ፈጅር ሚዲያ /fejir media

01/03/2020

ለማግባት ላሰባችሁ || ትዳር ውስጥ ላላቹ || ጠቃሚ መረጃ || የትዳር መፍረስ መንስኤዎች እና መፍትሔዎቻቸው ..... ...... ያድርጉ.... እንዲሁም የደወል ምልክቷን በመጫን ቤተሰብ ይሁኑ ...

26/02/2020

ኩብለላ
፨፨፨፨፨
(ክፍል አንድ)
ከ “የፍቅር በረከት” መጽሐፍ
፨፨፨፨፨፨፨፨፨፨፨፨፨??
ተፃፈ በሙሐመድ ሰዒድ (ABX)
💛💛💛🕊 🕊 💛💛💛

እራስጌዬ ትራስ ሥር ያኖርኩት ስልኬ በተደጋጋሚ ጥዝ ጥዝ ጥዝ … ይላል፡፡ ንዝረት ላይ ነበር ያደረግኩት፡፡ ልየው አልየው እያልኩ ጥቂት አመነታሁ፡፡ ደጋግሞ ሲጠራ እጄን ሰድጄ አነሳሁት፡፡ ዐይኔን በስሱ ከፍቼ ለማየት ሞከርኩ፡፡ የብርሃኑ ክብደት ዐይኔን ፋቀው፡፡ እንደምንም ተጭኜ አየሁት፡፡ የማላውቀው ስልክ ሆነብኝ - ቁጥር፡፡

ማነው በዚህ ሰዓት ሊደውል የሚችል ብዬ አሰብኩ፡፡ ዳበስ አርጌ እንደምንም ብዬ ወደጆሮዬ አስጠግቼ “ሃሎ” አልኩኝ፡፡

ከወዲያ በኩል የመግቢያ ቃል እና ሠላምታ የሌለው ድምፅ ተሰማኝ፡፡
“ዝም ብለህ ዱዓእ አድርግልኝ፤ አሁን ምንም የምነግርህ ነገር የለኝም፤ ዝምብለህ ዱዓእ አድርግልኝ፡፡” የሚል የሴት ድምጽ፡፡
የድምፁን ባለቤት ለማወቅ ብዙ አልፈጀብኝም፡፡ ዘሀራ ናት፡፡
ዘሀራ … ዘሀራ … ዘሀራ…. ከተጠፋፋን ቆየን፡፡ አቤት!.. ከስንት ዓመት በኋላ ዛሬ መደወሏ ነው!፡፡ ግራ እንደተጋባሁ ስልኩን መልሼ ዘጋሁት፡፡

ምን ሆና ይሆን?! … ምን ገጥሟት ይሆን? … በዚህ ሰዓት ምን የሚያስደዉል ከባድ ነገር ተገኘ? … ምን ሊሆን ይችላል ብዬ ብዙ ነገር አሰብኩ፡፡ አወጣሁኝ አወረድኩኝ፡፡ ምን ሊሆን ይችላል! … ምን ቸግሯት ይሆን? …
መልሼ ስልኩን አነሳሁ፡፡ ሰዓቱን አየሁ፡፡ ከሌሊቱ ስድስት ሰዓት ከአሥራ ስምንት ደቂቃ፡፡ ሌሊቱ የገፋ መስሎኝ ነበር፤ ለካ ገና ነው፡፡ ከዚያች ቅጽበት ጀምሮ “ዝም ብለህ ዱዓእ አድርግልኝ!” የሚለው ድምፅ በተደጋጋሚ ያቃጭልብኛል፡፡ እንዴት ልተኛ!።
ከራሴ ጋር ጥቂት አወራሁ፡፡ ደግሞ እኔን ብሎ ዱዓእ አድራጊ፡፡ ሰው እንዴት ዱዓ አድርግልኝ ለማለት ብቻ አስቦ በዚህ ሰዓት ይደውላል? ብቻ የከበዳት ነገር አለ። አንዳንድ ሰዎች ይገርሙኛል። ትንሽ በሆነ አጋጣሚ ካወቁህ “ዱዓእ አድርግልኝ፣ በዱዓ አትርሣኝ” ነው ጥያቄያቸው፡፡ ከጥያቄዎች ሁሉ የሚያሸማቅቀኝ ይሄ ነው፡፡ እኔን “ሰው” አድርገው ሲያስቡኝ፡፡ እኔን ብሎ ዱዓ አድራጊ … ማፈሪያ፡፡ ያም ሆነ ይህ በአጋጣሚው ከራሴ ጋር ብዙ አወራሁ፡፡ ይሁና እስቲ።
ከስልኩ በኋላ እንቅልፍ የሚባል ነገር ከዐይኔ ብን ብሎ ጠፋ፡፡ የታባቱ እንደገባ እንጃለት፡፡ የሰው ሀሳብ የኔ ሆኖ ዉስጤ ገባና ጨነቀኝ፡፡ ዘሀራንና ጉዳዩዋን በሀሳቤ እንዳኖርኩ፣ ምን ሆና ይሆን ብዬ ራሴን እንደጠየቅኩ እንዳስጨነቅኩ፣ ጭንቀቷን እንደተጋራሁ … አላህ የኸይር እንዲያረገዉና ጭንቀቷን እንዲያነሳላት እንደተማፀንኩ አይነጋ የለ ሌቱ ነጋ፡፡ በርግጥም ከባድ ሌሊት ነበር፡፡

