迴響-粵語文化期刊-

28/01/2025

《迴響》送購書券賀吓農曆新年

恭喜發財！

有師傅話乙巳蛇年係驛馬年，要周圍去㗎，有咩好得過拎住本書喺旅途上閱讀呢？
（我哋嘅漫畫家熊人老師話咁快去咗法國安古蘭，好準！）

我哋送上購書券優惠，新春期間，由年初一直到年十五，喺《迴響》同「漫讀SHOP」買書，只要輸入優惠碼，全張單就可以平HK$25！

快啲趁而家買書！網站上面仲有部份書係簽名本嚟㗎！

迴響SHOP：https://www.resonatehk.com/shop
漫讀SHOP： https://www.dokumanhkshop.com/

＋＋＋＋＋＋＋



1. 去《迴響》或者同「漫讀SHOP」揀書
2. 去購物車埋單
3. 輸入優惠碼：2025NewYear
4. 搞掂！

＋＋＋＋＋＋＋


1. 本購書券於2025年1月29日(年初一)至2月12日(年十五)期間適用。
2. 本購書券不限使用次數。
3. 本購書券不限地區。
4. 本購書券不能與其他優惠一併使用。
5. 漫讀文化對本購書券有最後決定權。

#蛇運亨通
#學人做新春優惠
#買贏
#2025年就粗粗哋廿五蚊
#記得買六合彩
#不限使用次數
#本地海外通用

11/01/2025

#活動速報

第三屆獨立敘事讀物節
今日順利完結
辛苦主辦做咗個咁好嘅活動
現場氣氛好好，感受到大家創作嘅熱愛

親臨買書嘅朋友
希望你哋鍾意書刊
繼續支持本地創作

#第三屆獨立敘事讀物節 #獨讀
#香港創作 #原創展

07/01/2025

#活動消息 漫讀文化直參第三屆獨立敘事讀物節

即將於1月11日星期六舉辦的第三屆獨立敘事讀物節（獨讀3），會移施到新蒲崗的東蒲，地方更大，將容納更多本地原創作品，今屆設置超過120個文創攤位，同時有多個講座，由創作人分享他們的故事，更加有展覽區和新書試閱區、工作坊、現場揮春等等，是歷屆活動中內容最豐富的一次。

獨立敘事讀物節主題是推廣漫畫藝術與故事創作，一直受到創作人重視。漫讀文化是第二次參與活動，這次由熊人老師帶同入圍「港漫動力」第一及第三屆的作品《墜落》《那年夏天只有我能看見的發光猴子》參展，連同更多我們的原創作品，和各期《迴響》供現場選購。熊人老師會在攤位等候大家，歡迎拍打餵食。

現場見！

{今次參展原創作品}
★漫畫
《墜落》 熊人
《那年夏天只有我能看見的發光猴子》 熊人

★繪本
《太空狗九日誌》 YK LEE 著、Yanai矢惠 繪
《萌在BL童話》WAI WAI

★小說
《流水響死亡事件》方麗娜 著、一文字角 繪
《電都列傳：嫖客》Takki著
《天玉無疆 -我係Freelance殭屍獵人-》 王俊喬 著、亨利 繪
《二百年一遇》 張希婷 著

★散文集
《舊夢迷濛》 沈西城 著
《如何成為一個失敗的人》 哀哀 著

★詩集
《鬱生花》 憂鬱小生 著

以上書刊於現場購買，均附送透明書套或「百毒不侵」紙書套乙個。

★期刊
《迴響-粵語文化期刊-》各期

★周邊
《迴響》文青袋
（尚餘少量）

＋＋＋＋＋＋＋

第三屆獨立敘事讀物節
The 3rd Indie Narrative Book Fest
活動日期：2025年1月11日(六)
活動地點：東蒲地下及二樓 (九龍新蒲崗七寶街 2 號)
公眾入場時間：12:00PM - 7:00PM

獨讀網站：
https://www.duk6duk6.com

＋＋＋＋＋＋＋
#獨讀3 #獨讀 #獨立敍事讀物節
#漫讀文化 #香港原創 #香港出版 #香港漫畫 #香港印刷

31/12/2024

新一年
繼續向前

飲多啲水
閱讀萬歲

24/12/2024

【報佳音】
大家聽過呢首粵語填詞聖誕歌未呢？
不妨喺慶祝聖誕節嘅PARTY播嚟聽！
《迴響》仝人祝大家聖誕節快樂！

#聖誔歌
#識唱嘅一齊唱 #仲有聖詩
#黃霑
#林振強
#林夕
#黎彼德

演唱：黃霑(James Wong Jum-sum)作曲：傳統聖誕歌填詞：黃霑、林振強、林夕、黎彼得又到聖誕（Santa Claus Is Coming To Town）喂　又到聖誕　哪　又到聖誕下個聖誕有沒今年甘歎鄧小平is coming to town趁又到聖誕　人就要歎喇第處聖誕有沒...

