Lommi Multimedia

30/01/2025

14.2K followers, 3755 likes, 16 comments

30/01/2025

483.4K followers, 23.5K likes, 1009 comments

06/12/2024

ዝኾነ ዓይነት ሹመትን ሰልፍን ንከይካየድ 7 ሲቪልን ቢዝነስን ማሕበራት ኣተሓሳሲበን።

ሎሚ ቴሌቪዥን (27 ሕዳር 2017)

ኣብ ሞንጎ መሪሕነት ህወሓት ዝተፈጠረ ኣፈላላይ ርግዓትን ስምረትን ህዝብና እንዳሓመሰን
ምሕደራ ትግራይ እንዳጎዘየን እነሆ ልዕሊ ዓመት ኣቑፂሩ። እዚ ጨና ሓልዮ ህዝቢ ዘይብሉ
ናይ መንሰዓረ ትርጉም ኣልቦ ግጥም ሉኣላዊ መሬትና ከይምለስ፣ ህዝብና ካብ ስደትን
ምዝንባልን ናብ ዓዱ ተመሊሱ እግሪ ከይተክል፣ ሰላምን ደሕንነትን ህዝቢ ኣብ ሓደጋ
ክወድቕን ብሓፈሻ ውዕሊ ፕሪቶርያ ከይፍፀምን ቀንዲ ምኽንያት ኾይኑ ኣሎ። ቀንዲ ዋኒን
መሪሕነት ትግራይ ብውዕል ዝተኣሰረ ረብሓ ትግራይ ኣብ ምፍፃም ከይኾነስ ብኺሳራ
ድልየትን ባህግን ህዝቢ እንተኾነውን ስልጣን ንምድልዳል ዘራይ ኣብ ምእካብን ምጥንካርን
ኾይኑ ኣሎ። እዚ ውድቀት መሪሕነት ትግራይ ካብ ዝኾነ ግዜ ብላዕሊ ኣብ ናይ ህልውና ሓደጋ
ክትኣቲ ገይርዋ ኣሎ።
ኣብዝሓለፈ ሓደ ዓመት እዚ ሓደገኛን ዕሙትን ፖለቲካዊ ንሕንሕ ብሰላም ንምፍታሕ
መራሕቲ ሃይማኖት፣ መራሕቲ ሲቪክን ቢዝነስን ትካላትን ትግራይ ዝገበርዎ ዘይተሓለለ ፃዕሪ
ክብርዕን ተገይሩ እዩ። እቲ ውጥጥ ብዘተ ንምፍታሕ ኣብ ቕድሚ መራሕቲ ሃይማኖት
ዝኣተይዎ ቃል ጥሒሶም፣ ብዓበይቲ ዓዲ ዝቐረብሎም ናይ ሰላም ሓሳብ ኣሻሊሎምን ክብርን
ባህልን ትግራይ ኣናኢሶምን ናይ ህልኽን ኣነነትን ፖለቲኮኦም ቐፂሎምሉ ኣለው። ኣብ
ትግራይ ንዝተፈጠረ ፖለቲካዊ ዘይምርድዳእ ኣብ ትግራይን ብተጋሩን ንምፍታሕ
ዝቐረብሎም ምሕፅኖት ረጊፆም ኽብሪ ህዝቢ ትግራይ ብዘዋርድን መኸተ ህዝቢ ትግራይን
ብዘራኽስ ኣገባብ ነውራም ፖለቲካ እንትሰርሑ ብሓዘን ንዕዘብ ኣለና። እቲ ሓደ ነቲ ሓደ
መሊኡ ንምስዓር በብእዋኑ እንዳኸፍአን እንዳሓመቐን ዝኸይድ መርዚ ኣብ ህዝቢ ብምዝራእ
ትግራይ ተመሊሳ ናብ ዘይትለዓለሉ መሓሙቕ የእትይዋ ኣለው።
ንሕና መራሕቲ ሃይማኖትን መራሕቲ ሲቪክን ቢዝነስ ኔትዎርክ ትግራይ ተፈጢሩ ዘሎ
ፖለቲካዊ ቅልውላው ልዕሊ ሰላም፣ ድሕንነትን ረብሓ ትግራይ ክብሮምን ረብሐኦምን
ብዘቀድሙ መራሕቲ ይፍታሕ እዩ ዝብል እምነት የብልናን። በዚ መሰረት እዚ ቑንጣር
ህዝባዊ ምኽንያት ዘይበሉ ፖለቲካዊ ቅልውላው ኣብ ምፍታሕን መፃኢ ዕድል ትግራይ ኣብ
ምስማርን ግቡእና ብንጥፈት ክንሰርሕ ምውሳንና እንዳገለፅና ዝስዕብ ውሳነ ምሕላፍና
ነፍልጥ።
