𝐓𝐬𝐢𝐧𝐠𝐨 𝐤𝐨𝐲𝐫𝐚

02/02/2024

https://youtu.be/LQeC4bPm4yc

27/01/2024

ጠንካራ ሁን።
ያመንከዉን ሰዎች እንዲረዱ አትድከም። ስትሰራ ራስህን እጅግ አሳማኝ አድርገዉ። በቤትህ ዉስጥ እደግ።

ሃይማኖትህንና ትምህርቶቹን በነፍስህ ጠብቅ። ሰዎች ካልጠበቁህ በላይ ገዝፈህ ተገኝ(በመልካም መንገድ)። ሰዎች የሚሉት ሳይሆን ፈጣሪ ስላንተ የሚያስበዉ ያስፈራህ።

በመኝታህና በመነሳትህ ዉስጥ እጆችህን ለምስጋና ማንሳት አትርሳ።
ከየት አንስቶ የት እንደሰቀለህ አትዘንጋ።

ስራህ ሁሉ የሚታይና የሚጨበጥ ፍሬ ይኑረዉ። በከንቱ ተስፋ የሚሰጥ ሰዉ አትሁን። ሁሌም አንብብ። ሁሌም ለማታዉቃቸዉ ሰዎች ስትል ፃፍ። ራስህን በስራ ደብቅ።

ታላላቆችህ የሚሉህን ስማ። ከሰዎች ጋር ያለህን ቅርበት በልኩ አድርግ። መንጋዉን አትከተል። ፍሬ ያለህ ሰዉ ሁን። እምነትና ተስፋ ይኑርህ። ሁሌም ተማር። ለውጥን በእድሜ አትገድበው።

ባዶነታቸዉን በፊታቸዉ ኩስትሪያና በድምፃቸዉ ጩኸት እንደሚደብቁ ሰዎች አትሁን።

😍😍መልካም ጊዜ ለሁላችን😍😍

24/01/2024

የምር ኑር!
፨፨///፨፨
በአዲሱ መንገድ ለመጓዝ ዝግጁ አይደለህም? ከለመድከው ምህዳር ለመውጣት ድፍረት አተሃል? መጥፎ ልማድህ ላይ እርምጃ ለመውሰድ ተቸግረሃል? ካለህበት ስፍራ ወደፊት መራመድ ያስጨንቅሃል? ደጋግመህ ለውጥን ታስባለህ ነገር ግን ልታደርገው አልቻልክም? ህይወትህ ከምኞት የዘለለ ተጨባጭ ነገር አጥቷል? ምላሽህ አዎ ከሆነ ለአፍታ ቆም በል፣ ሃሳብህን ግታው፣ መመኘት አቁም፣ አሁንህን ብቻ አስብ። አሁን ምን ማድረግ ትችላለህ? ባንተ አቅም ሊሆን የሚችለው ነገር ምንድነው? በእግዚአብሔር እርዳታ አንተ ብቻ ልታከናውነው የምትችለው ነገር ምንድነው? ትችለዋለህ የተባልከውን ሁሉ ላትችል ትችላለህ፣ ይመጥንሃል የተባለው ሁሉ ላይመጥንህ ይችላል፣ ካንተ ጋር ይሔዳል የተባለው ሁሉ ላይሔድ ይችላል። ነገር ግን ኢነርጂህን ቆም ብለህ አስተውለው ስሜትህን አዳምጠው።

አዎ! ጀግናዬ..! ማስመሰል ይብቃህ የምር ኑር፣ የእውነት በምድር ላይ ተመላለስ፣ ስሜት በሚሰጡህ ነገሮች ላይ ጊዜ አሳልፍ፣ ኢነርጄቲክ (Energetic) የሆንክባቸውን ነገሮች እየፈለክ አድርግ፤ ህይወትህን ከመጠበቅ በላይ በመጀመር፣ ከፍረሃት በተሻለ አዳዲስ ነገሮችን በመሞከር፣ በተለየ መንገድ በመጓዝ ሙሉ አድርገው። ምንም ለማድረግ ትክክለኛውንና ፍፁም እንከን አልባ የሆነን ጊዜ የምትጠብቅ ከሆነ እድሜህን በሙሉ በጥበቃ ማሳለፍህ አይቀርም፤ ሁሌም ምቾት እንዲሰማህ የምትፈልግ ከሆነ መቼም ከትናንት የተሻልክ ዛሬን የበቃህ ለነገም የተዘጋጀህ ሰው ልትሆን አትችልም። ምቾት እንደ ወራጅ ውሃ ነው፣ እያሳሳቀ ወደ ሞት ይዞህ ይሔዳል። ሲመችህ ደስ ይልሃል፣ ሁሉንም ነገር በቀላሉ ማግኘት ስትችል የሚያሳድግህን ፈተና ግን ታጣለህ። የያዝከውን ይዘሃል ነገር ግን ሁሌም የተሻለ ነገር ያስፈልግሃል።

አዎ! ህይወት ጠዓም ይኖራት ዘንድ፣ መኖር ያጓጓ ዘንድ ሁሌም አዲስ ነገር ያስፈልጋታል፣ በውጣውረድ የተሞላ መዳረሻ ያለው ሊሆን ይገባል። ማናችንም ለፀፀት አልተፈጠርንም፤ ማናችንም ለስቃይ ወደ ምድር አልመጣንም። እግዚአብሔር ሁሌም የእኛን የምር መኖር፣ የእኛን የእውነት በደስታና በምስጋና መመላለስ ይፈልጋል። አባት ልጁ ምንምያህል አጥፊና አስቸጋሪ ቢሆንበት እንኳን በፍፁም ውድቀትንና ስቃይን አይመኝለትም። አባት አባት ነው፤ የሰማይ አባታችን ደግሞ ፍፁም እንከን የሌለው አባት፣ ለሚያደርግልን እያንዳንዱ ነገር በጭራሽ የማይሳሳት አባት ነው። መሆን ስላለበት የሆነው ሆኗል ነገር ግን ለበጎ ሆኗል፣ እግዚአብሔር ስለፈቀደ ተከናውኗል የእኛ ድርሻ እንደሚበጀን አምኖ መቀበል ነው። በሆነ ባልሆነውን እራስህን እያስጨነክ አትኑር። ህይወትህን ሰስታት፣ ለመኖር ራራ፣ የምታደርገውን ነገር የምር የእውነት ከልብህ አድርገው። የሚደገምልህ ሁነት የለምና እያንዳንዷን የመኖር ቅፅበት እንዳይቆጭህ አድርገህ አጣጥማት።
ውብ ደማቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

19/01/2024

14/01/2024

https://www.facebook.com/100066548116233/posts/717652837129647/?app=fbl

𝐏𝐥𝐞𝐚𝐬𝐞 𝐬𝐮𝐛𝐬𝐜𝐫𝐢𝐛𝐞 𝐦𝐲 𝐜𝐡𝐚𝐧𝐧𝐞𝐥, 𝐰𝐞 𝐚𝐫𝐞 𝐚𝐛𝐨𝐮𝐭 𝐭𝐨 𝐫𝐞𝐚𝐜𝐡 1000 𝐟𝐚𝐦𝐢𝐥𝐲 𝐯𝐞𝐫𝐲 𝐬𝐨𝐨𝐧.

14/01/2024

http://www.youtube.com/

𝐏𝐥𝐞𝐚𝐬𝐞 𝐬𝐮𝐛𝐬𝐜𝐫𝐢𝐛𝐞 𝐦𝐲 𝐜𝐡𝐚𝐧𝐧𝐞𝐥, 𝐰𝐞 𝐚𝐫𝐞 𝐚𝐛𝐨𝐮𝐭 𝐭𝐨 𝐫𝐞𝐚𝐜𝐡 1000 𝐟𝐚𝐦𝐢𝐥𝐲 𝐯𝐞𝐫𝐲 𝐬𝐨𝐨𝐧.

02/01/2024

#….ጭንቅላትን (አዕምሮን) ማቆሸሽ ራስን እንደመጣል ይቆጠራል፡፡ ሕሊና ቢስ መሆንም ሕሊናን በራስወዳድ ሃሳብ ማጨቅየት ነው፡፡ አስተሳሰብን ማጠልሸት፣ አመለካከትን ማጨለም አንጎልን በቆሻሻ መበከል ነው፡፡ የቆሸሸ ደግሞ ይጣላል እንጂ አይጠቅምም፡፡

አዕምሮውን የጣለ ልብሱን ከጣለ የባሰ ነው፡፡ ልብስ ያጣ እፍረተ ስጋውን በቅጠል ሊሸፍን ይችላል፡፡ አዕምሮውን የጣለ ግን ገበናውን በምን ሊሸፍነው ይችላል? በምንም!

