吸睛，希望將產品服務資訊帶俾大家而做貼市、唔離地同令網民有共鳴嘅內容去吸引大家注意，提高互動量帶動派俾更多人睇增強曝光，而最貼市嘅就一定係抽時事民生水同玩味重嘅話題。
抽水同玩味重嘅 Post 所得到嘅 Like 多數會比產品介紹嘅多，但諗諗網民俾 Like 嘅出發點係咩？大部分 Like 都係俾抽水同玩嘢行為，對品牌嘅愛同對品牌形象嘅讚賞，完咗之後會記得邊個品牌抽邊個水抽邊件事同玩咗啲咩，但有份抽水嘅產品服務就冇咩印象，抽水 Post 吸返嚟嘅 Fans 好多都係想再睇抽水 Post 而 Follow。所以業內公認高質素內容嘅品牌都唔只係一味抽水，Content Mix 除咗抽水仲有其他 Content pillar 如產品服務介紹同用戶口碑，當大家有需要購買相關產品嘅時候就會較易聯想到：「啊！呢件嘢邊個邊個好似有得賣喎！」，咁當然都有直接返單嘅機會啦！
要做好 Social Content 要識抽真係唔容易，做到網民會等佢出 Post 睇佢點抽仲要出手快、狠同準，所以如果唔太有把握就唔好亂嚟，做得唔好弄巧反拙影響品牌形象就唔好啦，見過唔少眼高手低嘅抽水 Post 睇到個人好尷尬。
講完品牌講下自媒體/KOL，而家網媒有 B2B 同 B2C 兩條返數方法，B2B 嚟自廣告或品牌合作，將品牌嘅產品服務宣傳俾讀者增加曝光率，B2C 如 YouTube 、Meta 都有內部分成，加埋 Patreon 及其他訂閱平台令 B2C 成為另一條自媒體/KOL返數新出路。
當品牌或 Media agency 搵台嘅時候除咗睇價錢仲會睇粉絲數量、Post 互動量同內容。粉絲多唔代表接觸量一定大但媒體基本上都係睇人數當收視，就算 Fans 多但質素好重要，如全部都係 SEA 粉想搵本地客都幾難。Post Like 要多先反映到有人睇，留言就要睇埋內容，如介紹新嘢會好多 Tag 朋友嘅 Comment，實用知識 Post 就會多 Share 多 Save。Post 內容要有獨特性如分析、評論或最快最新嘅資訊就容易上到粉返到數，大家訂閱你個台都係對你個人或打造出嚟形象嘅支持，所以一定要有個人風格，抽唔抽水就睇返自己人設啦，唔好太盡亂搶 Foc 一陣跟車太貼燒襯。
所以品牌做 Social 多 Like 多互動雖然未必可直接轉化做錢，但對 Branding、PR 同為日後做轉化鋪路絕對有幫助。而自媒體就真係要多 Like 多 Fans，但要留意質素唔好打嗎啡亂買假粉。今日講住咁多，祝各小編有美好的一天（為今早開09會自我勉勵中）。
#網上圖片
#冇食到蕃茄炒蛋新地
#我係小編
#小編筆記：Instagram 貼文圖片影片尺寸及實戰2024
今年唔出文住出咗 Post 先，Instagram Carousel 可出 20 張相於是做一條長相同大家講講各個貼文格式嘅圖片/影片尺寸，仲加多咗 Carousel、Reels 同 Stories 嘅例子，尤其 Reels 內容劇本值得留意，想得到最佳體驗去 IG 搵返睇呢個 Post 嚟睇啦，Instagram search：imsiupin，留言有 Post Link。做呢個 Post 用咗唔少時間希望大家多多支持。
#小插曲：頭先 IG 出幾次都喺第10張相之後重複同一張圖或黑畫面... 試咗幾次發現出多圖有個小 trick，仲 FC 緊但有興趣知可 PM😅。
#我係小編
#小編日常：IG 又壞咗？Boost Post Like 去咗邊？ #已經冇事鳥🐦
好多小編都用 Instagram In-App boost post 去跑 follower 順便追埋 post like，因為不嬲用呢個方法返到嘅 like 會顯示喺原 post 上面。呢兩日發現 Instagram 用廣告得來的 post like 冇顯示喺原 post（Organic仲有），但後台 Insights 上又正常顯示，不嬲都加哂做面數無啦啦先嚟分家，當以為可能壞1-2個 post 嘅時候原來之前所有 boost 過嘅 post 都突然被「分數」令小編月尾交數要諗點解畫，呢次係 Instagram 又壞咗定係偉大嘅 Meta 準備俾小編們新嘅挑戰呢？LM 睇更進... 最新消息, 冇事了！
#好壞唔壞月尾先嚟壞
#我係小編
#小編隨噏：23條會帶來抖音嗎？
