Shamen's Suomi Odyssey

28/07/2024

ဖင်လန်က အရမ်းအေးတာနော်🫣 ယပ်ခပ်နေရတယ်🤣

#ဖင်လန်

27/07/2024

ဖင်လန်🇫🇮ကို လာပြီဆိုရင် အနည်းဆုံး နေဖို့စားဖို့ ၁ နှစ်စာလောက်တော့ ယူလာဖို့လိုပါတယ်။

ဒီမှာက အလုပ်ရဖို့ဆိုတာလည်း လွယ်တဲ့ထဲမပါပါဘူး။ ဖင်းစာရော၊ အလုပ်အတွေ့အကြုံရောရှိမှ ရဖို့နည်းနည်းလွယ်တာပါ။

ဘုရင့်နောင်လို ဖောင်ဖျက်ပြီး လာရမယ်ဆိုရင်လည်း ကိုယ့်ဘက်က လက်နက်ခဲယမ်း (ဖင်းစာ၊ အလုပ်အတွေ့အကြုံ၊ network) အပြည့်ပါလာအောင်လုပ်ပါ။

ဒီမှာကအလုပ်ရဖို့ပဲခက်တာပါ။ အလုပ်ရပြီဆိုရင် ကျန်တာ အကုန်အဆင်ပြေသွားပါပြီ။

စိတ်ဓာတ်ကျအောင်ပြောတာမဟုတ်ပါဘူး။

မြေပြင်မှာ တွေ့ကြုံနေရတာတွေ၊ ဖြစ်လာနိုင်တာတွေကို ကြိုတင်ပြင်ဆင်နိုင်အောင် ပြောပြတာပါ။

လူအချင်းချင်းလှည့်ပတ်ခြင်း ကင်းရှင်းကြပါစေ။

အားလုံးဖင်လန်လာချင်တဲ့ အိမ်မက်တွေ ပြည့်စုံကြပါစေ❤️🙏

24/07/2024

လေဆိပ်ကြို

21/07/2024

Helsinki မှာ Public Transportation ticket ရယ် ရထား (VR) လက်မှတ်ဘယ်လိုဝယ်မလဲ❓❓

20/07/2024

၁၇ ရက်နေ့က exchange rate ပါ။ ဖင်လန်ရောက်မှ ငွေလဲချင်တဲ့သူတွေအတွက်ပါ။ ထိုင်းမှာထဲကလဲထားရင်ပိုကောင်းပါတယ်။

16/07/2024

ဒီနေ့ gym ကအပြန်မှာ ကျွန်တော်က စက်ဘီးစီးပြီးပြန်လာတာ။ အဲ့ဒါ လမ်းမှာ ကလေးတွန်းလှည်းလေးရွေ့နေတာတွေ့ရော ဘေးမှာလည်းမိဘ ဘယ်သူမှမရှိဘူး။ အဲ့မှာ စက်ဘီးနဲ့သူတစ်ယောက်ကလည်း တွန်းလှည်းကို ဒီတိုင်းကျော်လာတာ ဂရုတောင်မစိုက်ဘူး။

ကျွန်တော်ထင်လိုက်တာတော့ ဟာလို့ ကလေးတွန်းလှည်း အထဲမှာလည်း ကလေးရှိလားမသိဘူးပေါ့။
စစချင်းကတော့ ဘယ်လိုမိဘတွေလည်းပေါ့ ကလေးက်ိုဒီတိုင်းထားထားရလားဆိုပြီး တစ်ခုခုဖြစ်တော့မှာပဲပေါ့။ ဘေးနားကဖြတ်လာတဲ့ စက်ဘီးစီးသူကလည်း နည်းနည်းလေးတောင် ပြန်လှည့်မကြည့်ဘူးပေါ့ ဘယ်လိုလူလဲပေါ့🥲(အပြစ်ကမြင်လိုက်သေး)

