მეცხრე ტალღა

Home
Georgia
Poti
მეცხრე ტალღა

''Ninth Wave Broadcasting Company" Good TV

,,სამაუწყებლო კომპან?

04/01/2024

ფოთი
2024

31/12/2023

"სამაუწყებლო კომპანია მეცხრე ტალღა" და რადიო "ჰარმონია" გილოცავთ შობა-ახალ წელს

27/12/2023

26 დეკემბერს, ფოთის საბიბლიოთეკო გაერთიანების სამკითხველო დარბაზში, მე-15 საჯარო სკოლის, მე-6 კლასის მოსწავლეებმა იაკობ გოგებაშვილის "იავნანამ რა ჰქმნა“-ს მიხედვით საახალწლო ინტერპრეტაცია წარმოადგინეს. მოსწავლეებმა ლექსები წაიკითხეს, ასევე შესრულდა საახალწლო მუსიკალური ნომრებიც. ორგანიზატორთა განცხადებით საბიბლიოთეკო გაერთიანება აქტიურად თანამშრობლობს როგორც საჯარო, ასევე კერძო სკოლებთან. მათივე თქმით მსგავსი ღონისძიებები მომავალშიც გაგრძელდება.

"მეცხრე ტალღის" მასალების გამოყენებისას ვითხოვთ, რომ მოიხსენიოთ ,,მეცხრე ტალღა" და დაურთოთ დამაკავშირებელი მუდმი...

27/12/2023

ფოთის თეატრში საახალწლო სპექტაკლის, ,,საშობაო სიმღერა“ პრემიერა გაიმართა, რომელიც ჩარლზ დიკენსის ზღაპრის მიხედვით, რეჟისორ მარიამ სიხარულიძეს მიერ დაიდგა. სპექტაკლი “საშობაო სიმღერა” მაყურებელს ჯადოსნურ სამყაროში ამოგზაურებს. რეჟისორი მოგვითხრობს ამბავს, რომელიც თანამედროვე ეპოქაში ხდება. სპექტაკლმა დიდი მოწონება დაიმსახურა. ინტერვიუ ახალგაზრდა რეჟისორს მარიამ სიხარულიძეს არაერთი მნიშვნელოვანი პროექტი აქვს განხორციელებული, როგორც დედაქალაქში, ასევე რეგიონებში. მათ შორის არის ტყიბულის თეატრში დადგმული “უსამშობლო კაცი” . ფოთის თეატრში სპექტაკლის ,,საშობაო სიმღერა“ ჩვენება 28-29 დეკემბერს განმეორებით გაიმართება

25/12/2023

ფოთის ცენტრალურ მოედანზე ქალაქის მთავარი ნაძვის ხე აინთო. საკონცერტო პროგრამით ფოთელების წინაშე ქართული ესტრადის ვარსკვლავები წარსდგნენ. საახალწლო ილუმინაციების გარკვეული რაოდენობა ფოთს, პრემიერ-მინისტრის გადაწყვეტილებით საჩუქრად გადაეცა. 6 იანვრის ჩათვლით, ცენტრალურ მოედანზე ადგილობრივი მუსიკოსების და შემოქმედებითი ჯგუფების კონცერტები, ასევე ადგილობრივი მეწარმეების პროდუქციის და ხელნაკეთი ნივთების გამოფენა-გაყიდვა გაიმართება, 7 იანვარს კი მთავრობის ადმინისტრაციის ორგანიზებით, საახალწლო გალა კონცერტი.

25/12/2023

ფოთში 23 დეკემბერს, რაგბის სტადიონ ,,პარკი არენაზე'', საქართველოს ნაკრების დასაკომპლექტებლად 18-წლამდე მორაგბეთა სელექცია-შერჩევა გაიმართა, სადაც მონაწილეობა აჭარის, გურიისა და სამეგრელოს მორაგბეებმა მიიღეს. ორგანიზატორთა განცხადებით შერჩევა 2 ასაკობრივ კატეგორიაში 2006 და 2007 წლებში დაბადებულ ჭაბუკთა შორის გაიმართა. მათი მიზანია შეირჩეს საუკეთესო მორაგბეები, რომლებიც თბილისში გაემგზავრებიან. საწვრთნელ პროცესებში მონაწილეობას ,,კოლხი რაინდები"-ს მოთამაშეები მწვრთნელებთან ერთად იღებდნენ.

25/12/2023

ფოთის მერმა ბექა ვაჭარაძემ გაწეული მუშაობის შესახებ 2023 წლის ანგარიში წარადგინა. პრეზენტაციაზე მერმა ისაუბრა როგორც მიღწეულ შედეგებზე ასევე გამოწვევებზე. მისი განცხადებით მუნიციპალიტეტის მიერ ინფრასტრუქტურულ პროექტებზე 15 მილიონი ლარი გაიხარჯა. დამატებით მიმდინარეობს ცენტრალური ხელისუფლებისა და დონორების მიერ დაფინანსებული მსხვილი ინფრასტრუქტურული პროექტების განხორციელება. ჯანმრთელობის დაცვისა და სოციალური უზრუნველყოფის ბიუჯეტმა 4,6 მილიონი ლარი შეადგინა. კულტურის და სპორტის მიმართულების ბიუჯეტმა შეადგინა 7,5 მილიონი ლარი. ფოთის მერმა ასევე პარკში მულტიფუნქციური სივრცის მოწყობის საკითხზეც ისაუბრა, რომლისთვისაც საერთაშორისო პარტნიორების მიერ პროექტის-„მერები ეკონომიკური ზრდისთვის" ფარგლებში 60 000 ევრო გამოიყოფა. ბექა ვაჭარაძეს განცხადებით, გლობალური გარემოსდაცვითი ფონდის გრანტის ფარგლებში, 2024 წელს ფოთში მზის ბატარეებზე მომუშავე ელექტრომობილის დამმუხტველი ავტოსადგომები განთავსდება.

