Bwerkurd

25/09/2023

هێزە ئەمنییەکانی ئێران لەماوەی مانگێکدا و پێش ساڵیادی گیانلەدەستدانی ژینا ئەمینی زیاتر لە 162 کەسیان لە رۆژهەڵاتی کوردستان دەستگیرکردووە، ئەمەش بە مەبەستی رێگرتن لە سەرهەڵدانەوەی خۆپیشاندانەکان.

تۆڕی مافی مرۆڤی کوردستان لە راپۆرتێکدا بڵاوی کردووەتەوە، لە 23ی مانگی ئاب تا 22ی ئەیلولی 2023 (واتە مانگی خەرمانان) هێزە ئەمنییەکانی ئێران زیاتر لە 162 کەسیان لە رۆژهەڵاتی کوردستان دەستگیرکردووە.

مانگی خەرمانان هاوکات بوو لەگەڵ یەکەم ساڵیادی گیانلەدەستدانی ژینا ئەمینی و دەسپێکردنی سەرهەڵدانی "شۆڕشی ژن، ژیان، ئازادی" کە تێیدا هێزە ئەمنییەکانی ئێران بۆ رێگریکردن لە سەرهەڵدانەوەی خۆپیشاندانەکان چەندین خەڵک و چالاکوانیان لە رۆژهەڵاتی کوردستان دەستگیرکرد.

تۆڕی مافی مرۆڤی کوردستان لە بەشێکیتر لە راپۆرتەکەیدا نووسیویەتی :"لە درێژەی شەپۆلی نوێی دەستبەسەرکردنی هاووڵاتیان و چالاکانی کورد لە سەروبەندی ساڵڕۆژی کوشتنی ژینا ئەمینی و سەرهەڵدانی شۆڕشی ژن، ژیان، ئازادیدا، لانیکەم 162 هاوڵاتی و چالاکی کورد لە شارە جیاوازەکانی پارێزگاکانی ئازەربایجانی ڕۆژئاوا، کوردستان، کرماشان، ئیلام و تاران، بە تۆمەتی سیاسی لە لایەن هێزە ئەمنییەکانەوە دەستبەسەر کراون."

لە راپۆرتەکەدا باس لەوەش کراوە، "لە نێو دەستبەسەرکراوانی ئەم مانگەدا شەش کەسیان بە مەبەستی جێبەجێکردنی سزای بەندکران دەستبەسەر و ڕەوانەی زیندان کراون. هەروەها 14 هاوڵاتیی دەستبەسەرکراویش لەم ماوەیەدا ئازاد کراون، بەڵام ئەوانی دیکە هێشتا هەر دەستبەسەرن یاخود هیچ زانیارییەک لەسەر چارەنووسیان لە بەردەستدا نییە."

بەپێی هەواڵی رێکخراوەکانی مافی مرۆڤ لە ئێران زیاتر لە 500 هاوڵاتی و چالاکی کورد لە لایەن دەزگای ئیتلاعاتی سوپای پاسداران و ئیدارەی ئیتلاعات و پۆلیسی ئەمنی شارە جیاوازەکانەوە، بانگهێشت و هەڕەشەیان لێکرا کە بە هیچ شێوەیەک بۆیان نییە لە ڕێوڕەسمی ساڵیادی ژینا ئەمینی و خۆپیشاندانەکاندا لە گردبوونەوەی جەماوەریدا بەشداری بکەن.

لە یەکەم ساڵیادی ژینا ئەمینی کە دەکاتە 16ی ئەیلولی 2023، ئەمجەد ئەمینی، باوکی ژینا ئەمینی دەستگیرکرا و هێزە ئەمنییەکان نەیانهێشت بنەماڵەکەی رێرەوسمی ژینا لە گۆرستانی ئەیچی لە سەقز بکەنەوە و تا ئێستاش گۆڕشتانەکە گەمارۆدراوە.

17/09/2023

🔻 باوكی ژینا ئەمینی دەستگیركرا
🔻 لە رۆژهەڵاتی كوردستان مانگرتن دەستیپێكرد

هێزە ئەمنییەكانی ئێران، ئەمجەد ئەمینی باوكی (ژینا ئەمنی)یان دەستگیركرد.
دەستگیركردنی ئەمجەد ئەمینی هاوكاتە لەگەڵ ساڵڕۆژی كوژرانی (ژینا ئەمینی)یە دوای دەستگیكردنی لەلایەن پۆلیسی "ئیرشاد"ی ئێرانەوە بەتۆمەتی ئەوەی بەتەواوەتی رەچاوی پۆشینی حیجابی نەكردووە.
لە یادی كوژرانی ژینادا، ئەمڕۆ لە شارەكانی رۆژهەڵاتی كوردستان لەوانە (سنە- كامیاران- بانە- سەقز- دیواندەرە) مانگرتنی گشتی راگەیەندراوەو دوكان‌و بازاڕەكان نەكراونەتەوە.
رێكخراوەكانی چاودێری مافەكانی مرۆڤ لە رۆژهەڵاتی كوردستان باسلەوە دەكەن، كۆماری ئیسلامی ئێران ژمارەیەكی زۆر هێزی سەربازی‌و ئەمنیی لە شارەكانی رۆژهەڵات بڵاوكردوەتەوە بۆ رێگریكردن لە سەرهەڵدانی هەر جۆرە خۆپیشاندان‌و ناڕەزایەتییەك.
هاوكات لەگەڵ ئەم یادەدا، كۆماری ئیسلامی ئێران لەوچوارچێوەی رێككەوتنێكدا لەگەڵ حكومەتی عێراق‌و هەرێمی كوردستان هێزە سیاسییەكانی رۆژهەڵاتی كوردستان لەناو خاكی هەرێم چەككردووە‌و بەرپرسانی هەرێمی پابەندكردووە بەوەی ئەم هێزانە بگوازێتەوە بۆ چەند كەمپێك لەناو قوڵایی هەرێمی كوردستان‌و لە ناوچە سنورییەكان دوریان بخاتەوە.
سەرباری ئەمانە، بەپێی قسەی چالاكوانان لە رۆژهەڵاتی كوردستان، بەرپرسانی ئەمنیی ئێران كەسوكاری كوژراوانی خۆپیشاندانەكانی ساڵی رابردوویان ئاگاداركردووە لەوەی لە یادی ژینادا خۆی لە هەر جۆرە ناڕەزایەت‌و خۆپیشاندانێك بەدوور بگرن.
موژگان ئیفتیخاری‌و ئەمجەد ئەمینی دایك‌و باوكی ژینا ئەمینی هەفتەی رابردوو لە پۆستێكی تۆڕی كۆمەڵایەتی ئینستاگرامدا رایانگەیاند، لە ساڵیادی كوژرانی كچەكەیاند، دەچنە سەر گۆڕەكەی لە گۆڕستانی (ئایچی) لە شاری سەقز، بەهۆی ئەم پۆستەوە، لەئێوارەی دوێنێوە هێزە ئەمنییەكان لە دەوروبەری ماڵی ژینا ئەمینی جێگیربوون‌و بەیانی ئەمڕۆ ئەمجەد ئەمینییان دەستگیركرد.
هاوكات هێزە ئەمنییەكانی ئێران رێگای نێوان بانە- سەقزو گۆڕستانەكەی ژینا ئەمینییان داخستوەو رێگا بە هاتوچۆ نادەن، ئەمە بەبەهانەی نۆژەنكردنەوەی تونێلێك لەسەر رێگاكە.
هێزەكانی رۆژهەڵاتی كوردستان بۆ یادی ژینا ئەمینی داوایان لە خەڵك كرد مانگرتن رابگەیەنن‌و دوكان‌و بازاڕەكانیان نەكەنەوە، بەرپرسانی ئەمنیی ئێرانیش هۆشدارییان بە خەڵك داوە بەشداری لەو مانگرتنەدا نەكەن.
لە تۆڕە كۆمەڵایەتییەكان چەندین گرتەی ڤیدیۆیی بڵاوبوەتەوە كە نیشانی دەدات دوێنێ شەو لە تارانی پایتەخت‌و مەشهەدو شیرازو بانە، چەند شارێكی تر گردبوونەوە هەبووەو دروشم دژی رابەری باڵای كۆماری ئیسلامی وتراوەتەوە.