အဲ့တော့ တွန်းလှည်းဆီ စက်ဘီးအမြန်နင်းသွားတာပေါ့။ ကျွန်တော်ကလည်း မျက်မှန်မတပ်ထားတော့ အဝေးကိုသေချာမမြင်ရဘူး။ အနီးနားရောက်ပြီး သေချာကြည့်တော့မှ အဲ့တာက ကလေးတွန်းလှည်းဟုတ်မနေဘူး🤣

တွန်းလှည်းကိုစီးနေတာက အသက် ၅၀ ဝန်းကျင်အမျိုးသမီးထင်တယ်။ ခန္ဒာကိုယ်ကပုံမှန်သူတွေထက်သေးနေတော့ သူကအဲ့လှည်းအကူအညီနဲ့ အပြင်သွားနေတာ။

စက်လို့ပဲခေါ်မလား၊ ၄ ဘီးဆိုင်ကယ်လို့ပဲခေါ်မလားတော့မသိဘူး။ ကျွန်တော်အဲ့လို ယာဉ်တွေလည်းတွေ့ဖူးပါတယ်။ ဖင်လန်မှာများတယ်။ ဒါပေမဲ့ အခုဟာက ကလေးတွန်းလှည်းနဲ့တော်တော်တူတာ။

ပြီးတော့မှ အော်လို့အဲ့တာက လမ်းလျှောက်လို့အဆင်မပြေတဲ့သူတွေစီးတဲ့ဟာပါလားဆိုပြီး🥲🤣 သူကတော့ အေးဆေးပဲ control လုပ်တဲ့ ခလုတ်လေးနဲ့ မောင်းနေတာ။ ဒီမှာတော့ မဆိုင်တဲ့ စက်ဘီးစီးတဲ့သူရော၊ မရှိတဲ့ မိဘရောကို မေတ္တာတွေပို့လိုက်သေးတာ🥲

05/07/2024

စကားပြောရအောင်😁

05/07/2024

‼️Finland 🇫🇮residence permit ကိုယ့်ဘာကိုလျှောက်မယ်ဆိုရင်…‼️

1️⃣ ကိုယ်ကဘာ type အမျိုးအစားလျှောက်ရမှာလဲဆိုတာကိုသေချာ လေ့လာပြီးလျှောက်ကြပါ။

ငါက ပညာရေးနဲ့ပတ်သတ်ပြီးလျှောက်ရမှာဆိုတော့ RP for Studies ကိုပဲ အချိန်တိုင်းရွေးပြီးလျှောက်လို့မရပါဘူး။ ကျောင်းတွေက တစ်ကျောင်းနဲ့တစ်ကျောင်းမတူပါဘူး။ မှားလျှောက်မိတယ်ဆိုရင် process အချိန်ပိုကြာမှာပါ။

2️⃣ ကိုယ့်လျှောက်တဲ့ RP အပေါ်မူတည်ပြီး လိုအပ်တဲ့ documents တွေကိုသေချာစုပါ။

လိုအပ်တဲ့ Documents တွေကို Migr.fi မှာကြည့်ကြည့်လို့ရပါတယ်။ သေချာလေ့လာ စုဆောင်းပြီးထည့်လျှောက်ပါ။ Documents တွေမပြည့်စုံဘူးဆိုရင် process ပိုကြာနိုင်ပါတယ်

3️⃣ ကိုယ့်ရဲ့ Enter finland အကောင့်ကို နှစ်ရက်တစ်ခါလောက်တော့ အနည်းဆုံးဝင်စစ်ပါ။

Additional documents တွေလိုတယ်ဆိုရင် အဲ့အကောင့်ကိုပဲစာပို့မှာပါ။ ကိုယ်က mail ဝင်မစစ်ဖြစ်ဘူး၊ သူတို့ တောင်းတဲ့ဟာကို deadline မတိုင်ခင် မပို့လိုက်မိဘူးဆိုရင် visa reject ထိနိုင်ပါတယ်။

