Kembata TV, Durame (2025)

16/01/2025

በብልፅግና ፓርቲ መሪነት እየተመዘገቡ ያሉ ሁሉን አቀፍ ለውጦችን አጠናክሮ ማስቀጠል እንደሚገባ ተገለፀ።

'ከቃል እስከ ባሕል' በሚል መሪ ሀሳብ በማዕከላዊ ኢትዮጵያ ክልል የዱራሜ ክላስተር መሰረታዊ ፓርቲ አባላት የብልፅግና ፓርቲ 2ኛ ጉባኤ ቅደመ ጉባኤ ኮንፍራንስ ማካሔዳቸውም ተመላክቷል።

16/01/2025

በምርጥ ዘር አቅርቦት ረገድ እያጋጠመ ያለውን ችግር ለመቅረፍ ከዘርፉ ባላድርሻ አካላት ጋር በቅንጅት እየተሰራ መሆኑን የማዕከላዊ ኢትዮጵያ ክልል ግብርና ቢሮ ገለፀ

ምርጥ ዘርን በወቅቱ፣ በሚፈለገው መጠንና ዓይነት እንዲሁም በተመጣጣኝ ዋጋ ለአርሶአደሩ ማቅረብ ምርታማነትን ለማሳደግ ያለው ድርሻ የጎላ ስለመሆኑም በመድረኩ ተገልጿል፡፡

የ2017/18 ምርት ዘመን የምርጥ ዘር ፍላጎትና አቅርቦት ላይ ያተኮረ የባለድርሻ አካላት የምክክር መድረክ ተካሄዷል፡፡

የማዕከላዊ ኢትዮጵያ ክልል ግብርና ቢሮ የኃላፊ ተወካይ እና የቢሮው ጽ/ቤት ኃላፊ አቶ አህመድ ሀቢብ የምክክር መድረኩን ባስጀመሩበት ወቅት በምርጥ ዘር አቅርቦት እየተስተዋለ ያለውን ችግር ለመቅረፍ ከዘርፉ ባላድርሻ አካላት ጋር በቅንጅት እየተሰራ መሆኑን ተናግረዋል፡፡

ቢሮው ግብርናን በማዘመን ድህነትን ለማሸነፍ የሚያስችሉ ስድስት መሰረታዊ የልማት ምሰሶዎችን ነድፎ ለማሳካት ርብርብ እያደረገ መሆኑን ያብራሩት ኃላፊው ያለ ምርጥ ዘር ግብርናን ማዘመን የሚታሰብ አይደለም ብለዋል፡፡

የምግብና የስነ-ምግብ ሉዓላዊነትን ለማረጋገጥ፣ የገቢ ምርቶችን ለመተካት፣ የኤክስፖርት ምርቶችን በማሳግደ ክልሉ በሀገር ኢኮኖሚ ላይ ያለውን አበርክቶ ከፍ ለማድረግ እየተሰራ ስለመሆኑም ተናግረዋል፡፡

ለአግሮ ኢንዱስትሪዎች በቂ ግብዓት በማቅረብና ግብርናን ለዜጎች የሥራ እድል ምንጭ እንዲሆን በማድረግ ከድህነት ፈጥኖ የተላቀቀ ቤተሰብ፣ ማህበረሰብ ብሎም ክልል ለመፍጠር ርብርብ እየተደረገ መሆኑንም አስረድተዋል፡፡

እነዚህን የግብርና ምሰሶዎች ለማሳካትና ምርታማትን በዘላቂነት ለማሳደግ ምርጥ ዘርን በወቅቱ፣ በሚፈለገው መጠንና ዓይነት እንዲሁም በተመጣጣኝ ዋጋ ለአርሶአደሩ ማቅረብ አስፈላጊ መሆኑን አቶ አህመድ አስገንዘበዋል፡፡

ጥራቱን የጠበቀ ምርጥ ዘርን በመጠቀም ከ30-50 በመቶ ምርታማትን ማሳደግ እንደሚቻልም አቶ አህመድ አብራርተዋል፡፡

በዘርፉ ያሉትን ማነቆዎች በመፍታት በዘር ብዜት የተሰማሩ አካላትን ሚና ለማላቅ መድረኩ መዘጋጀቱን የተናገሩት አቶ አህመድ በሕገ-ወጥ የዘር ንግድ ላይ የተሰማሩ አካላትን ለመከላከል ሁሉም ባለድርሻ አካላት በቅንጅት መስራት እንደሚገባቸው አሳስበዋል፡፡

የክልሉ ግብርና ቢሮ ምክትል የቢሮ ኃላፊ እና የግብርና ግብዓቶችና የገጠር ፋይናንስ አቅርቦት ዘርፍ ኃላፊ አቶ መኮንን ጋሶ ለመድረኩ የተዘጋጀውን ጽሑፍ ባቀረቡበት ወቅት በግብርናው ዘርፍ ምርታማነትን ለመጨመር ምርጥ ዘርን መጠቀም አማራጭ የሌለው ጉዳይ ስለመሆኑ በአፅንዖት ተናግረዋል፡፡

ባለፉት ሦስት ዓመታት በምርጥ ዘር አፈጻጸም የታዩ ማነቆዎችን በመለየት በክልሉ ያለውን የምርጥ ዘር ፍላጎትና አቅርቦት ችግሮችን በዘላቂነት ለመፍታትና ቀጣይ አቅጣጫዎች ላይ ከባለድርሻ አካላት ጋር ምክክር ለማድረግ መድረኩ እንደሚያግዝ አቶ መኮንን ተናግረዋል፡፡

ዘርፉ በቢሮው የተነደፉትን ስድስቱን ምሰሶዎች ሊያሳካ በሚያስችል መልኩ እየተንቀሳቀሰ መሆኑን የተናገሩት አቶ መኮንን የማክሮ ኢኮኖሚ ማሻሻያው ግብርናን ትኩረት አድርጎ መቀረጹንም አንስተዋል፡፡

ክልሉ ምቹ ስነ-ምህዳር ያለው መሆኑ፣ የአርሶአደሩ የዘር ፍላጎት ከፍተኛ መሆኑና የዘር ብዜት ፖሊሲ ምቹ መሆኑ በዘርፉ ለሚሰማሩ አካላት ምቹ ሁኔታ መፍጠሩንም አቶ መኮንን ጋሶ ተናግረዋል።

ለዘር ብዜት የሚያስፈልግ በቂ መሬት አለማቅረብ፣ የግል ዘር አባዦች የፋይናንስና የክሂሎት ውሱንነት፣ የባለድርሻ አካላት ቅንጅት ማነስ፣ ሕገ-ወጥ የዘር ንግድና የአርሶ አደሩን ፍላጎት መሰረት ያደረገ ዘር ያለማዘጋጀት በዘርፉ የተለዩ ማነቆዎች መሆናቸውን አቶ መኮንን በጽሑፋቸው አመላክተዋል፡፡

የመድረኩ ተሳታፊዎች በበኩላቸው መድረኩ በዘርፉ የሚስተዋለውን ችግር በቅንጅት ለመፍታት ተግባቦት የፈጠረላቸው መሆኑን አስተያየታቸውን ሰጥተዋል።

የክልሉ ግብርና ሴክተር የሥራ ኃላፊዎች፣ የመንግሥት የዘር ድርጅት ስራ አስያጆች፣ የግል ዘር አባዥ ድርጅቶችና በዘር ብዜት የተሰማሩ ዩኒየኖች፣ ማኅበራትና ግለሰቦች፣ የኢትዮጵያ ግብርና ኮርፖሬሽን የፓዮነር ዘር ድርጅት ተወካዮች፣ የዞንና የልዩ ወረዳ ምክትል አስተዳዳሪዎችና የግብርና ኃላፊዎች እና ተጋባዥ እንግዶች የመድረኩ ተሳታፊ መሆናቸውን ጠቅሶ Centeral Ethiopia Region Bureau of Agriculture ዘግቧል።

16/01/2025

''ከቃል እስከ ባህል'' በሚል መሪ ቃል በከምባታ ዞን አስተዳደር የዞን ማዕከል የብልፅግና ፓርቲ የኢኮኖሚ፣ የማህበራዊና የአስተደደር ዘርፍ የመሠረታዊ ድርጅቶች አባላት ቅድመ ጉባኤ ኮንፍረንስ በልዩ ልዩ ሁነቶች ታጅቦ ተካሔደ።

የከምባታ ዞን መንግሥት ኮሙኒኬሽን ጉዳዮች መምሪያ

16/01/2025

ከ"ቃል እስከ ባህል" በሚል መሪ ቃል በማዕከላዊ ኢትዮጵያ ክልል የዱራሜ ክላስተር የብልፅግና ፓርቲ መሠረታዊ ድርጅት አባላት ቅድመ ጉባዔ ኮንፍረንስ ተካሔደ።

በኮንፍረንሱ ፓርቲው ባለፉት ዓመታት ያስመዘገባቸው ስኬቶች ተዓምራዊ መሆናቸውን አቶ ኡስማን ሱሩር ተናግረዋል።

የዱራሜ ክላስተር የብልፅግና ፓርቲ አባላት ባደረጉት ኮንፍረንስ በማዕከላዊ ኢትዮጵያ ክልል ርዕሰ መስተዳድር ዶ/ር እንዳሻው ጣሰው በብልፅግና ፓርቲ ከጉባኤ እስከ ጉባኤ የተከናወኑ ዝርዝር ነጥቦችን የያዘ ቪዲዮ ቀርቧል።

