樂活道

27/01/2024

身邊有冇識人學結他因F Chord而放棄？

每次聽到呢個原因放棄，真係唔知講乜好～

Hahahahaha !!!!! 😂😂😂😂😂😂

26/01/2024

【音樂用家分享】

之前64 Audio出咗新耳機Volür，阿明作為Fourté同A12t用家，自然好期待想試！而家終於試到啦，係咪好驚喜好鍾意呢？非也~耳機好玩之處就係要親身試，有時就算好聽，都唔一定啱自己口味，今次Volür嘅Hi-Fi向調音唔太毒到兩位音樂向人士，但鍾意Hi-Fi取向嘅朋友就要試吓啦！而同場加映嘅U4s就好適合音樂人入門用！今次阿明作為用家，就同大家一次過講吓Volür、U4s、Fourté同A12t四對耳機有乜分別？有興趣想整64 CM嘅朋友一定要睇啦~

#耳機系音樂人 #入耳式耳機 #蘇眉 #吳雨霏 #小許 #鼓佬明 #樂活道

18/01/2024

一定要支持！麥花臣睇方丈～

音樂係無價的，方丈奮鬥了大半生，呢個係我第一次自資搞嘅音樂會，我係唔會放棄追尋我嘅夢想嘅，你哋嘅一票對我嚟講非常重要，好希望喺下個月23號到24號喺場館見到你哋，同我一齊預祝生日。

問題係：你哋會過嚟買飛支持我嗎？

麥花臣節x劉以達尋根作品展音樂會
未買飛嘅朋友買飛呢邊：

https://www.tickets.cast-event.com/zh-hant/tats

從來未聽說 世間一切美好
然而人在世界 誰能沒去路
嘗孤單一身 去闖去問
而心中聲音 也許太笨
但能傳真
回望去 無後悔 奮鬥已學會
前望去 默然面對
再去追尋 那怕累

#劉以達尋根作品展音樂會
#方丈尋根記
#繼續追尋

17/01/2024

【四百蚊唔駛嘅藍牙耳機！】

以前一直覺得，似樣嘅藍牙耳機都要千千聲，但今集介紹嘅1MORE PistonBuds PRO Q30，就改變咗呢個睇法…三百幾蚊價錢，旗艦機有嘅嘢，佢都有，雖然聲音無品牌旗艦作EVO咁好，但咁嘅價錢有咁屈機質素同功能，想最平買對最好嘅藍牙耳機，或成日唔見藍牙耳機嘅朋友，整返對後備粗用，呢對Q30就非常啱你！

免運費入手傳送門：
https://bit.ly/3O8hOrI

#耳機系音樂人 #貼地系音樂人 #藍牙 #降噪藍牙耳機 #小許 #鼓佬明 #樂活道

03/01/2024

【殲滅級人聲！】

叫得做「Annihilator殲滅者」，足見Elysian Acoustic Labs對呢對耳機嘅信心！咁事實又係咪真係乜都殲滅到？今集「離地系音樂人」阿明同小許試完Annihilator後，覺得佢嘅人聲絕對係殲滅級！而咁勁嘅耳機係咪真係完全冇弱點？

#耳機系音樂人 #離地系音樂人 #殲滅者 #入耳式耳機 #及時雨 #午時 #小許 #鼓佬明 #樂活道

22/12/2023

【更完整音樂耳機陣容】

繼NA5及NA7後，一直超級支持本地音樂嘅香港耳機品牌Nostalgia Audio，為NA系列帶來兩個全新成員：更親民入門嘅NA3，以及更強大嘅NA12 ，兩款耳機同之前嘅NA5、NA7一樣，都係專為音樂人而設計嘅監聽耳機。咁兩款耳機NA3同NA12結構聽感有乜分別，啱邊類音樂人用？聽吓佢地點講~

#耳機系音樂人 #入耳式耳機 #監聽耳機 #我不回去 #方皓玟 #你是你本身的傳奇 #小許 #鼓佬明 #樂活道

20/12/2023

【潮物都要好聲】

近年頭戴式藍牙耳機已成年輕人必備之物，又可以聽歌又可以掛響頸做潮流配襯，而MONDO by Defunc就推出咗超有80年代Retro風嘅Freestyle，加埋前少少推出嘅Over-Ears，兩款頭戴式藍牙耳機單從外觀上已非常搶眼，亦好啱襯唔同風格打扮！