4️⃣ Visa process ကြာချိန်က ပုံသေမရှိပါဘူး။

အချို့သူတွေဆိုရင် တစ်ပတ်အတွင်းရပြီး အချို့သူတွေဆိုရင် တစ်လကျော်ပါတယ် မရပါဘူး။ Documents တွေမစုံရက်ပိုကြာနိုင်ပါတယ်။

အားလုံးသေချာလေ့လာပြီးလုပ်ဆောင်ကြပါနော်။

🇫🇮ဖင်လန်မှာ ကျောင်းလာတက်ချင်သူတွေအတွက် ကျွန်တော် ကျောင်းရှာ၊ ကျောင်းလျှောက်ပေးခြင်း၊ visa လျှောက်ပေးခြင်း ဝန်ဆောင်မှုများလည်း လုပ်ဆောင်ပေးနေပါတယ်ဗျ။

ကျွန်တော်နောက်လည်း အခုလို ဖင်လန်🇫🇮 နဲ့ပတ်သတ်ပြီး sharing လုပ်ပေးသွားမှာမို့လို့ ကျွန်တော့် page လေးကိုလည်း like and follow လေး လုပ်ပေးသွားပါအုန်း😁❤️ အားလုံးကိုကျေးဇူးတင်ပါတယ်ဗျာ။❤️
အားလုံးအဆင်ပြေကြပါစေဗျာ။😁❤️

Youtube - https://youtube.com/?si=Z1flArqV0onRCnyU

28/06/2024

Gym သွားတာ ရာသီဥတုတော်တော်ပူတာပဲတွေးနေတာ။ Temperature ကြည့်ကြည့်မှပဲ severe high temperature warning တဲ့🥲🥲

25/06/2024

‼️Apply Vocational School in English in August‼️

ကျွန်တော်ဒီနေ့ပြောပြပေးသွားမှာကတော့ ဖင်လန်ဘာသာစကားတတ်ထားစရာမလိုပဲ English လိုသင်ရမဲ့ Vocational program ဖြစ်ပါတယ်။ သူက English လိုအရင်သင်ပြီး တဖြည်းဖြည်း ဖင်းလိုပြောင်းသင်သွားမှာပါ။

ကျောင်းကတော့ 🏫 Riveria ပါ။

📆Application Period - 29.8.2024 - 11.9.2024
Studies start - 20.3.2025

📚Study fields - Baker and Cook 🧑‍🍳👩‍🍳

📍 Locations
Baker ကတော့ Nurmes မြို့မှာတက်ရမှာပါ။
Cook ကတော့ Lieksa မြို့မှာတက်ရမှာပါ။

📜 Requirements
- အသက် ၁၈ အထက်
- Passport
- အထက်တန်းအောင်လက်မှတ် (notary)
- Duolingo English Test above 85 ( အမှတ်များလေကောင်းလေပါပဲ)
- Motivation video 2 minutes
- Work experience certificate (မရှိလည်းရပါတယ်)

📝Motivation video Guidelines

- What are your expectations For the training? ( training ကနေဘာတွေရလာမယ်လို့မျှော်လင့်လဲ? Skills, experience, etc.)

- Why would you like to study in this training? (ဘာလို့ ဒီသင်တန်းတက်ချင်တာလဲ)

- What kind of challenges you might have in studying and living abroad? (ကိုယ်နိုင်ငံခြားမှာကျောင်းတက်ရင် တွေ့ကြုံလာရနိုင်တဲ့ အခက်အခဲတွေ)

- What kind of job and where do you dream of after the studies? ( သင်တန်းပြီးပြီဆိုရင် ဘာplan တွေရှိလဲ၊ ဘာဆက်လုပ်ချင်လဲ၊ ဘယ်လိုအလုပ်လိုချင်လဲ)

