Waldaa Sillaasee Wiirtuu Harargee Bahaa

27/10/2024

🌹Wareegamummaa🌹

✍Wareegamummaan hiddadha. Kiristaanonni immoo hidda kanarraa kan biqilan sanyii filatamoodha. Hiddi firii baay'een irraa argamu lafa keessa waan jiruuf hin mul'atu. Biqiloota hidda sana irraa biqilaniin garuu hiddi sun akka isaaf mijateeru ni beekama. Akkasuma badhaasaa fi gonfoo wareegamtoonni fudhatanis ija foon keenyaan hin mul'atu. Firiin isaanii garuu sanyiiwwan filatamoo isaaniin fakkaatanii bakka isaanii bu'anii ajjeefamaniin beekama.

✍Wareegamtoonni nu kabajaa jedhanii hin dubbatan. Garuu firii isaan laphee Kiristaanotaa keessatti facaasan jaalalaan nama dirqamsiisa. Isaaniin akka fakkaataniif yaadachiisa.

✍Wareegamtoonni akka jaalalleeti. Namni tokko maqaa jaalallee isaa osoo itti hin yaadiin ni waama. Yaada isaatiinis yaadata.Bifa adda addaan ni ilaala.

👉Wareegamtoonnis kiristaanotaaf akkasumadha. Baay'ee kan jaalataman gonkumaa yaada namaa keessaas kan hin baanedha. Maqaa Ijoollee keenyaa maqaa isaaniin kan moggaasnu, Fakkii isaaanii kaasnee kan dhungannu, jaalala guddaa wareegamtootaaf qabnu ibsuufidha"



Baga guyyaa ayyaana yaadannoo waggaa hangafa Daaqonootaa wareegamaa qulqulluu Isxifaanoosiin isin gahe!
Eebbi fi kadhannaan isaa nu wajjin haa ta'u. Ameen!

08/10/2024

Waamicha gargaarsaa F/ta Dn Ermiyaas Wandimageenyiif.

"Kan ati jaallattu dhukkubsateera" Yoh 11÷3
Tajaajilaan xiqqaan dhukkubsateera
Mana qulqullummaatti sirna qulqulleessaa kan raawwatu, waltajjii araaraa isaatti sagalee kilooleedhaan meeshaa kiraaratin dabaalamee kan tajaajiludha.

Tajaajilaan kun akka saamu'eel daa'imummaa isaatin mana qulqulummaaf tajaajilaaf kan foo'amedha. Umurii isaa kanaan magaaloota gurguddoo irraa kaasee hanga mana kiristaanaa baadiyyaatti haalli mijataa bakka hin jirreetti yeroo tajaajilu dadhabbina tokko maleedha.

Amma garuu tajaajilaan xiqqaan kun lapheen isaa dhibameera. Kanaafis ji'a sadii keessa sarjariin akka hojjatamu qabu murteesse jira. Yaala kana yeroo gabaabaa keessatti hin argatu taanaan lapheen isaa gara sadarkaa yaalamuu hin dandeenyeetti akka qaqqabu manni yaala itti himee jira.

Yaala kana raawwachuuf immoo qarshii miliyoona 1.8 hanga 2 tti gaafatameera. Kana gochuuf immo humni maati isaas ta'ee humna isaati ol dha. Kanaaf tajaajilaan kun qabeenyi isaa mana kiristaanaadha. Manni kiristaanaas qabeenyii ishee hordoftoota ishee waan ta'eef obboolleessa keenya kana waliin taane yaalchisuun gara tajaajila jaallatuutti haa deebisnu.

CBE 1000608378883
Ermias wondimagegm
Lakk. Bil 0940046154

30/09/2024

Fulbaanni 21 "BIZUHAAN MAARIYAAM" jedhama.

Ayyaanichi sababa lamaafi kan kabajamu.

1ffaa=Abbootiin hayyootni mana kiristiyaanaa murtoo amantaa murteessuu dhaaf dhihoo irraas fagoo irraas guyyaa itti walitti qabaman waan ta'eefi.

2ffaa=Fannoon Gooftaa keenyaa Iyyesuus Kiristoos gara itiyoophiyaatti dhufee Gishen Maariyaamiitti taa'uu isaa yaadachuu dhaani.

Araarsummaan haadha keenya Dubree Maariyaam,

Eebbi Fannoo Gooftaa,

Kadhannaan abbootii keenyaa hunduma keenya waliin haata'u!

Ayyaana gaarii!

08/09/2024

🌹Baga Gammaddan🌹

👉“ Mana Waaqayyoo keessaa isin eebbifna.” Far. 117/118:26.