25/12/2023

აფხაზეთის ავტონომიური რესპუბლიკის უმაღლესი საბჭოს პრეზიდიუმის გადაწყვეტილებით, საქართველოს ეროვნულ-განმანთავისუფლებელ მოძრაობაში აქტიური მონაწილეობისთვის, ქართულ მწერლობაში და განათლების სფეროში მიღწეული წარმატებებისთვის, ფოთის მე-8 საჯარო სკოლის დირექტორი ბატონი ჭაბუკი ქოიავა საპატიო სიგელით დაჯილდოვდა.

25/12/2023

ტელეჟურნალი "სათვალე "

რუსული სკოლების საქართველოში რუსეთის სასწავლო პროგრამით ავტორიზაციის გარეშე – სტუდია მონიტორი;
მწერლები ავტორიტარიზმის წინააღმდეგ, რატომ ეშინია სისტემას სიტყვის? – DW;
სად ვყრით ნაგავს? უკანონო ნაგავსაყრელები და მუნიციპალიტეტების პოლიტიკა – TOK TV;
საექთნო მენეჯერი, პროფესიული პროგრამა ექთნებისათვის – USIAD -ის პროექტი “დამსაქმებლები პროფესიული განათლებისთვის”;
საშობაო ტრადიციები გერმანიიდან – DW.

22/12/2023

“არტ გალერეა 34”-ში ქალთა კლუბის ორგანიზებით, პოეტ ზოია გრაფიშვილის საავტორო წიგნის "მზე მზისქვეშეთში ჩამომზეშინდა" პრეზენტაცია გაიმართა. კრებულმა საზოგადოების მხრიდან დიდი მოწონება დაიმსახურა. ზოია გრაფიშვილი 1976 წლიდან ქართული ენისა და ლიტერატურის მასწავლებელი გახლდათ. არის ღირსების ორდენოსანი, გოგებაშვილის და ყიფიანის პრემიების ლაურეატი, მრავალ კონფერენციის და პროექტის გამარჯვებული და 4 წიგნის ავტორი

22/12/2023

,,ერთიანი ნაციოინალური მოძრაობის" თავმჯდომარე ლევან ხაბეიშვილი რეგიონებში ამომრჩევლებთან შეხვედრებს განაგრძობს. ლევან ხაბეიშვილი და „სტრატეგია აღმაშენებელი“-ს თავმჯდომარე გიორგი ვაშაძე, პარტიების ლიდერებთან ერთად ფოთის ორგანიზაციის წევრებსა და მხარდამჭერებს შეხვდა. ოპოზიციონერი ლიდერების თქმით ქვეყნისთვის მნიშვნელოვანი გადაწყვეტილება- კანდიდატის სტატუსთან დაკავშირებით მიღებულია, ახლა მთავარ გამოწვევად ბიძინა ივანიშვილის ოლიგარქიული მმართველობის დასრულება რჩება.

21/12/2023

საქართველოს მთავრობის ინიციატივით საახალწლო კონცერტები ქვეყნის სხვადასხვა ქალაქში გაიმართება
(R)

21/12/2023

მიუსაფარი ცხოველების პრობლემა კვლავ აქტუალური გახდა მას შემდეგ, რაც რამდენიმე დღის წინ ოზურგეთის სოფელ მერიაში პიტბულის ჯიშის ძაღლმა ორი მცირეწლოვანი, 5 და 2 წლის ძმები დაკბინა.
ფოთშიც მრავალი წელია მიუსაფარი ძაღლები მწვავე პრობლემად რჩება. აღნიშნულ საკითხზე ჩვენს მიერ არაერთი რეპორტაჟი მომზადდა, სადაც მოქალაქეები აღნიშნავდნენ რომ ძაღლები ხშირად უსაფრთხო გადაადგილების საშუალებას არ აძლევდნენ და არაერთხელ დაფიქსირდა ძაღლისგან კბენის ფაქტიც. სამწუხაროდ სიტუაცია უცვლელი დარჩა. აღნიშნულ საკითხთან დაკავშირებით რაბილოგ თემურ ლომაძეს დავუკავშირდით.
კვლავ უცნობია როდის მოგვარდება მიუსაფარი ძაღლების პრობლემა ფოთში, და როდის გატარდება შესაბამისი ღონისძიებები პრობლემის აღმოსაფხვრელად.