የክላስተሩን የኮንፍራንስ መድረክ የመሩት በምክትል ርዕሰ መስተዳድር ማዕረግ የማዕከላዊ ኢትዮጵያ ክልል የገጠር ልማት ክላስተር አስተባባሪና የክልሉ ግብርና ቢሮ ኃላፊ አቶ ኡስማን ሱሩር በፓርቲው የመጀመሪያ ጉባኤ የተቀመጡ ግቦች ተዓምራዊ በሆነ መልኩ በሚገባ የተሳኩ መሆናቸውን ተናግረዋል።

በፓርቲው ፕሬዝዳንት ሀሳብ አመንጪነት በሀገር በቀል እሳቤዎች መነሻ ብልፅግና ቃል ከገባው በላይ እልፍ ስራዎችን መስራቱን ተናግረዋል።

በዚህም ፓርቲው በአንደኛው ጉባኤ ቃል ገብቶ ከነበራቸው ሀሳቦች አንዱ ስንዴን በብዛትና በጥራት እናመርታለን የሚል እንደነበርና ይህም በሚገባ ተሳክቶ ስንዴን ከሀገር ውስጥ ፍጆታ አልፎ ኤክሰፖርት ማድረግ መቻሉ ለኢትዮጵያ አዲስ ባህልና ልምምድ መሆኑን ገልፀዋል።

ከስንዴው ባሻገር በሰላም ግንባታ፣ በዲፕሎማሲ፣ በፀጥታና ደህንነት ተቋማት ግንባታ፣ በኢኮኖሚ ልማት፣ በግብርና ምርታማነት፣ በጤና ልማት፣ የትምህርት ስብራትን ለመጠገን እና ሌሎች በርካታ ስራዎች የተሰሩ መሆኑን አቶ ኡስማን አብራርተዋል።

ኃላፊው አክለውም የሁሉም ተግባራት ማረፊያ የህዝብ ተጠቃሚነትን ማረጋገጥ በመሆኑ ድሎችን ለማፅናት፣ ግለቱን ጠብቆ ወጥነት ባለው መልኩ እንዲሄድ ማስቻል፣ ጥራቱንና ቀጣይነቱን ለማዝለቅ እና ለማስቀጠል ከፓርቲው አባላት ስለሚጠበቁ ኃላፊነቶች በዝርዝር አስረድተዋል።

በተለይም በሚዲያ ስራዎች የፓርቲውን ሀሳቦችና ህልሞች ከማስተዋወቅ አንፃር ከክላስተሩ የፓርቲው አባላት ጠንካራ ተግባር የሚጠበቅ ከመሆኑም ባሻገር ፅንፍ የረገጡ አስተሳሰቦችን በግልፅ መታጋል ይገባል ብለዋል።

እንደ ፓርቲ የተገኙ ስኬቶች በፈተናዎች መሀል የመጡ ስለመሆኑም አስረድተዋል።

የእምነት ጉድለት፣ ፅንፈኝነትና ጥበት፣ የስነምግባር ጉድለት፣ የአቋም ወጥነት ጉድለት እና የቁርጠኝነት ማነስ በየደረጃው በፓርቲው አፈፃፀም ተግዳሮቶች እንደነበሩና እነዚህ እንዲታረሙ በትኩረት ይሰራል ብለዋል።

የዱራሜ ክላስተር መሰረታዊ ድርጅት ሰብሳቢና የማዕከላዊ ኢትዮጵያ ክልል ደን አካባቢ ጥበቃና ልማት ቢሮ ኃላፊ አቶ አብረሀም መጫ በበኩላቸው የዱራሜ ክላስተር የፓርቲው አባላት በብልፅግና ስኬት ላይ የበኩላቸውን አበርክቶ ሲያደርጉ መቆየታቸውን ተናግረዋል።

ጠንካራ ፓርቲ ከሌላ ጠንካራ መንግስት መመስረት አይቻልም ያሉት አቶ አብረሀም የፓርቲው ፈተና ሆነው የቆዩት የሪፎርም ሀሳብን በወጉ ያልተረዱ አካላት በመሆኑ ይህ እንዲስተካከል የስልጠና እና የግንዛቤ ስራዎች እየተሰሩ መሆኑን ጠቅሰዋል።

በመድረኩ የተለያዩ ሰነዶች ቀርበው ፀድቀዋል፤ የተሻሻለው የፓርቲው መተዳደሪያ ደንብ፣ የኢንስፔክሽንና ስነ ምግባር ሪፖርት፣ የብልፅግና ፓርቲ ጉባኤ አባላት ውክልናን ለመወሰን የወጣ አዋጅ፣ እጩ ሆነው የቆዩ አባላትን ማፅደቅና በሁለተኛው ጉባኤ ክላስተሩን ወክለው የሚሳተፉ አካላትም ምርጫ ተካሔዷል።

በመድረኩ ውይይት በማድረግና ተግባቦት በመፍጠር የብልፅግና ፓርቲ የዱራሜ ክላስተር መሰረታዊ ድርጅት አባላት ኮንፍረንስ ፍፃሜውን አግኝቷል።

14/01/2025

ሳምሶን መኮንን (ዶ/ር) የኢትዮጵያ መገናኛ ብዙኃን ባለሥልጣን ዋና ዳይሬክተር ሆነው ተሾሙ

የሕዝብ ተወካዮች ምክር ቤት የኢትዮጵያ መገናኛ ብዙኃን ባለስልጣን ዋና ዳይሬክተር ሹመትን አስመልክቶ የቀረበለትን የውሳኔ ሀሳብ መርምሮ በአንድ ድምፀ ተአቅቦ በአብላጫ ድምፅ አፅድቋል።

በዚሁ መሠረት ሳምሶን መኮንን (ዶ/ር) የኢትዮጵያ መገናኛ ብዙኃን ባለሥልጣን ዋና ዳይሬክተር ሆነው ተሹመዋል።

13/01/2025

የማዕከላዊ ኢትዮጵያ ክልል ኅብረት ሥራ ልማት ኤጀንሲ በ11ኛው ሀገር አቀፍ የኅብረት ሥራ ማህበራት ባዛር፣ ኤግዚቢሽንና ሲምፖዚየም ላይ ኅብረት ስራ ማህበራትን ለማሳተፍ የሚያስችል መድረክ አካሄደ።

የመድረኩ ዓላማም የኅብረት ስራ ማህበራትን ምርትና አገልግሎት በማስተዋወቅ የህብረት ስራ ሴክተሩን ገፅታ መገንባት እና ዘላቂነት ያለው የግብይት ትስስር በመፍጠር የአባላትን ተጠቃሚነት ማረጋገጥ ነው ተብሏል።

የኅብረት ስራ ማህበራት ምርቶቻቸውንና አገልግሎቶቻቸውን በ11ኛው ሀገር አቀፍ ባዛርና ኤግዚቢሽን እንዲያስተዋውቁ የተዘጋጀውን መድረክ በንግግር ያስጀመሩት የማዕከላዊ ኢትዮጵያ ክልል ኅብረት ሥራ ልማት ኤጀንሲ ምክትል ዋና ዳይሬክተር አቶ አማን ረሺድ በሀገር አቀፍ ደረጃ በአዲስአበባ ከተማ በሚካሄደው ኤግዚቢሽንና ባዛር መሳተፍ ለክልሉ ኅብረት ስራ ማህበራት መልካም እድል መሆኑን ተናግረዋል።

በመድረኩ የማዕከላዊ ኢትዮጵያ ክልል የኅብረት ሥራ ልማት ኤጀንሲ የማኅበራት ግብይት ከፍተኛ ባለሙያ አቶ ተሰማ ቦቄ ለውይይት መነሻ የሚሆን ሰነድ አቅርበዋል።

በሰነዱም በሀገር አቀፍ ደረጃ በሚደረገው ባዛርና ኤግዚቢሽን መሳተፍ ለኅብረት ሥራ ማህበራቱ ስለሚሰጣቸው ጥቅሞች፣ የምርት ማስተዋወቅ፣ ግብይትና ትስስር እና በ10ኛው ኤግዚቢሽንና ባዛር የነበሩ ጥንካሬዎችና ጉድለቶችን ጨምሮ በ11ኛው ተሳትፎ ስለሚጠበቁ ተግባራት አቅርበዋል።

በመድረኩ በተደረገ ውይይት የኅብረት ስራ ማህበራት ከተሳትፎ ያለፉ በጥራትና አገልግሎት የላቁ ስራዎቻቸውን እንዲያስተዋውቁ ተግባቦት ተፈጥሯል።

የሁሉም ዞንና ልዩ ወረዳ የኅብረት ስራ ማህበራት ጽ/ቤት አመራሮችና ባለሙያዎች፣ የዩኒየን ስራ አስኪያጆች የክልሉ ህብረት ስራ ኤጀንሲ ባለሙያዎች በመድረኩ መሳተፋቸውን ጠቅሶ Centeral Ethiopia Region Bureau of Agriculture ዘግቧል።

13/01/2025

በክልሉ የስራ ባህል ግንባታን ለማጎልበት ቅንጅታዊ አሰራርን ማጠናከር ይገባል ተባለ።

የማዕከላዊ ኢትዮጵያ ክልል ሠራተኛና ማህበራዊ ጉዳይ ቢሮ በህገወጥ የሰዎች ዝውውር መከላከልና በስራ ባህል ግንባታ ዙሪያ ከባለድርሻ አካላት ጋር ለመወያየት ያዘጋጀው መድረክ በዱራሜ ከተማ ተካሂዷል።

