Meriba production Dire Dewa

10/04/2024

21/02/2024

🎯 ስለ ተዋናይት ዕድለወርቅ ጣሰው 👌💞

| አንዲት ሴት እንዴት 42 ደቂቃውን እጇን እንዲህ እንዳጣመረች ፤ የተቀመጠበችበትን ቦታ ሳትቀይር ፤ የተለየ ረዥም ሳቅ ሳትስቅ ቃለመጠይቋን ትጨርሳለች? እድለወርቅ ጣሰው ላይ ያየሁት ስርአት የሰሜን ኮሪያ ወታደሮች ሰልፍ በላይ እጅግ ያማረ እና ጠጠር ያልተወረወረበት ባህር ያለውን መርጋት አእምሮዬ ላይ ነው በድምጿ እና በማንነት ቡሩሿ የሳለችው።

ይህቺ ሴት ስክሪንህን በገለጥክ ቁጥር አታያትም ፣ ከተማውን በየቀኑ ብትዞር በሦስት ወራት ውስጥም አታገኛትም ፣ አርቲስት ነችና ብለህ የፊልም ሲዲዎችህን ስትበረብር ብትውል ከጥቂቶቹ ላይ ካልሆነ ተመሳሳይ ስም እንኳ አታገኝላትም። ብዙዎች ለአንድ ስራ የተመረጡ ሊሆኑ ይችላሉ የእርሷ እና የዳዊት ፅጌ (ስለሱ አንድ ቀን መፃፌ አይቀርም!) ለሙያችው ያላቸው ክብር እና እስከ አቅማቸው የሰማይ ንጣፍ ድረስ በፍፁም ጥንቃቄ እና ብቃት የሚከውኑት ነገር ዝሆን በጭንቅላቱ መቆም የሚችል እንስሳ ነው ከሚለው በላይ ይደንቀኛል።

እድል ደግሞ በጣም ትለያለች፤ ስታለቅስ አለም የተከፋች ፣ ስትስቅ አለም የሞላላት ፣ ስትቆጣ አለም የነደደች እስኪመስልህ ነው የቲቪህ መስታወት ላይ ገዝፋ ብቅ የምትለው የተሰጠሽን ጥበብ በእጅጉ የሴትነት ባህሪሽ አጅበሽ ጨዋነትሽ የስርአትን መዝሙር እየዘመረ ላሳየሽን ፊልሞችሽም ሆነ ማንነትሽ እጅ ነስተናል።

የአለምን ሴቶች እወድ ዘንድ ሁሉ እንዳንቺ እንዲሆኑ አብዝቼ እመኛለሁ።

Via ፕሮፌሰር ሄኖክ አረጋ

21/02/2024

😭

06/02/2024

21/12/2023

24/11/2023

«ሁሉም የሚፈልገውን ብቻ ሰማኝ። ሁሉም አብጠለጠለኝ። ሁሉም ስቀለው ስቀለው አሉኝ። እግዚአብሔር ይርዳኝ፣ ለመሰቀልም ዝግጁ ነኝ።» ብጹዕ አቡነ ኤርሚያስ

05/09/2023

ድምፃዊት ኩኩ ሰብስቤ በሸራተን አዲስ ለአዲስ አመት የምታቀርበውን የሙዚቃ ኮንሰርት የኃይማኖት አባቶችን ትዕዛዝ በማክበር እንደሰረዘች ገለፀች።

እኔ ድምፃዊት ኩኩ ሰብስቤ ጳጉሜ 6 በሸራተን አዲስ ለአዲስ ዓመት ዋዜማ የሙዚቃ ስራዬን ለማቅረብ ተፈራርሜ የተዘጋጀሁ ቢሆንም ይህን ስራ በመሰረዜ የሚያስከፍለኝ ዋጋ ቢኖርም ከሁሉም በላይ በቃሏ የምመራላት ቤትክርስትያን ሀይማኖት አባቶቼን ትዕዛዝ በመቀበል የማቀርበውን የሙዚቃ ስራ ሰርዤአለሁ !

