Gündəlik - Gürcüstan

Home
Georgia
Tbilisi
Gündəlik - Gürcüstan

Azərbaycandilli informasiya səhifəsi | აზერბაიჯანულენოვანი საინფორმაციო გვერდი Fəaliyyəti könüllülük əsasında baş tutub.

“Gündəlik – Gürcüstan” fəaliyyətinə 2016-cı ilin 25 may tarixində “Facebook” platformasında “Parlament seçkiləri – 2016” adı altında başlayıb. 2016-cı ilin 31 oktyabr tarixindən etibarən isə adı dəyişdirilərək “Gündəlik – Gürcüstan” olaraq fəaliyyətini davam etdirib. Əsas məqsədi azərbaycandilli əhalini informasiya ilə təmin etməkdir.

13/06/2024

📍CANLI - 📣“Etnik azlıqların yaşadığı kəndlərdəki məktəblərin vəziyyətini əks etdirən fotoşəkillərin” sərgisi keçirilir.
USAID/Georgia USAID Civil Society Engagement Program
Center for Civil Integration and Inter-Ethnic Relations - CCIIR

11/06/2024

Azərbaycanda qohum evlilikləri qadağan edilir: Əmi, dayı və xala uşaqlarının nikahı qadağan edilir.

07/06/2024

Avropa Komissiyası Ukrayna və Moldova ilə üzvlük müzakirələrinə başlamaq haqqında tövsiyə qərarı qəbul etdi.

Yekun qərarı Avropa Birliyi Şurası verəcək.

Gürcüstan bu mərhələdə prosesdən kənarda qaldı. Hətta Avropa Komissiyası bu ölkə ilə vizasız rejimi dayandırmağı müzakirəyə çıxarmağa hazırlaşır.

Dünən ABŞ Dövlət Departamenti Gürcüstan hakimiyyət nümayəndələrinə qarşı viza sanksiyalarının tətbiqinə start verdi. Hələlik məhdud sayda şəxsə (30-a yaxın) qarşı və hökumətə xəbərdarlıq siqnalı mahiyyəti daşıyan sanksiya tətbiq olunub. "Gürcü Arzusu" geri addım atmasa, tədbirlər sərtləşərək davam edəcək.

Gürcüstanda hazırda yaranmış vəziyyətin əsas səbəbkarı şübhəsiz ki, ötən müddətdə ölkənin demokratik nailiyyətlərini tədricən aradan qaldıraraq yumşaq avtokratiya bərqərar etmiş Bidzina İvanişvilidir. Lakin Gürcüstanın (eləcə də Ukraynanın) məsələsini acı bağırsaq kimi uzatmış ABŞ və Avropa Birliyi də məsum deyil.

2012-ci ildə Saakaşvilinin hakimiyyətdən getməsi və “Gürcü Arzusu”nun gəlib, bir tərəfdən ehtiyatlı və səbirli avrointeqrasiya siyasəti aparması, digər tərəfdən isə Rusiya ilə məsafəli, amma praqmatik və stabil əlaqələr yaratması Qərbdə məmnunluqla qarşılandı. Saakaşvilinin Rusiya ilə açıq qarşıdurmaya getməsi Vaşinqton və Brüsselin qəzəbinə səbəb olmuşdu və elə o vaxtdan Qərb Saakaşvilini tamamilə sildi.

Ukraynada müharibə başladıqdan sonra geosiyasi situasiya radikal dəyişikliyə məruz qaldı və Qərb o vaxta qədər postsovet məkanında apardığı RUSİYA MƏRKƏZLİ SİYASƏTdən imtina etdi. "Gürcü Arzusu"nun güc mərkəzləri arasında müəyyən balansa əsaslanan siyasəti Qərbi qane etməməyə başladı və onlar Tbilisidən Saakaşvili dövründə olduğu kimi, birmənalı mövqe və qəti seçim tələb etdilər. “Gürcü Arzusu” isə komfort zonasından çıxmaq istəmədi, çünki Rusiya ilə qurduğu əlaqələr ölkədaxili sosial-iqtisadi stabilliyə mühüm töhfə verir. Moskva öz daxili bazarını Gürcüstan üçün açıb və bu ölkənin 2-ci böyük ticarət tərəfdaşıdır. Ukrayna müharibəsindən sonra Moskvanın göz yumması (və ya şərait yaratması) nəticəsində Gürcüstana axışan Rusiya orta təbəqəsinə mənsub, əlində vəsait olan şəxslər orada bir növ investor qismində çıxış etdilər.

