Addis ketema woreda 11 comuncation

29/03/2023

ከነገ መጋቢት 21-2015ዓ.ም ጀምሮ ተጥሎ የነበረው የአዲስ መታወቂያ አገልግሎት እገዳ በከፊል የተነሳ መሆኑን የአዲስ ከተማ ክ//ከተማ ወሳኝ ኩነትና መረጃ ጽ/ቤት አስታወቀ፡፡
****************************
ጉዳዩን አስመልክቶ መግለጫ የሰጡት የጽ/ቤቱ ሃላፊ አቶ አለልኝ ተስፋ እንደ ከተማ አሰተዳደር በተለያዩ ምክንያቶች አዲስ የነዋሪነት ምዝገባ እና የነዋሪነት መታወቂያ አገልግሎት ታግዶ የቆየ መሆኑ የሚታወቅ ሲሆን ከነገ ጀምሮ አዲስ የነዋሪነት አገልግሎት ላይ ተጥሎ የነበረው እገዳ በከፊል የተነሳ መሆኑን አስታውቀዋል፡፡

በዚህም መሰረት
1ኛ. 👉 ለሃገር መከላከያ ሰራዊት አባላት እና ቤተሰቦቻቸው (የትዳር አጋር፣ ልጆች እና የሚያስተዳድሯቸዉ)
2ኛ. 👉 ለህዝብ እንደራሴዎች፣
3ኛ. 👉 በከተማ አስተዳደሩ ወይም በፌደራል ተቋማት እያገለገሉ ላሉ የመንግስት ሰራተኞች እንዲሁም
4ኛ. 👉 አንደኛው የትዳር አጋር በከተማው ነዋሪ ሆነው ሌላኛው የትዳር አጋር በዝዉዉር በከተማው በነዋሪነት ለመመዝገብ የጋብቻ ማስረጃ በማቅረብ ጥያቄ ለሚያቀርቡ የትዳር አጋሮች፤

ከሚሰሩበት ተቋም ሰራተኛ ስለ መሆናቸዉ በአድራሻ ለሚመዘገቡበት ወረዳ ጽ/ቤታችን ማስረጃ እንዲሁም የትዳር አጋር ሆነዉ ሲገኝ የጋብቻ ማስረጃ እንዲያቀርቡ በማድረግ የቆይታ ጊዜ ሳይጠብቁ የመታወቂያ አገልግሎቱን የሚያገኙ መሆኑን አቶ አለልኝ በሰጡት መግለጫ አስታውቀዋል፡፡


ከላይ ከተገለፁት ውጭ አዲስ መታወቂያ ለማውጣት መሸኛ ይዘው ጥያቄ የሚያቀርቡ አመልካቾች አስመዝጋቢዉ ነዋሪ አስፈላጊውን ቅድመ ሁኔታ እንዲያሟላለቸዉ በማድረግ እና የግዴታ ፎርም በማስሞላት በነዋሪነት እንዲመዘገቡና ለአገልግሎቱ የቆይታ ጊዜ ቀጠሮ የሚሰጣቸው ይሆናል ብለዋል፡፡

መጋቢት 20-2015ዓ.ም

10/03/2023

በአዲስ ከተማ ክፍለ ከተማ ወረዳ 11 የኑሮ ውድነትን ለመቀነስና የማህበረሰቡን ችግር ለመቅረፍ እየተከናወነ ያለው ስራ እንደቀጠለ ነው።
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
የአዲስ ከተማ ክፍለ ከተማ ወረዳ 11የገበያ መረጋጋትና የኑሮ ውድነት ለመቀነስ በሪቮልቪንግ ፈንድ የተገኘውን ጤፍ የሽያጭ ዋጋና የምርት አቅርቦት በስፋት መኖሩን በቦታው በመገኘት ምልከታ አድርጓል።

የወረዳው ህብረት ስራ ጽ/ቤት ኃላፊ ወ/ሮ ማዕበል አለማየሁ እንደገለጹት የህብረተሰቡን ችግር ለመቅረፍ ብሎም የኑሮ ውድነትን ለማረጋጋት ዘርፈ ብዙ ስራዎች እየተሰራ ነው በዚህም የከተማ አስተዳደሩ በተፈቀደ የሪቮልቪንግ ፈንድ መሰረት በተመጣጣኝ የዋጋ መጠን ጤፍ በወረዳችን እንዲደረስና ህብረተሰቡ በተመቻቸለት የሸማች ማህበራት በመሄድ እንዲገበያዩ ማድረግ ችለናል ብለዋል።

በምልከታው ህብረተሰቡ ከአቅሙ በላይ ከነጋዴ ገንዘቡን እንዳይበዘበዝ፣ የጤፍ ምርት በአይነት፣በጥራትና በተመጣጣኝ ዋጋ እንዲቀርብ ለማስቻል በወረዳ መጋዘኖች ከ300 ኩንታል በላይ ጤፍ መኖሩን ያየንበትና በቀጣይም ወደ መጋዘኖች ለማስገባት አቅደናል ብለው መጪውን በዓላት ተከትሎ ምንም አይነት የዋጋ ንረት እንዳይኖር ከወረዳውና ከሚመለከተው አካላት ጋር ተቀናጅተን እንሰራለን ሲሉ ኃላፊዋ አክለው ተናግረዋል።

የ1 ኪ.ሎ ጤፋ ዋጋ ከ 64 ብር ከ 50 ሣ ጀምሮ እየተሸጠ መሆኑን ተከትሎ ህብረተሰቡም መንግስት ላበረከተው የኑሮ ውድነትና የዋጋ ማረጋጋት ስራ እያመሰገኑ መሆኑንም ተስተውላል ብለዋል።

ዘገባው የወረዳ11ኬሙንኬሽን ፅ/ቤት ነው።
መጋቢት 01/2015 ዓ.ም

01/03/2023

127ኛው የአድዋ ድል በዓል በድምቀት ተከበረ ።
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
ጀግኖች ኢትዮጵያውያን ከዛሬ 127 ዓመታት በፊት ወራሪውን የጣልያን ጦር በአንድነት መክተው ድል ያደረጉበት 127ኛው የአድዋ ድል መታሠቢያ ክብረ በዓል በአዲስ ከተማ ክፍለ ከተማ ወረዳ 11 ፊሊጶስ የመጀመሪያ ደረጃ ት/ት ቤት በድምቀት ተከበረ ።

በዕለቱ የተለያዩ በዓሉን የሚዘክሩ የኪነ_ጥበብ መርሃ ግብሮች ሲከናወኑ ጥሪ የተደረገላቸው የመንግስት የስራ ሃላፊዎችና መምህራን ተገኝተው የበዓሉ ተካፋይ ሆነዋል ።

ት/ት ቤቱ በየአመቱ የአድዋ ድል ክብረ በዓልን ምክንያት በማድረግ ደማቅ ዝግጅቶችን እያካሄደ አንድ አንድ የመማሪያ ክፍሎችን በተጽዕኖ ፈጣሪ ግለሰቦች የሚሠይም ሲሆን በዘንድሮው 127ኛው የአድዋ ድል ክብረ በዓል ላይ በበጎ አድራጎት ዘርፍ ከፍተኛ ተጽዕኖ በፈጠሩት የባይሽ ኮልፌ የበጎ አድራጎት ማህበር እና በአመቱ የበጎ ሰው ሽልማት አሸናፊ ሄኖክ ፍቃዱ ስም አንድ ክፍል ተሠይሟል ።

በዝግጅቱ ላይ የተገኙ የስራ ሃላፊዎችም ጀግንነትን ከአድዋ ድል አርበኞች በመውሠድ ተማሪዎች በውጤታቸው የተሻለ ደረጃ ላይ እንዲደርሱ መልዕክቶቻቸውን አስተላልፈዋል ።

ዘገባው የወረዳው ኮሙኒኬሽን ጽ/ቤት ነው ።
የካቲት 2015 ዓ.ም

08/02/2023

ጠቅላይ ሚኒስትር ዐቢይ አሕመድ በወቅታዊ ጉዳዮች ዙሪያ ከመንግስት ከፍተኛ የስራ ኃላፊዎች ጋር ተወያይተዋል‼️

01/02/2023

በአዲስ ከተማ ክፍለ ከተማ አስተዳደር በወቅታዊ ሀገራዊና ከተማዊ ሁኔታ ላይ ከክፍለ ከተማው ነዋሪዎች ጋር ውይይት አደረገ።
*********************
"ህብረ-ብሔራዊ ወንድማማችነትና እህትማማችነት ለሀገራዊ ብልፅግናችን ስኬት " በሚል መሪ ቃል በተካሄደው በዚህ መድረክ ላይ ከተለያዩ የህብረተሰብ ክፍሎች የተወጣጡ የክፍለ ከተማው ነዋሪዎች ተሳትፈዋል።

በምክትል ከንቲባ ማዕረግ የከተማ ውበትና አረንጓዴ ልማት ቢሮ ኃላፊዶ/ር ጀማል ጀንበሩ፣ የአዲስ አበባ ከተማ አስተዳደር ስፖርት ቢሮ ኃላፊ አቶ በላይ ደጀን እና የአዲስ ከተማ ክፍለ ከተማ ዋና ስራ አስፈፃሚ ወ/ሮ ሽታዬ መሐመድ በመሩት ህዝባዊ የውይይት መድረክ ከለውጡ ማግስት በተሰሩ ስኬታማ ስራዎች፣ ፋይዳዎቻቸውና ተግዳሮቶች እንዲሁም መፍትሔዎቻቸውን መሰረት አድርጎ አሁን የሚገጥሙ ፈተናዎች መሻገርያ ላይ ትኩረት በማድረግ ውይይት ተደርጓል፡፡

31/01/2023

በሀገራዊና ከተማዊ ወቅታዊ ጉዳዮች ዙርያ ትኩረት ያደረገ ውይይት በአዲስ አበባ ከተማ ተካሄደ፡፡

የብልጽግና ፓርቲ ምክትል ፕሬዚዳንት አቶ አደም ፋራህ እና ከንቲባ አዳነች አቤቤ በመሩት ስብሰባ አዲስ አበባ ከተማ ከለውጡ ወዲህ ባሳካቻቸው ስራዎች፣ ፋዳዎቻቸውና ተግዳሮቶች እንዲሁም መፍትሔዎቻቸውን መሰረት አድርጎ አሁን የሚገጥሙ ፈተናዎች እንዴት መሻገር እንደሚገባ ትኩረት ያደረገ ውይይት ተካሂዷል፡፡

አዲስ አበባ ከተማ በርካታ ታላቅ ፕሮጀክቶችን በመገንባት የከተማዋን ገጽታ መቀየር ከመቻሏም በላይ በሰው ተኮር የልማት ስራዎች የህዝቡን ችግሮች ማቅለል ያስቻሉ ውጤቶች መመዝገባቸውን ከንቲባ አዳነች ገልጸዋል፡፡

እነዚህ ታላላቅ ስኬቶች ዕውን መሆን የቻሉት በፈተና ውስጥም ቢሆን በጥበብና በላቀ ትጋት ሕዝቡን በማሳተፍ መምራት በመቻሉ መሆኑን ገልጸዋል፡፡