22/12/2024

編輯私心推介

《下世不要嫁給你》

重要事講三次：唔係慘情戲！唔係慘情戲！唔係慘情戲！

長話先短說，好睇。簡潔、細緻輕快，故事入面冇人覺得自己慘，大家平常心觀賞就可以。網絡智慧有云「幸福就係一齊變老」，而真愛係點樣？可能係老來出生入死去，日頭食完晏，夜晚竟已入急症徘徊鬼門關，原來係兩度中風加糖尿，隨時再見。太太疲於奔命，床上老伴問下世會唔會再一齊？

「仲未夠皮咩？下世先唔會嫁你。」但係眼神盡顯關切。

網絡嘅講法呢啲叫傲嬌，叫反差萌。

羅家英飾演長期病患爸爸難度幾高，稍為拿捏唔準就會變成奄尖聲悶十分討厭，但係佢令個角色生鬼可愛，導演表示唔少細節由家英哥添加，為劇本所無，令角色大為立體。自問睇戲少，見到羅家英演唔係喜劇嘅角色，原來幾好戲。

故事其實來自編劇李靜雯自己嘅家庭經歷，羅家英嘅角色就係以李爸爸為原型，戲入面個女係邊個就好明顯喇。

最令我意外嘅係呢套戲敘事節奏爽快，唔單止無拖場或者多餘贅句，導演往往用一鏡講兩、三件事。就連一個月曆一束花都有推動劇情以及前後呼應嘅作用。雖然係小本製作，但係充滿心思，睇完令人暢懷。

外遊事忙，寫完呢篇文時大概已經遲咗，《下世不要嫁給你》22號晚上8：30港台31播出，錯過咗唔緊要，港台網站有得免費重溫（youtube唔肯定有冇），演員同幕後高水準發揮，好值得大家支持。

黑人

18/12/2024

#活動消息 #去馬來西亞喇

負責第33期《迴響》封底拉頁嘅漫畫家 Kuma Chan 熊人老師 即將去馬來西亞參加當地動漫節ComicFiesta2024！

大會特設香港館位於Ｂ區，熊人個人攤位喺B-06，除咗會展出個人作品《那年夏天只有我能看到的發光猴子》、《墜落》，亦有少量第33期《迴響》，歡迎身處馬來西亞嘅朋友過嚟探我哋！

#馬來西亞
#港漫動力 #香港漫畫家 #香港出版 #香港創作

16/12/2024

【大事報】
臨近年尾盤點事忙，第36期12月號《迴響》將會同2月號合併，安排喺2月加厚出版。不便之處，敬請原諒。
下一期將會…好緊張刺激㗎！

14/12/2024

第35期《迴響》嘅音樂專題，今次勤力嘅《聲紋》搵咗獨立音樂人李白做嘉賓。

由青春歌舞劇到個人發展，李白本身有機會簽公司出道，最後竟然決定做獨立音樂人，到底點解呢？

今期仲附送李白嘅POSTCARD！

⇨全篇訪問內容，請閱讀第35期《迴響》：
https://www.resonatehk.com/product-page/35-202410

＋＋＋＋＋＋＋
書名：迴響Resonate -粵語文化 期刊-
期數：總期數 35
今期作者：Hazelwcc、Matthew・Rapid Psychology、解頤齋齋主、方麗娜、高山＠體嘢、黑人、伊死、附加文、田皓瑤女中醫師、一郎、Florence Ng、Cody Akuma
今期嘉賓：余兒．喬靖夫．曹志豪．沈西城．潘牧雲．藍橘子、Bonnie Pang、野孩子劇場、李白
售價：HK$ 72
級別：1 級
頁數：80 頁
大小：185mm x 230mm
印刷：全彩色
訂裝：膠裝+封底拉頁
ISBN：978-988-70862-0-8

＋＋＋＋＋＋＋
★邊度有得賣《迴響》？ 支持香港書店
⇨ https://www.resonatehk.com/stores
★一年訂閱計劃
⇨ https://www.resonatehk.com/plans-pricing
★《迴響》補購套票（6本/10本）｜係時候入貨喇！
⇨ https://www.resonatehk.com/shop......

