Ahna Haka

03/04/2024

03/04/2024

بصراحة بلي تفرجت السنة في برامج في رمضان أما ديما بش يبقى البرنامج الي كانو يحطوه سنين لتالي في قناة حنبعل حاجة لتو ما تعاودت

وقتها عبد الرزاق يدق على دار على غفلة في حومة شعبية مع المغرب و يقلهم ميسالش نشقو فطرنا بحذاكم ؟ وهوما من الحشمة يوافقو .. وأهاوكا يجيبلهم قضية زوز باكوات مقرونة و باكو رشتة زعمة ما جاش يدو فارغة ...و مبعد يدخل يبدى يسمع فيهم في الكلام بتفدليك و يقلهم شبي داركم هكا ههههه...ياخي شبي شلاكتك مقطعة إنت هههههه ؟ ياخي شبي تلفزتكم مش بلازما ههه ؟ وبعد يقوم يضحك وحدو و يقلهم دمعة و إبتسامة ميسالش تو أموركم تتحسن مع قناة حنبعل ..

و زيد ياكللهم القضية الي جابها في العشاء و يشرب كاس تاي.. و يمشي يتكى في بلاصة البو و تبدى الأم تسربي فيه و ولادها يتشوحرو ...مبعد يحكم عليهم بش يحطو حنبعل سهرية كاملة و ينفخلهم ريوسهم بالضمار متاعو ..وفللخر يخرالهم في التوالات و يروح .

26/03/2024

الشماتة كلمة اخترعوها العرب

20/03/2024

حكاية عادل الدريدي تعاودت، أما المرة هاذي بالكسوة والكرافات ومع بنك خاص 🧐 والمبلغ يفوق الخمسطاش مليار وقتيا ⏳

20/03/2024

اقليم كاتلونيا باسبانيا 🇪🇸 يعلن حالة طوارئ مائية بعد وصول مستويات السدود و خزانات الماء الى ما دون 15% خاصة و ان الأمطار لم تهطل بشكل كافي طيلة 40 شهر الأخيرة و تخطط السلط المحلية لجلب المياه 💦 بواسطة سفن 🚢 الصهاريج من فلنسيا المجاورة لسد العجز حتى و لو وقتيا و وضعت خطة عاجلة لتكيف مع حالة الجفاف لحدود سنة 2030 و ذلك بتخصيص ميزانية تقدر بي 2.6 مليار يورو ، كما فرضت السلط المحلية بالإقليم بعض السياسات التقشفية في استهلاك المياه على غرار تقييد ري ملاعب كرة القدم و اغلاق بعض المسابح وقتيا .

26/02/2024

بربي أول ما تتعرّف عليه ، أسألو اذا معرّس و الا خاطب ، خاطر les détails الصغار هاذم ، الأولاد ينساو باش يحكيولكم عليهم

25/02/2024

شهرية المعلمة ولت مليون و 480 د في الشهر
الواحد يعرس بأربعة معلمات يعني 6 ملاين فالشهر ويقعد فالدار يصلح الدفوارات ❤️

25/02/2024

الكرهبة يفهمو الpanne متاعها مالحس , ومعانا أحنا يولّو ما يركزوش مع les détails

10/02/2024

ملخص الكرة التونسية في آخر الآسابيع فقط :

* الهيئة التسييرية للنادي الإفريقي
- 26 ديسمبر تنحّي سعيد السايبي
- 19 جانفي تعيّن كافالي
- 9 فيفري تنحّي كافالي وتجيب منذر الكبير
=> هذا الكل بدون لعب اي مباراة

* الهيئة المديرة للترجي الرياضي
- جويلية 2023 إنتداب اومارو
- جانفي 2024 فسخ عقد اومارو بدفع 700 مليون (بدون اعتبار الجرايات)
=> ملاعبي تكلّف اكثر من مليار لعب فقط 6 مباريات فقط (وطبعا اومارو مش استثناء في قائمة طويلة وعريضة)

* إدارة الملعب الاولمبي برادس
- تأخير أعمال صيانة الملعب رغم ان البطولة واقفة من آخر 2023 للسماح للمنتخب للعب مباريات ودية أحدها أصلا بدون جمهور كان ممكن لعبها في أي ملعب آخر
- عدم استخلاص ديونها في حق مستأجري الملعب (الترجي مليار و200 مليون، الإفريقي 900 مليون والجامعة 500 مليون)
=> ملعب وحيد homologué بدون صيانة والفلوس عند جامعة وجمعيات من 2020 ما خلصوا حتى فرنك خاطر لاهين يصرفوا على فسخ عقود المدربين واللاعبين والخطايا

