Qalloo Media

16/04/2024

D.Dh/ Ebla 16/2024 (Qalloo Media)
Leenjisaan Chelsea Mauricio Pochettino Nicolas Jackson fi Noni Madueke Tapha Everton waliin taphatan irraatti Amala badaa garsiisaaniif akeekkachiisa cimaa ittii laachuun dhaga'amee.
*************************************************
Tapha Cheelsiin 6 fi 0'n Everton ittii moohee irraatti taphatoota Chelsea jidduu sekondii 30 waldhabdeen dhalate turee jechuun gabaasamaa turee dubbiin rakkoo uumtee ammoo pelaanitii arkamee natuu dhaawuu qaba kan ja'uun Madueke fi Jackson lamaan isaaniiyyuu kubbaa Malo Gusto irraa fudhachuuf ariifachuu fi mormii kasuu isaanii mul'atee turee.

Leenjisaan chelsea mauricio Pochettino dubbiicha ilaalchisuun akkas ja'ee "Amala akkanaa fudhachuu hin danda'u. Amala akkanaa arguu kanan barbaadu yeroo dhumaati jedheen ture. Ga'umsa gaarii garsiistaniin gamadoo tahuu amala dirree keessatti arkeen naheerra .

Nutii Garee guddaa tahuu yoo barbaanne tokkummaa qabachuu fi karaa walootiin yaaduu fi hojjechuu nurraa egamaa. Kannaaf amali akkanaa garee kiyyaa keessatti hin lamadamiin jechuun akeekkachiisan.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

16/04/2024

D.Dh/ Ebla 16/2024 (Qalloo Media)
Israa'el ajajaa Hezboollaa Libaanos keessa ajjeesuu himte
********************************************
Raayyaan Ittisa Biyyaa Israa’el haleellaa qilleensaa Libaanos magaalaa Ayin Bilaal keessatti adeemsiseen ajajaa Hezbollaa ajjeesuu himte.

Ibsi waraanni Israa’el baase Ismaa’il Yooseef Baaz ''seektara qarqara galaanaa'' Hezbollaa akka hoogganu hima.

Ajajaan Hezbollaa kuni ‘’bakkeewwan qarqara galaanaa Libaanosiitii haleellaa rokeetiifi farra misaa’elaa gara Israa’eitti dhukaafamu karoorsaa’’ akka ture ibsite.

Hezbollaan ajajaan isaa kuni ajjeefamuu mirkanesseera. Garuu gahee hojii isaas ta’e akkaataa ajjeefame homaa hin jenne.

Miidiyaan mootummaa Libaanos Naashinal Niwis Eejansii jedhamu namni tokko du’uufi lamammoo madaa’u gabaaseera.

Hezbollaan kan leenji’u, deeggarsa kan argatuus ta’e kan isa hidhachiisu Iraanidha. Israa’el dabalatee UK, US fi biyyoonni kaan garee shororkeessaa jechuun labsaniiru.

Hidhattoonni Hezbollaa erga Gaazaatti lolli eegalee as guyyuu waraana Israa’el waliin walitti dhukaasu. Guyyaa Wiixataa Israa’el loltoonni ishee afur daangaa Libaanos keessatti dho’insa Hezbollaan madaa’uu himtee turte. Maddi BBC

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

16/04/2024

D.Dh/ Ebla 16/2024 (Qalloo Media)
Kilabiin Kubbaa Miilaa Ganda loonii
Dorgommii Diviiziyoona 2ffaa dirree dhawaa bara Dorgommii 2016tti hirmaatu qophiif shaakalii gaggeessaa jiraachuu ifoomsee.
***************************************************
Kilabiin Kubbaa Miilaa Ganda loonii jalqabaa kan hundeeffame bara 2015 yoo tahuu dorgommii gulaallii Diviiziyoona olaanoo dirree dhawaatti makamuuf taasifameetti hirmaate morkii jabaa gaggeesseen deeggartoota dannuu horattee akka turee fi dorgommiicharraahis muuxannoo gaarii argachuun danda'eera jechuun ittii anaan pirezidaantii kilabiicha obbo Abdullaziiz Mohammed himan.