በመድረኩ በክልሉ በስፋት ተንሰራፍቶ የሚገኘውን ህገወጥ የሰዎች ዝውውርና በሰዎች ላይ የመነገድ ተግባረትን በመከላከል የስራ ባህል ግንባታ ስራ ላይ በትኩረት መስራት በሚያስችሉ ጉዳዮች ላይ ምክክር ተደርጓል።

በመድረኩ ማጠቃለያ የማዕከላዊ ኢትዮጵያ ክልል ሰራተኛና ማህበራዊ ጉዳይ ቢሮ ኃላፊ አቶ ሉምባ ደምሴ እንደተናገሩት የሰዎች ህገወጥ ዝውውርን በመከላከል የስራ ባህል ግንባታ ላይ ለመስራት የግንዛቤ ማስጨበጫ ላይ ማተኮር ይገባል።

ኑሮን ለማሸነፍ የስራ ባህልን መቀየር ያስፈልጋል ያሉት ኃላፊው የስራ ዕድል ፈጠራን በማጠናከር የዜጎች ራሳቸውን በምግብ የመቻል ዕቅድን እውን ለማድረግ በቅንጅት መስራት እንደሚገባም ጠቁመዋል።

ዜጎች ለስራ ያላቸውን አመለካከት በመለወጥ ህገወጥ የወጪ ሀገርና የሀገር ውስጥ የሰዎች ዝውውርን በመከላከልና የስራ ባህልን በመገንባንት የህብረተሰቡን ተጠቃሚነት ማረጋገጥ የአመራሩን ቅንጅትና ቁርጠኝነት የሚጠይቅ መሆኑንም ተናግረዋል።

ህብረተሰቡን ግንዛቤ ከማስጨበጥ ጎን ለጎን ማወያየት ፣ መከታተል፣ መደገፍና መቆጣጠር ይገባል ሲሉም አቶ ሉምባ አሳስበዋል።

የክልሉ ስራ ዕድል ፈጠራና ኢንተርፕራይዞች ልማት ቢሮ ኃላፊ አቶ ሙስጠፋ ኢሳ በምክክር መድረኩ እንደገለፁት ዜጎችን በስራ ዕድል ፈጠራ ተጠቃሚ ለማድረግ በትኩረት እየተሰራ ነው።

በሀገር ውስጥ ሰርቶ መለወጥ እንደሚቻል ብዙዎችን በተሞክሮነት መጥቀስ እንደሚቻል ያነሱት ኃላፊው ተሞክሮዎችን የማስፋፋት ስራም ትኩረት የሚሻ መሆኑን ጠቁመዋል።

የስራ ባህል ግንባታ በሂደት እያደገ የሚሄድ መሆኑን የተናገሩት አቶ ሙስጠፋ የሚፈለገው ለውጥ እንዲመጣ በጠንካራ ቅንጅት መስራት ይገባልም ብለዋል።

የሰራተኛና ማህበራዊ ጉዳይ ቢሮ ምክትል የቢሮ ኃላፊ እና የአሰሪና ሰራተኛ ዘርፍ ኃላፊ ወይዘሮ በይዳ ሙንዲኖ በበኩላቸው በሰዎች የመነገድ ወንጀል ሰብዓዊ መብት ጥሰት በመሆኑ በጋራ ማስቆም እንደሚገባ ተናግረዋል።

ህገወጥ የሰዎች ዝውውርን በመከላከል በህጋዊ መንገድ የሚደረገው ከሀገር ውጪ የስራ ስምሪት የማመቻቸት ተግባር እየተከናወነ መሆኑንም ጠቁመዋል።

የመድረኩ ተሳታፊ የሆኑት የክልሉ ቴክኒክና ሙያ ትምህርትና ስልጠና ቢሮ ምክትል ኃላፊ አቶ ሰለሞን ፈርሻ የስራ ዕድል ችግርን ለመቅረፍ በችግር ፈቺ ቴክኖሎጂና መሠል ጉዳዮች የረጅምና አጭር ጊዜ ስልጠና እየተሰጠ መሆኑን ተናግረዋል።

በሰዎች ላይ የሚፈፀም ህገወጥ ንግድን በመቀናጀት መከላከል ይገባል ያሉት አቶ ሰለሞን ሁሉም የራሱን ድርሻ በመውሰድ ሊሰራ ይገባልም ብለዋል።

የውጪ ሀገር የስራ ስምሪት እድል ተጠቃሚ ለሚሆኑ ዜጎች የአጭር ጊዜ ስልጠና በስፋት እየተሰጠ መሆኑንም ጠቁመዋል።

በመድረኩ በሰዎች ላይ የሚነገድ ሕገወጥ የሰዎች ዝውውር፣ የስራ ባህል ግንባታ እንዲሁም የሀገር ውስጥና የውጭ የስራ ስምሪት ላይ በትኩረት በመወያየት ቀጣይ አቅጣጫዎችን በማስቀመጥ ውይይቱ ተጠናቅቋል።

Central Ethiopia Regional Government Communication Affairs bureau

11/01/2025

በወቅታዊ ጉዳዮች ላይ የተሰጠ መግለጫ

የከምባታ ዞን አስተዳደር በአዲሱ የመዋቅር አደረጃጀት በአዲስ መልክ ዞን ሆኖ ከተዋቀረ ማግስት ጀምሮ የህብረተሰቡን ተጠቃሚነት ለማረጋገጥ በግብርና፣ በጤና፣ በትምህርት፣ በመሠረተ ልማት ዘርፈ ብዙ የልማት ተግባራትን እያከናወነ መቆያቱ ይታወቃል።

ዞኑ እስካሁን ባለው ሁኔታ የሀሳብ ልዕልናን በማስቀደም በየጊዜው የሚያጋጥሙ ያለመግባባት ችግሮችን በምክክር እና በውይይት በመፍታት ተግባራዊ ሲያደርግም ቆይቷል።

በአሁን ወቅት ለህዝባችን ከመተባበር ይልቅ መገፋፋትን ፤ ከመደጋገፍ ይልቅ መጠላለፍን፤ ከሰላማዊ ውይይትና ድርድር ይልቅ መጠፋፋትን እንደ አማራጭ አድርጎ የያዙ አካላት ከዚህ አይነት ለህዝባችን ምንም ከማይፈይድ እንቅስቃሴ ፈጥነው በመላቀቅ ከብልጽግናው መንግስታችንና ከህዝባችን ጎን በመቆም በዞናችን ከጫፍ ጫፍ የተጀማመሩ የልማት አጀንዳዎችን በማንቀሳቀስ አሻራቸውን እንዲያስቀምጡ እያሳሰብን ከመወቃቀስና ከመጠላለፍ አጀንዳዎች ወጥተን በቀና ልብ ለህዝባችን የሚበጁ ሀሳቦችን ማንሸራሸር ላይ ማተኮርን መለማመድ ይኖርብናል።

ለህዝባችን የሚያስፈልገው ልማት፣ ሰላም፣ ፍቅር፣ ወንድማማችነት፣ እህትማማችነት፣ አንድነት፣ ዴሞክራሲን መጎልበት፣ መልካም አስተዳደርን መረጋገጥና ብልፅግና ናቸው ያለው መግለጫው ለዚህ ስኬት ደግሞ ሁሉም ዜጋ የድርሻውን በግንባር ቀደምትነት መወጣት ይገባል በማለትም አሳስቧል።

ሰሞኑን በተለያዩ የማኅበራዊ ድረ -ገጾች ከእውነታው ጋር ፈጽሞ የማይገናኙ በአሉባልታና በሐሰት መረጃዎች መነሻ የሚናፈሱ ወሬዎች ልማታዊና ሰላማዊ የሆነውን የከምባታንና የዶንጋን ማኅበረሰብ ሆን ተብሎ በተፈበረከ ወሬ ለማደናገር እየተሞከረ መሆኑን እያስተዋልን ነው ያለው መግለጫው አንዳንድ የማኅበራዊ ድረ-ገጽ ባለቤቶች እንዲሁም ሌሎች ፌክ አካውንት ከፍተው ብዥታ የሚነዙ ግለሰቦችና ቡድኖች ከዚህ ዓይነቱ ሕገ-ወጥ ተግባራቸው ሊቆጠቡ ይገባል በማለት በመግለጫው ጠቅሷል።

በደቡብ አፍሪካ የሚኖሩ የዞናችን ተወላጆችና የልማቱ ደጋፊዎች ሀገር ቤት ለሚካሄደው ልማት በራሳቸው ተነሳሽነት በከፍተኛ ንቅናቄ ሰብስበው ያስረከቡትን ገንዘብ ለታለመለት ዓላማ ሳይውል ተበልቷል በሚል አፍራሽ ፕሮፖጋንዳ እየተሠራበት ይገኛል።

በተሰበሰበው ገንዘብ ለመሠረተ ልማት ሥራ የሚያገለግሉ ማሽነሪዎችን ለመግዛት የክልል ፋይናንስ ቢሮ ሲኒየር ባለሙያዎችን ጨምሮ ከተለያዩ ባለድርሻ አካላት የተወጣጣ የቴክኒክ ቲም ተቋቁሞ ሕጋዊ የጨረታ ሂደቱ በመጠናቀቅ ላይ ይገኛል።