* الرابطة المحترفة + الجامعة
- في آخر جانفي يهبطوا برنامج عودة البطولة نصف فيفري
- قبل ب10 ايام فقط يأجلوا البطولة لنصف مارس خاطر فما جمعيتين رفضوا يلعبوا في ستاد لا يتسع لعدد مشتركيها والملعب الأصلي في صيانة متأخرة (لسوء تخطيط المسؤولين ع الملعب ولغياب الموارد المالية بسبب نفس الجمعيات)

هذا شوية من القعباجي الي صاير في كرتنا فقط في شهر تقريبا منذ نهاية مهزلة الكان بخلاف أن اغلب الجمعيات خاصة الكبار بلاش هيئات مديرة وما فما حتى حد يحب يترشح وممنوعين من الانتدابات وعليهم خطايا بالملايين.. دون نسيان ان الجامعة رئيسها في السجن ونستناو في انتخابات غالبا بش ترجع نفس وجوه الفشل.. وملاعب شطرها دوسيات فساد وتحلت فيها تحقيقات قضائية.. وحتى الملعب الوحيد المؤهل ربي يستر لا نهار تصير فيه كارثة في المدارج بدون صيانة كيما يلزم من سنين..

وكي تتلفت تلقى كل جمعية عندها جمهور وكرونيكورات في البلاتووات مقتنعين انهم هوما المظلومين في الحكاية الكل وعايشين الدور بنجاح.. والحال أن الجميع مذنب ويتحمل المسؤولية وما مسكينة كان كرة القدم والرياضة عموما في هالبلاد..

05/02/2024

تي شبيك تعيط هاني فالثنيا...

03/02/2024

فما تزعبين جديد عند لبنات باش يظهرو رواحهم فينو و classe ، يقولو pasta مش مقرونة..

29/01/2024

عائلة للبيع ، يدقو عليك باب التوالات و يقولولك فاش تعمل..الثمن بريفي

18/01/2024

انت أعجوبة ❤️❤️

10/01/2024

Les paroles de la nuit sont tartinées au beurre..

09/01/2024

معجزة الأنديز

في عام 1972 ...طائرة تتبع الخطوط الجوية الارغويانية تغادر في اتجاه التشيلي ...فيها 45 راكب ...
الطائرة تمر فوق جبال الانديز وبسبب سوء الأحوال الجوية تعمل حادث وتسقط بعد اصطدامها بالجبل
من ال45 توفو 13 شخص
و32 بقو حيين ...ماتو منهم 5 آخرين
وهنا تبدا المغامرة ...
لمدة 60 يوم ...في الجبل وفي الثلج ...صارعوا من أجل البقاء على قيد الحياة
استنفدو مؤونة الغذاء في الطائرة منذ الأيام الأولى
ومن بعد دارو ياكلو في جثث الموتى
في اخر المطاف ...قعدو 16 شخص على قيد الحياة...في الثلج والبرد والعراء ...شهرين كاملين...حاجة ماتتصدقش لكن صارت وصحيحة وموثقة
في لحظة يأس...زوز منهم حبو يقدمو ويشوفو كيفاش يمنعو ...بعد نهارين لقو زوز رعاة في سفح الجبل
ومن ثمة تواصلو مع السلطات وتمت عملية انقاذ ال16
وكانت صدمة للرأي العام

القصة واقعية ومشوقة سبق أن شفت عليها وثائقي ...
لكن اليوم نلقاها في فيلم تعدا عنده 4 أيام في نتفليكس اسمه "مجتمع الثلج"
بون ماعنديش كونت نتفليكس أما تفرجت عليه مقرصن في الغوغل (الرابط في التعليقات)
فيلم إسباني مشوق وممتاز ...
بالنسبة للغة الاسبانية ...موش مهم
الفيلم مفهوم من غير ما يستحق فهم اللغة
وكان توسعو بالكم تو تلقوه مترجم للفرنسية

07/01/2024

في 2004، أول ما شد المرحوم بوعوني وزارة التعليم العالي، الدنيا قايمة على القانون الأساسي وعركة مع النقابات، والناس الكل تستنى في قرارات ثورية. يعمل هكة ويهبط قرار سيادي بمنع دخول المواطنين لمقر الوزارة بسروال جينز.