1) ፖለቲካ መራሕቲ እቲ ፖለቲካዊ ቕልውላው ክሳብ ዝፍታሕን ብምርድዳእ ዝተመስረተ
ምምሕዳራዊ ምትዕርራይ ክሳብ ዝግበር ምሻምን ምውራድን ጠጠው ክብልን ካብ
ኣዳራሽ ወፃእ ዝካየድ ሰልፊ ከይግበርን እንዳፀዋዕና ንፖለቲካ ፍታሕ ዝሕግዝ ናይ
ምርግጋዕ መንፈስ ክፈጥሩ ነተሓሳስብ።
2) ኣብዝሓፀረ እዋን ንፖለቲካን ንወታደራዊን መራሕቲ ብምርካብ፣ ዝተፈላለዩ ኣብ
ውሽጢ ሃገርን ዲያስፖራን ዝርከቡ ተጋሩን ብምዝርራብ ነቲ ተፈጢሩ ዘሎ ፖለቲካዊ
ቕልውላው ንምፍታሕ ዝሕግዝን ረብሓ ህዝቢ ትግራይ መሰረት ዝገበረን መፍትሕ
ከምነቕርብ እንዳገለፅና እዚ ዝቐርብ ናይ መፍትሕ ሓሳብ ተቐባልነት ረኺቡ
ተግባራዊ ንክኾን ኣብ ኢድና ዘሎ ኩሉ ሰላማዊን ሕጋዊን ስጉምቲ ክንወስድ ወሲንና
ኣለና።
3) ህዝቢ ትግራይ ኽብሩን መሰሉን ንምኽባር ደማዊ ኩናት ኣሕሊፉ እዩ። ንሸውሃት
ስልጣን ውልቀሰባት ተባሂሉ ትፈስስ ፀረር ትብል ደም ኣይትህሉን። ስለዝኾነ
ፖለቲካዊ ድልየት ብሓይሊን ብዓመፅን ንምርካብ ዝግበር ዝኾነ ፃዕሪ እንዳኾነና ሕግን
ሰላምን መሰረት ዝገበረ ስርዓት ፖለቲካ ክዕንብብ ግቡእና ከምንፍፅም ነፍልጥ።
4) ህዝቢ ትግራይ ነዊሕ ናይ ዓርሰ ምሕደራ ታሪክ ዘለዎን ወድዓዊ ፖለቲካዊ ፀገማቱ
ባዕሉ ክፈትሕ ዘኽእል ታሪክ፣ ስርዓትን ዓቕሚን ዘለዎ ህዝቢ እዩ። ስለዝኾነ ኣብ
ፖለቲካ ትግራይ ዝግበር ዝኾነ ይኹን ናይ ደገ ኢድ ኣታውነት ፀገምና የጋድድ
እምበር ንመፍትሕ ከምዘይሕግዝ እንዳፍለጥና ናይ ዝኾነ ይኹን ደገ ሓይሊ ኢድ
ኣእታውነት ንኹንን፣
5) ፖለቲካ መራሕቲ፣ ኣብ ደገን ኣብ ውሽጢ ሃገርን ዝትርከቡ ስሩዓትን ዘይስሩዓትን
ሚድያታት፣ ፖለቲካ ቕልውላው ትግራይ ብበለካ ለኽዐካ ፕሮፖጋንዳ ዘይፍታሕን እኳ
ደኣስ ዝጋደድን ሙኻኑ ኣሚንኩም ንመፍትሕ ዝሕግዝ ሚዛናውን ሓቃውን መረዳእታ
ክተሕልፉ ንመክር።
6) ህዝቢ ትግራይ ብሰንኪ ምስሕሓብ መራሕትኻ ዝበፅሐካ ሻቅሎትን ቁጥዐን ዝንርዳእ
ምዃንና እንዳገለፅና በብእዋኑ ብጥንቃቐን ብምኽክርን እንወስዶ ውሳነ ብዝተለመደ
ትዕግስትኻ ክትፅበ ፃውዒት ንገብር።
7) ሰራዊት ትግራይ ብምኽንያት ፀገም ፖለቲካ መሪሕነት ዝፍጠር ዘሎ ዘይምርግጋዕ
ፈጢሩልኻ ዘሎ ተወሳኺ ፃውራ ዝንርዳእ ምዃንና እንዳገለፅና ሐዚ’ውን ናይ ህዝቢ
ሰላምን ደሕንነትን ብዘይሻራዊነትን ብሓላፊነት መንፈስን ክትፍፅም ፃውዒት ንገብር።
8) ኣብ ዓድን ኣብ ወፃእን ዝትርከብ ህዝብና፣ መራሕቲ ሰራዊት ትግራይ፣ ሚድያታት
ትግራይን ፈተውቲ ህዝቢ ትግራይን እዚ ውሳነ ተግባራዊ ኣብ ምግባር ተራኹም
ክትፃወቱ ፃውዒት እንዳገበርና ኣብ ዙርያ ኣፈፃፅማ ውሳነታትና ንህዝብና በብእዋኑ
መረዳእታ ከምዝነቕርብ ብኽብሪ ንገልፅ።
ንሰላምን ደሕንነትን ትግራይ ተራና ንፃወት!