👉Mana Kiristaanaa Orotodoksii Tawaahidoo Itoophiyaatti Waldaan Sillaasee Barattoota Leenjii Afuurawaa Barnoota Bakka Bu'insaa Leenjisa ture guyyaa har'a eebbisiise jira.

👉Leenjii kanas kan fudhatan Barattoota Yaa'ii Mooraa Yunivarsiitiiwwaan 10 ol ta'an irraa kan dhufanidha.

👉 Waldaan Sillaasee tajaajila Afaan Oromoon babalisuu keessatti gahe guddaa taphachaa tureera, ammas itti jira. Taajajilli kun cimee akka itti fufuuf immoo wagga waggaan Barsiisoota Leenjisuun hojiitti bobbaasa jira.

👉Barsiisootni guyyaa har'a eebbifamtan baga gammaddan.

👉Hadara sinitti kenname hojii irraa akka oolchitaniif Sillaaseen isin haa gargaaru.

👉 Yaa'iin Mooraa Yunivarsiitii Haramaayaa baga gammadne.

👉 Waaqayyo isa nu gargaareef galatni guddaan haa ta'u. Ameen 🙏

24/08/2024

06/07/2024

🌹“Kunoo, namni Waaqayyoon sodaatu, akka kanatti in eebbifama.” Far. 128:4🌹

👉Eebifamtoota Yuunvarsiitii Haramaayaa miseensota Waldaa Sillaasee bara kana hundi keessan baga gammaddan.

👉Dadhabbii fi ifaajee guddaan booda firii keessan akka ijaan argitan isa sin gargaaree Waaqayyoof galatni fi hooqubaa guddaan haa ta'u 🙏♥️

🙏Warren suuraa keessan hin arganne immoo dhiifama🙏

👉 Congratulations 🎉👍🎉

27/06/2024

🌹Jiraachuu🌹

Kitaaba B/sa -Belete tiin barraa'e ergaafi barumsa guddaa of keessa qabu nuuf dhufeera.
Bsa Keenya Waaqayyo sin haa eebbisu🙏

12/06/2024

Maqaa abbaa kan ilmaa kan Afuura Qulqulluu Waaqayyo tokko Ameen!

👉𝑬𝑬𝑩𝑩𝑨𝑨𝑭 𝑸𝑨𝑸𝑨𝑩𝑬𝑬𝑹𝑨𝑨!
𝑮𝒖𝒚𝒚𝒂𝒂𝒏 4 𝑨𝒇𝒖𝒓 𝑸𝒐𝒇𝒕𝒊 𝒌𝒂𝒏 𝒉𝒂𝒇𝒆𝒆
ULFINAAN NI DEEBITA.

“Isin warri Waaqayyoon sodaattan hundinuu kottaa.” (Far. 66:16).

👉Eebbaa Faaruu Harawa albama Guutuu Yaa'ii Mooraa Yuuniversitii Haramaayaa gamtaa barsiisotaa fi barattootaan qophaa'e eebbaaf qaqqabeera.

👉Gaafa guyyaan 9/10/2016 mana amantaa Qulqulluu Amaanu'eelii Baateetti ganama sa'aatii 1:00 jalqabee waltajjii araaraa irratti bakka Abboonni fi Barsiisonni wangeelaa Akkasumas Faarfattootni irratti Affeeramuun ni eebbifama!

👉𝑲𝑶𝑶𝑻𝑻𝑨 𝑬𝑬𝑩𝑩𝑨 𝑾𝑨𝑨𝑸𝑨𝒀𝒀𝑶𝑶 𝑾𝑨𝑳𝑰𝑰𝑵 𝑯𝑨𝑨 𝑯𝑰𝑹𝑴𝑨𝑨𝑵𝑵𝑼!

👉𝐰𝐚𝐥 𝐚𝐫𝐠𝐚𝐚𝐧 𝐠𝐚𝐚𝐟𝐚𝐚 𝐠𝐮𝐲𝐲𝐚𝐚 9/10/2016 𝐐𝐮𝐥𝐪𝐮𝐥𝐥𝐞𝐞𝐭𝐭𝐢𝐢 𝐦𝐚𝐧𝐚 𝐀𝐦𝐚𝐧𝐭𝐚𝐚 𝐐𝐮𝐥. 𝐀𝐦𝐚𝐧𝐮'𝐞𝐞𝐥 𝐌𝐨𝐨𝐫𝐚𝐚 𝐆𝐮𝐝𝐝𝐢𝐜𝐡𝐚 𝐘𝐮𝐮𝐧𝐢𝐯𝐚𝐫𝐬𝐢𝐢𝐭𝐢𝐢 𝐇𝐚𝐫𝐚𝐦𝐚𝐚𝐲𝐚𝐚 𝐨𝐫𝐨𝐦𝐢𝐲𝐚𝐚𝐭𝐭𝐢!

