قصص حقيقية True Story

10/06/2024

شكون الي وزنها ولا وزنو زاد بزاف و راهم ناويين يبداو ريجيم واش رايكم نبداوه مع بعض ...

10/06/2024

الي عندو الباك الله ينجحو ... ما تخافو ما والو يفوت بإذن الله و تكونو من الناجحين

14/05/2024

كاش جديد ...

16/04/2024

يا رب ... ❤️✅️❤️

16/04/2024

علابالي روطار بزاف بصح صحا عيدكم و ينعاد علينا و عليكم بالصحة و الهنا ... كيفاه فوتوها

28/03/2024

لكل بنت أو أم أو أخت أو عمة أو خالة أو حتى جدة ... *** الله يعطيك الصحة على غسيل الماعين و الطياب و التنظيف و كل شي درتيه في هاذا رمضان و كل رمضانات... ربي يقويك و ما بقاش بزاف من الشهر الفضيل ... ربي يعطيك الصحة على كلش ***

#الأدمن

26/03/2024

قصة جديدة...لايك و مشاركة ✅️

الحلقة 1 *** بون خاوتي أنا ياسين من بليدة ليوم حبيت نخلي ميساج لولاد بلادي... لحكاية صراتلي ليا و مانكذبش علیکم نضريت بزاف منها... كنت راقد فبلاصتي لاباس بيا حتى لحقني ميساج من عند وحدة قاتلي انا يسموني كذا و نسكن فكذا و كي تكون الاز عيطلي... انا حبيت نعرف شكون هذي لي بعتتلي... بالخف عاودتلها رفدت عليا قاتلي انت ياسين قلتلها ايه قاتلي انا كريمة ومتشرفين..... انا توسوست حبيت نعرف كيفاش جابت نيميرو ديالي و وين تعرف اسمي ماحبتش تحكيلي بقيت معاها كونتاكت كل يوم نحكيو نڤسرو وحد نهار بغيت نشوفها ديسيدينا نهار نتلاقاو فيه .. و كي لحق هذاك نهار تلاقينا كانت زلة وشابة ماعندي مانقول عجبتني بزاف مي عينيها كانو يبانو تاع شر ماشي تاع خير كي نشوف فيهم قلبي يضرني ما عرفتش علاش..... المهم وحد نهار عيطتلي تبكي قاتلي يا ياسين راني في مشكلة كبيرة و دارنا رايحين يحاوزوني عاوني عاوني آهيه قلتلها بواش نعاونك انطقي قاتلي ارواح اديني دوك قبل مايوصل خويا و يذبحني انا مافهمت والو و الطفلة هاذي كي حبيتها درت كلش في خاطرها روحت ليها هبطت عندي مي كانت تضحك نورمال او قلتلها واش كاين ضحكت قاتلي والو جبتك بلعاني باش نسهرو كيف كيف ايه يا حبيبتي نسهرو وين تحبي نروحو ايا روحنا سهرنا مي الحاجة لي حيرتني كيفاش دارهم ماحوسوش عليها المهم خليت كلش في قلبي و جوزنا ليلة توب و ماغلطتش معاها ماتوشيتها ما والو... الطفلة بدات تدخل لقلبي بزاف حبيت نتقرب منها آيا قلت ندیر نهار و نروح نسقسي عليها و نخطبها و نديرها مرتي... تم نكمل

26/03/2024

الحب💛 في الجزائر !!!؟؟؟!هي :الو حبي😍 معليش نخرج مع صحباتي ☺️
هو :لالا متخرجيش😏 ///===>هي :اففف علاه ياربي علاه ديرلي هكااااااا
هو : منعودش الهدرة بزااااف قتلك متخرجيش=>هي :اممم اوكي كيما تحب
انتهاء المكالمة ------->هي:اااالو البنات وين راكم نص ساعة نجي ولا نقلكم فوتو عليا او نخرجو كيف كيف 😃😂هههههههه