Çinlə də ciddi yaxınlaşma var və həqiqi mənada strateji tərəfdaşlıq qurulub. Bu günlərdə Gürcüstan hökuməti hələ Saakaşvili dövründə icrasına başlanılmış Anakliya dərin dəniz limanı layihəsinin icrasını (49% pay) Çinin dövlət şirkətlərinə verdi. Bütün bunlar Qərbdə narazılıq və narahatlıqla qarşılansa da, “Gürcü Arzusu”nun reytinqinə müsbət təsir göstərir.

Amma önəmli məqam budur ki, “Gürcü Arzusu”nun seçicilərinin əksəriyyəti avroatlantik inteqrasiyanı dəstəkləyir. Onlar hökumətin indiyə qədər ölkəni məhz bu istiqamətdə apardığına əmin olublar. Avropa və ABŞ-da çoxlu sayda gürcü miqrant yaşayır-çalışır, onların vətənə göndərdiyi pul baratları da sosial stabilliyə töhfə verir. Qərblə iqtisadi əlaqələr də Gürcüstan üçün çox vacibdir. Dərinə getmədən təkcə onu qeyd etmək kifayətdir ki, ölkənin ixrac gəlirlərində minik avtomobilləri ilk sıradadır. Məsələn, bu ilin ilk rübündə Gürcüstan minik avtomobilləri ixracından 444 milyon dollar gəlir əldə edib. (Müqayisə üçün: ixracatda 2-ci başlıq olan şərab məhsulları ixracından eyni dövrdə 84 milyon $ qazanılıb). Bu avtomobillərin əksəriyyəti ABŞ və Avropadan gətirilir və onların reeksportu həyata keçirilir.

ABŞ və Avropa ilə münasibətlərin pozulduğu, viza rejiminin dayandırıldığı və ölkənin Qərbdən təcrid olunduğu bir şəraitdə əhalinin məmnuniyyəti və “Gürcü Arzusu”na dəstəyi davam edəcəkmi? Bu sualın cavabını oktyabr seçkilərində görəcəyik və xalqın seçimi Gürcüstanın taleyini müəyyənləşdirəcək.

Shahin Caferli

06/06/2024

ABŞ rejimin onlarla nümayəndəsinə və onların ailə üzvlərinə sanksiya tətbiq edib

Bir neçə dəqiqə əvvəl ABŞ Dövlət Departamenti İvanişvili rejiminin onlarla nümayəndəsinə qarşı sanksiyalar paketi elan edib. Onların arasında “Gürcü arzusu”nun üzvləri, deputatlar və hüquq-mühafizə orqanlarının əməkdaşları da var.
Sanksiya viza məhdudiyyətlərini nəzərdə tutur.

Bunun sanksiyaların ilk dalğası olduğu bildirilir.

Hələki adlar və soyadlar məlum deyil.

28/05/2024

Gürcüstan prezidenti Salome Zurabişvili canlı yayımla Rustavelidə keçirilən mitinq iştirakçılarına müraciət edib.

“84 Şulavereli və ya 84 Orconikidze bu ölkənin gələcəyini dəyişə bilməz”. Bu gələcək bizimdir.

Onlar barmaqları ilə düyməni basıb, adlarını tarixin bir səhifəsinə yazdırıblar. İndi biz buna cavab olaraq 26 oktyabra hazırlaşmaq üçün əlimizdən gələni etməliyik.

Bu gün qəzəblisiniz, elədi? Qəzəblisən, amma gəlin işə başlayaq. Məsələ ondadır ki, biz ilk növbədə real referendum hazırlamalıyıq. Bu gün sizdə olan bu enerji imza toplamaq və onları mənə gətirmək üçün istifadə olunmalıdır və mən referendumu imzalayacağam - biz Avropa gələcəyini istəyirik, yoxsa rus əsarətini?