23/08/2023

چیرۆکی بێ مۆڕاڵ کردنی کورد لەسەر دەستی یەکێتی و پارتی و حیزبەکلاسیکیەکانی ڕۆژهەڵات دەستی پێ کرد

08/08/2023

بە پێی هەواڵێک کە ئەمڕۆ سێ شەممە ٨ی ئاب، لە ماڵپەڕ و رۆژنامە ناوخۆییەکانی ئێران بڵاو کراوەتەوە، لە سەرەتای دەستپێکردنی خۆپیشاندانەکانەکانەوە تا ئێستا، زیاتر لە ١٠٠ رۆژنامەنووس دەستگیرکراون و بەشێکیان سزای زیندانیان بەسەردا سەپاوە.

ئەمڕۆ سێشەممە ٨ی ئاب ( ١٧ی گەلاوێژ) لە ئێران بە رۆژی رۆژنامەنووس ناسراوەو بەم بۆنەوەیە رۆژنامەکان باسیان لە دۆخی ئازادی و دۆخی رۆژنامەنووسەکان کردووە رایانگەیاندووە لە ساڵی رابردوودا زیاتر لە ١٠٠ رۆژنامەنووس و دەستبەسەر کراون و بەشێکیان سزای زیندانیان بۆ بڕاوەتەوە.

رۆژنامەی (هم میهن)، لیستێکی دوور و درێژی بڵاو کردۆتەوە لە ناوی ئەو رۆژنامەنووسانەیی تێدایە کە لە سەردەمی خۆپیشاندانەکانی ئێراندا گیراون و ئاماژەی بە ناوی ٧٦ رۆژنامەنووس و پەیامنێر کردووە .

هاوکات ئەکبەت مونتەجی، بەڕێوەبەری ئەنجومەنی پیشەیی رۆژنامەنووسەکانی تاران بە جەختکردنەوە لە سەر ئەوەی :" لە ساڵی رابردوودا زیاتر لە ١٠٠ رۆژنامەنووس دەستگیرکراون"، وتشی :" بەم قۆڵبەستکردن و زیندانیکردنانە رەوتی گەیاندن و بڵاوکردنەوەی زانیارییەکان ناوەستێت و وەک ئاو رێگای خۆی ئەدۆزێتەوە".

هاوکات بەڕێوەبەری ئەنجومەنی پیشەیی رۆژنامەنووسەکانی تاران، ساڵی رابردووی وەک " سەردەمی رەشی رۆژنامەنووسی" ناوبردو وتی :" سەردەمی رەشی رۆژنامەنووسی کۆتایی نەهاتووەو یەکدەستکردنەوەی سیستەم مانای سڕینەوەو دوورخستنەوەی دەنگە جیاوازەکان و هەروەها زیندانی کردن و دوورخستنەوەی میدیاکار و رۆژنامەنووسەکانە."

لە راپۆرتەکاندا یەکێک لەو رۆژنامەنووسانەی ئاماژەی پێدراوە، نازیلا مەعرووفیان، کچە رۆژنامەنووسی سەقزییە کە لە زیندانی ئێڤین دەستبەسەرەو لە ئێستادا باری تەندروستی ناجێگیرەو چەن رۆژ لەوە پێش گەیەنرایە نەخۆشخانە.

هەروەها ئاماژە دراوە بە ناوی "نیلووفەڕ حامیدی" پەیامنێری رۆژنامەی شەرق و ئیلاهە محەممەدی پەیامنێری رۆژنامەی (هم میهن) کە ٣٢٠ رۆژە لە زیندانن بە هۆی بڵاوکردنەوەی هەواڵەکانی سەردەمی خۆپیشاندانەکانی ژن ژیان ئازادی.

ئێران بە گەورەترین زیندانی رۆژنامەنووسەکان لە رۆژهەڵاتی ناوەڕاست ناسراوەو یەکێکە لەو وڵاتانەی کە ئازادی راگەیاندن تێیدا زۆر سنووردارە. دوای چین ئێران وەک گەورەترین زیندانی رۆژنامەنووسەکان لە دونیا دەناسرێت.

19/07/2023

بــــــە پـــــــە لــــــــە
((جارئکی دیکە تراژیدیایی ژینائەمینیان دوبارەکردەوە ))نگین عەبدولمەلەکی، كچه‌ قوتابیی ته‌مه‌ن 21 ساڵ، كه‌ خه‌ڵكی شاری سنه‌یه‌، له‌ شاری هه‌مه‌دان به‌ زه‌بری لێدانی هێزه‌ ئه‌منییه‌كانی ئێران گیانی له‌ده‌ست دا.
ڕێكخراوی هه‌نگاو بۆ مافی مرۆڤ بڵاوی كرده‌وه‌، كه‌ دوو هه‌فته‌یه‌ ئه‌م كچه‌ قوتابییه‌ كورده‌ گیانی له‌ده‌ست داوه‌ و ئێسته‌ ئاشكرا بووه‌، به‌جۆرێك رۆژی 12/10/2022، به‌ دار له‌لایه‌ن هێزه‌ ئه‌منییه‌كانه‌وه‌ له‌سه‌ری دراوه‌، دوای گه‌ڕانه‌وه‌ی بۆ به‌شی ناوخۆیی كچان، له‌وێ گیانی له‌ده‌ست داوه‌.
هه‌نگاو باسی له‌وه‌ كردووه‌، كه‌ نگین، قوتابیی زانكۆی پیشه‌یی هه‌مه‌دانه‌ و له‌ به‌شی ئه‌ندازیاریی پزیشكی خوێندوویه‌تی، هاوكات هێزه‌ ئه‌منییه‌كان به‌ قوتابیانی ئاگه‌داری ئه‌و رووداوه و بنه‌ماڵه‌كه‌یان كردووه‌، كه‌ پێیان بڵێن به‌هۆی خواردنی ماسیی قووتووی ماوه‌به‌سه‌رچووه‌وه‌ گیانی له‌ده‌ست دا.بروخئت رژئمی پەتو سئدارە...

13/07/2023

راگەیەندراوی پارتی و هەلومەرجی حیزبەکانی رۆژهەلات
خەلیلی غەزەڵی
پارتی ئیمڕۆ لە پاش کۆبومەوەیەکی بەرینی سەرکردایەتیی خۆی بە رێبەریی مەسعوود بارزانی ، راگەیەندرواێکی چەند خاڵیی بڵاوکردوەتەوە و لەسەر پرسە گرنگەکان هەڵوێستی خۆی دەربڕیوە.
خاڵی دوەمی ئەم راگەیەندراوە بە شێوەی لاوەکی وەڵامێکی ئەرێنی یە بە هەڕەشەکانی حکوومەتی ئێران سەبارەت بە حیزبەکانی رۆژهەڵات کە دانیشتووی باشوورن. پارتی لەم خاڵە دا راشکاوانە خۆی بە ئەرکدار لەئاست پاراستنی ئەمنی سنوورەکان لەگەل«دراوسیەکان» (کە مەبەست ئێرانە)دەزانێ و دەڵێ ئیجازە نادات ئاسایشی یان تێک بچێت. ئەم خاڵە لە راگەیەندراوەکەی پارتی زەنگی مەترسیەکی جیدیە بۆ حیزبەکانی رۆژهەلات( نیشتەجێی باشوور) و ئەگەری ئەوە زیاد دەکات کە پارتی ژێر بە ژێر وەعدەهایەکی بە ئێران دابێ. بۆیە حیزبەکانی رۆژهەڵات دەبێ خۆیان بۆ هەر سناریویەک کە هەلومەرجی ئەوان بخاتە مەترسیەوە ئامادە بکەن.
دەقی راگەیەندراوی پارتی لە کامنت دایە.