21/12/2023

ბათუმში საქართველოს პირველობა კრივში გაიმართა სადაც ფოთელმა სპოტრსმენებმა წარმატებით იასპარეზეს. საქართველოს ჩემპიონატზე ახალგაზრდა მოკრივეთა შორის, 48 კილოგრამ წონით კატეგორიაში ოქროს მედალი მოკრივეთა კლუბ ''ლიდერის'' მოკრივემ, მიხეილ გვასალიამ მოიპოვა, ასევე ოქროს მედლები მოიპოვეს ლიდორ თავაძის სახელობის სკოლის მოკრივეებმა, 86 კილოგრამ წონით კატეგორიაში გიორგი ნაროუშვილმა და 51 კილოგრამ წონით კატეგორიაში ნიკოლოზ შარაბიძემ.
ფოთლმა მოკრივეებმა ამ გამარჯვებით ევროპის ჩემპიონატის საგზურებიც მოიპოვეს

20/12/2023

ფოთის მომავლი წლის ბიუჯეტთან დაკავშირებით ოპოზიციას შენიშვნები აქვს. ,,ერთიანი ნაციონალური მოძრაობის" წევრები აცხადებენ რომ ისინი ბიუჯეტის თანხით სკოლებში პირველკლასელთა კვების დაფინანსებას ითხოვდნენ და ამ ინიციატივით ფოთის მერსაც მიმართეს, თუმცა ბიუჯეტში ამ საკითხის გათვალისწინება არ მოხდა. ოპოზიციამ ამ თემაზე დღეს გამართულ ბრიფინგზე ისაუბრა. მათი განცხადებით- ქალაქის მთავარი ფინანსური დოკუმენტი, რონელიც საკრებულოს გუშინ დაამტკიცა 32 მილიონი ლარით განისაზღვრა და მასში ადგილიბრივების ინტერესები გათვალისწინებული არ არის. ოპოზიციის განცხადებით მომავალი წლის ბიუჯეტი საჯარო მოხელეების პირად საჭიროებებზეა მორგებული

20/12/2023

ფონდი "ქველმოქმედი 2015"-ისა და "ფოთის ქალთა კლუბის" მოწვევით ფოთს იაპონელი ენათმეცნიერი, მთარგმნელი და ქართველოლოგი იასუჰირო კოჯიმა და მომღერალი და ტელეწამყვანი ნაზი სარჯველაძე ეწვივნენ. სალონური შეხვედრა არტგალერეაში ჩატარდა. შეხვედრას სხვადასხვა სფეროს წარმომადგენლები ესწრებოდნენ. შეხვედრა კითხვა პასუხის რეჟიმში მიმდინარეობდა. გალერეაში ასევე გამოფენილი იყო ადგილობრივ ხელოვანთა ნამუშევრები. იაპონელი მეცნიერი ფოთის საჯარო და კერძო სკოლებს და კოლეჯ "ფაზისსაც" ეწვია.

18/12/2023

16 დეკემბერს ფოთის საჭადრაკო კლუბში მოყვარული მოჭადრაკის, „კავტრექსფოთის“ ერთ-ერთი დამაარსებლის, მეცენატის, ჯემალ თოფურიას ხსოვნისადმი მიძღვნილი XIII საჭადრაკო ფესტივალის საზეიმო დახურვა გაიმართა. ფესტივალის პროგრამით ათამდე ტურნირი ჩატარდა:
-ფოთის საჯარო სკოლების პირველობა,
-6 და 7 წლის, ასევე უფროსი ასაკის დამწყებ მოჭადრაკეთა ტურნირები,
-ღია ტურნირები 7 და 9 წლის ჭაბუკთა და გოგონათა შორის
-ღია ტურნირები კლასიკურ ჭადრაკში.
-ასევე გაიმართა ფოთის პირველობა ოჯახთა შორის და ღია რეიტინგ ტურნირი ელვისებურ ჭადრაკში, რომელშიც პირველ ადგილზე ნიკა ღვამბერია გავიდა, მეორე ადგილზე ლუკა წურწუმია, ხოლო მესამე ადგილზე მერაბ წულეისკირი.
ჯემალ თოფურიას საჭადრაკო ფესტივალზე 300-ზე მეტი მოჭადრაკე მონაწილეობდა.
ფესტივალის გენერალური სპონსორია „კავტრექსფოთი“

18/12/2023

ფოთის ცენტრალურ ბიბლიოთეკაში ბექა შამათავას სადებიუტი წიგნის ,,ოთხი დროის საგრაფოს" პრეზენტაცია გაიმართა. ახალაზრდა ავტორის წიგნი ფენტეზის ჟანრისაა. ის ნაწარმოებზე 9 წლის განმავლობაში მუშაობდა. ,,ოთხი დროის საგრაფო" ბექა შამათავამ გარდაცვლილი მამის ხსოვნას მიუძღვნა.

17/12/2023

17/12/2023

💫 სასიხარულო ამბავი ფოთის “კოლხეთი-1913”-ის გუნდის სრული შემადგენლობისთვის!

🔹 ჩემი პირადი ინიციატივითა და თხოვნით, კლუბი მიღწეული წარმატებისთვის ბიზნეს კომპანიებმა ფულადი ჯილდოთი წაახალისა, რაც ჩვენი გუნდისთვის დიდი სტიმულია.