84 nəfər qərar verə bilməz, biz birlikdə qərar verəcəyik. 84 nəfər bu gün burada olanlarla müqayisədə heç bir şey deyil - yeni Gürcüstan, gələcəyin Gürcüstanı.

İkinci əsas odur ki, siz burada gəncsiniz, lazım olan yerdə seçkiləri qorumaq sizin əsas borcunuz olacaq. Sizin səfərbərliyiniz, yarım milyon səsiniz və diasporumuzun yarım milyon səsi seçkini həll edəcək.

Mən bu zaman çalışacağam ki, bizim tərəfdaşlarımız və dostlarımız - bəziləri kimin dostumuz, kimin əbədi düşmən olduğunu başa düşmədilər - dostlarımız bizim yanımızda olsunlar. Bəziləri Orconikidzeyə sanksiya verə bilər, amma ölkəyə sanksiya qoymurlar, ölkə kim olduğunu, nə olduğunu, harada olduğunu açıqlayıb.

26 oktyabra hamımız birlikdə hazırlaşmalıyıq. Mən sənin yanınızdayam. Mən sizəm, siz isə mən”, - deyə prezident bildirib.

Parlament prezidentin vetosunu aşaraq Rus qanununu qəbul edib. 84 deputat qanunu dəstəkləyib. “Qirçı”nın 4 üzvü qarşı çıxdı.

Bu qanunun müəlliflərindən biri olan Mamuka Mdinaradze səhhətinə görə səsvermədə iştirak etməyib.

28/05/2024

Parlament prezidentin “Rus qanunu”na verdiyi vetonu ləğv etdi. Qanun 4 əleyhinə olmaqla, 84 səslə qəbul edildi.

28/05/2024

Milli Bank valyuta auksionunda 48,7 milyon ABŞ dolları satdı.

28/05/2024

“Mən gəncləri döymürəm, kişi olmayanları döyürəm, siyahımız var” - Xüsusi Əməliyyatlar Departamentinin-nin direktoru Zviad Xarizishvili TV Pirveli-yə bildirib.

26/05/2024

Bu gün Gürcüstan müstəqillik gününü qeyd edir.
Müstəqilliyimiz əbədi, bayrağımız daima uca olsun! 🇬🇪🤍❤️

26/05/2024

"Mən bütün Gürcüstana müraciət edirəm, sizə müraciət edirəm və ölkəmizin indiki vəziyyətinin sizi nə qədər incitdiyini bilirəm. Bu gün necə hiss etdiyinizi bilirəm. Ölkənin müstəqilliyi və Avropa gələcəyi təhlükə altında olanda. Ümidsizliyə qapılmayın. İndiyə qədər bu ölkəni və onun müstəqilliyini siz, bu ölkənin vətəndaşları gətirdiniz, onu qoruyub saxladınız və bu gün biz onu gücləndirməliyik. Təsadüfi deyil ki, Gürcüstan üçün həlledici bir zamanda ölkə prezidenti 1918-ci il mayın 26-da elan edilmiş müstəqilliyi, Gürcüstanın müstəqilliyi uğrunda mübarizə aparan və hazırlayan mühacirin övladıdır. Təsadüfi olmaya bilər ki, bu gün ölkə prezidenti işğalçı rus qoşunlarını sülh yolu ilə çıxaran şəxsdir, mən bu ölkənin müstəqilliyi və onun Avropa gələcəyi üçün hər şeyi etməyi öz əcdadlarım və ölkə qarşısında borcum hesab edirəm” | Salome Zurabişvili müstəqillik gününə həsr olunmuş mərasimdə bildirib.

26/05/2024

Marneulidə təbii fəlakət

Çayın daşması nəticəsinə yaranan vəziyyət

📍 Marneuli, Bazarın arxası

Video: Zviad Pipia

25/05/2024

Maliyyə nazirinin müavini Mirza Gelashvili istefa verdi: "Gürcüstanın gələcəyi Avropadadır" - deyə o bu barədə paylaşım edib.