Bara dorgommii kana immoo kilabiin kubbaa miilaa Gandaa Loonii muuxannoo bara dabree irraa arkateen dhiinbiibachuun, hanqinoota isaa guutuuf leenjisaa kilabichaa ol’aanaa fi ittii ananaas haaraa mindeessuun jollee dandeettii fi ga'umsaa gaarii qaban gulaaluun Namuusaa ispoortii bu'uurefachuun shaakalaatti jiraachuu mirkanneessee obbo Abdullaziiz

Dorgommiin Diviiziyoona 2ffaa dirree dhawaa baranaa cimaa tahuu akka maalu timammaa keessaa galchuun injifannoon xumuruuf akka karoorfattan itti anaan pirezidaantii boordii kilabii Ganda loonii obbo Abdullaziiz turtii Qalloo Miidiyaa waliin taasisaniin himanii jiran.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

15/04/2024

D.Dh/ Ebla 15/2024 (Qalloo Media)
Guyyaan Gootota Wareegamtoota Oromoo Baraana har'a Eebla 15 bakka garagaraatti sirnoota adda addaatiin yaadatamaa jira.
************************************************
'Gootota fi Wareegamtoota' Oromoo Eebla 15 yaadachuuf sababa kan tahee ammoo hayyuu duree fi itti aanaan isaanii dabalatee hooggantootni olaanoon ABO 10 tahaan waggaa 44 har'aan taana bara 1980tti gara Somaaliyaa osoo deemanii bakka Shiniggaa ja'amuutti shiftootni Somaalee akka amantiin adda bahaaniif gaafattanii diiduu isaaniitiin haala sukkanneessaan ajjeefamuudha.

''Eebla 15 Guyyaa Gootota Oromoo jedhamee kan moggaaffame bara 1984 koreen giddu-galeessaa ABO Dirree Bahaa ture walgahii godherratti murtii dabarseeni,'' jechuun hayyuu-dureen duraanii Adda Bilisummaa Oromoo Obbo Galaasaa Dilboo Aakiiramuu isaan duraa BBCtti himanii turan.

Akeekni murtee kanaas, ''gootota keenya yeroo adda addaatti qabsoo keessatti wareegaman kopha koophan yaadachuun gahaa waan hin turreef, hunda isaanii bakka tokkotti yaadachuufi" jechuun Obbo Galaasaan bara 2019 BBC'tti himan.

''Jalqaba diddaa gabrummaa sabni Oromoo baadiyaatti godhe, achirraas olguddatee jaarmiyaan gurmaayee, booda kanammoo jabaachaa dhufee sadarkaa qeerroon Oromoo falmaatii asiin gahe - kanneen bakka tokkotti yaadachuu kan jedhutu akeekamee murtiin sun darbe,'' jedhan Obbo Galaasaan.

Waa'ee taatee ka'umsa kabaja guyyaa kanaa yeroo dubbatan ''hoogganoonni dhaabichaa gariin biyya alaa waan jiraniif, walqunnamtiiniis ulfaataa waan tureef, isaan sana qunnamanii, hegeree dhaabichaarratti waliin mari'atanii nutti deebi'uuf bobba'aniitu wareegaman,'' jedhu.

Wareegamuun hoogganoota kanneenii dhiibbaan dhaabicharratti uume guddaa tahuu dubbatu Obbo Galaasaan. ''Dhaabicha jireenyaafi dhabamuu jidduu seensise,'' jedhu.

"Warra gaafas Dirree sana turre, filannoo lama qabna turre. Qabsicha dhiisanii wareega isaaniis gatii dhorkanii biraa deemuu ykn ammoo itti cichanii hanga hireen isaan qunname nuunis qunnamutti, qabsicha itti fufuu ture," jedhu.

"Akkasiin murteeffannee qabsoonis, dhaabnis jiraachuu danda'e," jechuun yaadatu.

Hooggantoota ABO olaanoon yeroo sanii bakka Shiniggaa ja'amuutti shiftoota Somaaleettin akka amantiin adda bahaaniif gaafattamanii Oromoo taane tokkummaan mana baanee amma amantiin walfilee lama taanu jechuun diidaanii du'aa filataan keessaa hayyuu duree dhaabbichaa Magarsaa Barii, Gadaa Gammadaa, Abboomaa Mittikkuu, Yiggazuu Bantii, Muhee Abdoo fi Faafam Dooyyoof muraasota isaaniiti.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

15/04/2024

D.Dh/ Ebla 15/2024 (Qalloo Media)
Humni waraanaa Iraan fi Israa'el wal bira qabamee yoo ilaalamu haali jiru akkamii madaalamma.
************************************************
Ballina lafaatiin Iraan Israa'eliin baayyee caalti. Baayyina ummataatiinis Iraan ummata miliyoona 90 kan qabdu yoo ta'u, kun ammoo kan Israa'el harka 10niin caala jechuudha.

Iraan misaa'elaa fi diroonii irratti baayyee baasii guddaa baasti. Iraan meeshaa waraanaa kan mataashee ta'e kan qabdu yoo ta'u, garee hidhattootaa waraana ergisaatiin isheef lolan akka Huutii warra Yeman fi Hezboollaah warra Libaanos keessaaatiif ammoo meeshaa waraanaa dhiyeessiti.

