ჟურნალი საქართველოს ბიბლიოთეკა • Magazine Library of Georgia

25/12/2023

მეგობრებო, გამოვიდა ჟურნალ „საქართველოს ბიბლიოთეკის“ 2023 წლის ბოლო, მე-4 ნომერი, რომლის ციფრული ვერსია განთავსებულია ეროვნული ბიბლიოთეკის ინტერნეტ-გვერდზე. გაგაცნობთ ამ ნომრის მოკლე შინაარსსა და აქვე გთავაზობთ მისი ციფრული ვერსიის ბმულს:
https://dspace.nplg.gov.ge/handle/1234/475823

როგორც საბიბლიოთეკო პროფესიულ ჟურნალს შეეფერება, მასში გაშუქებულია საბიბლიოთეკო თემის თეორიული და პრაქტიკული საკითხები, როგორებიცაა, მაგალითად საქართველოს ბიბლიოთეკების ფონდების მდგომარეობა, საბიბლიოთეკო რესურსების დეტალიზებული ბაზა, საერთაშორისო კატალოგიზაციის პრინციპების დეკლარაცია და ა.შ.
საერთაშორისო ურთიერთობებიდან განსაკუთრებით აღსანიშნავია ინფორმაცია მემორანდუმის დადების შესახებ საქართველოს ეროვნულ ბიბლიოთეკასა და ამჯერად უკვე ვატიკანის ბიბლიოთეკას შორის.
ვაგრძელებთ წერილების სერიას, რომლებშიც ასახულია საქართველოს სხვადასხვა კუთხის საბიბლიოთეკო საქმის საწყისები.N4-ში მკითხველი გაეცნობა ონის, ხაშურისა და თელავის ერთ-ერთი უბნის - მაწანწრის, ბიბლიოთეკების დაარსებისა და განვითარების ისტორიებს.
ია გორგიშელის წერილში მოთხრობილია ეროვნული ბიბლიოთეკის ინტერნეტ-რესურსის, გზამკვლევ GeREs.ge-ს შექმნის ისტორია.
რუბრიკაში „რეცენზიები“ წარმოდგენილია ალექსანდრე ლორიას წერილი როლანდ თოფჩიშვილის წიგნზე „ქართულ-აფხაზური და ქართულ-ოსური ურთიერთობების ისტორიის დამახინჯება და არა მხოლოდ...“
როგორც ცნობილია, თეიმურაზ დოიაშვილისა და ნათია სიხარულიძის წიგნი „გალაკტიონი უცენზუროდ“ ლიტერატურული კონკურსის - „საბას“ 2023 წლის გამარჯვებული გახდა. ჟურნალში ქვეყნდება ემზარ კვიტაიშვილისა და როსტომ ჩხეიძის გამოხმაურებები ამ წიგნზე და, რაც მთავარია, აქვე იბეჭდება ინტერვიუ ამ საინტერესო წიგნის ავტორებთან.
რუბრიკაში „ხელოვნება“ ჟაკლინ სირაძე მკითხველს აცნობს საკუთარ მოსაზრებებს ოთარ იოსელიანის ორი ფილმის - „პასტორალი“ და „ღვინოშია ჭეშმარიტებას“ შესახებ.

15/12/2023

ძვირფასო მეგობრებო, ჟურნალ „საქართველოს ბიბლიოთეკის“ სარედაქციო კოლეგიის სახელით გილოცავთ საქართველოსათვის ევროკავშირის წევრობის კანდიდატის სტატუსის მინიჭებას. წარმატებებით ევლოს ჩვენს სამშობლოს პოლიტიკური და კულტურული განვითარების გზებზე!
ასევე მინდა გაცნობოთ, რომ გამოვიდა ჩვენი ჟურნალის მე-3 ნომერი, რომლის ციფრული ვერსია ეროვნული ბიბლიოთეკის ვებ-გვერდზეა განთავსებული (ციფრულ ბიბლიოთეკა „ივერიელში“).
აქვე გთავაზობთ შესაბამის ბმულსაც.

https://dspace.nplg.gov.ge/bitstream/1234/473118/1/Saqartvelos_Biblioteka_2023_N3.pdf

მოკლედ გაგაცნობთ ნომრის თემებს:
დღევანდელ სიხარულს ერთგვარ ფონად ედება წერილი საქართველოს ეროვნულ ბიბლიოთეკასა და რომის ეროვნულ ბიბლიოთეკას შორის გაფორმებული მემორანდუმის შესახებ;
საბიბლიოთეკო შემოწირულობათა რამდენიმე ამბავს გააცნობს მკითხველებს სარედაქციო წერილი „ბიბლიოთეკებისადმი უანგარო ზრუნვაც სამშობლოს სიყვარულია!“
გრძელდება წერილების სერია „საქართველოს ეროვნული ბიბლიოთეკის ხელმძღვანელები“. ახალ წერილში ამჯერად საუბარია მამა-შვილ, ოგიუსტ და ვლადიმერ დე სენ-ტომას, შესახებ.
ჩვენი კოლეგა-ბიბლიოთეკარების წერილებში მოთხრობილია ზესტაფონის სოფელ კვალითის, სოფელ ქვედა საქარისა და თელავის სოფელ იყალთოს, ასევე რუსთავის მთავარი ბიბლიოთეკისა და კასპის ბიბლიოთეკების ისტორიისა და შრომითი საქმიანობის შესახებ.
თამაზ ლაცაბიძის სტატია მკითხველს აცნობს სურამის მკვიდრის, XIX საუკუნის საბიბლიოთეკო საქმის უანგარო მზრუნველის, ალექსანდრე ხორავას ცხოვრებასა და მოღვაწეობას.
რუბრიკაში „წიგნის ისტორია“ მოთხრობილია წიგნის მბეჭდავ ნიკოლო დი ლორენცოსა და მისი ინკუნაბულების შესახებ.
მარიამ მარჯანიშვილის წიგზე „დერჩის ქვების ღაღადისი“ მკითხველს თავის შთაბეჭდილებებს აცნობს თემურ მარშანიშვილი.
ჟურნალი გთავაზობთ ჟაკლინ სირაძის საინტერესო წერილს ოთარ იოსელიანის ფილმზე „იყო შაშვი მბრძანებელი“.
ბოლო გვერდებზე თამარ გაბოძე საუბრობს ბიბლიოთეკართა მფარველის, წმინდა ლავრენტის ცხოვრებასა და მოწამეობრივი აღსასრულის შესახებ.

26/10/2023

მოგესალმებით, მეგობრებო.