የስብሰባው ተሳታፊዎች በበኩላቸው ከተማዋ ያስመዘገበቻቸው ውጤቶች አመራሩ በእምነትና በዕውቀት ስራውን መምራት በመቻሉ መሆኑን ጠቅሰው ከስኬቶች በመማር ለቀጣይ የላቀ ስራ መስራት እንደሚገባ አሳስበዋል፡፡

የከተማ አስተዳደሩ አብዛኛው አመራር ተልእኮውን በብቃት ለመወጣት ጥረት እያደረገ ቢሆንም አንዳንድ አመራሮችና የመንግሰት ሰራተኞች በመሬት ወረራ እና በሌሎች የሌብነት ስራዎች ውስጥ የሚሳተፈፉ መሆኑን አንስተው የተጀመረው የጸረ ሌብነት ትግል ተጠናክሮ መቀጠል እንዳለበትና የህግ የበላይነት የማስከበር ስራ መንግስት ትኩረት ሰጥቶ መስራት እንዳለበት ገልጸዋል፡፡

በማኅበራዊ የትስስር ገጾች ሕዝብን ከህዝብ የሚያጋጩ መንግስትና ህዝብ እንዳይተማመኑ ጥርጣሬ የሚያነግሱ ሀሰተኛ ትርክቶችንና አሉባልታዎችን በመለጠፍ ላይ የሚገኙ ጽንፈኛ ኃይሎች ላይ መንግስት እርምጃ መውሰድ እንዳለበትም ተሰብሳቢዎቹ አሳስበዋል፡፡

ከንቲባ አዳነች አቤቤ በበኩላቸው የተጀመረው የጸረ ሌብነት ትግል፣መንግስታዊ አገልግሎቶች ዘመናዊና ቀልጣፋ ለማድረግ የተጀመሩ የለውጥ ስራዎች ተጠናክረው እንደሚቀጥሉ ገልጸው በነጻ ሚዲያ ስም በሕዝቦች መካከል አለመተማመንን ለማንገስ ሀሰተኛ ወሬዎችን በሚዲያ በሚያናፍሱት ላይ ሕጋዊ እርምጃ የሚወሰድ መሆኑን አስገንዝበዋል፡፡

አቶ አዳም ፋራህ በበኩላቸው ጽንፈኝነት በሀይማኖትም ይሁን በብሔር መልክ የሚገለጽ ሲሆን ጥርጣሬንና አለመግባባትን የሚያነግስ በመሆኑ ለብልጽግናችን ጠንቅ በመሆኑ አስተሳሰቡንና ድርጊቱን መታገል ይገባል ብለዋል፡፡

ከኑሮ ውድነት ጋር በተያያዘ በከተማው የሚስተዋለውን ችግር ለመፍታት ምርታማነትን ማሳደግ የሚስችሉ ስራዎች መስራትና የኢኮኖሚ ተዋንያኑ ሚናቸውን ባግባቡ እንዲወጡ ማድረግ ላይ ትኩረት ተሰጥቶ እየተሰራ መሆኑን ጨምረው ገልጸዋል፡፡

30/01/2023

የብልፅግና ፓርቲ አዲስ አበባ ቅርንጫፍ ጽ/ቤት ኃላፊ አቶ ሞገስ ባልቻ በከተማችን እየተሰሩ ባሉ ስራዎች እና በወቅታዊ ጉዳዮች ዙሪያ ከክ/ከተማ እና ከወረዳ አመራሮች ጋር በቪዲዮ ኮንፈረንስ ተወያዩ

አቶ ሞገስ ባልቻ በውይይቱ ላይ እንደተናገሩት ብልፅግና ፓርቲ ከለውጡ ጀምሮ ያጋጠሙ ፈተናዎችን ወደ ድል እየቀየረ መምጣቱን አውስተው እህትማማችነትንና ወንድማማችነትን በማጠናከር የብልፅግናችን ስኬታማነት እናጎለብታለን ብለዋል።

ሁሉም ብሔር ብሔረሰቦች እኩል ተሳታፊና ተጠቃሚ የሚሆኑበት ስርዓት በመዘርጋቱ ህብረብሔራዊ አንድነትን የሚያጠናክሩ ተስፋ ሰጪ ስኬቶች መመዝገባቸውን የገለፁት ኃላፊው በአዲስ አበባ በአጭር ጊዜ ውስጥ ተጀምረው እየተጠናቀቁ ያሉ ፕሮጀክቶች ለዚሁ ማሳያ መሆናቸውን አስረድተዋል።

በብልፅግና መርህ ላይ በመቆም ፅንፈኝነትን ከህዝቡ ጋር በመታገል የከተማችን አስተማማኝ ሰላም ማስቀጠልና ልማታችንን ማፋጠን ይገባል ያሉት አቶ ሞገስ በቀጣይ ቀናት ከተለያዩ የህብረተሰብ ክፍሎች ጋር ህዝባዊ ውይይቶች እንደሚኖሩ ጠቁመዋል።

26/01/2023

ለአንድ ቀን ይፋዊ የስራ ጉብኘት ሱዳን የሚገኙት ጠቅላይ ሚኒስትር ዐቢይ አሕመድ የሱዳን ሕዝቦች ያለ ማንም ጣልቃ ገብነት የጀመሩትን የፖለቲካ ሂደት በስኬት ለመምራት ያላቸውን ጥበብ እና ብቃት አድንቀዋል። በተጀመረው የውይይት ሂደት ላይ #ኢትዮጵያ ከሱዳን ጋር ያላትን አጋርነትም ገልጸዋል።

19/01/2023

የጥምቀት በዓል በጃንሜዳ መከበር ጀምሯል

18/01/2023

" እንኳን ለጥምቀትና ለከተራ በዓል በሰላም አደረሳችሁ"!!!!!

🇪🇹🇪🇹🇪🇹🇪🇹ጥር /10/2015 ዓ.ም🇪🇹🇪🇹🇪🇹🇪🇹

#የአዲስ ከተማ ክፍለ ከተማ የወረዳ 11 ምክትል ስራ አስፈፃሚና ስራ ኢንተርፕራይዝና ኢንድስትሪ ልማት ጽ/ቤት ኃላፊ አቶ ትግሉ ገብሬ ለወረዳው ነዋሪዎች ፤ ለአመራሮች፤ ለሴክተር ሰራተኞች በአጠቃላይ ለመላው ለክርስትና እምነት ተከታዮች በሙሉ እንኳን ለ2015 ዓ.ም የጥምቀት በዓል በሰላም አደረሳችሁ ይላል ።

ለመላው የክርስትና እምነት ተከታዮች በሙሉ እንኳን ለጥምቀት በዓል በሠላም አደረሳችሁ በማለት በዓሉ የሰላም ፤የፍቅር ና የአንድነት እንዲሆን በመመኘት በዓሉ የአደባባይ በዓል እንደመሆኑ መጠን ከፀጥታ ስጋት ራሳችንን በመጠበቅና የሰላም ዘብ ሆነን በመቆም አካባቢያችንን በመጠበቅ አስፈላጊውን ጥንቃቄ በማድረግ በዓሉ መከበር እንዳለበት መልእዕክት አስተላልፈዋል።

#በመጨረሻም በዓሉ ተከብሮ እስኪያልቅ የአካባቢ ነዋሪዎች ከፀጥታ አካላትና ከአመራሩ ጋር በመቀናጀትና በጋራ በመሆን የበኩላችንን ድርሻ በመወጣት ከስጋት ነፃ በመሆን በዓሉ በሰላም በጋራ አክብረን እናጠናቅቃለን ሲሉም መልዕክታቸውን አስተላልፈዋል።

18/01/2023

"ለመላው የክርስትና እምነት ተከታዮች በሙሉ እንኳን ለብርሃነ ጥምቀቱ በሠላም አደረሳችሁ!"

"የጥምቀት በዓል የክርስትና እምነት ተከታዮች ዘንድ በልዩ ሁኔታ የሚከበር በዓል ነው፡፡ ለጥምቀት የሚታደሙ ሁሉ ዕለቱን ሲያከብሩ አዳዲስ ልብሶችን ከመልበስ በሻገር በአዳዲስ ተስፋና በመዳን አስተሳሰብ ውስጥ ሆነው ነው፡፡ ይህ በዓል በጋራ ሲከበር በላቀ መልካምነት፣ በትህትና፣ በፍቅር፣በተስፋ እና በእምነት ፣ በመደጋገፍ ነው፡፡"

"ስለሆነም ይህንን በዓል ስናከብር ከበዓልነቱ ባሻገር መልካምነትና ትህትናን የምንማርበት፣ ለሰው ልጆች ሁሉ ቅን ማሰብን የምንለምድበት ፣ መከባበርና መቻቻልን የዕለት ከዕለት ድርጊታችን የምናድረግበት ፣ የተጣሉትን የምናስታርቅበት፣ ከምንም በላይ ደግሞ ለሀገራችን ለኢትዮጵያ ሰላምና አንድነት እንዲሁም ብልፅግና የበኩላችንን ድርሻ መወጣት እንዳለብን ለራሳችን ቃል የምንገባበት ሊሆን ይገባል።"

"ለመላው የክርስትና እምነት ተከታዮች በድጋሚ እንኳን ለብርሀነ ጥምቀቱ በሰላም አደረሳችሁ እያልኩ በዓሉ የሰላም ፣የፍቅር የአንድነትና ብልፅግናችንን የምናረጋግጥበት እንዲሆን እመኛለሁ።"

አቶ ብርሃኑ አበራ
የአዲስ ከተማ ክፍለ ከተማ ብልፅግና ፓርቲ ቅ/ጽ/ቤት ኃላፊ

18/01/2023

"ለመላው የክርስትና እምነት ተከታዮቸ እንኳን ለከተራና ለጥምቀት በዓል በሰላም አደረሳችሁ አደረሰን፤ በዓሉ የሰላም፣ የፍቅር ፣ የአብሮነት ፣የመደጋገፍ እንዲሆንላችሁ እመኛለሁ።"

"የጥምቀት በዓል ከህዝበ ክርስቲያኑ በተጨማሪ ሁሉም ኢትዮጵያዊ በደስታ የሚያከብሩት ተወዳጅ በዓል ስለሆነ፣ በዓሉ ከሃይማኖታዊ ትዉፊት ባለፈ ባህላዊ እሴቱን ጠብቀዉ የሚከበር የአደባባይ በዓል እንደመሆኑ መጠን ሁላችን እንደከዚህ ቀደሙ በመከባበርና በመቻቻል መንፈስ ሃይማኖታዊ ስርዓቱን በተከተለ መልኩ በአብሮነት ልናከብረው ይገባል።"

"በድጋሚ፣መልካም የከተራና የጥምቀት በዓል እንዲሆን እመኛለው !!"