Hanqina isheen qabdu sirna ittisa qilleensaafi jeettiiwwan waraanaati. Hanqina qabdu kana akka fooyyeeffattuuf Raashiyaan tumsa gochaafiif akka jirtu amanama. Bakka isaa ammoo Teehraan deeggersa waraanaa Mooskoon Yukireen keessatti taasiftuuf, baayyinaan diroonii waloo kan amma Raashiyaan ofiin omishataa jirtu fa'aadha.

Faallaa kanaan ammoo, Israa'el addunyaarratti humna qilleensaa baayyee cimaa ta'e qabdi. Akka IISS madaalliin waraanaa jedhutti, Israa'el F15, F16, akkasumas kan dhiyoo ta'e jeettiiwwan F-35 dabalatee jeettiiwwan waraanaa cimdii jedhaman 14 qabdi.

Jeettiiwwan F-35 meeshaa ammayyaa yoo ta'an, raadaarii adda baasu ja'amuun.Kana malees, Israa'el haalaa fi daangaa hamaa ta'e keessa seentee haleellaa gaggeessuurratti muuxannoo qabdi.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

14/04/2024

D.Dh/ Ebla 14/2024 (Qalloo Media)
Baayer Leevarkuusan Seenaa Keessatti yeroo jalqabaaf Shaampiyoonaa Boondesliigaa Jarman tahuu Mirkanneeffatee jira.
************************************************
Tapha torbee 29ffaa Bondesliigaa Jarman Arra Wardar Bireeman waliin kan taphate Baayer leevarkusan goolii 5 fi 0'n injifachuu hordofee garaagummaa qabxii Baayern Muunik waliin qabu gara 21'tti ballisuu danda'ee jira.

Kanaaniis taphni 6 osoo hafuu imala waancaa malee waggoota 120 booda yeroo jalqabaatiif shaampiyoonaa Boondesliigaa Jarman bara 2023/24 tahuu mirkaneeffatee jira.

Tapha kanaan dura deeggartoonni kilabichaa hidhannoo ispoortii halluu gurraachaafi diimaa uffatan kuma 10 ol tahan yeroo taphattoonni gara istaadiyeemii seenan simachuuf dhufan daandii Biismaarki gara istaadiyeemii nama geeysu maqaa leenjisaa garee isaanii Jaavii Aloonsootiin moggaasan.

Warshaa qorichaa Ee Jii jedhamuun bara 1904 kan hundeeffam'e Baayer Leevarksuusan yeroo shan morkataa waancaa boondesliigaa Jarman tahee dhiyaatuus osoo waancaa hin milkaawin sadarkaa lammaffaan xumure.

Barana Jaavii Aloonsootiin duurfamaa ga'umsa ajaa'ibaa agarsiisaa kan jiru Baayerleevarkusan Boondesliigaa Jarmaniin cinatti dorgommii Yurooppaa Liigii irratti kan hirmaataa jiru yeroo tahu, nusa xumuraatiin Weestihaam 2 fi 0'n moohatee carraa dabruu isaa ballifachuun ni yaadatama

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

13/04/2024

D.Dh/ Ebla 14/2024 (Qalloo Media)
Lammiilee Itoophiyaa Jabuutii jiraataniif
Manii Barnootaa Afaan dhalootaatti Barsiisuu Embasii Itoophiyaattin hoogganamuu ijaramuuf tahuun dhaga'amee.
************************************************
Rakkoon Lammiilee Itoophiyaa Jibuutii jiraatan keessaa hangafni barnoota argachuu dhabuudha!

Kanaafi fallii mana barnootaa kaariikulamii barnoota Itoophiyaatiin barsiisu ijaaruudha.
Ethiopian Embassy in Djibouti hordoffii taasiseen lafa heektaara afur (4 ) mana barnootaaf Oolu waraqaa ragaa abbummaa wajjiin mootummaa jibuutii irraa harkaan gahatee jira.

Dizaayiniin mana barnootichaa deeggarsa Yunivesiitii Dirree Dhawaatii qoophaa'ee jira.

Embassiin koree walitti qabaa qabeenya hawaasaa qabu ijaaruudhaan sochii deeggarsa qabeenyaa walitti qabuu taasisaa jira.

Mana barnootichaaf qabeenya walitti qabuuf Baankii Daldala Itoophiyaa Damee Jibuutiin Lakkoofsi bankii cufaa ta'e banamee jira. Embassiin sochii walii galaa ijaarsa mana barnootichaa qindeessaa jira.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

12/04/2024

D.Dh/ Ebla 12/2024 (Qalloo Media)
Poolisiin magaalaa Finfinnee miseensaafi hogganaa garee hidhattoota finxaaleessaa 'Faannoo' ofiin jechuun socho’u irratti tarkaanfii fudhateen lama yoo du’an tokko to’atamuu beeysiise.
************************************************
Namni maqaansaanii Obboo Indashaawu Geetinnat ja'aamun ammoo miseensootni finxaaleeyyii kanneen akka konkolaataa isaaniitiin isaan fe'uuf dirqisiisanilleen, lakkii jechuu isaaniitti miseensa finxaaleenyii kanneeniin ajjeeffamaniiru.