გამოვიდა ჟურნალ „საქართველოს ბიბლიოთეკის“ ამ წლის მე-2 ნომერი. უპირველესი და საამაყო, რაც ამ ნომერშია, ესაა ილია ჭავჭავაძის დღემდე გამოუქვეყნებელი წერილი „ტფილისი“, რომელიც მან დაწერა 1866 წელს, გაზეთ „დროების“ დაარსებასთან დაკავშირებით. წერილი გაზეთის პირველ ნომერში უნდა დაბეჭდილიყო, მაგრამ ცენზურამ აკრძალა, როგორც ჩანს, მასში გამოხატული „ზედმეტად“ ეროვნული სულისკვეთების გამო.

ათი წლის შემდეგ, 1876 წლის 14 მარტს, „დროებაში“ დაიბეჭდა ილიას ახალი წერილი „ზოგიერთი რამ“, რომელიც „ტფილისზე“ დაყრდნობით დაიწერა. მიუხედავად იმისა, რომ ეს ახალი ტექსტია, მასში მეორდება ზოგიერთი პასაჟი და, რაც მთავარია, ის „ზედმეტად“ ეროვნული სულისკვეთება, რამაც საბოლოოდ ქართველი საზოგადოება გამოაფხიზლა. ილიას ეს ხელნაწერი („ტფილისი“) დიდი ხნის განმავლობაში დაკარგულად ითვლებოდა. დღეს იგი ინახება ეროვნული ბიბლიოთეკის პრესის მუზეუმში.

ჩვენი ჟურნალის შემოქმედებითი ჯგუფისათვის დიდი პატივია, ილიას ამ წერილის პირველად გამოქვეყნების საშუალება რომ მოგვეცა.

N2-ში, გარდა ილიას წერილისა, გაეცნობით საქართველოს საბიბლიოთეკო ცხოვრების ბევრ საყურადღებო მასალას, ასევე ქართველ მეცნიერთა - ალექსანდრე ლორიას, ავთანდილ ნიკოლეიშვილის, ბონდო არველაძის, ჟაკლინ სირაძის, მაყვალა ანთაძისა და სხვათა სტატიებს ქართული ლიტერატურისა და ისტორიის საკითხებზე.

აქვე გთავაზობთ „საქართველოს ბიბლიოთეკის“ N2-ის ელექტრონულ ვერსიას.
https://dspace.nplg.gov.ge/bitstream/1234/460934/1/Saqartvelos_Biblioteka_2023_N2.pdf

13/06/2023

ძვირფასო მეგობრებო,
გამოვიდა 2023 წლის პირველი ნომერი ჟურნალისა „საქართველოს ბიბლიოთეკა“. როგორც ყოველთვის, ჩვენი პუბლიკაციების უმთავრესი თემაა ბიბლიოთეკა. ვისაც ბეჭდური გამოცემა არ უნახავს, ამ ბმულზე შეუძლია შევიდეს და ჩამოტვირთოს კიდეც.
https://dspace.nplg.gov.ge/bitstream/1234/446731/1/Saqartvelos_Biblioteka_2023_N1.pdf

მე კი გაგაცნობთ ნომრის შინაარსს:

ქშწკგ საზოგადოების მიერ სამცხე-ჯავახეთში დაარსებულ ბიბლიოთეკებს ეხება ნატო ყრუაშვილის სტატია (გვ. 16-21);
ვაქირის ბიბლიოთეკის ისტორიაა გადმოცემული ნიკა ყარალაშვილის სტატიაში (გვ. 11-15);
ორ წერილი ეხება ასპინძისა და ზესტაფონის ცენტრალურ ბიბლიოთეკებში ჩატარებულ ღონისძიებებს (გვ. 22-24);
საინტერესო პროფესიული გამოცდილებაა ასახული ამერიკელი ბიბლიოთეკარის სარა ჰოუტონ-ჯენის წერილში, რომლის ქართული თარგმანი მოგვაწოდა ნათია ხოტენაშვილმა (გვ. 5-10);
პირველი ბესტსელერი ევროპული ბეჭდური ლიტერატურის ისტორიაში წარმოგვიდგინა ნინო ხვედელიძემ (გვ. 25-29).
თედო ჯაფარიძის რეცენზია ეხება ახლახანს გარდაცვლილი მეცნიერის, ვასილ კაჭარავას წიგნს „რონალდ რეიგანი და მისი ათწლეული“ (გვ. 30-33);
ლოლა სანაია მოგვითხრობს მარიამ მარჯანიშვილის წიგნის -„დერჩის ქვების ღაღადისი“, წარდგენებზე საქართველოს ოთხ ბიბლიოთეკაში.
ნოდარ დუმბაძისა და ჯერომ სელენჯერის შემოქმედებით ურთიერთთანხვედრაზეა საუბარი ჟაკლინ სირაძის სტატიაში (გვ. 36-40);
მაყვალა ანთაძე მსჯელობს წარმართული რიტუალის ასახვაზე გოდერძი ჩოხელის წიგნში „ჩემი წიგნი“ (გვ. 41-44);
ამავე ნომერში იხილავთ დასასრულს ლევან თაქთაქიშვილის მოგონებათა ციკლისა „წიგნი ჩემი მონარქია“ (გვ. 45-57);
თამარ გაბოძის სტატიაში გაშუქებულია დავით გურამიშვილის თემა უკრაინელი მხატვრის, ვიქტორ ბრიკულეცის შემოქმედებაში. აქვეა ამ დიდი მხატვრისადმი მიძღვნილი თამარ გაბოძის ლექსიც. (გვ. 58-60).

16/01/2023

ჟურნალი „საქართველოს ბიბლიოთეკა“ მოგილოცავთ შობა-ახალი წლის დღესასწაულებს და გისურვებთ მშვიდ, ბედნიერ და გამარჯვებებით სავსე 2023 წელს!
წინა წლის მიწურულს გამოვიდა ჩვენი ჟურნალის მე-4 ნომერი. ვისაც ჯერ არ გინახავთ ეს ახალი გამოცემა, სრულად მისი წაკითხვა შეგიძლიათ ქვემოთ მითითებული ბმულის საშუალებით.https://dspace.nplg.gov.ge/bitstream/1234/413378/1/Saqartvelos_Biblioteka_2022_N4.pdf

