Xayyib Kamaal

27/08/2024

Galgala tokkotti miliyeenara ta'e
~~~
Rabbi guyyaa tokkotti seenaa kee jijjiira!

Milkaa'ina kee namarraa eegdaa? Lakki, abdiin karaa namaa fagoo si hin geessisu. Namni tarii har'a si eebbisee bor si abaara. Tarii har'a si kabajee bor si salphisa. Har'a si wajjin kolfee bor nyaara sitti guura. Har'a waadaa siif galee bor si gana. Waaqayyoon yoo abdatte garuu karaan fagaatus bakka yaadde ni geessa. Abidda keessatti waadamtee warqee taata. Nama Waaqayyoon abdatutti aduun hin dhiitu. "Naaf dhumeera...kanarra karaan hin jiru" gaafa ati jettu, "Lakkii kan kee ganaadha, si'achin jireenya si jalqabsiisa" siin jedha Waaqayyo!
~
Namichi argitan kun nama biyya Taanzaaniyaati. Maqaansaa 'Saniniu Laizer' jedhama. Albuuda baasuudhaan maatiisaa jiraachisa. Hojii kana waggaa baay'ee hojjete. Lubbuusaa balaarra buusuudhaan holqa lafaa seenee albuuda barbaada. Ijoollee baay'ee qaba. Waan inni hojjetu qoonqoo maatisaarra hin darbu. Garuu guyyaa tokko abdii kutee hin beeku. Jireenyasaa fooyyeffachuuf jedhee soba, hannaafi saamicha yaadees hin beeku. Lafa qota, albuuda barbaada. Boris lafa qota albuuda barbaada. Waaqayyo gaaftokko jireenya koo jijiiira jedhee abdata. Maarree abdiinsaa abdii qofa ta'ee hin hafne. Akkuma abdate ta'eef!
~
Tibba darbe keessa utuma albuuda barbaaduu, albuuda gati - jabeessa lama bakka tokkotti argate. Albuudonni kunneen walumatti kiiloo 15 ulfaatu. Albuudni hamma kanaa ulfaatu Taanzaaniyaa keessatti argamee hin beeku. Albuuda argate kana borumtaa gabaaf dhiyeessee doolaara Ameerikaa miliyoona 3.4tti gurgurate. Galgala tokkotti miliyeenarii ta'ee jiruusaafi jiruu ijoolleesaa, akkasumas jiruu hawaasa isaa sadarkaa guddaatti ceesisuuf carroome. Agartee? Waaqayyo yoo barbaade akkas godha. Isatti amani, isa abdadhu, dafqiimmoo hojjedhu. Namni bulee sitti jijjiirama, Waaqayyo garuu bulee si jijjiira!

Barruun kun waggaa lama dura waloo Lataa Qana'ii Aagaatiin kan maxxanfameedha. Eeyyeen inshaa Allaah wanti namatti ulfaataan Rabbiif ammoo salphaadha. Rabbiin waa jijjiiruuf hin rakkanne dhukkuba irraa gara fayyaatti, dhaba irraa gara argataatti, caba irraa gara fayyaatti jireenya keenya nuuf haa jijjiiru.

© Amar Temam

06/06/2024

Jumu'aa borii Zulhijjaan tokko ta'uun mirkanaa'ee jira. Jum'aa waan ta'eef salawaata buusaa Ibaadaa adda addaa haa baay'ifnu.
اللهم صل وسلم على نبينا محمد.

27/04/2024

Akka miskiinummaa hin sodaannetti Rizqii halaal bal'oo, maallaqa lakkaawamee hin dhumne RABBI isiniif haa kennu!

25/04/2024

Doofummaa miti Gowwummaa sodaadhu

Jara khana lammeen rabbi siifi maatii keetirraa haa qabu

21/04/2024

21/04/2024

Namni Dhugaan Rasuula Jaalattan Salawaata Buusaa

Sallallaahu Aleeyhi Wasallam
Sallallaahu Aleeyhi Wasallam
Sallallaahu Aleeyhi Wasallam

20/04/2024

Yaa Rabbi
Warra hulaan saddeettan
Jannataa irraa banamturraa
Nu taasisi🤲🤲🤲

10/04/2024

Shawwaala Rabbiin nuuf haa laaffisu isa dabalannaan akka nama waggaa guutuu soomateetii!

09/04/2024

Baga woggaa geessan rabbi nurraa qeebalee kan dhufuunis nuhaa gahu
Kan milkii kan nasrii kan gammachuu rabbi nuuf hagodhu

07/04/2024

Innaa lillaahi wa innaa ilayihi raaji'uun!
Sheekni keenya aalimni guddaan Ustaaz Haji Shaafii Yaasin aakhiramaniiru.
Rabbi qubsuma isaanii jannatul firdawusiin haa godhu!
Gadda guddaadha wollaahi!
Qilxuu guddaatu jige!

02/04/2024

Guyyaa Juma'aa kalaandariin cufaa ta'uu qaba > Ustaaz Ahmedin Jebel-አሕመዲን
~~~
Waamicha Ustaaz Ahmedin Jebel-አሕመዲን ጀበል!!
Itoophiyaatti guyyaan juma'aa guyyaa boqonnaa akka ta'u; akkasuma salaanni juma'aa bu'uuraa fi qaama amantichaa keessaa tokko waan ta'eef, guyyaa kanatti dhaabbileen mootummaa fi manneen barnootaa akka cufamuu fi lakkoofsi Hijraa sirna kalaandarii biyyattii keessatti akka hammatamuuf Ustaaz Ahmedin Jebel waamicha dhiheessaniiru!!❤️🥰🙏