ወዳጄ ሆይ…. ራስህን ጠብቅ! ራስህን ጠብቅ ማለት አለባበስህን አልያም አበላልህን ማለቴ ብቻ አይደለም፡፡ ራስህን ጠብቅ የምለው አስተሳሰብህንም ጭምር ነው፡፡

ምን ዘንካታ ብትሆንና አለባበስህ ቢያምር ጭንቅላትህ (ሕሊናህ) ከቆሸሸ በሚያምር ንፁህ ቤት ውስጥ ቆሻሻ መከመር ነው የሚሆነው፡፡

ራስህን ጠብቅ ማለት ጭንቅላትህን አፅዳው (ተንከባከበው)፤ ልቦናህን አጥራው፣ አስተሳሰብህን አስላው፣ ስሜትህን ግራው፣ ሃሳብህን ተቆጣጠረው፣ ሕሊናህን ዘወትር በአዲስና በበጎ ሃሳብ ሞርደው፣ ምክንያታዊነትህን እየጨማመርክ አሳድገው ማለቴ ነው፡፡

አዎ ራስህን ያልተፈለገ ቦታ ከመጣልህ በፊት አስብ! ማሰብህ ራስህን ከመጣል ያድንሃል፡፡ ጠቃሚ እንጂ ጎጂ አትሆንም፡፡ አንዳንድ ሰው ራሱን ከመጣል አልፎ ለሐገርም ስጋት፤ ለወገኖቹም ጎጂ ይሆናል፡፡

ራስ’ህን ከምትጥል ገንዘብህን ብትጥል ይሻላል!

ራስ ማለት ጭንቅላት ነው! ራስ ማለት ምክንታዊነት ነው! ራስ ማለት ሰውነት ነው!

እሸቱ ብሩ ይትባረክ (እ.ብ.ይ.)

ጭንቅላትህን አፅዳው!

31/12/2023

ቀጥተኛ ሁን!
፨፨፨///፨፨፨
የምትፈልገውን ለማግኘት የሚጠበቅብህ ብዙ ነገር አይደለም፣ የምትመኘውን ህይወት ለመኖር ወደ ሁለት ጥግ መወጠር አይኖርብህም፣ ያሰብክበት ለመድረስም እንዲሁ መባከንና በከንቱ መድከም የለብህም። አንድ ነገር ብቻ አድርግ፦ ጠይቅ! ምን ትፈልጋለህ? በምንአይነት ቀለም? በምን ልክ? ለመቼ ትፈልገዋለህ? ማነው የሚሰጥህ? ቢሰጥህ ምን ታደርግበታለህ? እንዴትስ ትጠቀመዋለህ? ለጠየከው ጥያቄ ትክክለኛ ምላሽ ከፈለክ ጥያቄህን ግልፅና ቀጥተኛ አድርገው፣ የተመጠነና ትርጉም ያለው አድርገው። "ምን ትፈልጋለህ?" ስትባል "የተሻለ ህይወት" ብለህ መመለስ አቁም። አብዛኛው ሰው በሚመልሰው መንገድ ስትመልስ የምታገኘው ነገርም እንዲሁ አብዛው ካገኘው የተለየ ነገር አይሆንም። ከተሻለ ህይወት በተሻለ ህይወትህን የተለየ ሊያደርግልህ የሚችለውን አንድ ወሳኝ ቀጥተኛና የተመጠነ ጥያቄ ጠንቅ።

አዎ! ጀግናዬ..! የምትፈልገውን ለማግኘት ዙሪያ ጥምጥም አትሒድ፣ የምትመኘውን ከእጅህ ለማስገባት ጥያቄህን የተወሳሰበ አታድርገው። እንደ ጎልማሳ አቅደህ ጠይቅ፣ እንደ ህፃን የጠየከውን እንደምታገኝ እመን። የፈለገውን ነገር ለማግኘት ለሚጥር ሰው ጥያቄና እምነት የሚነጣጠሉ ተግባራት አይደሉም። ከጠየክ አይቀር በእምነት ጠይቅ፣ ለእምነትህ ማሳያ በተግባር ሂድበት፣ በስራ ተጠጋው፣ ትኩረት አድርግበት። ሃሳቦች ነገሮች የመሆን አቅም አላቸው፣ ጥያቄዎች በተጨባጭ በህይወት መንገዳችን መመለስ ይችላሉ፣ እቅዶች በየደረጃውና በየእርከኑ እውን እየሆኑ ይመጣሉ። ባልተመለሱ ጥያቄዎችህ ተስፋ አትቁረጥ፣ ፈልገህ ባጣሃቸው መሻቶችህ አትሰላች፣ ተመኝተህ ባልሆኑልህ ነገሮች አትበሳጭ አንተ ብቻ ቀጥተኛ ሁን፣ አንተ ብቻ የምትፈልገውን ነገር በጥልቀት እወቀው፣ አንተ ብቻ እርሱ ላይ ትኩረት አድርግ፣ አንተ ብቻ በእምነት ጠብቀው።

አዎ! ምንምእንኳን ምድር በተዓምራት የተሞላች ብትሆንም ያላሰብከውን ተዓምር፣ ያልጠየከውን ስጦታ፣ ያላመንከውንም ውጤት ልትሰጥህ አትችልም። ተዓምሩ የሚጀምረው ተገቢውን ጥያቄ በመጠየቅ ነው፣ ስጦታዎች የሚሰጡህ ለመቀበል ስትዘጋጅ ነው፣ ውጤቱን የምትመለከተው በፈለከው ልክ ወደ ውጤቱ ስትጠጋ ነው። የመጠየቅ ልምድን አዳብር፣ አዲስ ነገር ለማግኘት ጉጉት ይኑርህ፣ የጠየከው እንደሚሰጥህ በልብህ እመን፣ ሁሌም ጥረትህ በፍላጎትህ አቅጣጫ እንደሆነ እርግጠኛ ሁን። ሳያዩ የሚያምኑ ብፁዓን ናቸው እንደሚል ቃሉ አምላክህን ጠይቅ በልብህም የሚጠቅምህ ከሆነ እንደሚሰጥህ እመን።
ግሩም ድንቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

22/12/2023

ግብህን ካላወክ የትኛውም መንገድ ይወስድሃል

የዛሬዋ ቀን ሳታልፍ አንድ ነገር ላሳስብ፡- በዚህ አመት የምትሄድበትን አቅጣጫ ወይም ግብህን ጠንቅቀህ ካላወክ በፊትህ ያለው ሁሉም መንገድ ይወስድሃል፡፡

“ቁም ነገሩ ከየት እንደመጣህ አይደለም፣ ዋናው ቁም ነገር ወደ የት እንደምትሄድ ማወቅህ ነው” – Brian Tracy

አንድ መንገደኛ ሰው ረጅምና አድካሚ የሆነ ጎዳናን ካለፈ በኋላ መንትያ መንገዶች ላይ ደረሰ፡፡ በዚያ የቆመን አንድ ሌላ የሀሃገሩን ሰው አየና፣ “ከእነዚህ ሁለት መንገዶች ትክክለኛው መንገድ የቱ ነው?” ብሎ ጠየቀው፡፡ ይህ የሃገሩ ሰው፣ “መሄድ የምትፈልገው ወደ የት ነው?” ብሎ ለመንገደኛው ጥያቄውን በጥያቄ መለሰለት፡፡ መንገደኛውም፣ “ወደ የት መሄድ እንደፈለኩ ገና አላወኩም” አለው፡፡ የቆመውም ሰው፣ “እንግዲያውስ፣ ሁለቱም ትክክለኛ መንገዶች ናቸው” በማለት ለአንዴና ለመጨረሻ ጊዜ መለሰለት፡፡ መንገደኛው፣ “የምትሄድበትን ካላወቅህ የትኛውም መንገድ ይወስድሃል” የሚልን መልእክት ተቀብሎ፣ “መልእክቱ ገብቶኛል” በሚል ዝምታ ተዋጠ፡፡

ብዙ ሰዎች በደመ-ነፍስ ነው የሚኖሩት፡፡ ከየት ተነስተው ወደ የት መሄድ እንዳለባቸው በቅጡ አያውቁትም፡፡ ወደ የት እንደሚሄዱ ማወቅ በሕይወት ላይ ያለውን ተጽእኖ በፍጹም አስበውት አያውቁም፡፡

የግብ ጉዞ የምርጫ ጉዞ ነው - “የትኛውን ጎዳና ብመርጥ ወደ ዋናው የሕይወቴ አላማና ራእይ ያደርሰኛል” የሚል ምርጫ! ግቡን በቅጡ ያላወቀ ሰው የመጣውን ያስተናግዳል፣ ወደተከፈተለት ይገባል፣ ጊዜአዊ ደስታን በሰጠው ነገር ላይ ጊዜውን ያባክናል፡፡

ሕይወት በምርጫ የተሞላች ነች፡፡ ጠዋት በስንት ሰአት ከመኝታዬ መነሳት እንዳለብኝ ከምወስነው ውሳኔ አንስቶ ማታ በስንት ሰአት ወደመኝታዬ መሄድ አለብኝ እስከሚለው ድረስ የምንመርጠው ምርጫና የምንወስነው ውሳኔ በአላማችን ላይ ጣልቃ ይገባል፡፡

“ብዙ ሰዎች የሚያስፈልጋቸው አሳ እንዳልሆነ ሳይገባቸው እድሜ ልካቸውን አሳ ሲያጠምዱ ይኖራሉ” –Henry David Thoreau

“የምትፈልገውን ነገር ካልተከታተልከው አትጨብጠውም፡፡ ካልጠየክ መልሱ ሁልጊዜ የእምቢታ ነው፡፡ ወደፊት ካልተራመድክ ዘወትር ራስህን ባለህበት ታገኘዋለህ” – Nora Roberts

“ግቡ አልደረስ ያለ ሲመስልህ መቀየር ያለብህ ግቡን አይደለም አደራረግህን እንጂ” - Unknown Source.

