የማንቡክ ልጆች ፍቅር ye manbuk lijjoche love

ለማንቡክ ልጆች ብቻ… …… ረመዷን በጣም የምንወደዉ የዕዝነትና የራህመት ወር ነዉና በዚሁ የፌስ ቡክ ገፃችን የቻልነዉን ያክል ሳናምጰለቋቁሰዉ በፍጹም ማለፍ የለበትም! ረመዷን ሲነሳ በጣም ብዙ ትዝታዎቻችን ትዉስ የሚሉን ብዙ ሰዎች እንኖራለን፡፡ እኔ አሁን በአጭሩ የማወጋችዉ ተወልጀ ባደኩባት ማንቡክ ከተማ ላይ ከብዙ ጓደኞቸ ጋር ያሳለፍኩትን ትዝታ ነዉ፡፡ …… ማንቡክ…የትም ሀገር ብትሄዱ (እደግመዋለሁ የትም ሀገር ብትሄዱ) እንደ ማንቡክ ቶፊቅ መስጅድ በረመዷን ወቅት የሚደምቅና አጅር የሚታፈስበት መስጊድ ያለ አይመስለኝም፡፡ እድሜ ለታላቁ ሸህ ኡመር (አሁን በሕይወት የሉም)…እድሜ ለነ አብዱል ካፌ…እድሜ ለነ ሸህ እንድሪስ ሀሰ

ን…እድሜ ለነ ሀጅ ይሳ ሀሰን…እድሜ ለነ ሀጅ አስናቀ አህመድ…እድሜ ለአይነ በሲሩ ኡመር (ስለ ማንቡኩ ታላቅ ሙዓዚን…ኡመር በሰፊዉ እመለስበታለሁ) እነዚህ ከላይ ስማቸዉን የጠቃቀስኳቸዉ እና ሌሎች ከጊዜዉ መርዘም ጋር በተያያዘ ስማቸዉን የረሳኋቸዉ ሰዎች በአጠቃላይ እስልምና ማንቡክ ላይ እግሩን እንዲተክል ትልቅ አስተዋጽኦ ያደረጉና ታላቅ ዉለታ የዋሉ አባቶች ናቸዉ፡፡ …… የደርግ መንግስት በ1983 እንደወደቀ ወዲያዉ ከማንቡክ በአምስት ኪሎ ሜትር ገደማ ርቃ በምትገኘዉ ‹‹ አንድ ቁጥር ሰፈር ›› የእርዳታና የሌሎች እቃዎች ማከማቻ የሆኑት ሰፋፊ የቆርቆሮ መጋዚኖች በህዝቡ እተገነጠሉና እየፈረሱ…ቆርቆሯቸዉ ለቤቴክርስቲያንና ለመስጊድ በእኩል ተከፍሎ ከተሰጠና ከተሰራ በኋላ እስከ አሁን አዲስ እንደመሰለ የሚገኘዉ ይህ መስጅድ…አሁንም ረመዷንን በደማቅ ሁኔታ እያሳለፈ ይገኛል፡፡ በነገራችን ላይ የማንቡክ ቤቴክርስቲያን አሁን ላይ እንደ አዲስ ፈርሶ ተሰርቷል፡፡ ይህ ቤቴክርስቲያን ድሮ ከፈረሰዉ አንድ ቁጥር ሰፈር አካባቢ ሆነዉ ሲመለከቱት አዲስ አበባ ላይ ያለዉን የቦሌ መድሀኒያለም ቤቴክርስቲያንን ያስንቃል ቢባል አልተጋነነም…ምርቃቱ ሙስሊሙን ማህበረሰብ ያካተተ በጣም ደማቅና ያማረ ነበር፡፡ ልክ እንደ ቤቴክርስትያኗ ሁሉ የማንቡኩ መስጂደል ቶፊቅ በቅርቡ እንደ አዲስ ተሰርቶ በሀገራችን ከሚገኙ ታላላቅ መስጅዶች አንዱ እንደሚሆን አልጠራጠርም…በዉስጡ ታላላቅ ሙዕሚኖች አሉበትና፡፡ …… አይ..የኔ ነገር ስለማንቡክ ትዝታ ላዉጋችሁ ብየ ወደ ዝርዝር ጉዳዩች እየገባሁ አደከምኳችሁ መሰለኝ!! የሆነ ሆኖ ግን መስጂደል ቶፊቅ በዉስጡ አብዱል ካፊን ጨምሮ በርካታ ሀፊዘል ቁርዓኖች አሉበት…በቃ በአጭሩ ካዕባ በሉት!! አዲስ አበባ ዉስጥ እግራችሁ እስኪቀጥን ብትጓዙ ሌላዉ ቢቀር በረመዷን ወር እንኳን በሀፊዘል ቁርዓን የሚያሰግድ መስጊድ ማየት ይናፍቃችኋል፡፡ (እኔ ካየኋቸዉ ባልሳሳት ከአንዋር መስጂድና ከአንድ ሩፋኢል አካባቢ ከሚገኝ መስጅድ በቀር ሌሎች መስጅዶች የኛን ሰፈር የሽሮሜዳዉን ጨምሮ መስጅድ እንጂ አስጋጅና ጥሩ ዳዕዋ አድራጊ የላቸዉም በዚህ ንግግሬ የምትቀየሙ ካላችሁ በጣም ይቅርታ….‹‹ መስጂዶች ይበዛሉ…ዉስጣቸዉ ግን ባዶ ነዉ ›› እንዲል..!! ….. እናላቸሁ ያኔ ማንቡክ ላይ ረመዷን ሲገባ…ብዙ ጊዜ መስጊድ ሂዱ ስንባል ሸዉደን ስንጫወት የምንዉለዉ እኔና ጓደኞቸ እንደ ወፍ ልጅ ስብስብ ብለን መስጅዱን እናጨናንቀዋለን…አብዛኛዉ ሰው ረመዷን ሲደርስ ብቻ መስጂዱን ከአፉ እስከገደፉ ስለሚሞላዉ የኛ የፈልፈላዎቹ በዚህ ቀን ጥሩ ኢማነኛ መስሎ አወል ሰልፍ መገኘት ብዙም አያስደንቅም፡፡ ከሸህ እንድሪስ ዳዕዋ የማይረሳኝ አንድ ቀን እንዲህ ያሉት ነዉ…‹‹ ረመዷን ሲገባ ሁሉም ሙስሊም ወደ መስጂድ ይመጣል ምክኒያቱም ሰይጣን ስለሚታሰር…ነገር ግን በአንፃሩ ደግሞ መስጂድ የማይመጡና እየፆሙ የማይሰግዱ ሰዎች አሉ…እነዚህ ሰዎች