04/10/2024
Mootummaan Naannoo Hararii ergaa baga Ayyaana Irreechaatiin isin gahee dabarse.
Fulbana 24/2017(W.DH.M.N.H) Mootummaan Naannoo Hararii ergaa dabarseen Ayyaana Irreechaa agarsiistuu araaraa, obbolummaa fi tokkummaa ta'eef ergaa baga ittiin isin gahee dabarseera.
Ummata oromoo biratti bifa miidhagaan kan kabajamu ayyaanni Irreechaa yeroo birraan bari'ee gara bonaatti cehamu, fi dukkanarraa gara ifaatti cehamu waaqa galateeffachuuf ayyaana kabajamuudha.
Irreechi qabeenya hawaasummaa, diinagdee, siyaasaa ta'uu irra darbee duudhaa tokkummaa, waliin jireenyaa fi waliin dhaabbachuu cimsu ayyaana.
Irreechi obbolummaa ummataa kan cimsuu fi turiizimii biyya keessaa guddisuuf faayidaa guddaa qaba.
Mootummaan naannichaa baroota darbanii asitti Aadaa, duudhaa fi seenaa Oromoo guddisuuf hojiiwwan gara garaa hojjachaa kan jiru yoo ta'u, keessumattuu ayaana Irreechaa ilaalchisee hubannoo guddisuuf xiyyeeffannoon hojjatamaa jira.
Mootummaan Naannichaa Ayyaana Irreechaa bara kana kabajamu bifa sabaa fi sablammoota biroo hirmaachiseen nagaa bifa miidhagaan akka kabajamu abdii guddaa qabna.
Kanaafuu yeroo ayyaanicha kabajnu bifa Aadaa, duudhaa eeggatee fi cimsuun kabajuun dhaloota boruuf akka darbutti ta'uu qaba.
Hirmaattonni ayaanichaas tokkummaa fi obbolummaa cimsuu fi nageenya mirkaneessuun akka xumuramu gahee isaanii akka bahan waamicha dhiheessa.
Mootummaan Naannichaa ayyaanni Irreecha baranaa akkuma kanaan duraatti ayyaana nagaa, jaalalaa, obbolummaa fi waloo akka ta'u hawwa.
Fulbana,24/2017
Mootummaa Naannoo Hararii
Harar