尋日同朋友傾開廿三條通過對小編嘅影響，以下係最值得同大家分享嘅內容。2020年因國安法問題而香港冇得用抖音（TikTok），如今廿三條三讀通過，香港安全到一個點，係咪即係好快就有得用抖音或海外版的 TikTok 可瘋狂睇科目三？個原因唔係我亂噏㗎，以下係2020年7月11日 SCMP 關於 TikTok ban 香港嘅文章節錄：TikTok announced earlier this week that it would be pulling out of Hong Kong over a sweeping new national security law imposed by Beijing on July 1. 而家廿三條咨詢又做完，得絕大部份香港人支持，立會都秒過咁有行動力係咪應該獎勵我哋有得用先？
正所謂「抖音一響，全民共賞」，被稱為90後00後都大愛嘅社交媒體唔知小編係咪好快就要用嚟賣貨做直播吸本地客呢？一向都唔翻牆嘅我哋仲未有機會接觸抖音或國外使用嘅 TikTok ，只知道連 IG 都要抄佢出 Reels，美國都怕咗佢要 Ban，但仲未可以感受到佢嘅威力，希望可以早日有得用啦。
#朋友真心膠
#真心問係咪會有得用呢
#我係小編
#小編筆記：Instagram 輪播圖/片上限增至20😎
Instagram Carousel 得10張成日都唔夠位，雖然 Less is More 但都真係唔夠用，之前都有傳會增到15張而家俾多5張你總共20張圖/片令可玩性大增。我哋啱啱試完可玩好似 Facebook 嗰啲多圖留白說故事，當然出20條片都得啦！可去我地 IG 睇實戰係點！IG search: imsiupin
⚠️Desktop Upload 未 Support 多過10張！
#我係小編
#小編新聞：有建議將Facebook、YouTube等網站撤出香港市場？
話說立法會今日會討論維護國家安全：《基本法》第二十三條立法公眾諮詢，喺立法會CB(2)258/2024(01)號文件第171頁「其他」部分有一點係：建議將Facebook、YouTube 等網站撤出香港市場。下一點係Telegram, signal及部分加密通訊軟件成爲犯罪分子罪惡溫床，並 具有統領行動，發布煽動消息等性質。23條應禁止相關通訊軟件 在香港使用。好想知邊個會有以上提議呢？
而有趣嘅係喺169頁入面嘅「宣傳推廣」有一點：需加強Facebook, Instagram, 小紅書，抖音等宣傳的工作。咁即係 Ban 唔 Ban 呢？在線等～！冇提 IG 即係 Instagram 冇事啦！好嘢出個 Post「宣傳推廣」先！
#廿三條
#我係小編
#小編推介：MarketingPulse X eTailingPulse 2024 三大私心推介
每年各個業界活動就算唔去都會睇下有冇相識或吸引嘅講者同嘉賓，最緊要睇下有冇有趣嘅 Topic，今年 MarketingPulse X eTailingPulse 睇嚟都要入場因為有齊以上嘅嘢，大家可以睇睇我哋嘅三大私心推介。
✴️Topic 及演講嘉賓（排明以私心分先後）：
1️⃣Zack Kass！今年最吸引小編一定係 Zack Kass，身為 OpenAI 嘅前 Head of Go To Market 同上年咁多新聞大家應該都識佢，今次嚟香港 MarketingPulse X eTailingPulse 會講「AI在全球營銷行業的應用」，我諗 Zack Kass 應該係最有說服力講呢個 Topic 嘅人，冇佢嘅推動我諗 AI 都冇今日咁百花齊放！尤其對做 Digital Marketing 嘅我哋就更為重要，大家一齊聽下大師會講啲咩！
2️⃣9GAG & Memeland 嘅 Head of Social - Karen Cheng 做嘉賓及 Darewise Entertainment 嘅 Timothée Semelin 做主持講「迷因如何改寫Web3時代品牌體驗及內容創作的未來」，由 9GAG 講 Memes 喎！都好難有第二個更適合，之前有幸同 Tim S 夾過嘢傾咗好耐計，佢對 Digital 產業及 Web3 都有獨特嘅睇法。9GAG 嘅 Memes 大家可能日日都有睇，呢年 Web3 同 Memes 行得咁埋所以呢場好值得留意。
3️⃣ OnTheList 嘅 MD - Giovanni Musillo 會講「以永續發展和迴圈經濟開拓零售新藍海」，OnTheList 都應該係亞洲第一個 Member Based Flash Sales 平台，以 Sustainability 概念幫助品牌將去季產品轉化成商機，品牌點可以通過大熱嘅 Sustainability 同 CSR 產生 Synergy 做到 Win-Win？呢場都絕對值得留意有可能啟發到新機遇呢！
