National Geographic Magazine საქართველო

23/04/2024

ძალიან მაინტერესებს ევოლუცია. დროთა განმავლობაში თვალებმა განსაცვიფრებელი ადაპტაციები განიცადეს. ეს მამრი ერთდღიურაა, ე. წ. ჩალმიანი თვალებით – ჩალმის ფორმის გადიდებული თვალებით თავის ზედა ნაწილზე. მამრი თვალებს მწუხრის მკრთალ სინათლეზე მდედრის სილუეტის დასაზვერად იყენებს. თუ ამ ქვეყანას მხოლოდ ერთი დღით მოევლინე, როგორც ეს ზრდასრული მამრი, ჭამა აღარ გჭირდება. მთავარია, ვეებერთელა თვალებით იპოვო მდედრი, სანამ მოკვდები.

მე კიბოს მკვლევარი ვარ, თუმცა სამეცნიერო ფოტოგრაფადაც ვმუშაობ „მიკრონავტის” სახელით. „მიკრო” იმიტომ, რომ ქალაქ მუტენცში, გამოყენებით სასიცოცხლო მეცნიერებათა სკოლაში, ელექტრონული მიკროსკოპით ვიღებ ძალიან პატარა საგნებს. „ნავტი“ იმიტომ, რომ სკანერით კოსმონავტს ვგავარ, „დავფრინავ“ და აღმოჩენებს ვაკეთებ. სკანერი შავ-თეთრ გამოსახულებებს ქმნის, რომელთა გასაფერადებლად მთელი კვირა მჭირდება. ამ სახის კვლევა მეცნიერულად მნიშვნელოვანია და მეტად მომხიბლავიც.

ფოტო: მარტინ იეგერლი

22/04/2024

ერთი მწერლისთვის ბავშვობაში National Geographic-ი შესაძლებლობებით სავსე სამყაროში მიმავალი კარიბჭე იყო, დღეს კი ჟურნალმა მას ახალი წიგნის დაწერა შთააგონა.

ერთი მწერლისთვის ბავშვობაში National Geographic-ი შესაძლებლობებით სავსე სამყაროში მიმავალი კარიბჭე იყო, დღეს კი ჟურნალმა მ.....

22/04/2024

22 აპრილი დედამიწის საერთაშორისო დღეა!

კანადაში ხეტიალისას ფოტოგრაფი ეკოსისტემების პორტრეტებს ქმნის, რათა წაახალისოს ბუნების პატარა ელემენტების მეტ...

21/04/2024

National Geographic საქართველო 2012 წლიდან კომპანია Silknet - სილქნეტის მხარდაჭერით გამოდის.

21/04/2024

1862 წელს, 30 სმ სიგრძის სანექტრეს მქონე მადაგასკარული ორქიდეის დანახვისას დარვინმა დაასკვნა, რომ შესაბამისი დამამტვერიანებელიც უნდა არსებობდეს. ოთხი ათწლეულის შემდეგ აღმოაჩინეს Xanthopan praedicta – ღამის პეპელა მწერებს შორის ყველაზე გრძელი ხორთუმით. National Geographic-ის მკვლევარმა ჯულიეტ რუბინმა კი სხვა ადაპტაციაც აღმოაჩინა: როდესაც ტყვეობაში მყოფ ამ მამრ მწერებთან ღამურას ექოლოკაციის ხმებს რთავდნენ, ისინი გენიტალიების და მუცლის ხახუნით ულტრაბგერებს წარმოქმნიდნენ, რაც, სავარაუდოდ, ღამურას სონარს ახშობს. – პატრისია ედმონდსი

ფოტო: ჯოელ მინე

20/04/2024

1985 წელს შატილთან ახლოს, სოფელ გიორგიწმინდასთან, მიწა ჩამოიშალა და გამოჩნდა სამარხები. აქ აღმოჩენილი მასალა ხევსურეთში უძველესი დასახლებების არსებობაზე მიანიშნებს.

1985 წელს შატილთან ახლოს, სოფელ გიორგიწმინდასთან, მიწა ჩამოიშალა და გამოჩნდა სამარხები. აქ აღმოჩენილი მასალა ხევსუ...

20/04/2024

„ქვიშის კაცმა“ ობობისნაირნიც შეიძლება მოინახულოს. ეკოლოგი დანიელა როსლერი ხტუნია ობობებს აკვირდებოდა. ისინი უმოძრაოდ, თავდაყირა ეკიდნენ აბრეშუმის ძაფზე, რვა ფეხი კი შეეკეცათ. მათი აბრეშუმის წარმომქმნელი ორგანოები პერიოდულად ირხეოდა ან ფეხი უთრთოდათ. შეიძლება, რომ ობობებიც ხედავდნენ სიზმრებს?