Application Procedure
- Duolingo test score ကို Riveria ကျောင်းကို တိုက်ရိုက်ပို့ပေးရပါမယ်။ Duolingo website မှာ ကိုယ့်ရဲ့ အမှတ်ကို ဘယ်ကျောင်းဆီပို့ချင်ပါတယ်ဆိုပြီး ရွေးပြီးပို့လို့ရပါတယ်။ အဲ့ကျောင်းနာမည်မှာ Riveria ကိုရွေးရမှာပါ။
- DES score ကိုလည်း PDF file အနေနဲ့ application မှာ ထည့်ပေးရပါမယ်။
- Motivation video ကိုလည်း Link အနေနဲ့ ထည့်ပေးရပါမယ်။
- Duolingo test score + Motivation video ကြည့်ပြီးအကောင်းဆုံးသူတွေကို interview ခေါ်မှာပါ။

📆Interviews (online): 7.10.2024 - 8.10.2024
Student selection: 18.10.2024

More information
👉 https://www.riveria.fi/in-english/studying-in-riveria/

December 2024 ကြရင်လည်း Vamia ကခေါ်ဖို့ရှိပါတယ်။ အဲ့တာလည်း ပြီးရင်ထပ်တင်ပေးပါမယ်ဗျ။

🇫🇮ဖင်လန်မှာ ကျောင်းလာတက်ချင်သူတွေအတွက် ကျွန်တော် ကျောင်းရှာ၊ ကျောင်းလျှောက်ပေးခြင်း၊ visa လျှောက်ပေးခြင်း ဝန်ဆောင်မှုများလည်း လုပ်ဆောင်ပေးနေပါတယ်ဗျ။

ကျွန်တော်နောက်လည်း အခုလို ဖင်လန်🇫🇮 နဲ့ပတ်သတ်ပြီး sharing လုပ်ပေးသွားမှာမို့လို့ ကျွန်တော့် page လေးကိုလည်း like and follow လေး လုပ်ပေးသွားပါအုန်း😁❤️ အားလုံးကိုကျေးဇူးတင်ပါတယ်ဗျာ။❤️
အားလုံးအဆင်ပြေကြပါစေဗျာ။😁❤️

16/06/2024

Happy Father’s Day ပါဖေဖေ

သားကို ငယ်ငယ်လေးထဲကနေ အခုထိ ပြုစုစောင့်ရှောက် ပေးခဲ့တဲ့အတွက် ကျေးဇူးအများကြီးတင်ပါတယ်ဖေဖေ။

သားကို ယောင်္ကျားတစ်ယောက်အနေနဲ့ ပြုမူ၊ နေထိုင်၊ ပြောဆိုတတ်အောင်သွန်သင်ဆုံးမပေးခဲ့တဲ့အတွက်လည်း ကျေးဇူးတင်ပါတယ်ဖေဖေ။ သားကို တွေးခေါ်ပုံ၊ ပညာအမွေတွေလည်းအများကြီးပေးခဲ့လို့ ကျေးဇူးတင်ပါတယ်ဖေဖေ။

သားတို့ညီအကို ၃ ယောက်ထဲမှာ သားက အဆိုးဆုံး၊ ပိုက်ဆံအသုံးဆုံးဆိုပေမဲ့ သားကို ချစ်ပြီး ပြုစုဆောင့်ရှောက်ပေးခဲ့တဲ့ အတွက်ကျေးဇူးတင်ပါတယ်ဖေဖေ။ အလိုလိုက်ပေးခဲ့တဲ့အတွက်လည်းကျေးဇူးတင်ပါတယ်။ 😁 သားဖြစ်ချင်တဲ့ ဆန္ဒတွေကိုလည်း ပြည့်အောင်ဖြည့်ဆည်းပေးတယ်။