除咗以上三大私心推介，MarketingPulse X eTailingPulse 仲有其他 Topic 同嘉賓，最緊要係同一時間見到咁多業界高人同了解 Marketing 相關嘅最新動向，Tip 埋 NAVER Z Corp 嘅 Jungsuk Jay Lee 都好吸引，唔講啦再講就成本場刊放上嚟。想去可睇以下詳情（仲有小編成功爭取嘅優惠價）：
⏰ 時間：2024年3月13日 9:30am - 7pm
📍 地點：灣仔會展
ℹ️ 活動詳情：https://marketingpulse.hktdc.com/conference/mp/tc
🎟️ 報名買飛：https://bit.ly/3VeGaEH
🈹 記得用我哋個優惠碼✨"NFL14J7P" 可以HK$585買論壇通行證🎟️ (正價HK$1,950)。
#我係小編
#小編隨噏
尋晚同朋友講開個大紅心心高高掛 Campaign，本嚟冇咩興趣但日日都見有新聞，Media friend 有新聞稿 Send 嚟睇睇少有地好多 Online Data，不如同大家睇睇個 Campign 值唔值？
官方話成壇嘢用咗 $7.8M 我估包埋搵公司做研究同分析，根據市場策略研究同 Brandwatch 嘅報告，第一日四個展出心心嘅地點有65,524人參觀，其中20.7%係遊客，照估計有人行過就當「參觀」，佢仲勁到Define 到邊啲係遊客。另外有社交平台嘅數據，聲稱頭幾日有 180,000+ Engagement 同30,000,000 Reach，咁我哋用 Run 商業 Campaign 落 Media + Production 角度去計計。
當落 Ad $0.05 per reach，30,000,000 reach 即係$1,500,000，180,000 Engagement 當落 Ad 唔叻 $8一隻咁就要 $1,440,000，加埋就係 $2,940,000，AC 收20% 落 Ad 總共要 $3,528,000。另外搵 PR 公司安排 Press con 又咁多大官貴人要湊同 Pitch Media 要 $300,000、Production 連 Setup 氣球當係淘仔貨加人力運送咁多個 Pop up 要 $200,000 、要搵咁多 KOL、KOC 同 Media buy 打卡報導都要 $1,000,000、Research 同大數據公司 Social Listening 仲要咁快出 Report 隨時係 $500,000，以上費用應該唔齊都成 $6M，同官方嘅$7.8M 又唔係差好遠，係唔係水魚真係見人見智，當大家記得屏山10萬一條單車柱同用一億捉老鼠就覺得啲心心都唔算離譜，仲要個 Reach 同 Engagement 係頭幾日嘅數，玩2-3星期都應該回返本？但好希望再有 Research 講吓心心可帶到幾多 Conversion 俾香港，如果唔係同買 Page like 同睇完煙花坐老麥等天光一樣係冇大 Value。
呢個 Post 冇 Sponsor（但 Welcome，R 撈揮手區），想俾各大品牌同客戶了解下其實無論攪實體活動定 Digital Campaign 都要好多 Party 配合，條橋爆都要洗啲錢散出去俾人知先得，大家都明經濟唔好要 Cut Marketing Budget 但計計邊啲返到錢邊啲倒緊錢好唔好，利申工事上冇俾人 Cut Budget😂，係呢排做緊 Budget Plan 有點煩想搵嘢呻吓。
#心煩潮熱一陣食太太口服液
#我係小編
#小編筆記：Google Gemini✨ 7大功能介紹
先祝各小編情人節快樂♥️x開工大吉🍊！
Google 過年前將人工智慧服務 Bard 改名做 Gemini 並推出市場，除咗免費版仲推出月費 US$20 訂閱服務嘅 Gemini Advanced，Gemini 暫時只為美國及部分亞洲地區提供服務。我哋平時都有用 ChatGPT、Copilot 同 Poe 之類嘅 AI 工具，今次 Google 出手用 Brad 做底嘅 Gemini 點都要試試同埋介紹一下，小編玩咗陣同大家分享下幾個功能。
1️⃣介面及輸入：除咗 Copy & Paste 詠唱文 Prompt 仲可以用語音及圖片做參考，使用上更方便。
2️⃣即時資料及數據：好多 AI Chatbot 直都即時數據要從第二個來源輸入再用 AI 做整合同分析，Gemini 來自 Google 會從各資訊網站如財經或新聞得到即時資料。