ጠዋት ላይ ደወልኩላት፡፡ የሆነዉን ሁሉ በዝርዝር ነገረችኝ፡፡ በዕድሜ ብዙ ታላቋ ነኝ፡፡ ከልጅነቷ ጀምሮ ነበር የማውቃት፡፡ የተጓዘችበትን የሕይወት ታሪኳን በቅርበት አስታውሳለሁ፡፡
፧
በትንሹ አሥራ አራት ዓመታትን ወደኋላ ተመለስኩ፡፡ በተለይ በወጣትነት ዘመኗ ያለፈችበትን ሕይወት በትዝታ ቃኘሁ፡፡ ….
ያኔ የኮሌጅ ተማሪ ነበረች፡፡ ቆንጆ ናት፡፡ ወጣት ናት፡፡ የተከበረ ቤተሰብ ልጅ ናት፡፡ ሀብታም የሀብታም ልጅ ናት፡፡ በዚያም ላይ ጥሩ ዲን አላት፡፡ ኢማን አላት፡፡ ሥነምግባር አላት፡፡ ሰፊ ቤተሰብና ብዙ ወንድምና እህቶች አሏት፡፡ እንዲህ ጥሩ ነገሮቿ በመብዛታቸው ነው መሠለኝ ፈላጊዎቿም በዙ፡፡ ዐይኖች ከወዲህ ወዲያ አረፉባት፡፡ ስለሷ የትዳር ፍላጎትና አመለካከት መረጃ ፈላጊዎች በረከቱ፡፡ በቀጥታም ይሁን በተዘዋዋሪ ጠያቂዎቿ ፋታ ነሷት፡፡ አንደኛው በሽማግሌ፣ ሌላው በጓደኛ፣ ሌላኛው በፊትለፊት

30/01/2020

የሙስሊሞች ትዳር ለምን ይፈርሳል||ክፍል ሁለት

https://youtu.be/gYdjrfDu8Og

አስተማሪ እና መልእክት አዘል የሆኑ ማስታወሻዎችን፣ ትረካዎችን፣ አነቃቂ ንግግሮችን እንዲሁም ዳዕዋዎችን የምታገኙበት የናንተው ቻናል

ቴሌግራም ላይ ይቀላቀሉን

telegram channel: t.me/fejir2

ለ YouTube :

https://m.youtube.com/channel/UCMLK0-sZXXZzxJKn0NhTJ-A

Subscribe ማድረግ እንዳይረሱ https://m.youtube.com/channel/UCMLK0-sZXXZzxJKn0NhTJ-A Marriage problems የሙስሊሞች ትዳር ለምን ይፈርሳል ክፍል ሁለት ክፍል አንድን ያላያችሁ ተመልካቾች ከስር የተቀመጠውን...