ለዚሁ ዓላማ 22,050,925.36 (ከሃያ ሁለት ሚሊዮን) ብር በላይ የተሰበሰበውን ሀብት ጨምሮ ከሌሎችም ምንጮች በማስተባበር የታሰበውን የማሽነሪ ሙሉ ክሩ ለመግዛት ከፍተኛ ርብርብ እየተደረገ ባለበት በዚህ ወቅት ፀረ-ልማት ኃይሎች በሀገር ውስጥና ከሀገር ውጪ ለእኩይ ፖለቲካዊ ግባቸው በተናበበ መልኩ የሚያካሂዱት ዘመቻ ከአፍራሽነቱ ባሻገር ለሕዝቡ የሚፈይደው ነገር አይኖርም ብሏል መግለጫው

በሌላም በኩል ባሳለፍነው በጀት ዓመት የዞናችን ባለ ብሩኅ አዕምሮ ተማሪዎች በሒጋ ሞዴል አዳሪ ትምህርት ቤት ሲማሩ በበጀት እጥረት ምክንያት ችግር ተፈጥሮ በዞኑ አስተዳደር በኩል ለወገን የድጋፍ ጥሪ ቀርቦ በተደረገው ርብርብ (4,484,544) አራት ሚሊዮን አራት መቶ ሰማኒያ አራት ሺህ አምስት መቶ አርባ አራት ብር) ድጋፍ ተገኝቶ አመርቂ ውጤት ከመመዝገቡም በላይ የ12ኛ ክፍል ተፈታኞች በሙሉ (147 ተማሪዎች) ወደ ከፍተኛ ትምህርት ተቋማት ገብተዋል።

ይህ አይነት ከዚህ ቀደም ያልተለመዱ ግን ደግሞ ህዝባችንን ተጠቃሚ የሚያደርጉ በጎ ተግባራት ተጠናክረው መቀጠል እንዳለባቸውም ተገልጿል።

በዚሁ መሠረት ዞናችን በተያዘው 2017 በጀት ዓመት በሀገር ውስጥና በውጭ ሀገራት የአከባቢውን ተወላጆችና የልማት ወዳድ አካላትን በማቀናጀት ሀብት የማሰባሰቡ ተግባር ተጠናክሮ የቀጠለ ሲሆን ከሀገር ውስጥ የአከባቢውን ባለሀብት ነጋዴዎችንና ተቋማትን ከዞኑ አስተዳደር ጋር በቅንጅት በማወያየት ከ56 ሚሊዮን ብር በላይ ቃል የተገባ ሲሆን የከምባታ ዞን መሠረተ ልማት ሥራዎች ሀብት ማሰባሰቢያ በተከፈተው ልዩ አካውንት ገቢ የማድረግ ሥራ ተጀምሯል።

በተለይ በአሁኑ ወቅት ለመሠረተ ልማት ሥራ በዞናችን ታሪክ ለመጀመሪያ ጊዜ ከደቡብ አፍሪካ ተወላጆችና ከልማት ወደጆች በተገኘው ፈንድ ማሽናሪ ግዥ ለማከናወን ቅድመ ዝግጅት ሥራዎች እየተሠሩ ባሉበት ሁኔታ የተጀመረውን የልማት እንቅስቃሴ ጠል በሆኑ ግለሰቦች በጭፍን አመለካከት በተወሰዱ መረጃዎች መነሻ የተነሣው ጉዳይ ፈጽሞ የተሳሳተና የተቋሙን የሥራ ሞራል የሚጎዳ እንዲሁም የተጀመረውን የደቡብ አፍሪካ ሀብት አሰባሰብን በሚያጨልም ሁኔታ የተገለጸበት የተዛባ አመለካከት ፈጥኖ መታረም እንዳለበትና ለሕዝቡ ትክክለኛውን ሥዕል ማስያዝ እንደሚጠበቅባቸው በመግለጫው ተጠቅሷል።

በመጨረሻም በሐሰት መረጃ ተንተርሶ ከዞን እስከ ክልል ከፍተኛ አመራሮቻችን ዙሪያ የተገለጸው መልዕክት ፍጹም የተሳሰተና ከእውነታው የራቀ መሆኑ ታውቆ በሀገር ውስጥም ሆነ በውጪ ሀገራት ያላችሁ የልማት ወዳዶች የተጀመረውን የሀብት አሰባሰብ የልማት ንቅናቄ በተቀናጀና በተባበረ ክንድ እውን ለማድረግ መረባረብ ቀዳሚው ተግባር መሆን እንዳለበት መግለጫው አስታውቋል።

የከምባታ ዞን መንግሥት ኮሙኒኬሽን ጉዳዮች መምሪያ

10/01/2025

ጠቅላይ ሚኒስትር ዐቢይ አሕመድ (ዶ/ር) የኢትዮጵያ ሙዓለ ንዋዮች ገበያ (ESX) መርቀው ከፍተዋል።

ይህ ተግባር የኢትዮጵያን የፋይናንስ ዘርፍ በማዘመን ረገድ ዐቢይ እርምጃ ነው።

ESX ለዘርፉ ግልፅነትን የተላበሰ የገበያ ስፍራ ይፈጥራል።

በሁለተኛው የሀገር በቀል የኢኮኖሚ ሪፎርም ጥላ ሥርም በኢንቨስትመንት ለሚመራ እድገት በር ይከፍታል።

በመንግሥትም በግልም ዘርፎች የፋይናንስ አካታችነትን በማስፋት የቁጠባ እንቅስቃሴን ማሳደግን ብሎም ኢንቬስተሮችን መጠበቅን ታላሚ አድርጎ ተነስቷል።

ESX በሦስት የገበያ ክፍሎች ላይ ይሰራል። እነዚህም ለቢዝነስ ተቋማት፣ ለመንግሥት እና ሌሎች ተቋማት የሚያገለግሉ የይዞታ ገበያ፣ የቋሚ ገቢ ገበያ እና የገንዘብ ገበያ ናቸው።

የሙከራ የገንዘብ ገበያው ከ100 ቢሊዮን ብር በላይ እንቅስቃሴ ተካሂዶበታል። ይህም ገበያው የኢትዮጵያን የፋይናንስ ስርዓት ለማጠናከር ብሎም ለዘላቂ ልማት የካፒታል አቅም ለማሰባሰብ ያለውን አቅም አሳይቷል።

06/01/2025

ጠቅላይ ሚኒስትር ዐቢይ አሕመድ (ዶ/ር) ያስተላለፉት የእንኳን አደረሳችሁ መልዕክት!

እንኳን ለኢየሱስ ክርስቶስ የልደት በዓል አደረሳችሁ

ቅዱሳት መጻሕፍት እንደሚነግሩን ሕግ ጥሶ ከእግዚአብሔር ጋር የታጣላው ራሱ የሰው ልጅ ነበረ፡፡ ዕርቅን አውርዶ ሰላምን ለማስፈን በረት ድረስ የመጣው ግን እግዚአብሔር ነው፡፡ እንደ ቅዱሳት መጻሕፍት አስተምህሮ እግዚአብሔር ሁሉን ቻይ፣ አሸናፊ፣ የሚሳነው አንዳች የሌለ ነው፡፡ ነገር ግን ለዕርቅ እና ለሰላም ሲል ወደ ማይገባው ሥፍራ መጣ፡፡ አሸናፊ ቢሆንም እንደ ተሸናፊ ሆነ፡፡ ዐቅም ቢኖረው እንደ ዐቅመ ቢስ ሆኖ ታየ፡፡ በሁሉ ሀብታም ሲሆን፣ ራሱን ታናሽ አደረገ፡፡ ይህ ሁሉ ለዕርቅና ለሰላም የተከፈለ የታላቅነት ዋጋ ነው፡፡

እግዚአብሔር ለዕርቅ እና ለሰላም ሲል በደካማዋ ከተማ በቤተልሔም፣ በተናቀችው ሥፍራ በበረት መገኘቱ የገባቸውም ያልገባቸውም ነበሩ፡፡ የገባቸው፤ ከሰማየ ሰማያት ወርደው “ሰላም እና ዕርቅ በምድር ይሁን” ብለው ዘመሩ፡፡ የገባቸው፤ ከምሥራቅ ኮከቡን አይተው፣ እጅ መንሻውን ይዘው መጡ፡፡ የገባቸው፤ በረታቸውን ለቅቀው ለድንግል ማርያም እና ለኢየሱስ ክርስቶስ ሰጡ፡፡ የገባቸው፤ የሰማይ መላእክቱን ተከትለው ወደ በረት ሄደው እርቅና ሰላምን አመሰገኑ፡፡

ያልገባቸው ሰዎች፣ የዕርቅ እና የሰላሙ ዐዋጅ እየታወጀ እነርሱ ግን ተኝተው ነበር፡፡ የመንደር ጌቶች እነ ሄሮድስ፣ የሰው ልጅ ሰላም ማግኘት ሳይሆን ከጠላት ያገኙት ሥልጣን ያስጨንቃቸው ነበር፡፡ የይሁዳ ሰዎች፤ ዓለም በማይመለስበት ሁኔታ እየተቀየረ፣ እነርሱ ግን እየሆነ ያለውን ለውጥ አያዩም አይሰሙም ነበር፡፡ ከሰማይ መላእክት ወርደው፣ ከምድር እረኞች ነቅተው ተአምር ሲሠራ፤ እነርሱ ግን በዕንቅልፍ ደንዝዘው ነበር፡፡ እነርሱ እያንቀላፉ ከተማቸው ቤተልሔም ተቀይራለች፡፡ የእንጀራ ቤት ሆናለች፡፡ ታሪኳ ተቀይሯል፡፡ ታናሽ ከተማነቷ ተቀይሯል፡፡