3️⃣快速修改：我地習慣會問完一次再追加問題或修改長度同風格去乎合唔同需要，Gemini 已經預設幾個修改設定俾大家輕鬆修改，對唔會 Customize AI Chatbot 嘅用家嚟講好方便。
4️⃣分享答案：平時問完 ChatGPT 想分享俾人都係 Copy & Paste 或生一條平台嘅 Link 如 Poe，但 Gemini 就可以為問題生成類似 Q&A 的頁面，方便分享去出去俾 Gemini 用戶/ 非用戶/ 仲未有得用嘅地區用戶睇。
5️⃣相片 Prompt：已試上載美斯坐球場同我哋本書嘅封面去問但似乎基於私隱政策唔會辨別所有人臉相，反而可以基於動物相片生成新圖像。
6️⃣圖文並茂：有時問嘅問題會得出圖文並茂嘅回應，因 Gemini 會用同答案有關嘅圖去幫助理解答案，做 Research 同 Report 真係好方便。
7️⃣知識豐富😁：話說每一個 AI Model 我哋都會問問識唔識咩係「我係小編」，當然小台又點會被 Train 入 AI Model，但 Gemini 會爬 Google Search Results 所以係首次有 AI Chatbot 會講得出我哋嘅網址、page 同 Group。
今次試住咁多，有機會再同大家試下更多功能同埋 Advanced 版用後感！龍年請繼續多多支持我哋呀！
#我係小編
#小編筆記：2024年5個數碼營銷及社交媒體策略📈
@追蹤者
我係小編今年又同大家講講2024年數碼營銷及社交媒體策略，疫情已過2023下半年所有生活都回復正常，但經濟活動仲未回復疫前咁好景，好多人離港報復式消費令好多本地產業捱得過疫情反而敵不過疫後環境，聽見好多小編嘅 Budget Cut 咗唔少，Budget 少又要跑成效所以2024嘅策略應以精準同開源節流為目標，請留意以下5個建議，全文超過4500字請去 Website 睇全文，連結喺一樓！請大家今年繼續支持！如有興趣購買我係小編上年推出的「第一次做小編就上手」教學實體書（買書 Link 都喺一樓）！以下係文章部分內容：
1️⃣AI 人工智能的應用
2022年ChatGPT令AI應用不再是大企業同科技巨頭獨享的技術，普及到連中小學生都識會用 Poe 做資料蒐集，相信各小編們一定有用過 AI 人工智能幫助內容製作，可大大減少內容製作所花的時間及費用，今年應將上年的經驗整合並應到用不同範疇進一步減低成本。
🟢整合 AI 應用流程自制專屬 Bot
相信大家對使用 AI 生成文字及圖像都有一定經驗，詠唱咒文（Prompt）的應用亦有一定的心得，很多人都會把實用的 Prompt 存起來成為專屬的「魔法書」 Copy & Paste 方便使用，可說是自製 Bot 的初型。大家常用的 Poe 和 OpenAI 的 ChatGPT 亦開始支援自製 Bot，可簡單自製 Bot 方便工作如翻譯或生成指定格式與風格的文字。如在 Poe 的 Bot 受歡迎吸引用戶訂閱 Poe 可獲得報酬，OpenAI 的 GPT Store 可讓用家使用 GPT Builder 自行製作不同的 GPT 方便自用及賺錢。
⚠️第二及第三點請去 Website 睇全文啦，連結喺一樓！
2️⃣Data Driven 數據驅動的營銷策略
大家每日都接觸各類型數據，由第一方的客戶資料、查詢、對話內容及購買記錄，到社交媒體和網站行為數據，它們都有助制定精準的營銷策略，比估計及大環境的市場數據更準確及適合業務，加上過去兩年都不斷提醒大家的 Cookieless 問題，2024 年不可再「坐視不理」，看以下幾點關於收集、分析和使用數據的建議，利用數據應用到營銷策略：
🟢數據收集
Cookieless 意味着不再有第三方數據或準確度大幅下降，大家應全力收集第一方數據，所有營銷活動都要獲得有用的資料，基本資料如名稱、電郵地址、電話及接觸的渠道，之後可再進一步間接地問如興趣、產品使用及相關的問題，可透過各種營銷活動例如小遊戲和心理測驗、產品優惠、教學或不同的體驗去吸引用戶提供數據。
⚠️第二、第三及第四點請去 Website 睇全文啦，連結喺一樓！
3️⃣個人化內容
個人化（Personalisation）內容不是新鮮事，根據個人的喜好和行為提供定制化內容（Customized Content），這與第二點 Data Driven 類似但更深入及有系統地處理及分析客戶數據，很多網站和會員系統基於瀏覽及行為記錄而顯示相關的內容去吸引價買。個人化的加強版 - 超個性化 （Hyper Personalization）更會通過分析數據如個人資訊、購買記錄、社交媒體及其他活動去推算出更精準的結果，以提供更個性化的產品推薦、促銷或體驗。如業務已有一定客戶數據量就要好好利用以達到更好的成效。「個性化」和「超個性化」都需要大量客戶數據，可先從收集和整理數據開始，再整合和分析，因應不同客戶的喜好去顯示定制化的內容，加上自動化系統更可連接到網站、 App、電子郵件甚至社交媒體平台方便發佈及管理，如果大家有興趣可參考以下的簡單流程：