🔹 მსურს გაგიზიაროთ კომპანიების ჩამონათვალი, რომლებიც ჩვენთან ერთად იზიარებენ და აფასებენ ფოთელების უზომო სიხარულს, რაც ფოთის “კოლხეთი-1913”-ის დაბრუნებას ახლდა მისთვის კუთვნილ ადგილზე ეროვნულ ლიგაში.

1. შპს “აისბერგი 2” - ₾10 000
2. შპს “გეოფიშ კომპანი” - ₾10 000
3. შპს “სათნო” - ₾10 000
4. შპს “მბმ” - ₾10 000
5. შპს “ზღვის პროდუქტები” - ₾10 000
6. შპს “KCB ალიანსი” - ₾10 000
7. შპს “პალიასტომი” - ₾10 000
8. შპს “აისბერგი” - ₾10 000
9. შპს “კავტრექს ფოთი” - ₾10 000
10. შპს “ლოჯისტექსი” - ₾10 000
11. შპს “ეტს” - ₾5 000
12. “თეგეტა ჰოლდინგი” - ₾10 000
13. შპს “კაისა-2” - ₾10 000

🔹 მსურს მადლობა გადავუხადო აღნიშნული კომპანიების დამფუძნებლებსა და წარმომადგენლებს ჩვენი საამაყო გუნდის წევრების გახარებისთვის.

🔹 რა თქმა უნდა, განსაკუთრებული მადლობა ფოთის “კოლხეთი-1913”- ის სრულ შემადგენლობას მიღწეული შედეგისთვის.

🔹მჯერა, წინ კიდევ ბევრ წარმატებას ვიზეიმებთ ერთად!

#გვეამაყებით
#ფოთისკოლხეთი1913

17/12/2023

2023 წლის საქართველოს ჩემპიონატზე ახალგაზრდა მოკრივეთა შორის, 48 კილოგრამ წონით კატეგორიაში ოქროს მედალი მოიპოვა მოკრივეთა კლუბ ''ლიდერის'' მოკრივემ, მიხეილ გვასალიამ (პირადი მწვრთნელი: ლაშა ოჩიგავა)

ასევე ოქროს მედლები მოიპოვეს ლ. თავაძის სახელობის სკოლის მოკრივეებმა, 86 კილოგრამ წონით კატეგორიაში გიორგი ნაროუშვილმა (პირადი მწვრთნელი: ვლადიმერ ჭანტურია) და 51 კილოგრამ წონით კატეგორიაში ნიკოლოზ შარაბიძემ (პირადი მწვრთნელი: დავით დავთიან)
ფოთლმა მოკრივეებმა ამ გამარჯვებით ევროპის ჩემპიონატის საგზურებიც მოიპოვეს

14/12/2023

საჯარო სკოლის დირექტორების კონკურსზე „დაბლოკილმა“ კანდიდატებმა განათლებისა და მეცნიერების სამინისტროს კონკრეტული მოთხოვნებითა და კითხვებით მიმართეს. მასწავლებლებმა, რომლებიც რამდენიმე დღის განმავლობაში, სამინისტროს შენობასთან აქციას მართავდნენ, უწყებაში განცხადება ოფიციალურად ჩააბარეს. „დაბლოკილ“ კანდიდატებს შორის, მენტორი მასწავლებელი თამარ ფაჩულიაც აღმოჩნდა. ის რამდენიმე დღის წინ კოლეგების მიერ დაწყებულ პროტესტს ფოთის საგანმანათლებლო რესურსს ცენტრიდან შეუერთდა. როგორ აფასებს თამარ ფაჩულია მიმდინარე მოვლენებს და რამდენად შედეგიანი აღმოჩნდა მის მიერ დაწყებული პროტესტი- აღნიშნულ საკითხთან დაკავშირებით თამარ ფაჩულიას გვესაუბრება.
აღსანიშნავია რომ პედაგოგები ითხოვენ დასახელდეს კონკრეტული თარიღები, თუ როდის გაიმართება გასაუბრება და სერტიფიკატების გადაცემა გამოცდაჩაბარებული კანდიდატებისთვის, ასევე როდის წარედგინება კანდიდატები ვაკანტურ სკოლებს. ისინი ასევე, მოითხოვენ, გასაუბრების ყველა მონაწილისთვის ვიდეო-გადაღება არა ნებაყოფლობითი, არამედ სავალდებულო გახდეს. ეგახსენებთ რომ, ორი კვირის განმავლობაში საჯარო სკოლების დირექტორობის რამდენიმე კანდიდატი განათლების სამინისტროსთან აქციას მართავდა. მათ უწყების წინ გაშლილი ჰქონდათ კარავი, სადაც ღამეს ათევდნენ. ერთ-ერთმა მონაწილე - მაია ეკალაძე შიმშილობდა კიდეც.