Poolisiin magaalaa Finfinnee ibsa har’a miidiyaa hawaasaa isaarratti baaseen, miseensa garee finxaaleeyyii kan jedheen, Naahusannaay Andaargee Taaraqany, Abeenazar Gaashaawu Abaateefi Habtaamuu Andaargee Tasammaa kanneen jedhaman osoo magaalaa guddoo biyyattii, Finfinnee keessatti ergama haleellaa shororkeessummaa raawwachuuf qabatanii socha’aa jiran hordoffii qaamoolee nageenyaatiin taasifameen irra gahameera jedhe.

Poolisiin ibsa isaa kanaan akka jedhetti, osoo miseensonni poolisii shororkeessoonni kunneen gochaa shororkeessummaasaanii hin raawwatiin dura to’annoo jala oolchuuf sochii taasisaa wayita jirutti harkasaanii akka kennaniif gaafatamanilleen diduun poolisoota waliin walitti dhukaasuu eegalan.

Namoonni kunneenis har’a Ebla 12, 2024 kutaa magaalaa Boolee, aanaa 3 bakka addaa naannoo Galma Barkumee jedhamee beekamutti konkolaataa Ayisuuzii Diizaayiir kan lakkoofsi gabatee isaa 2C 14373 AA ta’etti fayyadamuun miseensota poolisii waliin dhukaasa walitti bananii hogganaan finxaalleessaa Faannoo, Naahusannaay Andaargee Taaraqany miidhaan dhaqqabuun erga mana yaalaa geeffameen booda yoo du’u, Haabtaamuu Andaargee Tasammaa ammoo yeroo walitti dhukaafamaa jirutti ajjeeffameera jedhe.

Kana malees, miseensi garichaa maqaansaa Abeenezar Gaashaawu Abaatee jedhamu ammoo, osoo miidhaan irra hin qaqqabiin to’annaa jala oolfamuu poolisiin magaalaa Finfinnee beeksiseera.

Sochii garee finxaaleeyyii kanneen to‘anna jala oolchuuf taasifameen ammoo miseensoonni poolisii Saajiin Araarsaa Tashoomaafi Konstaabiil Maatiiyaas Pheexiroos kan jedhaman madaa’uun ibsameera.

Baatii Bitooteessaa keessa gareen gurmaa’ee magaalaa Finfinneefi naannawaasheetti hokkaraafi jeequmsa hidhannoon deeggarame uumuuf socho'aa turuun shakkame to'atachuu Humni Waloo Tikaafi Nageenyaa ibsa miidiyaalee biyya keessaatiif ergeen beeksisuunsaa ni yaadatama.

Kanaanis shakkamtoonni garee kanaa 50 ta’an shira badii naannoo Amaaraatti gaggeessee milkaa'uu dide gara magaalaa Finfinneefi naannawaa daangaa Naannoo Oromiyaatti fiduuf ergama shororkeessummaa raawwachuuf waayita socho'an to'atamuu himee ture.
BBC Afaan Oromoo Gabaase.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

10/04/2024

Leenjisaa Garee Biyyaalessaa Itoophiyaa Duraanii Ziiyaad Husseen jireenya baqaa Waggoota 15 booda Iid-Alfaxrii yeroo jalqabaaf biyyaatti kabajeen keessumaa Iidaa nu tahuun Seenaa isaa nu qoodeera mee liinkii armaan gadiin kanan hordofaa.https://youtu.be/Ppy6-vr4ww8?si=4LH7mLLJTOr6FWAR

Baga Nagayaan gara channel kenyaa Qalloo Media dhuftaan Warreen Subscribe gochuun nu michooftan Marti keeysan Galatoomaa. Qalloo Miidiyaan Tumsa Media Qomoof...

10/04/2024

D.Dh/ Ebla 10/2024 (Qalloo Media)
Qondaalli siyaasaa Adda Bilisummaa Oromoo Obbo Battee Urgeessaa magaalaa Maqii keessatti ajjeefamaani arkamuu dhaga'amee.
***************************************************
Hiriyyaa dhiyoo Obbo Battee namni ta'an tokko ganama kana ijoollee Obbo Battee bira turan irraa bilbilameefii ''ajjeefamee magaala keessatti gatamee argame'' jecuun itti himuu BBCtti himan.

Obbo Batteen qonna paappayyaa bakka dhalootaa isaanii kan taate Maqiitti argamu hordofuuf Jimaata darbe garas imaluu dhageenyeerra.

Akka hiriyyaan isaanii kun jedhanitti Obbo Battee magaalaa Maqii hoteela keessa turan irraa halkan naannoo sa'aa jahatti fudhatamanii ''rasaasaan ajjeefaman.''