11/07/2023

لە چەند ڕۆژی ڕابوردوو" مهراب اکبر پور جاش زادەی سێدارەی ئێران و گوتەبێژی ئیتڵاعات " رایگەیاند پەیمان گوڵوانی کەسایەتی چالاکوان و سیاسی سەرهەڵدانەکانی ژن ژیان ئازادی" لە زیندانەدا بەنەخۆشی گیانی لە دەستداوە" بەڵام دوای وەرگرتنەوەی تەرمەکەی ئاشکرابوو شوێنی ئەشکەنجەدانەکان خوێنیان لێ دەچۆڕێ و تا گیان بەخشینی بەلێدان گیانی لەدەستداوە" نەفرەت لە بەکرێگیراوو داگیرکاران و ئەوانەی هیوایان بە دەسەڵاتی ئێران و ترک و هەر بەکرێگیراوێک هەیە

09/07/2023

ئەمڕۆ شەممە، نازیلا مەعروفیان، خوێندکارو ڕۆژنامەنوسی خەڵکی شاری سەقز، دوای ئەوەی کە لەلایەن دادسەرای گشتیی ئێڤینی تاران بانگ کراوە، جارێکی تر دەستبەسەر کرایەوە. ئەو رۆژنامەنوسە كوردە ساڵی رابردوش دوای ئەنجامدانی وتوێژێك لەگەڵ باوكی ژینا ئەمینی، دەستگیركراو و سزای بەسەردا سەپێنرا.

رێكخراوی مافی مرۆڤی هەنگاو، لە راگەیەندراوێكدا وتویەتی، ئەمڕۆ شەممە، نازیلا مەعرووفیان، خوێندکار و ڕۆژنامەنووسی خەڵکی شاری سەقز لە تاران، دوای ئەوەی کە لەلایەن دادسەرای گشتیی ئێڤین بانگ کراوە، جارێکی تر لەلایەن هێزە حکومەتییەکانەوە دەستبەسەر کرایەوە.

ئەوەشی خستۆتەڕو، تاکو کاتی داڕشتنی ئەم هەواڵە، هیچ زانیارییەکی وردو دروست لەسەر هۆکاری بانگکردن و دەستبەسەرکردنەوەی ئەو ڕۆژنامەنوسە لە بەردەستدا نییە.

رۆژی سێشەممەی هەفتەی رابردو، هێزە ئەمنییەكانی ئێران هەڵیانکوتایە سەر ماڵی ئەو ڕۆژنامەنوسە کوردە لە شاری تاران و دەستیان بەسەر کەرەستە و کەلوپەلە تاکەکەسییەکانی ناوبراو وەک مۆبایل و لاپتۆپەکەیدا گرت.

نازیلا مەعروفیان، پێش ئەوەی کە دەستبەسەر بکرێت، وەک هەواڵنێری ناوەندی ڕاگەیاندنی "ڕویداد 24" چالاکی دەکرد و دوای بڵاوکردنەوەی وتوێژێک لەگەڵ باوکی ژینا ئەمینی، شەوی یەکشەممە، 30ی تشرینی یەكەمی ساڵی رابردو، لەلایەن هێزە سەرکوتکەرەکانی کۆماری ئیسلامیی ئێرانەوە لە شاری تاراندەستبەسەر کرا و دواتر بۆ بەندی ٢٠٩ی بەندیخانەی ئێڤین گوازرایەوە.

09/07/2023

گرفتی گەورە تا ڕادەیەک دەکرێ بڵێن “تراژیدکۆمیدیە” ئەوەیە لەم هەرێمەی ئێمەدا زهنیەتی دەستەڵاتداری و سەرمایەداریەکەی بەردەوام بانگەشەی پێشکەوتن و گەشەو بەرهەمداری دەدەن بە گوێی خەڵکدا و پێیانوایە لە ئاستە ئابوورییەکەیدا لە ئاستی دەوڵەت و کۆمەڵگا پێشکەوتووەکان دان، پێیانوایە هەڵکشانی باڵەخانە و ئوتێلی پێنج ئەستێرە و ڕیستۆرانتە ڕاقییەکان، بەدووبەیییکردنی هەرێم کە مەسرەفگەراییەکی ڕووت و ڕەهایە، گەشەی ئابووری پێشکەوتن و بەرهەمە!

خۆ دەبێ ئێمە بپرسین کڕینی ڤێلایەک بە بەهای 18 ملیۆن دۆلار لەلایەن مەسروربارزانیەوە لە ویلایەتی ڤێرجینا گەشەی ئابوورییە؟ یان کڕینی چاکەتێک بە 31 وەرەقە بەرهەمە یاخود مەسرەف؟ کڕینی پاسکیلێک بە بەهای 4 هەزار دۆلار لەلایەن نێرچیرڤان بارزانییەوە یان لەبەرکردنی چاکەتێک لەلایەن ئارینی کوڕی سەرۆکی حوکمەتەوەو نمایشکردنی لە میدیاکانەوە کە بەهاکەی 2 هەزار دۆلارە، بەرهەم و گەشەی ئابوورییە یان مەسرەف و بەرخۆری ڕەها؟ ئەوە جگە کڕینی باشترین جۆری ئەسپ و هەزاران سەیارەی درع و سەدان جۆر لە چەکی پێشکەوتوو بەکارهێنانیان لە ڕاو و کاتە بەتاڵەکانیان کە تێچویان ملیۆنان دۆلارە و لەسەر خەڵکی هەژار و بەشمەینەتی باشور دەکەوێ. هەڵبەت ئەمە گرێدراو نییە بە ژیانی شاهانەی ماڵباتێک بەلکی دوو ماڵباتی حوکمڕان و لە دەوریشیاندا سەدان سەرمایەدار و بازرگانی میلۆنلەر جێگەی باسە و خاوەن ڕۆڵن لە گواستنەوە و جێکەوتکردنی کلتوور و شێوەژیانی مەسرەف و بەرخۆری لە هەمان کاتیشدا ڕێگرێکی سەرەکین لە پێشکەوتنی کۆمەڵگای باشور بۆ ئابوورییەکی گەشەکردوو بەرهەمدار تا ببێتە ژێرخانێکی پتە و تاکەکانیشی لەڕێگەی تواناکاری خۆیانەوە بگەن بەژیانێکی بەڕوومەت

22/06/2023

ئەمڕۆ ، چەکدارانی سپای پاسداران چیای "قارەوا" لە دەوروبەری گوندی کانی کوزەڵەی مەریوان تۆپباران دەکەن.

- وەک لە دیمنەکەدا دیارە، بەهۆی تۆپبارانەکەوە دووکەڵ سەر چیاکەی داپۆشیوە.

- ماوەی نزیکەی هەفتەیەکە سپای پاسدارانی ئێران دەستی بە تۆپباران ناوچەکانی کۆساڵان، شاهۆ و چەند ناوچەی دیکەی دەوروبەری مەریوان و کامێران کردووە.

- سپای پاسداران هێزێکی زۆری بە چەکوچۆڵی سەربازییەوە لەسەر ناوچە سنوورییەکانی ڕۆژهەڵاتی کوردستان کۆ کردۆتەوە.

- پێشتر فەرماندەیی یەرەکە ڕایگەیاندبوو کە چەکدارانی سپا لە چیای کۆساڵان هێرشیان کردووەتە سەر هێزەکانی گەریلا و لە وڵامدانەوەی ئەو هێرشەدا چەکدارێکی سپا کوژراوە.