18/12/2023

ለመኖር አትድከሙ!
፨፨፨፨//////፨፨፨፨
እውነት ነው፣ ፈተናን ታልፋላችሁ ነገር ግን አሁንም ፈተና ይገጥማችኋል፣ ልክ ነው፣ ስቃያችሁን ትገላገሉታላችሁ ነገር ግን አሁንም ለሌላ ስቃይ ትዳረጋላችሁ፣ እርግጥ ነው፣ ከድካማችሁ ፋታ ትወስዳላችሁ ነገር ግን ድጋሜ ለድካም ትጋለጣላችሁ፣ የምር ነው፣ ሆድ ያስባሷችሁን፣ ያሳመሟችሁን፣ ዋጋ ያስከፈሏችሁን ሰዎች ትተዋላችሁ ነገር ግን ሌሎች የሚያሳምሙ ደግሞ ዳግም በእነርሱ ቦታ ይተኩባችኋል። እንግዲ ህይወት እንዲ ነች ምንም ማድረግ አይቻልም። በመኖር ዓለም ከፈተና የፀዳ ገፅ የለም፣ በኑሮው ዓልም ችግር የሌለበት ስፍራ አይገኝም። ህይወት ላልተረዳት በእራሷ ፈተና ነች፣ መኖር ላልገባው በእራሱ ሌላ ያልተፈታ እንቆቅልሽ ነው።

አዎ! ምንም ነገር ይፈጠርባችሁ ለመኖር ግን አትድከሙ ይልቅ እራሳችሁን አጠንክሩ፤ በህይወታችሁ ተስፋ አትቁረጡ ይልቅ በፈጣሪያችሁ ተስፋ አድርጉ፤ በህይወት መከራ አትማረሩ ይልቅ ለሌላ መከራ እራሳችሁን አዘጋጁ፤ ስለሆነባችሁ ክፉ ነገር ጥግ ይዛችሁ አታለቃቅሱ ይልቁ ስለሆነው ነገር መቀየር የምትችሉትን በፍጥነት ቀይሩ። በብሶት የሚገፋ ህይወት የለም፣ እራስን በመጠየፍ የሚኖር ኑሮ የለም። የውስጥ ሰላማችሁ ከሁሉ ቀዳሚ ነው፣ ጤናችሁ፣ በልቶ ማደራችሁ፣ እስትንፋሳችሁ መኖሩ በእራሱ ትልቅ በስጦታ መልክ የታደላችሁ ስኬታችሁ ነው። ውጪ ምንም የሚያጓጓ ነገር የለም፣ ከሰማይ በታች ከምድር በላይ ምንም አዲስ ነገር ተፈጥሮ አያውቅም። ሁሉ ነገር በእግዚአብሔር አምላክ ተፈጥሮ አልቋልና ለትንሹም ለትልቁም መጋጋጥ፣ እራስን ማጣት፣ በአስመሳይ ማንነት መዋጥ አያስፈልግም።

አዎ! ጀግናዬ..! ህይወትህን በሙላት ለመኖር ቀጠሮ አታብዛ፣ በእራስህ ደስተኛ ለመሆን መስፈርት አታውጣ፣ እራስህን ወደፊት ለመግፋት፣ ከፈተና ፈተናን ለመሻገር አትሰላች። የሚያጓጓህን ነገር በእጅህ እስክታስገባ የምትቆዝምበት ምክንያት የለም፣ ህልምህ እውን እስኪሆን፣ የፈለከው ሁሉ እስኪሳካልህ፣ ሃሳብህ ሁሉ እስኪሞላ የምታማርርበትና ሌላውን አካል የምትወቅስበት ምክንያት የለም። ማንም ላንተ ለውጥና ስኬት ግድ በማይኖረው ዓለም ስለራስህ ጉዳይ ከማወቅ ማንም እንዲያስቆምህ አትፍቀድ። አንዱ ቢሞላ ሌላው መጉደሉ አይቀርም፤ በአንዱ ደስተኛ ብትሆን ሌላ የሚያስከፋህ አታጣም። የሞላልህ ላይ አተኩር፣ ደስተኛ የሚያደርግህ ላይ ረጅም ጊዜ አሳልፍ። ፈጣሪ እስከፈቀደ ድረስ ይኖራል እንጂ በፍፁም በመኖር ተስፋ መቁረጥ የሚባል ነገር የለም። በፈተናዎች መሃል በእሾህ ጋሬጣ ተከባ እንደምትፈካ አበባ ፈክቶ መኖር።
ውብ ደማቅ ቀን ይሁንልን! 🏞🌞🌅
(Epha A.)
ምክረ-አዕምሮ ለተሻለ ነገ! 🦋

10/12/2023

“በሕይወታችን ውስጥ ነገ የተሻለ እንደሚሆን በተስፋ ካመን ዛሬ ላይ አስቸጋሪ ሁኔታዎችን መሸከም እንችላለን። ያለ ተስፋና በራስ መተማመን ምንም ነገር ማከናወን አንችልም። ሁለቱን ካጣን ሕይወት ሁሌም የሽንፈትን ካባ ታጎናፅፈናለች። በፕላኔታችን ውስጥ ያሉ አብዛኛዎቹ አስፈላጊ ነገሮች ምንም ተስፋ የሌላቸው በሚመስሉበት ጊዜ ሙከራቸውን በቀጠሉ ሰዎች የተከናወኑ ናቸው። ተስፋ ስንቆርጥ ሁሉንም ነገር እንዳጣን እናስባለን። ሁሉም ነገር እንዳጣን ስናስብ ደግሞ ሕይወት አስፈሪ እና ድቅድቅ ጨለማ ትሆንብናለች።”

“ማመን ያለብን ተስፋ እስካለን ድረስ አቅጣጫ አለን፤ ለመንቀሳቀስም ጉልበትና አመላካች ምዕናባዊ ካርታው አለን። ይህን ምዕናባዊ ካርታ በመጠቀም ሕይወትን በድርጊት ስናጅብ ወደ ስኬት እንጠጋለን። ስኬት ከድርጊት ጋር የተያያዘ ነው። ስኬታማ ሰዎች ሁሌም በድርጊት የታጀቡ ናቸው። ስለ አንድ ነገር በማሰብ ብቻ ብዙ ጊዜ የምናጠፋ ከሆነ በጭራሽ አናደርገውም። ስለዚህ ድርጊት ላይ ብዙ ጊዜ ማሳለፍ አለብን። ተግባር ትክክለኛው የማሰብ ችሎታ መሰረታዊ መለኪያ ነው።

"ምንጊዜም አንድ እርምጃ ወደፊት ለመራመድ ጉዞ ስንጀምር ጉዟችን የሚፈታተን አንድ እንቅፋት ከፊት ለፊት ይኖራል። እንቅፋቱን ፈርተን ጉዟችን ከገታን የተለየ ነገር ለማየት ምንም አይነት ዕድል አይኖረንም። ሕይወት ማለቂያ የሌላቸው የተከታታይ ችግሮች ድምር ውጤት መሆኗንም መገንዘብ ግድ ይለናል። ለአንድ ችግር መፍትሔ ብለን ያስቀመጥነው ለሌላ ችግር መፈጠር መንስኤ ሊሆን ይችላል። በዚህ የሕይወት ዑደትና ግብግብ ውስጥ ችግሮቻችን ለማሸነፍ በጣም አስፈላጊው ነገር ልባችን እና አዕምሯችን ለመከተል የሚያስችል በቂ ድፍረት ማግኘት ነው።”

ከስሙር መጽሐፍ የተቀነጨበ
በደራሲ መመህር በረደድ ገዳሙ

04/12/2023

አልፈቅድም!
፨፨///////፨፨
ከእራስ ጋር ንግግር፦ "ምንም እንኳን ለእውንነቱ አመታትን ቢፈጅ፣ ለመሳካቱ ረጅም ርቀት ቢያስጉዘኝ፣ ይህ ነው የማይባል ዋጋ ቢያስከፍለኝ፣ ጭንቀቴን ቢጨምረው፣ ጥንካሬዬን ቢፈትነው እንኳን ህልሜ ህልም ብቻ ሆኖ እንዲቀር አልፈቅድም። የመጀመሪያዎቹ ህልምን የመኖር ጊዜያት እጅጉን ፈታኝ መሆናቸውን ማንም በህልሙ መንገድ የሚጓዝ ሰው ያውቃል፤ እራስን አቅጣጫ ማስያዝ፣ ከወዳጅ መለየት፣ ከፈጣሪና ከእራስ ውጪ ከማንም ምንም አለመጠበቅ፣ አብዝቶ በጥረት ማመን፣ በትጋት መተማመን፣ ዋጋ ለመክፈል እራስን ማዘጋጀት ከሚባለው በላይ ይፈትናል፣ ያሳምማል፣ ተስፋ ያሳጣል። ነገር ግን ይህን ሁሉ ተረድቼያለሁና ህልሜ እንዲሁ በሃሳቤ የሚቀር፣ ስተኛ የምመለከተው፣ በምናቤ የሚመላለስ ብቻ ሆኖ እንዲቀር አልፈቅድለትም። ለማንም እኔ አውቅልሃለሁ አልለም ለእራሴ ግን እኔ አውቃለሁ፤ ማንንም ለመቀየር አልታገልም ነገር ግን ለእራሴ በፍፁም አላንስም፤ እውን አድርጌ ከማመን በቀር ሌላ ምርጫ አሳጣዋለሁ እንጂ ማንንም ለእኔ ብቻ በሚታየኝ ህልም እንዲያምን አላስገድድም።