而作為「耳機系音樂人」，對聲音都好有要求，Freestyle同Over-Ears作為潮物外觀真係滿分，而聲音都一樣有驚喜！加上價錢又唔貴，今個聖誕送禮物比人，或獎勵自己用嚟襯下衫，聽好啲，呢兩款應該好啱你！

免運費入手傳送門：
Freestyle
https://bit.ly/3GPHlBN

Over-Ears
https://bit.ly/3Rw4HkT

#耳機系音樂人 #頭戴式藍牙耳機 #白日之下 #日光漂白 #黃妍 #幾分傷心幾分痴 #小許 #鼓佬明 #樂活道

18/12/2023

好開心由零開始見證延音嘅誕生，O Day有Sammy、Peco同Flora同大家見面、分享同一齊玩遊戲，期待黎緊一系列嘅街頭演出！22/12中環街市見！
#延音 #樂活道 #中環街市musicsus art

15/12/2023

【新嘗試新發現！】

以推出可換電DAP K100打響名堂嘅韓國品牌 Kontinum，早前首度推出耳機，仲要一次過出兩款：Soara同Ulim！從出DAP跳去出耳機另一範疇，Soara同Ulim嘅表現絕對叫大家眼前一亮！兩款耳機價錢都好親民，貴啲嘅Soara好適合音樂人用，而平啲只需一千蚊嘅Ulim，小許同阿明都一致認為特別啱耳機發燒友玩，點解咁講呢？去片睇睇~

#耳機系音樂人 #入耳式耳機 #徐太志 #小許 #鼓佬明 #樂活道

12/12/2023

【香港首發！】

早前台灣樂隊守夜人主唱旭章特別嚟香港睇Clockenflap，並介紹吓明天響Music Zone舉行嘅守夜人《[RE]Project》專輯發佈會，旭章同香港好有緣，香港出世嘅佢，今次將新碟首發放響香港搞，大家一定要支持！

買飛傳送門：
https://www.ticketflap.com/nightkeepers

#守夜人 #旭章 #陰影面積 #展瑞 #這群人 #樂活道

08/12/2023

【入坑玩Hi-Fi好選擇！】

上次上咗Cambridge Audio British Sound Experience Center，唔單止好Chill好多嘢試，唔知大家睇完有冇上去聽阿明Seasons隻黑膠呢？

香港人屋企地方細，係咪好難玩Hi-Fi？其實都唔係，今次繼續響Show Room同大家介紹好細好慳位、黑色限量版嘅MXN10同DacMagic200M，絕對係大家玩Hi-Fi入門最佳選擇方案！

Cambridge Audio British Sound Experience Center
地址：荃灣大涌道 22-28 號合福工業大廈 10 樓
營業時間：星期一至五 10am - 1pm, 2pm - 6pm；星期六、日及公眾假期休息
查詢：2882 4000

#耳機系音樂人 #串流播放器 #解碼耳擴 #黑膠唱盤 #黑膠 #音響 #小許 #鼓佬明 #樂活道

06/12/2023

2021年睇陳蕾《沙門演唱會2021》，個陣響麥花臣豹哥經已比大家紅館級樂手班底，真係超級有Heart響音樂編排上，超好睇！下年3月陳蕾終於踏上紅館，又會比點嘅精彩演出大家睇呢？先睇演唱會海報已經好有型，真係非常期待！記得12月18號準時撲飛！

保誠保險呈獻 陳蕾演唱會 2024 《念》

日期：2024年3月3至5日
時間：晚上8時15分
地點：紅磡香港體育館
票價：$880/ $680/ $480
主辦單位：Warner Music Hong Kong

Citibank 優先訂票
(Cityline購票通)
優先訂票日期及時間：2023年12月18日10:00 開始至2023年12月20日23:59, 售完即止

01/12/2023

【冬季山系新作】

繼之前嘅Lavinia，Vortex推出全新山系耳機升級線Elsa，唔單止外觀充滿冬季感覺，仲引入大量全新技術，以及用上古河電氣工業株式會社生產嘅銀銅合鍍銀線材，再加埋ConX方便轉換唔同插頭，無論外觀、聽感到應用，都非常適合大家入坑玩線為耳機升級！