أولياء الطلبة اللي جايين من ڨفصة وڨابس باش يلقاو حل لترسيم وسكن أولادهم في المبيت، يلقاو رواحهم يلوجو على قريب في تونس يسلفهم سروال ترڨال 🧐

برة يا زمان وإيجا يا زمان، في 2023، نستناو في القانون الأساسي، وقانون الانتخابات الجامعية، ونشر النظام الأساسي للتعاونية في الرائد الرسمي. يخرجلنا قرار منع التدخين في الفضاءات المفتوحة لمؤسسات التعليم العالي 😵‍💫

07/01/2024

نتفرج في فيلم وثائقي على الاغنياء نتاع ألمانيا ، عاد ثمة ثلة مالشباب هاك اللي والديهم مايعرفوش طرف خلاهم وين عملوا مهرجان سنوي اسمو Tax me now ، وفي المهرجان يطلبوا مالدولة باش تزيدهم في الضرائب باش ينجموا يعاونوا بلادهم أكثر ويعملوا في حملات توعوية للزواولة باش يساندوهم ههههههههههههه

05/12/2023

رانيا التومي 😍

13/11/2023

الوسادة غلبت الولّادة
هذه وزيرة الداخلية البريطانية سويلا برافرمان
أقالها اليوم رئيس الوزراء البريطاني ريشي سوناك من منصبها
علاش اقالها ؟
أقالها بعد أن نشرت مقال على صحيفة THE TIMES
المقال انتقدت فيه تعامل شرطة لندن مع المظاهرات المساندة للقضية الفلسطينية
اي اي ...وزيرة داخلية تنتقد في الشرطة في مقال صحفي ...حاجة غريبة لكن تصير في الدول اللي فيها علوية المؤسسات والقانون

الأخت سويلا ...قالت أن شرطة لندن منحازة وأنها تعاملت بتسامح مع مظاهرات مساندة لفلسطين
وأنه كان يلزم يتم منع هذه المظاهرات لأنها مظاهرات تبث في الكراهية
وزيد انتقدت التعامل الحاد للشرطة مع جماعات يمينية كانت ناوية تندس في المظاهرات وتثير الفوضى

سويلا برفرمان هي ابنة للاجئ كيني وأم من موريشيوس

يقول القايل ابنة لاجئ ولاجئة ...من المفروض تكون متعاطفة مع القضايا الانسانية
لكن هي انحازت لاسرائيل
علاش ؟
ببساطة لأنها متزوجة من رائيل برفرمان رجل أعمال يهودي يشغل منصب المدير التنفيذي لشركة ميرسيدس ببريطانيا
وهكا ...الوسّادة غلبت الولّادة...حرفيا يعني

لكن خلينا في الأهم
وهو تعامل ريشي سوناك
توا بريطانيا من اول الدنيا ...داعمة للكيان ...اصلا بريطانيا هي من صنعت الكيان من خلال وعد بلفور
والى حد اللحظة ...بريطانيا داعمة الكيان بشكل واضح
لكن ...الاخت سويلا ...تجاوزت كل الخطوط الحمراء وخرجت هبّطت مقال انتقدت فيه تعامل الشرطة مع المتظاهرين (المواطنين)...وقالت أنه كان يلزم منع المظاهرات ...مقال اثار حفيظة النخبة السياسية في بريطانيا وكذلك الرأي العام والضغط اطاح بها من منصبها في ساعات قليلة ...برا توا ...خلي السيد راجلك ...ينفعك

نقطة اخرى مهمة ...الاخت سويلا...كانت تنجح لو كانت في دولة مثل سوريا أو مصر ...تنجم تمنع المظاهرات بشكل مباشر ..بكلمة وحدة تمنع المظاهرات وتدك المتظاهرين في الحبوسات ...ماتستحقش مقال رأي في جريدة ...موضوع تافه بصراحة
لكن الله غالب ...طاحت في بريطانيا ... دولة تنجم تقول عليها اللي تقول ...لكنها دولة تحترم مواطنيها

22/10/2023

تقرير الواشنطن بوست
"محللون يتوقعون مفاجأة من حم.اس "
"هل تخرج الارنب من القبّعة؟"
باهي اول حاجة...المقال انطلق من مقدمة تتحدث عن اغتيال محمد الزواري المهندس التونسي بإعتباره العقل المدبر لتطوير المسيّرات...وهذا فخر لنا كتونسيين بصراحة ...
التقرير يقول ان سبب تردد جيش الاحتلال في اجتياح غزة بريا هو أنهم مايعرفوش تحديد قدرات المقا.ومة ويخافو من مفاجأة ...
موازين القوى مختلة ...صحيح ...جيش متطور تكنلوجيا واقوى جيش في المنطقة لكن مثل هذه الحروب ماهيش مضمونة خاصة امام فصائل مقا.ومة عقائدية وتتقن حروب الشوارع والضربات الخاطفة
التقرير ونقلا عن محللين وخبراء عسكريين يقول ان جيش الاحتلال متوجس ويخشى من دخول اسلحة جديدة على الخط لدى المقا.ومة ...هناك مخاوف من استخدام مسيّرات مائية كان طورها الزواري قبل 7 سنوات وتواصل تطويرها بعد استشها.ده ... وثما مخاوف من صواريخ تكون أكثر دقة
التقرير يقول أن جيش الاحتلال يعتقد ان جرأة المقا.ومة يوم 7 اكتوبر ماتنجمش تكون من عدم