ወ/ሮ ሽታዬ መሐመድ
የአዲስ ከተማ ክ/ከተማ ዋና ስራ አስፈጻሚ

18/01/2023

ለመላው የኦርቶዶክስ ተዋህዶ ዕምነት ተከታዮች እንኳን ለጥምቀት አመታዊ ክብረ በዓል አደረሣችሁ ።
🔔🔔🔔🔔🔔🔔🔔🔔🔔🔔🔔🔔

የወረዳችን ነዋሪዎችና መላው የኦርቶዶክስ ተዋህዶ ዕምነት ተከታዮች በክርስትና እምነት ዘንድ በድምቀት ለሚከበረው የጥምቀት በዓል እንኳን አደረሣችሁ አደረሠን ።

የጥምቀት በዓልን ስናከብር መድሃኒታችን እየሱስ ክርስቶስ በመጥምቁ ዩሃንስ እጅ ተጠምቆ መተናነስን እንዳስተማረን እኛም ይህን የጥምቀት በዓል ስናከብር የተለመደውን የኢትዮጵያዊነት መተሣሠብና መከባበርን በማስቀደም እንደሚሆን አምናለሁ ።

የጥምቀት በዓል ኢትዮጵያን በአለም አደባባይ ከሚያስጠሩና ከሚያስተዋውቋት አንዱና ግንባር ቀደም ትልቅ የቱሪስት መስህብ ጭምር የሆነ የሀገር ሀብት ነው ።

በከተማችንና በወረዳችንም በድምቀት የሚያልፉ ታቦታትን ከፀጥታ ሀይላት ጋር በመናበብ ፍፁም ሠላማዊ እንዲሆን ሁሉም ምዕመንና ነዋሪ የድርሻውን ሊወጣ ይገባል ።

በድጋሚ ለመላው የኦርቶዶክስ ዕምነት ተከታይ ነዋሪዎችና የወረዳችን ሠራተኞች መልካም የጥምቀት በዓል ይሁንላችሁ ።

ወ/ሪት ዘውድነሽ ሽፈራው የአዲስ ከተማ ክፍለ ከተማ ወረዳ 11 አስተዳደር ።
ጥር 10 2015 ዓ.ም

18/01/2023

እንኳን ለብርሃነ ጥምቀቱ በሰላም አደረሳችሁ! - ጠቅላይ ሚኒስትር ዐቢይ አሕመድ
************************

ጠቅላይ ሚኒስትር ዐቢይ አሕመድ ለጥምቀት በዓል የእንኳን አደረሳችሁ መልእክት አስተላለፉ።

የጠቅላይ ሚኒስትሩ የእንኳን አደረሳችሁ መልካም ምኞት ሙሉ መግለጫ እንደሚከተለው ቀርቧል፦

የጥምቀት በዓል ብዙ ትርጉሞችን ይዞ የሚከበር በዓል ነው። በአንድ በኩል ለክርስቲያኖች ትኅትናን የሚማሩበት፣ በእግዚአብሔር ማመናቸውን የሚያውጁበት፣ ንስሐና ድኅነት የሚያገኙበት ምልክት ሆኖ ያገለግላል። በሌላ በኩል እንደ ሀገር የጥምቀት ክብረ በዓል መልከ ብዙ የሆንን ኢትዮጵያውያን ኅብር ፈጥረን የምንደምቅበት በመሆኑ ታላቅ ቦታ ሰጥተን እናከብረዋለን።

በዓለ ጥምቀትና ትኅትና ተነጣጥለው የሚታዩ ጉዳዮች አይደሉም። ምክንያቱም ጥምቀት ፈጣሪ በፍጡር፣ አምላክ በሰው፣ ጌታ በአገልጋዩ የተጠመቀበት እለት ነውና። ከነበረበት ከፍታ ወርዶ ከሰው የተስተካከለበት፣ ከቆመበት የጌትነት ስፍራ ዝቅ ብሎ ትኅትናን ያሳየበት፣ ትእቢትን ሽሮ ለሰው ልጆች ትኅትናን ያስተማረበት አጋጣሚ ነው - ሥርዓተ ጥምቀቱ። በሥርዓተ ጥምቀቱ አጥማቂው ዮሐንስም ያሳየው ትኅትና እንዲሁ በምሳሌነት ይጠቀሳል። ፈጣሪው የሰጠውን ክብር እንደሚገባው ቆጥሮ በተዓብዮ ሳይታጠር፤ ‘እኔ በአንተ ልጠመቅ ያስፈልገኛል አንተም ወደ እኔ ትመጣለህን?’ ብሎ ማከላከሉ የመከበር ምሥጢሩ ትኅትና እንደሆነ፣ የኃይልና የብርታት ቁልፍ ታዛዥነት ውስጥ እንዳለ፣ የበላይነት መገኛውም ወደታች ወረዶ እያገለገሉ ጽድቅን መፈጸም እንደሆነ ያስተምረናል።

ሰዎች ከላይ የሆኑ ሲመስላቸው የታቹን የማያዩና የገዘፉ ሲመስላቸው በቅንነት ጎንበስ የማይሉ ከሆነ እነሱ የጥምቀቱ ትርጉም አልገባቸው። ትኅትናን ንቀው ትዕቢትን የመረጡ፣ ዝቅ ማለት ከብዷቸው ራሳቸውን ከፍ ከፍ ያደረጉ፣ ቅንነትን ጠልተው ግፍ መሥራት የወደዱ መጨረሻቸው ዕድገት ሳይሆን ቁልቁለት፣ ክብር ሳይሆን ውርደት መሆኑን በብዙ አጋጣሚዎች ዓለም አሳይታናለች።

በተቃራኒው የተሰጣቸውን ኃይል ለመልካም ዓላማ የተጠቀሙ ዘወትር ሥማቸው በጥሩ ሲነሣ ይኖራሉ። እንደ ሙሴ ያሉት የተሰጣቸውን በትር ባሕር ከፍለው ሕዝብን ወደ ተስፋ ሲያሻግሩ፤ እንደ ጎልያድ ያሉት ከሰው ሁሉ በላይ መግዘፋቸውን ለበደል ተጠቅመውታል፤ በዚህም ምክንያት ሙሴዌች ሲወደሱ ጎልያዶች በቀላሉ በጠጠር ወድቀዋል። ዓይናችንን ገልጠን ብንመለከት በዙሪያችን ከፍታቸውን ለክፋት፣ ኃይላቸውን ለጭቆና በመጠቀማቸው አሳዛኝ ውድቀት የገጠማቸው ጎልያዶችን በአቅራቢያችን እናገኛለን። ተመሳሳዩ ዕጣ እንዳይገጥመን ሁላችንም ትኅትናና መልካምነትን ገንዘባችን ልናደርግ ይገባል።

ሌላኛው የጥምቀት ምሳሌ የመዳንና የንስሐ ምልክት መሆኑ ነው። ኢየሱስ ክርስቶስ ወደ ፈለገ ዮርዳኖስ ከመውረዱ በፊት በኃጢአት የተሸፈነውን አዳም የኃጢአቴ ልብሱን ከላዩ ላይ ሊጥልለት የሞከረ አልነበረም። ጌታ ኢየሱስ በማዕከለ ዮርዳኖስ የመቆሙ ምክንያት የአዳምን ውርደት ለመቀበል፣ ኃጢአቱን ወስዶ ከመከራው ለማዳን፣ የሚነትበውን ልብስ ጥሎ በማይነትብ ዘላለማዊ ልብስ ለመተካት ነበር። በየዓመቱ ጥምቀቱን የምናከብረውም ከፊት-ቀድሞ ከመከራ የታደገን ክርስቶስን እያሰብን ነው።

ዛሬ የምናያቸውና የምንረማመድባቸው መንገዶች በአንድ ወቅት ጢሻ የነበሩና በፊት ቀደሞች መሥመር የወጣላቸው ናቸው። ዛሬ የሠለጠኑ ሀገሮች የሥልጣኔ ከፍታ ላይ የደረሱት በአንድ ወቅት ፊት አውራሪዎቻቸው በመከራ ውስጥ አልፈው፣ ችግርና ፈተናውን ተሻግረው መሠረት ስላኖሩላቸው እንጂ አዲስ ተዓምር ተፈጥሮላቸው አይደለም። ድኅነት፣ መታደስና ብልጽግና የሚመጣው ፊት ቀዳሚዎች ችግርና መከራውን ተጋፍጠው መንገድ ማስመር ሲችሉ ብቻ ነው። እኛ የዛሬው ትውልዶች ለሀገራችን ፊት ቀዳሚዎቿ እንደሆንን ማመን ይገባናል። እኛ መከራዋን ሳንቀበል ለኢትዮጵያችን ምቾት፣ ዝቅታውን ሳናይ ለሀገራችን ከፍታ፣ ጭለማውን ሳንጎበኝ ለልጅ ልጆቻችን ብርሃን እንደማይመጣ ማወቅ አለብን። ሀገራችን በድህነትና እርዛት የጠየመ ፊቷን፣ በኋላቀርነትና በጉስቁልና ያደፈ ልብሷን እኛ ወስደን በአዲስና በሚያበራ የመተካት ኃላፊነት እያንዳንዳችን ትከሻ ላይ ወድቋል። ኃላፊነታችንን በአግባቡ ከተወጣን የማናፍርባትን ሀገር፣ የሰለጠነች ኢትዮጵያን፣ የምንኮራበት ታሪክን ለልጅ ልጆቻችን ማስተላለፍ እንችላለን። ቅድመ አያቶቻችን ዋጋ ከፍለው በማለፋቸው ዛሬ የምንኮራባቸውን ሀገራዊ እሴቶች እንዳገኘን ሁሉ፤ እኛም ለመጪው ትውልድ ተመሳሳዩን ማድረግ ይጠበቅብናል።

ውድ የሀገሬ ሕዝቦች፣

በዓለ ጥምቀቱ ለእኛ ለኢትዮጵያውያን ከሃይማኖታዊ ክብረ በዓልነቱ በዘለለ ባህላዊ እሴቶቻችን የሚስተናገዱበት በዓል ጭምር ነው። ከጎንደር እስከ ሐረር፣ ከመቀሌ እስከ ባሌ፣ ከመተማ እስከ ጅማ በየስፍራው ኢትዮጵያውያን ወደ አደባባይ ይወጣሉ። አያሌዎች ዘመድ ለመጠየቅ ከቦታ ቦታ ይተምማሉ። ማኅበራዊ ኑሯችን የሚደምቅበት፣ በልዩ ልዩ አልባሳት የምናጌጥበት፣ ልዩ ልዩ ኅብረ ዜማዎችን የምንሰማበት ዕለት ነው። ጥምቀት የአደባባይ የባህል ሙዝየማችን ነው።