14/12/2023

თბილისში საქართველოს მე-20 ეროვნული ჩემპიონატი უშუ-ში გაიმართა, სადაც წარმატებით იასპარეზეს და ჯამში 16 ოქროს, 10 ვერცხლის და 5 ბრინჯაოს მედალი მოიპოვეს ფოთელმა სპორტსმენებმა.
აღსანიშნავია რომ 2023 წლის საქართველოს უშუს საუკეთესო მწვრთნელად ვასილ დუნდუა, საუკეთესო სპორტსმენებად კი მაკა გაბესკირია და სოფიკო აფხაზავა დასახელდნენ. შეგახსენებთ რომ დაარსებიდან ფოთის უშუს სკოლას ვასილ დუნდუა ხელმძღვანელობს. მოსწავლეები კი იქ სპორტულ საჩვენებელ უშუს ეუფლებიან.

12/12/2023

თხილის წარმოების ხელშეწყობის სახელმწიფო პროგრამა დაიწყო. თხილის წარმოების ხელშეწყობის პროგრამაში რეგისტრაცია მეთხილე ფერმერებმა, თხილის მოვლა-მოყვანისთვის საჭირო აგროქიმიკატებისა და პესტიციდების შესაძენად განკუთვნილი ფინანსური დახმარების მისაღებად, 2023 წლის 4 დეკემბრიდან 2024 წლის 29 მარტის ჩათვლით თხილის კადასტრში უნდა მოახდინონ თხილის ბაღების რეგისტრაცია. თხილის კადასტრის სამუშაო ჯგუფის წარმომადგენელთა სოფლებში ვიზიტები განხორციელდება შესაბამისი გრაფიკით. თხილის წარმოების ხელშეწყობის სახელმწიფო პროგრამა თხილის მოვლა-მოყვანისთვის საჭირო აგროქიმიკატებისა და პესტიციდების ღირებულების სუბსიდირებას ითვალისწინებს.

12/12/2023

ზესტაფონის კლასიკური დრამატურგიის თეატრალურ ფესტივალზე ფოთის თეატრმა სპექტაკლი ,,ქარიშხალი“ წარადგინა და დიდ წარმატებას მიაღწია. საუკეთესო სახასიათო როლისთვის თორნიკე კაკულია დაჯილდოვდა. საუკეთესო დრამატული ქალის როლის შესრულებისთვის ანიკო შურღაია. ნომინაციაში საუკეთესო ქორეოგრაფია კოტე ფურცელაძემ გაიმარჯვა საუკეთესო მუსიკისთვის კოტე ეჯიბაშვილი დაჯილდოვდა. საუკეთესო რეჟისურა კი საბა ასლამაზიშვილს გადაეცა. საქართველოს კულტურის, სპორტისა და ახალგაზრდობის სამინისტროს და ზესტაფონის მუნიციპალიტეტის მერია-ის ფინანსური მხარდაჭერით ხორციელდება.

12/12/2023

11 დეკემბერს, თბილისში, არტ ჰოლის დარბაზში გაიმართა ქართული ლიგის ფინალი, სადაც მონაწილეობდა ფოთის მხიარულთა და საზრიანთა კლუბის გუნდი ''რაია''
ფოთელებმა ვიცეჩემპიონობა მოიპოვეს.

11/12/2023

8-12 დეკემბერს მე-2 საჯარო სკოლის დარბაზში სიდნეის XXVII ოლიმპიური თამაშების პრიზიორის, ვლადიმერ ჭანტურიას სახელობის საერთაშორისო ტურნირი კრივში, 2008-2009 წლებში დაბადებულ მოკრივეთა შორის გაიმართა. ტურნირში მონაწილეობა როგორც საქართველოს ქალაქებისა და რეგიონების: ბათუმის, ქუთაისის, ზუგდიდის, წალენჯიხის, აბაშის, მარტვილის, ხობის, მესტიის, ტყიბულის, საჩხერის, ჭიათურის, ზესტაფონის, ბორჯომის, ახალქალაქის, თელავის, ახმეტის, დუშეთის, გორის, რუსთავის, მარნეულის, გურჯაანის, ლაგოდეხის, სიღნაღის, თეთრიწყაროს, სენაკის, ჩხოროწყუს, ოზურგეთის, გარდაბნის, ცაგერის, საგარეჯოს, ყვარელის, ახალციხის, თიანეთის, თბილისისა და ფოთის, ასევე თურქეთის გუნდებმა მიიღეს.
ორგანიზატორთა განცხადებით აღნიშნული ტურნირის მიზანს კრივის პოპულარიზაცია ახალგაზრდებში და ჯანსაღი ცხოვრების წესის დამკვიდრება წარმოადგენს.
აღსანიშნავია რომ ვლადიმერ ჭანტურიას სახელობის ტურნირი ფოთში უკვე მეორედ იმართება.