01/04/2024

Halkan 23 ffaa baatii Ramadaanaaa.

Guyyaaleen baatii Ramadaanaa keessaa hafan hedduu muraasa,rakkoon keenna immoo baayyeedha.

Yaa Rabbi
rakkoo hundaatuu beektaa,hunda rakkataafi cinqamaa namaa,dandeettii keetiin nuu furi.

Yaa Rahmaan
Baatiin keessa jirru Ramadaana,halkan Leylatul-qadri itti kajeellamtu,musaafira,lafa kabajamtuu irra jirraa hunda waan sitti iyyannee walitti qabii nuu kennii,nuu awwaadhu.

Yaa Rabbi
Ol aantummaa diinii keennaa nuu kenni,Kabaja nutti hori,ulfina nuu dabali,hamtuufi hammaataa namaa nurraa qabi,cubbuufi cubbamaa,zaalimaafi sobduu nurraa ittisi.

Yaa Rabbi.
Balabala kee irraa nu hin fageessin,jaalala kee irraa nu hin hoongessin,haqa hojjachuufi dhugaa dubbachuu irraa nu hin dabsin,qaanyii guyyaa lamaanii irraa nu baraari.

Yaa Rahmaan
Fayyaa guutuu nuu kenni,garaa nutti laafi,karaa nuu laaffisi,rizqii halaalaatiin duroomsii nu gammachiisi, duniyaa haraamaa nurraa fageessi,waan nuu kennite hunda,humnaafi qabeenya keenna kan siif tahu nuu taasisi.

Yaa Rabbi
Duniyaa jecha Aakiraa gurgurachuu irraa ni of kolchi , Aangoo jecha obboleessa nyaachuu nurraa qabi, maqaa jecha dhama hoongahuu nurraa fageessi.

Yaa Rahmaan
Nama toltuu namaaf hawwu,kan obboleessaa du’aa’ii godhu,kan ilmaaniifi maatii ufii eebbisu,kan hawaasa ufiitiifi biyya ufiitiif yaaddahu,nama gaarii yaadu ni taasisi.