25/03/2024

تقبلو الطرف الآخر كما هو بشرط أن يتقبلكم أيضا هو كما أنتم... ❤️✅️

22/03/2024

رسائل

20/03/2024

ضع نفسك فوق في عينك

19/03/2024

حب انتقام 🖤.
الحلقة 11 الاخيرة
والله هي واعرة كي يبرد الڨلب ، المهم كملت مع محمد بقينا 4 اشهر نحكو غير فالتلفون باسكو هو عسكري كان خدام طلعت انا للجامعة شور هو لدارهم جا شافني جمعنا حكينا شوية وانا كنت ميتة بالحشمة عينيا مانيش قادرة نرفدهم من الارض ونشوف فيه باسكو اول مرة نجمع مع واحد ونحكي معاه غير شافني صايي هبل عليا راح ديراكت عند يماه قالها سموك تخطبيهالي دوك يطيرولي بيها وحكيت مع يماه تاني وختو فالحق حبوني ودايما يسقسو عليا انا عجبني محمد بزاف شخصيته بزاف شابة الحاجة لي عجبتني فيه بزاف عندو الكلمة بديت نتعلق بيه مالڨري كي خرجت معاه ماكنت نحبو موالو مانكذبش والحمد الله ماخسرتش معاه فالحق كان مقلشني حتى حاجة مايعزها فيا شرالي تلفون كان دايما كي يجي يخرجني يحوس بيا وزيد كي نروح يعطيني دراهم يعني كان متهلي فيا بزاف وكنت مهنية معاه وأمين كي شافني مهنية في حياتي كان يغير كان يشوف ليسطوري تاوعي يقولي راكي عايشة وانا نغبنت قالي والله مانسمحلك قتله نهار لول كي بغيتك ومشيت معاك بالنية وعطيتك ڨلبي عذبتي ودرتني غير زعاقة الفرصة هاديك ماتجيش دايما وقتله الحمد الله راني لقيت لي عوضني .
الفايدة بقا عام كامل وهو يحلل فيا باش نرجع وكان خدام هنا في وهران ماقدرش يخسر نهار ويجي يهدر معايا فالوجه انا لي مايحاربش على جالي ماعندي ماندير بيه، باسكو الحب أفعال مشي أقول وانا الجاست لي دارها محمد كي هدر مع دارهم كبرت بزاف في عيني
المهم جا خطبني محمد قبلو دارنا وبغاوه راجل بقيمته وشانه مافيه حتى عيب ولد فاميليا الحمد لله وبقا أمين غي يرسلي وشوفي كي ديري وليلي ومزال نبغيك فالحق كان يغيضني بصح كي نتفكر بلي نكمل معاه بديك العقلية نقسح ڨلبي ايا قتلو ولد الناس انا راني مخطوبة غير روح شوفلك من جيهة وحدوخرا المهم ولا خطرا فالزمال كي يتوحش حتى لثم يرسلي وكان يشوف لي سطوري تاعي بلي راني عايشة ڨاع شكاين وحد المرة غاب كان عامي الثالث فالجامعة نڨطع ڨاع حسه وحتى وحد النهار حط فيديو تاع سوتنونس تاعه باسكو هو كان سطاج فرملي فالعسكر قتله اوكي باغي تحاربني نورمال راني هنا انا ، كملت جبت ديپلوم ودرت حفلة تاع سوتنونس موراها بسمانة جا محمد دارلي الخاتم 💍🫶 روبلناها داك النهار وفاتت كيما كنت متمنية معايا خاوتي وصحباتي كامل فرحولي ايا كي شاف ليسطوري تاعي صاي تما ڨطع لياس عرف بلي الطفلة هاديك لي عشقاته وكانت قادرة تحارب كلش على جاله طارو بيها والحمد الله أنا راني عايشة مهنية مع محمد حتى حاجة ماتخصني وهو ربي يهنيه في حياته والله نتمناله غير الخير وإن شاء الله يلقى لي تنسيه فيا ،
وبالعكس انا كي نشوفه ناجح في حياته هداك وين نزيد نقوى💪 نحب نأفونسي للقدام ونكون خير منه وناجحة في حياتي باش نبينله بلي لوكان تجي 100 وحدة مورايا ماراحش يعوضو بلاصتي 😉🥂🖇️.