ያልገባቸው፣ ሰላምና ዕርቅ ሲባሉ የድካምና የዐቅመ ቢስነት ምልክት አድርገው ተመለከቱት፡፡ ሰይፍና ጎራዴ የለመዱ፤ መግደልና ማጥፋት ጀግንነት የሚመስላቸው ነበሩና፡፡ ሰላም ድካም፣ ዕርቅም ሽንፈት ይመስላቸው ነበር፡፡ ስለዚህም በእኩለ ሌሊት ከመሸ፣ በከብቶች በረት ለሁሉ የመጣውን ሰላም አቅለው አንቀበልም አሉ፡፡ እነ ሄሮድስ ሰይፍ መዘዙ፡፡ ሰላምን አሳደዱ፤ ሰላማዊ ሕጻናትንም ፈጁ፡፡ ሄሮድስ የገዛ ሕዝቡን ለመጨፍጨፍና ለመግዛት በጠላት የተሾመ ሰው ነበር፡፡ የሚያስፈጽመው የእሥራኤል ጠላቶችን ዓላማ ነበረ፡፡

ይሄንን በዓል የምናከብር፤ ወይ ሰላምና ዕርቅን ከሚወዱት ወገን ነን፡፡ አለያም ሰላምንና ዕርቅን ከሚያሳድዱት ወገን ነን፡፡ መንግሥት ሰላምና ዕርቅን ደጋግሞ የሚያውጀው ዐቅም ከማጣት፣ ጉልበቱ ከመድከም የተነሣ አይደለም፡፡ ሁሉም ዓይነት መንግሥታዊ ዐቅሞች በእጁና በደጁ አሉ፡፡ ሰላምና ዕርቅ ግን ከሁሉ በበለጠ፤ ዘመን አሻጋሪ፣ ታሪክ ቀያሪ፣ የችግርና መከራ ዘመን ማብቂያ መፍትሔዎች በመሆናቸው ነው፡፡ ሁሉን አሸናፊ፣ ሁሉን አሻጋሪ ያደርጋሉ፡፡ ጠባሳ ሳይተው ቁስልን ያሽራሉ፤ ለልጅ ልጅ ቂምን ሳይሆን ሐሴትን ያወርሳሉ፤ ከመጠፋፋት ይታደጋሉ፡፡ የሰላምና የዕርቅ መንገድ የሚመረጠውም ለዚህ ነው፡፡

ሰላምና ዕርቅን መምረጥ፤ የኃያል ባለ-ራዕይ፣ የፍጹማዊ-አሸናፊና ባለታላቅ-ዐቅም በውዴታ የሚሸከመው የከፍታ ግዳጅ ነው፡፡ እግዚአብሔር ሁሉን ማድረግ ይችል ነበር፡፡ ሰላምን እያወጀ ወደ ከብቶች በረት የመጣው ግን እርሱ ኃያሉ ነው፡፡ የአዳም ልጆች በሠገነት ሲወለዱ የእግዚአብሔር ልጅ ነው በበረት የተወለደው፡፡ እግዚአብሔር ነው ለሰላምና ለዕርቅ ሲባል ከቤተልሔም እስከ ቀራንዮ መከራን የተቀበለው፡፡
መንግሥት ዛሬም ለሰላም እና ለዕርቅ እጁ እንደተዘረጋ ነው፡፡ ለሁሉ የሚሆን ሰላም በኃይል ሳይሆን በፍቅር መንገድ እንደሚመጣ ያውቃል፡፡ ለሰላምና ለዕርቅ በመሸነፍ ውስጥ ፍጹማዊ ማሸነፍ እንዳለ ያምናል፡፡ ጥቂቶች እንጂ ብዙኃኑ ከሰላም የሚገኘውን ክፍያ የሚሹ እንደሆነ ይረዳል፡፡
የጠላት መሣሪያ የነበረውን የሄሮድስን መጨረሻ ማየት ነው፡፡ ለሰላምና ለዕርቅ ጀርባቸውን የሰጡ የቤተልሔም ከተማ ሰዎችን ፍጻሜ ማሰብ ነው፡፡ እግዚአብሔር በረት ድረስ ሲፈልጋቸው አሻፈረኝ ብለው ነበር፡፡ ከዓመታት በኋላ በኃይልና በጉልበት ሲጎበኛቸው ግን፣ ፈልገው ሊያገኙት አልቻሉም፡፡ ቤታቸው የተፈታ ሆኖ ቀረ፡፡ ከዚያ በኋላ ፍለጋቸው መባከንና መቅበዝበዝ ሆነ፡፡ ዕርቅና ሰላምን የሚገፋ ሁሉ መጨረሻው እንደዚህ ነው፡፡

ሁሉም ጊዜ አለው፡፡ በጊዜው መጠቀም የጠቢባን ድርሻ ነው፡፡ ለሰላም የተዘረጉ እጆች እንደተዘረጉ አይቀሩም፡፡ ለሰላም ሲባል ወደ ምድር የወረዱ ሁሉ እንደ ወረዱ አይቀሩም፡፡ ለሰላም ሲባል ደካሞች መስለው የታዩ ሁሉ፣ ኃይላቸውን በጊዜው ይገልጣሉ፡፡ የግድግዳው ጽሑፍ ይመጣል፡፡ የተዘረጋው ብራና ይጠቀለላል፡፡

ክርስቶስ በተወለደ ጊዜ ሦስቱ ሰላማውያን ቦታ አላገኙም ነበር፡፡ የጥበብ ሰዎች፣ እረኞች እና መላእክት፡፡ ሦስቱም ብዙዎቹ ያደረጉትን ለማድረግ የመጡ አልነበሩም፡፡ ትክለኛውን ነገር ለማድረግ እንጂ፡፡ ሦስቱም ዘመን የወለደውን ጊዜ የወደደውን አልተከተሉም፡፡ የሚጠቅመውን ነገር እንጂ፡፡ ታሪክ እንደሚያስተምረን ግን የእነዚህ የሦስቱ እውነት በጊዜው ተገልጧል፡፡ ዓለምም በየዓመቱ የክርስቶስን ልደት ሲያከብር እነዚህን ሦስቱን ሰላማውያን ያስታውሳል፡፡

ለሰላም ስትሉ ዋጋ የምትከፍሉ፣ የምትዋረዱና የምትቃለሉ ሁሉ ከሦስቱ ሰላማውያን መማር አለባችሁ፡፡ የጠላት መሣሪያዎች የሆኑት ሄሮድሳውያን ቢገድሉም፤ የቤተልሔም ሰዎች እምቢ ቢሉም፣ የተማሩ የተባሉት የአይሁድ ሊቃውንት ቢቀልዱም፣ ለሰላም ዋጋ መክፈል ያዋጣል፡፡ ቢያንስ ሰማያዊና ታሪካዊ ዋጋ ያስገኛል፡፡

ይሄንን በዓል ስናከብር ከሦስቱ ሰላማውያን ጋር ሆነን ሰላምና ዕርቅ በሀገራችን እንዲሰፍን የበኩላችንን በማድረግ እንዲሆን ጥሪዬን አቀርባለሁ፡፡ እርስ በርስ ከመሸናነፍ ስለሰላም ሁላችንም ብንሸነፍ ሁላችንንም አሸናፊ ያደርገናል፡፡ መንግሥት ለሰላማዊ መንገዶች ቅድሚያ ይሰጣል፡፡ ለሰላም ከሚሠሩት ጋር ሁሉ አብሮ ይሠራል፡፡ ሰላማውያን ለሚከፍሉት መሥዋዕትነት ክብርና ዋጋ ይሰጣል፡፡

በድጋሜ መልካም በዓል ይሁን፡፡

ኢትዮጵያ በልጆቿ ጥረት ታፍራና ተከብራ ለዘላለም ትኑር!!
ፈጣሪ ኢትዮጵያና ሕዝቦቿን ይባርክ!
ታህሳስ 28፣ 2017 ዓ.ም

06/01/2025

የኢየሱስ ክርስቶስን የልደት በዓል በማስመልከት ከከምባታ ዞን ዋና የመንግሥት ተጠሪ ክቡር አቶ ዳዊት ሀንዲኖ የተላለፈ የእንኳን አደረሳችሁ መልዕክት!!

ለመላው የክርስትና እምነት ተከታዮች እንኳን ለጌታችንና ለመድኃኒታችን ለኢየሱስ ክርስቶስ የልደት በዓል /ገና በሰላም አደረሰን!! አደረሳችሁ!!