【香港島】｜ Art and Culture Outreach｜艺鵠 ｜ 阿叔商店 • Uncle Store｜軾DongPo｜HEAL CLUB｜ 森記圖書公司 ｜ 樂文書店-銅鑼灣 ｜天地圖書 Cosmos Books Ltd. ｜ART CENTRE｜百得書局｜ Reverie Bookstore 長夢書店
【九龍】 漫畫批發市場 ｜ 一代匯集 漫畫部｜美樂士多｜夕拾x閒社2.0｜ 旺角樂文書店｜開益書店｜愉林書店｜Kubrick｜序言書室 Hong Kong Reader Bookstore｜一拳書館｜博勢力無人書店｜ 獵人書店 ｜田園書屋｜城邦書店 ｜ 突破書廊。Breakthrough。Book。Gallery
【新界】書軒 ｜山比高小說租賃｜尋回漫畫檔｜書少少｜渡日書店｜美樂士多
【日本】 Wintimplanning樂習センター ｜香港漫画店
【英國】同呼吸書店｜Saan1 山｜Blow Water Cafe
【加拿大】 TORead【多讀】- Toronto Online Bookstore

★情非得已，只好郵購：
⇨https://www.resonatehk.com/shop
＋＋＋＋＋＋＋

#迴響 #粵語文化 #粵語文學 #粵語推廣 #我手寫我心 #文化載體
#香港創作 #香港印刷 #香港出版 #廣東話任務 #廣東話
#出版人加油

06/12/2024

《迴響》全力支持【粵語讀劇】
◆《那年夏天只有我能看見的發光猴子》

由香港漫畫家熊人 Kuma Chan 創作嘅漫畫《那年夏天只有我能看見的發光猴子》，即將喺12月14日上演一場粵語讀劇。

讀劇，喺日本叫「朗讀劇」，係一個舞台演出嘅形式，唔少劇團或者聲優都會用呢個形式演繹作品。有啲小說、漫畫作品亦都會先以讀劇形式推出，了解吓觀眾嘅口味，再不斷每場改善。香港最近都多咗劇團推出讀劇，而且係原創劇本，值得更多人去欣賞。

今次由香港漫畫《那年夏天只有我能看見的發光猴子》改篇嘅讀劇，講述一個小幼受到家暴嘅少女，有一日見到一隻發光猴子，代替佢自己被母親虐打，而身邊亦都出現一堆小伙伴，為佢嘅生活帶嚟新嘅衝擊。

編輯認為故事難以用一般舞台劇形式表現，反而適合做讀劇，希望可以為讀者、觀眾帶來新嘅欣賞效果。

更重要嘅係免費入場，而場地座位有限，有興趣嚟欣賞嘅朋友，快啲填報名表留位喇！
報名呢度：
https://docs.google.com/forms/d/18bEqFtl7RPDsCPm8JV9S2FHP_nOTIwGxY2zNFAKsjSA/prefill

★香港漫畫家熊人渾身力作搬上舞台！

◆《那年夏天只有我能看見的發光猴子》
【舞台・讀劇｜2024-12-14｜19:00-21:00｜粵語演出】

【文案】

七十年代，香港。

只有文秀能看見的發光猴子「摩摩」代替她承受一切傷害。

在山上的小小大冒險、大士出巡、與壞人周旋……就在夏天的那一個下午，文秀、摩摩、小胖一同經歷的一切一切，都是成長的烙印。

然而，好心沒有好報。

包租婆寃枉自己謀害愛兒：「你根本狼心狗肺！」

那個痛恨自己的母親在耳邊細語：「你和我都是人渣……」

只有自己能看見小伙伴拉着她走上天台：「我們一同變成煙花吧！」

那個下午，是文秀最後一次見到摩摩，也許她一直尋找的，就是發光猴子存在過的證明。

＋＋＋＋＋＋＋

◆舞台・讀劇
《那年夏天只有我能看見的發光猴子》
第３屆「港漫動力」銅獎作品

◆演出資訊
日期：2024年12月14日
時間：晚上 7:00-9:00
地點：EATON HOUSE 1/F
　　　佐敦彌敦道380號香港逸東酒店一樓
門票：免費入場
預設座位：46個 （+ 豆袋座位 4個)／不設劃位
主辦：漫讀文化
協辦：聲演劇團
【粵語演出】
【設有演後談】
【現場發售原著漫畫】
報名表格：
https://docs.google.com/forms/d/18bEqFtl7RPDsCPm8JV9S2FHP_nOTIwGxY2zNFAKsjSA/prefill