ኢትዮጵያ ምን ዓይነት ብሔሮች፣ ቋንቋዎች፣ አለባበሶች፣ የፀጉር አሠራሮች፣ ዜማዎች ወዘተ አሏት ብሎ ለሚጠይቅ፤ የጥምቀትን በዓል ተመልከት! ብሎ መመለስ ይቻላል። በዚህ ምክንያት ከዓለም በተለየ ጥምቀትን የእኛ ቅርስ ማድረግ ችለናል። ይሄንን ልምድ በሌሎች ዘርፎችም ልደግመው ይገባል። ዴሞክራሲን በእኛው ቁመትና ወርድ ሰፍተን ካበጃጀነው፣ ቴክኖሎጂዎችን ኢትዮጵያዊ ለዛ ሰጥተን ከሠራነው፣ በኢኮኖሚያዊና ማኅበራዊ ጉዳዮች እኛን የሚመስሉ እሴትና ወረቶችን ካዳበርን በርግጥም ዓለም ፊቱን ወደእኛ ማድረጉ አይቀርም። ዛሬ ባሕረ ዮርዳኖስ ከሚገኝበት ሀገረ እስራኤል ጨምሮ ከመላው ዓለም ጥምቀትን ለመታደም በየዓመቱ ቱሪስቶች ወደ እኛ ይመጣሉ። የሀገር ውስጥና የውጭ ጎብኝዎችን የሚስብ ታላቅ ቀን በመሆኑ ጥምቀት ኢኮኖሚያዊ ፋይዳም እናገኝበታለን።

ከዚሁ ጋር ተያይዞ አንድ ማወቅ ያለብን እውነት የኢትዮጵያ በዓላት የኢትዮጵያውያን ሁሉ በዓላት መሆናቸው ነው። በእምነቱ ብናምንም ባናምንም፣ በዓሉ ግን በዜግነት የሁላችንም ነው። የጥምቀትም፣ የዒድ አል ፈጥርም፣ የፋሲካም፣ የዒድ አልአድሐም፣ የገናም፣ የመውሊድም በዓል የሁላችንም ናቸው። የሀገራችን ሀብት የወገኖቻችን ደስታ ናቸውና እንኮራባቸዋለን። ሁላችንም ኢኮኖሚያዊ ፋይዳና እና ማኅበራዊ ጥቅም እናገኝባቸዋለን። በተለይ እንደ ጥምቀትና አረፋ ያሉ የአደባባይ በዓሎቻችንን በአማረና በደመቀ ሁኔታ እንዲከበሩ ሁላችንም እኩል ልንደክም ይገባል። መቼም ቢሆን፣ ጥምቀት ተስተጓጉሎ አረፋ፤ አረፋ ተስተጓጉሎ ጥምቀት አይሠምርምና። ለሁላችንም ደስታ እያንዳንዳችን የምንችለውን ሁሉ ማድረግ ይገባናል። በዓሉ በሰላም፣ በድምቀትና በክብር እንዲከናወን የምትተጉ ሁሉ ምስጋና ይገባችኋል።

በድጋሚ፣ መልካም የከተራና የጥምቀት በዓል እንዲሆን እመኛለሁ።

ኢትዮጵያ በልጆቿ ጥረት ታፍራና ተከብራ ለዘላለም ትኑር!

ፈጣሪ ኢትዮጵያና ሕዝቦቿን ይባርክ!

ጥር 10፣ 2015 ዓ.ም

18/01/2023

"ለመላው የክርስትና እምነት ተከታዮች እንኳን ለጥምቀት ከተራ በዓል አደረሳችሁ!"

የጥምቀት በዓል መሰባሰቢያችን በአብሮነት መድመቂያችን እና በፍቅር መተሳሰርያችን የሆነ ዉብ በዓላችን ነው፡፡

በአለም አደባባይ ስማችንን የሚያስጠራ ፤ውበታችንን የሚገልፅ ፤ አንድንታችንን የሚሳይ ፤ ታይተው የማይጠገቡ ኢትዮጵያዊ የአብሮነት ጥበቦች በህብራዊ ቀለማት አሸብርቀው በአደባባይ የሚገለጡበት ፤እኛነታችንን የሚጎላበት፤ አለም ድምቀቱን
ለማየት ከየአቅጣጫው የሚጎርፍበት ፤ውብና ድንቅ ሀይማኖታዊ እሴቶቻችን እና ከባሀላዊ ሃብቶቻችን ዉስጥ አንዱና ዋነኛው ነው፡፡

አዲስ አበባችን በጥምቀት በዓል በውበት ላይ ውበት የምትጎናፀፍበት ፤ነዋሪዎቿ ተሰባስበው በጋራ የሚያሳልፉበት ፣ በርካታ የውጪ ቱሪስቶችን የምታስተናግድበት ፣ከተማዋ በሁሉም አቅጣጫ እንደ አበባ የምትፈካበት ፣በዝማሬ በአምልኮ በወጣቶችና ሴቶች የምታሸበርቅበት ፣በአባቶችና እናቶች አብሮነትና ምርቃት የምትደምቅበት ልዩ ጊዜ ነው፡፡

በአብሮነታችን ለዘላቂ ሰላማችንን እንትጋ ፤ በፍቅራችንና መከባበራችን ኢትዮጵያን እናፅና ፤በትብብራችንና በጠንካራ ስራችን ኢትዮጵያን ከፍ እናድርግ!!

መልካም ያማረ በዓል ለሁላችንም ይሁንልን!!
አብሮነታችን ያጠንክርልን፤
ፍቅራችንን ያበርታልን ፤
ሰላማችንን ያብዛልን!!

ፈጣሪ ኢትዮጵያንና ህዝቦቿን አብዝቶ ይባርክ!!"
ከንቲባ ወ/ሮ አዳነች አቤቤ

14/01/2023

በፖለቲካ ገበያ ትርፍ ለማግኘት የሚደረገውን ጥረትና የአክራሪነት እንቅስቃሴን ለመታገል በየደረጃው ያለ አመራር የጋራ አቋም ይዟል

በፖለቲካ ገበያ ትርፍ ለማግኘት የሚደረገውን ጥረትና የአክራሪነት እንቅስቃሴን በመታገል የኢትዮጵያን የብልጽግና ጉዞ ለማስቀጠል በየደረጃው ያለ አመራር የጋራ አቋም መያዙን የአዲስ አበባ ከተማ አስተዳደር ከፍተኛ አመራሮች ገለጹ።

በከተማ አስተዳደሩ ከወረዳ ጀምሮ በተለያዩ የኃላፊነት እርከኖች የሚገኙ ከ1 ሺህ በላይ የሥራ ኃላፊዎች ለሁለት ቀናት የውይይት መድረክ አካሂደዋል።

የውይይቱን መጠናቀቅ ተከትሎ የከተማ አስተዳደሩ ምክትል ከንቲባ ጃንጥራር አባይ እና የአዲስ አበባ ብልጽግና ፓርቲ ጽህፈት ቤት ኃላፊ መለሰ አለሙ መግለጫ ሰጥተዋል።

በመግለጫቸውም የመዲናዋ አመራሮች በመድረኩ አገራዊና ፖለቲካዊ የጸጥታ ሁኔታን በሚመለከት ጥልቅ ግምገማ በማካሄድ የጋራ ግንዛቤ በመያዝ የአፈጻጸም አቅጣጫ መቀመጡን ገልጸዋል።

የሕዝብን ሰላምና አንድነት በማጠናከር ለጋራ ልማትና ተጠቃሚነት በትብብር ለመሥራት በከፍተኛ ኃላፊነትና ቁርጠኝነት አቅጣጫ መቀመጡን አቶ ጃንጥራር ገልጸዋል።

የፖለቲካ ንግድ ተዋናዮች በተለይም ለአመራሩ ፈተና መሆናቸውን በመገንዘብ ለዚሁ የሚመጥን ምላሽ የሚሰጥ አመራር አስፈላጊ መሆኑም ታምኖበታል ነው ያሉት።

ኢትዮጵያ የነበረችበትን ሁኔታ በቅጡ በመረዳት ችግሮችን ለመሻገር ከፍተኛ ጥረት ሲደረግ መቆየቱን የገለጹት ምክትል ከንቲባው፤ በሂደቱ በፈተና ውስጥ ስኬትን ማስመዝገብ የተቻለበት ስለመሆኑ ጠቅሰዋል።

በዚህ ሂደት ችግሮችን በማለፍ የተመዘገቡ ውጤቶችን እንደ መልካም ተሞክሮ በመውሰድ በቀጣይ ለተሻለ ስኬት መዘጋጀት እንደሚገባ የጋራ አቋም ተወስዷል ብለዋል።

የአዲስ አበባ ብልጽግና ፓርቲ ጽህፈት ቤት ኃላፊ መለሰ አለሙ በበኩላቸው፤ ለሁለት ቀናት በተካሄደው የአመራር ውይይት የሰላምና የጸጥታ ችግሮችን በጋራ ታግሎ በማስወገድ ለዘላቂ ልማትና ብልጽግና ለመሥራት በጋራ መቆም የሚያስችል ግንዛቤ የተያዘበት መሆኑን ገልጸዋል።

የመዲናዋን ሰላምና ደኅንነት በማደፍረስ ነዋሪዎቿን ስጋት ላይ የሚጥሉ ውስጣዊና ውጫዊ እንቅስቃሴዎች እንዳሉ በመገንዘብ አመራሩ ከመቼውም ጊዜ በላይ በትብብር መሥራት እንዳለበት መግባባት መፈጠሩን ተናግረዋል።

የመዲናዋ አመራሮች ለሰላምና ልማት እንቅፋት የሆኑ የጥፋት ዕቅዶችን በማክሸፍ እንዲሁም ሌብነትና ብልሹ አሰራርን በመታገል ለሕዝብ አገልጋይነት ከመቼውም ጊዜ በላይ ዝግጁ ለመሆን የጋራ አቋም መያዙን ገልጸዋል።

የኢትዮጵያን እድገትና የተጀመሩ ስኬታማ ተግባራትን በማስቀጠል የሚያጋጥሙ ፈተናዎችን በጋራ ተጋፍጦ ማለፍ እንደሚገባም በመድረኩ ተነስቷል።

በባህል፣ በብሔር እና በእምነት በተቆራኘው የመዲናዋ ነዋሪ መካከል ግጭት ለመፍጠር የሚደረጉ እንቅስቃሴዎችን ለመመከት አመራሩ የጋራ አቋም መያዙ ተገልጿል።

በተለያዩ አጋጣሚዎችና አቋራጭ መንገዶች የፖለቲካ ገበያ ትርፍ ለማግኘት የሚደረገውን የጥፋት እንቅስቃሴም በጋራ መታገል ጊዜ የማይሰጠው ጉዳይ መሆኑን አንስተዋል።

በመሆኑም የመዲናዋ አመራሮች የጥፋት እንቅስቃሴዎችን በመታገል የነዋሪዎችን የእለት ተለት ችግር የሚፈቱ ተግባራትን በማከናወን ሌት ከቀን መትጋት እንዳለባቸው የጋራ አቋም ተወስዷል።

የኑሮ ጫናዎችን ለማቃለል የሚደረጉ የልማት ሥራዎችን አጠናክሮ በማስቀጠል የዜጎችን ተጠቃሚነት እውን ማድረግ የአመራሩ ዋነኛ የትኩረት አቅጣጫ እንደሚሆንም የጋራ መግባባት ላይ መደረሱ ተገልጿል።