ገና ጌታችንና መድኃኒታችን ኢየሱስ ክርስቶስ የሰው ልጆች በሰሩት ኃጥአት የተፈረደባቸውን የሞት ፍርድን በመስቀል ላይ ሞት ለመሻር በተናቀ ቦታ የራሱን ክብር ጥሎ ለዓለም የሞት መድኃኒት ሆኖ የተወለደበትን የመታሰቢያ በዓል ሲሆን በዓሉም በክርስትና እምነት ተከታዮች ዘንድ በድምቀት የሚከበር ልዩ በዓል ነው።

በዓሉ ጌታችንና መድኃኒታችን ኢየሱስ ክርስቶስ ለሰው ልጆች ፍቅሩን የገለጠበት፣ የይቅርታና የምህረት ዘመን የምስራች የተበሰረበት ሲሆን የሰው ልጆች በምድር ላይ ቆይታቸው በፍቅር፣ በይቅርታ፣ በአንድነትና በመተባበር በወንድማማችነትና በእህትማማችነት፣ በመተሳሰብ እና በመደጋገፍ መልካም ስራንም በመስራት እንዲኖሩ አስተምሮት ያለው ኃይማኖታዊ በዓል ነው።

በማህበራዊ፣ በኢኮኖሚያዊ እና በፖለቲካዊ እንቅስቃሴያችን ይቅርታና ምህረት የሚንጸባረቅበትን መንገድ ስንከተል ሰላምና ፀጥታን በማስፈን፣ ሰብዓዊና ዴሞክራሲያዊ መብት በማረጋገጥ፣ የሰላምና የፍቅር ህይወትን በማጽናት ብሎም ልማታዊ ጊዜያችን በማሳደግ ሁለንተናዊ ብልጽግናን ለማረጋገጥ ሚናው የጎላ መሆኑንም ገልጸዋል።

ስለሆነም በዓሉን ስናከብር በይቅርታ፣ በመደመር ህይወታችንን በአዲስ መንፈስ በማደስ፣ ዝቅተኛ ገቢ ያላቸው አካላት በዓሉን ከእኛ ጋር በደስታ እንዲያከብሩ ማዕድ በማጋራት እንዲሁም በጎ ተግባራትን በመፈጸም ማክበር ይኖርብናል።

በዓሉ የሰላም የፍቅር የደስታ እንዲሆን መመኘታቸውን ገልጸው በዓሉ በሰላም ተከብሮ እንዲጠናቀቅ ሁሉም የድርሻውን እንዲወጣ ጥሪዬን እያቀረብኩ መልካም በዓል እንዲሆን እመኛለሁ።

መልካም የገና በዓል!

06/01/2025

የኢየሱስ ክርስቶስ የልደት በዓልን (ገና) አስመልክቶ የከምባታ ዞን የሕዝብ ተወካዮች ምክር ቤት ዋና አፈ ጉባኤ የተከበሩ ወይዘሮ አስካለ ሰሶ ያስተላለፉት የእንኳን አደረሳችሁ መልዕክት፥

ከሁሉ በማስቀደም ለመላው የክርስትና እምነት ተከታዮች እንኳን ለጌታችን ለመድኃኒታችን ለኢየሱስ ክርስቶስ የልደት በዓል በሠላም አደረሳችሁ!!አደረሰን!! እላለሁ።

ዋና አፈ ጉባዔዋ በመልዕክታቸው ኢየሱስ ክርስቶስ ለሰው ልጆች ሁሉ ያለምንም ልዩነትና ክፍያ ቤዛ ለመሆን እንደመጣ ሁሉ ዛሬ እኛ በመንግሥት ሥራ በኃላፊነትም ሆነ በባለሞያነት የተሰማራን የሕዝብ አገልጋዮች ያለምንም አድልዖ እና ከሙስና በፀዳ መልኩ ሕዝብን ማገልገል ይገባል ብለዋል።

በዓሉን የክርስትና ዕምነት መገለጫ በሆኑት በልግስና እና ማዕድ በማጋራት በተለይም ለአቅመ ደካሞች፣ ለመበለቶች፣ ለአረጋውያን፣ ለወላጅ አጦች ድጋፍ በማድረግ ልናከብር ይገባል።

በድጋሚ ለመላው የክርስትና እምነት ተከታዮችና ለዞናችን ነዋሪዎች መልካም የኢየሱስ ክርስቶስ የልደት በዓል እንዲሆን እየተመኘሁ በዓሉ የሰላም፣ የፍቅር፣ የአንድነት፣ የመተሳሰብ ይሁንልን እላለሁ።

አመሰግናለሁ!
መልካም የገና በዓል!

06/01/2025

የኢየሱስ ክርስቶስ የልደት በዓልን አስመልክቶ የከምባታ ዞን ዋና አስተዳዳሪ ክቡር ዳዊት ለገሠ (ዶ/ር) ያስተላለፉት የእንኳን አደረሳችሁ መልዕክት።

ከሁሉ አስቀድሜ በሀገር ውስጥ በከምባታ ዞን እና ከዞኑ ውጭ ለምትኖሩ ውድ የከምባታ ዞን ሕዝቦች፣ በተለያዩ የውጭ ሀገራት የምትኖሩ ውድ የዞናችን ተወላጆች፣ ኢትዮጵያውያን እና ትውልደ ኢትዮጵያውያን እንዲሁም በመላው ዓለም ለምትኖሩ የክርስትና እምነት ተከታዮች በሙሉ እንኳን ለ2017 ዓ/ም ለጌታችን ለመድኃኒታችን ኢየሱስ ክርስቶስ የልደት በዓል /ገና/ በሰላም አደረሳችሁ!! አደረሰን!!

ልደት አዲስ ተስፋ የሚሰነቅበት ደስታ የሚበሰርበት ልዩ ክስተት ነው።

የክርስቶስን መወለድ ለዘመናት ሲጠብቁ የቆዩ ወገኖች በክርስቶስ ልደት ብሩህ ተስፋን፣ ሀሴትን፣ ደስታን በሚገባ አጣጥመዋል።

ተስፋቸው በመፈፀሙ ሕልማቸውም እውን በመሆኑ አምላካቸውን አመስግነዋል፤ ፍስኃም አድርገዋል።

ምክንያቱም ለዘመናት የጠበቁት አዲስ ምዕራፍ መገለጡን ያረጋገጠላቸው ልዩ በዓል ነውና።

የገና በዓልን ለማክበር ከምንኖርበትና ከያለንበት ወዳጅ ዘመዶች አንድ ላይ ስንሰበሰብ፣ ስለ ማህበረሰባችን ጥንካሬ፣ አንድነት እና መተሳሰብ የጋራ የሆነ ባህላችን፣ ታሪካችንና የመልካም እሴት አካል መሆኑን የበለጠ እንገነዘባለን።

የገና በዓል ከበዓል በላይ ነው እንደ ማህበረሰብ የሚያስተሳስሩንን እሴቶች ማለትም ፍቅርን፣ ርህራሄን፣ ልግስናን እና አንድነትን የምናሰላስልበት ጊዜ ነው።

እነዚህ እሴቶች እንደ ዞን የእድገታችን የማዕዘን ድንጋይ ናቸው። በአንድነት ተግዳሮቶችን አሸንፈናል፣ ስኬቶችን አክብረናል እና ሁላችንንም የሚያበረታታ የትብብር እና የመከባበር መሰረት ገንብተናል።

ዘንድሮም መሰረተ ልማቶችን ከማሻሻል ጀምሮ ማህበራዊ መግባባትን ከማጎልበትና ኢኮኖሚያዊ እድገትን በማስፈን የህብረተሰባችንን ሁለንተናዊ ተጠቃሚነት ለማረጋገጥ ያሉን ፀጋዎችና የህብረተሰባችንን እምቅ አቅም ከማስተባበር አንፃር በሁሉም አካባቢዎች በተለያዩ ዘርፎች አመርቂ ውጤቶች መመዝገብ መጀመራቸው በመንግስት ውስን አቅም ብቻ ሳይሆን የሕዝባችን የተባበረ ክንድ ታክሎበት በራስ አቅም ማደግ እና መበልፀግ እንዳሚቻል ማሳያ ናቸው።

እነዚህ ምርጥ ብሩህ ጅምሮች ለዞናችን ልማት፣ እድገትና ብልጽግና ብሩህ ተስፋ የሚሰንቁ መልካም ጅምሮች፣ ትጋት እና የዞናችን የጋራ የመተባበር መንፈስ ማሳያ ናቸው።

ገናን ስናከብር እነዚህን ስኬቶች ለማድነቅ እና የበለጠ ብሩህ የወደፊት ህይወት ለመገንባት ያለንን ቁርጠኝነት ለማደስም ጭምር ነው።

በዓሉ የሚከበርበትን ወቅት ከዞናችን ተጨባጭ ሁኔታ አንፃር ስናየው ሀገራዊና ክልላዊ የልማት አቅጣጫዎችንና ኢንሼቲቮችን በመቀበል የዞናችንን ከተሞች አዲስ ተስፋ ሰንቀን ቃል ኪዳናችንን አድሰን ሕብረተሰቡን በማስተባበርና በማነቃነቅ ለማልማት የጀመርንበት ሰዓት ላይ እንገኛለን።

ያቀድነውን ዕቅድ የሰነቅነው ተስፋ እውን እንደሚሆን ገና ከጅምሩ በየከተሞቹ የታዩ መነሳሳቶችና ጠንካራ የህብረተሰብ ተሳትፎ የስኬቱን አይቀሬነት አመላካቾች ናቸው።

የገናን በዓል ስናከብር የአብሮነት መንፈስ እና ብሩህ ተስፋን እናራምዳለን እጅ ለእጅ ተያይዘን በቀጣይነት ለዞናችን እድገት፣ አንድነት እና ብልፅግና እንዲረጋገጥ በጋራ ጥረታችን የጋራ ተጠቃሚነታችንን ለማረጋገጥ በትኩረት መረባረብ አለብን ብየም አምናለሁ።

እድሎቻችንና ፀጋዎቻችንን ለይተን፣ አንድነታችንን ከመቼውም ጊዜ በላይ አጠናክረን በዞናችን የታቀዱ የልማት ሥራዎችን ከግብ ለማድረስ ቃል ኪዳናችንን እንድናድስ ጥሪ እያቀረብኩኝ በሀገር ውስጥም ሆነ ከሀገር ውጭ የምትኖሩ የከምባታ ዞን ተወላጆች ለከተሞቻችንና ለወረዳዎቻችን መለወጥና ለህብረተሰባችን ሁለንተናዊ ተጠቃሚነት በዕውቀታችሁ፣ በገንዘባችሁ፣ በጊዜያችሁ፣ በጉልበታችሁ እና ባላችሁ ነገር ሁሉ በንቃት በመሳተፍ የበኩላችሁን አሻራ እንዲታስቀምጡ የአደራ መልዕክት ጭምር በዞኑ ሕዝብ ስም አስተላልፋለሁ።

በዓሉን ስናከብር በአካባቢያችን ያሉትንና የተቸገሩትን ወገኖች በሚንችለው ሁሉ ልንረዳቸውና ልናስታውሳቸው ይገባል ምክኒያቱም የገና እውነተኛው መንፈስ እርስ በርስ በመስጠት፣ ካለን በማካፈል እና በመደጋገፍ ላይ የተመሠረተ መሆን አለበትና።

እያንዳንዳችሁ ወደ ጎረቤቶቻችሁ እንድትደርሱ፣ የእርዳታ እጃችሁን እንድትዘረጉ እና ሁሉም የዚህ ልዩ በዓል ደስታ ተቋዳሽ እንዲሆን በማድረግ የማህበራዊ ግዴታችንን መወጣት እንደሚገባ እያሳሰብኩኝ መልካም የገና በዓል እንዲሆንላችሁ እመኛለሁ።

በዓሉ የሠላም፣ የየፍቅር፣ የደስታ እና የመተሳሰብ እንዲሆንል በድጋሚ እመኛለሁኝ

መልካም የገና በዓል!!