Ammatti gocha kana eenyu akka raawwateefi haala itti raawwatame irratti odeeffannoo gahaan akka hin jirres himaniiru.

''Ammatti odeeffannoo qulqulluu hin qabnu. Akkuma beekamu Batteen yeroo baayyee hidhamee bahe. Hordoffii jala jira'' jedhan.

Obbo Batteen nama siyaasaa mootummaa morman ta'uufi irra deddeebiin hidhaafi dararaa arguu isaaniirraa ka'uun ajjeechaan isaanii mootummaa wajjin walqabata shakkiin jedhu dhagaahamaa jira.

Namni yaada nuu qoodan kuni ''qaamni biraan isa gaalfaachuuf gaadu maaltu jiraree'' jechuun sakkii kana jabeessaniiru.

Ajjeechaa magaalaa Maqiitti raawwatame kan ilaalchisee qaamota Poolisiifi bulchiinsa magalichaa hoggananirraa qulqulleeffachuuf yaallee bilbilli nuuf hin hojjenne.

Maddi keenya, odeeffannoo ajjeefamuu Obbo Battee erga dhagaahanii booda ''riifaatuu guddoo keessa turree, takka jennee waan mudate iyyaafachuuf deebisnee yoo bilbillu, bilbilli nu dide. Adda citeera'' jedhan.

Qaamni mootummaa naannoo Oromiyaas ta'e Federaala ahanga ammaa ajjeechaa kana irratti waan jedhe hin qabu.

Addi Bilisummaa Oromoo ibsa baaseen ajjeechaa qondaala siyaasaa isaatti gadduu himee, qorannoon walabaa akka gaggeefamu gaafateera BBC Afaan Oromoo Gabaase.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

10/04/2024

"Baga Iid- Alfaxrii isiin Gahee Iid Mubarak"
Ayyaana Iid-Alfaxrii waggaa 1445ffaa Hojiin Istuudiyoo Fm Faana Haramayaa 94.8 akkanaatti dabarsaa jira.

10/04/2024

04/04/2024

D.Dh/ Bitootessa 26/2024 (Qalloo Media)
Motummaan Somaaliyaan ambaasaaddar Itoophiyaa sa'aa 72 keessatti Moqadiishoo gadiidhisee akka bahuu ajajjuun fi Ambaasaaddar isaaniiti Finfinnee irraa biyyaatti galchuun dhaga'amee .
************************************************
Manni Marii Ministeerotaa Somaaliyaa walgahii har’a gaggeesseen murtee kanarra gahuu Ministeerri Dhimma Alaa Somaaliyaa beeysiseera.

Ambaasaaddarichi akka bahan itti himamuu ibsichi eereera. Dabalataan, Waajjiraaleen Qonsilaa Itoophiyaa Haargeessaafi Gaarowee jiran guyyoota torba keessatti akka cufaman murtaa’uu ibse.

Akkasumas, Itoophiyaatti Ambaasaaddara Somaaliyaa kan ta’an mariif gara Moqadiishoo waamamuus Ministeerri Dhimma Alaa Somaaliyaa ibseera.

Tarkaanfiin kuni kan fudhatame birmadummaa, tokkummaa, walabummaafi daangaa Somaaliyaa kabachiisuuf akka ta’e ministeerichi ibseera.
Dhimma kanarratti gama mootummaa Itoophiyaa wanti ammatti jedhame hin jiru.

Dhimma murtee kanarratti Rooyitars Dubbii Himaa Ministeera Dhimma Alaa Itoophiyaa Nabiyyuu Tadlaa gaafatuus odeeffannoo hinqabu jechuu isaanii gabaaseera.

Itoophiyaan baatii sadii dura bulchiinsa Somaaliyaarraa walabummaa labsatte Somaalilaand waliin dhimma ulaa galaanaa erga waliigalte booda hariiroon Somaaliyaa waliin qabdu muddama seeneera. Madda: BBC

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

30/03/2024

Ispeeshaalistii Dhukkuba keessoo Dooktar Abduraahman Abubaakar Namootni Soomana keessaa fayyaa isaanii akkamii eegachaa Soomanuu akka qaban ibsee jira. Qalloo Media irraa liinkii armaan gadii kanaan hordofaa.
https://youtu.be/zjbXZ3-ukXc?si=0o93p1Ip4qJ76TnD

Baga Nagayaan gara channel kenyaa Qalloo Media dhuftaan Warreen Subscribe gochuun nu michooftan Marti keeysan Galatoomaa. Qalloo Miidiyaan Tumsa Media Qomoof...

