Radio Xoriyo

Home
Ethiopia
Jijiga
Radio Xoriyo

The ONLF was founded in 1984, by the Somali people in Ogaden to attain self-determination for Somalis under Ethiopian rule. www.onlf.org

ONLF has reached a peace agreement with the Ethiopian gov and is now a political party running for elections 2021. A political Party in Ethiopia advocating for the rights of Somalis to self-determination and for all other marginalised nation in Ethiopia. ONLF is a pro- Ethnic Federalism and stands for the right of each nation to self-rule, good governance, democratic rights, the right of women, mi

norities and tolerance. The current constitution framework regarding the right of self-dtermination of nations is the minimum ONL accepts. ONLF is a nationally registered Political Party which will play a key role in achieving genuine democratic transformation and the respect of the self determination of all nation in Ethiopia. Politically ONLF is a progressive Social Democratic movement and will strive for social justice and equality. Economically ONLF believes that both the state and private business have a role in the economy and will advocate for mixed economy. The Somali people under Ethiopian rule are politically and economically marginalised and ONLF will strive to advance the Somali people in education, economic development, infrastructure development , trade liberalisation and Genuine highly devolved self- rule. ONLF will seek the same rights for all Ethiopians. ONLF will seek justice in the field of Fossil Fuels and mining, where today the Somali people have no say or role in the exploitation of natural resources in their own land

ONLF would foster dialogue, good neighbourliness and mutual benefit for all its neighbours. ONLF has decommissioned its weapons and has adopted a principled peaceful struggle to achieve the rights of its people. ONLF does no longer advocate the use of violence in settling political differences. ONLF is an independent movement that answers only to the will of the Somali people and will always serve the interest of its people. Unity ,Preseverence, Self-reliance

09/04/2024

Guddoomiyaha JWXO Oo U Hambalyeeyay Ummadaha Muslimiinta Ah.

Guddoomiyaha Jabhadda Waddaniga Xoreynta Ogaadeeniya (JWXO) Dr. Cabdiraxmaan Maxamed Sheekh Mahdi ayaa hambalyada munaasabadda ciiddul-fidriga u diray ummadaha muslimiinta caalamka gaar ahaan shacbiga Soomaaliyeed ee Ogaadeenya.

Guddoomiyaha JWXO ayaa ummadaha caalamka uga baryay in uu ka aqabalo acmaashii ay guda jireen bishii barakaysnayd ee Ramadaan, waxa uuna guddoomiyuhu ugu baaqay shacbiga Soomaaliyeed in ay iswada cafiyaan, una turaan dadka danyarta ee in la ogaado u baahan.

Dhinaca kale, guddoomiyaha ayaa si gaar ah xubnaha JWXO hambalyada munaasabadda ciidda, waxa uuna guddoomiyuhu carrabka ku adkeeyay in cafis guud u fidinayo xubnihii ururka ee la maxkamadeeyay, isaga oo sheegay in uu albaabkiisu furan yahay, waxa uuna ugu baaqay in loo hoggaamsamo nidaamka JWXO u yaalla.

ONA.

22/03/2024

Tuulada Waydkaal Oo Dad Shacab Ah Lagu Xasuuqay.

Waxaa tuulada Waydkaal ee degmada Baarrey ee gobolka Afdheer maanta gelin h**e lagu xasuuqay 4 qof oo shacab ah oo ay xabbad ku fureen ciidanka gaarka ah ee Degaanka Soomaalida ee fadhigoodu yahay aagga degmada Baarrey, halka ay ku dhaawacmeen 8 qof qof kale.

Afarta marxuum ee xasuuq-wadareedka loo geystay ayay ka mid ahayd hooyo Tamiino Macallin Jaamac Mulay oo ka tagtay siddeed ilmood oo midi uu hadda naasta nuugayay iyo Mu'aadinkii masaajidka marxuum Salaad Xasan Maxamuud oo 73 jir ahaa.