አዎ! አልፈቅድም! ሃሳቤ ተቀብሮ እንዲቀር አልፈቅድም፤ ራዕዬ ወሬ ብቻ ሆኖ እንዲቀር አልፈቅድም፤ ህልሜ ልቤን የሚያሞቅ ምናባዊ ግኚት ብቻ እንዲሆን አልፈቅድም። ለእራሴ ፍቃድ እሰጣለሁ፦ እራሱን የመሆን ፍቃድ፣ ሃሳቡን የመኖር ፍቃድ፣ ፍረሃቱን የመጋፈጥ ፍቃድ፣ እራሱን የማስቀደም ፍቃድ፣ ለእራስ ኖሮ ለሌሎች የመድረስ፣ እራሱን አብቅቶ ብዙዎችን የማብቃት፣ ታግሎ የማታገል፣ ሰርቶ የማሰራት፣ ሆኖ፣ ተቀይሮ፣ ኖሮ የማስተማር ፍቃድ ለእራሴ እሰጣለሁ። ከእራሴ በላይ ማንም ያሰረኝ የለም፣ ከአስተሳሰቤ ውጪ የገደበኝ የለም፣ ከፍረሃቴ በቀር ማንም ከአቅሜ በታች እንድኖር አላደረገኝም። የገዛ ስኬቴ ጠላት እኔ እንደሆንኩ ገብቶኛል፣ የገዛ ከፍታዬ መሰናክል ለአመታት የምመራበት የህይወት መርህ እንደሆነ ተገልጦልኛል፣ የውድቀቴ መንስኤ መጥፎ ልማዴ መሆኑን ተረድቼያለሁ። በተረዳውት ልክ እንቅፋቶቼን አስወግዳለሁ፣ እለት እለት እራሴን አሻሽላለሁ፣ ለህልሜ ብቁ መሆኔንም ለእራሴ አሳያለሁ።"

አዎ! ጀግናዬ..! ህልምህን እንድትኖር የሚገፋህ ማንም አንደሌለህ አስታውስ። ላንተ ስኬት ዋጋ የሚከፍል፣ ላንተ ምቾት ከስርህ የሚነጠፍ፣ ላንተ ጥንካሬ የሚለፋ፣ ላንተ ህልም አደጋ ውስጥ የሚገባ ሰው የለም። ህይወትህ የእራስህ ሃላፊነት ነች። ምንም ችግር ይግጠምህ፣ ለምንም አደጋ ብትጋለጥ፣ ምንም ብታጣ ቀዳሚው ተጎጂ ብሎም ቀዳሚው ችግሩን ተጋፋጭ አንተው እራስህ ነህ። ከምታልመው በላይ የምትኖረው፣ በምናብህ እየታገልክ እውን ለማድረግ ከምትጥረው በላይ በዕውን የምትፋለምለት፣ እንዲሆንልህ ከምትመኘው በላይ በሂደት እየሰራህበት እውን የምታደርገው ተጨባጭ ህልም ይኑርህ። ለእርሱም ዋጋ ከመክፈል በፍፁም ወደኋላ እንዳትል።
ግሩም ድንቅ ቀን ይሁንልን! 🏞🌞🌅
(Epha A.)