11/12/2023

ფოთის საჭადრაკო კლუბში ჯემალ თოფურიას ხსოვნისადმი მიძღვნილი XIII საჭადრაკო ფესტივალი გრძელდება. გუშინ ფესტივალის ფარგლებში ტურნირი კლასიკურ ჭადრაკში დაიწყო, რომელშიც მონაწილეობას 105 მონაწილე იღებს. საბოლოო შედეგი ხვალ გახდება ცნობილი. კლასიკური ჭადრაკის შემდეგ საოჯახო და ღია ტურნირები ელვისებურ ჭადრაკეში გაიმართება.
საპრიზო ადგილებზე გასული მოჭადრაკეები 16 დეკემბერს ფესტივალის საზეიმო დახურვაზე დიპლომებით, მედლებით და საჩუქრებით დაჯილდოვდებიან
ფესტივალის გენერალური სპონსორია "კავტრექსფოთი"

10/12/2023

09/12/2023

ფოთელი გიორგი სანიკიძის შესანიშნავი ბლიცი.
"წიგნების თარო"

08/12/2023

ფოთის საჭადრაკო კლუბში ,,ნანა“ -ში ჯემალ თოფურიას ხსოვნისადმი მიძღვნილი XIII საჭადრაკო ფესტივალი გრძელდება. გუშინ ტურნირები 6 და 7 წლამდე დამწყებ მოჭადრაკეთა და უფროსი ასაკის მოსწავლეთა შორის გაიმართა. მასში ფოთის საჭადრაკო კლუბის 70-მდე მოსწავლე მონაწილეობდა, რომლებიც კლუბში 2023 წლის 1 სექტემბრიდან ირიცხებიან. ტურნირები შვეიცარიული სისტემით 7 ტურად ჩატარდა.
აღსანიშნავია რომ 16 დეკემბერს 16:00 საათზე, ფესტივალის საზეიმო დახურვაზე საპრიზო ადგილებზე გასული გუნდები ფულადი პრიზებით, თასებით, მედლებით და დიპლომებით დაჯილდოვდებიან. ფესტივალის გენერალური სპონსორია „კავტრექსფოთი“

08/12/2023

მე-4 საჯარო სკოლის სპორტულ დარბაზში სასკოლო სპორტული ოლიმპიადის პროგრამით გათვალისწინებული თამაშები საჯარო და კერძო სკოლების მოსწავლეთა შორის 3X3 კალათბურთში 2008-2009 წლებში დაბადებულ მოსწავლეთა შორის გაიმართა. ოლიმპიადაში მონაწილეობა ფოთის N1,N2, N3, N5, N7 და N15 საჯარო სკოლებმა მიიღეს. დაძაბული ბრძოლების შემდეგ ტურნირის გამარჯვებული N5 საჯარო სკოლა გახდა. მეორე ადგილი N2 საჯარო სკოლას ერგო, მესამე ადგილზე პირველ საჯარო სკოლა გავიდა. ორგანიზატორთა განცხადებით სპორტული ოლიმპიადა ყოველწლიურად იმართება. აღნიშნული გამარჯვებით N5 საჯარო სკოლამ რეგიონულ პირველობაზე ასპარეზობის უფლება მოიპოვა.

07/12/2023

ფოთის „ქალთა კლუბის" და ფონდი "ქველმოქმედი 2015"–ის ორგანიზებით, მსოფლიო კამპანიის ფარგლებში „არტ-გალერეა 34“-ში ძალადობის წინააღმდეგ მიმართული საინფორმაციო ხასიათის შეხვედრა ადგილობრივ მოსახლეობასთან გაიმართა. ჩატარდა სემინარი თემაზე: "არა ძალადობას". მოეწყო ფილმის - "მე დავიკარგე საკუთარ სახლში" ჩვენება. ღონისძიებას ქალთა კლუბის წევრები და მოწვეული სტუმრები დაესწრნენ. აღსანიშნავია რომ, ქალთა მიმართ ძალადობის წინააღმდეგ 16 დღიანი კამპანია მსოფლიოში 1991 წლიდან იმართება, რომელსაც მსოფლიოს 187 ქვეყანა და 5000-ზე მეტი ორგანიზაცია უერთდება. კამპანია მიზნად ისახავს საზოგადოების ცნობიერების ამაღლებას ქალთა მიმართ ძალადობის საკითხებზე.

07/12/2023

საქართველოს რამდენიმე ქალაქში, მათ შორის ჩვენს რეგიონშიც პარტია „ერთიანი ნაციონალური მოძრაობა“ მისმა წევრებმა დატოვეს , რომელთა უმრავლესობა ადგილობრივი საკრებულოების წევრები არიან. რ
როგორია ფოთელი ნაციონალების პოზიცია და ხომ არ აპირებს ფრაქციის ყოფილი თვმჯდომარე მის თანამოაზრეებთან ერთად ერთდ პარტიის დატოვებას- აღნიშნული კითხვით დარეჯან ცხვიტარიას მივმართეთ. მისი თქმით გადაწყვეტილება მიღებული ჯერ არ აქვს და აპირებს ფოთის ნაციონალური მოძრაობის წევრებთან ერთად ბრიფინგის მოწყობას, სადაც ჟურნალისტების კითხვებს უპასუხებს და საბოლოო გადაწყვეტილებას გააჟღერებს.

06/12/2023

2023 წლის 11 დეკემბერს, 18:00 საათზე ქალაქ თბილისში, არტ ჰოლის დარბაზში გაიმართება ქართული ლიგის ფინალი, სადაც მონაწილეობას ღებულობს ქალაქ ფოთის გუნდი ''რაია''.

2023 წლის 11 დეკემბერს, 18:00 საათზე ქალაქ თბილისში, არტ ჰოლის დარბაზში გაიმართება ქართული ლიგის ფინალი, სადაც მონაწილეობას ღებულობს ქალაქ ფოთის გუნდი ''რაია''.
მაქსიმალურად გამოვხატოთ მხარდაჭერა ჩვენი ქალაქის გუნდისთვის!