◆製作
原著：熊人
監製：伊死
導演：周良鴻
文本：伊死
音響總監：歐陽玉婷

◆演出
張希婷
岑蓁瑋
何采珊
梁穎彤
李震權
張文獻
梁寶韻
温家瑋
張梓俊
胡力釗
葉世華

◆鳴謝
＜港漫動力＞
主辦機構：香港動漫畫聯會
主要贊助機構：香港特別行政區政府「文創產業發展處」

＋＋＋＋＋＋＋


熊人，香港漫畫家。

入行二十年，憑《阿旺新傳》出道，其後一直繪畫改編版權作品。

2021年出版第一本自己原創嘅漫畫《墜落》，入圍第一屆「港漫動力」，並授㩲出版馬來西亞版，即將出版西班牙版。

最新原創漫畫《那年夏天只有我能看見的發光猴子》入圍第三屆「港漫動力」，並獲得銅獎殊榮。

＋＋＋＋＋＋＋
#熊人 #那年夏天只有我能看見的發光猴子 #墜落 #死腳膠
#港漫動力 #粵語 #讀劇 #香港漫畫 #漫讀文化

那年夏天只有我能看見的發光猴子ⓒ2024 by Kuma Chan, CITY CULTURE HONG KONG LIMITED, All rights reserved.First published in 2024

05/12/2024

《爸爸 PAPA》

(編輯黑人私心推介)

#爸爸 呢套戲嘅推介好難寫，佢冇金句唔花巧，唔開心嘅事情大家身邊每日都大把，唔開心嘅戲又一大籮，如果你都係為人父母(尤其係父)，呢套戲更加之夭心夭肺，因為好多細位實在太真實，唔少網民回應係「唔會入場」，因為怕太虐心，但係我有異議，希望大家可以睇埋落去。

劉青雲飾演嘅阮先生係一個心腸軟、唔識表達自己情感嘅老實人。明明好鍾意一部數碼相機，佢嘅評價係「以前菲林影完就搞掂，呢部影完又影過，咁麻煩都有嘅，哈哈。」

我觀察中，現實唔少上一輩草根香港人都係噉講嘢，明明係讚賞，但係就唔會用正面嘅字句。阮生係咪好惡？又唔係，一幕幾個中學雞去佢餐廳點餐，要求多多改來改去，臨尾仲問有冇得平，阮生幾乎有求必應，不出惡言，心腸軟過新鮮蒸好嘅腸粉。

導演翁子光喺完場答問時表示「用4:3拍攝可能有人會唔鍾意，我揀呢個格式，因為好似揭緊一本相簿，睇緊入面嘅回憶」，再配合上述嗰種好細心而寫實嘅對白，好快就會入戲。電影嘅敘事，亦都跟人嘅回憶方式相似，係以人物或事件作定位，唔順序嘅。

好多劇評都話「唔會劇透」，其實故事根據2010年荃灣享和街命案改編，大致情節相同，發生咩事一清二楚，唔會透到甚麼。故事就係爸爸阮永年 (改編自真實人物簡先生) 面臨劇變後嘅生活過程，重點全於細節。

我睇嘅戲通常都係超級英雄或者特工劍客，就算係再大嘅滅世危機都好，打完就收工休息，諗下今晚去邊度食飯。《爸爸》真正嘅戰鬥，係天黑之後間屋靜晒，慣咗叫阿女幫手開燈，然後醒返起，自己起身開燈、每日不斷思考一個無答案嘅問題、想原諒對方，但係對方未ready接受……

早前有質疑《爸爸》係消費受害人傷口，原來一直得到事主簡先生祝福以及幫忙，故事中阮永年支撐自己嘅方法，係盡量彌補自己及旁人嘅遺憾。我相信簡先生多年來亦如此撐過去，而祝福《爸爸》就係佢最大嘅溫柔 ── 將自己傷口化成養份，滋養一齣好電影。

勇氣唔係無所畏懼，而係知道有事情比恐懼更重要，仍然選擇前進。信心亦唔係咩事都支持讚好，而係知道對方曾經精神失常，唔知會否再發作，仍然選擇信任。阮永年對兒子嘅信任就係呢種。