21/06/2023

09/05/2023

نەتەوەیەکگرتوەکان رایگەیاند؛ جێبەجێکردنی سزای سێدارە لە ئێران گەیشتوەتە قۆناغێکی مەترسیدار و دامەزراوەیەک ئاشکرای دەکات ئەو وڵاتە لە روی ئازادیی ئابورییەوە لە داویین ریزبەندی وڵاتانی جیهانە.

ڤۆلکەر تورک، سەرۆکی کۆمیساریای باڵای مافەکانی مرۆڤی سەر بە رێکخراوی نەتەوەیەکگرتوەکان رایگەیاند؛ زۆربونی ژمارەی لەسێدراەدان لە ئێران "تۆقێنەرە" و داوای لە بەرپرسانی کۆماری ئیسلامی کرد هاوشێوەی زۆربەی وڵاتانی جیهان جێبەجێکردنی سزای سێدارە لە وڵاتەکە راگرن.

هاوکات کۆمیساریای باڵای مافەکانی مرۆڤ لە بەیاننامەیەکدا رایگەیاند؛ لە سەرەتای ئەمساڵەوە تا ئێستا 209 کەس لە ئێران لەسێدارەدراوەن و پێدەچێت ئەگەر لەسێدارەدانەکان بەم خێراییەی ئێستا بەردەوام بێت، هاوشێوەی ساڵی 2022 ژمارەی لە سێدارەدان بەرز ببێتەوە.

بە پێی ئامارەکان ساڵی رابردو لە ئێران لانیکەم 580 کەس لەسێدارە دراون.

لە لایەکی دیکەوە دامەزراوەی فرەیزەر (Fraser Institute) کە ناوەندەکەی لە وڵاتی کەنەدا-یە بڵاوی کردوەتەوە؛ ئێران لە روی ئازادیی ئابورییەوە دەکەوێتە پلەی 159 لە ریزبەندی 166 وڵاتی جیهاندا.

ئەو ناوەندە رونی کردوەتەوە ئێران لە روی ئازادیی ئابورییەوە لە ساڵێکدا 14 پلە لە ئاستی جیهاندا دابەزیوە و دۆخی ئەو وڵاتە تەنها لە وڵاتانی(لیبیا، ئەرجەنتین، سوریا، زیمبابوە، سودان، ڤەنزوێلا) باشترە.

16/04/2023

ئەمریکا بۆ ئاشکراکردنی زانیارییە دارییەکانی سوپای پاسدارانی ئێران بڕی 15 ملیۆن دۆلار وەک خەڵات دیاریی دەکات و رایدەگەیەنێت ئەو سوپایە بوەتە هەڕەشە بۆسەر ئاسایش و سەقامگیریی جیهان.

وەزارەتی دەرەوەی ئەمریکا لە ئەژماری فەرمی خۆی لە تۆڕی کۆمەڵایەتیی تویتەر بڵاوی کردەوە: هەر کەسێک زانیاریی سەبارەت بە سەرچاوە داراییەکان و چۆنیەتی دابینکردنی پارە و داهاتی سوپای پاسدارانی ئێران رادەست بکرێت لە لایەن وەزارەتەکەوە خەڵات دەکرێت.

لەو پەیامەی ئەمریکا لە تویتەر ئاماژە بەوەکراوە کە وەزارەتی دەرەوە لە چوارچێوەی (بەرنامەی خەڵات بۆ دادپەروەریی) بڕی 15 ملیۆن دۆلاری دیاریی کردوە بۆ ئاشکراکردنی زانیارییە داراییەکان و سەرچاوە ماددیەکانی سوپای پاسداران.

وەزارەتی دەرەوە ئەمریکا جەختی لەوە کردەوەتەوە ئەو رێوشوێنە نایاساییانەی گواستنەوە و مامەڵە داراییەکانی سوپای پاسداران هۆکارێکە بۆ دروستکردنی مەترسیی لەسەر سەقامگیریی ناوچەکە و جیهان.

ئەمریکا رایگەیاندوە سوپای پاسداران بە دروستکردنی کۆمپانیای (وەهمی) و دامەزراوەی راسپێردراو و چەندین رێوشوێنی دیکەی دارایی خۆی لە سزا نێودەوڵەتییەکان و سزاکانی واشنتۆن دزیوەتەوە.

04/04/2023

لە ئامارەکانی بانکی ناوەندیی ئێران ئاشکرا بوە هەڵاوسانی ئێران لە ساڵی 1978 تا ئێستا بەردەوام بەرزبوەتەوە و 40 ساڵە هەڵاوسان لەو وڵاتە دوو ژمارەیی بوە.

بانکی ناوەندیی ئێران ئامارەکانی هەڵاوسانی ئابوریی وڵاتەکەی بڵاو کردوەتەوە و دەرەکەوتوە کە لە 45 ساڵی رابرداودا تەنها لە چوار ساڵدا هەڵاوسانی ئابوریی ئەو وڵاتە لە 10% کەمتر بوە.

لە ئامارەکاندا هاتوە؛ هەڵاوسانی ئابوریی ساڵی رابردوی ئەو وڵاتە گەیشتوەتە 47.1% کە ئەوە رێژە بەرزترین ئاستی هەڵاوسانی 27 ساڵی رابردوی وڵاتەکەیە.

بە پێی ئەو ئامارانە هەڵاوسانی ئابوریی ئێران لە ساڵی 1995 گەیشتوەتە 49.5% و ئەوەش بە بەرزترین ئاستی هەڵاوسانی مێژوی وڵاتەکە لەقەڵەم دراوە لە کاتێکدا بە بڕوای شارەزایان هەڵاوسانی راستەقینەی ئێستای وڵاتەکە دەگاتە 80%.

ئاماژە بەوە کراوە لە ساڵی 2009 رێژەی هەڵاوسانی ئابوریی ئێران بە بەردەوامیی لە 40% زیاتر بوە.

گەمارۆ نێودەوڵەتییەکان و سزاکانی ئەمریکا لەگەل هاتنەسەرکاری کۆماری ئیسلامی ئێران لە ساڵی 1979 تا ئێستا بە بەردەوامیی زیادی کردوە و ئەوەش کاریەگەریی لەسەر ئابوریی وڵاتەکە داناوە.

26/03/2023

لە ئامارەکانی ئێراندا ئاشکرا دەبێت لە یەکساڵدا هەڵاوسانی ئابوریی بەشێوەیەکی بەرچاو بەرز دەبێتەوە و ئەوەش بە ژمارەیەکی پێوانەیی هەڵاوسان لە مێژوی 50 ساڵی وڵاتەکەدا لەقەڵەم دەدرێت.

بانکی ناوەندیی ئێران ئەمڕۆ یەکشەممە ئامارەکانی مانگی رابردوی ئەو وڵاتەی بڵاو کردوە کە تا ئێستا هەڵاوسانی ئابوریی بەراورد بە هەمان مانگ لە ساڵی رابردودا 63.9% بەرزبونەوەی بەخۆیەوە بینیوە.

بە پێی ئامارەکانی بانکی ناوەندیی هەڵاوسانی ئابوریی لە 21 مانگی رابردو تا 22ی ئەم مانگە لە ئێران، هەڵاوسانی ئابوریی گەیشتوەتە 46.5% کە ئەوەش بەراورد بە هەمان ماوە لە ساڵی 2022دا هەڵاوسانی ئابوریی نزیکەی 70% بەرز بوەتەوە.

ئاماژە بەوە کراوە لە مانگی ئازاری ئەم ساڵدا زۆرترین بەرزبونەوەی نرخی کاڵا و شتومەک لە بازاڕەکانی ئێران تۆمار کراوە و ئەوەش زیاترین هەڵاوسانی یەک مانگی، 50 ساڵی مێژوی وڵاتەکەی لێکەوتوەتەوە.