ምክረ-አዕምሮ ለተሻለ ነገ! 🦋

02/12/2023

Have nice and happy day😍😍

30/11/2023

ጣሪያህን ንቀለው
~~~~~~~~~~
“ውስንነትህን ለይተህ እወቅ፣ ነገር ግን በፍጹም አትቀበለው” – Unknown Source

ጣሪያህ ምንድን ነው? ጣሪያህ ሁኔታዎች የወሰኑልህና እንዳንተ አይነት ሰው የትም አይደርስም ብለው የደመደሙብህ እይታ ነው፡፡ ጣሪያህ ምንድን ነው? በአንተ ሁኔታ የተወለደና ያደገ ሰው በፍጹም ከዚህ ከፍታ በላይ ሊሄድ አይችልም ብሎ ሕብረተሰቡ የደመደመው ገደብ ነው፡፡ ጣሪያህ ምንድን ነው? ሰዎች የገቢህን ሁኔታ፣ የትውልድህን አመጣጥና የትምርት ደረጃህን ከደመሩና ከቀነሱ በኋላ የራሳቸው ድምዳሜ ላይ በመድረስና መስመርን በማስመር በላይህ ላይ የከደኑት ክዳን ነው፡፡

አየህ፣ ሕብረተሰቡ ይህንን የማድረግና “ከዚህ አታልፍም” ብሎ መስመር የማስመር መብቱ የተጠበቀ ነው፡፡ አንተም በበኩልህ ያንን መስመር አልፈህ የመሄድ ሙሉ መብት አለህ፡፡ ያለፈው ትውልድ ያቆመበት ላይ ማቆም የለብህም፣ አዲስ ፈር ልትቀድና ወደ አዲስ አቅጣጫ ልትዘልቅ ይገባሃል፡፡ ይህ እንዲሆን ግን “ባለሁበትና ሰዎች ነህ ብለው በወሰኑልኝ ሁኔታ አልወሰንም” የሚል ቁርጥ ውሳኔ ከአንተ ይጠበቃል፡፡

29/11/2023

AMCHS

29/11/2023

👍

28/11/2023

የምትፈልገው እና የሚገባህ
(ራስን ፍለጋ/ኤፍታህ)
፨፨፨
" Life doesn't give you what you want it gives you what you deserve "
" ...ህይወት ጀባ የምትልህ የምትፈልገውን ሳይሆን የሚገባህን ነው! " እንደማለት ነው ። ...በግርድፍ ትርጉም

ይህንን ለመፃፍ ምክንያት የሆነኝ "እራስን መሆን" የተሰኘው መጽሐፍ እንዲሁም "You were born a winner" የሚለው Motivational speech ነው ። እኛ በየቀኑ ምን ያህል ራሳችንን ፈትሸንው እናውቃለን አሁን እየኖርን ያለንው ሕይወት የምንፈልገው ነው ወይስ የተገባን ነው...?

"ነገን እንዳትቆጭ ዛሬን ቁምነገር ላይ አሳልፍ.." ብለው ነበር ዶክተር አለማየሁ ዝጎራ የተሰኘው መጽሐፋቸው ላይ...እኛ የምንኖረው ነገ የዛሬዎች ድምር ውጤት መሆኑ እሙን ነው ። ታድያ ሕይወታችንን የምንመራ እንዳለን ሁሉ ሕይወታችን እንደፈለገች በራሷ ቦይ የምታፈሰንስ ስንቶቻችንን ይሆን...?

ለራሳችን የምንነግረው መልካም ነገር ዛሬአችንን የተቃና ያደርገዋል እችላለሁ ብሎ መጀመር ቢያንስ የመሞከርን መነቃቃት ያላብሳል ። አተርፋለሁ ብሎ የሚጀምር ነጋዴና አልከስርም ብሎ የሚጀምር ነጋዴ እኩል ውጤት ላይ ይደርሳሉ ማለት አይቻልም...መጽሐፉም ይለናል ። "መጠንቀቅ ያለብህ ሰዎች ስላንተ ስለሚነግሩህ ሳይሆን አንተ ለራስህ ሥለምትነግረው ማንነትህ ነው" ይላል...!

ዛሬ አንተ/አንቺ የምትኖሩት ህይወት ልጅ እያላችሁ እንዲህ መሆን እፈልጋለሁ ብላችሁ ያላችሁትን አይነት ነው ወይ? ሁላችንም ለየራሳችን ልንመልሰው የሚገባን ጥያቄ ነው ። አሁን ካለን በላይ አይገባንም ወይ? የኛ ፍላጎት በህይወታችን መስመሮች ቁጥጥር ስር ነው...? ወይስ ያንን መስመር ማለፍ ችለናል...?

"comfort zone" ይሉታል > እንደማለት ነው አሁንም በግርድፍ ትርጉም...ከዛ ከለመድነው የህይወት አዙሪት ካልወጣን የምንፈልገውን ሳይሆን በዛ አስተሳሰባችን የተገባንን ኖረን እናልፋለን ማለት ነው እንግዲህ...

እስቲ ሁላችንም ራሳችንን እንጠይቅበት...!!

ከዚህ ቀደም ንባብ ለሕይወት እንዲሁም ከፍልስፍና ዓለም ላይ ካቀረብኩት

Pic Credit ፦ Art Cure

26/11/2023

የመኖራችሁና ያለመኖራችሁ ጉዳይ

በአንድ ቦታ ወይም ግንኙነት ውስጥ አለመኖራች የሚያጎድለው ነገር ከሌለ፣ መኖራች የሚሞላው ነገር የለም ማለት ነው፡፡ በተቃራኒ ደግሞ በአንድ ቦታ ወይም ግንኙነት ውስጥ መኖራችሁ የሚሞላው ነገር ካለ፣ አለመኖራች የሚያጎድለው ነገር አለ ማለት ነው፡፡ ይህንን ለማወቅ ከፈለካችሁ ደግሞ ሁለት ጥያቄዎችን ጠይቅ፡-
1) መኖሬን የሚያደንቁ ሰዎችና ቦታዎች የትኞቹ ናቸው?
2) አለመኖሬ ምንም እንዳላጎደለባቸው የሚያሳዩኝ ሰዎችና ቦታዎችስ የትኞቹ ናቸው?

በሕይወታችሁ እንደቀፈፋችሁ፣ የውስጥ አቅም እንዳጣችሁና ሰላማችሁ እንደተረበሸ እንድትኖሩ ከሚያደርጉህ ልምምዶች መካከል አንዱ ብትኖሩም የማትደነቁበት፣ ባትኖሩ ደግሞ የማትናፈቁበት አካባቢ በግድ የመገኘት ጉዳይ ነው፡፡ ይህንን ልምምድ በሚሰጣችሁ አካባቢ ወይም ጓደኝነት ውስጥ መቆየት በማንነታችሁ ላይ ይህ ነው የማይባል የራስ-በራስ ንቀትን ከማስከተሉም በተጨማሪ ራሳችሁን በመናቅ ሌሎች እንዲንቋችሁና እንዲቆጣጠሯችሁ ፈቃድ እንድትሰጧቸው መንገድን ይጠርጋል፡፡

መኖራችሁ የሚሞላው ነገር፣ አለመኖራችሁ ደግሞ የሚያጎድለው ነገር እንዳለ በማመን በብርቱ የሚፈልጓችሁ ሰዎች እያሉ፣ ብትኖሩም ሆነ ባትኖሩ ምንም የምትሞሉትም ሆነ የምታጎድሉት ነገር እንደሌለ ከሚያስቡና ያንንም ከሚያሳዩህ ሰዎች አካባቢ ጊዜያችሁን አታባክኑ፡፡

በዚህ ምድር ላይ ሁል ጊዜ ተለጣፊ፣ ተንጠልጣይ፣ ለማኝና ተለማማጭ ሆናችሁ ለመኖር አልተፈጠራችሁም፡፡ የራሳችሁ ስፍራ ያላችሁ ሰዎች ናችሁ፡፡ የምትወደዱበት፣ የምትደነቁበትና የምትፈለጉበት ቦታ ያላችሁ ሰዎች ናችሁ፡፡

ዛሬ ከእናንተ ጋር ምንም ግንኙነት ባለማድረግ ውስጥ ምቾት ከሚሰጣቸው ሰዎች ጋር ያላችሁን ግንኙነት እንደገና የምትፈትሹበት ቀን ይሁንላችሁ!

ዛሬ መኖራችሁ የማያጓጓቸው፣ አለመኖራችሁ ደግሞ የማይናፍቃቸው ሰዎች ጉዳይ ይታሰብበት!

ያን ጊዜ ለራሳችሁ ያላችሁን ክብር ትመልሳላችሁ፡፡ ያን ጊዜ ሰውን መለማመጥ አቁማችሁ ቀና ብላችሁ ከዓላማችሁ አንጻር መኖር ትጀምራላችሁ፡፡

c.cDreyob

26/11/2023

__ ምክንያተ ተፈጥሮ __

አንድ ሰው ወደ ቢራቢሮነት ሊፈለፈል የደረሰ የቢራቢሮ እንቁላል ከእነሽፋኑ ያገኛል፡፡ ከቀናቶቹ ባንዱ ቀን በእንቁላሉ ላይ አነስተኛ ቀዳዳ ያይና በትኩረት ይከታተለው ጀመር፡፡ ቢራቢሮዋ በተፈጠረው ክፍተት ለመውጣት ለሰዓታት ያህል ትግል ስታደርግ ቆየችና ያቃታት በሚመስል ሁኔታ ትገሏን ለተወሰነ ጊዜ አቆመች፡፡ ይሄን ሲመለከት የነበረው ሰውየ ቢራቢረዎን ሊያግዛት ወሰነና መቀስ በማምጣት የእንቁላሉን ሽፋን ቆረጠው፡፡ ቢራቢሮዋም በቀላሉ ወጣች፡፡ ነገር ግን ከተለመደው በተለየ ቢራቢሮዋ የተለነቆሰ ክንፍና ያበጠ ሰውነት ነበራት፡፡ ሰውየው የቢራቢሮዋን መብረር እየተጠባበቀ ነበር፡፡ ነገር ግን ምንም ለውጥ ሳያይባት ባለችበት ቆየች፡፡ ከቆይታ በኋላ መብረር እንደማትችል ተረዳው፡፡ በደግነት እርሷን ለማገዝ ያደረገው ነገር ከተፈጥሮ ህግ እንድትፋታ አድርጓት ነበር፡፡ ቢራቢሮዋ በትንሹ ቀዳዳ ለመውጣት የምታደርገው ጥረት በተፈጥሮ ህግ ልታልፍበት የሚገባ ጉዳይ ነበር፡፡ ተፈጥሮ ያስቀመጠችላት ህግ በትንሹ ቀዳዳ የራሷን ኃይል ተጠቅማ ታግላ በመውጣት እራሷን ብቁ ማድረግ ነበር፡፡ ምክንያቱም በምታደርገው የመውጣት ትግል በምክንያተ ተፈጥሮ ከሰውነቷ ውስጥ ያለውን ፈሳሽ በክንፎቿ አማካኝነት እንዲወጣ እና መብረር እንዲያስችላት የተዘረጋ የተፈጥሮ ስርዓት ስለሆነ፡፡ ይሄ ሂደት ግን ባለማወቅ ስለተቋረጠባት መብረር ሳትችል ሕይወቷም በዚሁ ተቋረጠ፡፡