24/05/2024

"Rus qanunu"na qarşı "Azadlıq Marşı"

Tbilisi hal-hazırda

📸 Ruslan Omarov

24/05/2024

📍Tbilisi 24/05/2024 ❤️🇬🇪

Foto: Ezz Gaber

24/05/2024

🔴 ABŞ Dövlət Departamenti Gürcüstanda demokratiyaya zərbə vuran şəxslərə və onların ailə üzvlərinə qarşı yeni viza məhdudiyyətləri siyasətini elan edir.

🔻 Bu barədə dövlət katibi Entoni Blinkenin yeni bəyanatında deyilir - məhdudiyyətin kimə şamil edildiyi siyahı məlum deyil.

20/05/2024

🔻 Helikopterin qəzaya uğraması nəticəsində İran prezidenti və xarici işlər naziri, eləcə də göyərtədəki bütün insanlar həlak olub | Reuters agentliyi İranın rəsmi nümayəndəsinə istinadən xəbər verir
📍 "Prezident Reisi, Dövlət Katibi və bütün vertolyot sərnişinləri təyyarə qəzasında həlak oldu" | Bu barədə Reuters agentliyinə İran rəsmisi bildirib

19/05/2024

Sabah insan haqları komitəsi pensiya haqqında qanuna İvanişviliyə bizim pensiya əmanətlərimizi götürmək və istədiyi kimi yönəltmək hüququ verən dəyişikliklər təqdim edəcək.
Dəyişikliyə əsasən Pensiya Agentliyində mövcud olan Şuranın üzvləri bundan sonra parlament tərəfindən seçilməyəcək. Onlar baş nazir tərəfindən təyin ediləcək. Bu gün idarə heyətinin üzvləri və sədri əcnəbidir.
Qanun layihəsinin qəbulu nəticəsində şura üzvləri artıq əcnəbi olmayacaq. Müvafiq olaraq, hökumət şura üzərində tam nəzarəti öz üzərinə götürür.
Gürcüstan vətəndaşları öz pensiya aktivlərini Milli Bank tərəfindən tənzimlənən digər aktivlərin idarə edilməsi fondlarına və özəl aktivlərin idarə edilməsi şirkətlərinə köçürmək hüququnu itirəcəklər.
Hazırda 1,3 milyon vətəndaşın 4,9 milyard lari əmanəti Gürcüstanın Pensiya Agentliyində yerləşdirilib.
Qanun layihəsində pensiya fondunun investisiya normalarına dəyişiklik edilir ki, bu da vəsaitlərin riskli və gəlir gətirməyən sahibkarlıq subyektlərində yerləşdirilməsinə gətirib çıxaracaq.
Bu, korrupsiya riskinin artması ilə müşayiət olunur, çünki pul hakimiyyət müəssisələrinin (məsələn, tikinti şirkətlərinin) maliyyələşdirilməsinə yönələ bilər. Hökumətin marağında olan infrastruktur layihələrinə investisiyalar qoyulacaq.

Parlamentin üzvü Xatiya Dekanoidze yazır

19/05/2024

İran prezidentinin Instagram hesabından paylaşım:
"Mənim üçün dua edin."

19/05/2024

İranda fövqəladə vəziyyət elan edildi.

19/05/2024

İran medyası: Rəisini və xarici işlər nazirini daşıyan helikopterin GPS-i hələ də aktivdir və xilasedicilər hal-hazırda qəzanın baş verdiyi traaektorianı tapmağa çalışırlar.

19/05/2024

İran prezidenti və xarici işlər nazirini daşıyan helikopterinin qəzaya uğramasından sonra hələ də axtarışlar davam edir. Onların taleyi ilə bağlı məlumat yoxdur.

| The New York Times

19/05/2024

🔴 İran-Azərbaycan sərhədində İran prezidenti İbrahim Rəisinin içərisində olduğu helikopter qəzaya uğrayıb.

Hazırda helikopterin düşdüyü yerdə axtarış tədbirləri davam etdirilir.

Rəsinin vəziyyəti ilə bağlı dəqiq məlumat hələki məlum deyil.

19/05/2024

Avropada yaşayan Nano Arabidze yazır: Avropada ailə hörmətini gördüm. Mən hələ görməmişəm ki, avropalı kişi arvadını xaricə işə göndərsin!