အခြားသူတွေ သားကို အရမ်းစိုးရိမ်ပြီး ယုံကြည်မှုမရှိပဲ ပိတ်ပင်နေတဲ့အချိန်မှာ “ဖေဖေ့သားငယ်က တော်ပြီးသား” “ဖေဖေ့သားငယ်ကို ဖေဖေ ယုံပြီးသား” ဆိုပြီး ယုံကြည်ခဲ့တဲ့အတွက်လည်း တကယ်ကျေးဇူးအများကြီးတင်ပါတယ်ဖေဖေ။ သားအခုလို အတွေ့အကြုံတွေ၊ သင်ခန်းစာတွေရပြီး တိုးတက်လာတာလည်း ဖေဖေ ကျေးဇူးတွေအများကြီးပါပါတယ်။

Your faith in me means more than words can express.

ဖေဖေကိုလည်း ကာယကံ၊ ဝစီကံ၊ မနောကံ နဲ့ပြစ်မှားမိခဲ့တာတွေအတွက်လည်း ခွင့်လွှတ်ပေးဖို့တောင်ပန်ပါတယ်ဖေဖေ🙏 ဖေဖေ့ကျေးဇူးတွေ၊ မေတ္တာတွေကို သားကြီးလာလေ သိလာလေပါပဲ။❤️

သားလည်း တစ်ချိန်မှာ ဖေဖေ အားကိုးရတဲ့သားငယ်၊ ဂုဏ်ယူရတဲ့သားငယ်ဖြစ်အောင် ကြိုးစားနေပါတယ်။ ဖေဖေလည်း ကိုယ်၏ချမ်းသားခြင်း၊ စိတ်၏ချမ်းသာခြင်းနဲ့ပြည့်စုံနိုင်ပါစေ❤️

16/06/2024

09/06/2024

Pieksämäki မြို့ရဲ့ မနက် (၁)နာရီ အလှပဲဖြစ်ပါတယ်🌲🌳🐟 အေးချမ်းသာယာချက်ဆိုတာ….

̈mäki

02/06/2024

မိုးသီးကျတာလားမသိဘူး😬💧☔

30/05/2024

ဖင်လန်🇫🇮 ဆောင်းရာသီ ❄️ကို ကျော်ဖြတ်နိုင်တာတော့ဟုတ်ပါပြီ။ အခုတော့ ဖင်လန်ရဲ့ ခြင်တွေ🦟 လာတော့မှာပါ။ မြန်မာနိုင်ငံကခြင်တွေ ကြီးတယ်ဆိုတာ ဖင်လန်ကကောင်တွေ အိပ်နေသလောက်ပဲရှိတယ်။ 🥲

Photo credits to Very Finnish Problems

29/05/2024

အခုတော့ တကယ် နွေရာသီရောက်ပြီလို့ပြောလို့ရပြီ☀️ နေရာတိုင်းမှာ dandelions တွေကြီးပဲ။

25/05/2024

ဖင်လန်🇫🇮မှာအသက် ၁၅ နှစ်အရွယ်မိန်းကလေးရဲ့ရုပ်အလောင်းကို တောထဲမှာတွေ့ခဲ့ပါတယ်။ 💔

Date: 25.5.2024

ဖင်လန်နိုင်ငံ Valkeakoski မြို့ (ကျွန်တော်နေနေတဲ့မြို့) မှာဖြစ်ခဲ့တာပါ။ လူဦးရေ ၂၁၀၀၀ လောက်ပဲရှိတာပါ။

ဒီနေ့မနက်မှာ ရဲစခန်းကို ကလေး မနေ့ညက အိမ်ပြန်မလာကြောင်းတိုင်ခဲ့ပါတယ်။ အခုတော့ ကလေးငယ်ရဲ့ ရုပ်အလောင်းကို တောတစ်နေရာမှာတွေ့ရှိခဲ့ပါတယ်။

ရဲတွေကတော့ သူသတ်မှုဖြစ်ကြောင်းသတ်မှတ်ပြီး စုံစမ်းစစ်ဆေးရေးတွေလုပ်နေပါတယ်။

သတင်းအပြည့်အစုံကိုတော့ အောက်ကlink မှာဖတ်လို့ရပါတယ်။

Poliisi tutkii tapausta tappona. Tutkinnanjohtaja ei kommentoi, onko poliisilla epäiltyä.