Dadka shacabka ah ee maanta lagu xasuuqay tuulada Waydkaal ayaa markii h**e si qasab looga soo uruuriyay tuulada, sida uu qof goob-jooge ahi u xaqiijiyay Wakaaladda Wararka Ogaadeenya ee ONA.

Madaxa Xisbiga PP ee gobolka Afdheer Aaden Geeddi ayaa la sheegayaa in uu dalbalay ciidanka dadka laayay oo qiyaastii gaadhayay 45 askari oo masuul ka ahaa Xasan Lacag Taliyaha Degmada, ka dib markii la isku maandhaafay bixinta diyada marxuum ku geeriyooday shil mooto, kaas oo ay ehel ahaayeen dadka maanta la laayay.

Guddoomiyaha degmada Baarrey Cali Nuur Xareed iyo ku-xigeenkiisa Cabdi Weyrax ayaa iyana qayb ka ahaa maamulka dawladda ee madasha joogay.

Shan qof oo dhaawacoodu cuslaa ayaa loo qaaday xarunta gobolka Afdheer ee degmada Hargeelle, halka saddex kalena ay weli yaallaan xarunta caafimaadka ee tuulada Waydkaal.

ONA.

20/03/2024

Guddoomiyaha Jabhadda Waddaniga Xoreynta Ogaadeeniya Dr. Cabdiraxmaan Maxamed Sheekh Mahdi (Maaddeey) ayaa caddeeyay in ay jiraan kooxo isku deyaya in ay ONLF dagaal geliyaan kuwaas oo soo xidhay shaadhka Hay'adda Doorashooyinka Itoobiya ee NEBE loo soo gaabiyo.

Guddoomiyaha oo hadalkiisa sii wata ayaa sheegay in aan loo yeedhin karin JWXO, qorshaha ay maleegayaanna uu yahay mid aan socon doonin, wuxuuna been ku tilmaamay cid kasta oo rabta in ay isku daygan meel marsato.

Hadalka guddoomiyaha JWXO ayaa ku soo aadaya xilli ay baraha bulshada ku baahayaan been-abuurro kala duwan oo bulshada iyo xubnaha ururkaba lagu jiho-wareerinayo, iyada oo looga gol leeyahay in la curyaamiyo geeddi-socodka halgameed ee ururku ku hawlan yahay.

ONA.

06/11/2023

Wiil dhalinyaro ah oo farshaxan ah oo somaliyeed ayaa sawiradan ii soo diray isagoo leh waxaan ku muujinayaa jacaylka aan u qabo ONLf (JWXO) iyo dadka Somaliyeed ee ku dhaqan DDS (Ogaden). Marka waan idinla wadaagay. Laakiin waxaan la yaabanahay qaabka looga falceliay. Da’da soo koraysa ee somaliyeed way ka aradan yihiin farshaxanka iyo alifaada fikriga waxaana lagu mashquuliyay qabiil iyo ishaaraan. Maskaxda fura oo ku mashquula halabuur iyo inaad dadkiina wax u soo kordhisaan.

05/11/2023

No comment

08/07/2023

Waxaan halkan uga ducaynayaa dadka Somaliyeed ee waxyeelada wayn ka soo gaadhay masiibadii Jigjiga ka dhacday ee hantida badan ku baaba’day inuu Illah ugu badalo xoolo khayr badan kii halkaas gubtay.

Waxaan ugu baaqaynaa caalamka , dadka Somaliyeed ee deriska iyo dowladda Itoobiya heerarkeeda kala duwan inay gurmad u fidiyaan shacabka masiibadu ku dhacday.

Waxaana qaylo dhaanta gaadhsiin doonaa deeq bixiyeyaasha caalamka.
Waxaan kaloo u baaqaynaa Dowlad Degaanka Somaliyeed inay guddi gaar ah u saarto arrinta oo si qorshaysan oo heer dowladeed ah loogu gurmado gudo iyo dibad ba.

Sidoo kale Dhammaan shacabka Somaliyeed ee dowlad deegaanka Somalida ku nool waxaa ugu baaqaynaa inay iyagu kaalinta koowaad qaataan.