هەڵاوسانی ئابوریی ئێران لە کاتێکدا لە ئەمساڵدا بەهای تمەن نزمترین ئاستی بەرامبەر دۆلار و زۆربەی دراوەکانی جیهان تۆمار کرد و لە یەكشەممە (26/2/2023) بۆ یەكەمجار لە مێژودا بەهای یەك دۆلار لە ئێران گەیشتە 60 هەزار و 50 تمەن و ئەوەش بە ژمارەیەکی پێوانەیی دۆلار لەقەڵەم درا.

دراوی تمەن نزیکەی 96%ی بەهاکەی لە بەرامبەر دراوی دۆلاردا لەدستداوە و ئەوەش وا دەکات بە بەردەوامیی هەڵاوسانی ئابوریی ئێران بەرز ببێتەوە.

17/03/2023

سەپیدە قولیان، کچە ئازا و ژیرەکەی دژپێلی خوزستان، تەمەن ٢٩ ساڵ، چوار ساڵ لە زیندان، دوێنێ ئازاد کرا و بەجلوبەرگی نەریتیی بەلوچەکانەوە (وەک هاوپشتیی بەرانبەر بە نەتەوەی بەلوچ)، لەگەڵ هاتنە دەرەوەی لە زیندان، ڕوو بە هەمووان بە دەنگی بەرز هاواری دەکرد: «خامەنەیی زووحاک پەلکێشت دەکەمە ژێرخاک»، دوای چەند سەعاتێک لەسەر ڕێگەی گەڕانەوە، گروپێکی فاشیستی پارا-میلیتاریی ڕفاندوویانە.

پێویستە هەواڵی دووبارە دەستگیرکردنەوەی بە فراوانیی لە هەموو جیهاندا بڵاو بکرێتەوە، چونکە ڕژێمی سێدارە هەموو شتێکی وەحشیگەریی لەدەست دێت. سەپیدە قولیان و زارا موحەمەدی، ئەو دێڕە شیعرەی قانع-یان بە زیندوویی هێشتۆتەوە:

بیرى ئازادیم له‌ زیندان فراوانتر ئه‌بێت
قوڕ به‌سەر ئه‌و دوژمنه‌ى هیواى به‌ به‌ندیخانه‌یه

14/03/2023

لە توێژینەوەیەکدا ئاشکرا بوە کە ژمارەی لەسێدارەدان لە ئێران بەراورد بە 15 ساڵی رابردو زۆر زیادی کردوە و لە هەر 14 کاتژمێرێکدا کەسێک لەو وڵاتە لەسێدارە دەدرێت.

ناوەندنی زانیارییە کراوەکانی ئێران (iranopendata.org) لە نوێترین توێژینەوەیدا بڵاوی کردوەتەوە؛ لە زستانی ئەمساڵەوە رێژەی لەسێدارەدان بەراورد بە 15 ساڵی رابردوی کۆماری ئیسلامی ئێران 24% زیادی کردوە و لە ساڵی 2023 لە هەر 14 کاتژمێرێکدا کەسێک لەسێدارە دەدرێت.

ئاماژە بەوە کراوە کە لە ساڵی 2008 تا 2022 لە هەر 17 کاتژمێرێکدا کەسێک لەسێدارە دراوە.

زانیاریی و ئامارەکانی ئەو ناوەندە دەریخستوە لە 65 رۆژی سەرەتای ئەمساڵەوە لانیکەم 113 کەس لەسێدارە دارون کە ئەوەش زیاترین ژمارەی لەسێدارەدانی ئەو ماوەیە لە هەشت ساڵی رابردودا.

زیاترین سزای سێدارە لە پارێزگاکانی تاران ، ئەلبورز، ورمێ، خوراسان، سیستان و بەلوچستان جێبەجێ کراوە.

لێبوردنی نێودەوڵەتی رایگەیاندوە چین بە لەسێدارەدانی نزیکەی هەزار کەس لە سالێکدا یەکەم وڵاتی جیهانە کە زیاترین سزای سێدارەی تێدا جێبەجێ دەکرێت و دوای ئەویش کۆماری ئیسلامی ئێران وەک دووەم وڵاتی جیهان دێت کە زیاترین سزی سێدارەی تێدا جێبەجێ دەکرێت.

بە پێی ئامارەکان لە ماوەی دوو مانگی ئەمساڵدا لانیکەم 33 کورد لە رۆژهەڵات و لە شارەکانی ئێران سزای سێدارەیان بەسەردا جێبەجێ کراوە کە تۆمەتی پێنج کەسیان سیاسیی بوە و 28 کەسی دیکەشیان بە تۆمەتی کوشتنی بە ئەنقەست و ماددە هۆشبەرەکان لەسێدارە دراون کە زۆربەیان زیاتر لە چەند ساڵێک لە زیندانەکاندا بەند کرابون.

لە دوای ناڕەزایەتییەکانی رۆژهەڵاتی کوردستان و ئێران زیاتر لە 110 کەس سزای سێدارەیان بەسەردا سەپێنرا و چوار کەسیان لەسێدارەدران و رێکخراوەکانی مافی مرۆڤ و نەتەوەیەکگرتوەکانیش هۆشدارییان داوە کە سزای سێدارە لە لایەن دەسەڵاتی ئێرانەوە پێش ئەوەی یاسا بێت، وەک ئامرازێک بۆ سەرکوتی نەیارانی دەسەڵات و ناڕەزایەتییەکان بەکار دەهێنرێت.

11/03/2023

به‌گوێره‌ی‌ ئاماره‌كانی‌ ڕێكخراوی‌ هه‌نگاو بۆ مافه‌كانی‌ مرۆڤ، له‌سه‌ره‌تای‌ سه‌رهه‌ڵدانی‌ خۆپشاندان‌و ناڕه‌زایه‌تییه‌كان دوای‌ گیانله‌ده‌ستدانی‌ ژینا ئه‌مینی‌، ١٣٤ هاوڵاتی کورد لەلایەن هێزەئه‌منییه‌كانی‌ ئیرانه‌وه‌ لەسەرتاسەری شارەکانی ڕۆژهه‌ڵاتی‌ کوردستان‌و چەند شارێکی ئێران شه‌هیدكراون.
بەپشت بەستن بەئاماری تۆمارکراو لەلایەن تیمی لێکۆڵینەوەی هەنگاو لەسەرەتای دەستپێکی شۆڕشی ژیناوە ١٣٤ هاووڵاتیی کورد لەلایەن هێزەکانی حکوومەتەوە لە سەرتاسەری شارەکانی کوردستان‌و چەند شارێکی ئێران کوژراون. هەروەها بەهۆی هێرشی دڕۆنی سوپای پاسداران بۆ سەر حیزبە کوردستانییەکان لەناو خاکی هه‌رێمی‌ کوردستان، لانیکەم ٢١ ئەندامی ئەم حیزبانەو هاوڵاتییەکیی هه‌رێمی‌ کوردستان گیانیانلەدەستداوە.


پۆلێنبەندی بەپێی شێوازی کوژران:
تەقەی ڕاستەوخۆی هێزەکانی حکوومەت؛ ١١٤ حاڵەت بەرانبەر بە ٨٥٪ کۆی گشتی.

کوژران لەژێر ئەشکەنجەدا؛ ٩ حاڵەت بەرانبەر بە ٦.٥٪ کۆی گشتی.

کوژران بەهۆی لێدانی باتۆم؛ ٦ حاڵەت بەرانبەر بە ٤.٥٪ کۆی گشتی.

کوژران بە چەقۆ؛ ١ حاڵەت بەرانبەر بە ٠.٨٪ کۆی گشتی.

خنکان بەهۆی بەرکەوتن بە گازی فرمێسک ڕێژ؛ ١ حاڵەت بەرانبەر بە ٠.٨٪ کۆی گشتی.