19/03/2024

*** احببت جاري منذ صغري احببته اي حب من طرف واحد و لا استطيع ان انساه. فيا ترى هل يوجد حل***
شوفو هاذي رسالة قديمة من رسائل المتابعين... بلاك ما تأمنوش بصح كاين آلاف القصص هاذو الأيام راح نحطهم ... كاين الي قصار كيما هاذي و كاين الي أطول منها شوية و كاين الي حلقات ... متابعة ممتعة ... و ما تنساوش تمدو رأيكم لصاحبة الرسالة (كثرونا الاعجابات )

19/03/2024

رأيكم فالحكاية ... تفاعلوا 😉

السلام عليكم حبيت نحكي لقصة تاعي لي رايكم فيها يفيدني بزااف المهم، انا شاب جزائري تعرفت على وحدة سنة 2020 ف ايام لبيام المهم جبناها عام و حنا نهدرو عادي يعني amis برك و هيا كانت تحبني تموت عليا و كانت تخبي هذاك الحب و الاعجاب و متبينش حتى طلعت لليسي و م لثم وليت نحسها تحبني و تهتم بيا حتى رجعو عندي مشاعر ليها هيا وحد لخطرة ضاربت معاها و حنا amis هيا زعفت مني بسك كنت انا لغالط هيا روحت صالحتها و من هذاك نهار بدات قصة لحب تاعنا عترفتلي و عترفت و ولينا كيف كيف و كنت نشوفها غير هيا و هيا كانت حنينا و تحبني ل درجة كبيرة بقينا كيف كيف وحد لعام وشمن حب و شمن اهتمام كلش كنت نحي من لحمي و نمدلها و رجعتها تصلي و كنت كلش ب نسبا ليها حتى جا نهار وين فاقلها باباها هيا لثم لحالة تبدلت و نحاولها تلفون و كانو ايام صعيبة عليها بصح حمدلله كان الاب تاعها متفهم لان كان يحبها بزاف المهم ملقري فاقولها و كلش بصح قعدت معايا و قاتلي غير نتا منخليكش و جازو ليام حتى وجعلها تلفون و رجعنا كيما كونا حتى هاذ رمضان بديت نحس لعلاقة حتى هيا رانا ف نفس الريتم و الايام يتعاودو و مبعد جا واحد نهار قاتلي شوف انا حبيتك و مزالني نحبك و مستحيل نبدلك قاتلي بصح لي رانا فيه حرام و يدينا لهلاك و اي علاقة لا ترضي الله نهايتها سيئة قاتلي و انا راني مخنوقة بسك كانت تهدر معايا ب تخبية على دارهم قاتلي حابة نعيش بلا خوف قاتلي شوف نبقاو des amis و كي نكملو قرايتنا ارواح اخطبني و غير نتا لي نقبل بيك انا ف لول من صدمة مقدرتش نهدر معاها و حسيت ب خيبة منها لان تعلقت فيها بزاف المهم مجاوبتهاش وحد 3 ايام ومبعد بعثتلها لان حسيت هدرتها صح و كون نحبو ف قلبنا خير حتى نتزوجو و حسيت ربي بعدنا على هاذ لحرام باش يكتبنا ف لحلال و قتلها صح عندك لحق و حتى انا نحبك و منديش غيرك وكانت تقولي لي يحبك صح يخاف عليك تتعذب ف نار و انا درت هاذ شي باش ربي يباركنا كي نتزوجو و دوكا رانا نهدرو ب facon تاع amis بصح طفلة منهدر معاها غيرها و هيا كيف كيف شغل نهدرو و كلش برك بلا هذاك لحرام و هاذي هيا و معى لعلم عدنا نفس العمر 17 سنة
زعما حساب لقصة يتواصل هاذ الحب و يجي نهار و نتزوجها ولا معا لوقت يروح كلش؟