Ugu dambay, waxaan rajaynaa inaan masiibadan wax ka barano oo qaababka aan degaanada ganacsiga u dhisano wax ka badalno, shacab ahaan iyo dowladba. Ilaah dhul buu ina siiyay, haddana sida koronkorta ayaan isu dul naala. Dhaqankaas waa inuu isbadalo, dowladaha hoose ee degaankana si habaysan u maareeyaan dhismayaasha magaalooyinkeena.

16/03/2023

Xubnaha JWXO Ee Degmada Birqod Oo Kulan Xasaasi Ah Yeeshay.

Waxaa kulan heer sare ah isugu yimid xubnaha Jabhadda Waddaniga Xoreynta Ogaadeenya ee Degmada Birqod ee Gobolka Jarar iyo masuuliyiin sare oo ka mid ah Guddiga Fulinta JWXO iyo maamulka JWXO ee Degmada Birqod.

Kulankan oo lagu gorfeetay heerka shaqo ee xubnaha iyo maammulka JWXO ee Degmada ayuu si faahfaahsan uga xog-warramay Guddoomiyaha xubnaha JWXO Degmada Birqod, Halgame, Aaden Kilaas oo ka soo qayb-galeyaashii la socodsiiyay xog ku filan iyo halka wax u marayo.

Dhinaca kale, waxaa kulankan ka soo qayb-galay Hoggaanka Anshaxa iyo xeerar JWXO, Naftii-hure, Sayid Khaliif Sayid Saaddiq oo xubnaha siiyay warbixinno baaxad leh oo la xidhiidha hardanka siyaasadeed ee ka socda gudaha Itoobiya iyo kaalinta ay JWXO ka ciyaaryso. Sida oo kale, hoggaanka ayaa xubnaha warbixin ka siiyay shaqo halgameed oo uu indhawaalaha ahba ka hayay magaalada Jigjiga ee xarunta Gobolka Faafan.

Gabagabadii, kulankan oo ka qabsoomay Xafiiska Jabhadda Waddaniga Xoreynta Ogaadeenya (JWXO) ee degmadaasi ayay xubnaha iyo maamulka JWXO ee Degmada Birqod ee Gobolka Jarar iskula qaateen in si isku-tashi ah wax loogu qabto agoonta iyo bulshada kale ee jilicdasan; maaddaama, ay bishii baramaysnayd ee Rabadaan foodda innagu soo hayso.

ONA, Birqod, Jarar, Ogaadeenya.

27/01/2023

Shirkii Xubnaha JWXO Ee Magaalada Boosaaso Oo Si Nabad Ah Ku Soo Idlaaday.

Waxaa maanta gelinkii h**e ee Jimcaha si nabad-geliyo ah ku soo gabagaboobay kulan ballaadhan oo ay yeesheen: xubnaha Jabhadda Waddaniga Xoreynta Ogaadeenya ee sugan Magaalada Boosaaso ee xarunta Gobolka Bari ee maammul-goboleedka Soomaaliyeed ee Puntland.

Kulankan oo si heer sare ah loo soo diyaariyay, soona ajiibeen xubnaha Jabhadda Waddaniga Xoreynta Ogaadeenya (JWXO) ee Magaalada Boosaaso, taareegareyaasha ururka, qaar ka mid ah isimada dhaqanka Puntland iyo marti-sharaf kale ayaa dhacay gudaha Huteelka Rays ee Magaalada Boosaaso.

Kulankan oo lagu soo dhaweynayay shirkii midnimada ururka ee Naftood-hureyaasha Ciidanka Ogaadeenya ku qabteen Magaalada Jigjiga oo uu khudbad ka soo jeediyay Guddoomiyhii xubnaha JWXO ee faraca Boosaaso, Halgame, Shamsudiin Maxamed Cabbaas ayuu xubnaha faray in laga shaqeeyo iskaashiga midnimada xubnaha JWXO dhexdooda ah.