ለውድ አድናቂዎቼ እንዲሁም የፕሮግራሙ አዘጋጆች ይቅርታ እየጠየኩ በሌላ ዝግጅት እንደማስደስታችሁ እና እንደምንገናኝ ስገልፅላችሁ በታላቅ አክብሮት እና ምስጋና ነው!

ኩኩ ሰብስቤ

29/05/2023

"እናትነቴ ከፖሊስነቴ በለጠብኝ"

* መሬት ላይ ተጥሎ የተገኘን የአንድ ወር ህፃን ለማትረፍ የሞከረችው ረዳት ሳጅን፦

| በድሬዳዋ ከተማ ቀበሌ 09 ገንደ-ገራዳ ድልድይ አንድ ነገር ተፈጠረ፡፡ ገና አንድ ወር የሆነው ህጻን ተጥሎ እሪታውን ቢያሰማም ሰሚ ያገኘው ግን ሰአቱ ገፍቶ ምሽት ላይ ነበር፡፡

በአካባቢው የህጻን ድምጽ የሰማችው የአካባቢው ነዋሪ ወ/ሮ ፋጡማ ድምጹን ፦ወደ ሰማችበት ድልድይ ስር ስትሄድ ያገኘችው ነገር እጅግ እንዳስደነገጣት ትናገራለች፡፡

አንድ ወር ገደማ የሚሆነው ህጻን በጨርቅ ተጠቅልሎ ድረሱልኝ እያለ እሪታውን ያሰማ ነበር ፡፡ የተጣለውን ህጻን እንዳየችው በእናትነት ፍቅር ከወደቀበት አንስታው ወደ ቤት ይዛው ትሄዳለች ነገር ግን ይዛው የሄደችው እናት የምትሰጠው ነገር አልነበራትም እናም ለሊቱን ያለምንም ጡት በቤቷ ያሳልፋል፡፡ ግለሰቧ ወድቆ ያገኘችውን ህጻን ለፖሊስ ለመስጠት በማለዳ ነበር የደረሰችው ፖሊስ ጣቢያ፡፡

የፖሊስ መሬት ፖሊስ ጣቢያ መርማሪ ረ/ሳ ቤተልሄም ምትኩ ግለሰቧ በመጣች ወቅት በስራ ገበታዋ ላይ ነበረች፡፡"ልጁን ሳየው ውስጤ ተረበሸ" የምትለው ረ/ሳ ቤተልሄም "በወቅቱ ህጻኑ ምንም ምግብ ባለመመገቡ ተዳክሞ ነበር" ትላለች።

"እናም የሆነ ነገር እንዲሰጠው ብጠይቅም ይዛው የመጣችው ግለሰብ ምንም ነገር እንደሌላት፤ ለሊትም ምንም ጡት እንዳልጠባ ነገረችኝ" በማለት አክላ "ይሄ ልጅ አይናችን እያየ ህይወቱ ማለፍ የለበትም" ያለቸው ቤተልሄም "እናትነቴ ገፍቶኝ ለህጻኑ ጡት ማጥባት እንዳለበኝ አሰብኩኝ እናም አጠባሁት ወዲያው ልጁ ብርታት አግኝቶ ነቃ" ትላለች፡፡

የሁለት ዓመት ሴት ልጅ እንዳላት የምትናገረው ረ/ሳ ቤተልሄም ምትኩ ልጄን ጡት እያጠባኋት በመሆኑ ይሄ አጋጣሚ ሲከሰት ለህጻኑ ጡቷን ልታጠባው እንደቻለች ተናግራለች፡፡

በአሁኑ ወቅት የተገኘው ህጻን በሙሉ ጤንነት ላይ እንደሚገኝና ፖሊስ ጉዳዩን እያጣራ መሆኑ ከድሬዳዋ ፖሊስ የተገኘው መረጃ ያስረዳል።

25/05/2023