N4-ის წამყვან თემად ავირჩიეთ საქართველოს საფოსტო მარკა, რომელიც კულტურული მემკვიდრეობის მეტად საინტერესო ფორმაა. ჩვენი აზრით, თავისი გამომსახველობითი მრავალფეროვნებისა და განვითარების ძველი და რთული ისტორიის გამო, ქართული მარკა საზოგადოების ყურადღებას იმსახურებს. მკითხველი გაეცნობა რამდენიმე წერილს საქართველოს საფოსტო მარკების განვითარების სხვადასხვა ეტაპის შესახებ დაწყებული მე-19 საუკუნიდან დღემდე (ავტორები: ლევან თაქთაქიშვილი, პაატა ნაცვლიშვილი, მაია მიქაბერიძე) - გვ. 5-27;
გარდა ამისა, ნომერში იბეჭდება წერილები, რომლებშიც ასახულია როგორც საბიბლიოთეკო, ასევე კულტურული ცხოვრების სხვა სფეროების სიახლეები:
საზოგადოების ჩართულობა ბიბლიოთეკების ფონდების შევსება-გამდიდრების პროცესში (ფონდი „არველაძე“);
რუბრიკაში „წიგნის ისტორია“ გაეცნობით ნინო ხვედელიძის სტატიას „ჰანს ლუფტის გამოცემები“ (გვ.28-31);
საბიბლიოთეკო საქმის ამაგდარი მოღვაწის თამარ კუცია-ღვალაძის ცხოვრებასა და შრომით საქმიანობას ეხება დავით შუღლიაშვილის სტატია (გვ. 32-35);
ცნობილი არმენოლოგი ბონდო არველაძე სტატიაში „სომხეთის ისტორიის საკითხები“ საუბრობს ქართულ-სომხური ურთიერთობის გაყალბებული ისტორიის საკითხებზე (გვ. 36-38);
ჟურნალის 39-42 გვერდებზე გაეცნობით ჩვენი კოლეგების - გულნარა სტურუასა და ციცინო იოსელიანის შემოქმედებას;
ეთნოლოგიის დოქტორ როლანდ თოფჩიშვილის ავტორობით გამოცემულ ორ ახალ წიგნს მიმოიხილავს ალექსანდრე ლორია სტატიაში „ქართველი ხალხის ეთნიკური ისტორიის ასახვის მნიშვნელოვანი შენაძენი“ (გვ. 43-44);
ამირან არაბულის რეცენზია „ლექსს იტყვის ივრისპირელი“ ეხება პოეტ ზაურ წოწკოლაურის ლექსების კრებულს „სულ შენთანა ვარ იორო...“ (თბ.: მერიდიანი, 2022) - გვ. 45-46;
რუბრიკით „ბიბლიოფილის ჩანაწერები“ კვლავ გრძელდება ლევან თაქთაქიშვილის მოგონებები. ამჯერად ავტორი მოგვითხრობს მარქსიზმ-ლენინიზმის ინსტიტუტის, ე.წ. „იმელის“ ბიბლიოთეკის ბედზე და, ასევე, ამერიკიდან ქართული ემიგრანტული არქივების ჩამოტანის ამბებზე, რომლებშიც ავტორი თვითონ იყო უშუალოდ ჩართული (გვ. 47-59);
ჟურნალს ბოლოს დართული აქვს 2023 წლის საიუბილეო და ღირსშესანიშნავ დღეთა მცირე კალენდარი.

28/10/2022

მოგესალმებით ძვირფასო მეგობრებო!
ჟურნალ „საქართველოს ბიბლიოთეკის“ მე-3 ნომერი უკვე დაიბეჭდა და ხელმისაწვდომია მისი როგორც ბეჭდური, ასევე ციფრული ვერსიები. ქვემოთ მოცემულ ბმულს თუ გახსნით, შეგიძლიათ პირდაპირ აქვე წაიკითხოთ მასში დაბეჭდილი მასალები.
https://dspace.nplg.gov.ge/bitstream/1234/406893/1/Saqartvelos_Biblioteka_2022_N3.pdf
მანამდე კი მოკლედ გაგაცნობთ N3-ის შინაარსს:
შორენა საძაგლიშვილის სტატიაში საუბარია საქართველო-ევროპის ურთიერთობაზე სოციალური მუშაობის მიმართულებით (გვ. 5-6);
მომდევნო წერილში აღწერილია საქართველოს ეროვნულ ბიბლიოთეკასა და რიზეს (თურქეთი) რეჯეფ თაიფ ერდოღანის სახელობის სახელმწიფო უნივერსიტეტს შორის ურთიერთთანამშრომლობის მემორანდუმის გაფორმების ამბები (გვ. 7-8);
საერთაშორისო საბიბლიოთეკო ურთიერთობებს ეხება მაია სიმონიშვილის წერილი (გვ. 9-11);
ვანესა ირვინის რეცენზიას კრებულზე „LIS განათლებისა და პრაქტიკის ჰუმანიზაცია“ გაეცნობით ლია გიგაურის თარგმანში (გვ. 12-14);
ანა კარტოზიას წერილში მოკლედაა მოთხრობილი საბიბლიოთეკო კლასიფიკაციის ისტორია საქართველოში (გვ. 15-18).
ხარაგაულის ცენტრალურ ბიბლიოთეკაში ჩატარებულ საინტერესო ღონისძიებას გვაცნობს ნანა ლურსმანაშვილი (გვ. 19-20);
გალაკტიონის მეორე პოეტური კრებულის, „არტისტული ყვავილების“ პირველ
გამოცემას ეძღვნება ფილოლოგიის დოქტორის, ნათია სიხარულიძის სტატია (გვ. 21-24);
მურმან თავდიშვილის სტატიაში საუბარია გორში დასტამბულ პირველ წიგნზე (გვ. 25-27);
„კავკასიის არქეოგრაფიული კომისიის აქტების“ გამოუცემელ მე-13 ტომს მიმოიხილავს ნანა ფირცხალავა (გვ. 28-32);
კავკასიაში პირველ სომხურ გაზეთზე მოგვითხრობს ქეთევან ოთარაშვილის სტატია (გვ. 33-37);
ლევილის ქართული მამულის 100 წლისთავს ეძღვნება რუსუდან დაუშვილის სტატია (გვ. 38-43);
თომა ლიპარტიანი გვაცნობს თავის მოსაზრებებს ნუგზარ პაპუაშვილის წიგნზე „უდე და მისი ეკლესია“ (გვ. 44-45);
ჟურნალი კვლვ აგრძელებს ლევან თაქთაქიშვილის მოგონებების -„წიგნი ჩემი მონარქია“, ბეჭდვას (გვ. 46-53);
მოძრაობა „ეკვილიბრიუმის“ 10-წლიან შრომას ეხება ლელა ლიპარტელიანის წერილი (გვ. 54-60);
ხელოვნების კრიტიკოსი დავით გიგინეიშვილი გვიზიარებს თავის შთაბეჭდილებებს ზალცბურგში ჩატარებული მუსიკალური ფესტივალის შესახებ (გვ. 61-62).

24/08/2022

ჟურნალ "საქართველოს ბიბლიოთეკის" რედაქცია ულოცავს მეგობარ უკრაინას დამოუკიდებლობის დღეს, უსურვებს მტერზე გამარჯვებასა და მშვიდობიან აღმშენებლობით ცხოვრებას!

