02/12/2023
💐⛪️Oduu Muudamaa⛪️💐
👑Aanaa Daannoo👑
Mana Lubummaa aanaa Daannootti:-
1. Lubni Abarraa Indaashaa Atoomsaa...Hojii gaggessaa
2. Luba Tamasgeen Badhaasaa ...Barreessaa ta'uun muudaman.
Lubni Abarraa Indaashaa Mana Lubummaa Aanaa Daannootti Hojii gaggeessaa ta'uun hojjechaa kan turan ta'ee, bara 2012 sababa mana lubummaa oromiyaa deeggarta jedhamuun:-
1..Lubni Abarraa Indaashaa hojii gaggeessummaa irraa
2. Lubni Tamasgeen Badhaasaa tajaajila irraa kaafamanii dhiibbaan adda addaa irra gahaa ture dandamachuun Luboonni kun Deeggartoota Sinodoosii Oromiyaa qabachuun, Koree jijjiiramaa aanichaa ta'uun miindaa tokko malee hojjechaa turaniiru.
Hojiilee hojjechaa turan keessaa
1. Kaayyoo tajaajila afaan oromoo dura manni lubummaa oromiyaa akeeke, boodarrammoo Sinodoosiin oromiyaa qajeelche qabatanii milkii guddaan aanaa Daannoorratti hojjechaa turaniiru.
2. Qomoosotni, Lubootnii fi Daaqonoonni akka afaan oromootiin leenji'anii muudaman taasisaniiru.
3..Kanneen aanicha keessatti tajaajila afaan Oromoo mormaa turan barsiisuun kallattii sirrii agarsiisaniiru
4.. Sirna Galatoo guutummaatti Yeedaloo isaa afaan oromoon akka gaggeeffamuu eegalu aanicha keessatti hojii boonsaa hojjetaniiru.
gaggeessu.
5..Baadiyyaa aanichaa keessa naanna'uun sirna galatoo fi wangeela afaan Oromoon barsiisaa fi kkf dalagaa turaniiru.
Haa ta'u malee kanneen jibba tajaajila kanaa qaban Kutaan biyya lallabaa shawaa lixaa otoo hin haara'iin dura kan turan hojii gaggeessummaa irraa Luba Abarraa akkasumas luba Tamasgeen kaasanii miindaa malee waggaa shan lafa taa'anii qabsoo afuurawaa isaanii itti fufani gaggeessaa turani.
Koree jijjiiramaa aanichaatti Lubni Abarraan walitti qabaa akkasumas Lubni Tamasgeen barreessaa ta'uun manneen amantaa aanichaa keessa jiran Kutaa Lallaba Godinaa fi hojii gaggeessaa yeroo bakka isaaniitti muudame harkaa baasuun hunda of jala galchuun hojjechaa turani.
Luboonni kun manneen amantaa baadiyyaa sababa tajaajila afaan oromoo ta'uu dhabuudhaan cufaman beela'e, dheebodhe, dadhabe otoo hin jedhiin baadiyyaa keessa deemuun saaqsisanii tajaajila bilisaa kennaa turaniiru.
Koreen jijjiirama Godinaas dhugaa fi rakkoo hooggansaa akka Godinaatti jiru qorannoo walii galaa gaggeeffame Angafa phaaphaasii Kutaa biyya lallabichaa kan ta'an Abune Gabri'eeliif erga Godinichatti dhufanii dhiyeessuufiin mariin irratti gaggeeffamaa tureera.
Bifuma kanaan dhugaa jiru phaaphaasiin kutaa lallaba Shawaa Lixaa Abune Gebri'eel hubatanii dandeettii luboota kanaas arganii 18/3/2016 irraa eegaluun gara hojii isaaniitti akka deebi'an murteessaniiru. Luboonni kunis tartiibaan Hojii gaggeessaa Mana Lubummaa fi Barreessaa aanaa Daannoo ta'uun yeroo ammaa muudamaniiru.
Abbaan Keenya Abuna Gabri'eel bakka dhugaa fi rakkoon jirtu sirriitti adda baafatanii tajaajila wangeelaa babal'isuuf haala mijeessaa jiru. Eebbi isaanii nurra haa bulu.
Bara Hojii Gaarii
Dhugaan hin cabdu, hin baddu.
Sadaasa, 21/2016
Amboo
Sad. 22 2016
Ambo
Jabaan Waaqa!.