🟢整理客戶資料
在銷售產品服務時會獲得客戶資料，但資料往往都散落在不同地方如 Email、WhatsApp、Messenger 或電話記錄等，把它們儲存到同一地方方便分析和整理，如有資源可建立客戶數據平台 （CDP：Customer Data Platform）一站式管理，亦可由 Excel Spreadsheet 開始先整合，為日後接駁到其他工具及自動化打好基礎。
⚠️第二、第三及第四點請去 Website 睇全文啦，連結喺一樓！
4️⃣內容及平台策略
今年的內容及平台策略建議重點放到「客戶體驗」及「開源」，了解客戶的需求用不同方法鞏固現有粉絲與顧客的忠誠度，同時利用第一方數據利用即時通訊工具（IM:Instant Messaging）擴大客源並提高轉化。
🟢內容格式與用戶體驗
每年大家都關心各格式的自然接觸率，每天都有新台爭粉，各平台亦會微調接觸率做測試或重點推廣特定格式等都會影響接觸率，暫時大部分平台的短影片如 Stories、Reels 及 Shorts 的自然接觸率相對較高，其次是普通影片，之後到輪播及相片貼文。大家要記住格式接觸率不代表一切，必須考慮內容性質與格式的關係，重視用戶體驗，例如活動相片硬要用影片而做 Slideshow，為了做 Reels 將影片加快或剪碎而影響理解等，這都是沒有好好利用格式的優勢反而影響成效，應以用戶角度去決定內容格式。
⚠️第二及第三點請去 Website 睇全文啦，連結喺一樓！
5️⃣社交搜索
雖然 Search Engine 是最熱門尋找知識或產品服務，但很多年輕一輩都只會用社交媒體搜尋，如學新知道會到 YouTube 找會教學或示範、想知餐廳口碑、打卡菜式或菜單會到 Instagram 或 Facebook 群組。所以品牌服務應在各社交媒體上「插旗」，增大接觸潛在客戶的機會，亦方便他們尋找產品服務資訊，增加轉化及帶流量到主平台，可參考以下社交搜尋的好處及做法：
🟢品牌維護
建立新品牌時會註冊名稱、網域、Gmail及所有社交媒體，目的是維護品牌形象，就算日後不重點營運都要用品牌名稱注册所有平台，以免令用戶混淆或被他人注册欺騙潛在顧客，影響品牌形象，有些品牌為顧及品牌形象可以隱藏帳號，除了品牌名稱之外亦註冊令人覺得是官方帳號的文章例如加上 "official" 或 "_official"。
⚠️第二及第三點請去 Website 睇全文啦，連結喺一樓！
#小休完今年又重新出發
#我係小編
#小編日常：年近歲晚請小心Guest嘅詐騙信息
大家成日都收到垃圾或詐騙信息，但近日大量以 Guest 開頭加4個數字假扮 Meta 官方信息最離譜，離譜在佢根本連名都懶得諗，直接用 Guest 跟數字+1就用，但勁在小編一半嘅 Page 都收同隊形嘅Guest 軍隊攻擊，應該係掃完台再用AI Bot send。其實打開信息都未中招，但千祈唔好 Click 入面條 Link，唔洗睇 Domain 但水蛇春咁長都知有問題，騙徒目的都係要錢，已知嘅有以下幾種
1️⃣叫你 Login 之拎走個 Page Admin 再勒索。
2️⃣用個你個 Page/ Ad account落 Ad，如用你 Ad Account 1-2日洗一大舊錢之後消失。
3️⃣叫你 Download 嘢其實係病毒 Lock 你機。
總之記住 Meta 咁尊貴絕大部分時間係唔會主動聯絡大家！聯絡多數係同錢銀有關，即係同廣告批唔批、有冇俾錢之類，如果真係唔 Sure 可去小編正候群問問！希望大家唔好（再）中招！因我哋 Inbox 收過中招個案🫣
#詐騙信息
#我係小編
由FoolClub合作
喺觀塘傾嘢同食飯
幫襯支持豎琴唱片
一路好走RIP😢
：電郵信息整合及限時半價優惠！🎉
#小編工具 #成功爭取限時半價優惠
小編日常工作繁忙，要睇最新網上潮流又要覆 Inbox、WhatsApp 同各大小 Email，覆得慢又俾人嘈，如果重要嘅覆漏就GG，好多時唔關事都要睇或要分流搵唔同人覆真係浪費時間，之前同間中小企搵咗個 Solution 叫 Hiver 好幫到手解決以上問題！