16/08/2022

მოგესალმებით, მეგობრებო და წარმოგიდგენთ ჟურნალ „საქართველოს ბიბლიოთეკის“ 2022 წლის მე-2 ნომერს. ვისაც ჯერ-ჯერობით ამ ნომრის ბეჭდური სახით წაკითხვა არ შეუძლია, აქვე ვთავაზობთ მის ციფრულ ვერსიას.
N2 ბევრ საინტერესო ინფორმაციას შეიცავს, უპირველეს ყოვლისა, წელს ჩატარებული საბიბლიოთეკო კვირეულისა და მასთან დაკავშირებული ღონისძიებების შესახებ.
სათემო ბიბლიოთეკების პრობლემებს ეხება ქათევან აბაზაშვილის სტატია (გვ. 7-9).
ადიგენისა და ხარაგაულის ბიბლიოთეკების საბიბლიოთეკო ცხოვრებას გვაცნობენ ეკა ბოჩიკაშვილი (გვ. 10-13) და ნანა ლურსმანაშვილი (გვ. 14).
რუბრიკით „წიგნის ისტორია“ წარმოდგენილია ნანა ფირცხალავასა (გვ. 16-22) და ნინო ხვედელიძის (გვ. 23-26) სტატიები.
მარიამ მარჯანიშვილის სტატია აკაკი პაპავასა და ოთარ ჩხეიძის შემოქმედებით პარალელებს ეხება (გვ. 27-30).
დალი მაჩაიძის რეცენზიაში მიმოხილულია ქუთაისის ი. ჭავჭავაძის სახ. საჯარო ბიბლიოთეკის ახალი ჟურნალი „თეთრი ხიდი“ (გვ. 31-32).
რუბრიკით „ბიბლიოფილის ჩანაწერები“ კვლავ გრძელდება ლევან თაქთაქიშვილის მოგონებების სერია საქართველოს კულტურის ისტორიის საკითხებზე (გვ. 33-35).
ზაქარია ჭიჭინაძის 1924 წლით დათარიღებულ წერილში გაეცნობით ივანე მაჩაბლის ტრაგიკული აღსასრულის მიზეზების ავტორისეული ვერსიას (გვ. 36-46).
ეროვნული მოძრაობის სხვადასხვა ეპიზოდს იხსენებს თავის მოგონებებში რიტა წაქაძე (გვ. 47-51).
თბილისის ბაღებს ეხება სალომე ჭანტურიძის სტატია (გვ, 52-54).
რუბრიკაში „ჩვენი იუბილარი კოლეგები“ საიუბილეო თარიღებს ვულოცავთ ქალბატონებს: ინგა ფილაურს, ნუნუ ჭეღელიძეს, ლამარა ქსოვრელსა და მანანა მიქაბერიძე-ლომსაძეს (გვ. 55-57). https://dspace.nplg.gov.ge/bitstream/1234/396180/1/Saqartvelos_Biblioteka_2022_N2.pdf

16/08/2022

მოგესალმებით, მეგობრებო და წარმოგიდგენთ ჟურნალ „საქართველოს ბიბლიოთეკის“ 2022 წლის მე-2 ნომერს. ვისაც ჯერ-ჯერობით ამ ნომრის ბეჭდური სახით წაკითხვა არ შეუძლია, აქვე ვთავაზობთ მის ციფრულ ვერსიას.

N2 ბევრ საინტერესო ინფორმაციას შეიცავს, უპირველეს ყოვლისა, წელს ჩატარებული საბიბლიოთეკო კვირეულისა და მასთან დაკავშირებული ღონისძიებების შესახებ.
სათემო ბიბლიოთეკების პრობლემებს ეხება ქათევან აბაზაშვილის სტატია (გვ. 7-9).
ადიგენისა და ხარაგაულის ბიბლიოთეკების საბიბლიოთეკო ცხოვრებას გვაცნობენ ეკა ბოჩიკაშვილი (გვ. 10-13) და ნანა ლურსმანაშვილი (გვ. 14).
რუბრიკით „წიგნის ისტორია“ წარმოდგენილია ნანა ფირცხალავასა (გვ. 16-22) და ნინო ხვედელიძის (გვ. 23-26) სტატიები.
მარიამ მარჯანიშვილის სტატია აკაკი პაპავასა და ოთარ ჩხეიძის შემოქმედებით პარალელებს ეხება (გვ. 27-30).
დალი მაჩაიძის რეცენზიაში მიმოხილულია ქუთაისის ი. ჭავჭავაძის სახ. საჯარო ბიბლიოთეკის ახალი ჟურნალი „თეთრი ხიდი“ (გვ. 31-32).
რუბრიკით „ბიბლიოფილის ჩანაწერები“ კვლავ გრძელდება ლევან თაქთაქიშვილის მოგონებების სერია საქართველოს კულტურის ისტორიის საკითხებზე (გვ. 33-35).
ზაქარია ჭიჭინაძის 1924 წლით დათარიღებულ წერილში გაეცნობით ივანე მაჩაბლის ტრაგიკული აღსასრულის მიზეზების ავტორისეული ვერსიას (გვ. 36-46).
ეროვნული მოძრაობის სხვადასხვა ეპიზოდს იხსენებს თავის მოგონებებში რიტა წაქაძე (გვ. 47-51).
თბილისის ბაღებს ეხება სალომე ჭანტურიძის სტატია (გვ, 52-54).
რუბრიკაში „ჩვენი იუბილარი კოლეგები“ საიუბილეო თარიღებს ვულოცავთ ქალბატონებს: ინგა ფილაურს, ნუნუ ჭეღელიძეს, ლამარა ქსოვრელსა და მანანა მიქაბერიძე-ლომსაძეს (გვ. 55-57).