28/03/2024

Dirree Dhawaatti Maatiin Kiristaanaa Hiriyyoota Fi Olaallee isaanii Islaamaa tahaaniif Sagantaa Afxiiraa qopheessuun waliin soomana fuuraan.
Hariiroo obbolummaa jaalalaa fi kabajaa dhugaa irraatti hundaa'e yoo Daawwachuu feetan liinkii armaan gadiin cuqaasuun arkaadha.
https://youtu.be/SwVp-V3xmbI?si=L_MXp20Guf0JXZZr

Baga Nagayaan gara channel kenyaa Qalloo Media dhuftaan Warreen Subscribe gochuun nu michooftan Marti keeysan Galatoomaa. Qalloo Miidiyaan Tumsa Media Qomoof...

27/03/2024

D.Dh/ Bitootessa 27/2024 (Qalloo Media )
Taphataan sarara jidduu kilabii magaalaa Bahirdaar fi garee biyyaalessa Itoophiyaa Alleelinyi Azzanaan tasaa boqoachuun dhaga'amee
************************************************
Alleelinyi Azzanaan taphataa sarara jidduu Garee Kubbaa Miilaaa Biyyaalessa Itoophiyaa fi Kilaba Kubbaa Miilaa Magaalaa Bahirdaar yoo tahuu halkan edaa dhibee tasaan addunyaa kanarraa boqoteera.

Alleelinyi sababa miidhamaan bakka dhaloota isaa Magaalaa Aarbaa Minci waayita jiru boqochuu isaa Kilabni Kubbaa Miilaa Magaalaa Bahirdaar beeksiseera. Taphataan kun baatii muraasa dura bultii ijaarachuun isaa eerameera.

Kilaba Kubbaa Miilaa Magaalaa Aarbaa Minci garee guddattoota taphachu kan eegale Alleelinyi, garee Aarbaa Minci guddaas tajaajileera, Kilaba magaalaa Hawasaattif taphachuu kan dandaa'ee Alleelinyi waggoota lameen darbee kilabii Magaalaa Bahirdaar keessaa taphachaa turee dabataan Garee Kubbaa Miilaa Biyyaalessa Itoophiyaaf sarara gidduutti tajaajilaa tureera.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

26/03/2024

Waltajjii Eeyba Kitaaba Hiigaa

26/03/2024

Waltajjii Eeyba Kitaaba Hiigaa Guutuu

26/03/2024

D.Dh/ Bitootessa 26/2024 (Qalloo Media )
Baankiin Daldala Itoophiyaa rakkoo Sirna tekinikaa yeroo darbe isa mudateen qarshii miiliyoona 801 duraa fudhatamuu fi Maqaa namootaa maallaqa fudhatee hin deebisin ja'ee ifoomsun dhaga'amee.
***************************************************
Baankichi Ibsa miidiyaaleef kenneen qarshii miiliyoona 801 jalaa fudhatame keessaa miiliyoona 44 guyyaadhuma jalqabaa kuufama maallaqa gahaa lakkoofsa herrega isaaniirraa warra qabanii fi qarshii jalaa fudhatan irraa murachuun deeffachuu hime.

Kanaanis hanga ammaatti qarshii jalaa fudhatame keessaa harka 78 ykn qarshii miiliyoona 623 deebifadheera jedhe. Baankichi Namoonni 567 immoo qarshii jalaa fudhatanii ammayyuu osoo hin deebisiinif akka jiranis himeera. Kanarraa ka'uun maqaa namootaa seeraan ala maallaqa Baankichaa fudhachuun hin deebisnee ja'ee ifoomsee jira.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

23/03/2024

■ Artist Falmataa Roorroo muuziqaa dhaabee malee Aartii hin dhiisne boqonnaa lamaaf Nashiidaan Uummata kiyyaa tajaajila jechuun ibse ■Dhiheenya kanaa Namootni Artiist fi Qabsaawaa Gameeysa Falmataa Rooroo Eessaa jira ja'anii gaafata FB irraa argiina.. Ajaa'ibaa kunoo
Guutuu isaa liinkii kanaan Daawwadha
https://youtu.be/VZuIltpHIgE?si=YExaXcKeUd5uafsK

Baga Nagayaan gara channel kenyaa Qalloo Media dhuftaan Warreen Subscribe gochuun nu michooftan Marti keeysan Galatoomaa. Qalloo Miidiyaan Tumsa Media Qomoof...

23/03/2024

D.Dh/ Bitootessa 22/ 2024 ( Qalloo Media)
Taphoota Guutuu Afrikaa 13ffaa Gaanaatti gaggeeffamee Itoophiyaan Atileetiksiin meedaaliyaa 18 sassaabun dorgommiicha 2ffaa tahuun xumurtee.
*************************************************
Taphoota Shaampiyoonaa guutuu Afrikaa 13ffaan Gaanaa Yunivarsiitii Akraa keessatti gaggeeffameen dorgommiin Atileetiksii bitootessa 18-22, 2024 dorgommaammaa turee har'aa xumura argateera.