کوژران بە ژێرخستنی ئۆتۆمبێل؛ ١حاڵەت بەرانبەر بە ٠.٨٪ی کۆی گشتی

سێدارە؛ ١ حاڵەت بەرانبەر بە ٠.٨ی کۆی گشتی.

نادیار؛ ١ حاڵەت بەرانبەر بە ٠.٨٪ ی کۆی گشتی.



پۆلێنبەندی بەپێی پارێزگاکان:

پارێزگای سنە؛ ٤٣ حاڵەت

پارێزگای ئورمیە؛ ٤٩ حاڵەت

پارێزگای کرماشان؛ ٢١ حاڵەت

پارێزگای ئیلام؛ ٢ حاڵەت

پارێزگای خوراسان ڕەزەوی؛ ٢ حاڵەت

پارێزگای تاران؛ ٨حاڵەت

پارێزگای ئەلبۆرز؛ ٦ حاڵەت

پارێزگای قەزوین؛ ١ حاڵەت

پارێزگای هەمەدان؛ ١ حاڵەت

پارێزگای مەرکەزی؛ ١ حاڵەت



ئاشکراکردنی ناسنامەی ژمارەیەکی دیکە لە کوژراوان

لە دوایین ڕاپۆرتی هەنگاودا، ناسنامەی شەش هاووڵاتیی دیکەی کورد کە لە ڕەوتی بەرخۆدان و ڕاپەڕینی جەماوەریی لەلایەن هێزەکانی حکوومەتەوە کوژرابوون، لەدوای تەواوبوونی لێکۆڵینەوەکان بە لیستی گیان بەختکردوانی شۆڕشی ژینا زیاد کرا.

عەلیڕەزا کاکامحەممەدی خەڵکی هەرسین کە لە تاران کوژرا، عەلیڕەزا حوسێنی خەڵکی کرماشان کە لە تاران کوژرا، محەممەدئەمین حەشمەتیان خەڵکی سونقوڕ کە لە کەرەج کوژرا، سەید محەممەد حوسێنی خەڵکی سەقز، هێمن حەمزە خەڵکی سەردەشت و مەتین نەسری خەڵکی سنە ئەو شەش هاووڵاتییەن کە لە ڕاپۆرتەکانی پێشووتری هەنگاودا ناویان لە لیستی گیانبەختکردواند تۆمار نەکردبوو و دوای تەواوبوونی لێکۆڵینەوەکان و وەرگرتنی زانیاری ناوەکانیان لە لیستی ناوبردوو تۆمارکرا.



ژنان و منداڵان؛ ٦ ژن و ١٣ منداڵ و مێرمنداڵ لە نێو لیستی کوژراواندا؛

لە ڕەوتی شۆڕشی ژینادا لانی کەم ٥ ژن و کچێکی منداڵ بەناوەکانی مینۆ مەجیدی خەڵکی قەسری شیرین، نگین عەبدولمەلەکی خەڵکی قوروە، کوبرا شێخ سەقا خەڵکی مەهاباد، سارینا ساعێدی خەڵکی سنە، فریشتە ئەحمەدی خەڵکی سەردەشت و نەسرین قادری خەڵکی مەریوان گیانیان لەدەست داوە.

سێ کەسیان بەتەقەی ڕاستەوخۆی هێزە حکوومەتییەکان و سێ کەسی دیکەیان بە لێدانی باتۆم لەسەریان گیانیان لەدەست داوە.

هەروەها لانی کەم ١٣ منداڵ و مێرمنداڵی تەمەن ژێر ١٨ ساڵ بەناوەکانی زەکەریا خەیال تەمەن ١٦ ساڵ، ئەمین مەعرەفەت تەمەن ١٦ ساڵ، عەبدوڵڵا محەممەدپوور تەمەن ١٦ ساڵ، ئەمیر فولادی تەمەن ١٥ ساڵ، ئەمیر حوسێن بەساتی تەمەن ١٥ ساڵ، عەلی موزەفەری سالانقوچ تەمەن ١٧ ساڵ، نیما شەفیق دوست تەمەن ١٦ ساڵ، ئارمین سەیادی تەمەن ١٨ ساڵ، سارینا ساعێدی تەمەن ١٦ ساڵ، کۆمار دەرئوفتادە تەمەن ١٦ ساڵ، دانیال پایبەندی تەمەن ١٧ ساڵ، بەهادین وەیسی تەمەن ١٦ ساڵ و کاروان قادرشوکری تەمەن ١٦ لە ڕەوتی شۆڕشی ژینادا کوژراون. ١٢ کەسیان بە تەقەی ڕاستەوخۆی هێزەکانی حکوومەت گیانیان لەدەست داوە و یەک کەسیان بە لێدانی باتۆم لەسەری گیانی لەدەست داوە.

ئەشکەنجە؛ لانی کەم ٩ هاووڵاتیی لەژێر ئەشکەنجەدا کوژراون
بەپێی لێکۆڵینەوەکان، لانی کەم ٩ هاووڵاتیی دوای ڕفاندنیان لەلایەن ناوەندە حکوومەتییەکانی کۆماری ئیسلامی ئێران لە ژێر ئەشکەنجەی هێزەکانی حکوومەتدا کوژراون.

ئیسماعیل دزوار خەڵکی سەقز، محەممەد عەبدوڵڵاهی خەڵکی ئیلام، ڕامین فەتحی خەڵکی سنە، سامان قادرپوور خەڵکی شنۆ، ئومێد حوسێنی خەڵکی سنە، هێمن ئەمان خەڵکی بۆکان، شادمان ئەحمەدی خەڵکی دێولان، شەهریار عادلی خەڵکی سەردەشت و محەممەد حاجی ڕەسوڵ پوور خەڵکی بۆکان، ناوی ئەو کەسانەیە کە لەدوای دەستبەسەرکرانیان لەلایەن هێزەکانی حکوومەتەوە لەژێر ئەشکەنجەدا کوژراون.

بارودۆخی ئەو کەسانەی کە دەستبەسەر یاخود بە زۆرەملێی ڕفێندراون:
لەسەر بنەمای ئەکسیۆنی یاسایی لە پەیوەندی لەگەڵ دەستبەسەرکران، دەبێت تۆمەتبار بە لەبەرچاوگرتنی هەموو مافە یاساییەکانی پێکهاتوو لە بڕیاری دادگا، ئاگادارکردنەوەی بنەماڵە، دەست ڕاگەیشتن بە چارەسەری پزیشکی، ڕاوێژکاری یاسایی و پارێزەر و ڕوونکردنەوەی تۆمەتە سەپێندراوەکان بەسەریدا، بۆ یەکێک لە بەندیخانە فەرمییەکانی تۆمارکراو لە لیستی ڕێکخراوی بەندیخانەکانی وڵات بگواسترێتەوە.

ئەوەی کە لە ڕەوتی شۆڕشی ژیاندا ڕوویداوە، بەرانبەر بە مادەی ٢ی کنوانسیۆنی پشتیوانی لە هاووڵاتییان لەبەرانبەر ڕفاندنی زۆرەملێی، تاوانێکی ترسناکە کە لە یاسا نێونەتەوەییەکانی تاوانەکان، وەک تاوان هەژماردەکرێت.

هەرچەندە دەوڵەتی ئێران نەبووەتە ئەندامی ئەم کنوانسیۆنە، بەڵام پێناسەکردن و جێبەجێکردن و لەبەرچاوگرتنی ئەم یاساییە بەشێوەیەکی گشتی لایەنێکی نەریتی هەیە و پێویستە دەوڵەتەکان پابەندی بن.

تەنانەت بەپێی یاساکانی کۆماری ئیسلامی، تۆمەتبار لەدوای دەستبەسەرکرانی هەموو ئەم مافانەی هەیە. بەڵام ئەوەی ئێمە دەیبینین پێشێلکردنی هەموو پێوەر و لایەنەکانی مافە نێونەتەوەییەکانە لەلایەن هێزەکانی حکوومەتەوە.