20/05/2024

ဖင်လန်🇫🇮ကို ကျောင်းလျှောက်ရင် ဖင်းဘာသာစကား (သို) English ဘယ်ဟာနဲ့လျှောက်သင့်လဲ❓

🇫🇮ဖင်လန်မှာ ကျောင်းလာတက်ချင်သူတွေအတွက် ကျွန်တော် ကျောင်းရှာ၊ ကျောင်းလျှောက်ပေးခြင်း၊ visa လျှောက်ပေးခြင်း ဝန်ဆောင်မှုများလည်း လုပ်ဆောင်ပေးနေပါတယ်ဗျ။

ကျွန်တော်နောက်လည်း အခုလို ဖင်လန်🇫🇮 နဲ့ပတ်သတ်ပြီး sharing လုပ်ပေးသွားမှာမိုလို ကျွန်တော့် page လေးကိုလည်း like and follow လေး လုပ်ပေးသွားပါအုန်း😁❤️ အားလုံးကိုကျေးဇူးတင်ပါတယ်ဗျာ။❤️
အားလုံးအဆင်ပြေကြပါစေဗျာ။😁❤️

16/05/2024

မှန်လိုချင်နေတာ စျေးတန်တာတွေ့လို့ သွားဝယ်ပြီး သယ်လာတာ လက်ထဲ ၁၅ မိနစ်လောက်ပဲခံလိုက်တယ်🥲။

Before: After 15 mins:

12/05/2024

မေမေ့ဆီသို့

သားကို လူ့လောကထဲမရောက်ခင်ကတည်းကစပြီး ဒီနေ့အထိ လူတလုံးသူတလုံးဖြစ်အောင် ကျွေးမွေးပြုစု စောင့်ရှောက်ပြီး သွန်သင်ဆုံးမပေးခဲ့တဲ့အတွက် ကျေးဇူးအများကြီးတင်ပါတယ်မေမေ။❤️

သားသုံးယောက်ထဲမှာ အလိမ္မာဆုံးသား မဟုတ်ပေမဲ့ သားကို မိခင်မေတ္တာအပြည့်နဲ့ ပြုစုပျိုးထောင်ပေးခဲ့တဲ့ မေမေ့ရဲ့ တုနှိုင်းမဲ့မေတ္တာက သားအပေါ်မှာကြီးမားလှပါတယ်။ မေမေရဲ့ အဝေးမှာ နေနေပင်မဲ့ မေမေ ကျေးဇူး၊ မေမေမေတ္တာကိုသားတစ်ရက်မှ မမေ့ပါဘူးမေမေ။ သားစိတ်ဓာတ်ကျ ပင်ပန်းတဲ့အချိန်တိုင်း၊ ဝမ်းနည်းတဲ့အချိန်တိုင်းအတွက် မှီခိုစရာအရိပ်လိုမျိုးအမြဲရှိနေပေးတဲ့အတွက်ကျေးဇူးအများကြီးတင်ပါတယ်မေမေ။❤️

မေမေ့ကို ကာယကံ ဝစီကံ မနောကံတို့နဲ့ ပြစ်မှားခြင်း၊ ကျေးဇူးကန်းခြင်း၊ စိတ်နှလုံး ပင်ပန်းအောင်လုပ်ခဲ့သမျှအတွက်လည်း သားကို ခွင့်လွှတ်ပေးဖို့ ဝန်ချတောင်ပန်ပါတယ်မေမေ။ 🙏