Tapha guutuu Afrikaa 13ffaa irraatti dorgommiin atileetiksii guyyoota shaniif gaggeeffameen atileetotni 640 biyyoota Afrikaa 50 irraa walii babaahaan gita dorgommii atileetiksii hundaan kan hirmaatan yoo tahuu biyyi teenya Itoophiyaanis atileetota dhiiraa 47 fi dubara 40miin waliigalaa atileetoota 87 hirmaate jirtii.

Dorgommiichan Itoophiyaan meedaaliyaa warqee 7 Meetii 7 fi Nahaasa 4 waliigalaa meedaaliyaa 18 sassaabuun biyyoota tartee meedaaliyaa injifachuun dandayaan 27 keessaa Naayijeeriyaatti antee sadarkaa 2ffaa qabuchuun xumurtee jirti.

Dorgommiin Shaampiyoonaa guutuu Afrikaa 13ffaan Gaanaa Akraatti gaggeeffamee kanaan Itoophiyaan atileetiksii maleetti Dorgommiin Bunyaa , biskileetii fi Utaaloon meedaaliyaa warqee, Meetii fi Nahaasa argachuu kan dandeessee yoo tahuu waliigalaa Itoophiyaan medaaliyaa 21 Injifateetti Dorgommiichi har'aa ni xumuraammaa ja'amee jira.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@

21/03/2024

D.Dh/ Bitootessa 21/ 2024 ( Qalloo Media)
Rakkoon ummata Oromoota Walloo qunnamee rakkoo siyaasaa dhalate waan taheef furmaanni isaallee furmaata siyaasaa tahuu qaba ja'aan Hayyootni siyaasaa Oromoo.
**************************************************
Haleellaa walitti fufaa eenyummaa fi sabummaa bu'uura godhate kan humni finxaalessi Faannoo ummata Oromoo Walloo irratti adeemsisaa jiru furmaata kan argatu mirgi ofiin of bulchuu ummata Walloo yoo argamee qofa ja'aan hayyuun Siyaasaa Yaayaa Bashiir. Ummanni Oromoo Walloo furmaata waaraa argachuuf akkuma saboota biroo gaafii mirga hiree murteefannaa kaasuu qaba jedha.

Ajjeechaan humna finxaalessa Faannootiin adeemsifamaa jiru ajjeechaa shororkeesummaa fi Finxaalessummaa bu'ura godhatee raawwatamaa jiruudha jedhamuun himama.

Waraana hamaa waggoota jahan darban Itoophiyaa keessatti adeemsifamaa ture keessaa tokko waraana humni Finxaalessi Faannoo Oromoota Walloo irratti adeemsisaa jiruudha.

Itoophiyaa gara kaabaatti gareen Faannoo ja'amu kan ilaalcha siyaasaa Itoophiyaa Amantii, Afaanii fi eenyummaa takka qabdu ijaaruu tarkaanfachiisu yakka namoomaa fi waraanaa raawwataa turuu isaa ragaaleen ni mul'isu. Yakkoota gareen kun raawwatu keessa haleellaa ummata nagayaa irratti eenyummaa sabummaa bu'uura taasifachuun raawwatuudha.

Gareen kun Itoophiyaa eenyummaa sab-qeenxee, Afaan, Aadaa, Amantii fi Eenyummaa qeenxee qabduu ijaaruu ilaalcha jedhu qabachuun saboota naannoo Amaaraa keessa jiraatan dabalatee godinaalee naannoo Amaaraatiin wal daangeessan irratti haleellaa sabummaa irratti hundaa'e raawwataa jira. Saboota naannoo Amaaraa keessa jiraatan kan gareen kun gaaga'aa jirun keessaa Saba Oromoo Walloo, Agaw, Qimaanti fi kanneen birooti.

Yeroo dheeraadhaaf aktivistoonni, qondaalonni mootummaa fi waraanaa naannoo Amaaraa Godinni Addaa Oromoo Walloo akka diiggamuuf waltajjiiwwan garagaraa irratti gaafii dhiyeessaa turanii jiru.

Mootummaan naannoo Amaaraa godina Addaa Saba Oromoo Walloo diiguu fi balleessuuf dargaggoota naannichaa bara 2018 as ilaalcha Oromoota Walloo diiguu fi Itoophiyaa eenyummaa isaanii qabdu ijaaruu jedhu qabatanii leenjii siyaasaa fi waraanaa akka fudhataan taasise.

Bakkeewwan humni addaa mootummaa naannoo Amaaraa qubate keessaa Aanaa Jillee Dhummuggaa, Kamisee, Baatee, magaalaa Sanbatee, Harxummaa Fursee, Axaayyee fi bakkeewwan birooti.