#耳機系音樂人 #耳機線 #升級線 #梶浦由記 #君の銀の庭 #小許 #鼓佬明 #樂活道

29/11/2023

【新手入坑好選擇】

唔少初入門玩耳機朋友，都希望以極高性價比方式入坑，唔肉赤又真係feel到到同以前截然不同嘅聽感，真係特別開心！出晒名平靚正嘅1MORE繼藍牙無線耳機後，早前推出有線耳機P50，機仔細細，已經有五單元配置，當中仲有四個平面單元，都只係千二蚊…聽感仲要好啱音樂人聽之餘，又有線控方便人講電話，再送你type-c轉插，真係全方位啱晒所有人入坑！

#耳機系音樂人 #入耳式耳機 #邱彥筒 #仍有心跳脈搏 #那年盛夏我們綻放如花 #藍色巨星 #上原廣美 #小許 #鼓佬明 #樂活道

28/11/2023

香港遊樂場協會首個年度音樂企劃「MusicSus 延音 - 青少年街頭音樂表演擴展計劃」聽日29/11 截止報名啦！

鍾意玩Busking，鍾意音樂而又未報名嘅你，一個機會俾你跟導師們學習，喺音樂上更上一層之餘，4個最優秀表現嘅隊伍仲有一個上麥花臣場館表演嘅機會！千祈唔好錯過！快啲報名啦！！

報名：https://forms.gle/djGHpksEVHtQ9He9A
詳情：https://drive.google.com/file/d/16snMaBCK4nb2gdb9ZfZM5rUL9uNVA5lY/view

#香港遊樂場協會 #遊協 #樂活道
#延音 #街頭音樂表演
#專業訓練 #鄺敏慧 #周鍚漢 #徐偉賢 #林一峰 #糖妹 #吳林峰
#麥花臣場館

24/11/2023

【重口味地清嘅耳機】

Etymotic ER系列耳機無論外型設計、聽法都同一般耳機唔同：需要隊到好入、搵到特定一點，就可以聽到超級清嘅聽感！唔知大家有無試過呢？試過真係返唔到轉到！今次同大家介紹佢地嘅ER2XR、ER2SE、ER3XR、ER3SE、ER4XR同ER4SR，六對耳機又有乜分別呢？逐一同大家講！同埋加映仲有正常入耳式耳機設計全新EVO，七對耳機都好啱音樂人用！記得Check Out吓！

#耳機系音樂人 #入耳機耳機 #繪麗奈 #絵麗奈 #只想有人令我呼叫 #群青色の空 #小許 #鼓佬明 #樂活道

20/11/2023

【剖析《白日之下》主題曲同配樂】

近期最大話題本地電影，一定係《白日之下》！未睇嘅朋友快啲去睇，睇咗嘅朋友除咗覺得好睇、好多嘢諗，有無留意電影嘅配樂以及主題曲〈日光漂白〉都好精彩？

今次訪問有電影導演簡君晉、電影配樂及主題曲作曲編曲監製朱芸編，同主唱Cath黃妍，同大家講吓主題曲〈日光漂白〉的誕生過程；電影配樂製作心得，同三人對電影嘅感受！

P.S.訪問有劇透，未睇電影嘅朋友睇到Cath講「即將劇透」就留意啦，不過其實劇透咗都唔影響觀看體驗~

#白日之下 #日光漂白 #黃妍 #簡君晉 #朱芸編 #周耀輝 #樂活道

17/11/2023

【上去試聽阿明隻黑膠碟！】

玩音響係咪一定要好貴好大地方先玩到？其實要入門都可以好親民！今次同大家介紹Cambridge Audio位於荃灣嘅Showroom，除咗地方好大好靚好chill外，仲可以親身試下佢地唔同嘅音響產品，無論有線無線、平定貴、大定細，都一定搵到啱你需要嘅聽歌方案！

現場仲有阿明樂隊Seasons For Change黑膠唱片《Petals Of Tomorrow 》聽！

Cambridge Audio British Sound Experience Center
地址：荃灣大涌道 22-28 號合福工業大廈 10 樓
營業時間：星期一至五 10am - 1pm, 2pm - 6pm；星期六、日及公眾假期休息
查詢：2882 4000