03/05/2022

ძვირფასო მეგობრებო, გამოვიდა ჟურნალ „საქართველოს ბიბლიოთეკის“ 2022 წლის პირველი ნომერი, რომლის ციფრული ვერსიის გაცნობა შეგიძლიათ ამ ბმულის საშუალებით.
https://dspace.nplg.gov.ge/bitstream/1234/380537/1/Saqartvelos_Biblioteka_2022_N1.pdf
ნომრის მთავარი თემაა „ომი უკრაინაში“. მკითხველი გაეცნობა ჩვენი უკრაინელი კოლეგის, ლარისა ლუგოვას წერილს უკრაინის ბიბლიოთეკების ამჟამინდელი მდგომარეობის შესახებ. ამავე თემას ეხება ლოლა სანაიას წერილიც, რომელიც ლ. ლუგოვას წერილის მსგავსად ორ ენაზე - ქართულ და უკრაინულ ენებზეა დაბეჭდილი. ნატალია ელიზბარაშვილის უკრაინული მოგონებებს გაეცნობით მე-10-11 გვერდებზე.
გარდა უკრაინული თემისა, ჟურნალი აგრძელებს პროფილის შესაბამისი მასალების ბეჭდვას. მე-16-17 გვერდებზე განთავსებულია საქართველოს ეროვნული ბიბლიოთეკის მიერ გამოცემული ორი წიგნის - „მწვანე ქალაქი“ და „ქალები ბიბლიოთეკიდან“ პრეზენტაციების ამსახველი წერილები.
მაია სიმონიშვილი თავის წერილში გვიამბობს საბიბლიოთეკო სამყაროს სიახლეებს პანდემიის ფონზე (გვ. 18-21).
ჟურნალში დაბეჭდილია ავტორთა კოლექტივის მიერ ჩამოყალიბებული პროფესიული ხედვა ბიბლიოთეკის სივრცესა და ადგილზე, რომელიც ინგლისურიდან თარგმნა და მოგვაწოდა გიორგი კილაძემ (გვ. 22-29).
დავით გურგენიძის წერილში ნაჩვენებია, თუ როგორ იყო წარმოდგენილი ჭადრაკი ტრადიციულ ქართულ მზითვის წიგნებში (გვ. 30-31).
რუბრიკით „წიგნის ისტორია“ დაბეჭდილია მარიამ გუნიას წერილი „საუბრები სამყაროთა სიმრავლეზე“, რომელიც ფრანგი მეცნიერის ბერნარ ლე ბოვიე დე ფონტენელის ცნობილ გამოცემას ეხება (გვ. 32-36).
ბათუმის სასწავლო უნივერსიტეტსა და მის ბიბლიოთეკას გვაცნობს ამ ბიბლიოთეკის ხელმძღვანელი მაკა გეგეშიძე (გვ. 37-39).
პროფესორ ალექსანდრე ლორიას წერილი ეხება როლანდ თოფჩიშვილის ორ ახალ გამოცემას „Культурно-исторические вопросы миграции горского населения Восточной Грузии“ და „დვალეთი და დვალები“ (გვ. 40-41).
მონაზონი იოანე (მამუკა) ცუხიშვილი წერილში „ბიბლიოთეკა-ჩემი სამყაროს ნაწილი“, გვაცნობს თავის ემოციურ დამოკიდებულებას ბიბლიოთეკის მიმართ (გვ. 42-43).
კონსტანტინე (კოწია) მიქაბერიძეს, ექიმს, საზოგადო მოღვაწესა და ფილანტროპს, ეძღვნება ირმა კეკელიძის წერილი (გვ. 44-46).
გრძელდება ლევან თაქთაქიშვილის მოგონებების სერია „წიგნი ჩემი მონარქია“ (გვ. 47-56).
ჩვენი კოლეგების, ჟანა ქვათაძისა და თინათინ ყანდარელის ხსოვნას ეძღვნება დარეჯან ხვედელიძის, ნანა ხვედელიანისა და კოტე ალიბეგაშვილის წერილები (გვ. 57-60).
ბოლოს მკითხველი გაეცნობა დავით გიგინეიშვილის მოსაზრებებს ვიტორიო დე სიკას ფილმზე „გარიბალდიელი მონასტერში“ (1942 წ.), რომელშიც იგი საინტერესო პარალელებს ავლებს დღევანდელი საქართველოს პოლიტიკურ ვითარებასთან (გვ. 61-62).

28/03/2022

ბიბლიოთეკების წიგნების მითვისება ან დაკარგვა დღემდე პრობლემური საკითხია. ასეთი არაკეთილსინდისიერი დამოკიდებულება წიგნებისადმი ახალი არაა. თურმე ძველ დროშიც ყოფილა შემთხვევები, როცა არ აბრუნებდნენ წიგნთსაცავებიდან გატანილ წიგნებს და ამიტომ ჩვენს წინაპრებს თავისებური ხერხიც კი მოუძებნიათ ამ საკითხის მოსაგვარებლად - წიგნებზე წყევლას მიაწერდნენ ხოლმე. ძნელი სათქმელია, რამდენად მოქმედებდა ეს მეთოდი, თუმცა საინტერესო (და, ალბათ, თავშესაქცევ) ამბად კი დარჩა საქართველოს წიგნიერი კულტურის ისტორიაში. დღეისათვის ასეთი, წყევლამინაწერი წიგნები ინახება როგორც ეკლესია-მონასტრებში, ასევე ეროვნულ ბიბლიოთეკაშიც.
ამ საინტერესო თემას ეხება თაკო დემეტრაშვილის სტატია „წყევლის შემცველი მინაწერები ძველნაბეჭდ ქართულ წიგნებზე“, რომლის ციფრულ ვერსიასაც ახლა გთავაზობთ („საქართველოს ბიბლიოთეკა“, 2021 წლის N3).

09/03/2022

საქართველოს პარლამენტის ეროვნული ბიბლიოთეკა კულტურული ტურიზმის ერთ-ერთ მნიშვნელოვანი ობიექტია.

მისი ისტორია თითქმის 200 წელს ითვლის. 1846 წელს დაარსებულმა საჯარო ბიბლიოთეკამ განვითარების გრძელი გზა გაიარა ეროვნულ ბიბლიოთეკამდე.

ჟურნალი საქართველოს ბიბლიოთეკა • Magazine Library of Georgia
Shorena Osipova

24/01/2022

ჟურნალი "საქართველოს ბიბლიოთეკა" ამიერიდან გთავაზობთ ამონარიდებს და ცალკეულ წერილებს სხვადასხვა წლების ნომრებიდან.
გაუზიარეთ თქვენს მეგობრებს, კოლეგებს აღნიშნული ფეისბუქ გვერდი და გაეცანით ჟურნალ "საქართველოს ბიბლიოთეკაში" დაბეჭდილ საინტერესო და მრავალფეროვან ინფორმაციებს.

პატივისცემით, რედაქცია

გთავაზობთ 2020 წლის #1 ნომრის საინტერესო ცალკეულ სტატიებს.
მაია მიქაბერიძე

22/12/2021

მოგესალმებით, მეგობრებო. უკვე გამოვიდა ჟურნალ „საქართველოს ბიბლიოთეკის“ 2021 წლის ბოლო, მე-4 ნომერი. მინდა მოკლედ გაგაცნოთ მისი შინაარსი. აქვე გთავაზობთ ამ ნომრის ციფრული ვერსიის ბმულსაც.