სიცოცხლის პირველ დღეებში მათი თავი გამჭვირვალეა, ამიტომ როსლერს შიგნით ჩახედვა შეეძლო. ის აკვირდებოდა ობობების მთრთოლვარე ბადურებს. სავარაუდოა, რომ ისინი ვიზუალურ სიზმრებს ხედავდნენ. ეს პირველი შემთხვევაა, როდესაც REM-ის მსგავსი ძილი დაფიქსირდა უხერხემლო ცხოველებში. რაც უფრო მეტს ვიგებთ ხტუნია ობობების კოგნიტურ შესაძლებლობებზე, მით ნაკლებად გვეუცხოებიან და მეტად ვცემთ პატივს, აცხადებს როსლერი. – ელიზაბეთ ენ ბრაუნი

ფოტო: თომას ჯ. შაჰანი, NATIONAL GEOGRAPHIC-ის ფოტოკოლექცია

19/04/2024

გამოიწერეთ ჟურნალი ვებგვერდიდან:
www.subscribe.nationalgeographic.ge

National Geographic საქართველო

19/04/2024

ეგვიპტეში სამი ათასწლეულის განმავლობაში ათობით მილიონი ადამიანი და ცხოველი იქნა მუმიფიცირებული. თუმცა მათი საგანგებოდ შესრულებული პორტრეტები იშვიათად გვხვდება. 2019 წელს, საუკუნოვანი წყვეტის შემდეგ პირველად, რამდენიმე პორტრეტი ძველი ეგვიპტური ქალაქის – ფილადელფიის სამარხებში აღმოაჩინეს.

ეგვიპტელები დაკრძალვის ცერემონიას მთელი წლის შემოსავალს ახმარდნენ, ამბობს ლორელაი კორკორანი, მემფისის (ტენესის შტატი) ეგვიპტური ხელოვნებისა და არქეოლოგიის ინსტიტუტის დირექტორი. ნახატი ცვილსა ან ცხოველური წარმოშობის წებოში გაზავებული ბუნებრივი პიგმენტებით სრულდებოდა და იმით ფასდებოდა, თუ რამდენად რეალისტური იყო, თუმცა ხშირად იყო შელამაზებულიც, მაგალითად გარდაცვლილს ისეთი სამკაული ეკეთა, როგორიც ცხოვრებაში არ ჰქონია.

ჩვენთვის ცნობილია 1300-მდე მუმიის პორტრეტი. ალბათ, ბევრი კვლავაც აღმოსაჩენია, იმ მრავალ ნივთთან ერთად, რომელთა გამოყენებასაც გარდაცვლილები შემდგომ ცხოვრებაში იმედოვნებდნენ. – დენიელ სტოუნი

ფოტო: ბასემ გეჰადი, უძველესი ფილადელფიის ნეკროპოლისის გათხრების მისიის დირექტორი

18/04/2024

ქვის ხანის მძივებში ჩამალული მინიშნებები

ტექსტი: ემი ბრიგსი

18/04/2024

გამოყენებული საკვები ზეთის ნიჟარაში გადაღვრა კარგი არ არის, რადგან საკანალიზაციო მილში ცხიმის საცობს წარმოქმნის. არსებობს „ზეთის გამამყარებელი“ მცენარეული ფხვნილები, რომლებიც ტაფის ქაფქაფა შიგთავსს შედედებულ, მყარ ფირფიტად აქცევს და მისი გადაგდება ორგანულ ნაგავთან ერთად შეგიძლიათ. – პატრისია ედმონდსი

ფოტო: რებეკა ჰეილი, NGM-ის თანამშრომელი

17/04/2024

ჩილეში, ატაკამის უდაბნოში დაახლოებით 46 000 ტონა ტანსაცმელია დახვავებული. „ეს ფოტო 2022 წლის მაისში გადავიღე. მასზე გამოსახულია ნარჩენებზე მდგარი თავდახრილი ახალგაზრდა. საავადმყოფოში მუშაობის პარალელურად იგი აქაც მოდის და ბაზრობაზე გადასაყიდად დაეძებს ტანსაცმელს, მაგალითად, Nike-ის ან Adidas-ის ბრენდისას“, – გვიხსნის მერინო.