睇鬼片就係喺安全嘅環境下嚇自己。《爸爸》係畀個機會自己感受一下，如果經歷劇變嘅係你，你會有咩感受？你會選擇點樣面對？睇完無錯係會喊到豬頭噉款，我認我係，但之後慢慢沉澱，對於生活嘅不幸，會多咗一份抗體，多咗少少溫柔，堅持落去，出口仍然有希望。《爸爸》係值得入場嘅好戲，請大家多多支持。

02/12/2024

《迴響》第35期
【喬靖夫】：作家嘅自我修養——西部牛仔、武者、運動員、作家

作家喬靖夫，喺２０２４年多咗個身份，成為《九龍城寨之圍城》嘅演員，飾演叉燒佬阿七。有人因為電影先至知道喬靖夫原來好打得，係菲律賓魔杖高手。喬靖夫對「武術」有佢自己嘅睇法，影響佢嘅創作以至個人修練。

【選擇攞起劍，就要戰鬥】
「神槍手決鬥或者武士比劍，係用生命賭一剎那嘅成敗。寫作其實都係付出生命去賭，只係個過程好漫長：幾年、十年、二十年。正如《武道狂之詩》入面，你可以唔練劍做普通人，不過一攞起劍，你就選擇咗成為一個武者，就會有人不斷走嚟挑戰，要一直戰鬥去生存。」

「當你付出人生選擇做一件事，你會想做乜嘢呢？例如我之前評過《赤手登峰》呢套紀錄片，講一個完全冇安全措施嘅極限攀山家，佢一出錯就跌死。當你拋開一切，義無反顧付出生命做一件事，對我嚟講係浪漫嘅，愛情嘅浪漫都係噉之嘛！極端情況下人就會思考呢類問題，而文學可以營造得到呢類處境。」

喬靖夫平時睇好多西部牛仔片同埋小說，背後都係同「選擇」有關。

「睇小說分『好人』同『壞人』，我會諗做好人係咪被逼呢？係咪單純驚被法律制裁所以唔做壞事呢？喺西部世界呢種法外之地，你嘅選擇先至反映真本性。正派嘅人就係有一啲守則（code），例如唔偷嘢、唔欺凌婦弱，冇人睇住都唔會破戒。」

「西部世界嘅善惡強弱都好純粹，但係隨住拓荒完成，世界慢慢規範化，社會改為由農夫主導。農地圈起晒有圍欄，唔能夠好似以前噉一班牛仔自出自入，無本生利圈牛嚟賣，牛仔嘅生存空間慢慢消失。然後有鐵路，唔再需要槍手做保鑣。其實清朝都仲有鏢局㗎，又係因為鐵路嘅出現而消失。」

⇨全篇訪問內容，請閱讀第35期《迴響》：
https://www.resonatehk.com/product-page/35-202410

＋＋＋＋＋＋＋
書名：迴響Resonate -粵語文化 期刊-
期數：總期數 35
今期作者：Hazelwcc、Matthew・Rapid Psychology、解頤齋齋主、方麗娜、高山＠體嘢、黑人、伊死、附加文、田皓瑤女中醫師、一郎、Florence Ng、Cody Akuma
今期嘉賓：余兒．喬靖夫．曹志豪．沈西城．潘牧雲．藍橘子、Bonnie Pang、野孩子劇場、李白
售價：HK$ 72
級別：1 級
頁數：80 頁
大小：185mm x 230mm
印刷：全彩色
訂裝：膠裝+封底拉頁
ISBN：978-988-70862-0-8

#迴響 #粵語文化 #粵語文學 #粵語推廣 #我手寫我心 #文化載體
#香港創作 #香港印刷 #香港出版 #廣東話任務 #廣東話
#出版人加油

＋＋＋＋＋＋＋
★Follow我哋嘅作者：
高山道 #高山道 #體嘢
頌研堂 #田皓瑤女中醫師
方麗娜 #方麗娜
Cody Akuma Cody Akuma
Working at the picnic working at the picnic
#解頤齋齋主 #黑人 #伊死 #一郎 #附加文


★Follow我哋嘅嘉賓：
野孩子劇場 野孩子劇場
The Art of Bonnie Pang Bonnie Pang
喬靖夫 刀筆志 喬靖夫 刀筆志
藍橘子 藍橘子
余兒 余兒
曹志豪 曹志豪
沈西城．隨緣軒 #沈西城
#聲紋 #網上音樂雜誌
＋＋＋＋＋＋＋
★邊度有得賣《迴響》？ 支持香港書店
⇨ https://www.resonatehk.com/stores