Hiver 用 Gmail 可整合所有 Email、WhatsApp 同埋 Website Chat 仲可自動分流同 Check Status！呢個Post 留言有文章 Link 講解其他功能。口痕問代理不如俾個優惠我哋，而家成功爭取我係小編⚠️限時全單半價⚠️！總之撳入去條文章 Link 睇睇詳情入個 Code 就可以！而家仲送30日免費試用 Google Workspace！請大家多多支持！嚟緊仲有好多工具同大家介紹！
#呢排試咗好多新工具
#限時半價
#我係小編
#小編推介：AI互動影片打卡🎬‼️
WhatsApp查詢：：https://bit.ly/imboothsp
我哋唔係成日介紹其他公司服務，但有朋友介紹試玩咗套AI互動影片打卡服務，初頭以為係貼紙相機但佢勁好多，實時AR會Track動作彈唔同嘢出嚟，仲將過程錄咗可即時 Download share上Social 或 WhatsApp！公司 Annual dinner、Xmas Party 到婚禮及任何 Marketing 活動都好啱，唔係只係影張有框相咁簡單！攞 Lead 容易易轉化率唔低！有興趣可以 WhatsApp 佢哋問吓！
唔一樓出Link啦，真接Click Link啦：https://bit.ly/imboothsp
#我係小編
突破10000人💼 🎉
R Job Group 年半就過萬人，多謝大家嘅支持，反應熱烈即係好多小編同公司都有呢個需要，我哋會繼續每日寧殺錯冇放過地 Block 啲疑似唔守規矩嘅 Post，如你個 Post 被 Block 或幾日都冇聲氣可 PM 了解下，但記得 Copy 返個 Post 我哋睇睇，因可能手快㩒多咗 Block 埋你。
如團隊或公司想搵生意，我哋唔太主張喺 R Job Market 出 Post 但如真係想嘅話我哋有收費服務，用小編官方 Account 代大家出， 另一個服務就係你想小編官方 Account 同你出請人 Post 都有收費服務，我哋會問清楚你公司嘅資料唔對板或太過廉價勞工都唔會接，呢兩個服務都會 Pin Post 一星期，有意請 PM 查詢！
再提醒大家最多搵人搵工 Post 嘅犯錯位：
1️⃣ 搵工冇提做過品牌嘅名（唔接受只講類別）
2️⃣ 人工太低，無理由低過政府嘅最低工資。
3️⃣ 搵人冇薪金範圍（唔接受 PM 傾）
4️⃣ 搵人匿名（都請得人做咩咁鬼鼠？）
希望幫到大家搵人搵工，生意及事業都大展鴻圖😅🙏🏻。
#小編搵工
#公司搵人
#我係小編
#小編吐糟：我上司真係好廢🗑
小編每日除咗鬧 Facebook 同客之外嘅不滿就係上司同老細有幾廢，背後講上司基本上係每一個打工仔嘅日常，今次討論吓6種小編上司的「廢」，俾大家放吓負同想現職上司或準備上位嘅小編可以點俾人背後講少啲、打少兩個講乞嗤同做到源頭減「廢」。有機會講下好上司嘅好！大家有咩「廢」料都可以留言或 Inbox！
1️⃣廢之一： #佢真係咩都唔識
小編最常講上司廢一定有：「佢真係唔識/咩都唔識㗎！」多數發生喺空降嘅上司身上，佢嘅 Technical Skill 唔熟而出現嘅種種問題，如阿姐根本唔係呢個 Field 所以亂俾指示或亂應承客/大老細但其實做唔到，聽過嘅例子有：同事請 AL 阿客趕住落 Ad，大佬申上司唔識最後撳咗「加強推廣」。唔識GA 俾埋個 Report 佢都要問一次浪費時間，又或者唔熟流程預少咗時間做 Production/跑數等等… 外行人管內行人，總之，佢真係唔識。
點改善：冇人識晒全行嘅知識，但對業界最新動向及技術都的確要知多少少，睇多啲科技及講 Camping 嘅網站起碼要知啲 Buzzword 嘅解釋。落手技能唔夠就要盡量安排識嘅同事負責，或用方法 Buy time 到負責嘅同事處理，免得自己出醜。
2️⃣廢之二： #唔識扮識 #認叻
廢之一嘅延伸，上司為吹水或面子問題就算唔識都唔想俾客戶/上司/下屬知，乜嘢都識乜嘢都熟，App/Website/System/Search/Social 樣樣都做過，當叫大家諗橋但 Hijack 同事 Idea 並以一句：「我都係咁諗！」再包個尾就當係自己，執同事口水尾冇 Input 冇包裝直接落袋。更睇唔過眼嘅係呢種上司 LinkedIn 超多 Buzzword 吹到自己係 Digital 界嘅翹楚，但共事過嘅同事都知佢咩料，呢種「廢」十分常見。
點改善：叫大家交橋你真係冇橋都 OK 但唔好咁直接落袋，俾啲意見講兩句有建設嘅 Comment 或叫同事再深化。LinkedIn 你吹到咁大，同人講多兩句露餡就唔好，出去見工識嘢嘅人好易睇穿你。
3️⃣廢之三： #唔聽人講 #冇主見