თუ ვინმეს მიაჩნია, რომ რეგიონს განგრენად მოდებული და მოსახლეობის შემხუთავი დაბინძურების დოკუმენტირება იოლი საქმეა, ძალიან ცდება. „ჟურნალისტ ჯონ ბარტლეტთან ერთად შუამავლის აყვანა დაგვჭირდა, ვინაიდან ტანსაცმლის მთავარი ნაგავსაყრელი იზოლირებულ და ძალიან საშიშ ზონაშია, სახელად ელ-მულა, რომელსაც ვენესუელური ორგანიზებული დანაშაულებრივი დაჯგუფება ელ-ტრენ-დე-არაგუა აკონტროლებს“, – გვიხსნის ფოტოჟურნალისტი და გვიამბობს, რომ ბანდის მიერ ჩატარებული ჩხრეკების დროს ზედმეტი ყურადღებისა და პრობლემების თავიდან ასარიდებლად ძველი, ჭუჭყიანი მანქანით იმგზავრეს და ფოტოაპარატი გადამალეს.

„კადრში გარემოს კატასტროფული დაბინძურების შედეგი მკაფიოდ ჩანს. იმედი მაქვს, ჩემი ფოტოები ამ მდგომარეობის შესახებ ცნობიერების ამაღლებაში წვლილს შეიტანს“. ფაქტია, რომ „სწრაფი მოდის“ ნარჩენების დაშლას საუკუნეები დასჭირდება.

ტექსტი: ემილი როშე
ფოტო: ტამარა მერინო

17/04/2024

National Geographic საქართველო 2012 წლიდან კომპანი Silknet - სილქნეტის მხარდაჭერით გამოდის.

16/04/2024

მეცნიერები ატმოსფერული ჰაერის, ყვავილების ფურცლების და ზღვის ღრუბლების სინჯების აღებით ცოცხალი არსებების მიერ გამოყოფილ გენეტიკურ მასალას პოულობენ. გარემოდან აღებული დნმ შეიძლება იყოს გამოყენებული რთულად მოსახელთებელი სახეობების საპოვნელად, მათი ურთიერთქმედების და დაავადებების მონიტორინგისთვის. – ელიზაბეთ ენ ბრაუნი

ფოტო: WILD HORIZONS/UNIVERSAL IMAGES GROUP VIA GETTY IMAGES

16/04/2024

მსოფლიოს უდიდესი რეფრაქტორული ტელესკოპი კვლავ გაიხსნა ტურისტებისთვის.

15/04/2024

დინოზავრების აღმოჩენების კვალდაკვალ სიარული მუდამ ცვალებად ხედს ნიშნავს.

15/04/2024

🟡 აპრილის ნომერი შეიძინეთ:

- Biblusi • ბიბლუსის ყველა ფილიალში
- ჟურნალის რედაქციაში
- მაღაზიაში "სტამბის წიგნები"
- პრესის გამავრცელებელ ჯიხურებში
გამოიწერეთ ვებგვერდიდან: www.subscribe.nationalgeographic.ge

14/04/2024

გიზიარებთ National Geographic საქართველოს ფოტოგრაფების, ავტორებისა და გუნდის წევრების რჩეული კადრების ისტორიებს.
National Geographic საქართველოს პირველი ნომერი 11 წლის წინ გამოვიდა. დაარსების დღიდან ჟურნალის წარმდგენია კომპანია Silknet - სილქნეტი.

National Geographic საქართველოს პირველი ნომერი 11 წლის წინ გამოვიდა. დაარსების დღიდან ჟურნალის წარმდგენია კომპანია სილქნეტი....

14/04/2024

ავსტრალიური იქედნე ერთგასავლიანია, ანუ ძუძუმწოვარი, რომელიც კვერცხს დებს. მათ გლუვი მილის მაგვარი დინგები აქვთ და უკბილოები არიან. ხანდახან ეკლიან ჭიანჭველაჭამიებსაც უწოდებენ. ეს ეკლები მყარი, სახეცვლილი ბეწვებია.

შეწყვილების სეზონის დროს ზრდასრული მამრების მწკრივი მდედრს მატარებელივით დასდევს. ასეთი „სიყვარულის მატარებელი“ ხშირად 10 ან მეტი მამრისგან შედგება და შესაძლოა მდედრს დღეების განმავლობაში სდიოს, სანამ ის თვითონ არ მიანიშნებს საბოლოო გაჩერებაზე. შემდეგ მამრები ერთმანეთს მდედრთან შეჯვარების პირველობისთვის ერკინებიან.