“4 ildir ki, Avropada yaşayıram və hələ də “azğın Avropa” görməmişəm. Əksinə, mən burada ailə hörmətini gördüm. Burada valideynlərin azyaşlı övladının fikrinə/istəklərinə necə hörmət etdiyini gördüm.

Arvadlarını iş üçün mühacirətə buraxan avropalı kişiləri hələ görməmişəm.

Hələ valideynlərin ümidi ilə ailə quran uşaqları görməmişəm.

Pensiya ərəfəsində bankdan kredit götürən pensiyaçı görməmişəm. Nə dərmansız, nə həkimsiz, nə uşaq... ümumiyyətlə, heç kim görməmişəm.

dini? Uff, nə qədər istəyirsən (heç kim italyanları dinsizlikdə ittiham edə bilməz), amma mən heç vaxt Allah adını çəkərək müxtəlif insanlara nifrət edən bir nəfər görməmişəm. Mən nifrət təbliğ edən din xadimi görməmişəm.

Homofobiya, hər şey kimi, hər yerdə (o cümlədən Avropada) var, lakin o qədər kiçik miqyasdadır ki, görünmür. O qədər kiçikdir ki, bu 4 ildə bir dənə də olsun homofobla rastlaşmamışam!

Liberalizm burada söyüş deyil. Üstəlik, bu da ideologiya deyil. Liberalizm burada həyat tərzidir.

millətçilik? Bəli, görmüşəm. Amma burada millətçilik radikal deyil. Buradakı insanlara öz dilində iki söz demək kifayətdir ki, onlar da gülümsəyib səni tərifləyirlər.

Hamı zəngindir ya yox? təbii ki, yox. Ancaq kimin çətinlik çəkdiyini, kimin pulunun olmadığını anlaya bilməyəcəksiniz. Geyiminə görə çox fərqlənə bilməzsən. Rahat və yüngül geyinirlər. Hər kəs maddi vəziyyətinə uyğun olaraq əyləncə yerlərinə (həftə sonları olmalıdır) gedir. Həftə sonu, tətil, istirahət günlərinin xoş keçməsi üçün ailənin çoxlu pulunun olması şərt deyil. Hər kəs bunu edə bilər.

Burada ailənin şərəfinə günlər qoymurlar. Burada ailəyə hörmət həyat tərzidir...

Mən heç bir Skandinaviya ölkəsini demirəm. Mən dini, ənənəvi İtaliyada yaşayıram. Bu ölkə yaşayış səviyyəsinə görə Almaniya və ya İsveçrə deyil (çox geridədir), baxmayaraq ki, Gürcüstan yəqin ki, bir əsr geri qalır!"

18/05/2024

Predizdent Salome Zurabishvili, “Rus qanunu”na veto qoydu.

15/05/2024

Gürcüstanda qapalı avtoritarizmə keçid tamamlandı

Gürcüstan kimi həm demokratik, həm də avtoritar institutlara sahib idarəetmə forması rəqabətli avtoritar sistem adlanır. Bu cür rejimlər ölkədəki demokratik və avtoritar institutların güclənməsi və zəifləməsi nəticəsində iki qütbdən birinə doğru keçid edir. Demokratik institutlar gücləndikcə hakimiyyət üzərində ictimai siyasi nəzarət böyüyür və tədricən demokratikləşmə baş verir. Bu prosesin əksi isə - avtoritar institutların güclənməsi, hakimiyyət üzərində nəzarətin mexanizminin azalması, müxalif qüvvələr və vətəndaş cəmiyyətinin hakimiyyətə qarşı mübarizəsinin çətinləşdirilməsi - "Avtoritar geriləmə" (Authoritarian backsliding) hesab edilir.

Avtoritar geriləmə 3 əsas demokratik institutun vəziyyətindəki dəyişiklikdə müşahidə edilir. Seçkilər, sivil azadlıqlar və müstəqil məhkəmə - hüquq sistemi, hakimiyyət qolu üzərinə nəzarət mexanizmi.