ყდაზე მოთავსებულია ალექსანდრე როინაშვილის მიერ გადაღებული ფოტო, რომელზედაც აღბეჭდილია ძველი მცხეთის ხედი. ეს ფოტო ავარჩიეთ მცხეთის ბიბლიოთეკის დაარსების 130 წლისთავთან დაკავშირებით, რომელსაც ეძღვნება ნინო თათარაშვილის სტატიაც (გვ. 22-25).
ეროვნული ბიბლიოთეკის დაჯილდოებას „ილია ჭავჭავაძის ეროვნული პრემიით“ ეხმაურება ლოლა სანაიას წერილი (გვ. 5-6).
ია ვეკუას წერილში საუბარია პროექტ „თბილისი წიგნის მსოფლიო დედაქალაქიას“ შესახებ (გვ.11-12).
დალი მაჩაიძის სტატია ეძღვნება პირველნაბეჭდ ქართულ საბუნებისმეტყველო სახელმძღვანელოს „აიათი ანუ ქმნულების ცოდნის წიგნი“ (გვ. 13-15).
გალაკტიონ ტაბიძის ლექსების პირველ კრებულს, რომელიც 1914 წელს გამოიცა, გვაცნობს ფილოლოგიის დოქტორი ნათია სიხარულიძე (გვ. 16-18).
ნინო ხვედელიძის სტატიის თემაა იოჰან ცაინერი - მხატვრული ნაწარმოებების ილუსტრაციებით გაფორმების ფუძემდებელი (გვ. 19-21).
ხათუნა ბუზალაძის წერილი ეხება გურჯაანის ღვინის ბიბლიოთეკას (გვ. 26).
ჟურნალის ამ ნომერში მკითხველი გაეცნობა ბრიტანელი მეცნიერის, ენდრიუ უოლშის ნაშრომს „თამაშით სწავლის“ როლი ინფორმაციული წიგნიერების განვითარებაში“ (გვ. 27-33).
გულნარა სტურუა მკითხველებს აცნობს თავის მოსაზრებებს ხალიდ ჰოსეინის რომანზე „ფრანით მორბენალი“ (გვ. 36-39).
ფილოლოგიის დოქტორის, მარიამ მარჯანიშვილის სტატია ეძღვნება მსოფლიოში ცნობილ ბალერინას, ეთერ ფაღავას ცხოვრებასა და შემოქმედებას (გვ.40-46).
რიტა წაქაძისა და ლუიზა ხაჭაპურიძის წერილებით მკითხველები გაეცნობიან კოვიდით გარდაცვლილი მეცნიერის, ტარიელ ფუტკარაძის სამეცნიერო და საზოგადოებრივ მოღვაწეობას (გვ. 47-51).
ჟურნალის ამ ნომერში გრძელდება ლევან თაქთაქიშვილის მოგონებების - „წიგნი ჩემი მონარქიას“ გამოქვეყნება (გვ. 52-59).
რუბრიკაში „ხელოვნება“ დავით გიგინეიშვილი მოგვითხრობს ქართველი მომღერლის, მიშა ქირიას შემოქმედებითი წარმატების შესახებ (გვ60-62).
მე-4 ნომრის ბოლოს, ტრადიციულად, დაბეჭდილია მომდევნო, 2022 წლის ღირსსახსოვარ დღეთა მცირე კალენდარი, რომელიც ბიბლიოთეკარებს გაუადვილებს მომავალი წლის მუშაობის დაგეგმვას.

https://dspace.nplg.gov.ge/bitstream/1234/358568/1/Saqartvelos_Biblioteka_2021_N4.pdf

25/11/2021

მეგობრებო, ამ დღეებში გამოვიდა ჟურნალ „საქართველოს ბიბლიოთეკის“ 2021 წლის მე-3 ნომერი, რომელშიც, როგორც წესი, საბიბლიოთეკო და წიგნთმცოდნეობითი შინაარსის წერილებთან ერთად ადგილი ეთმობა ქართული კულტურის სხვადასხვა საკითხს. მათ, ვისაც, დღევანდელი ვითარების გამო, ხელმიუწვდენელი აღმოჩნდება N3-ის ბეჭდური გამოცემა, საშუალება ექნებათ გაეცნონ ჟურნალის ელექტრონულ ვერსიას, რომელსაც აქვე გთავაზობთ.
მინდა მოკლედ გაგაცნოთ N3-ის შინაარსი:
ყდას ამშვენებს ფოტო უბისის უძველესი მონასტრის კოშკისა, რომელიც სხვა დანიშნულების გარდა, მონასტრის წიგნთსაცავის ფუნქციასაც ასრულებდა.
ნომერი, ტრადიციულად, იწყება საქართველოს საბიბლიოთეკო ასოციაციის პრეზიდენტის, რუსუდან ასათიანის მიმართვით მკითხველისადმი (გვ. 3).
მასვე ეკუთვნის წერილი პირველი საბიბლიოთეკო პროფესიული ჟურნალის - „Library Journal”-ის შესახებ, რომელსაც წელს გამოსვლიდან 145 წელი შეუსრულდა (გვ.5-6).
მკითხველებისათვის და, მით უფრო, ბიბლიოთეკარებისათვის საინტერესო იქნება თაკო დემეტრაშვილის წერილის გაცნობა, რომელშიც ნაჩვენებია, თუ რა ხერხებით ცდილობდნენ ძველად წიგნების მცველები წიგნთსაცავიდან გატანილი წიგნების დაკარგვის თავიდან აცილებას (გვ. 7-10).
თინათინ ლომჯარია კვლავ აგრძელებს საბიბლიოთეკო საქმისწარმოების საკითხებზე წერილების სერიას. ამჯერად მკითხველი გაეცნობა წიგნისა და პერიოდულ გამოცემათა საინვენტარო წიგნების წარმოების წესებს (გვ. 11-14).
წელს 120 წელი შესრულდა ხარაგაულში პირველი ბიბლიოთეკა-სამკითხველოს დაარსებიდან. ხარაგაულის მთავარი ბიბლიოთეკის ისტორიასა და დღევანდელობას ეხება ნანა ლურსმანაშვილის წერილი (გვ.15-18).
ხათუნა ბუზალაძე მკითხველებს მოუთხრობს მოძრაობა „ეკვილიბრიუმის“ მიერ წიგნის ბუდეს დადგმის შესახებ გურჯაანის ხალხმრავალ სკვერში, რომელსაც „პაპას ბაღს“ ეძახიან (გვ. 18).
საქართველოს ეროვნული ბიბლიოთეკის ისტორიის სათავეებთან მდგარ მოღვაწეებს, მის პირველ დირექტორს ეხება ნინელ მელქაძისა და ნინო კაციტაძის სტატია (გვ. 20-23).
საბიბლიოთეკო საქმის ცნობილი წარმომადგენლის, რეფორმატორისა და ათწილადი კლასიფიკაციის შემქმნელის, მელვილ დიუის, მოღვაწეობას ეძღვნება ანა კარტოზიას წერილი (გვ. 24-27).
ირმა სისაურის წერილში კი მკითხველი გაეცნობა ბევრ საინტერესო ინფორმაციას ცნობილი საბავშვო მწერლის, ეკატერინე გაბაშვილის საზოგადოებრივი მოღვაწეობის შესახებ (გვ. 28-32).
ვაჟა-ფშაველას დაბადებიდან 160 წლისთავს ეძღვნება გიორგი კეკელიძის ესსე „ვაჟას დღე-14 ივლისი“ (გვ. 33).
რაზიკაშვილების ოჯახის წევრთა ცხოვრების ტრაგიკული ფურცლები გადაგვიშალა მანანა სამაშვილმა წერილში „სიმართლისთვის შერისხულნი“ (გვ. 34-42).
მირიან ხოსიტაშვილი წერილში - „ართვინი ქართული პრესის ფურცლებზე“, საზოგადოებას აცნობს ართვინის, საქართველოს ამ უძველესი მხარის პრობლემის არსს და იმ მასალას, რაც იბეჭდებოდა მე-19 საუკუნის ქართულ პრესაში ამ თემაზე (გვ. 43-45).
ახალ გამოცემას „ბეჭდვითი სიტყვა თბილისში (1918-1920 წწ) (ავტ.: ო. ჯანელიძე, მ. ხოსიტაშვილი, ლ. თაქთაქიშვილი) ეხება დალი მაჩაიძის წერილი, რომელიც დაიბეჭდა რუბრიკაში „რეცენზია, მიმოხილვა, შთაბეჭდილებები“ (გვ. 46-47).
ამავე რუბრიკით გამოქვეყნდა როსტომ ჩხეიძის რეცენზია მარიამ მარჯანიშვილის წიგნზე „დერჩის ქვების ღაღადისი“ (გვ. 48).
რუბრიკაში „საუბრები საყურადღებო თემებზე“ ნათია კოპაძე უძღვება საუბარს ნათია გოგოლაშვილთან, როგორც თვითონ წარმოგვიდგენს, შეზღუდული შესაძლებლობის მქონე პირების უფლებებზე მზრუნველ და მაფიქრალ ადამიანთან (გვ. 49-51).
ღვაწლმოსილ მეცნიერ იური სიხარულიძის 95-ე წლისთავს ეძღვნება გრეტა ჩანტლაძე-ბაქრაძის წერილი (გვ. 52-53).
ჟურნალის ამ ნომრიდან იწყება ლევან თაქთაქიშვილის ჩანაწერების -„წიგნი ჩემი მონარქია“, გამოქვეყნება, რომელშიც ავტორის პირადი მოგონებების გვერდით, მკითხველი გაეცნობა ბევრ საინტერესო ინფორმაციას ეროვნული ბიბლიოთეკისა და, საერთოდ, საბიბლიოთეკო საქმის შესახებ. (გვ. 54-60).
ჟურნალის N3 მთავრდება საქართველოს სხვადასხვა რეგიონის ბიბლიოთეკებში ჩატარებულ ღონისძიებათა მოკლე ჩამონათვალით (გვ.61-64).
https://dspace.nplg.gov.ge/bitstream/1234/351142/1/Saqartvelos_Biblioteka_2021_N3.pdf