!!

06/12/2023

საქართველოს სისხლის სამართლის კოდექსში შესული ცვლილებებით, უკანონო თევზჭერაზე სანქციები გამკაცრდა. როგორც გარემოსდაცვითი ზედამხედველობის დეპარტამენტში აცხადებენ, ელექტროდენით, ელექტროშოკის აპარატით, თვითნაკეთი ელექტრონული ხელსაწყოთი, ფეთქებადი ან მომწამლავი ნივთიერებით, თევზის ან წყლის სხვა ცოცხალი ორგანიზმის მასობრივი განადგურების სხვა საშუალებით უკანონო თევზჭერა პირველივე ჯერზე სისხლის სამართლის დანაშაულად დაკვალიფიცირდება. აღნიშნული სამართალდარღვევა ისჯება საზოგადოებისთვის სასარგებლო შრომით 320-დან 400 საათამდე ან/და თავისუფლების აღკვეთით ვადით 2-დან 4 წლამდე. აღსანიშნავია, რომ, საკანონმდებლო ცვლილებამდე, აღნიშნული უკანონო საშუალებებით თევზჭერა სისხლის სამართლის პასუხისმგებლობას ითვალისწინებდა მხოლოდ ქვირითობის პერიოდში – 1 მაისიდან 31 აგვისტოს ჩათვლით ან იმ შემთხვევაში, თუ პირს დიდი ოდენობით თევზი ჰქონდა მოპოვებული. ცვლილება მიმდინარე წლის 1 დეკემბრიდან შევიდა ძალაში. კიდევ რა ცვლილებებია საქართველოს სისხლის სამართლის კოდექსში. გარემოსდაცვითი ზედამხედველობის დეპარტამენტის ადმინისტრაციის უფროსის მოადგილე ტარიელ ირემაძე გვესაუბრება.

06/12/2023

საახალწლო არდადეგები წელს 29 დეკემბრიდან დაიწყება და 2024 წლის 14 იანვრის ჩათვლით გაგრძელდება. როგორც ცნობილია, სასწავლო წლის დასაწყისში დგინება კალენდარი, რომელშიც დეტალურად არის გაწერილი სწავლის დაწყების, დასრულებისა და უქმე დღეების ჩამონათვალი. ზამთარის არდადეგებთან ერთად, მოსწავლეებისთვის პირველი სემესტრიც სრულდება, რაც იმას ნიშნავს, რომ ეს პერიოდი საკმაოდ დატვირთული იქნება პედაგოგებისთვის.

Address

#4 Mshvidoba Str. Poti
Poti
4400

Telephone

+99599515030

Website

http://www.nwbc.ge/

Alerts

Be the first to know and let us send you an email when მეცხრე ტალღა posts news and promotions. Your email address will not be used for any other purpose, and you can unsubscribe at any time.

Videos

2024 ხობის მუნიციპალიტეტი სოფელი ჭალადიდი Sveta Abakelia

ფოთი 2024

ფოთში, ჭავჭავაძის ქუჩაზე მდებარე საცხოვრებელ სახლს ცეცხლი გაუჩნდა. მიზეზად ელექტრო გამათბობელი სახელდება. ამ დროისთვის ადგილზე სახანძრო სამაშველო ჯგუფები მუშაობენ. შემთხვევას მსხვერპლი არ მოჰყოლია.

ფოთის სანაპირო ზოლზე ძლიერი ზღვის ღელვა ფიქსირდება. საგანგებო სამსახური მოსახლეობას სიფრთხილისაკენ მოუწოდებენ, სინოპტიკოსების უამინდობას კიდევ 2 დღე პროგნოზირებენ.

ჩინური მედიცინის ცენტრი "პეკინი" ბათუმი, პეტრე ბაგრატიონის N28 511 160 088 511 160 033 თბილისი, ვ. ლობჟანიძის N1 511 120 088 511 120 066 (R)

ამერიკის ხმა ისრაელი-იერუსალიმი იან ბოშა, მაია ქვარცხავა - ამერიკის ხმა დედამიწაზე ერთ-ერთ ყველაზე პოპულარული ქალაქის, იერუსალიმის ქუჩები დღეს თითქმის ცარიელია. ისრაელს და დაჯგუფება „ჰამასს“ შორის დაწყებული ომის შემდეგ, ესკალაციის შიშით, ქალაქი ტურისტებმაც დატოვეს და მომლოცველებმაც. ქუჩებში ადგილობრივებიც თითქმის არ გამოდიან. ნახეთ „ამერიკის ხმის“ რეპორტაჟი უძველესი ქანაანური დასახლებიდან, რომელიც ახლა უფრო მოჩვენებათა ქალაქს ჰგავს.

