Auxtin Zamora senpertarra izan dugu gomita asteazken goiz honetan Gure Irratian.
Hatsaren Poesiaren sortzaile, olerkari, argazkilari, artistak bere azken lana aipatu digu. Senpereko etxe gehienen itzulia egin du, hauen izen, helbide, datu geografikoak biltzeko. Lan hau eta 26. Hatsaren poesia bilduma aurkeztuko ditu Durangoko azokan.
▶[Asteazkeneko Gomita] Auxtin Zamora : https://labur.eus/2AyhE
Urruñako Herriak, bere komertsantak eta ofizialeak nahi izan ditu lagundu eta goraipatu aste berezi baten bidez: Merkataritza eta ofizialegoaren astean sartu du Urruña, herriko etxeak.
Mikela Forestier arduratzen da gaiaz herriko etxean. Parada bere bizi ibilbideaz hitz egiteko ere, tartean dantza.
▶ [Asteazkeneko Gomita] Mikela Forestier : https://labur.eus/dcg45
Txaptrax, txalaparta, musika elektronikoa ta teknoa nahasten dituen talde berria da. Joan den martxoan sortu berri den taldeak, abenduan grabatuko ditu bere lehen konposaketak.
📍Azaroaren 22an, Ttattola Gaztetxean Hazparnen joko dute 9tan Zinegin Festibala kari.
▶ [Elkarrizketa] Peio Erramuzpe eta Txomin Dhers : https://labur.eus/LKSux
Filgi Claverie izan dugu gomita astezken honetan.
Kultura arloan, egitura desberdinen sortze edo garapenean parte hartu du: Eihartzea kultur etxea, Euskal Kultur Erakundea, Seaska, Biarritz Culture, Maitaldia, Dantzaz konpainia edota Errobi lurralde eremuko kultura zuzendari gisa ere.
📍 Baina Filgi Claverieren aktualitatea erretretan sartu denetik, Hazkurri Bankuan laguntzaile dela orain. Urtero bezala garai honetan, azaroaren 22, 23 eta 24an Frantzia mailan janari eta oinarrizko produktuen bilketa asteburua da.
▶ [Asteazkeneko Gomita] Filgi Claverie : https://labur.eus/fWIAI
Laurent eta Mirentxu Apeztegi Arbonako senar-emazteak entzunarazi dizkigu hilabete honetan Terexa Lekunberri kronikariak.
Laurent arbonarra sortzez, eta Mirentxu hortik hurbil bainan mugaz bestealdean Amaiurkoa da. Arbonaren aldatzea, etxaldeen galtzeaz, laborari seme ezkongabeez eta Amaiurtik Arbonara heltzean, kanpotiar izaitetik "herritartua" sentitzea aipagai besteak beste.
▶ [kronika] Terexa Lekunberri : https://labur.eus/8II0c
Aste honetako gomita, Joanes Etxebeste saratarra izan dugu.
19 urte ditu, eta ttipitan hasi zen telebistako pailazoak imitatzen: horrela sortu du Pontx pailazoa.
📍 Larunbatean aurkeztuko du Denak plazara! bere ikusgarri berria, arratsaldeko 5.30tan Saran.
▶ [Asteazkeneko Gomita] Joanes Etxebeste : https://lstu.fr/joanes-etxebeste
Serge Istèque Baigorriarra, orain Miarritzen bizi dena ginuen Asteazkeneko gomita aste honetan. Dantzari, kirolari, ostalari ere izana, eta gaur egun “Aita zendako?” ikusgarria muntatzen ari dena.
2025eko udan emango dute komedia-musikala, Miarritzen eta Donibane Garazin.
▶ [Asteazkeneko Gomita] Serge Istèque : https://lstu.fr/serge-isteque
Artista anitza gisa aurkezten ahal genuke dantzaria, margolaria edota kantaria den Arantxa Lannes.
Uztariztarra asteazkeneko gomita izan dugu, aktualitatean baita Plisti Plasta disko berriarekin. Alabena konpainiariaren zigilupean, Maider Martineau musikariarekin batera haur kantuak biltzen dituen diskoa lehen aldiz aurkeztuko dute ostiral honetan Kanboko AIEC gelan arratsaldeko 5etan.
▶ [Asteazkeneko Gomita] Arantxa Lannes : https://lstu.fr/arantxa-lannes-5
Urriaren 31an Kanboko gaztetxean “Euskal herria ez da salgai” lemapean sustengu gaualdi bat antolatzen dute, Kuartz eta Doli Soinu Sistemarekin.
2022ko ekainean, Senpereko 5 gazte atxilotu zituzten higiezinen agentzien kontrako tindaketen ondorioz. Bosten artean 12.000 euro pagatu beharko dituzte. Sustengu gaualdi bat antolatu eta sarean kutxa bat jarri dute dirua biltzeko.
▶ [Elkarrizketa] Ellande Jauregi : https://lstu.fr/sustengu-gaualdia
Asteazkeneko gomita Pantxix Bidart hazpandarra izan da joan den astean. Musikari, kantari, irratilari, kronikari eta gasna saltzaile ere izan da. Hainbat musika proiektutan ibili da, Mister Saguakekin hasi, Elaudi, BBAX, Bibi edo gaur egun AH! taldearekin.
Zuzeneko elkarrizketaz gain, kantu batzu ere eman dizkigu bere gitarrarekin.
▶ [Asteazkeneko Gomita] Pantxix Bidart : https://lstu.fr/pantxix-bidart