Erga mootummaan federaalaa labsii humna addaa naannolee diiguu labsee booda, mootummaan naannoo Amaaraa humna addaa isaa gara caaluu uffata dambii Raayyaa Ittisa Biyyaa itti godhuun maqaa “Kora Bittineessaa” jedhu itti moggaasee ummata Oromoo Walloo haleelchisaa jira.

Jijjirama siyaasaa fi diinagdee Itoophiyaa keessatti bara 2018 dhufee as waraanni eenyummaa bu'uura taasifate kan humnoonni nageenyaa mootummaa naannoo Amaaraa, Miseensonni Raayyaa Ittisa Biyyaa dhalootaa Amaaraa ta'anii fi humni finxaaleessi Faannoo waliin qindoomuun ummata Oromoo Walloo irratti adeemsisaa jiraniin yoo xinnaate namoonni 1000 ol ajjeefamani jiru.

Kaayyoo godina Addaa Saba Oromoo Walloo diiguu kana milkeessuuf humnoonni Finxaaleyyii Amaaraa Faannoon yeroo ramadaanaa haleellaa meeshaalee waraanaa gurguddaa fayyadamuun ummata irratti raawwataa jiru.

Ummanni Walloo garee finxaaleessa Faannoo kanaan ajjeefamaa fi ukkaamfamaa kan jiru yoo tahaan mootummaan olaantummaa seeraa godinicha keessatti mirkaneessuu dadhabuu hordofee, ajjeechaa Jumlaa (Extra Judicial Killing) ummata Walloo irratti raawwatamaa jira.

Xiinxallaan siyaasaa biyya siwiidiin jiraatu Yaayaa Bashiir dhimma rakkoo ummata Walloo kana ilaalchisuun madda rakkoo fi furmaata isaa irratti barreefama gabaabaa fuula barruu isaa irratti barreesseen “rakkoon ummata keenya Walloo rakkoo siyaasaa waan taheef falli isaas furmaata siyaasaa qofa” jedhe.

Hanga Wallo bulchiinsa mootummaa naannoo Amaaraa jalaa hin baahiinitti ummanni Oromoo Walloo nagaa hin argatu kan jedhu Yaayaa Bashiir, “mootummaan maqaa Oromootiin galgalaa ganama himatamus hanga har'aatti ilmaan Walloo du'a oolchuu fi abdii waaraa tahuufii hin dandeenye” jedhe.

“Bara ilmaan Oromootu aangoo olaanaa biyyattii kan siyaasaa fi waraanaa irra jira jedhamutti Wallo finxaaleyyii ollaatiin kan yeroo kamiiyyuu caalaa qe’ee isaa irratti nagaa dhorkame” jedha.

Rakkoo kana keessaa ummata Walloo baasuuf furmaanni jalqabaa ummata lencalloon, gargaarsaa namoomaa kanneen akka dawaa, nyaataa fi wantoota biroitiin cinaa dhaabbachuun barbaachisaadha jedha.

Miidiyaaleen Oromoo fi rogeeyyiin, akkasumas hayyonni Oromoo ummata Oromoo Walloo cinaa dhaabbachuun weerara diinaa kana hawaasa bal'aa biyya keessaa fi alaatti saaxiluun barbaachisaa dha jechuun ibsa.

Mootummaan naannoo Oromiyaa ummanni Oromoo naannoo biraa keessa jiraatuu maalif dhuma jechuun of gaafachuu akka qabu dhaame.

Furmaata waaraa jechuun kan kaaye Yaayaa Bashiir, “Wallo nagaa waaraa akka argatu yoo barbaadame bulchiinsa naannoo Amaaraa jalaa bahuu qabdii jedha.

Kana gochuuf ilmaan Walloo qindoomanii sochii gahaa godhuun mirga hiree isaanii rifreendamiidhaan murteeffachuuf iyyachuu qabani jedha.

Kun isaan biraa yoo dhufe malee dhiibbaa qaama biraatiin tahuu hin danda'u jechuun akkuma saboota biroo kan mirga hiree isaa murteefachuuf gaafii dhiyeessa jiranitti ummanni Oromoo Walloos gaafii mirga hiree murteefannaa dhiyeessuu qabu jedha.

Rogeessi miidiyaa hawaasaa Mohaammad Kadir “Ummanni Oromoo Walloo fakkeenya gootummaa ummata Oromooti” jechuun jabinna ummata Oromoo Walloo faarsee jira.

Odeeffannoowwan waqtaawaa fi madaalawaa argachuuf-: fuula miidiyaa hawaasaa Keenyaa hordofaa
Feesbuukii-:https://www.facebook.com/oromaaymultimedia?mibextid=ZbWKwL
Seenaa Goototaa fi Artistoota keenyaa Gameeyyii beekuuf Yuutuubii https://youtube.com/?si=3Fo2HrvR6M3-9PiM Subscribe
Nu filatanii waan nu hordoftanii fi
Yeroo maraa nu waliin waan taataniif isin Galateeffanna.
@