ხელოვნება და კულტურის პოლიტიკა რეგიონებში. "ეს ქვეყანა შენია" 27 09 23

მიგრაცია რეგიონიდან და ქვეყნიდან . "ეს ქვეყანა შენია" 29 09 23

გარემოს დაცვა და მოქალაქეთა ჩართულობის მნიშვნელობა. "ეს ქვეყანა შენია" 28 09 23

ეს ქვეყანა შენია. ,,შფოთის” ინიციატივით, ფოთის N3 ბიბლიოთეკა რეაბილიტირდება 27 08 23

დასავლური წარმატების ფორმულა გადაცემაში ,,ეს ქვეყანა შენია”-სტუმარი მელორი წიფურია. 12 07 23

,,სამოქალაქო განათლების როლი პიროვნების განვითარებაში''- ეს ქვეყანა შენია 29 05 23

სოციალური სივრცე და მისი მნიშვნელობა გადაცემაში ,,ეს ქვეყანა შენია" 20 04 23

„ეს ქვეყანა შენია“.არიან თუ არა მზად ფოთელები არჩევნების ელექტრონული სისტემით ჩატარებისთვის 25 04 23

ძლიერი წვიმის შედეგად ფოთის ბაზრის ტერიტორია დაიტბორა. ვიდეოს მოქალქე ავრცელებს. Makvala Mamasaxlisi

სამეგრელოში 2 დღის წინ მომხდარი წვიმების შედეგად ხობის მუნიციპალიტეტის სოფლებიც დაიტბორა, რითაც მოსახლეობასთან ერთად შინაურ ცხოველებსაც შეექმნათ საფრთხე. პირველ ხორგაში მცხოვრებმა სარდიონ კაკაჩიამ შეძლო 3 პატარა ლეკვისა და კნუტების გადარჩენა. მას ძაღლის ყმუილი შემოესმა და დროულად მოასწრო რეაგირება. წყარო Tazo Kakachia

3 წლის გიორგი საჯაია ფოთიდან,რომელიც 48 ქვეყნის დროშას ცნობს.

საგარეო საქმეთა სამინისტროს ნატოსა და ევროკავშირის შესახებ საინფორმაციო ცენტრის ორგანიზებით, ზუგდიდის დემოკრატიული ჩართულობის ცენტრში, ანტიდასავლურ პროპაგანდასთან ბრძოლის საკითხებზე ზუგდიდის სამოქალაქო, საჯარო სექტორის, მედიის წარმომადგენლებთან და სტუდენტებთან შეხვედრა გაიმართა. შეხვედრას საქართველოს თავდაცვის სამინისტროს სტრატეგიული კომუნიკაციების სამმართველოს უფროსი დავით უჩაძე და ნატოსა და ევროკავშირის შესახებ საინფორმაციო ცენტრის წარმომადგენელი სამეგრელო-ზემო სვანეთის რეგიონში ანა ცანავა უძღვებოდნენ. სემინარი ამერიკის შეერთებული შტატების სახელმწიფო დეპარტამენტის მიერ დაფინანსებული პროექტის „დასავლური ინტეგრაციის შესახებ ინფორმირებულობ

ლიბერთის ინიციატივა რეგიონებში - ,,ბიზნეს დიალოგი“ გრძელდება ლიბერთის ახალი ინიციატივა ,,ბიზნეს დიალოგი“ წარმოადგენს რეგიონალური შეხვედრების სერიას, რომლის ფარგლებში, პარტნიორებთან ერთად, საქართველოს ყველა რეგიონში ტარდება შეხვედრები აგრო, მცირე და საშუალო ბიზნესის წარმომადგენლებთან. ამ შეხვედრების მიზანია, რეგიონებში უშუალო კავშირი როგორც ამჟამად არსებულ, ასევე პოტენციურ მომხმარებლებთან. დიალოგის ფორმატი, მეწარმეებთან გამოცდილების გაზიარების. მსგავსი ტიპის შეხვედრები როგორც ბანკისთვის, ასევე ბიზნესისთვის ნაყოფიერი აღმოჩნდა სხვა რეგიონებშიც და იდეების ურთიერთგაზიარებასა და შესაბამისად ახალი საბანკო შეთავაზებების გაცნობას, ლიბერთი წლის ბოლომდე საქართველოს ყველა რეგიონში გეგმავს.

წყალსათხილამურო სპორტი,მსოფლიოში ერთ-ერთი საკმაოდ გავრცელებული ტრენდია. ფოთში ოქროს ტბას წლების წინანდელი ფუნქცია დაუბრუნდა და წყლის თხილამურებით გასეირნება ნებისმიერ მსურველს შეუძლია. აღსანიშნავია,რომ მალთაყვის სპორტული ბაზა და ფოთის კლიმატური ადგილმდებარეობა იდეალურია წყალსათხილამურო სპორტის გასავითარებლად. ამასთან სპორტის ეს სახეობა ტურისტებისთვისაც ძალიან მიმზიდველია, რაც იმას ნიშნავს,რომ ქალაქს სპორტული ტურიზმის განვითარების დიდი პოტენციალი აქვს. .,სპორტის ამ სახეობის ხელშეწყობა ქვეყანაში ტურიზმის განვითარებას შეუწყობს ხელს.“, – განაცხდა წყალსათხილამურო სპორტის ფედერაციის პრეზიდენტმა, რომან მელიამ. ცნობისათვის წყალსათხილამურო სპორტი არ არის ოლიმპიური სახეობა,რის გამოც ხელისუფლების მხრიდან ნაკლებ დაინტერესებას იწვ