Dhinaca kale, waxa isna dhankiisa kulankan khadka telefoonka kag qayb galay Hoggaanka Jaaliyaadka JWXO, Halgame, Xaaji Maxamed Yuusuf oo bulshadii kulankaa ka soo qayb gashay siiyay warbixin ballaadhan oo uu si xog-ogaalnima ah ku dheehan u siiyay warbixinno muhiim ah oo ay si aad ah u tebeyeen.

Ugu dambayn, waxaa kulankan soo xidhay Guddoomiyaha cusub faraca Boosaaso, Halgame, Maxamed Muxumed Sigad oo isna dhankiisa sheegay inay ka shaqayn doonaan: isku-xidhka iyo horumarinta hawlaha xubnaha JWXO ee Magaalada Boosaaso.

, Boosaaso, Soomaaliya.

06/12/2022

Maamulka JWXO Ee Gobolka Qorraxay Oo Socdaal Hawl-gal Ah ku Gaadhay Degmada Marsin.

Waxaa Degmada Marsin ee Gobalka Qorraxay socdaal ku ugu kicitimay Wafti u hoggaaminayo Guddoomiyaha xubnaha JWXO ee Gobalka Qorraxay Halgame: maxamuud Jigre Gamaaddiid, kuna weheliyaan masuuliyiin kale oo ka tirsan maammulka JWXO ee Gobolka Qorraxay.

Waftigan oo ka amba-baxay Magaalada Qabridaharre ee Xarunta Gobalka Qorraxay ayaa hawl-gal shaqo ku mari doona Degmada Marsin iyo tuulooyinka hoos yimaadda, iyaga bulshada wadaagi doona warbixinno ay mug leh iyo marxaladda ka faa'iideysiga u baahan ee Dalku marayo.

Dhinaca kale, waftigan ayaa inta ay socdaalkooda ku gudo jiraan waxa ay la tashiyo dhan walba ah la yeelanayaan bulshada ay la kulmayaan, iyaga ka dhegaysan doona talooyinka dhinaca halganka ee ay daxweynaha ka tebayaan in lagu wajaho shaqooyinka JWXO.

Waftiga oo in dhawaala ahba ku safarro shaqo ku marayay qaar kammid ah Degmooyinka Gobolka Qorraxay ayaa lagu wadaa in socdaalkoodu soo kordhiyo la natiijo taaban karo, oo dhinaca wacyiga bulshada iyo dhiirri-gelinta xubnaha ah.

ONA

04/12/2022

Maammulka JWXO ee Gobolka Qorraxay Oo Tuulada Cadalay Gaadhay.

Waxaa Tuulada Cadaley oo ka tirsan Degmada Ceel-Ogaadeen ee Gobolka Qorraxay hawl-gal ballaadhan ku tegay wafti ka socda maammulka Jabhadda Waddaniga Xoreynta Ogaadeenya ee Gobolka Qorraxay.

Waftigan oo uu hoggaaminayay Guddoomiyaha xubnaha JWXO ee Gobolka Qorraxay Mudane: Maxamuud Jigre Gamaaddiid ayaa si diirran loogu soo dhaweeyay Tuulada Cadalay, waxayna masuuliyiinta waftigu bulshada kula hadleen meel fagaare ah, iyaga halkaasi ku siiyay qorshaha socdaalkooda.

Dhinaca kale, wax-garadka iyo bulshada qaybaheeda kala-duwan ee Tuulada Cadalay ayaa sheegay in ay si aad ugu faraxsan yihiin la kulanka waftiga JWXO oo ay muddo tebayeen, waxayna masuuliyiinta waftiga siiyeen talooyin muhiim ah.

Waftiga maammulka JWXO ee Gobolka Qorraxay oo muddooyinkii dambeba ku jiray socdaal ay ku marayeen degmooyinka Gobolka iyo bulshada ku nool Tuulada Cadalay ee Degmada Ceel-Ogaadeen ayaa si wada-jir ah isula qaatay sii xoojinta shaqooyinka ururka iyo la sameeyo xidhiidh joogto ah oo u dhexeeya maammulka iyo bulshada halganka u heellan ee Tuulada Cadalay.