20/11/2024

https://youtu.be/6clOtQm2_rc?si=gDw7D3RGjnCdTuIB

Welcome to Lommi Television! Lommi News Today Lommi TV, We bring you the latest news, inspiring stories, and in-depth dis...

19/11/2024

ሎሚ ቴሌቪዥን (10 ሕዳር 2017)
ሰሞኑን በሰማሊላንድ በተካሄደው ምርጫ አብዲራህማን ሞሃመድ አብዲላሂ አሸናፊ መሆናቸው ተዘገበ:: የዋነኛው ተቃዋሚ ፓርቲ ዋዳኒ ፓርቲ በመወከል የተወዳደሩት አብዱራህማን ሞሃምድ ፕ/ት ሙሴ ብሂን በማሸነፍ ተመርጧል::

16/11/2024

https://youtu.be/UaHIN9hS7QQ

Welcome to Lommi Television! Lommi News Today Lommi TV, We bring you the latest news, inspiring stories, and in-depth dis...

16/11/2024

https://youtu.be/9cHz0C-RuCc

Welcome to Lommi Television! Lommi News Today Lommi TV, We bring you the latest news, inspiring stories, and in-depth dis...

16/11/2024

https://youtu.be/x07ZxCUdU1o

Welcome to Lommi Television! Lommi News Today Lommi TV, We bring you the latest news, inspiring stories, and in-depth dis...

16/11/2024

https://youtu.be/fdgLMFiYcMQ

Welcome to Lommi Television! Lommi News Today Lommi TV, We bring you the latest news, inspiring stories, and in-depth dis...