14/01/2023

የአዲስ ከተማ ክ/ከተማ አስተዳደር የ90 ቀናት የመንግስትና የፓርቲ የስራ አፈጻጸም ግምገማ አካሄደ‼
***
በግምገማ መድረኩ የክ/ከተማ አመራሮች እና የወረዳዎች አስተባባሪ ኮሚቴ በመገኘት የ90 ቀናት ጥቅል እቅድ አፈጻጸም በመንግስትና በፓርቲ የተመዘገቡ ጠንካራ ዉጤቶችን ገምግሟል።

በ90 ቀናት ዕቅድ አፈፃፀም ዉስጥ ቴክኖሎጂን በመጠቀም አገልግሎት አሰጣጥን ቀልጣፋ በማድረግ የህዝብ እርካታን ከፍ ማድረግ መቻሉ፣ ለዜጎች ቋሚ የስራ ዕድል ከመፍጠር አንፃር፣ ከተማ ግብርናን የምግብ ዋስትና ለማድረግ በየብሎክ በአባወራና እማወራዎች ዘርፈ ብዙ ስራዎች ተሰርተዉ ጥሩ ዉጤቶች መመዝገባቸዉ እና ሌሎች ተግባራት በመንግስት በኩል እና ፓርቲን በሰዉ ሀይል ለማጠናከር ፣ጠንካራ ተቋም ለጠንካራ ፓርቲ ግንባታ የተሰሩ ስራዎች የተሻላ መሆናቸዉ፣ ቀልጠፋና ተደራሽነትን ያረጋገጠ የሚዲያና ኮሚኒኬሽን ስራዎች ስሰሩ እንደነበሩ በሪፖርት ቀርበዉ ሰፊ ዉይይት ተደርጎባቿል።

የክፍለ ከተማው ዋና ስራ አስፈፃሚ ወ/ሮ ሽታዬ መሃመድ በመድረኩ ላይ እንደተናገሩት የተመዘገቡ ስኬቶች ቀጣይነት እንድኖሯቸዉ ጥቃቅን ክፍተቶችን ፈጥነን በማረም የህዝባችንን ተጠቃሚነት እዉን ማድረግ ያስፈልጋል፤ በ90 ቀናት ዉስጥ ያስመዘገብናቸዉ ዉጤቶች ለቀጣይ ተግባሮቻችን ግብዓት በመሆን ዓመታዊ ዕቅድ አፈፃፀማችን የተሻላ እንዲሆን መረባረብ ይጠበቅብናል ሲሉ ገልፀዋል።

አገልግሎታችን የተሳካ ነዉ የምንለዉ የህዝብ እርካታን ማረጋገጥ ከቻለ ነዉ ያሉት ደግሞ የአዲስ ከተማ ክ/ከተማ ብልፅግና ፓርቲ ፅ/ቤት ሃላፊ አቶ ብርሃኑ አበራ በየደረጃው ያለው አመራርና መላዉ መዋቅራችን ከብልሹ አሰራርና ከሙስና በመራቅ ህዝብና መንግሥት የጣለበትን ሃላፊነት በአግባቡ ለመወጣት መትጋት አለበት ብለዋል።

በመጨረሻም በተለያዩ ምክንያቶች ወደኋላ የቀሩ ተግባራትን በልዩ ትኩረት አቅሞችን አደራጅተን ህዝቡን በማሳተፍ መሰራት እንዳለበት የትኩረት አቅጣጫ በማስቀመጥ ግምገማውን አጠናቋል ።

14/01/2023

የሚኒስትሮች ም/ቤት ዳግማዊት ሞገስ፣ ታከለ ኡማ፣ ኡመር ሁሴን እና ተፈሪ ፍቅሬን በክብር ሸኘ
**************

በሽኝት መርሐግብሩ ላይ ጠቅላይ ሚኒስትር ዐቢይ አሕመድን ጨምሮ የሚኒስትሮች ምክር ቤት አባላት ተገኝተዋል።

የሚኒስትሮች ምክር ቤት አራቱም የምክር ቤት አባላት ቀጣይ ጉዟቸው ስኬታማ እንዲሆንላቸው መመኘቱን ከጠቅላይ ሚኒስትር ጽሕፈት ቤት ያገኘነው መረጃ ያመላክታል፡፡

ወይዘሮ ዳግማዊት ሞገስ የትራንስፖርትና ሎጅስቲክስ ሚኒስትር፣ ኢንጅነር ታከ ኡማ የማዕድን ሚኒስትር፣ አቶ ኡመር ሁሴን የግብርና ሚኒስትር እንዲሁም አቶ ተፈሪ ፍቅሬ ደግሞ የጠቅላይ ሚኒስትር ጽ/ቤት ሃላፊና የካቢኔ ጉዳዮች ሚኒስትር በመሆን ሀገራቸውን ሲያገለግሉ ነበር፡፡

13/01/2023

በአዲስ ከተማ ክፍለ ከተማ ወረዳ 11 ለሰላም ሰራዊት በአንድ መዕከል የፀጥታ ስምሪት ተሰጠ ።
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
የሰላም ሰራዊቱ አሁን ያለውን የከተማችንን ነባራዊ ሁኔታ ተረድቶ ከመቼውም ጊዜ በበለጠ የፀጥታ ስራ ላይ መሳትፍ እንዳለባቸው ስምሪት ተሰጧል ።

በእለቱም የወረዳው ሰላምና ፀጥታ ጽ/ቤት ኃላፊ አቶ ሀብታሙ ለታ መልዕክት አስተላልፈዋል።

13/01/2023

12/01/2023

የአዲስ አበባ ከተማ አስተዳደር ካቢኔ ባካሄደው በ2ኛ አመት 8ኛ መደበኛ ስብሰባው ከብዝሃ ቋንቋ ካሪኩለም ጋር በተያያዘ ውሳኔዎችን አሳልፏል፡፡

ካቢኔውም በመደበኛው ስብሰባ የብዝሃ የቋንቋ ስርዓተ ትምህርትን አስመልክቶ የኮተቤ ትምህርት ዩንቨርሲቲ ሲያስጠናው የቆየውን አዲሱን ካሪኩለም አስመልክቶ የተወያየ ሲሆን ዩንቨርሲቲው ባስጠናው ጥናት ዙርያ ሰፋ ያለ የተለያዩ የህዝብ ( የተማሪ ወላጆችን ጨምሮ) ምክክሮችና ውይይቶች ሲካሄዱበት ቆይቶ በዛሬው እለት በጥናቱ በቀረቡት ምክረ ሃሳቦች ዙርያ ውሳኔውን አሳርፏል፡፡

በዚህም መሰረት፡-

1ኛ:- በአዲሱ ስርዐተ ትምህርት ጥናት መሰረት በአፋን ኦሮሞ የአፍ መፍቻ ቋንቋቸው ለሚማሩ ተማሪዎች አማርኛ እንደ ተጨማሪ (ሁለተኛ ) ቋንቋ እንዲሰጥ

2ኛ:- በአማርኛ የአፍ መፍቻ ቋንቋቸው ለሚማሩ ተማሪዎች ደግሞ አፋን ኦሮሞ እንደ ተጨማሪ (ሁለተኛ )ቋንቋ እንዲሰጥ

3ኛ:- ከ7ኛ ክፍል ጀምሮ በሁሉም የከተማው ትምህርት ቤቶች የአገር ውስጥ ቋንቋ መማራቸው እንደተጠበቀ ሆኖ ሁሉንም የትምህርት አይነቶችን በእንግሊዘኛ መማር እንዲችሉ እንዲደረግ

4ኛ:- ለ9ኛ እና 10ኛ ክፍል ተማሪዎች አረብኛና ፈረንሳይኛ በሃይስኩል ደረጃ አማራጭ ትምህርት ሆኖ እንዲቀጥል፡፡

5ኛ:- የቅድመ አንደኛ ደረጃ የትምህርት መጀመሪያ እድሜ ከ4 ዓመት እንዲሆን

6ኛ:- በአዲሱ የስርዓተ-ትምህርት ማዕቀፍ መሰረት 11ኛ እና 12ኛ ክፍል የስራ እና ቴክኒክ ትምህርት በተለያዩ አመራጮች እንደሚማሩ በሚያስቀምጠዉ መስረትና ከፍተኛ ሀብት የሚፈልግ በመሆኑ ከቴክኒክና ሞያ ኮሌጆች በክላሰተር በቅንጅት እንዲሰጥና በተጠናው ጥናት መሰርት ወደ ግንባታ እንዲገባ እንዲደረግ

7ኛ:- የግል ት/ቤቶችን የመፅሐፍት እጥረት ለመቅረፍ በሽያጭ ለማቅረብ ለመጽሓፍት ህትመት የተዘዋዋሪ ፈንድ 250 ሚሊየን ብር ተጨማሪ በጀት እንዲፈቀድ ውሳኔ አሳልፏል፡፡

በዚህም መሰረት በአዲስ አበባ ከተማ ከኦሮምያ ክልል ለኦሮምኛ ቋንቋ ማስተማርያነት በውሰት ተወስዶ ተግባራዊ ሲደረግ የነበረው ስርአተ ትምህርት በአዲሱ ስርዐት ትምህርት የሚተካ ይሆናል።

10/01/2023

የወረዳ 11 ሰላምና ጸጥታ ጽህፈት ቤት መግለጫ ሰጠ ።
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
በአዲስ ከተማ ክፍለ ከተማ ወረዳ 11 ሰላምና ጸጥታ ጽህፈት ቤት መጪውን የጥምቀት በዓል አስመልክቶ ለሰላም ሰራዊቱ አባላት መግለጫ ሰጠ።

በእለቱ የወረዳውን ጸጥታ ለማስጠበቅ ከባለድርሻ አካላትና ከሰላም ሰራዊቱ አባላት ጋር እንዴት መስራት እንዳለባቸውና ቀጣይ የሚከበረውን የጥምቀት በዓል ፍፁም ሰላማዊ በሆነ መልኩ እንዴት ተከብሮ መጠናቀቅ እንዳለበት የቀረቡ አጀንዳዎች ናቸው ።

በመሆኑም የወረዳውን ፀጥታ ለማስጠበቅ ከፀጥታና ከሰላም ሰራዊቱ አባላት ጋር የስምሪት ሁኔታና እንቅስቃሴ በተመለከተ የሚመለከታቸው አካላት እና አመራሩ እንዴት በቅንጅት መስራት እንዳለበት እንዲሁም የመረጃ ልውውጡን በተጠናከረ መልኩ ማስቀጠል እንዳለባቸው ተገልጿል ።

የአደባባይ በዓል የሆነውን የጥምቀት በዓል ሃይማኖታዊ ስርዓቱን በጠበቀ መልኩ እንዲከበር በየብሎኩ ፣ በየቀጠናው እና በየሰፈሩ የሰላም ሰራዊቱ አባላት ምን እየሰሩ እንደሆነና በዓሉ ተከብሮ እስኪጠናቀቅ ምን መስራት እንዳለባቸው ውይይት ተደርጓል ።