ONA.

03/12/2022

Ogaysiis Ogaysiis Ogaysiis.

Waxaa lagu wargelinayaa dhammaan xubnaha Jabhadda Waddaniga Xoreynta Ogaadeenya ee Magaalada Jigjiga iyo nawaaxigeeda in maalin berri ah oo ay Taariikhdu ku beegan tahay 04 December, 2022, la qaban doono shir weyn oo ka qabsoomi doona Xafiiska JWXO ee Magaalada Jigjiga, kana soo qayb-geli doonaan Madaxda ugu sarraysa JWXO iyo marti-sharaf kale oo si gaar ah loogu casuumay Shirkan.

Shirkan oo ah midkii billaha ahaa ee xubnaha JWXO ee Magaalada Jigjiga ayaa ka duwaan doona kulamadii h**e, waxaana shirkan lagu wadaa in laga soo jeedo xogo muhiim u ah inay Ogaadaan xubnaha JWXO iyo taareegareyaasha ururkuba.

Shirkan muhiimadda gaarka ah leh ayaa billaabmi doona 2-da Duhurnimo ama 8-da Duhurnimo qofba sida uu yaqaanno, waxaana halkaa laga soo jeedi doonaa khudbado wax badan lagu iftiimin doono, haddii Alle idmo.

ONA.

31/10/2022

Daawo: Gabay Cusub, Digo-riix, Halgame: Khadar Colaad.

31/10/2022

Daawo: Barnaamijka Qummanaha Radio Xorriyo.

31/10/2022

Halkan Ka Dhegayso: Warka Habeennimo Ee Radio Xorriyo, 31 October, 2022.

23/10/2022

Ururka Haweenka Ogaadeenya Faraciisa Magaalada Qabridaharre Oo Kulan Yeeshay.

Waxaa galabta oo Axad ahayd si guul ah kusoo gabagaboobay kulankii caadiga ahaa ee Ururka Haweenka Ogaadeenya (UHO) faraciisa magaalada Qabridaharre ee xarunta Gobolka Qorraxay.

Kulankan oo lagu furay aayadaha Qur'aanka Kariimka ah iyo wacdi diini ah, ayay warbixin heer sare ah kasoo jeedisay Guddoomiyaha Ururka Haweenka Ogaadeenya ee Gobolka Qorraxay, Halganto, Marwo: Samsam Macallin, oo tilmaantay sida ay uga go'an tahay inay ballaadhiyaan shaqada halgameed ee ay u guntadeen gudashadeeda.

Dhinaca kale, Guddoomiyaha faraca xubnaha JWXO ee Gobolka Qorraxay oo shirkan ka hadlay ayaa tilmaamay sida ay Haweenka Ogaadeenya laf-dhabarta ugu yihiin Halganka Gobannimo-doonka ah ee JWXO hormuudka u tahay, wuxuuna uga mahad-celiyay dedaalkooda aan kala go'a lahayn ee ay hadh iyo habeen hayaan.

Ugu dambayn, kulamada noocan oo kale ayaa looga hadlaa horumarinta geeddi-socodka shaqo ee xubnaha JWXO ee Gobollada, degmooyinka iyo tuulooyinka, iyada oo laga faa'iidaysanayo wakhtiga lagu jiro, waxaana dedaal dheeriya loo gelaa baraarujinta shacbiga Soomaalida Ogaadeenya sidii ugu istaagi lahaayeen xaqooda.

ONA.

21/10/2022

Ururka Culimada Soomaalida Ogaadeenya Kulamo Soo Gabagabeeyay.

Qaar kammid ah Ururka Culimo Aw-diinka Soomaalida Ogaadeenya ee UCSO ayaa maanta Jimce ahayd kulan khatin Qur'aanka kariimka, duco iyo Alle-bariga ah kusoo gabagabeeyay Xafiiska Jaaliyadda Iftin ee xerada Qoxootiga Xagar-dheer oo hoos tagta xeryaha Qoxootiga Dhadhaab.

