30/11/2024
Abbaa Caalii..
Bifa Waaqaa, gurraachichaa
Ilma qabdaa, hallaallicha?
Beekaa ilmaa gameesicha,
Imaanaa kee sassabdicha
Tiksee malkaa, Booranticha
Guddaa ilmaa, akka Baatuu
Akka Walal kan muldhatu
Boonaa ilmaa akkaa Cilaaloo
Guboo cimeessa akka Walloo
Bookkisa akka Arfan Qalloo
Ilma qabdaa adaraa maaloo?
~
Yee Abbaa Caalii….
Hinrafta moo na dhageessaa?
Adunyaan kuni….sitti afarsaa
Siif weeddisaa
Si urursaa
Si saada, si jabeessaa
Si lasheesse si laaffisaa
Abbaa caalii yaa qaxalee,
Duukkanni kee maaf dheeratee akka malee?!
© Dr. Zalaalam Abarraa