የሰላም ሰራዊቱ አባላት ፀጉረ-ልውጦችን እና አላስፈላጊ እንቅስቃሴ የሚያደርጉ ግለሰቦችን ሲያገኙ ለፀጥታ አካላት መስጠት እንዳለባቸው የወረዳ 11 ሰላምና ፀጥታ ጽህፈት ቤት ኃላፊ አቶ ሃብታሙ ለታ በመግለጽ የስጋት ቦታዎች ናቸው ተብለው የተለዩ ቦታዎች ላይ ትኩረት ሰጥተው መስራት እንዳለባቸው አሳስበዋል ።

የበዓሉ ታዳሚዎችም ቲሸርቶችን ፣ ኮፍያዎችንና ባነሮችን ሲገዙ እውቅና ያልተሰጠዎን ባንዲራ ይዘው መንቀሳቀስ እንደሌለባቸው ግንዛቤ ተሰጥቷል ።

የጽህፈት ቤቱ ኃላፊ በመልዕክታቸው የአደባባይ በዓል የሆነውን የጥምቀት በዓል ስናከብር ኢትዮጵያዊ ስነ-ምግባር በተሞላበት መልኩ ሊሆን እንደሚገባ በማሳወቅ እንደነዚህ ዓይነት በዓላትን ለማክበር የሚመጡ ቱሪስቶችን በአክብሮት በማስተናገድ የሃገርን መስህብ መጨመር እንደሚገባ ተናግረዋል ።

በመጨረሻም መላው የወረዳው ነዋሪ ፀረ-ሰላም ኃይሎች የሚያደርሱትን ጥፋት በመገንዘብ አስፈላጊውን ጥንቃቄ ማድረግ እንዳለበት የጋራ መግባባት ላይ ተደርሷል ።

ዘገባው የወረዳ 11 ኮሙኒኬሽን ጽ/ቤት ነው ።
ጥር 02/2015 ዓ.ም

10/01/2023

የቤት ለቤት የመታወቂያ አገልግሎት መስጠት ተጀመረ
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
በአዲስ ከተማ ክፍለ ከተማ ወረዳ 11 አስተዳደር የወሳኝ ኩነት ጽ/ቤት ሃላፊ አቶ ያሲን ሙስጠፋ ለኮሙኒኬሽን ጽ/ቤት እንዳስታወቁት ጽ/ቤታቸው ካለፈው ሳምንት መጨረሻ ጀምሮ በወረዳው የጤና እክል ላለባቸውና የእድሜ ባለጸጋ ለሆኑ አቅመ ደካማ ነዋሪዎች የቤት ለቤት አግልግሎት እየሠጡ እንደሚገኝ ገልጸዋል፡፡

አሁን ላይ እየተሠጠ ያለውን ከመታወቂያ ጋር የተያያዘ አገልግሎት በወረዳው ተገኝተው አገልግሎቱን መውሠድ የማይችሉ ነዋሪዎችን ቤት ድረስ ተገኝቶ ማስተናገድ አዲስ አሠራር መሆኑን የገለጹት ሃላፊው አገልግሎቱ በቀጠና ተወካይ አመራሮች ሲረጋገጥ በቃለ ጉባኤ በመያዝ እንደሚሰጥ አስታውቀዋል ፡፡

ዘገባው የወረዳው ኮሙኒኬሸን ጽ/ቤት ነው
ጥር 2015 ዓ.ም

10/01/2023

የቤት እድሳት በቀጠና 3 ተካሄደ
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
በአዲስ ከተማ ክፍለ ከተማ ወረዳ 11 ህብረት ስራ ጽ/ቤት ከተሃድሶ ኃይል የተወሰነ ሸማች ማህበር በዝቅተኛ የኑሮ ደረጃ ለሚኖሩ የማህበሩ አባል የቤት እድሳት በቀጠና 3 ተካሄደ ፡፡

በእለቱም የክፍለ ከተማ ደጋፊ አመራሮች እና የወረዳው አስተባባሪ አመራሮች በተገኙበት የቤት እድሳት መርሃ-ግብሩ በይፋ ተካሂዶል ፡፡

መረጃው የወረዳ 11 ኮሙኒኬሽን ጽህፈት ቤት ነው ፡፡
ጥር 02/2015 ዓ.ም

06/01/2023

"በዓሉ የሰላም ፣ የጤና፣ የፍቅር ይሁንላችሁ!"
አቶ በላቸው ቴኒ ።
🎄🎄🎄🎄🎄🎄🎄🎄🎄🎄🎄
ለመላው የክርስትና እምነት ተከታይ የወረዳችን ባለሙያዎች እንኳን ለጌታችን ለመድሃኒታችን ለእየሱስ ክርስቶስ የልደት በዓል በሰላም አደረሰን አደረሳችሁ።

የምንሰጠውን አገልግሎት ውጤታማ ለማድረግ የአስፈፃሚ ተቋማት ሚና የላቀ ነው ያሉት የአዲስ ከተማ ክፍለ ከተማ ወረዳ 11 ፐብሊክ ሰርቪስና የሰው ሃብት ልማት ጽ/ቤት ሃላፊ አቶ በላቸው ቴኒ ሲሆኑ የወረዳችን ባለሙያዎች በዓሉ ሳያዘናጋችሁ፤ በዓል ሲመጣ አዲስ እና የመነቃቃት ስሜት እንደሚፈጥር ሁሉ በጥሩ እና በጠነከረ ፤ እንዲሁም የአገልጋይነት መንፈስ በመላበስ አገልግሎት መስጠት ይጠበቅባቸዋል ብለዋል።

ተገልጋዮቻችንም ወደ አገልግሎት ሰጪ ተቋሞቻችን ሲመጡ የሚጠበቅባቸውን ቅድመ ሁኔታዎች በሟሟላት ለ አግልግሎት አሰጣጡ ቅልጥፍና የራሳቸውን ሚና መወጣት እንደሚኖርባቸውም ሃላፊው አሳስበዋል።

አገልግሎት ሰጪ ተቋማቶቻችን ደግሞ ከላይ የተጠቀሱት እንደተጠበቁ ሆነው አገልግሎት አሰጣጡ በቴክኖሎጂ የተደገፈ እንዲሆን የበኩላቸውን ሚና መጫወት አለባቸው ብለዋል።

በአጠቃላይ ተገልጋይን የሚያረካ፣ፈጣንና ቀልጣፋ አገልግሎት መገልጫው መሆን እንዳለበትም ሃላፊው ጨምረው ገልፀዋል።

ወረዳ 11 ኮሙንኬሽን
ታህሳስ 28/2015 ዓ.ም

06/01/2023

ለመላው የክርስትና ዕምነት ተከታዮች የእንኳን አደረሣችሁ መልዕክት ተላለፈ ።
🎄🎄🎄🎄🎄🎄🎄🎄🎄🎄🎄🎄🎄

በአዲስ ከተማ ክፍለ ከተማ ወረዳ 11 ዋና ስራ አስፈፃሚ ወ/ሪት ዘውድነሽ ሽፈራሁ በነገው እለት ለሚከበረው የገና በዓል ለወረዳው የክርስትና ዕምነት ተከታይ ነዋሪዎችና አገልጋዮች እንዲሁም ለመላው የክርስትና ዕምነት ተከታዮች በሙሉ የእንኳን አደረሣችሁ መልዕክታቸውን አስተላልፈዋል ።

ዋና ስራ አስፈፃሚዋ በመልዕክታቸው በዓሉ ለመላው የክርስትና ዕምነት ተከታዮች ትልቅ ቦታ ያለውና የክርስቶስ ውልደት የሚታሠብበት እንደመሆኑ የእምነቱ ተከታዮች በሚያከብሩበት ወቅትም እርስ በእርስ በመደጋገፍና በመረዳዳት መሆን ይገባል ብለዋል ።

ሀላፊዋ ሁሉም የወረዳው ነዋሪዎችና አደረጃጀቶች ከፀጥታ ሀይሎች ጋር በመተባበር የተለመደ የአካባቢ ጥበቃቸውን በንቃት እንዲከታተሉ በማሣሠብ በድጋሚ ለመላው የክርስትና ዕምነት ተከታዮች የእንኳን አደረሣችሁ መልዕክታቸውን አስተላልፈዋል ።

የወረዳ 11 ኮሙኒኬሽን ጽ/ቤት ።
ታህሣስ 2015 ዓ.ም

05/01/2023

ለ 240 አቅመ ደካማ ዜጎች የማዕድ ማጋራት ተካሄደ።
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
በአዲስ ከተማ ክፍለ ከተማ ወረዳ 11አስተዳደር እና የህብረተሰብ ተሳትፎ እና በጎ ፍቃድ ማስተባበሪያ ፅ/ቤት ለ 240 የሚሆኑ አቅመ ደካማ ዜጎች ድጋፍ ተድረጓል።

የአዲስ ከተማ ክፍለ ከተማ ወረዳ 11ዋና ስራ አስፈፃሚ ወ/ት ዘውድነሽ ሽፈራው እንኳን ለገና በዓል አደረሳችሁ ያሉ ሲሆን፤ የዛሬው ድጋፍ በወረዳ ደረጃ ለሁለተኛ ጊዜ የተካሄደ መሆኑን አስታውቀው፤ድጋፉንም ከነጋዴዎች ፣ከባለሃብቶች እንዲሁም ከበጎ አድራጊዎች የተሰበሰበ ነው ብለዋል።

የወረዳ 11 ህብረተሰብ ተሳትፎ እና የበጎ ፍቃድ ማስተባበሪያ ፅ/ቤት ሃላፊ አቶ ለገሰ በሰኔ በበኩላቸው የተመረጡት ድጋፍ የተደረገላቸው ዜጎች ምንም ገቢ የሌላቸው፣አቅመ ደካማ እና አረጋውያን ናቸው ብለዋል።

ድጋፉን የአዲስ ከተማ ክፍለ ከተማ የአደረጃጀት ሃላፊ አቶ ዳዊት ብርሃኑ፣የወረዳ 11 ዋና ስራ አስፈፃሚ ወ/ት ዘውድነሽ ሽፈራው እና ሌሎች የወረዳው አመራሮች አበርክተዋል።

ዘገባው የወረዳ 11 ኮሙንኬሽን ፅ/ቤት ነው።
ታህሳስ 27/2015 ዓ.ም

05/01/2023

በአገልግሎት አሰጣጥ እና መልካም አስተዳደር ችግሮች ዙሪያ የእንጠያየቅ መድረክ ተካሄደ።
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
የአዲስ ከተማ ክፍለ ከተማ ወረዳ 11 ኮሙንኬሽን ፅ/ቤት ከወረዳ 11 ምክር ቤት ፅ/ቤት ጋር በመተባበር በወረዳው አገልግሎት አስጣጥ እና የመልካም አስተዳደር ችግሮች ዙሪያ የእንጠያየቅ መድረክ ተካሄዷል።

የአዲስ ከተማ ክፍለ ከተማ ወረዳ 11ፐብሊክ ሰርቪስ እና የሰው ሃብት ልማት ፅ/ቤት ሃላፊ አቶ በላቸው ቴኒ በወረዳው የአገልግሎት አሰጣጥ በተመለከተ አጭር ሪፖርት ያቀረቡ ሲሆን፤ሃላፊው አያይዘው አገልግሎት አሰጣጡ ለማሻሻል የሲስተም ዝርጋታን ጨምሮ የስራ ቦታዎች ምቹ ማድረግ እንዲሁም የተገልጋይ ቅሬታ መቀበያ ስርዓት በመቀበል አገልግሎት በተሻለ ደረጃ እንዲሰጥ የማድረግ ስራ ተከናውኗል ብለዋል።