🙏𝑮𝒂𝒍𝒂𝒏𝒏𝒊 𝑼𝒖𝒎𝒂𝒂 𝒌𝒆𝒆𝒏𝒚𝒂𝒂 𝒔𝒊𝒍𝒍𝒂𝒂𝒔𝒆𝒆𝒇 𝒉𝒂𝒂𝒕𝒂'𝒖! 𝑩𝒂𝒓𝒖𝒎𝒂 𝒃𝒂𝒓𝒂𝒂𝒏 𝑨𝑴𝑬𝑬𝑵!

31/05/2024

🌹Baga Gammanne🌹

👉Yaa'ii Mooraa Yuunivarsiitii Haramaayaa

👉Yaa'iin Mooraa Yuunivarsiitii Haramaayaa Kan Afaan Oromoo irra deebi'uun seenaa dalageera. Kanaan dura Filmii Afuuraa "Dungoo" jedhu Afaan Oromoon hojjetee eebisiisuun isaa ni yaadatama.

👉Amma immoo faaruu haaraa Albema guutuun dhufaa jiru. Nagaan nuuf kootta🙏

Waaqayyo isa nu gargaareef galatni haa ta'u🙏♥️

03/05/2024

Tokkicha hundaaf du'e (2Qor 5:14).

👉Isa nuyi dhageenyee himne eenyutu amane?
Irreen Waaqayyoos eenyutti mul'ate?
Inni akka biqiltuu mukaatti goofticha duratti ol in ba'a, akka hidda mukaa isa lafa gogaa keessaa ba'uus in ta'a; simboodhaa fi surraa waan hin qabneef, nuyi isa ilaaluu hin jaallanne; miidhagummaa waan hin qabneefis nu hin mararre (Isa 53:1-2).

👉Namoonni isa tuffatanii isa irraa in goran, inni nama dhiphinnii fi muddamni itti baay'ate ture; inni akka nama tuffatanii, achi ilaalanii bira darbanii in ta'e; nuyis homaatti iyyuu isa hin lakkoofne.

👉Inni garuu dhugumaan dhiphina keenya of irra in kaa'e, muddama keenyas in baate; nuyi garuu akka waan Waaqayyo dha'icha isatti fidee, akka waan inni isa rukutee gad isa deebisettis in lakkoofne (Isa 53:4).

👉Inni garuu balleessaa keenyaaf in waraaname, sababii yakka keenyaafis reebamee in caccabsame; nuyi nagaa akka argannuuf inni in adabame, madaa'uu isaatiinis fayyinni nuuf in argame (Isa 53:5).

🙏Yaa Kiristoos nutti araarami🤲🤲

03/05/2024

Ajaa'iba 7n guyyaa Fannoo
Sa'aa sagal enna ta'u Gooftaan Lubbuu Isaa dabarsee laate!........
Ajaa'iba torban
Yeroo Gooftaa fi fayyisa keenya Iyyasuus Kiristoos guyyaa Jimaataa jaalala dhala namaaf jedhee fannifamee fannoo irra ooletti ajaa’ibawwan gurguddo raawwatan(Maat 27:45-52)

-Biiftuun ni dukkanoofte
-Dacheen ni sochoote
-Dhagaan ni babbaqaqe
-Golgi mana qulqullummaa bakka lamatti addaan hirame
-Awwaalli ni banaman
-Warri du’an ni ka’an
-Akkasumas addeessi dhiiga uffachuu fi urjiilen harca'uu isaanis abbootni mana kiristaanaa ni barsiisu//
Galatni fi ulfinni fayyisaa keenya Iyyasuus Kiristoosif haa ta'u!

07/04/2024

🌹Baga Gammaddan🌹

👉“ Mana Waaqayyoo keessaa isin eebbifna.” Far. 117/118:26.

👉Mana Kiristaanaa Orotodoksii Tawaahidoo Itoophiyaatti Waldaa Sillaasee Wiirtuu Harargee Bahaatti Yaa'ii Mooraa Yunivarsiitii Haramaayaatti Barsiisoota fi Barattootaf Leenjii Afuurawaa Barnoota Bakka Bu'insaa Leenjisa ture guyyaa har'a eebbisiise jira.

👉Leenjii kanas kan fudhatan Barsiisoota 10'n fi baratoota 15'n yoo ta'u, walumaagalatti guyyaa har'a leenjifamtoota 25'n eebbisiise jira.

👉 Yaa'iin Mooraa Yunivarsiitii Haramaayaa tajaajila Afaan Oromoon babalisuu keessatti gahe guddaa taphachaan tureera, ammas itti jira. Taajajilli kun cimee akka itti fufuuf immoo wagga waggaan Barsiisoota Leenjisuun hojiitti bobbaasa jira.