26/01/2020

አብረን እንደግ.
ዱንያ ሩጫ ናት፡፡ ስትቀድም አንደኛ ነህ ተብለህ የምትሸለምበት ዓለም፡፡ ሁሉን ጣጥለህ ብቻህን ስትገባ የምትደነቅበት ምድር፡፡

በዲን ዓለም ዉስጥ ግን ጥሎ መግባት አይበረታታም፡፡ ራስ ወዳድነት አይመከርም፡፡ ሰዎች ስለ ራሣቸው ነፍስ ብቻ ሳይሆን ስለ ሌሎችም እኩል መጨነቅ አለባቸው፡፡ “ለራሣችሁ የምትወዱትን ለወንድማችሁ እስካልወደዳችሁ ድረስ በርግጥ አላመናችሁም፡፡” ይላል ሐዲሡ፡፡

በመንፋሳዊነት ዓለም ክብርህ የበለጠ ከፍ የሚለው የደረሰህን መልካም ነገር ለሌላው ሼር ስታደርግ፣ በጎ ለሚሠሩት ላይክ ስትገጭ፣ ወደኋላ የቀረዉን ስትጎትት፣ የደከመዉን ስታግዝ፣ የወደቀዉን ስታነሳ ነው፡፡ ረሱላችን ስለኛ እንዳሰቡ ነው ወደ አኺራ የተሸጋገሩት፡፡ ስለጠፉት ህዝቦቻቸው እንደተጨነቁ ነው ይህንን ዓለም የለቀቁት፡፡
ዱንያ ላይ ስትኖር ልክ እንደመጀሪያ ልጅ ልትሆን ግድ ይልሃል፡፡ ተጠባቂ እንጂ ጠባቂ አትሁን፣ ተረጂ ከመሆን እርዳታ ሰጭ ለመሆን ጣር፡፡ የሚያሻግርን ከምትጠብቅ አሻጋሪ ሁን፡፡

በመጀመርያ ልጅ ላይ ሁሌም ጫና ይበዛል፡፡ ታናናሾቹን ከወደቁበት ጎትቶ ከማስነሳት ጀምሮ እስከ ተሸክሞ ማሳደግ ይደርሳል ልፋቱና ድካሙ፡፡ ቢከብደውም ትችላለህ ተሸከም ይባላል፡፡ በዚያዉም ትከሻው እየደነደነ ያድጋል፡፡ እኛም እንዲሁ የተሠጠንን ዕውቀትና አቅም በመጠቀም በዲን ዉስጥ ብዙ ልጆችን እናሳድግ፡፡ ትንሽ ብትሆንም ከዕውቀት፣ ከሀሳብም ሆነ ከጉልበት የተሠጣችሁን አካፍሉ፡፡ እንዲያ ስንሆን እኛ እናድጋለን፤ ሌሎችንም እናሳድጋለን፡፡

ሌሎችንም ሆነ የሌሎችን ጉዳይ መሸከም መቻላችን ትልቅ ለመሆናቸውን ማሳያ ነው፡፡ የሌሎችን ሀሳብ ከባለቤቱ በላይ ተሸክመው የሚዞሩ ብዙ አዛኝ አማኞች አሉ፡፡ ዲን መተሳሰብ ነውና፡፡
ሰዉን መሸከም ሲባል ሲሞት ጀናዛዉን ተሸክሞ ወደ መቃብር መውሰድ ሳይሆን አሁን በሕይወት እያለ አካሉን፣ ሀሳቡንና ጭንቀቱን መጋራት ነው፡፡

እንዲህ ማዶ ለማዶ ተለያየተን የቀረነው መሸካከም ስላቃተን እኮ ነው

አስተማሪ እና መልእክት አዘል የሆኑ ማስታወሻዎችን፣ ትረካዎችን፣ አነቃቂ ንግግሮችን እንዲሁም ዳዕዋዎችን የምታገኙበት የናንተው ቻናል

ቴሌግራም ላይ ይቀላቀሉን

telegram group: t.me/fejirmedia
telegram channel: t.me/fejir2

Whatsapp: https://chat.whatsapp.com/BlNXkoD8nhLGBRXYoQsUTe

አስተማሪ እና መልእክት አዘል የሆኑ ማስታወሻዎችን፣ ትረካዎችን፣ አነቃቂ ንግግሮችን እንዲሁም ዳዕዋዎችን የምታገኙበት የናንተው ቻናል ቴሌግራም ላይ ይቀላቀሉን telegram group: t.me/fejirmedia te...

26/01/2020