好多小編投訴上司唔聽人意見，可能要擺阿哥阿姐款而一意孤行，覺得自己「食鹽多過你食米」，更聽過「我做 SEO 嗰陣你都未中學畢業」等真實對白，自己永遠是對的而忽視下屬嘅問題同需求，有時下屬唔想睇住佢死但總係唔聽，出事之後更埋怨大家，直線降低團隊嘅動力同效率。另一個反面係冇主見，乜都揸唔定主意，決策能力低或淆底怕死好難或好遲先定到方向，最終趕頭趕命下完成工作。
點改善：聽人講嘢唔難，要聽下屬講嘢有時係比較難，想擺款都要為件事好，聽咗意見再搵位加入同事嘅 Input 可令團隊嘅參與度提升。反之就係做得上司就係要做決策，世上冇完美嘅決定，但你升得上去即係你有辨別成功率高低嘅能力（如果冇請轉工/行），唔係要秒覆但都唔好拖得太耐。
4️⃣廢之四： #唔識講嘢
呢種上司多數出現喺剛升做中層嘅小編身上，由主要落手做轉到要管人同對客/老細及各部門嘅阿哥阿姐，亦多咗機會 Present 俾客/老細，同一時間要處理多個問題而講錯嘢得罪同事，因湊唔掂老細或得罪阿哥阿姐而做多咗嘢或較難得到協助。另因之前 Present 機會較少而過分緊張或講到一舊舊講極都唔中 Point，令好嘅橋都俾佢攪彎晒，上司會忟因浪費佢時間聽，下屬會諗你憑乜嘢做到我上司。
點改善：說話及表達能力好難一時三刻可以改，但可以習慣每次 Present 前都寫定稿，先將重點放喺第一段而盡力講完重點先自由發揮，努力 Summarize 好個中心思想或搵個唔係好關事嘅人聽聽。講嘢方面就算嬲都好永遠退後一步諗諗講咗對件事有冇幫助，冇 Value 或間場說話可講少啲，情感宣洩可盡量避免。
5️⃣廢之五： #唔識擋乜都接
呢種上司唔識/唔好意思 Say No、奴性重或想搏升而唔推 Job 乜嘢都接返嚟做，覺得做多啲老板會信你多啲同易啲上位，易做或難做甚至唔關事嘅 Follow Up 都執返嚟，接之前冇好好諗清楚點處理，接個炸彈返嚟又唔識拆，管理不善加重同事工作量，重點係呢啲工作未必可得分，結果做得唔好又吃力不討好大大影響團隊士氣同效率。
點改善：首先要了解下屬能力及資源管理，冇能力千祈唔好夾硬接，邊啲得分同伏位請好好衡量，硬食 Job 都要管理好資源預早提出問題及舉手要幫忙免得同事做死，搏還搏唔好留低同事自己食，一齊做咁下屬先會肯同你一齊搏。
6️⃣廢之六： #神隱上司
聽過唔少上司都會神隱，只有佢搵到你而你搵極都搵唔到佢，好少出現鍾意遙遠控制，出現都係遲到早退或屋企好多「事」而影響到佢嘅出現機率，經過有 WFH 之後就大量自製在家工作，令同事搵唔到佢好難傾嘢，同事亦有可能有樣學樣令團隊士氣下降，雖然可以培訓出下屬自力更新（有心了）但長遠只係慢性自殺。
點改善：WFH 係吸引但濫用會令同事覺得不公平，嘈到上 HR 你都係冇著數，同事見你出現得多同佢哋一齊工作先有團隊精神，搵你唔到同一班 Freelancer 夾 Project 冇咩分別，雖然 Digital 世界唔係一定要坐哂喺度先做到嘢但面對面溝通都係工作嘅一部分。
#小編上司
#小編工作日常
#我係小編
#世界精神健康日
10月10日係世界精神健康日，要注意自己精神健康亦要留意身邊嘅人，尤其香港人生活節奏緊張，做小編更加好易俾客俾老細迫到癲，各小編有咩問題想搵樹窿去小編正候群或者PM我哋啦，方法總比困難多，講出嚟會笑呵呵，加油呀！小編正候群連結喺留言一樓！
#世界精神健康日
#我係小編
仲想叫大家唔好再食日子…
點知真係八號（12:40），差啲中回力鏢🪃
心諗…頂！
#今日真係八號
#又打風
#我係小編
呢個好笑，送多50%分都可以咁Fun😂
#第一次做小編就上手 第二版📕
#聽說有貓就有流量
感謝大家嘅支持，我係小編嘅實體教學書「第一次做小編就上手」初版差唔多賣哂加推第二版，如果書局未見可能要再等多陣慢慢上架，另外發現有更多本地及台灣網上書店都有得賣，當然亦可直接同我哋買簽名版，郵遞方法轉用順豐到付/智能櫃取更方便快捷（女工不貼郵票了...很累），留言有各地（香港、澳門、馬來西亞、台灣等）網上買書連結。另外介紹返小編細妹🐈好乖俾我影幾張同書嘅合照，佢家姐同朋友之後亦會出現幫推😆賺罐罐錢，請大家多多支持！
#小編細妹
#貓貓貓
#流量密碼
#我係小編
Be the first to know and let us send you an email when 我係小編 posts news and promotions. Your email address will not be used for any other purpose, and you can unsubscribe at any time.