★一年訂閱計劃
⇨ https://www.resonatehk.com/plans-pricing

★《迴響》補購套票（6本/10本）｜係時候入貨喇！
⇨ https://www.resonatehk.com/shop?%E9%A1%9E%E5%88%A5=%E3%80%8A%E8%BF%B4%E9%9F%BF%E3%80%8B%E5%A5%97%E7%A5%A8&fbclid=IwY2xjawG6ZvFleHRuA2FlbQIxMAABHYJA_QSRmw76ktqCPOlPqccZACeqgEJ92c0HOGO2uRFmnvGCaAhyUJNcCA_aem_6qw5tvYGlHLe30dEfNVz7A

【香港島】｜艺鵠書店｜ 阿叔商店｜軾DongPo｜HEAL CLUB｜森記圖書公司｜銅鑼灣樂文書店｜天地圖書｜ART CENTRE｜百得書局
【九龍】漫畫市場｜一代匯集｜美樂士多｜夕拾x閒社2.0｜旺角開益書店｜愉林書店｜Kubrick｜序言書室｜一拳書館｜博勢力無人書店｜旺角樂文書店｜獵人書店｜田園書屋｜城邦書店｜突破書廊
【新界】書軒｜山比高小說租賃｜尋回漫畫檔｜書少少｜渡日書店｜美樂士多
【日本】WintimPlanning｜香港漫画店
【英國】同呼吸書店｜Saan1 山｜Blow Water Cafe
【加拿大】 TORead【多讀】- Toronto Online Bookstore

★情非得已，只好郵購：
⇨https://www.resonatehk.com/shop
＋＋＋＋＋＋＋

20/11/2024

《迴響》第35期
文化專題：點解仲要出書？

【余兒】：由《九龍城寨》審視香港出版問題
呢一期請到余兒接受訪問，由創作人到出版人，講出佢對出版業界嘅見解，好值得有志出版同寫作嘅人士參考。

可惜送印之後先至發現部份內容因為理解及整理有誤，所以特別喺呢度修正及對余兒致歉。

＋＋＋＋＋＋＋

＜修正及道歉啟事＞

由於本人（方麗娜）採訪及校正出錯，本訪問稿有多處需要訂正嘅地方，懇請見諒：

1.⁠ 原文：「讀者亦都因為咁樣變得少咗，因為作品出到嚟，好多時變成咗Fans Service，讀者係為咗主筆而買書，為咗主筆創造出嚟嘅主角而買書，而唔係因為漫畫嘅質素。」
（更正：讀者為咗作者而買書冇問題，問題係出版社會因為單一作者出現意外，就營運唔到落去。）

2.⁠原文：「余兒承認當時經驗不足，電影人往往都有自己嘅班底，佢哋會有佢哋自己嘅想法，佢哋未必真係鍾意原著嘅故事，真正鍾意個故事嘅人，其實只係投資者同導演。」
（更正：並唔係所有人都喜歡故事，真正喜歡故事嘅人，可能只有好少，並唔限於投資者或導演。）

3. 原文：「如果未有共識同溝通就將改編權交咗出去，電影創作人嘅自由度太大，出嚟嘅成品就會同原著完全唔同。余兒坦言有諗過不如將電影當做另一個作品，同原著並不相關，但係咁就住原著嘅讀者唔公平，因為可能有讀者係入場嘅原因係喜歡原著，而最後就見到另一個故事而失望。」
（更正：當時導演同編劇有自己想法，有機會決定甩開原著故事。當時余兒參與度唔大，拍出嚟之後同原著唔一樣，連角色都冇，所以有諗過叫佢哋改另一個戲名，唔好用《今晚打喪屍》，但考慮到投資者嘅商業問題，最終都係保留原書名。結果係，鍾意原著嘅人，會有種無所適從嘅感覺）

《迴響》編輯部承擔責任，謹此再次向受訪者余兒致歉。

＋＋＋＋＋＋＋
#迴響 #粵語文化 #粵語文學 #粵語推廣 #我手寫我心 #文化載體
#香港創作 #香港印刷 #香港出版 #廣東話任務 #廣東話
#出版人加油

★邊度有得賣《迴響》？ 支持香港書店
⇨ https://www.resonatehk.com/stores

★情非得已，只好郵購：
⇨https://www.resonatehk.com/shop

19/11/2024

幫手推!!