ፈጣሪ ኢትዮጵያንና ሕዝቦቿን አብዝቶ ይባርክ!!

05/01/2025

የከምባታ ዞን ፖሊስ መምሪያ ለመላው የክርስትና እምነት ተከታዮች እንኳን ለ2017 ዓ/ም ለጌታችን ለመድኃኒታችን ለኢየሱስ ክርስቶስ የልደት በዓል በሰላም አደረሳችሁ እያለ መልካም ምኞቱን ይገልፃል።

ፖሊስ መምሪያው በዓሉን አስመልክቶ ባስተላለፈው የጥንቃቄ መልዕክት በዓላትን ሰበብ በማድረግ የሚፈፀሙ በርካታ የወንጀል አይነቶች በመኖራቸው መላው የፖሊስ አባላት የማህበረሰቡን ሠላምና ፀጥታ በማስመልከት ልዩ መመሪያ በማውጣት የህዝብን ሰላም ለማስጠበቅና በዓሉን እጅግ ሰላማዊ በሆነ መንገድ እንዲያሳልፍ ለማስቻል ወደ ተግባር መገባቱን ይገልጻል።

የከምባታ ዞን ፖሊስ አዛዥ ረዳት ኮሚሽነር ታገሰ አርፍጮ ህብረተሰቡ በበዓሉ ወቅት የትኛውንም ዓይነት ግብይት ሲፈፅም ከሀሰተኛ የብር ኖት እንዲጠነቀቅና ከባዕድ ጋር የተቀላቀሉ ማር፣ ቅቤ፣ በርበሬ ሌሎችም ግብዓቶ ለገበያ የሚያውሉ ስግብግብ ነጋዴዎች እንደሚኖሩ በመገንዘብ ማህበረሰቡ ከፍተኛ ጥንቃቄ ማድረግ አለበት ብለዋል።

በበዓሉ ወቅት ከእሳት አደጋ ጋር በተያያዘ ህብረተሰቡ ከፍተኛ ጥንቃቄ ማድረግ እንዳለበትና መሰል ችግሮች ሲፈፀሙ ለፖሊስ ጥቆማ መስጠት እንደሚገባ አሳስበዋል ኮሚሽነሩ።

ረዳት ኮሚሽነር ታገሰ አርፍጮ በጥንቃቄ መልዕክታቸው ከሞተር ሳይክል አሽከርካሪዎች ከተፈቀደለት ፍጥነት ወሰን በላይ ማሽከርከር ለአደጋ የሚያጋልጥ በመሆኑ በጥንቃቄ እንዲያሽከራክሩና የአቋቋም ስርዓት እንዲኖራቸው በማድረግ የትራፊክ አደጋ እንዲቀነስ የበኩላቸውን ኃላፊነት እንዲወጡ አሳስበዋል።

ከትራንስፖርት ጋር በተገናኘም አሽከርካሪዎች ትርፍ ከመጫንና ከተፈቀደለት ፍጥነት ወሰን በላይ ማሽከርከር ለአደጋ የሚያጋልጥ በመሆኑ በጥንቃቄ በማሽከርከር የትራፊክ አደጋ እንዲቀንስ የበኩላቸውን አስተዋጽኦ እንዲያበረክቱ ጥሪያቸውን አቅርበዋል።

በዞኑ ውስጥ ያሉ ሆቴል ቤቶች የዞኑን ሰላም ለማስጠበቅ በሚደረገው ርብርብ ፀጉረ-ልውጦች ሲታዩ በአስቸኳይ ለሚመለከታቸው የፀጥታ አካላት ጥቆማ መስጠት እንደሚያስፈልግም አሳስበዋል።

ረዳት ኮሚሽነሩ አክለውም ህብረተሰቡ በዓሉን በሠላም እንዲያሳልፍ የፖሊስ አባላት ቀንና ማታ በሚሠሯቸው ስራዎች ላይ ሁሉም የህብረተሰብ ክፍል ድጋፍ ማድረግ እንዳለበት ጠቁመው በሁሉም ዘርፍ ያሉ የጸጥታ መዋቅሮችና በሌሎችም ፈጣን የመረጃ የመለዋወጫ ሥርዓት መዘርጋቱንም ተናግረዋል።

ረዳት ኮሚሽነር ታገሠ አያይዘውም የገና በዓል በክርስትና እምነት ተከታዮች ዘንድ ትልቅ ቦታ ተሰጥቶት የሚከበር በዓል በመሆኑ በሥራ ምክንያት ቤት ተከራይተው የሚኖሩ ለበዓል ወደየቤታሰቦቻቸው ሲሄዱ የተከራዩትን ቤት በሌላ ሰው በአደራ አስጠብቀው መሄድ እንዳለባቸውም አሳስበዋል።

በመጨረሻም በመንግሥትና በግል ተቋማት የተቀጠሩ ጥበቃዎች ከመቼውም ጊዜ በላይ በተጠንቀቅ በመቆም የድርሻቸውን በቁርጠኝነት እንዲወጡ እያሳሰብኩ ባለንብረቶችም ንብረታቸውን በጥንቃቄ እንዲጠብቁ አሳስበዋል ረዳት ኮሚሽነር ታገሠ።

ገና የፍቅር፣ የደስታ፣ የፌሽታ በዓል በመሆኑ በዓሉን ስናከብር በአንድነት ሆነን ደስታችንን የምናጣጥምበት በመሆኑ በበዓሉ ደጋፊ የሌላቸው ወገኖችን በማሰብ ያለው ለሌለው በማካፈል በደስታ ማሳለፍ እንዲቻል ጥሪ አቅርበዋል።

በበዓሉ ወቅት ህብረተሰቡ ማንኛውም ዓይነት የተለየ ነገር ሲያጋጥም በነዚህ የስልክ ቁጥሮች ላይ በመደወል መረጃ መስጠት ይችላል፡፡

0465540644 /0916860055 /0916031539

በድጋሚ መልካም የገና በዓል!!

የከምባታ ዞን ፖሊስ መምሪያ!!

04/01/2025

የመሬት መንቀጥቀጥ (ንዝረት) ሲከሰት መደረግ ያለባቸው ጥንቃቄዎች

የኢትዮጵያ አደጋ ስጋት ሥራ አመራር ኮሚሽን እየተከሰተ ስላለው የመሬት መንቀጥቀጥ (ንዝረት) አስመልክቶ የጥንቃቄ መልዕክቶችን ይፋ አድርጓል።

የጥንቃቄ መልዕክቶቹ እንደሚከተለው ቀርበዋል

04/01/2025

በክልሉ ምርትና ምርታማነትን ለማሳደግ በሚደረገው ጥረት የዘርፉ ተመራማሪዎች በትኩረት መስራት እንዳለባቸው ተመላከተ

በማዕከላዊ ኢትዮጵያ ክልል ግብርና ምርምር ኢንስቲቲዩት በስርዓተ ምግብ ማሻሸያ ፕሮግራም አማካኝነት በግብርናው ዘርፍ ያሉ ፀጋዎችንና ማነቆዎችን በመለየት ችግር ፈቺ የምርምር እቅድ ማዘጋጀትን ያለመ የምክክር መድረክ በሆሳዕና ከተማ ዛሬ እየተካሄደ ነው፡፡

በማዕከላዊ ኢትዮጵያ ክልል በምክትል ርዕሰ መስተዳድር ማዕረግ የገጠር ክላስተር አስተባባሪና የግብርና ቢሮ ኃላፊ አቶ ኡስማን ስሩር የሀገር ኢኮኖሚ ለማሳደግ ግብርናን ማዘመን ከፍተኛ ፋይዳ አለው ብለዋል፡፡

ግብርናው ሲዘምን ህዝባችንን ከድህነት ለማላቀቅ የሚኖረው ሚና ከፍተኛ ስለመሆኑም ኃላፊው አስረድተዋል።

ለግብርናው ዘርፍ ስኬታማነት ምሁራን፣ ተመራማሪዎች እና ሌሎች ባለድርሻ አካላት ጉልህ አስተዋጽኦ እንዳላቸውም አቶ ኡስማን አመላክተዋል።