Send a message to 我係小編:
#小編推介：自加人工必備出糧工具！ 好多小編都係Slasher，身兼多職除咗自由度高仲可以搵多啲錢得閒可以旅行放鬆吓，但個市唔好小編想加人工都難咗。而家恒生虛擬 KOL 兼 Slasher Hazel 就到處試工，最近連譚仔姐姐呢份工都撈埋，仲為我地介紹恒生 PayDay+ 做出糧戶口！只要係恒生Mobile App登記 PayDay+ 兼轉用恒生出糧可享高達6%港元儲蓄年利率，變相加人工！仲有一系列其他優惠，無論你想出糧後去旅行、買保險定投資，恒生都幫你賺到盡！快啲瀏覽 hangseng.com/payrolloffer8 了解更多啦！ 最緊要而家新客戶開立 Preferred Banking 可享總值超過 $5,000 獎賞！快啲下載恒生 Mobile App 開戶啦：https://qr1.be/R2XN 除另有註明外，PayDay+ 優惠及Preferred Banking 獎賞推廣期至 2024 年 6 月 30 日。以上優惠受條款及細則約束，詳情請向恒生銀行有限公司各分行職員查詢或瀏覽 hangseng.com/payrolloffer8。借定唔借？還得到先好借！ 此推廣適用於身處香港人士。 以上資料由恒生銀行有限公司所提供。 #恒生銀行 #HangSengBank #恒變生無限 #PayDayPlus #恒生出糧戶口 #PreferredBanking #人工加 #全城人工加 #imsiupin #我係小編
#小編推介：AI互動影片打卡🎬‼️ WhatsApp查詢：：https://bit.ly/imboothsp . 我哋唔係成日介紹其他公司服務，但有朋友介紹試玩咗套AI互動影片打卡服務，初頭以為係貼紙相機但佢勁好多，實時AR會Track動作彈唔同嘢出嚟，仲將過程錄咗可即時 Download share上Social 或 WhatsApp！公司 Annual dinner、Xmas Party 到婚禮及任何 Marketing 活動都好啱，唔係只係影張有框相咁簡單！攞 Lead 容易易轉化率唔低！有興趣可以 WhatsApp 佢哋問吓！ . 唔一樓出Link啦，真接Click Link啦：https://bit.ly/imboothsp . #我係小編 #imsiupin #AI互動影片打卡 #Event推介
#小編工具：HeyGen AI文字生成虛擬主播 好多地方都用AI 生成虛擬主播報新聞或天氣，其實小編們都可以簡單地製作虛擬主播影片，就好似以下 Demo 就用咗 HeyGen AI 工具只要輸入文字就可以生成虛擬主播朗讀文字對白，仲支援廣東話，又多款造式可選擇，把聲聽落都可接受，以下分享 HeyGen 嘅使用方法。 . 1️⃣去 HeyGen 註冊（留言有Link），可用 Google/Facebook login。 . 2️⃣之後去左手邊嘅 Avatar，揀你想用嘅主播，似中港台女仔樣嘅有2位，分別叫 Angela同 Tina，我哋個示範用咗 Angela，兩位都有多款造型可選擇。 . 3️⃣揀好主播後選 Create Video，選想製作 Landscape（打橫）定 Portrait（打直）比例的影片，之後去到工作版面可先到最頂中間轉底色。 . 4️⃣畫面正中間可直接輸入文字（Scripts）俾主播讀，右手面（國旗）可選主播講嘅語言，入去可揀廣東話（HiuMaan - Natural），國旗下面有 Play Scripts 可昂時聽到 AI 講成點，如果想睇埋動作要 去最頂嘅 Preview，但因會扣時間所以唔到 Final 都唔好 Preview。 . 5️⃣如果想佢講得更似真人就要講快少少，可到國旗下面加快速度及改變音調，我哋個 Demo 將 Speed 加到 x1.2，Pitch 不變，要留意快咗講廣告話 OK 但英文會太快所以有啲字為咗讀出嚟好聽啲會加入中文字去扮英文音，大家睇我哋個 Demo Script 就會明。 . 6️⃣做好先去 Preview，呢個時候會扣免費嗰60秒，系統 Gen 完可 Download 影片啦。 . #DemoScript：大家好啊！而家人人都可以自製類似港台果位人工智能主持埃da，用HeyGen就可以輕鬆整出嚟玩，佢勁在對哂口形仲可以講廣東話添，免費版都好多嘢可以玩嫁，但右下角有水印同埋得60秒，過咗就大約兩個幾蚊美金一分鐘，唔知嚟緊會唔會好多小編用HeyGen去做片呢？記得支持我
#小編日常：Instagram Bio加入多條連結 . 閉關幾星期返到嚟好多新update，最幫到大家手嘅一定係Instagram Bio 終於可以加多幾條 link，但係咪可以取代linketr.ee 同Linkin.bio？我會照KeepLinktr.ee因啲 Button 靚啲又方便，如唔想煩就 IG 加啦。 . #忙完出關 #我係小編 #imsiupin
#小編日常：大年初五開工大吉 . 祝小編們開工大吉、事事順利、生意興隆、步步高陞最緊要身體健康🧧恭喜恭喜🎉 . #我係小編 #imsiupin
#小編日常：大家收爐未？🔥 我哋收啦，希望未收嘅快啲收到爐返屋企食團年飯啦！預祝小編們兔🐰年行好運，日日有得瞓💤 . #收爐 #我係小編 #imsiupin #收幾個鐘終於收到
Want your business to be the top-listed Media Company?