👉Barsiisootni guyyaa har'a eebbifamtan baga gammaddan.

👉Hadara sinitti kenname hojii irraa akka oolchitaniif Sillaaseen isin haa gargaaru.

👉 Yaa'iin Mooraa Yunivarsiitii Haramaayaa baga gammadne.

👉 Waaqayyo isa nu gargaareef galatni guddaan haa ta'u. Ameen 🙏

10/03/2024

Sagantaa Yaa'ii Afuuraa guddaa Waldaa Sillaaseetti Yaa'ii Mooraa Yuuniversiitii Haramaayaatiin guyyaa sadiif qophaa'ee ture nagaan xumurameera🙏♥️

👉 Waaqayyo isa nu gargaareef galatni guddaan haa ta'u 🙏♥️♥️

10/03/2024

🌹Baga tsooma guddaa Gooftaa keenyaan nu gahe🌹

Sagantaa Yaa'ii Afuuraa guddaa Waldaa Sillaaseetti Yaa'ii Mooraa Yuuniversiitii Haramaayaatiin qophaa'ee kan ganama har'a nagaan xumurameera.

👉 Tsoomni kun kan qalbii jijjiirrannaa nuuf haa ta'u

22/02/2024

Ajjeechaa guyyaa kaleessaa Abboota keenya Kawaala Cuqqaalaa Aabboo irratti raawwateen gadda guddaa nutti dhagahame ibsachaa gocha suukaneessa kanas cimsinee balaaleffanna.

Kawaalota umurii dheeraa fi seena qabeessa mana kiristaanaa keenya keessaa tokko kan ta'e fi jaarraa 12ffaa keessaa qulqulluu Aabboodhaan Tulluu Cuqqaalaa irratti kan hundeeffame keessatti tajaajilaa kan turan monoksoota afur irratti qaama hidhateen ajjeechaan raawwachuu isaa kawaalichi beeksiseera.

Kawaalli Cuqqaalaa Aabboo Kutaa lallaba Shawaa Bahaatti kan argamuu fi iddoo monoksoonni jiruu addunyaa kana irraa fagaatanii, firaa fi qananii lagatanii keessa jiraachuun Waaqayyoon itti kadhatanidha.

Kiristaanotnis yeroo yeroon kawaalicha kanatti imaluudhaan dirree Waaqayyoon itti kadhatanii fi iddoo qulqulluu manni kiristaana keenya qabduu fi kabajju safeeffattudhas.

Kaayyoo fi jireenyi abboota achi keessa jiranis kana ta'ee osoo jiru, gara jabummaadhaan abboota amantaa kana ajjeesuun, kallattumaan tarkaanfii amantaa keenyarratti aggaamame akka ta'etti hubanna.

Biyya namni kamuu mirga amantaa ofii bilisaan gaggeeffachuu akka qabu amantuu fi gaggeeffachaa jirtuuttis, gochi akkasii irra deddeebiin mana kiristaanaa keenya irratti raawwachuun isaa gadda guddaa keessatti akka kufnu nu taasiseera.

Amantii fi abdiin keenya namni kamuu Waaqa isaa bilisaan akka waaqeffatuu fi mirgi amantii isaa fi mirgi dirree waaqeffannaa isaas akka kabajamu kadhachuudha.

Abbootni amantaa kan maatii tokko yookaan kan warra tokko waan hin taaneef gaddi kun kan mana kiristaanaati.

Kanaaf kiristaanota hundumaan jajjabaadhaa, Waaqayyo hunduma keenya nu haa jabeessu, amantaa keessanittis kadhannaadhan cimaa jenna.

Warra gocha suukaneessaa akkana raawwatan ammoo qaamni ilaallatu hundumti seeratti akka dhiyeessu fi kana keessattis hunduu akka gahee isaa bahu waamicha dhiyeessina.

Eebbi wareegamtoota nu irra haa bulu.

21/01/2024

Kabaja Ayyaana Cuuphaa Yunivarsiitii Haramayyaatti

👉Waldaa Sillaasee Wiirtuu Harargee Bahaatiin

06/01/2024

🌹 Baga Yaadannoo Dhalachuu Gooftaa Keenya Fayyisaa Keenya Iyyesuus Kiristoosiin Isin Gahe🌹

👉 Hin sodaatinaa! Kunoo, ani misraachoo gammachuu guddaa isinittan hima'oo, kunis saba hundumaaf kan ta'uu dha. Har'a mandara Daawititti fayyisaan isiniif dhalateera; inni immoo Kiristoos Gooftichadha.” Luq. 2:10-11