የወዳረዳው ዋና ስራ አስፈፃሚ በበኩሉ የመልካም አስተዳደር ሪፖርት ያቀረበ ሲሆን ፅ/ቤቱ 15 የመልካም አስተዳደር ችግሮች በመለየት 8 ያህል የተፈቱ ሲሆን 3 የመልካም አስተዳደር ችግሮች በሂደት ላይ ያሉ ናቸው ብለዋል።

ከተሳታፊዎችም ዕድሮች የቦታ ችግር አለብን፣የስራ አጥ ወጣቶች እያሉ ተዘግተው የተቀመጡ ሼዶች ለምን ለወጣቶች አይተላለፉም፣የቤት ዕድሳት ፍቃድ አሰጣጥ ላይ ክፍተት መኖሩን፣የልማት ስራዎች በወቅቱ እየተከናወኑ አይደለም፣የኮብል መንገዶች ያለ አግባብ እየፈረሱ ነው፣የተማሪዎች ምግባ በተመለከተ የጥራት ችግር አለ፣አንዳንድ ፅ/ቤት አገልግሎት ላይ እንግልት ይታያል፣በፊሊጶስ ዘላቂ ማረፍያ ተደራጅተን እየሰራን ያለ አግባብ ከስራ ታግደናል፣ለባለድርሻ አካላት የሚገባቸውን ክብር እና ጥቅም ከመስጠት አንፃር ክፍተቶቹ አሉ የሚሉ እና ሌሎች በርካታ ጥያቄዎች ተነስተዋል።

በተነሱ ጥያቄዎች ላይም በውይይቱ ላይ የተገኙት አቶ ያሲን ሙስጠፋ የወረዳ 11ወሳኝ ኩነት ፅ/ቤት ሃላፊ፣አቶ ትግሉ ገብሬ የወረዳ 11ምክትል ዋና ስራ አስፈፃሚ እና የስራ ዕድል ፈጠራ እና ኢንተርፕራይዝ ፅ/ቤት ሃላፊ እንዲሁም ወ/ት ዘውድነሽ ሽፈራው የወረዳ11 ዋና ስራ አስፈፃሚ ምላሽ ሰጥተዋል።

ዘገባው የወረዳ 11 ኮሙንኬሽን ፅ/ቤት ነው።
ታህሳስ 27/2015 ዓ.ም

03/01/2023

የገና እና የጥምቀት በዓላት ያለምንም የፀጥታ ችግር እንዲከበሩ ከፖሊስ አባላት ጋር በመቀናጀት አስፈላጊውን ስራ እንሰራለን ሲሉ የህዝባዊ ሰራዊት አባላት ተናገሩ፡፡
****************
የአዲስ ከተማ ክ/ከተማ ሰላምና ፀጥታ ጽ/ቤት የ2015 ዓ.ም የገናና የጥምቀት ክብረ በዓላት ሰላማዊ ሆነው ይጠናቀቁ ዘንድ ከህዝባዊ ሰራዊት አባላትና ከፖሊስ መምሪያ የስራ ሃላፊዎች ጋር ውይይት አድርጓል፡፡

ህዝባዊ በዓላቱ በአደባባይ ጭምር የሚከበሩ በመሆናቸው ከዚሁ ጋር ተያይዞ የፀጥታ መደፍረስ ችግር እንዳይከሰት አስፈላጊው የቅድመ ዝግጅት ስራ እየሰከናወነ መሆኑን የሰላምና ፀጥታ ጽ/ቤት ሃላፊው አቶ ሳሙኤል ከልሌ ተናግረዋል፡፡

የክፍለ ከተማው ፖሊስ መምሪያ ወንጀል መከላከል ዘርፍ ሃላፊ ኮ/ር ነጃ ቢረዳ በበኩላቸው በተለይ የጥምቀት በዓል በዩኒስኮ የተመዘገበ አለማቀፋዊ የአደባባይ በዓል በመሆኑ በውጭ የሚኖሩ ትውልደ ኢትዮጵያዊያን ዲያስፖራዎች እንዲሁም የውጭ ሃገር ዜጎች ጭምር በተገኙበት በድምቀት የሚከበር በመሆኑ በዓሉ የፀጥታ ስጋት ሳይኖር በሰላም እንዲጠናቀቅ በቂ ዝግጅት እያደረግን ነው ብለዋል፡።

አሁን ባለው ተጨባጭ ሁኔታ ያሉ ተስፋዎችንና ስጋቶችን የሚያመላክት ሰነድ የክፍለ ከተማው ማ/ሰብ አቀፍ ፖሊስ አገልግሎት ሃላፊ ኮ/ር አጀመ አቤጊ አቅርበው ውይይት ተደርጎበታል፡፡

ታህሳስ 25-2015ዓ.ም

02/01/2023

እንኳን ደስ አላችው!!!!
የአዲስ ከተማ ክ/ከተማ ጤና ጽ/ቤት በ2014 ዓ.ም የጤና መድህን አገልግሎት አፈፃፀም ከከተማ አስተዳደሩ 1ኛ በመውጣት በሃገር አቀፍ ደረጃ እውቅናና ሽልማት ተበረከተለት።
*********************
የኢትዮጵያ ጤና መድህን ትግበራ 10ኛ ዓመት ምስረታ በዓሉን የኢፌደሪ ምክትል ጠቅላይ ሚኒስትርና የውጭ ጉዳይ ሚኒስትሩ አቶ ደመቀ መኮነንና ሌሎች የፌደራል ከፍተኛ አመራሮች በተገኙበት ሲከበር ነው ለአዲስ ከተማ ክ/ከተማ ጤና ጽ/ቤት እውቅና የተሰጠው።

ሽልማቱን በማስመልከት የአዲስ ከተማ ክ/ከተማ ዋና ስራ አስፈፃሚና የጤና መድህን ቦርድ ሰብሳቢ ወ/ሮ ሽታዬ መሃመድ ለተመዘገበው መልካም ውጤት ለከተማው ጤና ቢሮ፣ በየደረጃው ላለው አመራርና ለዘርፉ ሰራተኞች፣ ለጤና ባለሙያዎችና ባለድርሻ አካላት በሙሉ ምስጋና ይገባቸዋል ብለዋል።

የክፍለ ከተማው ጤና ጽ/ቤት ሃላፊ አቶ እዮብ ዘለቀ በበኩላቸው የተበረከተልን ሽልማት በቀጣይ ለምናስመዘግበው የተሻለ ውጤት እንደመነሳሻ ይሆነናል ሲሉ ገልፀዋል ።
ታህሳስ 24-2015

01/01/2023

''የሰንበት ገበያዎች በዓልን ምክንያት በማድረግ
ለህብረተሰቡ ተደራሽ እየተደረገ ይገኛል"

በአዲስ ከተማ ክ/ከተማ ወረዳ 11 አስተዳደር ሉካንዳ አካባቢ በሰንበት ገበያዎች መጪውን የገና በዓል ታሳቢ በማድረግ ለህብረተሰቡ ጥራት ያለው የፋብሪካ ምርቶችና የግብርና ምርቶች በተመጣጣኝ ዋጋ እየተሸጠ ይገኛል።
23/4/15

01/01/2023

ጠቅላይ ሚኒስትር ዐቢይ አሕመድ የ2023 የፈረንጆች አዲስ ዓመትን ምክንያት በማድረግ የመልካም ምኞት መግለጫ አስተላለፉ
***********************

ጠቅላይ ሚኒስትር ዐቢይ አሕመድ የ2023 የፈረንጆች አዲስ ዓመትን ምክንያት በማድረግ የመልካም ምኞት መግለጫ አስተላልፈዋል።

ጠቅላይ ሚኒስትሩ በማኅበራዊ ትስስር ገፃቸው ባስተላለፉት የመልካም ምኞት መግለጫ መልዕክት፥ "ለመላው ወዳጆቻችን እና አጋሮቻችን መልካም አዲስ ዓመት እንዲሆንላቸው እመኛለሁ" ብለዋል።

አዲሱ ዓመት ለዓለም አቀፉ ማህበረሰብ ዘላቂ ሰላም እና ደህንነትን ይዞ እንዲመጣም መልካም ምኞታቸውን ገልፀዋል።

31/12/2022

ለአቅመ ደካማ ነዋሪዎች ድጋፍ ተደረገ
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
በአዲስ ከተማ ክፍለ ከተማ ወረዳ 11 አስተዳደር የህብረተሠብ ተሣትፎና በጎ ፍቃድ ጽ፣/ቤት በኢትዮጵያ ኢንቨስትመንት ኮሚሽን ኮምሽነር ወ/ሮ ለሌሴ ነሜ አስተባባሪነት ለአቅመ ደካማ ነዋሪዎች ድጋፍ ተደረገ ።

በዕለቱ የብርድልብስ፤ የአልባሣት፤ የማብሠያና የታሸጉ ምግቦች ለበርካታ የአቅመ ደካማ ነዋሪዎች ድጋፍ የተደረገ ሲሆን የአዲስ ከተማ ክፍለ ከተማ ወረዳ 11 ዋና ስራ አስፈፃሚ ወ/ሪት ዘውድነሽ ሽፈራው ድጋፉን በማበርከት በቀጣይም አስፈላጊ ድጋፎች እንደሚደረጉ ገልፀዋል ።

በጠዋቱ መርሃ ግብር ለአቅመ ደካሞች የተደረገውን የቤት ዕድሣት ርክክብና የተለያዩ ድጋፎች መሠጠታቸው ይታወሣል ።

ዘገባው የወረዳው ኮሙኒኬሽን ጽ/ቤት ነው
ታህሣስ 2015 ዓ.ም

31/12/2022

የአዲስ ከተማ ክ/ከተማ አስተዳደር ብዝሀ ቋንቋን አስመልክቶ በተጠናው ጥናት ዙሪያ ከተማሪ ወላጆች ጋር ውይይት አካሄደ።
*****************
ብዝሀ ቋንቋ አተገባበር ከአፍ መፍቻ በተጨማሪ የሀገር ውስጥና የውጪ ቋንቋዎችን በስርዓተ ትምህርት ለማካተት በኮተቤ ሜትሮፖሊታንት ዩኒቨርስቲ የተጠናውን ጥናት አስመልክቶ ከክፍለ ከተማውና አጎራባች ዞኖች ከመጡ የተማሪ ወላጆች ጋር ውይይት ተደርጓል፡፡

ጥናቱ ከባለፈው መጋቢት ወር ጀምሮ በዘርፉ ሙህራን አማካኝነት የተጠና ሳይንሳዊ ጥናት መሆኑን የገለፁት በምክትል ከንቲባ ማዕረግ የአዲስ አበባ ከተማ አስተዳደር ከተማ ውበትና አረንጓዴ ልማት ቢሮ ሃላፊው ዶ/ር ጀማል ጀንበሩ የጥናቱን ግኝት አስመልክቶ በየደረጃው ያለው ህዝባችን እየተወያየበትና ሃሳብ እየሰጠበት ይገኛል ብለዋል።