20/10/2023

كل التضامن مع بولسية rond-point الفلوكة🙏🏼

02/10/2023

J-301

في الفترة الأخيرة فما اشكال مقلق برشا السلطات الفرنسية و خاصة بعد ظهور موجات كبيرة من هجوم les punaises de lit أو بق الفراش و كان تواجدوا في العديد من الأماكن في العاصمة باريس، على غرار قاعات السينما، وسائل النقل العمومي، المستشفيات و أكيد العديد من المنازل حسب شهدات عيان، هذا الي يخلي بلدية باريس تبحث على حل جذري خاصة مع اقتراب موعد الألعاب الأولمبية.

الهجمة هذه للحشرات خلفت هلع كبير للمواطنين و حتى حسب المختصين الي يقوموا بمجابهة النوع هذا من الحشرات، يأكدوا الي في السنة هذه وصلهم رقم قياسي من طلبات التدخل للتعقيم.

الموضوع حساس و يشكل هاجس للسلط المعنية، الي تحب تقضي على الافة هذه, و بالتالي تحاول تساهم باستعمال العديد من الطرق، مثلا تقوم بارجاع مصاريف التعقيم بالنسبة لبعض المساكن الي أصحابها عندها دخل محدود، و لا التعقيم المكثف، و هذا الي صارع هذا الأسبوع، العديد من المسافرين لاحظوا تواجد الحشرات في الميترو رقم 8، و بعدها قامت السلطات بازالة كامل العربة لتحليلها و اتضح ان النتائج سلبية.

حسب الاحصائيات، في آخر خمس سنوات، les punaises هاجموا مسكن على عشرة في فرنسا و هذا عنصر آخر ينجم يأثر على تنظيم الألعاب الصائفة القادمة.

29/09/2023

اكبر دوسي فساد في تونس لا تقلي ملح لا بيترول 🥵

26/09/2023

تقرير على الميدل ايست اي يصف زيت الزيتون بالذهب Olive oil has become gold

في ظل الجفاف وتراجع انتاج الزيتون في اسبانيا الى النصف مقارنة بموسم 2022_2023
من مليون طن الى 500 ألف طن
اسبانيا تتجه الى لبنان ودول متوسطية اخرى ...لشراء المحصول
اسبانيا ...تنتج 40% من الانتاج العالمي لزيت الزيتون وزيتها البكر الممتاز هو الاول عالميا على مستوى الجودة (معايير الجودة العالمية ماهيش نفسها معاييرنا في تونس ...في بلادنا الحموضة هي مقياس جودة الزيت ...اللي يقلك زيت حار ...عالميا الحموضة لازم تكون متدنية لأسباب صحية )
سعر الكيلوغرام من الزيت (أكثر من اللتر بشويا ) تجاوز ال8 دولار
اي 25 دينار تونسي
لتر زيت الزيتون في اسبانيا توا يتباع ب10 اورو في اسبانيا

مداخيل صادرات زيت الزيتون الاسباني توصل 3 مليار دولار اي قرابة ال10 مليار دينار تونسي

اسبانيا تحب تعدل انتاجها وتبقى متصدرة من خلال شراء محاصيل دول اخرى
شنوة مربوح اسبانيا ؟
مربوحها انها تشري الزيتون او الزيت السائب من لبنان مثلا ثم يتم تعليبه وتصديره بضعف سعره السائب
معناها ...شوفو سياسات الدولة كيفاش
عندنا جفاف ...مانحبسوش ...نمشو نشرو الزيت من دول اخرى رزقها هامل

في الرسم البياني الموجود اسفله

زيت الزيتون البكر الاسباني يتباع عالميا ب8 دولار
وزيت الزيتون التونسي يتباع ب7 دولار
هذا في شهر جويلية
والاسعار في تصاعد محموم