#耳機系音樂人 #黑膠 #音響 #小許 #鼓佬明 #樂活道

09/11/2023

【人生就係扭來扭去】

創作人特別多嘢諗、經常腦中不斷爭戰來慢慢雕琢創意，咁由動畫師變成唱作歌手嘅nico，每日要諗幾多嘢呢？

作為動畫師嘅nico，近年幫好多歌手畫過動畫MV，大家都一定睇過佢畫嘅MV作品。鍾意音樂嘅佢，今年做埋唱作歌手，為大家帶來〈扭來扭去〉去唱出自己每日好多諗法，好難做決定嘅心情！

〈扭來扭去〉MV傳送門，不過今次MV唔係動畫，記得check out吓
https://www.youtube.com/watch?v=PgJhcdTNtnw

#扭來扭去 #動畫製作 #樂活道

07/11/2023

日本傳媒女性Seven報道，X JAPAN低音結他手HEATH因癌病逝世，由於走得太突然連YOSHIKI都要取消出席11月3日美國Award of Honor頒獎禮趕返日本。因為YOSHIKI同Toshl之間嘅各種問題，2018年之後X JAPAN已經再無活動，但根據身邊人複述，HEATH到最後都仲希望X JAPAN可以再次合體......

　X JAPANのベース・HEATHさんが亡くなっていたことが、女性セブンの取材で分かった。55歳だった。関係者によるとあまりに急だったという。《身内に不幸があり、自分の判断で急遽日本に戻って…

01/11/2023

【極致黃金體驗】

小許作為耳機線「織人」，對唔同耳機線材料特性、結構，織法都相當熟識！今次小許同大家介紹Eletech旗艦級耳機線Sonnet of Adam，就結合金鍍銀、金鍍銅和金銀合金三種不同特性線材，再以獨門的幾何編織法，由材料、工藝、聽感到各種配置都充滿驚喜！

#耳機系音樂人 #亞當 #耳機線 #升級線 #王菲 #曖昧 #小許 #鼓佬明 #樂活道

31/10/2023

【點止不眠咁簡單？】

好多創作人都鍾意深夜創作，全因當整個城市都靜下來時，特別令人靈感湧現！

GiGi張蔓姿新歌〈不眠遊戲〉就係唱出深夜不眠都可以好快樂，想想同一時刻都有人仲未訓，都真係幾浪漫！今次新歌除咗合作無間嘅監製李一丁外，仲有獨立樂隊rosemances參與編曲，帶來更多音樂火花！

#張蔓姿 #不眠遊戲 #李一丁 #樂活道

29/10/2023

恭喜Tone Master Lab開張大吉！
以後去荔枝角有靚結他gear睇！

#樂活道

27/10/2023

好想要⋯
一見到已經sold out⋯

The iconic purple sequin tracksuit, created by Jonathan Davis in 1996, is now available in its reimagined form - limited and exclusive to our official kornwebstore.com. Shop the full x adidas Originals collection now.

27/10/2023

Libratone早前推出全新真無線降噪耳機AIR+3，除咗多顏色揀、體積輕巧、強勁降噪功能、可同時連接五個裝置等功能外，最緊要係中頻特別突出，非常適合聽女聲歌！今次仲搵埋唱Jazz、New Soul嘅唱作人秋彤，用佢新歌〈雙〉試吓AIR+3人聲有幾正？

#耳機系音樂人 #真無線降噪耳機
#藍牙耳機 #秋彤 #雙 #小許 #鼓佬明 #樂活道

19/10/2023

【潮物都要靚聲】
近年好多年輕人都喜歡掛住頭戴式藍牙Headphone出街，見到更多人玩耳機、聽音樂梗係開心啦！Sennheiser早前就推出全新頭戴式藍牙耳筒ACCENTUM Wireless，以更親民價錢就可以享受到品牌一貫靚聲，認真吸引！作為「耳機系音樂人」，追求潮流都要靚聲嘛！今集介紹Accentum之餘，仲有小許作為MOMENTUM 4用家，講吓全新ACCENTUM同旗艦作MOMENTUM 4有乜分別？

#耳機系音樂人 #頭戴式藍牙耳筒 #神奇膠 #不能碰的傷痕 #及時雨 #五時 #小許 #鼓佬明 #樂活道

16/10/2023

雖然段Bass示範大概係Rockschool Grade 3 level，但又型又好人真係屈機㗎！