မေမေ အားကိုးယုံကြည်ရတဲ့သား၊ ဂုဏ်ယူ ပီတိဖြစ်ရတဲ့သား၊ မေမေ ဖြစ်ချင်တဲ့ ဘယ်အရာမဆို လိုလေသိမ့်မရှိအောင် ဖြည့်ဆည်းပေးနိုင်တဲ့သား၊ မိဘကျေးဇူးပြန်ဆပ်နိုင်တဲ့သားဖြစ်အောင်လည်း သားကြိုးစားနေပါတယ်။ 😁❤️

မေမေလည်း စိတ်၏ချမ်းသာခြင်း၊ ကိုယ်၏ကျန်းမာခြင်းနဲ့ပြည့်စုံဖို့ သားဆုတောင်းပေးပါတယ်မေမေ။❤️

ပျော်ရွှင်စရာအမေများနေ့ပါမေမေ❤️

Happy Mother’s Day to the anchor of my life, whose love knows no bounds.

မေမေ့ကိုအရမ်းချစ်သော
သားအလတ် အောင်ခန့်မင်း

09/05/2024

🇫🇮ဖင်လန်က သစ်ပင်🌲တွေနဲ့သာယာပါတယ်☀️

02/05/2024

‼️ငွေလွှဲ လူလိမ် သတိပြုရန်‼️

ပိုက်ဆံလွှဲတော့မယ်ဆိုရင် ပိုက်ဆံလွှဲပေးမဲ့သူ/page အကြောင်းကိုသေချာ လေ့လာစုံစမ်းကြပါ။

follower တွေကြည့်ပါ၊ review တွေကြည့်ပါ။ သူတို့ page မှာတင်ထားတဲ့ review တွေကိုပြောတာမဟုတ်ပါဘူး။ တစ်ကယ့် legit ဖြစ်တဲ့ဟာတွေကိုပြောတာပါ။

ကျွန်တော်ကို အခုလေးတင်အကိုတစ်ယောက်က page တစ်ခုက သိန်း ၃၀၀ လောက်လိမ်သွားတယ်ပြောလို့ပါ။ 😢

လွှဲမယ်ဆိုရင်လည်း ပမာဏ အများကြီးတစ်ခါတည်းမလွှဲဖို့အကြံပေးပါတယ်။ ခွဲခွဲပြီးလွှဲပါ။

လူအချင်းချင်းလှည့်ပတ်ခြင်း ကင်းရှင်းကြပါစေ။ 🙏

02/05/2024

အုံ…. ဒီနေ့ကျောင်းလျှောက်တဲ့သူတွေ ကျောင်းရစေ🪄😆❤️

29/04/2024

‼️သိန်း ၃၀၀ နဲ့ ဖင်လန်🇫🇮 လာလို့ရလား❓

ကျွန်တော်ကို ဖင်လန်ကိုလာရင် ဘယ်လောက်ကုန်မလဲမေးတဲ့သူတွေအတွက် ဖင်လန်ကိုလာရင်ကုန်မဲ့ကုန်ကျစရိတ် အကြမ်းဖျင်းလေးတွက်ပြပေးထားပါတယ်ဗျ။ဖင်လန်နိုင်ငံကိုလာရင်လည်း show money ပိုက်ဆံထုတ်ပြီးယူလာလိုရပါတယ်ဗျ။

ဒါကကျွန်တော် € ပေါက်စျေး ၄၂၅၀ နှုန်း၊ ဗဟိုဘဏ်စျေး ၂၃၀၀ စျေးနဲ့ရတုန်းက ရိုက်ပေးတဲ့ video ပါဗျ။ အခုတော့ ဒီထက်စျေးပိုနိုင်ပါတယ်။

🇫🇮ဖင်လန်မှာ ကျောင်းလာတက်ချင်သူတွေအတွက် ကျွန်တော် ကျောင်းရှာ၊ ကျောင်းလျှောက်ပေးခြင်း၊ visa လျှောက်ပေးခြင်း ဝန်ဆောင်မှုများလည်း လုပ်ဆောင်ပေးနေပါတယ်ဗျ။