HKPAWS喺港島嘅流浪貓中心需要有愛心嘅愛貓人士幫手做義工！
如果你可以上晝幫手，快啲去聯絡佢哋！

#浪浪 #流浪貓 #喵星人 #義工

15/11/2024

《迴響》第35期
【舞台劇《時間列車》延續漫畫版魔幻】

由香港漫畫家Bonnie Pang作品《時間列車》改編嘅同名舞台劇，仲有幾日就正式公演！
趁入場前不如了解吓原作者同舞台劇導演喺今次合作期間嘅情況，有好多細節都始料不及！

有興趣入場嘅朋友唔好猶豫，仲有飛賣㗎，快啲去買飛：
https://www.art-mate.net/doc/78494?name=Chronos+Express

The Art of Bonnie Pang 野孩子劇場

#全力支持 #港漫 #香港漫畫 #港漫動力 #日本國際漫畫賞 #舞台劇 #藝術 #戲劇 #野孩子劇團 #跨媒體 #粵語 #粵語演出
#迴響 #粵語文化 #粵語文學 #粵語推廣 #我手寫我心 #文化載體
#香港創作 #香港印刷 #香港出版 #廣東話任務 #廣東話
#出版人加油

＋＋＋＋＋＋＋
★邊度有得賣《迴響》？ 支持香港書店
⇨ https://www.resonatehk.com/stores

★一年訂閱計劃
⇨ https://www.resonatehk.com/plans-pricing

★《迴響》補購套票（6本/10本）｜係時候入貨喇！
⇨ https://www.resonatehk.com/shop......

【香港島】｜艺鵠書店｜阿叔商店｜軾DongPo｜HEAL CLUB｜森記圖書公司｜銅鑼灣樂文書店｜天地圖書｜ART CENTRE｜百得書局
【九龍】漫畫市場｜一代匯集｜美樂士多｜夕拾x閒社2.0｜旺角開益書店｜愉林書店｜Kubrick｜序言書室｜一拳書館｜博勢力無人書店｜旺角樂文書店｜獵人書店｜田園書屋｜城邦書店｜突破書廊
【新界】書軒｜山比高小說租賃｜尋回漫畫檔｜書少少｜渡日書店｜美樂士多
【日本】WintimPlanning｜香港漫画店
【英國】同呼吸書店｜Saan1 山｜Blow Water Cafe
【加拿大】多讀 TORead

★情非得已，只好郵購：
⇨https://www.resonatehk.com/shop
＋＋＋＋＋＋＋

13/11/2024

《迴響》第35期
文化專題：點解仲要出書？
【余兒．喬靖夫．曹志豪．沈西城．潘牧雲．藍橘子】

今期《迴響》重拾初衷，一齊回想當初出書嘅原因。

出版有一種魔力，由企劃到落手寫作，到設計編排，到印刷對色，再推出市場，諗吓點樣推廣，最後喺書店見到自己本書，係咪特別滿足？
可能寫作嘅人就係追求緊一種滿足感，無論自我滿足，定係嚟自市場對自己嘅反應，或者係一個讀者嘅回應都好，已經係一份動力。

人類自從發明咗文字，書刊就係文化嘅累積，流傳千百年不衰。
今日我哋可以閱讀幾十年前、幾百年前，甚至幾千年前嘅文字，因為書刊得以流傳。
舞台劇《南海十三郎》入面有一句對白：「我要證明文章有價，一曲千金」，大概亦係劇作家透過角色想傳達嘅訊息。

今時今日，出版好易，出版好難。
出版技術易咗，人人都可以自資出書；讀者喜好多咗，去少咗書店買少咗書。
以前喺香港，好賣嘅作品閒閒地六位銷售數字，今日出版嘅話要諗吓出五百本係咪太冒險。
不過我哋依然相信紙本有力量，係其他媒介無法取代嘅。
讀者少咗，大家對書刊嘅要求反而更加高，點樣做好每一本書，相信係每個出版人都面對緊嘅課題。
出版人，加油。
謹以今期《迴響》共勉。

＋＋＋＋＋＋＋

文化專題：點解仲要出書？
#1 【余兒】：由《九龍城寨》審視香港出版問題
#2 【喬靖夫】：作家嘅自我修養——西部牛仔、武者、運動員、作家
#3 【曹志豪】：用視覺效果推銷好故事
#4 【沈西城x潘牧雲】：師徒對談！每個人心入面都有一個江湖
#5 【藍橘子】：流量之鬼營業中