Kulankan lagu dhammeeyay 114-ka suuradood ee Qur'aanka Kariimka ah, oo ay soo agaasimeen Gabdhaha Ogaadeenya ee daafaha caalamka, ayay kasoo qayb-galeen guddiyada UCSO ee saddexda xero ee Xagar-dheer, Dhagaxlay iyo Ifo, waxaana Allaah SWT ummadda loogu baryay inuu ka dulqaado: abaaraha soo noqnoqday, Gumeysiga la fac-tursaday Shacbiga Soomaalida Ogaadeenya, colaadaha, midnimo la'aanta iyo wax kasta oo dhibaato ku ah jiritaanka ummadda Soomaaliyeed.

Dhinaca kale, kulankaa Qur'aan-akhriskaa kaddib, guddiyada ururka UCSO ee xeryaha Qoxootiga ayaa ka qayb-galay kulan kale oo ka dhacayay xerada qoxootiga Ifo, kaas looga hadlayay midaynta iyo isku-soohidda Shacabka Soomaalida Ogaadeenya iyo Ururka ONLF.

Sidoo kale, kulankan barakaysan, ayaa lagu falanqeeyay kaalinta muhiimka ah ee ururka culimadu ku leeyahay halganka Ogaadeenya, waxaana la iskula qaatay in kor loo qaado ururka Culimo Aw-diinka Soomaalida Ogaadeenya ee UCSO meel kasta oo uu ka joogo dhammaan Caalamka.

Gabagabadii, shirkan dhinacyo-badanaha ahaa ayaa laga soo jeediyay talooyin muhiim ah oo ay qayb ka ahayeen in laga dignaado shirqoollada Gumeysiga iyo caqabad kasta oo loo maleegi karo halganka, iyada oo feejignaan dheeriya looga baahan yahay xubnaha iyo masuuliyiinta ururkaba.

Radio Xorriyo.

20/10/2022

Xubnaha JWXO Ee Degmada Sagag Oo Kulan Yeeshay.

Waxaa kulankoodii caadiga ahaa isugu yimid xubnaha Jabhadda Waddaniga Xoreynta Ogaadeenya (JWXO) ee Degmada Sagag ee Gobolka Nogob.

Kulankan oo ay xubnaha iyo maammulka Unugta Jabahadda Waddaniga Xoreynta Ogaadeenya ee Degmada Sagag ay bishiiba hal mar yeeshaan ayaa ah mid lagu dhammays-tiro qorshe-shaqeedka xubnaha u yaalla, iyada lagu dejiyo ajendeyaal hor leh oo kor loogu qaadayo isku-xidhka, abaabulka bulshada iyo wacyi-gelinta shacbiga, si looga midho-dhaliyo yoolasha halgameed ee ay JWXO u aas'aasan tahay.

Dhinaca kale, kulankan oo ka qabsoomay Xafiiska JWXO ee Degmada Sagag ayaa xubnaha lagula wadaagay guddiyo shaqo oo fududeyn doona hawlaha ururka ee Degmada, kuwaas oo si isku-dhaf u hagi doona shaqooyinka hortebinta leh.

Kulankan oo xubnihii ka soo qayb-galay lagu siiyay warbixinno baaxad leh ayaa kusoo idlaaday si nabad-geliyo ah.

Radio Xorriyo.

16/10/2022

OYSU Faafan Oo Guddoomiye Cusub Dooratay.

Nimcaan Cabdiraan Xirsi ayaa galabta oo Axad ahayd loo doortay Guddoomiyaha cusub ee Midawga Dhallinyarada Iyo Ardayda Ogaadeenya ee OYSU faraciisa Gobolka Faafan.