08/09/2021

მეგობრებო, გაცნობებთ, რომ გამოიცა ჟურნალ „საქართველოს ბიბლიოთეკის“ 2021 წლის მე-2 ნომერი. სამწუხაროდ, ჟურნალის გავრცელებას ხელი შეეშალა გამძაფრებული პანდემიის გამო, თუმცა, საშუალება გვაქვს, მოგაწოდოთ ამ ნომრის ციფრული ვერსია და მცირე ექსკურსი მასში გამოქვეყნებული მასალების შესახებ, რომლებიც ბიბლიოთეკის გარდა ქართული კულტურის ბევრ სხვა თემას მოიცავს.
მაშ ასე, პირველ რიგში: ჟურნალის ყდას ამშვენებს ცნობილი ფოტოგრაფის, დიმიტრი ერმაკოვის მიერ გადაღებული ფოტო, რომელზეც აღბეჭდილია ძველი სურამის ხედი. წელს სურამის ბიბლიოთეკამ აღნიშნა დაარსების 125 წელი და ამ იუბილესთან დაკავშირებულ წერილებსა და ფოტოებს მკითხველი იხილავს ამ ნომერში;
გარდა ამისა, მკითხველი გაეცნობა 2021 წლის საბიბლიოთეკო კვირეულის - „ბიბლიოთეკა ყველგან, სადაც ხარ“ - მიმდინარეობას, კვირეულის ფარგლებში ხარაგაულის ბიბლიოთეკაში ჩატარებულ ღონისძიებას, ეროვნული ბიბლიოთეკის ღვინისა და ვაზის დარბაზის მუშაობას;
რუბრიკაში „წიგნის ისტორია“ განთავსებულია სტატიები იოჰან მენტელის ბიბლიისა და საქართველოს 1921 კონსტიტუციის დაბეჭდვის საინტერესო ისტორიების, ასევე ახალი გამოცემული ჟურნალ „ველური ბუნების“ შესახებ;
სტატია, რომელიც გარეჯის, როგორც ქართული კულტურისა და სულიერების უძველესი ძეგლის ისტორიასა და მნიშვნელობას ეძღვნება, წარმოდგენილია რუბრიკაში „ქართული კულტურა“;
ჟურნალი ტრადიციულად ადგილს უთმობს ლიტერატურის მოყვარულთა შეფასებებსა და შთაბეჭდილებებს მათთვის საინტერესო ლიტერატურული ქმნილებების შესახებ. ამჯერად მკითხველი გაეცნობა გამოხმაურებებს გურამ გეგეშიძის, რევაზ ინანიშვილისა და ალექსანდრე ლორიას წიგნებთან დაკავშირებით;
1918 წლის მაისში საქართველოს დამოუკიდებლობის გამოცხადების ურთულესი დღეები საინტერესოდ არის აღწერილი სტატიაში, რომლის ავტორი, ისტორიის დოქტორი, მეცნიერული სიზუსტის დაცვასთან ერთად ემოციური მუხტით ავსებს მასალას;
საქართველოს ისტორიას, ოღონდ ფოტოებით შემონახულს, გვაცნობს სტატია, რომელიც ქობლიანიძეების ფოტოკოლექციას ეხება;
წელს საქართველოს საამაყო ქალბატონებს - ნონა გაფრინდაშვილსა და მაია ჩიბურდანიძეს საიუბილეო წელი აქვთ. ჟურნალში დაბეჭდილია წერილი და ფოტოკოლაჟი, რომლებშიც აღბეჭდილია მათი მიღწევები;
ტრადიციულად, ნომრის ბოლოს მოთავსებულია მოძრაობა „ეკვილიბრიუმისა“ და ბიბლიოთეკების სხვადასხვა ღონისძიებების ქრონიკა.
http://dspace.nplg.gov.ge/bitstream/1234/339175/1/Saqartvelos_Biblioteka_2021_N2.pdf