19/03/2024

حب انتقام 🖤. الحلقة 10
المهم يامات وبعتلي ميساج فالليل قالي تسما هكا روحتي وسمحتي فيا مارديتش عليه زاد شوية وبعتلي ميساج قالي يا تهدري معاه يا نهدر معاه انا تما حسيتها غادي تتخلط خفت بديت غير نبكي ماعرفتش واش ندير عيطتله قتله خلي انا نهدر معاه.
وانا تالمو كان ضاغط بزاف عليا شافني محمد تبدلت عليه قالي واش كاين قتله باغيا نحبسو قالي راكي منيتك ماتعاوديش هاد الهدرة ومانسمحش فيك ماعييت كفاش مابغاش ايا انا روحت عند أمين قتله صايي حبسنا وراني وحدي كذبت عليه غير باش يبعدني تما بدا يحلل فيا وليلي وسمحلي حمبوك وانا ماعرفتش قيمتك وبدا يبكي اول مرة نشوف راجل يبكي عليا هي غاضني بصح في هاديك اللحظة وليت نتفكر غير كفاش كان يترشق بيا ودايرني زعاقة قدام صحابو انا مالڨري كنت نبغيه بصح قسحت قلبي من جيهتو وحاربته بالسلاح لي عطاهولي (يا منال كاينة حاجة سموها عزة نفس مشي اي واحد تذلي روحك على جاله وتحاوليه) قتلو تبقى غير انت مانرجعش معاك ....

19/03/2024

حب انتقام 🖤. الحلقة 9
قتلو بصح صايي كملنا وكل واحد راح في طريق قالي بصح على الاقل خلى شوية وقت حتارميني كيما انا دايرلك حساب قتله انا عطيتك بزاف فرص في حياتي ودروك الوقت لي نراسپي فيه نشوف فيه حياتي ويلا راك على العشرة بخر بيها قتلو الڨلب لي بغاك بردوه فعايلك وانا نهدر بكل حقد وكره باسكو حسيت ڨلبي برد من جيهته ضربة وحدة ايا صاي سكت ضربت يومين عاود عيطلي قالي راكي منيتك قتله واه قالي حرام عليك راكي تضري فينا ڨاع انا نبغيك وانت تبغيني هو مسكين واش ذنبو كي دخلتيه بيناتنا قتلو صح نبغيك بصح محال نولو انا السيد هادا راه بنيتو معايا مانقدش نقولو كنت غير نتمسخر بيك باش ننسى حبيبي هادي غير نساها وديجا يلا كملت معاه نحبس منكم في زوج قالي لا حبسي معاه و وليلي قتلو والو وهي سيفري انا خرجت مع محمد غير باش نترشق و ننسى l'ex حتى شفت السيد يمشي معايا بنيته ....

19/03/2024

حب انتقام 🖤. الحلقة 8
سقساني محمد يلا عندي واحد في حياتي قتلو لالا باسكو انا وأمين كنا مدابزين داك الوقت أيا قالي راني ناوي الحلال وراني سيريو يلا تكوني معايا قتلو لالا وماعنديش الوقت لهاد الصوالح وراني لاهيا مع قرايتي قالي اوكي بصح خلينا نحكو ديزامي معليش قتلو اوكي حتى وحد النهار دخل أمين للبروفيل تاعي لقاه دايرلي جادور قالي شكون هذا قتلو آمي برك قالي بلوكيه ماحبيتش قتلو كي تبلوكي لبنات لي عندك نبلوكيه انا أيا سكت بقات حكايتي مع أمين غير مشاكل و دواس حتى بديت نكرهو قتلو صايي مانقدش نكمل معاك وانت ماتتبدلش كون نغيب عليك 100سنة تبقى هكا خلينا نحبسو وكل واحد في طريق ايا كملنا، كنا بزاف نتسيپارو ونولو المهم انا فوت الباك وروحت عند خالتي نبدل شوية جو ونريح ايا وحد النهار حطيت سطوري كانت اول مرة نحط سطوري تاعي شافها محمد بعتلي قالي هاديك انت قتلو ايه ماأمنش قالي راكي تكذبي بعتيلي هنا نشوفك ايا بعتله كي شافني لسق فيا قالي خرجي معايا والله غير راني ناوي الحلال وعجبتيني ومانيش نتمسخر فالحق ماديتهاش فيه قلت ڨاع كيف كيف كذابين وانا تالمو عشقت أمين كنت نبغيه بزاف ومهبولة بيه بصح فعايله بداو يكرهوني فيه قلت انا أمين ماراحش يتبدل علاش مانخرجش مع محمد بلاك ينسيني فيه ايا خرجت معاه ولينا نحكو دايما وأمين حاسبني راني وحدي كي شغل كان باغي يرجعلي وانا كنت دايما نقولو حبس هاد العقلية دوك يجي وحد النهار نروح مانوليش حتى لقاني حاطة en couple فالبيو عيطلي قالي شايا هادي تخرجي مع وحدوخر وانت تبغيني و انا نبغيك ....