Yaa Rahmaan
Obboleewwan diinii isaaniitii dursa kennanii uf dagatan,sheekkota na argaafi na dhagahaa malee halkaniifi guyyaa diinii kee jalatti caban,ulamoota lubbuun jiraniifi kan gama kee deebi’an,mu’minootaafi muslimoota shahaadaa qabatanii sitti godaanan, abbaafi haadha keenna,firaafi maatii keenna qabrii keessa ciisan hundaaf nuu araarami.

Yaa Rabbi
Ul fuutee gadi nu hin buusin,beeksistee nu hin wallaalchisin,bareechitee nu hin fokkisin, qajeelchitee nu hin jallisin,fayyaa nuu kennitee nurraa hinfudhatin, duroomsitee nu hin hiyyoomsin,nutti baldhistee nutti hin dhiphisin, wal- nu jaalachiistee,Yoo siif tahe malee wal-nu hinjibbisiisin,obboleessa walii nu taasiftee, diina walitti nu hin godhin.

Yaa Rahmaan
Doqnummaa,dabeessummaa,hisdii,komii,hamii,jibba,morka,dulloomanii bututuu,uf dhabuufi waa dhabuu,dadhabuufi higannaa irraa sitti maganfanne.

Yaa Rahmaan
Barataa,daldalaa,hojjataa karaa sirrii irra jiru,hunda isaanii mirga tahiif.

Yaa Rabbi
Araarama kee,qeebaltii kee,rahmata kee,rizqii tee,jannata keetiin nu gammachiisii,Nabii kee wajji nu kaasi,ollaa isaanii nu taasisi,fuula kee bareedaa sanas nu agarsiisi.
By Sufian usman

31/03/2024

Yeroo kabajamtuu tana keessatti wanni kadhannu
Yaa Rabbi walloof tumsi.
yaa Rabbi filisx**niif tumsi
Yaa Rabbi Muslimoota miidhaman hundaaf tumsi

30/03/2024

Ramadaana 20, Fathii Makkaa yaadattuu? Magaalaan Makkaa ji'a collee kana keessa Hijraa 8 Mushri-ka Qureyshii harkaa baate.

Ergamaan Rabbii Muhammadﷺ guyyaa akka har’aa kana Makka bane. Waraana isaa Kuma 10 ol waliin xiqqo malee osoo hin lolin Makka dhuunfatan. Eega irra aanan booda warra Makkaa kan biyyaa isaan baqachiisee tureef dhiifama godhan. "Deemaa isin bilisa" ja'aniin, humaa haaloo hin baafanne. Sahaabtichi beekkamaan Bilaal bin Rabaah biyya itti gabroomee cunqurfame keessatti injifatee guyyaa kana Ka'baa koree Azaane. “Allaahu akbar Allaahu akbar..” ja’ee guddina Allaah ummata dhageessise.

Gaafa san Nabi Muhammad (Salawaatullaahi Wasalaamu Aleyhi ) imaamaa gurraattii matatti maratanii,RABBII guddaa injifannoo fi kabaja kana isaaniif godheef mataa gadi qabanii,inumaa gaafa san mataan isaanii kooraa yaabbii isaanii tuqutti dhiyaate jedhan osoo mataa gadi qabatan.

Makkaa gaafa kaan dukkanaan Saahiba Isaanii Abuu Bakriin wajji gaafa halkan gaara Sowrii osoo ol bahan dhakaan miila rukutee osoo dhiigan goda gahanii guyyaa sadi achi bulanii achii baqatan. Kunoo har’a waraana kuma 10 lafa sochoosaa balbala makkaa kallattii 4 seenan.

Gandi Ummul Quraa -Makkaan- gaafa san xurii shirkii fi Mushri-kaa irraa dhiqamte. Wantootni Ka’abaa keeysaa fi
Alaan gabbaramu guyyaa san caccabee daaraan bubbeen fuute tahe. kun guyyaa seenaa jabduu qabu.

Yaa bareedina Fathii Makkaa.