تونس ...السنة عندها صابة متوسطة ومن المتوقع انها تكون الثالثة عالميا بعد اسبانيا وايطاليا
لكن اسبانيا وايطاليا يدخلو اضعاف اضعاف الايرادات التونسية
لان تونس تبيع في 80 % من انتاجها سائب
في حين ايطاليا واسبانيا يبيعو في 80% من انتاجهم معلّب
يخسرو عليها دبوزة واسم وتعليب ويبيعوه بضعف السعر

تونس في 2023 دخلت من زيت الزيتون قرابة 3 مليار دينار اي مليار دولار ...لو باعت منتوجها معلب كانت توصل ل2 مليار دولار

24/09/2023

اللي في الصورة ...كسكسي مكسيكي
واللي فاتك اغرب ...المكسيك شاركت في مسابقة افضل كسكسي في العالم ...بمشاركة تونس والجزائر والمغرب ...المسابقة صارت البارح في ايطاليا
والمكسيك فازت بلقب أفضل كسكسي في العالم 😄

14/09/2023

🔴🔴🔴 Faux Profil
Consultez le lien et signalez SVP ❌❌❌

14/09/2023

اليوم مشينا باش نقيّدو ولد خالتي في ال garderie ... قالولنا الgarde..ب350 دينار و الكار 50 دينار....
قيدناه في الكار

10/09/2023

رحلة كأس العالم 2023 وفات اليوم بفوز الفريق الأفضل و والوحيد الي ماعرفش طعم الهزيمة ألمانيا بقيادة فريق متكامل وين تلقى les leaders الي كي يجد الجد يتصرفوا و Role Players الي يعملوا les taches متاعهم بطريقة جيدة.
المشروع الألماني عنده سنوات يكبر مع بعضهم و نجحوا يكملوا على البوديوم الأوروبي العام الي فات بقيادة المدرب الكندي Gordon Herbert الي خذا المهمة سنة 2021 و ديما يلقى Dennis Schroder الي في مسابقات FIBA ياخذ مسؤولية قيادة هذا الفريق و اليوم سجل 28 نقطة و كما خذا لقب MVP بعد دورة كبيرة قام بها لاعب Toronto Raptors, ماتش اليوم عرفت تربحوا ألمانيا خاصة بعد اصابة Dobric من الجانب الصربي و غياب النجاعة على Bogdanovic في الشوط الثاني... فارق الطول و المعركة تحت السلة الي عرف يربحها Johannes Voigtmann بالمناسبة اللاعب هذا بدا يلعب كرة سلة في عمر 15 سنة و قبل كان لاعب كرة يد و حتى كان Aleska Avramovic عمل كل شيئ بش يرجع بلاده أما في Clutch time , اللاعب Marko Guduric كان خارج الخدمة.
ألمانيا الأولى، صربيا الوصيف، كندا تكمل البوديوم لأول مرة في التاريخ بعد ما ربحت اليوم ضد USA في المقابلة الي شعل فيها Dillon Brooks الي سجل 39 نقطة و قدم دورة كبيرة تخليه يوصل رسالة للمشككين متاع بعد عام صعيب في NBA و بالمناسبة وقع اختيار Brooks كأفضل مدافع في الدورة.
نكملوا مع التتويجات وقع اختيار All star 5 كالآتي :
🇩🇪 Dennis Schroder
🇷🇸 Bogdan Bogdanovic
🇨🇦 SGA
🇺🇸 Anthony Edwards
🇸🇮 Luka Doncic

بالنسبة للAll-Second Team نلقاو فيها الخماسي :
🇩🇪 Franz Wagner
🇷🇸 Nikola Milutinov
🇱🇻 Arturs Zagars
🇮🇹 Simone Fontecchio
🇱🇹 Jonas Valanciunas

شخصيا الدورة هذه الفريق الي لفت انتباهي ماينجم يكون كان لاتفيا، في أول مشاركة يكمل الخامس و يعرفنا ببرشا ملاعبية الي تنجم المسيرة متاعهم تتبدل كيما Kurucs, Smits و أكيد Zagars الي مانغير فريق حاليا و فما أخبار تقول الي العديد من الأندية الي تلعب Euroleague مهتمة بضمه و هناك اهتمام من فرق في NBA, مادام نحكيو على لاتفيا وقع اختيار المدرب الإيطالي Luca Banchi كأفضل مدرب في الدورة و نذكرو الي لاتفيا اطاحت بفرنسا، إسبانيا و ربحت كل من إيطاليا و ليتوانيا.

دورة 2023 وفات... و القادمة بش تكون على الاراضي القطرية بعد أربع سنين...

ان شاءالله... و لا نسكت خير 🇹🇳