19/03/2024

حب انتقام 🖤. الحلقة 7
بصح هو بدا يعشق فيا يروح ڨاع ويعاود يولي حتى أنا عشقتو من ڨلبي وحد المرة قتلو انا نبغيك وانت تبغيني بينلي بلي راك ناويني للحلال باش نهار لي نضرب عليك الطابلة نكون عارفة شراني ندير وحتى واحد مايعايرني ايا كي دخلتله فالسيريو بدا يدور فالهدرة وانا مزالني صغير وباغي نعيش حياتي ونزهى وانا جاية من داك النوع لي كي نمشي مع واحد لازم نكمل معاه ديراكت للزواج مشي شحال من عام وفالتالي يدي وحدوخرا ايا انا صايي بديت نكره أنا بغيته يكون راجل قد كلمته بصح هو لا باغي يعيش حياته والطفلة مشي كيما الطفل c'est normal نخاف على راسي، ايا شفتها من شحال من كوتي ماسعدتنيش،
وحد النهار وصلتني inv ومعاها ميساج slt cv كانو يرسلولي بزاف ومانديهاش فيهم باسكو كنت لاهيا مع الباك تاعي ماعنديش الوقت. ايا دخلت للپروفيل تاعه وبديت نشوف فيه ونقول هدا غادي يولي راجلي منا وجاي زعما نسكن في دارهم هكا بزعاقة هههه 😅 ومن بعد رديت عليه المهم بقيت نهدر معاه آمي برك كنت كي نكره مالقراية نهدر معاه، وأمين كنت مين داك نهدر معاه وديجا العلاقة تاعنا كانت غير مشاكل ديك period كان هدا محمد آمي تاعي حاب يتعرف عليا كتر بصح انا ماديتهاش فيه مع العلم أمين ومحمد نتاج ....