دوای تێپەڕینی پێنج مانگ بەسەر دەستپێکی خۆپیشاندانەکان، زیاتر لە ٧٥٠٠ هاووڵاتیی کورد لەلایەن ناوەندە حکوومەتییەکانەوە دەستبەسەر یاخود ڕفێندراون، کە لەم بارودۆخەدا تیمی لێکۆڵینەوەکانی هەنگاو توانیویەتی ناسنامەی ٢١٦٧ کەس ئاشکرابکات، کە لەم ژمارەیە ٢٢٠ کەسیان ژن و ١٩١ کەسیان منداڵ و مێرمنداڵن.

دەبێت بگوترێت کە بەپشت بەستن بە لێکۆڵینەوەکان، بەشێوەیەکی سیستامتیک دەستبەسەرکراوان لە ژێر ئەشکەنجەی ڕۆحی و جەستەییدان.

لەکۆی ئەو ٢١٦٧ هاووڵاتییە کە ناسنامەیان بۆ هەنگاو ئاشکرابووە، (٧٧٦) کەسیان خەڵکی پارێزگای سنەن. هەروەها (٦٦٠) کەسیان خەڵکی پارێزگای ئورمیە، (٣٦٠) کەسیان خەڵکی پارێزگای کرماشان و (٢٩٠) کەسیان خەڵکی پارێزگای ئیلامن. هەروەها لە شارەکانی ناوەندی ئێران لانی کەم ٨١ هاووڵاتیی کورد لەلایەن ناوەندەکانی حکوومەتەوە ڕفێندراون.

بەپشتبەستن بە ئامارەکانی هەنگاو، زۆرترین ئاماری هاووڵاتییانی ڕفێندراو لە شارەکانی سنە بە هەبوونی ٣٣٤ حاڵەت، پیرانشار بە هەبوونی ١٤٣ حاڵەت، شنۆ بەهەبوونی ١٢٦ حاڵەت، مەهاباد بەهەبوونی ١٢٦ حاڵەت و ئاودانان بەهەبوونی ١٠٨ حاڵەت تۆمارکراون.


بارودۆخی یاسایی دەستبەسەرکراوان
بەپشتبەستن بە ئاماری تۆمارکراو لە ناوەندی ئاماری هەنگاو، لەکۆی گشتی ئەو کەسانەی کە لە ڕەوتی شۆڕشی ژینادا لە کوردستان دەستبەسەرکراون، هەتا ئێستا ١١١ کەسیان لەلایەن دەزگای دادوەریی کۆماری ئیسلامی ئێرانەوە سزای بەندکران و لێدانی قامچییان بەسەردا سەپێندراوە هەروەها کەسێکیش سزای سێدارەی بەسەردا سەپێندراوە.

بەپێی ئەم ڕاپۆرتە هەتا ئێستا ١١١ کەس لەم کەسانە سەرجەم سزای ٣٤٣ ساڵ و ٣ مانگ بەندکرانیان بەسەردا سەپێندراوە هەروەها محمەمەد مەهدی کەرەمی سزای سێدارەی بەسەردا سەپێندرابوو، کە سزاکەی لە یەکێک لە بەندیخانەکانی کەرەج جێبەجێکرا.

هەروەها ٢٠ کەس لەم ژمارەیە سەرەڕای سزای بەندکران، لەلایەن دەزگای دادوەریی کۆماری ئیسلامی ئێرانەوە سەرجەمیان سزای ١٠٧٦ جار لێدانی قامچییان بەسەردا سەپێندراوە.

سەرەڕای ئەم حاڵاتانە، لانی کەم ٩ کەس لە دەستبەسەرکراوان تۆمەتی "موحاڕەبە و فەساد فی الارچ"یان بەسەردا سەپێندراوە کە ناوەکانیان بریتین لە پەرهام پەروەری خەڵکی سەقز، پوریا جەواهری خەڵکی کامێران و ٧ هاووڵاتیی خەڵکی شنۆ بەناوەکانی فەرهاد تەهازادە، فەرزاد تەهازادە، فەریاد حەمزەشور، شەهرام مەعرود مەلا، ڕەزا ئیسلام دوست، کاروان شاهی پەروانە و فەرزاد مەحمودپوور.

ئەم تۆمەتە لە یاساکانی کۆماری ئیسلامیدا زۆرجار سزاکەی سێدارەیە.

هێرشی هاژژەکی بۆ سەر حیزبە کوردستانییەکان و گیان لەدەستدانی لانی کەمی ٢١ ئەندانی ئەم حیزبانە
لە ڕەوتی شۆڕشی ژینادا، سەرەڕای ئەو کوشتارە بەرفراوانەی کۆماری ئیسلامی ئێران لە کوردستان دەستی پێکردبوو، لانی کەم چوار جاریش کەمپ و بارەگای حیزبە کوردستانییەکانی "دێموکرات، کۆمەڵە و پاک" لە قوڵایی خاکی باشووری کوردستان داوەتە بەر هێرشی هاژژەکی و دڕۆنی و لە ئەنجامی ئەم هێرشانەدا لانی کەم ٢١ کەس لە پێشمەرگە و ئەندامانی ئەم حیزبانە لە نێویاندا دوو ژن و کۆرپەیەکی یەک ڕۆژ و هاووڵاتییەکی خەڵکی شاری کۆیە سەر بە پارێزگای هەولێر گیانیان لەدەست داوە.

بەرپرسانی نیزامی ئێران چەندین جار ڕایانگەیاندووە کە ئەم هێرشانە بەمەبەستی تۆڵەستاندنەوە و لە وەڵامی بانگەوازەکانی ئەم حیزبانە لە ڕاستای مانگرتنی گشتی لە کوردستان ئەنجامدراون. سەرەڕای کوژرانی ٢١ ئەندامی ئەم حیزبانە، بە دەیان کەسی دیکەش برینداربوون.


چوارشەممە ٦ی ڕەزبەری ٢٧٢٢ (٢٨ی سێپتامبری ٢٠٢٢)
سوپای پاسداران سەرەتا ناوچە سنوورییەکانی باشووری کوردستان لە سیدەکان، حاجی عومران و هەڵگورد تۆپباران کرد و کەڵکی لە دڕۆنی خۆتەقێن وەرگرت. کاتژمێرێک دواتر هێرشی هاژژەکی و دڕۆنی بۆ سەر کەمپ و بارەگاکانی کۆمەڵەی زەحمەتکێشانی کوردستان، کۆمەڵەی شۆڕشگێڕی کوردستانی ئێران، پارتی ئازادی کوردستان (پاک) و حیزبی دێموکراتی کوردستانی ئێران لە نزیک شارەکانی هەولێر، سلێمانی و کۆیە ئەنجامدا.

لە ڕەوتی ئەم هێرشەدا ٩ ئەندامی حیزبی دێموکراتی کوردستانی ئێران بەناوی عوسمان فەیزە، ڕەیحانە کەنعانی (ژنێکی دوو گیان)، وانیار ڕەحمانی تەمەن ١ ڕۆژ، هاجر زەرگە، محەممەد خەلیلی، میلاد پیرساحێب، شێرکۆ بەرتەنی، عومەر مەحمودزادە و ئەیوب هونەروەر گیانیان لەدەست دا.

هەروەها ٨ ئەندامی پاک بەناوەکانی ئیحسان فەرەجی، ئومید نیکدڵ، یونس غەیاسی، ئاروین سۆهرابی، یەدوڵڵا نوری، سەعید ئومێدی، ئیدریس ئەمجەدی و کامەران ڕۆستەمی لە ئەنجامی هێرشی هاژژەکی و دڕۆنی سوپای پاسداران گیانیان لەدەست دا.