15/11/2024

ሓፀርቲ ዜናታት ፣ ሎሚ ቴሌቪዥን (06 ሕዳር 2017)
1. ኣብ መወዳእታ ወርሒ ጥቅምቲ ሳይበር መጥቃዕቲ ካብ ዝተፈጸመለን ሃገራት ኢትዮጵያ ቀዳመይቲ ምዃና ተገሊጹ። ኣብ ዝሓለፈ ወርሒ ጥቅምቲ ብዙሓት ሃገራት ኣፍሪቃ ብምጥቃዕቲ ሳይበር ከምዝተሃስያ ይኹን ኣእመበር ክንዲ ኢትዮጵያ ከምዘይኮነ ሓበሬታታተ የመልክቱ።
2.ብሚኒስቴር መዓድን ናብ ውጻኣኢ ሃገር ንፈተነ ዝለኣኹ ማዕድናት ናብ ሃገር ከምዘይምለሱ ባይቶ ወከልቲ ህዝቢ ኣፍሊጡ። ቀዋሚ ኮሚቴ ጉዳያት ወፃኢታት መንግስቲ፣ ምሕደራን ቁፅፅርን ባይቶ ወከልቲ ህዝቢ ኣብ ዝሃቦ ፀብፃብ ስርሒታዊ ኦዲት ሚኒስቴር መዓድን ንፈተነ ናብ ወፃኢ ዝተላእከ ማዕድናት ናብ ሃገር ከምዘይተመልሰ ኣረጋጊፁ።
3.ሶማሊላንድ 4ይ ፕረዚዳንታዊ መረጻ ኣካይዳ። ልዕሊ ሓደ ሚልዮን ህዝቢ ኣብ 2000 ናቑጣታት መረፃ ድምጾም ከምዝሃበን ቆጸራ ድምጺ ምቑጻር ከምዝተጀመረን ተሓቢሩ ኣሎ:: ኣዛዚ ሓየሊ ሶማሊላንድ ጀነራል መሓመድ ኣዳን ሳቃድሂ፡ "እቲ መረጻ ዲሞክራስያውን ሰላማውን እዩ ነይሩ፤ "ሓንቲ ፀገም እውን ኣይተርኣየን" ክብሉ ገሊጾም።
4.ውድብ ሕቡራት መንግስታት ናብ ተጻባኣእቲ ሓይልታት ሱዳን ዝቐርብ ኣጽዋር ጠጠው ንኽብል ጽዊዑ። ውድብ ሕቡራት መንግስታት፡ ሕዚ ዝግበር ዘሎ ግዳማዊ ደገፍ ንሰላማውያን ሰባት "ንምሕራድ የኽእል'ዩ" ክብል ብምግላጽ፡ ናብቶም ኣብ ውግእ ዝሳተፉ ዘለው ሓይልታት ሱዳን ዝበጽሕ ቀረብ ኣጽዋር ብቕልጡፍ ደው ንክብል ጸዊዑ።
5.ፕረዚደንት ኣሜሪካ ጆ ባይደን ኣብ ዋይት ሃውስ ሓዱሽ ንዝተመርጹ ዶናልድ ትራምፕ ኣዘራሪቦም። ንነዊሕ እዋን ተናሓናሕቲ ዝኾኑ ፕረዚደንት ጆ ባይደንን ዶናልድ ትራምፕን ኣብ ዋይት ሃውስ ኣብ ዝጸንሓሉ እዋን ኣብ ዝተፈላለዩ ጉዳያት ን2 ሰዓታት ዘተ ከምዝገበሩ ተሓቢሩ።
🔍🔍🔍🔍🔍▬▬ Share ▬▬🔎🔎🔎🔎🔎
ንተወሳኺ ፍልጠትን ሓበሬታን ቡዞም ዝስዕቡ መራኸቢ ማሕበራዊ ሓበሬታት ብዞም ሊንክታት ተኸተሉና
For more information, follow us on our website and connect with us on our social media platforms. Stay updated by clicking on the following links:
👇👇👇👇👇👇👇👇👇👇👇👇??
YouTube:
📘 Facebook: https://www.facebook.com/profile.php?id=61561817575738
📷 Instagram: https://www.instagram.com/lommitv?igsh=MTZ5cHh6NTNqajYwZg==
💠💠LinkedIn: https://www.linkedin.com/company/lommi-multimedia/
💠💠Telegram: https://t.me/LommiTelevision
💠💠Tiktok: www.tiktok.com/
🌐Telegram:https://t.me/lommimultimedia
🌐 Website: https://lommitv.com/
🌐 Website: https://lommitv.et/
🌐 Website: https://lommimultimedia.com/
🌐 Website: https://lommimultimedia.et/
🌐email: [email protected]
🌐email: [email protected]
Thank you for being part of the Lommi Television community!
We look forward to staying connected with you
┈┈┈┈••●◉❖◉●••┈ ┈┈┈┈
ሼር ንግበር

Welcome to Lommi Television! Lommi News Today Lommi TV, We bring you the latest news, inspiring stories, and in-depth dis...

