05/08/2023
Hɪʀɪʏᴀᴀ Dʜᴜɢᴀᴀ
▬▬▬▬▬▬▬▬▬
❏ Yeroo tokko hiriyoota lamatu waliin gammoojjii keessa deemu turan. Osoo deemaa jiranii yaadan walitti bu'uun wal lolan. Inni tokko isa kaanin kaballaan fuula keessa cambalaase.
✧ Inni kabalame sun osoo waa tokko hin dubbatin gad jedhee cirracha irratti "Hiriyaan koo dhugaan har'a fuula keessa na kabale" jedhee barreesse.
✧ Sana booda deemsa itti fufan. Hamma lafa bishaan jiru gahuutti deeman. Erga bishaan bira gahanii bishaan daakuu barbaadanii bishaanichatti seenan.
✧ Erga seenanii daqiiqaa muraasa booda inni kabalame sun bishaan keessa gad lixuu jalqabe. Hamma gadi fagaatutti keessa gadi badee afuura baafachuu dadhabe. Sana booda hiriyaan isaa argee dafee qabee bishaan sana keessaa baasee dhagaa irra teessisee akka inni afuura baafatu godhe.
✧ Inni kabalame sun erga of beekee booda dhagaa sana irratti "Hiriyaan koo dhugaan har'a du'a na oolche" jedhee barreesse.
✧ Inni hiriyaa isaa kabalee fi du'a oolche kun gocha hiriyaa isaa kana raajeffachuun gaaffi akkas jedhu gaafate.
✧ "Yeroon si kabale cirracha irratti barreessite yeroon amma du'a si oolchu immoo dhagaa irratti barreesite. Maalif?" Jedhee gaafate.
Hiriyaan isaa sunis akkas jedhee deebiseef:
✧ "Yeroo namni nu miidhu cirracha irratti barreessuu qabna. Yeroo bubbeen dhiifamaa dhufu isa akka balleessuuf, yeroo namni waan gaarii nuuf godhu garuu dhagaa irratti barreessuu qabna. Bubbeen kamillee dhufee isa fuudhee akka hin deemneef" jedhen.