15/06/2021

გამოვიდა ჟურნალ „საქართველოს ბიბლიოთეკის“ 2021 წლის პირველი ნომერი. მასში გამოქვეყნებული წერილები შეეხება როგორც ტრადიციულ, ჟურნალის პროფილიდან გამომდინარე თემებს, ასევე დღეისათვის აქტუალურ სხვადასხვა საკითხს, რომლებიც, ჩვენი გადასახედიდან, საინტერესო და მნიშვნელოვანი უნდა იყოს მკითხველებისათვის. ჟურნალის N1-ის ციფრული ვერსია განთავსდება ეროვნული ბიბლიოთეკის ციფრულ ბიბლიოთეკა „ივერიელში“.

23/01/2021

ჟურნალ „საქართველოს ბიბლიოთეკის“ რედაქცია ღრმა მწუხარებას გამოხატავს ეროვნული სამეცნიერო ბიბლიოთეკის დირექტორის, ირაკლი ღარიბაშვილის მოულოდნელი გარდაცვალების გამო. ირაკლი ღარიბაშვილი გამორჩეული ფიგურა იყო საქართველოს საბიბლიოთეკო ცხოვრებაში. მისი ძალისხმევით განხორციელდა ბევრი მნიშვნელოვანი პროექტი, განსაკუთრებით, საგანმანათლებლო და ინტერნეტ ტექნოლოგიების დანერგვის მიმართულებით, რომელთა საშუალებითაც განვითარდა და ახალ საფეხურზე ავიდა საბიბლიოთეკო საქმე საქართველოში. იგი იყო საქართველოს საბიბლიოთეკო ასოციაციის ერთ-ერთი დამფუძნებელი და მისი პირველი პრეზიდენტი. სწორედ ირაკლი ღარიბაშვილის პრეზიდენტობის დროს დაარსდა ჟურნალი „საქართველოს ბიბლიოთეკა“, რომელიც დღემდე ერთადერთი საბიბლიოთეკო პროფესიული ჟურნალია ჩვენს ქვეყანაში. ირაკლი ღარიბაშვილი აქტიურად თანამშრომლობდა ჟურნალთან - წერდა, თარგმნიდა და აქვეყნებდა საერთაშორისო საბიბლიოთეკო ცხოვრების ამსახველ წერილებსა და სახელმძღვანელო დოკუმენტებს. ძალიან ძნელია იმის წარმოდგენა, რომ ეს სიცოცხლით სავსე ადამიანი აღარ არის. მას ბევრი იდეა და გეგმა დარჩა განუხორციელებელი. ირაკლი ღარიბაშვილის გარდაცვალება დიდი დანაკლისია ქვეყნისთვის, საბიბლიოთეკო საზოგადოებისა და მეგობრებისათვის. ვუსამძიმრებთ მის ოჯახს ამ დიდებული ადამიანის გარდაცვალების გამო!

24/11/2020

მეგობრებო, გამოვიდა ჟურნალი "საქართველოს ბიბლიოთეკის" რიგით მეორე ნომერი, სერიით ბიბლიოთეკა პანდემიისას, რომელიც აგრეთვე ხელმიწასვდომი იქნება ციფრულ ბიბლიოთეკა "ივერიელში".

მადლობა ავტორებს თანამშრომლობისთვის.

03/11/2020

გამოხმაურება ჟურნალ "საქართველოს ბიბლიოთეკის" პირველ ნომერთან დაკავშირებით.
Mirian Khositashvili Guram Megrelishvili George Schütze Lola Sanaia საქართველოს პარლამენტის ეროვნული ბიბლიოთეკა/National Library of Georgia

საქართველოს ბიბლიოთეკა კულტურულ-საგანმანათლებლო, სამეცნიერო-პოპულარული გამოცემაა, რომელიც 2000 წელს დაარსდა და მას შემდეგ კვარტალში ერთხელ, საქართველოს პარლამენტის ეროვნული ბიბლიოთეკის მხარდაჭერით გამოიცემა. დაარსებიდან 20 წლის თავზე ჟურნალმა ახალი სიცოცხლე დაიწყო. ჟურნალს შეემატნენ ახალგაზრდა ავტორები, განახლდა ჟურნალის ვიზუალური და შინაარსობრივი მხარეც. განახლებული პირველი ნომრის თემა იყო "ბიბლიოთეკა პანდემიისას"
ბიბლიოთეკისათვის პანდემია სერიოზულ გამოწვევად იქცა. ყოველივე ამას ერთი სევდიანი ფაქტიც დაემატა: ბიბლიოთეკის ცხოვრებას გამოაკლდა გურამ თაყნიაშვილი – ბიბლიოთეკათმცოდნე, ბიბლიოგრაფი, მეთოდისტი, შემდგენელ-გამომცემელი, ჟურნალ საქართველოს ბიბლიოთეკის სარედაქციო კოლეგიის წევრი.
ჟურნალის განახლება არის გზა, რომ ეროვნულმა ბიბლიოთეკამ მკითხველთან კავშირი ამ რთულ დროსაც არ დაკარგოს.

03/11/2020

იხილეთ საქართველოს პარლამენტის ეროვნული ბიბლიოთეკის ჟურნალ "საქართველოს ბიბლიოთეკის" პირველი განახლებული ნომრის შესახებ გამოხმაურებები.

"საქართველოს ბიბლიოთეკა" კულტურულ-საგანმანათლებლო, სამეცნიერო-პოპულარული გამოცემაა, რომელიც 2000 წელს დაარსდა და მას შემდეგ კვარტალში ერთხელ, საქართველოს პარლამენტის ეროვნული ბიბლიოთეკის მხარდაჭერით გამოიცემა.

დაარსებიდან 20 წლის თავზე ჟურნალმა ახალი სიცოცხლე დაიწყო. ჟურნალს შეემატნენ ახალგაზრდა ავტორები, განახლდა ჟურნალის ვიზუალური და შინაარსობრივი მხარეც.

განახლებული პირველი ნომრის თემა იყო "ბიბლიოთეკა პანდემიისას".


http://go.on.ge/1w7w

საქართველოს ბიბლიოთეკა კულტურულ-საგანმანათლებლო, სამეცნიერო-პოპულარული გამოცემაა, რომელიც 2000 წელს დაარსდა და მ...