ကျွန်တော်နောက်လည်း အခုလို ဖင်လန်🇫🇮 နဲ့ပတ်သတ်ပြီး sharing လုပ်ပေးသွားမှာမို့လို့ ကျွန်တော့် page လေးကိုလည်း like and follow လေး လုပ်ပေးသွားပါအုန်း😁❤️ အားလုံးကိုကျေးဇူးတင်ပါတယ်ဗျာ။❤️
အားလုံးအဆင်ပြေကြပါစေဗျာ။😁❤️

27/04/2024

25/04/2024

Friendly reminder‼️ Finland 🇫🇮မှာက နယ်ဘက်မှာနေရင်စျေးပိုသက်သာတယ်ပြောကြလို့ပါ။ အမှန်က နယ်ဘက်ကပိုစျေးကြီးတာပါဗျ။🥲

နေမယ်ဆိုရင် မြို့ကြီးတွေပဲရွေးနေဖို့ပိုအားပေးပါတယ်။

အခုနယ်ဘက်ကကျောင်းသား/ကျောင်းသူတွေဆိုရင် တစ်လ အိမ်ငှါးခတင် ၄၀၀€ ပေးရပါတယ်။ မြို့ကြီးမှာကျောင်းသားတွေနေမယ်ဆိုရင် Student apartment (အခန်းတစ်ခန်း) ငှါးမှ ၃၀၀€ ဝန်းကျင်ပဲကုန်တာပါ။ ရေဖိုး၊ မီးဖိုး၊ အဝတ်လျှော်တာ၊ gym၊ sauna အကုန်အပါအဝင်ပါ။

မြို့ကြီးရွေးပြီဆိုရင်လည်း မြေပုံမှာမြို့ကကြီးတိုင်းမရွေးပါနဲ့အုံး အလုပ်အကိုင်အခွင့်အလမ်း ရှိရဲ့လားလဲကြည့်ကြပါ။ ဥပမာ - Joensuu ဆိုရင်မြို့ကကြီးပေမဲ့ အလုပ်ရဖို့ကတော့ခက်ပါတယ်။

Living expense အကြောင်းဒီမှာကြည့်လို့ရပါတယ်ဗျ။

https://www.facebook.com/share/v/AQ3vdRjop8D8ZUT2/?mibextid=WC7FNe

22/04/2024

Tampere သင်္ကြန်

20/04/2024

Tampere မှာ လူတွေအဲ့လောက်အများကြီး ဘာများဖြစ်တာလဲလို့ Ice hockey ပွဲပြီးလို့ ထွက်လာတဲ့ လူအုပ်ကြီးဖြစ်နေတယ်🥲

ဖင်းတွေက ice hockey ကိုတော့ရှယ်အားပေးကြတာ😂

18/04/2024

‼️High School in Finland ရှယ်ပဲ‼️

ကျွန်တော်တို့ဒီနေ့ ကျွန်တော့်တို့မြို့က HS မှာ promotion သွားလုပ်ရတာ။ သူတို့ကျောင်းက ရှယ်ကြီးပဲ။ ကျွန်တော့် Uni building ထက်ပိုကောင်းတယ်။ ဆောက်တာလည်းနောက်ကျတော့ပိုပြီး modern ဆန်တာဟုတ်ပါတယ်😅

ကျွန်တော့် သူငယ်ချင်းတွေဆိုရင် ဒီအဆောက်အဦးငါတို့အတွက်ဖြစ်ရမှာဆိုပြီးတောင်ပြောကြတာ။
အချို့ပုံတွေကတော့ internet ကနေရှာထားတာပါ။ သူတို့ရိုက်ထားတာပိုလှလို့😂

‼️ဒီကျောင်းမှာတက်မယ်ဆိုရင် HAMK University degree International Business major ကို ဝင်ခွင့်မဖြေပဲတက်လို့ရပါတယ်။ ‼️