ተፈጥሮ የእራሷ ህግ አላት፡፡ ህጎቿ ሁሉም ያለምክንያት አልተፈጠሩም፡፡ እንቁላል ከውጭ ሲሰበር ሕይወት ይቋረጣል ከውሰጥ ሲሰበር ግን ሕይወት ትቀጥላለች፡፡ በተመሳሳይ ሁኔታ ቀጭኔም ልጇን እንደወለደች ግልገሏ ቁማ መራመድ እስክትጀምር ድረስ ደጋግማ በእርግጫ እንደምትመታት አንብቢያለሁ(ለደግነት መጨከን ይሉታል)፡፡ የጥላቻ ሳይሆን የፍቅር እርግጫ ምክንያቱም በተሎ ቁማ መሸሽ ካልቻለች ጠላቶቿ እንደሚያጠቋት የተፈጥሮ ህግ አስተምሯታልና፡፡ በአቋራጭ የማናልፋቸው ብዙ የተፈጥሮ ህጎች እንዳሉ ያስተምረናል፡፡ የሰዎችን አቅም ስናሳድግ እኛ እነሱን ተክተን እየሰራንላቸው ሳይሆን በእራሳቸው ታግላው እንዲችሉት፣ እንዲያውቁት ማድረግንም ያመላክታል፡፡ ቢራቢሮዋ በእራሷ ታግላ ብትወጣ ኑሮ ሕይወቷ መቀጠል ይችል ነበርና፡፡ አሁን ለሆንነው ሁሉ ያለፍንባቸው መሰናክሎች ወሳኝ ድርሻ አላቸው፡፡

ምንጭ፡ Inspiring story Butterfly

( #ምስጋናው ግሸን ወልደ አገሬ)

03-11-2007 ዓ.ም

23/11/2023

ስኬት አድረሻው የት ነው?

“ስኬት ማለት ለብዙዎች ሰው ጥቅም የሚውልን ነገር መፍጠርና ያንንም በማድረግ ጉዞና ሂደት ውስጥ ደስተኛ መሆን ማለት ነው፡፡ በዚህ አመለካከት ላይ ካተኮርክና የእኔ ነው ብለህ ከያዝከው አንተ ስኬታማ ማንነት አለህ” – Kelly Kim

ታሪኩ ከተከናወነ ረጅም አመታት አስቆጥሯል፡፡

አንድ ቀን አንድ እጅግ ባለጸጋ የሆነ አባት ልጁን ወደ አንዲት ገጠር ይዞት ሄደ፡፡ የጉዞው ዋና አላማ ልጁ በዚያ አካባቢ የሚኖሩትን ሰዎች የአኗኗር ሁኔታ ተመልክቶ ምን ያህል ድሆች እንደሆኑ እንዲገነዘብና እርሱ ያለውን የተሻለ ሁኔታ እንዲያደንቅ ነው፡፡

በዚያ በሄዱበት አካባቢ በአንድ እጅግ በጣም ድኃ ቤተሰብ ነው ብለው ባሰቡት ቤተሰብ እርሻ ውስጥ ሁለት ቀናት በማደር አሳለፉ፡፡ በእነዚህ ሁለት ቀናት ማድረግ የሚፈልጉትን ነገር ካደረጉና ማየት የፈለጉትን ሁሉ ከተመለከቱ በኋላ ጉዞአቸውን አጠናቅቀው ወደቤታቸው ጉዞ ጀመሩ፡፡

ወደቤታቸው በመመለስ ላይ እያሉ በአባት አነሳሽነት ውይይት ጀመሩ፡፡

አባት፡- “ጉዞው እንዴት ነበር?” በማለት ልጁ ከጉዞው እንዲማርለት የፈለገውን ነገር መማሩን ለማረጋገጥ ጠየቀው፡፡

ልጅ፡- “ጥሩ ነበር” በማለት ብዙም ስሜት በማይገልጽ መልኩ አጭርና ግልጽ መልስ መለሰለት፡፡

አባት፡- “ሰዎች በምን አይነት ድህነት እንደሚኖሩ አየህ?” የሚልን ተከታይ ጥያቄ በማቅረብ የበለጠ ማብራሪያን ለማግኘት ሙከራ አደረገ፡፡

ልጅ፡- “አዎን” በማለት አሁንም አጭር መልስ ሰጠው፡፡

አባት፡- “እስቲ ከዚህ ጉብኝት ምን እንደተማርክ ንገረኝ”

ልጅ፡-
“እኛ አንድ ብቻ ውሻ እንዳለንና እነሱ ግን አራት ውሾች እንዳላቸው አየሁ፡፡ እኛ የጓሮ አትክልታችን ጋር ብቻ አንድ የመዋኛ ስፍራ አንዳለን፣ እነሱ ግን ከቤታቸው አጠገብ መጨረሻው የማይታይ ትልቅ ወንዝ እንዳላቸው አስተዋልኩ፡፡ እኛ ከውጪ ያስመጣነው የአትክልት ስፍራ መብራቶች አሉን፣ እነሱ ግን ማታ ማታ የሚያበሩላቸው ኮከቦች አሏቸው፡፡ ከእኛ በረንዳ አሻግረን የምናየው ረዥም አጥራችንንና ከዚያም ሕንጻዎችን ነው፣ እነሱ ግን ከጸሃይ መውጫ እስከ መግቢያ ይታያቸዋል፡፡ እኛ የምንኖርበት ትንሽ መሬት አለችን፣ አነሱ ግን አይተን የማንጨርሰው ሰፊ መሬት አላቸው፡፡ እኛ የሚያገለግሉን ሰራተኞች አሉን፣ እነሱ ግን ሌሎችን ያገለግላሉ፡፡ እኛ ምግባችንን ገዝተን እንመገባለን፣ እነሱ ግን ምግባቸውን ተክለውና አብቅለው ይመገባሉ፡፡ እኛን እንዲጠብቀን በዙሪያችን የግንብ አጥር አድርገናል፣ እነሱ ግን እንዲጠብቋቸው በዙሪያቸው ወዳጆቻቸውንና ጓዋደኞቻቸውን አድርገዋል፡፡”

የልጁ አባት እርሱ በብልጽግናና በድህነት ላይ ያለው እይታ ከልጁ እይታ እጅግ ስለተራራቀበት የሚለው አጥቶ ዝም አለ፡፡

በመጨረሻም ልጁ እርሱ ያለውን ግንዛቤ አባቱ በሚገባ እንዲያውቅለት በመፈለግ እንዲህ ሲል ንግግሩን አጠናቀቀ፣ “አባቴ ሆይ፣ ምን ያህል ድሆች እንደሆንን ስላሳየኸኝ አመሰግንሃለሁ፡፡”

ሃብትና ብልጽግና ምንድን ነው? ስኬትስ ምንድ ነው? እነዚህ ነገሮች የሚለኩትስ በምንድን ነው? አንድ ሰው ለስኬት የሰጠውን ትርጉም በመመልከት ስለማንነቱ መናገር ይቻላል፡፡ ይህ ስኬት የሚባለው ነገር ትርጉም ትክክለኛነት እጅግ አስፈላጊ ነውና በሚገባ አስብበት፡፡ ምናባት ሳታስበው ስኬት ውስጥ ይሆን ያለኸው?

22/11/2023

ምንም አይቀየርም!
፨፨፨፨//////፨፨፨፨
አንድ የማይካድ እውነት አለ፦ "ምንም ካልተቀየረ ምንም አይቀየርም፤ ምንም አዲስ ነገር ካልተደረግ ምንም አዲስ ነገር ሊፈጠር አይችልም፣ አዲስ ስህተት፣ የተለየ ውድቀት፣ አቅም ያለው ጠንካራ ምት እስካላረፈብን ድረስ ምንም የሚቀየር፣ ምንም የሚመጣ አዲስ ነገር አይኖርም።" አንተ ባለህበት ተቀምጠህ ዓለም ወደፊት እየተጓዘች ለውጥህ አዎንታዊ እንዲሆን አትጠብቅም። ህይወት ስታዳፋህ ትቀየራለህ፣ ኑሮህ ሲፈተን ትቀየራለህ፣ ውጣውረድ ሲበዛብህ፣ አድቬንቸር (adventure) ውስጥ ስትገባ፣ ፈተናህ ሲያይል በእርግጥም ወደህ ሳይሆን ተገደህ ትቀየራለህ፣ ፈልገህ ሳይሆን ተገፍተህ ትቀየራለህ። ህመምህ የለውጥህ መንስኤ ነው፣ ስቃይህ ለመቀየርህ ዋስትና ነው። የምታድገው በማደግ አመለካከት ውስጥ ማደግን አብዝተህ ስትፈልግ ብቻ ነው።

አዎ! ጀግናዬ..! ምንም አይቀየርም! አርቀህ የማትመለከት ከሆነ፣ ተስፈኛ ካልሆንክ፣ ከትናንትና ከዛሬው ፈታኝ ሁኔታህ በላይ መጪውን ጊዜህን የተሻለ ማድረግ ላይ ካላተኮርክ፣ በየጊዜው እራስህን ወደፊት ካልገፋሀው፣ እራስህን ካላስተማርከው፣ በከባዱ ፈንታ ቀላሉን፣ በፈታኙ ስፍራም ትንሹን ከመረጥክ በሚያሳዝን ሁኔታ ምንም ጠብ የሚልና የሚቀየር ነገር አይኖርም። ለአመታት አንድ መስሪያቤት ብትሰራ የመስሪያቤቱን የስራ ባህልና መርህ ከማንም በተሻለ ልትረዳና ልትተገብር ትችላለህ በእራስህ ህይወት ላይ ምን ለውጥ እንዳመጣ አስቀድመህ ካልተረዳህ ግን ትጋትና ጥረትህ ምንም ሊፈይድህ አይችልም። አንዳንዴ ነገሮችን ግላዊ ማድረግ አስፈላጊ ነው። "ጊዜዬን፣ እድሜዬን፣ ትኩረቴን ሰጥቼ አቀርቅሬ አንድ ነገር ስሰራ በመኖሬ ለእራሴ ምን የሚረባና የሚጠቅም ነገር አግኝቼያለሁ?" ፈታኝ ጥያቄ ቢሆንም ለእራሴ ለውጥና እድገት የምጨነቅ ከሆነ በዚህ መልኩ እራሴን ከመገምገም ውጪ ሌላ አማራጭ የለኝም።

አዎ! ወደ እድገት የሚመራህን ለውጥ የሚያመጣው ትልቁ አቅም ውስጣዊ ግፊት፣ የማይቋረጥ ውስጣዊ ፍላጎት ነው። ለውጥን ለመሸሽ ምክንያቶች ቢኖሩም ለውጥን አብዝቶ ለመፈለግም ሁነኛ ወሳኝ ምክንያቶች ያስፈልጉሃል። ስህተቶች የሰውኛ ባህሪ መገለጫዎች ናቸው፣ ውድቀት ለሚንቀሳቀስ ሰው አይቀሬ ነው። ስህተት እንደሆነ የምታውቀውን ነገር ግን ልታርመው ምንም አይነት እርምጃ ስላልወሰድከው አንድ ነገር አስብ፣ እርምጃህንም ለመውሰድ ዛሬ ወደ ተግባር ግባ። እራስህን መግፋት ካልቻልክ ማንም አንተን ሊቀይር አይገፋህም፤ እራስህ ወደህና ፈልገህ ጫና ውስጥ ካልገባህ ማንም ሁን ብሎ የሚሰራህና የሚያሳድግህ ጫና ውስጥ አይከትህም። ለለውጥህ እራስህን መስጠት ይኖርብሃል፣ ለእድገትህ ታማኝ፣ ታታሪና ትጉ መሆን ይጠበቅብሃል።
ግሩም ድንቅ ቀን ይሁንልን! 🏞🌞🌅
(Epha A.)

19/11/2023

ራሳችንን ከራሳችን የሚጋርዱ ነገሮች

“ራስን ማግኘት” የሚለውን ሃሳብ ከፍልስፍና፣ ከኃይማኖትና ከመሳሰሉት አቅጣጫ መመልከት ይቻላል፡፡ ያንን የማድረጉን ነጻነት ለአንባቢዬ ተወት በማድረግ እዚህ ጋር ለጊዜው ተግባራዊው ገጽታ ላይ በመነጋገር እንቆያለን፡፡

1. ራስን አለመቀበል