دووشەممە ٢٣ی خەزەڵوەری ٢٧٢٢ (١٤ی نۆڤەمبەری ٢٠٢٢)
سوپای پاسداران هاوکات لەگەڵ تۆپباران بارەگای حیزبە کوردستانییەکان لە ناوچە سنوورییەکان، بەرەگا و کەمپەکانی حیزبی دێموکراتی کوردستانی ئێران، حیزبی کۆمەڵەی شۆڕشگێڕیکوردستانی ئێران و حیزبی کۆمەڵەی زەحمەتکێشانی کوردستانی کردە ئامانجی هێرشە هاژژەکی و دڕۆنییەکانی.

لە ئەنجامی ئەم هێرشانە، لانی کەم سێ ئەندامی حیزبی دێموکراتی کوردستانی ئێران بەناوەکانی ڕێبوار عەبدی، ئاسۆ تەوانا و محەممەد بادروت و هەروەها هاووڵاتییەکی شاری کۆیە گیانیان لەدەست دا.


دووشەممە ٣٠ی خەزەڵوەری ٢٧٢٢ (٢١ی نۆڤەمبەری ٢٠٢٢)
سوپای پاسداران بە هاژژەک و دڕۆنی خۆتەقێن هێرشی کردەوە سەر بارەگا و کەمپەکانی حیزبی کۆمەڵەی زەحمەتکێشانی کوردستان و حیزبی دێموکراتی کوردستانی ئێران لە شاری سلێمانی، کۆیە و بەحرکە (کەمپی جەژنیکان). لە ئەنجامی ئەم هێرشانە ئەندامێکی حیزبی دێموکرات بەناوی بێهزاد ئیسکات گیانی لەدەست دا.

سێشەممە ١ی سەرماوەزی ٢٧٢٢ (٢٢ی نۆڤامبری ٢٠٢٢)
هێرشی هاژژەکی سوپای پاسداران بۆ سەر بارەگاکانی پارتی ئازادی کوردستان (پاک) لە پردێ هەڵکەوتوو لە نێوان شاری هەولێر و کەرکووک.

10/03/2023

نەسرین قاسملو
هاوسەری عبدلرحمان قاسملو کۆچی دوایکرد

هێلین كرۆلیچ (نەسرین قاسملوو) بە ڕەگەز چێكییە لە ساڵی 1933ی زایینی لە پراگ لە دایك بووە. لە ساڵی 1963 لە پراگ خوێندنی فەلسەفە و زمانی تەواو كردووە و بڕوانامەی ماستەری تێدا بە دەست هێناوە . زمانەكانی چێكی، ئینگلیزی، كوردی و فارسی دەزانێت. لە ئورووپا و ئێران و عێراق ژیاوە

لە 10 ئازاری 2023 لە پاریسی پایتەختی فەرەنسا کۆچی دوایکرد

09/03/2023

ئێران سیستەمی دژە ئاسمانی ڕەوانەی سوریا كرد

•ئەمەش پاش قۆزتنەوەی ئەو دەرفەتەی كە وڵاتان هاوكاریان بۆ سوریا نارد بەهۆی بومەلەرزەكەوە، چونكە ئەگەر پێشتربووایە ڕاستەوخۆ ئیسرائیل بۆردومانی دەكرد پێش ئەوەی بگاتە جێگای مەبەست.

•ئەم هەنگاوەی ئێران ڕێژەی بۆردومانەكانی ئیسرائیل لەسەر سوریا سنووردار دەكات.

سەرچاوە: الشرق الاوسط

09/03/2023

تا دێت هێرشی ژەهراویكردن بۆ سەر خوێندنگەكانی كچان لە ڕۆژهەڵاتی كوردستان و ئێران زۆرتر پەرەدەستێنێت و لەلایەن چالاكوانانەوە بە هێرشی كیمیایی دەناسرێـت، هێرشەكان تەنها بە خوێندنگەكانی كچانەوە نەوەستا، خوێندنگەیەكی كوڕانیشی گرتەوە و تادێت فراوانتریش دەبێت.



بەپێی زانیارییەكان، هێرشەكان خوێندنگەكانی كرماشان، سنە، ورمێ، كامێران، هەمەدان، قوم، تاران، ڕەشت، برۆجێرد، ئەردەبیل و چەند ناوچەی دیكەی گرتووەتەوە.

لەلایەكی دیكەوە لەشارەكانی تاران، قوم، ئەسفەهان، كرماشان و ئەردەبیل كەسوكاری خوێندكاران لە پێش پەروەردەی شارەكانیان گردبوونەوە، لەوێ ناڕەزایەتی تووند دژی دەسەڵاتی ئێران بەڕێوەچوو، حكومەتیان بە ئەنجامدەری ئەو هێرشانە تۆمەتبار كرد.

08/03/2023

💥 سادق سامره‌یی چالاک و هونەرمەندی کورد خەڵکی کرماشان لەلایەن هێزە ئیتلاعاتییەکانەوە دەسبەسەر کرا.

▫️ناوبراو تا ئێستە چەندین فیلمی بە زمانی کوردی و فارسی دروستکردووە و چەندین کتێبی لە بواری وێژە نووسیوە .

▫️هەندێک لە بەرهەمەکانی سادق سامره‌ئی:
فیلم:
١. دانه کوڵانەی شای‌ماران(فیلمێکی کورت لەبارەی بیروڕای خەڵکی کوردی کرماشان بۆ شاماران)
٢. بنملی(دیکۆمێنتێک لەبارەی ئاواز و سترانی ژنانی کورد)
٣. فیلم ٢١(فیلمێکی کورت لەبارەی شێوەکارێک)
٤. نابغه‌یەک که ئەسپسواری نازانێت(دیکۆمێنتێک لەبارەی ئەکتەرێکی کرماشانی )
٥. تەنیا دارێگ بویم وە سەر یاڵەوە(فیلم بلند)
کتێب:
١. شمشێر(وەرگێڕانی چیرۆکەکانی فرانتس کافکا به کوردی)
٢. تەرجمان( چیرۆکی کوردی)
٣. شێعر کاڵایگە(دیوانی شێعر )

04/03/2023

رێكخراوی مافی مرۆڤی هەنگاو، ئەمڕۆ هەینی، رایگەیاند، تەنها لە مانگی رابردودا لە ئێران 76 هاوڵاتی بە تۆمەتی چالاكی سیاسی و مەدەنی لە لایەن هێزە ئەمنییەكانی كۆماری ئیسلامی ئێرانەوە رفێندراون و دەستبەسەركراون.

رێكخراوەكە، لە راپۆرتێكدا رایگەیاندوە، 73 لەو هاوڵاتییە كوردانە بە تۆمەتی ئەنجامدانی چالاكی سیاسی و هاوكاری حزبە كوردییەكانی رۆژهەڵاتی كوردستان و 3 هاوڵاتیشییان بە تۆمەتی ئەنجامدانی چالاكی ئایینی دەستبەسەر یان رفێندراون.

لەنێو دەستبەسەركراواندا، بەپێی راپۆرتەكەی هەنگاو، ژنێك، چوار منداڵ و مێرمنداڵی خوار 18 ساڵان و دو خوێندكاری زانكۆ و مامۆستایەكیان تێدایە.

رێكخراوەكە ئاماژەی بەوەشداوە كە 73 كەس لەوانە لەلایەن فەرمانگەی ئیتڵاعاتی سوپای پاسدارانەوە دەستبەسەر یان رفێندراون.

دەستگیركراوەكان بەگوێرەی راپۆرتەكە، بەمشێوەیە بەسەر پاریزگاكانی رۆژهەڵاتی كوردستان و ئێراندا دابەش بون: 25 كەس لە سنە، 23 كەس لە ئیلام، 21 كەس لە ورمێ، 6 كەس لە كرماشان، 1 كەس لە شوێنەكانی دیكەی ئێران.