მათ პენისს ოთხი თავი აქვს – ოთხივე სპერმის სადინარით აღჭურვილი – თუმცა თითოეული ერექციის დროს მამრი მხოლოდ ორს იყენებს. 2021 წლის კვლევის მიხედვით, ერექტილური ქსოვილით იქედნე განსხვავდება სხვა ძუძუმწოვრებისგან. სავარაუდოდ, ეს ანომალია მამრებს მეწყვილისთვის შეჯიბრში უპირატესობას ანიჭებს: პენისის მხარეების ცვლით ერთ-ერთმა იქედნემ „სპერმა ზედიზედ ათჯერ გამოყო“, – აღნიშნეს კვლევის ავტორებმა. შეწყვილებიდან დაახლოებით 20 დღეში მდედრი ერთ კვერცხს დებს თავისი მუცლის ჩანთაში. 10 დღის შემდეგ მისი ნაშიერი იჩეკება.

ტექსტი: პატრისია ედმონდსი
ფოტო: დაგ გიმსი

13/04/2024

ჰალუცინაცია არ გეგონოთ, ეს სოკო მართლაც ელვარებს. ავსტრალიის ზომიერი სარტყლის ტყეებში, შემოდგომის წვიმების შემდეგ, ეს ბაზიდიუმიანი სოკო (Omphalotus nidiformis) მთელი დღის განმავლობაში სუსტად ელვარებს. შეუიარაღებელი თვალით მკრთალი ცისფერი ნათება ჩანს, ხოლო სიბნელეში, ხანგრძლივი ექსპოზიციით გადაღებულ ფოტოზე, მწვანედ ანათებს. თუ რა სარგებელი მოაქვს ბიოლუმინესცენციურობას ამ სოკოსთვის, ჯერაც უცნობია.

ტექსტი: ჰიქს ვოგანი
ფოტო: ეველინ პლეიერი

12/04/2024

National Geographic საქართველოს რჩეულ სტატიებს შეგიძლიათ მოუსმინოთ ჩვენს ვებგვერდსა და Silknet - სილქნეტის პლატფორმებზე.

ჟურნალ National Geographic საქართველოს საავტორო სტატიების აუდიო ვერსიები შეიქმნა კომპანია სილქნეტის მხარდაჭერით

12/04/2024

🗺️ იხილეთ National Geographic Magazine საქართველოსა და საქართველოს ეროვნული მუზეუმის თანამშრომლობის შედეგად შეიქმნილი სამხრეთ კავკასიის ბიომრავალფეროვნების რუკა

National Geographic Magazine – საქართველოსა და საქართველოს ეროვნული მუზეუმის მჭიდრო თანამშრომლობის შედეგად, კომპანია „სილქნეტი.....

11/04/2024

ინოვაციური ტექნიკა მწერების საფრენ უნარებს უჩვეულოდ და ხატოვნად წარმოაჩენს.

11/04/2024

„ევერგლეიდსის აუზი თავისი მასშტაბითა და გამოწვევებით ხშირად დაუძლეველი ადგილია. ფოტოსერიაზე მუშაობისას ობიექტებს თეთრ ფონზე ვათავსებდი, რათა კომპლექსური საკითხები გამეფილტრა მარტივ ვიზუალურ ნარატივებად“.

პონტედერიასა და ლაქაშებზე ჯგუფ-ჯგუფად მიწებებული ინვაზიური მტკნარი წყლის ლოკოკინას (Pomacea maculate) მჭახე ვარდისფერი კვერცხები რაოდენობით ბევრად აჭარბებს ადგილობრივი ლოკოკინას (Pomacea paludosa) ღია ვარდისფერ კვერცხებს.

ფოტო: მაკ სტოუნი

09/04/2024

„ახალი სიცოცხლის შესაქმნელად ათასობით მარჯნის სინქრონული მოქმედებების ხილვა ყოველთვის მაოცებს. ეს მომნუსხველი ფენომენი განსაკუთრებულ ესთეტიკურ განცდას განიჭებს, თითქოს წყალქვეშა ფერადოვან ქარბუქს აკვირდები“.

წითელ ზღვაში მარჯნები კვერცხებს და სპერმას წყალში გამოყოფენ, სადაც ისინი ერთმანეთში ირევიან და ერწყმიან. ეს „მასშტაბური ტოფობა“ წელიწადში მხოლოდ ერთხელ, ღამით, რამდენიმე წუთის განმავლობაში გრძელდება.

ფოტო: ტომ შლეზინგერი