Gürcüstanda avtoritar geriləmə prosesi Gürcü Arzusu partiyasının (GA) ilk hakimiyyət dövrünün sonundan açıq görünməyə başladı. (GA) koalisiya qüvvələrini hakimiyyətdən uzaqlaşdırıb partiyanı konsolidasiya edəndən sonra tədricən demokratik institutlar üzərinə hücuma keçdi. Ardıcıl 3 seçkini qazanmaqla GA dominant partiyaya çevrildi və tədricən seçki rəqabətiliyini azaltmağa, sivil azadlıqlar və müstəqil məhkəmə sistemini sıradan çıxarmağa başladı. Nəticədə ölkədə keçirilən son seçkilər daha az rəqabətli və azad oldu. 55 yer qazanmasına baxmayaq bütün müxalifət ATƏT-in seçki müşahidə missiyasının hesabatında da göstərilən seçki saxtakarlığına etiraz olaraq parlamenti boykot etdi.

GA Gürcüstanda həmçinin bütün məhkəmə institutlarını tədricən ələ keçirdi və beləcə hakimiyyəti üzərində nəzarət mexanizmini neytrallaşdırdı. GA həm "klan" adlan təsirli hakimlər şəbəkəsi vasitəsilə, həm də bir başa həm Ali, həm Konstitutsiya, həm də ölkənin məhkəmə hüquq sistemini idarə edən ali ədliyyə qurumu Yüksək Ədliyyə Şurasına öz adamlarını yerləşdirdi. Bu mənada oliqarxın partiyası məhkəmə sistemini də effektiv şəkildə ələ keçirə və hakimiyyəti üzərində nəzarəti neytrallaşdıra bildi.
Bu gün qəbul edilən "Xarici Agent"lər haqqında qanun isə sonuncu vacib demokratik təsisatı sivil azadlıqları hədəf alıb və qısa zamanda ölkədəki siyasi mübarizəni və vətəndaş cəmiyyətinin fəaliyyətini əhəmiyyətli dərəcədə azaldacaq. Bu GA-ya vətəndaş cəmiyyətinin gücünü azaltmaqla onun üzərində nəzarətini gücləndirməyə imkan verəcək. Vətəndaş cəmiyyətinin kiçilməsi həm də siyasi partiyaların da gücünü və təsirinin azalmasına səbəb olacaq və GA-ya qarşı müqaviməti əhəmiyyətli dərəcədə azaldacaq. Hakim partiya isə gücü əlində möhkəmləndirəcək. Beləcə seçki rəqabətliliyinin azalması, məhkəmə sisteminin ələ alınmasından sonra GA idarəçiliyi altında bu qanunun qəbul edilməsi sivil azadlıqların da boğulmasına gətirməklə Gürcüstanda avtoritar geriləməni tamamlamış olur. Bununla Gürcüstan ilk dəfə açıq şəkildə Saakaşvilinin başlatdığı demokratikləşmə prosesini tərsinə çevirir və rəqabətli avtoritarizmdən qapalı avtoritarizmə geri keçid edir.

✍️ müəllif: Nurlan Huseynov

15/05/2024

Bloomberg-də bir dolların dəyəri 2,73 lariyə yüksəlib.

15/05/2024

London birjasında fəlakət baş verir. Hələ səhər açılmayıb və Gürcüstan Bankının səhmləri artıq 10 faiz ucuzlaşıb. Son 2 həftədə bankın kapitallaşmasından milyard yarımdan çox lari buxarlanıb. Təsəvvür edirsinizmi, sanksiyalar tətbiq edilsə, Amerika və Avropa yardımı dayandırılsa, nə baş verəcək?

Odur ki iri həcmli bizneslər, oyanın və artıq dillənin!

George Rukhadze

14/05/2024

Foto: Ezz Gaber

14/05/2024

Etirazçılar Kür çayının digər tərəfindəki magistral yolu da bağladılar.

16/11/2023

Bu gün Bakıda baş vermiş yol qəzasında Türkiyədən qonaq gəlmiş alim Arif Acaloğlu vəfat edib.

A.Acaloğlu 1956-cı ildə Gürcüstanda, Kəpənəkçi kəndində anadan olub. Bakı Dövlət Universitetinin filologiya fakültəsini bitirib. 1982-ci ildə Ədəbiyyat İnstitutunun Mifologiya şöbəsində elmi işçi kimi fəaliyyətə başlayıb. O, 1983-1986-cı illərdə Tartu Universitetində (Estoniya) Semiologiya üzrə doktorantura təhsili alıb. 1987-1990-cı illərdə folklor kafedrasında ekspert, 1990-cı ildə Bakı Dövlət Universitetində müəllim olub.