ራስን መቀበል ማለት ዘሬን፣ መልኬን፣ ቁመናየን . . . እና የመሳሰሉትን ልቀይራቸው የማልችላቸውን የማንነቴ አካሎች በመቀበል መደላደል ማለት ነው፡፡ እነዚህን ነገሮች ሲታገሉና ሲሸፋፍኑ መኖር ከዋናው ነገር ወደኋላ ይስቀረናል፡

2. ባለፈው ታሪክ መቆለፍ

ያለፈ ታሪክ ማለት ከዛሬ በፊት የነበሩኝን ስኬቶችንና ስህተቶችን የሚያካትት ጉዳይ ነው፡፡ ስኬታማ ነበርኩ፣ ምንም አያስፈልገኝም ካልን፣ እንዲሁም ደግሞ ስህተተኛ ነበርኩ ስለዚህም ለምንም ነገር አልበቃም ብለን ካሰብን ራስን የማግኘት ትክክለኛ እያታችን ይጋረዳል፡፡

3. ራስን ከሌሎች ጋር ማወዳደር

ራስን ከሌሎች ጋር ማወዳደር ማለት ማንነቴን፣ ዓላማዬንና ስኬታማነቴን ሌሎች አቻዎቼ ሆነዋል፣ ደርሰውበታል ብዬ ከማስበው አንጻር መገምገም ማለት ነው፡፡ ይህ ዝንባሌ የራሴ ደረጃና ግብ እንዳይኖረኝ ያግደኛል፡፡

4. የተዛባ የስኬት ልኬት

ስኬት ማለት ማንነትን ማወቅና መቀበል፣ ዓላማን መለየትና ለዚያ መኖር፣ ያለንን ነገር ማሳደግና ለሕብረተሰቡ ጥቅም ማዋል ሆኖ ሳለ፣ ስኬትን ከገንዘብ፣ ከእውቀት፣ ከዝና፣ ከስልጣን . . . ጋር ብቻ ማዛመድ ከራስ ጋር የሚያፋታ እይታ ነው፡፡

5. ወቃሽነት

ወቃሽነት ማለት በዙሪያችን ለሚሆነው ነገር ሁሉ የሚወቀስ ሰው መፈለግና ኃይለኛ አቋሞችን መያዝና ቃላቶችን መናገር ማለት ነው፡፡ ሰዎችን የመውቀስ ልመዳ የእኛን ሃላፊነት ከመወጣት ይልቅ ወደማሳበብ አዘቅት ውስጥ ያወርደናል፡፡

ከላይ ከተጠቀሱት እንቅፋቶች ራሳችሁን ያገኛችሁበት ነጥብ ላይ ለመስራትና ለማሻሻል ሞክሩ፡፡

. . . ይቀጥላል!

https://t.me/Dreyob

17/11/2023

“ምን ላድርግ?” ለምትሉ

• ያላችሁበትን ስፍራ ካልወደዳችሁትና ፈጽሞ የማይጠቅማችሁ ከሆነ ስፍራ ቀይሩ!

• ያላችሁ ጓደኝነት ከጥቅሙ ጉዳቱ ካመዘነና ስሜታችሁን ካልወደዳችሁት የጓደኝነት ለውጥ አድርጉ!

• የገባችሁበት የፍቅር ግንኑነት ከጉጉቱ ስጋቱ ካመዘነ እርግጠኝነትን እስክታዳብሩ ድረስ ቆም በሉ!

• ያላችሁን የኑሮ ደረጃ ካልተቀበላችሁት እቅድ አውጡና ለለውጥ ስሩ!

• ያላችሁን የእውቀት ደረጃ ካልተማመናችሁበት ተማሩ! ሰልጥኑ! አንብቡ!

• ያላችሁን የግል ባህሪይ ስታስቡት ካሳፈራችሁ የአስተሳሰብና የተግባር ለውጥ የማምጣት ጉዞ ጀምሩ!

• በመጓዝ ያላችሁበትን የሕይወት አቅጣጫ ካላመናችሁበት ቆም በሉ! አስቡ! አቅጣጫን ለውጡ!

ተነሱና አንድ ነገር አድርጉ! ቁጭ ተብሎ የሚለወጥ ነገር እኮ የለም!

14/11/2023

10 Life Lessons from the Life of Mark Zuckerberg:

1. Have a vision and believe in yourself. Zuckerberg had a vision for Facebook from a young age, and he never gave up on it, even when others doubted him.

2. Start small and move fast. Zuckerberg started Facebook in his dorm room at Harvard, and he quickly grew it into a global phenomenon. He wasn't afraid to experiment and make changes along the way.

3. Focus on the user. Zuckerberg has always been focused on creating the best possible experience for his users. This has been a key factor in Facebook's success.

4. Be data-driven. Zuckerberg makes decisions based on data, not emotions. This has helped him to avoid mistakes and make better decisions.

5. Surround yourself with smart people. Zuckerberg has hired a team of talented people to help him build Facebook. He is not afraid to delegate and to give his team the freedom to do their jobs.

6. Be persistent. Zuckerberg has faced many challenges in his career, but he has never given up. He has learned from his mistakes and kept moving forward.

7. Don't be afraid to take risks. Zuckerberg has taken many risks throughout his career, such as dropping out of Harvard and starting his own company. These risks have paid off handsomely.

8. Be ethical. Zuckerberg has been criticized for some of his business decisions, but he has always tried to act ethically. He is committed to protecting his users' privacy and to using his platform for good.

9. Give back to your community. Zuckerberg is a philanthropist who has donated billions of dollars to charity. He is committed to making the world a better place.

10. Enjoy the journey. Zuckerberg has said that he loves the journey of building something new. He is not afraid to fail, and he learns from his mistakes.

I hope these life lessons fro Mark Zuckerberg inspire you to pursue your dreams and to make a difference in the world.
🙏👏
Class dismissed 🥂

Thanks for sharing this.... 🙂❤️It is highly appreciated. 👍😄🙂☺️😊
For

12/11/2023

እርምጃ ውሰዱ እንጂ !!!

አንድ ሰው አጠገቡ ለነበሩ ሰዎች በጨዋታ መልክ እንዲህ ሲል ጥያቄን አቀረበ፡- “በአንድ መሬት ላይ በተጋደመ ትልቅ ግንድ ላይ ሶስት እንቁራሪቶች በመደዳ ቆመው ነበር፡፡ አንደኛዋ እንቁራሪት ቆመው ከነበረበት ግንድ ላይ ወደ መሬቱ ለመዝለል ወሰነች፡፡ ስንት እንቁራሪቶች ግንዱ ላይ ቀሩ?”

ይህንን ጥያቄ የሰሙት በሙሉ መልሳቸው፣ “ሁለት” የሚል ነበር፡፡ ሰውየውም መልሳቸው ትክክል እንዳልሆነ ገለጸላቸው፡፡ “አንዷ እንቁራሪት የመዝለል ውሳኔ አደረገች እንጂ አልዘለለችም፡፡ ስለዚህ አሁንም የቀሩት ሶስት እንቁራሪቶች ናቸው” ነበር ማብራሪያው፡፡

“አያችሁ”፣ አለ በመቀጠልም፣ “ይህ የሚያመለክተው ውሳኔን ከተግባር ጋር የማምታታት ዝንባሌያችንን ነው፡፡ አንድ ውሳኔ ወደተግባር እስኪለወጥ ድረስ ከውሳኔው በፊት ከነበርንበት ሁኔታና ደረጃ ትንሽም እልፍ አያደርገንም”፡፡ አብዛኛውን ጊዜ አንድን ነገር ለማድረግ ብዙ ካወጣን፣ ካወረድንና ከወሰንን በኋላ ልክ እንዳደረገ ሰው ኑሯችንን እንቀጥላለን፡፡ ውሳኔ ግን ያው ውሳኔ እንጂ ተግባር ማለት አይደለም፡፡

ለዚህ አይነቱ አደገኛ ልምምድ አጋልጠው ከሚሰጡ ሁኔታዎች መካከል . . .

1. ፍርሃት