19/03/2024

حب انتقام 🖤. الحلقة 6
جابلي هو پيست وليت نحكي معاه وقت الغفلة قالي لازم تحلي فايس وياريته ماقالي ولا في ندايمه المهم انا حليت فايس وليت نحكي معاه حتى بدا يقولي بعتيلي نشوفك توحشتك فالحق انا مابغيتش باسكو ولد حومتي كنت نخاف نشفالها بعتلو فوطو وحدة حتى ولا يقولي بغيت نشوفك وانت لابسة الميني وعريانة شايا هنا عرفت بلي السيد راه يتمسخر حبسته عند حده وقتله غير انسا باش تعاود هاد الهدرة وكون جيت تبغيني ڨاع ماتقولش هكا وانا عندي خاوتي مانبغيش عليهم ايا كي شافني مزيرة وجهي معاودش جبدلي ولينا نحكو نورمال وكنت طفلة بزاف نية حاجة مانعرفهاش وهو كان محلب ايا عجباته ولا داير رايه مع الشيرات وانا طايحلي يعشق فيا وكاينا غير انت وانا ماكنتش متحلبتله وحد النهار نشفالها كيما ضرك دابزنا ماهدرناش حتى عيطتله انا قتله أمين راك طولت الغيبة علاه ماتعيطليش قالي منال كاينة حاجة سموها عزة نفس مشي اي واحد تذلي روحك على جاله وتحاوليه لازم تكوني عزيزة بردت في وذني ديك الهدرة حسيته قصدني انا سكت هداك الوقت بصح ماحبتش تروح من بالي ديك الهدرة بقيت غير ندور فيها في راسي ماعليناش هو حبس القراية تاع الجامعة ودخل للعسكر ونهار لي راح فيه عيطلي قالي منال راني دخلت وراح يدولي تلفون ماراحش نهدرو انا والله غير الدمعة 😢طاحتلي قتلو تهلا في روحك وربي معاك وحبسنا ماوليناش نهدرو فترة وفي هاديك period لي غاب هو بديت نتحلب ونتعرف على ناس فالفايسبوك ونحكي ونڨسر لقيت الفايس تاعه غير الشيرات ماعجبنيش الحال صراحة وانا بديت نوالف بلا بيه باسكو كنت دايما نهدر معاه، ايا نهار عطاوله التلفون وعيطلي صحا حكينا نورمال من بعد قتله أمين تحبني قالي إيه باينة قتله اعطيني mot de passe باغية نشوف قالي لالا وهادو خصوصيات وانت ماتدخليش روحك يااا تسما هكا بقيت ندور فيها بيني بين روحي انا شراني ندير شكون هذا اصلا لي راه دايرلي هكا هادا شايكون بديت نفطن انا كنت قادرة نبلوكي كلش على جاله بصح كي هدرلي هكاك قتله صاي باغية نحبسو روح الله يسهل عليك قالي اوكي ماهدرناش 3 أيام انا عزيت روحي قلت صايي كيما جا هو يجي غيره حتى رسلي قالي يا منال وسمحلي والله مانعاود ونبغيك غير انت بقى غير يحلل حتى قتله اوكي انا كي بدا يحلل فيا بدات العقلية تنڨلب⏳ ولينا نحكو نورمال ولات المشاكل تجي من عنده غير هو انا كنت بنيتي يعني ماخرجت من عندي حتى حاجة وهو جاي خلاط خطرة نلقاه يهدر مع الشيرات خطرة يبعث لصحباتي حتى يقولولي شوفي السبع لي راكي معاه، وليت نتعاير بيه،ايا بديت نكره و وليت نجبد في روحي عليه كنا نتسيپار ونولو وين مانحبسو يجي يبدا يحلل فيا وليلي وسمحيل والله مانعاود وصاي تبدلت وعرفت قيمتك وانا تالمو نبغيه كان يغيضني كنت نأمنو ونرجع معاه وين مانرجع نلقاه هو هو ماتبدل فيه والو...

19/03/2024

حب انتقام 🖤. الحلقة 5
المهم راحو باعوني لخويا ،خويا تقلق بزاف وعاير أمين بهدلو وانا عاداني ماولاش يهدر معايا ،انا معرفتش علاه ولا شكاين حتى فالليل عيطلي أمين قالي صايي نحبسو وشوفي خوك واش قالي انا غاضتني قلت هادا لي نضرب عليه الطابلة فاللولة سمح فيا قتله صحا ماهدرناش شهر حتى وحد النهار عيطلي قالي انا والفتك وباغي نكمل معاك بصح مانولوش نتلاقو وأنا ماعنديش النيف قتله صحا باسكو كنت بزاف متوحشاته. هو مالڨري كان غير يترشق بصح تعلقت بيه بزاف كان قريب ليا كتر من ماما وحنين عليا كنت نفرغله واش في قلبي وانا مرتاحة وكان دايما يسمعلي وزاد كنت مانعرف والو هو طلعني على يديه بقينا نحكو مين داك حتى بدا يوالفني قالي مانقدش نحكي معاك هكا بالتخبيا وغير مرات لازم تشري تلفون وليت وين مانهدر معاه يقولي هكا بديت انا نلم فالدراهم وقلت للدارنا باغية نشري تلفون ماحبوش وقالولي غير هادي ماتصراش حتى تجيبي الباك قلت علاش مانديرش واحد بالتخبيا خبيت هادوك الدراهم وتفاهمت مع واحد باش يجيبلي تلفون المهم عطيتله الدراهم وجابلي تلفون غير ديته قبل مانوصل للدار نحيته خبيته في حوايجي ورميت الكرطونة بات يتشارجا فالليل وانا بايتة حية معاه خايفة يشوفوني باسكو يقتلوني غدوى من داك عيطتله من عند ماما قتله أمين راني شريت تلفون بصح ماعنديش پيست....