የግብርና ስራን በጥናትና ምርምር በማስደገፍ ማዘመን ከድህነት ለመወጣት የሚደረገውን ጥረት በማገዝ ረገድም የተጀመሩ ስራዎችን ማጠናከር እንደሚገባም አቶ ኡስማን ጠቁመዋል።

ከድህነት ለመወጣት የሚደረገውን ጥረት ለማገዝ ክልሉ ያለውን የመልማት አቅም ተጠቅሞ ተጨባጭ ለውጥ ለማምጣት እየተሰራ ይገኛል ብለዋል፡፡

በዚህም የተቀናጀ ግብርና ለቤተሰብ ብልፅግና የምግብ ሉዓላዊነት ለማረጋገጥ የተጀመረው ጥረትን ተስፋ ሰጪ ዉጤት እየተመዘገበ ስለመሆኑም አስረድተዋል፡፡

በክልሉ የግብርና ምርምር ማዕከል አማካኝነት በግብርና ሴክተሩ የሚስተዋሉ ማነቆዎችን ለመፍታት እየተከናወኑ የሚገኙ የጥናትና ምርምር ስራዎች አጋዥ ስለመሆኑም ጠቁመዋል፡፡

በክልሉ የምግብ ሉዐላዊነትን ለማረጋገጥ ከተረጂነት ለመወጣት የሚደረገውን ጥረት ከግብ ለማድረስ ትኩረት ሰጥቶ መስራት እንደሚገባም ነው ያስረዱት፡፡

በክልሉ ግብርናን በማዘመን በዘርፉ ተጨባጭ ዉጤት ለማምጣት እየተደረገ የሚገኘውን ጥረት በማገዝ ተመራማሪዎች የበኩላቸውን አስተዋጽኦ ማበርከት እንዳለባቸወም ጥሪ አቅርበዋል፡፡

የክልሉ ምርምር ኢንስቲቱዩት ዋና ዳይሬክተር አቶ ፀጋዬ ተረፈ እንደገለጹት ተቋሙ በገበያ የሚመራ የግብርና ቴክኖሎጂን በማስፋት የተፈጥሮ ሀብት ተጠብቆ እንዲቆይ የሰብልና የእንስሳት ምርትና ምርታማነት እንዲጨምር በማድረግ የአርሶ አደሩን ህይወት ለመቀየር የሚያስችል ራዕይ ሰንቆ እየተሰራ ነው፡፡

የግብርና ምርትና ምርታማነትን ማሳደግ የሚያስችሉ፣ ክልሉን በገበያ ተወዳዳሪ የሚያደርጉ፣ የግብርና ቴክኖሎጂዎችን በተከታታይነት በማላመድና በማፍለቅ በማስተዋወቅ መነሻ ቴክኖሎጂዎችን ማቅረብ ላይ በትኩረት እየተሰራ ስለመሆኑ ተናግረዋል።

የክልሉን የእድገት ስትራቴጂ፣ የግብርና ፖሊሲ እና የተጠቃሚውን ፍላጎት መሰረት ያደረገ የግብርና ልማትን የሚያግዝ ቴክኖሎጂን ማፍለቅ ዋነኛ የተቋሙ አላማዎች ስለመሆናቸው አቶ ጸጋዬ አብራርተዋል።

የክልሉን የግብርና ምርምር ፈጣን፣ ውጤታማ እንዲሁም የልማት ፍላጎትን መሰረት ያደረገ እንዲሆን የሚያስችል አቅም መገንባት ላይ ትኩረት መደረጉን ዋና ዳይሬክተሩ ጠቁመዋል።

የግብርና ቴክኖሎጂ መረጃ አቅርቦትን ማሳደግ የግብርና ቴክኖሎጂ ብዜት ትውውቅና ሽግግርን ስራን ማሳደግና የምርምር አመራር ስርዓትን ተቋማዊ ብቃት ማሳደግ የተቋሙ የሚተገበሩ የትኩረት መስኮች ስለመሆናቸውም ተናግረዋል፡፡

ተቋሙ በሚያከናውነው የልማት ስራ የምግብ እና የስነ ምግብ ዋስትና ማረጋገጥ የሚያስችል ስርዓት መዘርጋት ነው ያሉት ዋና ዳይሬክተሩ የሚቀርቡ ቴክኖሎጂዎች ለአግሮ ኢንዱስትሪ ግብዓት ማቅረብ፣ የኤክስፖርት ምርቶችን በማሳደግ የውጭ ምንዛሬን ማስገኘት ላይ በትኩረት እየተሰራ ነው ብለዋል።

በመርሐ ግብሩ ላይ የክልሉ ከፍተኛ አመራሮች፣ የዞንና የልዩ ወረዳ ግብርና መምሪያ ኃላፊዎች፣ የከፍተኛ ትምህርት ተቋማት አመራሮች በመሳተፍ ላይ ይገኛሉ፡፡

Central Ethiopia Regional Government Communication Affairs bureau

04/01/2025

በአፋር፣ ኦሮሚያ እና አማራ ክልል አዋሳኝ አካባቢዎች ማዕከላቸውን አድርገው የተለያየ መጠን ያላቸው የርዕደ መሬት ክሥተቶች በተደጋጋሚ መከሠታቸው ይታወቃል።

ክሥተቶቹ ከጊዜ ወደ ጊዜ በመጠን እና በድግግሞሽ እያደጉ ይገኛሉ። በተለይም በዚህ ሳምንት በርዕደ መሬት መለኪያ እስከ 5.8 ሬክተር ስኬል የተመዘገበ መንቀጥቀጥ መከሠቱን መረጃዎች ያሳያሉ።

መንግሥት ክሥተቶቹን በዘርፉ ባለሞያዎች በቅርብ እየተከታተለ ይገኛል። በተጨማሪም በተለይ የርዕደ መሬቱ ማዕከል (epicenter) የሆኑት አካባቢዎችን በመለየት በ12 ቀበሌዎች ላይ መንግሥት ከተለያዩ የሙያ ዘርፎች የተውጣጡ የአደጋ ጊዜ ሠራተኞች በቦታው በማሰማራት የጉዳቱን መጠን አሠሣ እያደረገ ይገኛል።

በእነዚህ ቀበሌዎች ከሚኖሩ 80ሺህ ዜጎች ቅድሚያ የሚሰጣቸውን በመለየት ነዋሪዎችን ከአካባቢው በማራቅ ለማሥፈር ከፍተኛ ርብርብ እያደረገ ነው። በተጨማሪም ርዕደቱ በማኅበራዊ አግልግሎት ሰጭ ተቋማት፣ በኢኮኖሚ ተቋማት እና በመሠረተ ልማት ላይ ሊኖረው የሚችለውን ተጽዕኖ በመከታተል ላይ ነው።

እስካሁን ባለው ሁኔታ በዋና ዋና ከተሞች የጎላ ተጽዕኖ ያላደረሰ ቢሆንም ዜጎች በባለሞያዎች የሚሰጡ የጥንቃቄ መልእክቶችን እንዲከታተሉና በጥብቅ እንዲተገብሩ ለማሳሰብ እንወዳለን።

በቀጣይም ጉዳዩን በቅርበት በመከታተል አስፈላጊ መረጃዎችን በሚመለከታቸው ተቋማት አማካይነት የሚያደርስ መሆኑን መንግሥት ያስታውቃል።

FDRE Government Communication Service-በኢፌዴሪ የመንግስት ኮሙኒኬሽን አገልግሎት

03/01/2025

የማዕከላዊ ኢትዮጵያ ክልል ከፍተኛ አመራሮች የግምገማ መድረክ "ከቃል ወደ ባህል" በሚል መሪ ሀሳብ በሆሳዕና ከተማ እየተካሔደ ነው

በማዕከላዊ ኢትዮጵያ ክልል የሚካሔደው የከፍተኛ አመራሮች የግምገማ መድረክ የአመራሩን ችግሮች በመቅረፍ የኢትዮጵያን ህልም እውን ማድረግ ላይ ያለመ ስለመሆኑም ተመላክቷል።

በመድረኩ የክልሉ የሕዝብ ተወካዮች ም/ቤት ዋና አፈ ጉባኤ የተከበሩ ወ/ሮ ፋጤ ስርሞሎ፣ የክልሉ ብልፅግና ፓርቲ ቅርንጫፍ ጽ/ቤት ኃላፊ ዶ/ር ዲላሞ ኦቶሬ፣ የክልሉ ብሔረሰቦች ምክር ቤት ዋና አፈ ጉባኤ የተከበሩ አቶ አቡቶ አኒቶ፣ የክልሉ ጠቅላይ ፍ/ቤት ፕሬዝዳንት አቶ ኤርሲኖ አቡሬ፣ የክልሉ ምክትል ርዕሰ መስተዳድር አቶ አንተነህ ፍቃዱ፣ በምክትል ርዕሰ መስተዳድር ማዕረግ የክላስተር አስተባባሪዎች፣ የክልል አመራሮች፣ የሁሉም ዞኖች እና ልዩ ወረዳዎች አስተባባሪ ኮሚቴ አባላት ተገኝተዋል።
Central Ethiopia Regional Government Communication Affairs bureau

Kembata TV

16/01/2025

16/01/2025

16/01/2025

16/01/2025

14/01/2025

13/01/2025

13/01/2025

11/01/2025

10/01/2025

06/01/2025

06/01/2025

06/01/2025

06/01/2025

05/01/2025

04/01/2025

04/01/2025

04/01/2025

03/01/2025

Address

Website

Alerts

Videos

Shortcuts

Share

Category