አንድን ነገር ገና ሳንጀምረው፣ “ባይሳካስ” የሚል ፍርሃት የሚያጠቃን ከሆነ፣ ሁኔታው ቢሳካ የምናገኘውን ጥቅም ሳይሆን ባይሳካ የሚደርስብንን ጉዳት፣ ሃፍረትና የመሳሰሉት ነገሮች ነው የምናሰላስለው፡፡ ይህ ሁኔታ ደግሞ ያሰብነውን ነገር ከመጀመር ይገታናል፡፡

መፍትሄው፡- ጥንቃቄ በተሞላው እና ትርፍና ኪሳራን ባመዛዘነ መልኩ ፍርሃትን መጋፈጥ ነው፡፡

2. ለነገ አስተላላፊነት

ለነገ የማስላለፍ ልማድ አንዳንድ ጊዜ ከፍርሃት ጋር ቢገናኝም ሌሎች ምክንያቶች ግን አሉት፡፡ ለምሳሌ፣ ለመጀመር ባሰብነው ነገር ላይ በቂ ክህሎት እንደሌለን ማሰብና በራስ አለመተማመን፣ የዲሲፕሊን ችግር፣ የሰዎችን ሃሳብ እየሰሙ ሃሳብን መለዋወጥ፣ በወቅቱ ስሜትና “ሙድ” ተጽእኖ ስር መውደቅ እና የመሳሰሉት፡፡

መፍትሄው፡- አንድን ነገር እንድናስተላለፍ የሚያደርግን ችግራችን ምን እንደሆነ መለየትና በማንበብ፣ በመሰልጠንና በመሳሰሉት መንገዶች መቅረፍ፡፡

3. ዓላማ ቢስነት

አንድ ለመጀመር ወይም ለማድረግ የምንፈልገው ነገር በመጨረሻ ከአንድ ማከናወን ከምንፈልገው ዋና ዓላማ ጋር የተነካካ ካልሆነ በውስጣችን ግለትና ጉጉት ስለሚጎድለን እርምጃን የመውሰድ አቅም አይኖረንም፡፡ ይህ የሚሆንበት ምክንያት ዋነኛው የመነቃቃት (Motivation) ምንጭ የሕይወት ዓላማ ማወቅ ስለሆነ ነው፡፡

መፍትሄው፡- የምናደርጋቸውን ነገሮች በሙሉ ከዋናው የሕይወታችን ዓላማ ጋር ወይም ከአንድ ወሳኝ ግብ ጋር መያያዙን እርግጠኛ መሆን፡፡
C.c

09/11/2023

ራስን መቀበልና መሆን

“ራስን መሆን” ማለት ማንነትን ተቀብሎ፣ ሳይደባብቁና ሌላውን ሰው ለመሆን ሳይሞክሩ የራስን ማንነት በነጻነት መኖር ማለት ነው፡፡

ራስን የመሆን ጉልበት የሚመነጨው ማንነታችንን የሰጠን ፈጣሪ እንደሆነ አምኖ ከመቀበልና በዚያም ከመደላደል ነው፡፡ አንዳንድ ሰዎች ራሳቸውን ስለማይቀበሉት ራሳቸውን ሆነው መኖር አይችሉም፡፡ ከዝቅተኛት ስሜት የተነሳ ራሱን መቀበል ባስቸገረው ሰው ላይ የሚታየው የመጀመሪያው ምልክት ራስን አለመሆን ነው፡፡ ስለሆነም፣ የማይቀበሉትን ማንነታቸውን ለውጠው ለመታየት ሲሞክሩ ራሳቸውን ያገኙታል፡፡

ራሳቸውን ያልተቀበሉ ሰዎች ይህንን የማይወዱትን ራሳቸውን ሆነው መታየት ስለማይፈልጉና ሌላ ማንነት ለመኖር ስለሚታገሉ የሚኖሩት ኑሮ የውሸት ኑሮ ነው፡፡ እንደሌላ ሰው አስበውና እንደሌላ ሰው ኖረው ጊዜያቸውን ስለሚያሳልፉ የራሳቸውን ነገር መገንባት አይችሉም፡፡ የዚህ አደገኛ ጉዞ አንዱ ተጽእኖ የዛሬን ሕይወት በደስታ ያለማጣጣም ሲሆን፣ ሁለተኛው ደግሞ ነገ የሚኖሩለት ራእያ ያለመኖሩ ጉዳይ ነው፡፡ የዛሬን ሕይወት ራሳቸውን ተቀብለው ከራሳቸው አንጻር ስለማይኖሩት ነገን ማየትና ለነገ ማቀድ አይችሉም፡፡ በውጤቱ ሁለቱንም የተሰረቀ ማንነትን ያተርፋሉ፡፡

የእኛ ምርጫና ተሳትፎ የሌለበትን ፈጣሪ የሰጠንን ማንነት ካለምን ቅድመ-ሁኔታ መቀበል ስንማርና በማንነታችን ስንደላደል ቀና ብለን በመረጋጋትና በድፍረት መኖር እንጀምራለን፡፡ ይህ አይነቱ ጤናማ ሕይወት ለዛሬም ሆነ ለወደፊቱ ሕይወታችን ይህ ነው የማይባል ጠቀሜታ አለው፡፡

ራስህን ለመሆን . . .

1. መለወጥ ወይም መሸፈን የሚቻለውን መለወጥና መሸፈን

ምንም እንኳን ማንነታችን ሙሉ ለሙሉ ተቀብሎ በመረጋጋት መኖር ከሁሉም በላይ ተመራጩና ትክክለኛው መንገድ ቢሆንም፣ በማንነታችን ላይ የማንቀበለውን ነገር ለመሸፈን ጤናማ መንገዶችን መሞከሩ ክፋት አይኖረውም፤ ከተሳካልን፡፡ ቁም ነገሩ ግን የምናደርገው ሙከራ ተሳካም አልተሳካ፣ ራሳችንን ወደ መቀበል መምጣታችንና ጤናማ የሕብረተሰቡ አካል ወደመሆን ማደጋችን ነው፡፡

2. መለወጥ ወይም ማሻሻል የማይቻለውን መቀበል

ከላይ እንደጠቀስነው ዘራችንን፣ መልካችንን፣ ቁመናችንን፣ አወላለዳችንና የመሳሰሉትን ከፈጣሪ የተቀበልናቸውንና አሁን የሆንነውን ማንነት ለመሸፋፈን የሚደረግ ሙከራ አስቸጋሪ እንደሆነ ግልጽ ነው፡፡ ስለዚህ ምርጫችን አንድ ነው፣ ራሳችንን ተቀብለን በተረጋጋ ሁኔታና በሰላም መኖር፡፡ ከዚህ ውጪ የሚደረግ ሩጫ በሕወታችን ልናተኩር ከሚገቡን ወሳኝ ነገሮች እንድንራራቅ ያደርገናል፡፡

3. ስለ ሁሉም ነገር አመስጋኝ መሆነ

እንደ እውነቱ ከሆነ እኛ እንደጎዶሎ የምንቆጥራቸው በተፈጥሮ ያገኘናቸው የማንነታችን ሁኔታዎች በሌሎች ጤናማ አመለካከት ባላቸው ሰዎች ምልከታ እንደዚያ አይቆጠሩም፡፡ ስለሆነም፣ ጎድሎብኛል ብለን የምናስባቸው ነገሮች ላይ ከማተኮርና ሁል ጊዜ በዝቅተኛነት ስሜት አቀርቅሮ ከመኖር በመውጣት መልካም መልካሙን በማሰብ ያንን መልካም ነገር የሰጠንን ፈጣሪንም ሆነ በሕይወታችን መልካም መዋጮ ያደረጉ ሰዎችን ማመስገን የተሻለው መንገድ ነው፡፡

የዝቅተኛነት ስሜት ምንጭ ከሆኑ ዋና ዋና ነገሮች መካከል ስኬታማ ያለመሆን ስሜት፣ ተቀባይነት አለማግኘት፣ የተበላሸ የመሰለን ያለፈ ታሪክ እና የወቅቱ ሁኔታችን እንደማይመጥን ማሰብ ናቸው፡፡
Cc Dr eyob mamo

07/11/2023

ለሂደቱ ኑሩ!
፨፨/////፨፨
አንድ አባባል ላጋራችሁ፦ "በምትጎነጯት አንድ ሲኒ ቡና ውስጥ ድስታን ማግኘት ካልቻላችሁ፣ በእርግጥም አቅዳችሁ በምትወጡት ሽርሽር ውስጥም ልታገኙት አትችሉም።" ከዚህም አንፃር ትልቁ ወሳኝ ነገር የሚገኘው በጥቃቅኖቹ ክስተቶች ውስጥ እንደሆነ እንረዳለን። ዋነኛው የደስታችሁ ምንጮ ምንም ቢሆን ዘላቂና ትርጉም ሰጪ ካልሆነ ደስታችሁ እንደ ሰማይ ጉም ወዲያው ተኖ የሚጠፋ ነው። አስር መዳረሻ ቢኖራችሁ አስሩም ስፍራ መድረስ ብትችሉ እንኳን ውስጣችሁን ልታረኩት አትችሉም። የሰው ልጅ ተፈጥሮው በጉዞው እንዲደሰት እንጂ በመዳረሻው ተደስቶ እንዲቆም የሚያደርገው አይደለም። የፍቅር ህይወታችሁን ተመልከቱ ፍቅር የጀመራችሁ ሰሞን ብቻ በመደሰት የሚቆም ጉዞ አይደለም፣ እያንዳንዱን ነገር ከፍቅር አጋራችሁ ጋር በምታሳልፉት ጊዜ ደስተኛ በመሆንና በበጎ መንገድ በመረዳት የማሳለፍ ሃላፊነት ትወስዳላችሁ።

አዎ! ለሂደቱ ኑሩ! ለሂደቱ እራሳችሁን ስጡ። የጀመራችሁትን ለመጨረስ አትቸኩሉ ይልቅ ከጅማሯችሁ ቦሃላ ያለውን እንያዳንዱን እንቅስቃሴ በፍቅር የማጣጣም ልማድን ፍጠሩ። በየቀኑ ለምታወጡት ወጪ፣ በየቀኑ ጊዜያችሁን ለምትሰጡት፣ ትኩረት ለምታደርጉበት ነገር ዋጋ ስጡ። ህይወት የቅፅበታት ጥርቅም እንጂ የአንድ ጉዞ መጨረሻ አይደለችም። የትኛውም መዳረሻችሁ የየእራሱ ቀዳሚ እርምጃ አለው፣ ከየትኛውም ፍፃሜ በፊት ጅሜሬ አለ ቀጥሎም ሂደት አለ። በህይወት ዘመናችሁ ሙሉ አንድን ነገር እየጠበቃችሁ በእርሱ ለማረፍ፣ በእርሱ ለመደሰት፣ በእርሱም ሰላማችሁን ለማግኘት የምትጠባበቁ ከሆነ ጥበቃችሁ ከንቱ እንደሆነ ተረዱ። በሂደቱ ዋጋችሁን ጨምሩ፣ በምትወጡት ደረጃ እራሳችሁን አጠንክሩ።

አዎ! ጀግናዬ..! ህይወትህን በመዳረሻህ ውስጥ አትፈልገው፤ እውነተኛውን ደስታህን የሆነ ጊዜ በምታገኘው ገንዘብ፣ የሆነ ጊዜ በምታፈራው ንብረት ውስጥ እንደምታገኘው እርግጠኛ አትሁን። የሁሉም ሰው የህይወት ዘመን ትልቁ ስኬት ደስተኛ ህይወት መኖር መቻል ነው። ያሰብክበት ለመድረስ በምታደርገው ጥረት ምንያክል ደስተኛ እንደሆንክ መርምር፣ አንዱን በመተው ሌላውን በማጥበቅ የምርም ህይወትህ ስለመቀየሩ አጥና። ሂደቱን ስትወደው ውድቀትህ አይሰብርህም፣ በጉዞህ ስትማረክ በማጣትህ አትጨነቅም፣ በሚገጥምህ ችግርም ተስፋህን አታጣም። ዋናው ጉዳይህ መዳረሻህ ሳይሆን ከመዳረሻህ የሚቀድመው ጉዞህ እንደሆነ በጉልህ ተረዳ። 🌘🌒💫✨