19/03/2024

حب انتقام 🖤. الحلقة 4
ايا وصيته قتله حرز تعيطلي هادا النميرو تاع ماما أنا ماعنديش تلفون قالي اوكي. أيا ماوليناش نهدرو بزاف غير مين داك هادي اليامات لولا ومن بعد ولا كي يتوحش يبپيلي نعيطله وتاني الخميس كي يشور مالجامعة يجي عند الليسي نشوفه وجامي تلاقيت معاه ولا توشاني الحمد لله هادي الحاجة لي جامي ندمت عليها كنا كي يبغي يشوفني يجي عند الدار نطل عليه مالبالكو وصاي حتى وحد النهار قالي منال باش نعرف بلي صح تبغيني رواحي نتلاقو وسلمي عليا قتله انت هبلت ديجا البلاصة لي نسكنو فيها صغيرة وڨاع يعرفونا وكون توصل الهدرة لخويا بدا يقولي لالا غير نسلم عليك بلخف ونروح فالحق انا مابغيتش قتله في قلبي جيت انت نعشق فيك راني درت معاك وهدرت معاك فالتلفون باسكو انا مانبغيش على خاوتي توصلهم هدرة مقودة عليا ، هو ماعيا فيا كي شافني حارنة ومابغيتش صايي سكت وبقينا نهدرو نورمال انا ماما تحلبتلي بلي راني نحكي فالتلفون وبعد ماكنت انا المخيرة فالدار وخاطيني دو صوالح ولات تكرهني وغير على جاله هو، المهم تدهورت العلاقة تاعي مع ماما شوية وبقينا على ديك الحالة وحد النهار بالخميس قالي لازم نطلعو كيف كيف انا توحشتك وانا معوقة امنته هو بغا غير يزكر في مدامته باسكو كانت تقرا معايا قتلو اوكي كي جات 4 جينا خارجين نلقاه يستنى فيا طلعنا كيف كيف وطريق الليسي جايا خاوية وداك النهار غير حنا خرجنا في داك الوقت تسما شافوني غير لي يقرو معايا ومن بينهم الكراش تاعي وصاحبو لي ديجا دومونداوني في زوج قبل وانا مابغيتش.....

19/03/2024

حب انتقام 🖤. الحلقة 3
انا ديت النميرو تاعه وصحباتي غير يعايرو فيا قالولي هداك مشي راجل وحلاب علاش باغية تهدري معاه انا ماديتهاش فيهم وكملت قريت النهار وكي شورت للدار روحت فليكسيت فالتلفون تاع ماما وتالمو ماكنتش محلبة بغيت نعيطله بالماسكي ايا كي البڨرة درت #31* وعيطتله ودخله النميرو 😂وانا دايرة في بالي راني نعيط بالماسكي 🤦‍♀️ المهم رد عليا هدرت معاه قتله عرفتني قالي لالا باسكو هو كان خلاط وتاني بغا يطيحلي خشين قتله انا منال وقالولي راك تحوس عليا ومنا قالي ايه وراكي عاجبتني وخرطي وحكينا على العام لي فات وبزاف صوالح ومن بعد قالي بغيتك تخرجي معايا انا فرحت بزاف عمبالي صح عجبته وهو بغا يديرني غير زكارة فالطفلة لي كان معاها انا كي البهلولة مانعرفش امنته قتله اوكي بصح ماعنديش فاش نهدر معاك قالي معليش راه عندي النميرو تاعك وكي تلقي الفرصة عيطيلي تما نخلعت يخي راني نعيط بالماسكي وبديت نعظ على لساني....