O, 1992-1993-cü illərdə Azərbaycan Prezidentinin müşaviri vəzifəsində çalışıb. 1993-cü ilin ortalarında işini tərk edərək Türkiyədə məskunlaşıb. Uzun müddət Bilgi Universitetinin Rus Dili Proqramında, 2008-2019-cu illərdə isə Yeditəpə Universitetinin Antropologiya bölməsində müəllim vəzifəsində çalışıb. O, akademik və siyasi araşdırmalarla yanaşı, bir çox televiziya proqramları, müsahibələr və populyar məqalələr hazırlayıb, 30-dan çox tərcümə kitabı nəşr edilib.

O, Qafqaz, Orta Asiya və Sibirdə Türk tarixini araşdırmaq məqsədilə çoxsaylı akademik fəaliyyətlər göstərib.

Address

Kvemo-kartli
Tbilisi

Website

https://gundelik.ge/

Alerts

Be the first to know and let us send you an email when Gündəlik - Gürcüstan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Gündəlik - Gürcüstan:

Videos

📍CANLI - 📣“Etnik azlıqların yaşadığı kəndlərdəki məktəblərin vəziyyətini əks etdirən fotoşəkillərin” sərgisi keçirilir. USAID/Georgia USAID Civil Society Engagement Program Center for Civil Integration and Inter-Ethnic Relations - CCIIR

Marneulidə təbii fəlakət Çayın daşması nəticəsinə yaranan vəziyyət 📍 Marneuli, Bazarın arxası Video: Zviad Pipia

İran medyası: Rəisini və xarici işlər nazirini daşıyan helikopterin GPS-i hələ də aktivdir və xilasedicilər hal-hazırda qəzanın baş verdiyi traaektorianı tapmağa çalışırlar.

Etirazçılar Kür çayının digər tərəfindəki magistral yolu da bağladılar.

Aksiya iştirakıçları Kür ətrafı magistral yolu bağlayıblar.

Parlament qarşısı. Video: Tako Abramia

Parlament önündə yüzlərlə polis dəstələri toplanmış etirazçıları dağıtmağa başlayıb.

Tbilisi bu dəqiqələrdə.

Gürcüstan tarixində hələ görülməmiş bir hadisə baş verir bu dəqiqələrdə. “Rus Qanununa”etiraz üçün Tbilisinin üç ayrı nöqtəsindən başlayan Avropa Marşı, hal-hazırda Kür çayının hər iki tərəfində izdihamlı bir şəkildə Avropa Meydanına doğru davam edir!

Avropa Marşı

Paytaxtın üç ayrı nöqtəsindən Avropa Meydanına qədər “Avropa marşı” başladı.

Qeyri Hökümət Təşkilatlarının fəaliyyəti haqqında videoçarx #RusQanununaYox❗️

Hal-hazırda Tbilisi küçələrində xalq ilə xüsusi təyinatlı polis qüvvələri üz-üzə.

Ayhan Həsənov #RusQanununaYox❗️ #არარუსულკანონს❗️

Ilkin Huseynov #RusQanununaYox❗️ #არარუსულკანონს❗️

Leila Mamedova #RusQanununaYox❗️ #არარუსულკანონს❗️

Elvin Karimov #RusQanununaYox❗️ #არარუსულკანონს❗️

Elvin Karimovi #RusQanununaYox❗️ #არარუსულკანონს❗️

Tozu Gulmamedli #RusQanununaYox❗️ #არარუსულკანონს❗️

Tozu Gulmamedli - Konstitusiya orqanlarından biri də Gürcüstanın qərarverici və ölkənin həm daxili, həm də xarici siyasətini müəyyən orqanı olan ölkə parlamentidir. Bu gün parlament rus qanunu qəbul etmək cəhdi ilə məhz konstitusiya çərçivəsindən çıxır və ölkəmizin Avropaya gedən yolunu kəsir. #RusQanununaYox❗️ #არარუსულკანონს❗️