迴響生活
方麗娜｜影視迴帶 #12｜由本土小說改編而成嘅香港電影
伊　死｜香港人嘅故事 #6｜舞台劇《時間列車》延續漫畫版魔幻
Hazelwcc｜聲紋x迴響｜人物專訪｜不是詩人 【李白】
Matthew・Rapid Psychology｜聲紋x迴響｜音樂浴場 #5｜憤怒の湯
高山@體嘢｜決戰時刻 #12｜曼聯如何成為流量密碼
附加文｜文字食先 #12｜如詩如畫如家嘅炒飯
Cody Akuma｜香港人嘅風景紀錄 #11

迴響文學
田皓瑤女中醫師｜中醫兒科破障抄（五）｜鷓鴣
一　郎｜月下讀桌 #10｜香港拒馴化，台灣咪入侵
解頤齋齋主｜誅十族係咪應該信十足？
Florence Ng｜新詩｜《問嗰陣時游水偷渡嘅人》
黑　人｜短篇小說｜《無法力驅魔師：商場靈異人質事件》

＋＋＋＋＋＋＋

書名：迴響Resonate -粵語文化 期刊-
期數：總期數 35

今期作者：Hazelwcc、Matthew・Rapid Psychology、解頤齋齋主、方麗娜、高山＠體嘢、黑人、伊死、附加文、田皓瑤女中醫師、一郎、Florence Ng、Cody Akuma

今期嘉賓：余兒．喬靖夫．曹志豪．沈西城．潘牧雲．藍橘子、Bonnie Pang、野孩子劇場、李白

售價：HK$ 72
級別：1 級
頁數：80 頁
大小：185mm x 230mm
印刷：全彩色
訂裝：膠裝+封底拉頁
ISBN：978-988-70862-0-8

#迴響 #粵語文化 #粵語文學 #粵語推廣 #我手寫我心 #文化載體
#香港創作 #香港印刷 #香港出版 #廣東話任務 #廣東話
#出版人加油

★Follow我哋嘅作者：
高山道 #高山道 #體嘢
頌研堂 #田皓瑤女中醫師
方麗娜 #方麗娜
Cody Akuma Cody Akuma
Working at the picnic working at the picnic
#解頤齋齋主 #黑人 #伊死 #一郎 #附加文


★Follow我哋嘅嘉賓：
野孩子劇場 野孩子劇場
The Art of Bonnie Pang Bonnie Pang
喬靖夫 刀筆志 喬靖夫 刀筆志
藍橘子 藍橘子
余兒 余兒
曹志豪 曹志豪
沈西城．隨緣軒 #沈西城
#聲紋 #網上音樂雜誌

＋＋＋＋＋＋＋
★邊度有得賣《迴響》？ 支持香港書店
⇨ https://www.resonatehk.com/stores

★一年訂閱計劃
⇨ https://www.resonatehk.com/plans-pricing

★《迴響》補購套票（6本/10本）｜係時候入貨喇！
⇨ https://www.resonatehk.com/shop?%E9%A1%9E%E5%88%A5=%E3%80%8A%E8%BF%B4%E9%9F%BF%E3%80%8B%E5%A5%97%E7%A5%A8

【香港島】｜艺鵠書店｜阿叔商店｜軾DongPo｜HEAL CLUB｜森記圖書公司｜銅鑼灣樂文書店｜天地圖書｜ART CENTRE｜百得書局

【九龍】漫畫市場｜一代匯集｜美樂士多｜夕拾x閒社2.0｜旺角開益書店｜愉林書店｜Kubrick｜序言書室｜一拳書館｜博勢力無人書店｜旺角樂文書店｜獵人書店｜田園書屋｜城邦書店｜突破書廊

【新界】書軒｜山比高小說租賃｜尋回漫畫檔｜書少少｜渡日書店｜美樂士多

【日本】WintimPlanning｜香港漫画店

【英國】同呼吸書店｜Saan1 山｜Blow Water Cafe

【加拿大】多讀 TORead

★情非得已，只好郵購：
⇨https://www.resonatehk.com/shop
＋＋＋＋＋＋＋

09/11/2024

《GAME WEEKLY》實體書休刊，原本有個電子書計劃，可惜今日見到《GAME WEEKLY》公佈訂閱人數遠遠無法達標，所以連電子版計劃都會暫停。

正當各地電子書業務不斷發展，香港人對電子書嘅需求似乎仍然好低，或者話，香港人對所有出版刊物嘅需要都好低。我哋喺香港做出版係咪everything is wrong？

多謝《GAME WEEKLY》，有編輯同業幫手寫過公司嘅書刊介紹，大恩大德沒齒難忘。