19/03/2024

”حب انتقام 🖤 “ الحلقة 2
كملت القراية ورحت للدار بايتة ليل كامل وانا نخمم فيه ونتخايل فيه كي داير وليت نتقلق غير وينتا نروح نقرا باش نشوفه المهم فاتت ليام وهداك لي عينيه خضرين خرج مع صحبتي لي كانت وحدها ولي عشقته انا وعلى زهري المعوق دوموندا وحدة تقرا معايا وجايا قراية خرجت معاه فالحق غاضتني😕 بصح قلت معليش ماكتبتش المهم فوتنا داك العام غي ضحك وتبهليل وزعاقة ڨاع ماننساهش 🥰وهو عرف بلي كان عاجبني🥴 من بعد صراولو مشاكل مع ديك الطفلة وحبسو وانا كنت نبغيه بزااف الله غالب حب من اول نظرة . المهم كملنا داك العام وهو جاب الباك وطلع للجامعة وانا طلعت دوزيام درت سيونس كنا نقرو عادي يامات الليسي والتبهليل والضحك سيرتو حصة السپور ڨاع وحدها انا وصحبتي كنا دايما نغشو ومانلعبوش نيشان ومسكينة غير هي يزڨي عليها😅 فاتت ليام حتى وحد النهار جات عندي وحدة وقاتلي امين راه يحوس على نميرو تاعك باغي يهدر معاك شحال فرحت قلت مزال راه يخمم فيا كنت هبيلة ،بصح المشكلة مكانش عندي تلفون في داك الوقت حتى فايس ومكانش دروك مكانش فاش نهدر معاه كي ندير كي ندير قلتلها جيبيلي النميرو تاعه وساهل (يا يما بديت نتسوفج 🤦‍♀️)....

19/03/2024

حكاية جديدة ...

حب انتقام 🖤. الحلقة 1
سلام عليكم جيت نحكيلكم حكايتي اليوم ...
انا كنت طفلة جاية كالم بزاف يعني خاطيني هداك الشكيل تاع الحب وڨاع مالقراية للدار هي نهدر مع شاشرا لي يقرو معايا فالكلاصة نورمال بصح برا ماتعرفني مانعرفك حنا كنا كامل هكا، المهم جبت البيام تاعي وطلعت لليسي طحت في وحد الكلاصة يا يما وشحال قباح كامل الاساتذة يشكو منا ونديرو طوايش بزاف مين داك كنا نهربو بين الساعة وختها غي باش مانقروش 🤦‍♀️ المهم كانو صحباتي كامل en couple غير انا، امالا كي تجي العشرة يروحو يتلاقو بصحابهم كنت نبقى غير انا وصحبتي شغل هي تاني وحدها مين داك نعلقو عليهم ومرات نحرمو عليهم كل مرة و كفاه مهم نديرو طوايش بصح باش نعشق انا جامي خممت فيها ولا علينا وحد النهار روحت نقرا صباح نورمال نشفالها كانت السمانة لولى وانا طفلة مانخرجش بزاف فالبلاصة لي نسكن فيها يعني مانعرفش بزاف ناس المهم قرينا جات العشرة خرجنا حتى نشوف صحباتي مجمعين ويتخلاو ويشوفو في وحد الطفل جاي شباب وعينيه خضرين روحتلهم قلتلهم واش كاين قاتلي صحبتي كحلي كحلي شحال شباب وهو كان واقف مع صاحبو امالا انا شفت في صاحبو وقلتلهم ييي شحال شباب يقتل بالزين وعلى ديك الوقفة كي دايرة يبان عندو شخصية الله الله صاي انا طحت على راسي حتى قالولي لالا مشي هداك رانا على لي عينيه خضرين المهم انا ضربت في صاحبه بعشقة وسكت🤭❤️...

18/03/2024

18/03/2024

Motivation ♡

18/03/2024

إتجه إلى الله _ ♡