Munaasabadda lagu doortay Guddoomiyaha cusub ee ururka OYSU faraciisa Gobolka Faafan, oo ka qabsoontay xafiiska Jabhadda Waddaniga Xoreynta Ogaadeenya (JWXO) ee Magaalada Jigjiga ee xarunta Gobolka Faafan, kana kasoo qayb-galeen qaar kammid ah: Guddiga Fulinta JWXO, maammulka faraca xubnaha JWXO ee Gobolka Faafan, xubnaha iyo kaadirka ururka ee ku sugan Magaalada Jigjiga, ergada dooranaysay Guddoomiyaha cusub, masuuliyiin ka socotay dalladda ururrada dhallinyarada Degaanka iyo marti-sharaf kale ayaa si qurux badan u qabsoontay.

Doorashadan oo u dhacday qaab codbixin ah, ayay ku tarmayeen Guddoomiyaha cusub ee la doortay Mudane: Nimcaan Cabdiraan Xirsi iyo Mudane: Cabdifataax Xasan Cabdullaahi, oo kula tatarmayay xilka Guddoomiyennimo ee Ururka OYSU faraciisa Gobolka Faafan.

79 xubnood oo ah ergada dooranaysay Guddoomiyaha cusub, oo laga soo kala xulay xaafadaha Magaalada Jigjiga iyo urrarada bulshada JWXO ayay 39 xubnood u codeeyeen Halgame: Nimcaan Cabdiraan Xirsi, halka 28 kammid ah ay u codeeyeen Halgame: Cabdifataax Xasan Cabdullaahi, waxaana codadkii la tiriyay gubtay 12 kammid oo aan dhanna raacin.

Munaasabadda lagu dooranayay Guddoomiyaha cusub ayaa gabagabadii hadallo dardaaran iyo duco ah loogu soo jeediyay Guddoomiyaha la doortay, wuxuuna dhankiisa Guddoomiyuhu sheegay in loo diyaar-garoobo qabashada shaqada ururka OYSU ee Gobolka Faafan.

Radio Xoriyo.

15/10/2022

Halkan Ka Dhegayso: Warka Habeennimo 15/10/2022 Ee Radio Xorriyo.

14/10/2022

Maammulka JWXO Ee Degmada Garbo Tuulooyinka Qaar Gaadhay.

Maammulka faraca xubnaha Jabhadda Waddaniga Xoreynta Ogaadeenya (JWXO) ee Degmada Garbo oo ay weheliyaan qaar kammid ah Masuuliyiintii Naftood-hureyaasha ciidanka JWXO ayaa socdaal abaabul, xogwarran iyo kala warqaadasho ku gaadhay ah tuulooyinka ka tirsan Degmada Garbo ee Gobolka Nogob.

Waftiga ku jira socdaalkan oo hoggaaminayo Guddoomiyaha xubnaha JWXO ee Degmada Garbo Naftii-hure: Cabdifataax Cabdullaahi (Kur-libaax) ayaa maray maray dhawr tuulo ka tirsan Degmada, kuwaas kala ah: Malayko, Heella Dheere, Daarasalaam iyo Lahelow, waxayna masuuliyiintu xubnaha iyo bulshada kale ee ku nool tuulooyinkan kula hadleen goob fagaare ah, iyaga la wadaagay warbixinno kala duwan iyo meesha uu wax marayo.

Dhinaca kale, masuuliyiinta waftiga oo kammid yahay Naftii-hure: Mahad Ceelaabe (Dhabbuuke) ayaa bulshada siinayay wacyi-gelin iyo talooyin wax-ool ah, iyaga bulshada ku boorriyay inay is-cafiyaan si wada-jir ahna loo galo roob-doon iyo Alle-bari, maaddaama bulshadu la daalaa-dhacayso xaalad abaareed.

Waftiga oo socdaalkiisa sii wadi doonaa, haddii Alle Idmo, ayaa mari mari doona tuulooyinka kale ee Degmada Garbo iyo degmooyinka Gobolka Nogob qaarkood.

Radio Xoriyo

Address

Jijiga
651

Telephone

+447471680329

Website

http://Www.onlf.org/, http://Ogadennet.com/

Alerts

Be the first to know and let us send you an email when Radio Xoriyo posts news and promotions. Your email address will not be used for any other purpose, and you can unsubscribe at any time.