የአዲስ ከተማ ክ/ከተማ ዋና ስራ አስፈፃሚ ወ/ሮ ሽታዬ መሃመድ በበኩላቸው ብዝሃ ቋንቋን ማወቅ ማህበራዊ መስተጋብርን በማጠናከር ዘርፈ ብዙ ጠቀሜታ ያለው መሆኑን ገልፀው ጥናቱን አስመልክቶ ከተማሪ ወላጆችና ሌሎች የህ/ሰብ ክፍሎች ጋር የሚደረግ ውይይት የመማር ማስተማር ሂደቱን ሰላማዊ ከማድረግ በተጨማሪ በጥናቱ ዙሪያ ግልፀኝነትን ይፈጥራል ሲሉ ገልፀዋል፡፡

የቀጣዩ ትውልድ ማህበራዊ መስተጋብር የበለጠ እንዲጠናከር ለማድረግ በብዝሃ ቋንቋ መማር አስፈላጊ ነው ያሉት የክፍለ ከተማው ብልፅግና ፓርቲ ጽ/ቤት ሃላፊ አቶ ብርሃኑ አበራ ጥናቱ ከወላጆች በተጨማሪ የተማሪዎችን፣ የመምህራንንና የተለያዩ የህ/ሰብ ክፍሎችን ሃሳብ ያካተተና ያዳበረ ይሆናል ብለዋል፡፡

የቀጣይ የልጆቻችን እጣ ፋንታ ላይ ለመወሰን ለውይይት በመጋበዛችን አስተዳደሩን እናመሰግናለን ያሉት የተማሪ ወላጅ ተወያዮች በበኩላቸው ተጨማሪ ቋንቋን ልጆቻችን መማራቸው ጥቅም እንጂ ጉዳት ስለሌለው የሚበረታታና የሚደገፍ ጉዳይ ነው ሲሉ ተናግረዋል፡፡
ታህሳስ 22-2015ዓ.ም

31/12/2022

በወረዳው ለአቅመ ደካሞች የተገነቡ ቤቶች ርክክብ ተደረገ።
🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹🇪🇹
በኢትዮጵያ ኢንቨስትመንት ኮምሽን ኮምሽነር ወ/ሮ ለሊሴ ነሜ አስተባባሪነት በሁለት የቻይና ኩባንያዎች የተገነቡ ዘጠኝ መኖሪያ ቤቶች በዛሬው ዕለት ከቤት እቃ ጋር እና ከፍጆታ ሸቀጦች ጋር ርክክብ ተደርጓል።

በፕሮግራሙ ላይ የተገኙት እና ርክክብ ያደረጉት የ ኢንቨስትመንት ኮምሽን ኮምሽነር ለሊሴ ነሜ ለህብረተሰቡ ቃል በገባነው መሰረት እየሰራን ነው ያሉ ሲሆን ድጋፋችን ወደፊትም በሰፊው ይቀጥላል ብለዋል።

የቤት ግንባታው ሙሉ ወጪ ለሸፈኑት እንዲሁም ሌሎች ድጋፎች ላድርጉ ያቻይና ኩባንያዎች እና በበጎ ስራ ለተሰማሩ አካላት ኮምሽነሯ ምስጋና አቅርበዋል።

የአዲስ ከተማ ክፍለ ከተማ ወረዳ 11 ዋና ስራ አስፈፃሚ ወ/ት ዘውድነሽ ሽፈራው በበኩላቸው ከዚህ ቀደም
ለ 200 አቅመ ደካሞች የዱቄት እና የዘይት ድጋፍ፣ለ400 የኬጂ ተማሪዎች የመማሪያ መሳሪያዎች፣ለወጣቶች ለሸገር ዳቦ አጋሽ የሆኑ ሁለት ኮንትነሮች ሁለት የቻይና ኩባንያዎችን በማስተባበር ወ/ሮ ለሊሴ ነሜ ድጋፍ ማድረጋቸውን አስታውሰው ፤ በዛሬው ዕለት ዘጠኝ ቤቶች በብሎኬት በማሰራት እና የቤት እቃዎችን በማሟላት ላደረጉት ድጋፍ ምስጋና አቀርባለው ብለዋል።

በቀጣይ የሌማት ትሩፋት ስራ ላይ በትኩረት እንደሚሰራ ያስታወቁት ወ/ት ዘውድነሽ የኢትዮጵያ የኢንቨስትመንት ኮምሽንም ድጋፉን አጠናክሮ እንዲቀጥል ጥሪ አቅርበዋል።

አቅመ ደካማ የሆኑ ነዋሪዎችን በመለየት እና በማስተባበር እንዲሁም ቤታቸው እንዲታደስላቸው በማድረግ በኩል የወረዳ 11 አስተዳደር እና የህብረተሰብ ተሳትፎ እና በጎ ፍቃድ ማስተባበሪያ ፅ/ቤቶች ተሳታፊ ሆነዋል።

ዘገባው የወረዳ 11 ኮሙንኬሽን ፅ/ቤት ነው።
ታህሳስ 22/2015 ዓ.ም

31/12/2022

የተማሪ ወላጆች በብዝሀ ቋንቋ አተገባበር ጥናት ላይ ተወያዩ

በአዲስ አበባ ከተማ በሁሉም ክፍለ ከተሞች የሚገኙ የተማሪ ወላጆች ከአፍ መፍቻ ተጨማሪ የሀገር ውስጥና የውጪ ቋንቋዎችን በትምህርት ስርዓቱ ለማካተት የኮተቤ ትምህርት ዩኒቨርስቲ ባደረገው የብዝሀ ቋንቋ አተገባበር ጥናት ላይ ተወያይተዋል።

የብልፅግና ፓርቲ አዲስ አበባ ቅርንጫፍ ጽ/ቤት ኃላፊ አቶ መለሰ ዓለሙ በየክፍለ ከተማው በውይይቱ ለተሳተፉ የተማሪ ወላጆች በቪዲዮ ኮንፈረንስ ባስተላለፉት መልዕክት ኢትዮጵያ ብዝሀነቷን አክብራና ተንከባክባ ከትውልድ ትውልድ እንድትሸጋገር የተለያዩ ስራዎች እየተሰሩ መሆኑን አንስተዋል።

ለብዝሀ ቋንቋ አተገባበር ኮተቤ ዩኒቨርስቲ ያደረገው ጥናትም ህብረብሔራዊ አንድነታችንን ለማጠናከር የራሱ ድርሻ እንደሚኖረው በማስረዳት ወላጆች የሚሰጧቸው ሀሳቦች ለብዝሀ ቋንቋ አተገባበሩ እና ለመማር ማስተማሩ ሂደት ስኬታማነት እንደ ተጨማሪ ግብአት እንደሚወሰዱ አቶ መለሰ ተናግረዋል።
የተማሪ ወላጆች በብዝሀ ቋንቋ አተገባበር ጥናት ላይ ተወያዩ

በአዲስ አበባ ከተማ በሁሉም ክፍለ ከተሞች የሚገኙ የተማሪ ወላጆች ከአፍ መፍቻ ተጨማሪ የሀገር ውስጥና የውጪ ቋንቋዎችን በትምህርት ስርዓቱ ለማካተት የኮተቤ ትምህርት ዩኒቨርስቲ ባደረገው የብዝሀ ቋንቋ አተገባበር ጥናት ላይ ተወያይተዋል።

የብልፅግና ፓርቲ አዲስ አበባ ቅርንጫፍ ጽ/ቤት ኃላፊ አቶ መለሰ ዓለሙ በየክፍለ ከተማው በውይይቱ ለተሳተፉ የተማሪ ወላጆች በቪዲዮ ኮንፈረንስ ባስተላለፉት መልዕክት ኢትዮጵያ ብዝሀነቷን አክብራና ተንከባክባ ከትውልድ ትውልድ እንድትሸጋገር የተለያዩ ስራዎች እየተሰሩ መሆኑን አንስተዋል።

ለብዝሀ ቋንቋ አተገባበር ኮተቤ ዩኒቨርስቲ ያደረገው ጥናትም ህብረብሔራዊ አንድነታችንን ለማጠናከር የራሱ ድርሻ እንደሚኖረው በማስረዳት ወላጆች የሚሰጧቸው ሀሳቦች ለብዝሀ ቋንቋ አተገባበሩ እና ለመማር ማስተማሩ ሂደት ስኬታማነት እንደ ተጨማሪ ግብአት እንደሚወሰዱ አቶ መለሰ ተናግረዋል።

የብዝሀ ቋንቋ አተገባበርን የጥናት ውጤት ያቀረቡት የኮተቤ ትምህርት ዩኒቨርስቲ መምህር ዶ/ር ዮሴፍ ተማሪዎች፣ መምህራንና ወላጆች በጥናቱ ወቅት ግብአት መስጠታቸውን ገልፀው የዛሬው ውይይትም ከቅርበት፣ ከተደራሽነት፣ ከተጠቃሚነት እንዲሁም ከማህበራዊ፣ ኢኮኖሚያዊ እና አስተዳደራዊ ጉዳዮች አንፃር የጥናቱ ውጤት ምን እንደሚመስል ከወላጆች ጋር የጋራ ለማድረግና በተጨማሪ ግብአት ለማዳበር መሆኑን አስረድተዋል።

29/12/2022

የኢትዮጵያ ፌዴራል ፖሊስ የፌዴራል ተቋማትን ለመጠበቅ መቐለ ገባ
***********************

በኢ.ፌ.ዲ.ሪ ሕገ መንግሥት መሠረት በኢፌዲሪ መንግሥት የሚተዳደሩ ተቋማትን ለመጠበቅ የኢትዮጵያ ፌዴራል ፖሊስ በዛሬው ዕለት ትግራይ ክልል መቐለ ከተማ ገብቶ ሥራ መጀመሩን ገለጸ።

መንግሥትና ህወሓት በደቡብ አፍሪካ ፕሪቶሪያ የደረሱባቸውን የሰላም ስምምነት ተከትሎ የኢትዮጵያ ፌዴራል ፖሊስ በትግራይ ክልል የሚገኙ በኢፌዲሪ መንግሥት የሚተዳደሩ አየር ማረፊያዎች፣ የኤሌክትሪክ ኃይል፣ የቴሌኮም አገልግሎት፣ የባንክ እና ሌሎች ለኅብረተሰቡ አገልግሎት የሚሰጡ የፌዴራል ተቋማት አስተማማኝ ጥበቃ እንደሚያደርግ አስታውቋል።

የኢትዮጵያ ፌዴራል ፖሊስ ቀደም ብሎም በትግራይ ክልል አካባቢዎች በመግባት ኅብረተሰቡን በማረጋጋት ወደ ቀያቸው እንዲመለሱ በማድረግ የፀጥታ እና ደህንነት የማስከበር ሥራዎችን እየሠራ መቆየቱ ይታወቃል።
ታህሳስ 20-2015