11/11/2024

ማይፀብሪ ዘስራሕ ዘሎ ሽርሒ
ሎሚ ኣብ መርካቶ ዘጋጠመ
ሶማሊያ ንኢትዮጵያ ኣጠንቃቓ

Welcome to Lommi Television! Lommi News Today Lommi TV, We bring you the latest news, inspiring stories, and in-depth dis...

10/11/2024

ሓበራዊ መግለፂ ናይ ሸውዓተ ሲቪክን ቢዝነስን ማሕበራት ኔትወርክ
መእተዊ
ኣብ ትግራይ ኣጋጢሙ ዘሎ ቅልውላው ኲናትን ሳዕቤናቱን ንምቅላል ብፍላይ ድማ ፖለቲካዊ ቅልውላው ትግራይ ንምፍታሕ ዝተፈላለዩ ፃዕርታት ይግበሩ ከመዘለዉ ይፍለጥ። ናይዚ ኣካል ዝኾነ ኣብ ትግራይ ዘለዋ ሸውዓት ሲቪክን ቢዝነስን ማሕበራትን ጥምረታትን ዝሓዘ ኔትወርክ’ውን ኣብ ትግራይ ዘሎ ኩለመዳያዊ ቅልውላው ብፍላይ ድማ ሐዚ ዝረኣይ ዘሎ ናይ ፖለቲካ ቅልውላው ንምፍታሕ ንህወሓት ፣ ኣካላት ጊዚያዊ ምምሕዳር ትግራይ፣ ተነሓናሕቲ ውድባት ትግራይ፣ ኣካላት ሚዲያ፣ ትካላት ሲቪል ማሕበረሰብ እናመያየጠ ፀኒሑ እዩ።
ከምመቐፀልታ ናይዚ ምንቅስቓስ እዚ ጥምረት ውዕሊ ምቁራፅ ተፃብኦ ፕሪቶሪያ (ውዕሊ ፕሪቶሪያ) ንትግራይን ህዝቢ ትግራይን ዘለዎ ፍሉይ ትርጉም ኣብ ግምት ብምእታው "ዋዕላ ትግራይ ኣብ ዙርያ ፀጋታትን ፈተናታትን ውዕል ፕሪቶርያ-ቐፃሊ ኣንፈትናን" ብዝብል ቴማ ካብ ጥቅምቲ 30-ሕዳር 1/ 2017 ዓ/ም ናይ ኽልተ መዓልቲ ዋዕላ ኣካይድና ኣለና። ኣብዚ ካብ ኹሉ ኽፋል ሕበረተሰብ ዝተወከሉ ተሳተፍቲ ዝተረኸብሉ ዋዕላ ኣብ ዙርያ ፈተናን ዕድላትን ኣፈፃፅማ ውዕል ፕሪቶርያ፣ ፖለቲካዊ ስግግር ትግራይን ግደ ሲቪክን ቢዝነስን ማሕበራትን ዝምልከቱ ፅሑፋት ኣብቲ ዓውዲ ሰፊሕ ተሞክሮ ብዘለዎም ሰብ ሞያ ቐሪቦም ተመኻኺርናሎም ኢና። ብመሰረት እቲ ዝገበርናዮ ምይይጥ ድማ ኣብ መወዳእታ እዚ ኽልተ መዓልቲ ዝወሰደ ዋዕላ ሲቪክን ቢዝነስን ማሕበራትን ጥምረታትን ትግራይ ኣብ ዝተረዳዳእናሎም ጉዳያት ዝስዕብ ናይ ሓባር ቕዋም መግለፂ ኣውፂእና ኣለና።
1. ኣብ ዘለናዮ መዋእል ናይ ትግራይ ሰላም፣ ምሕደራ፣ ልምዓትን ዕድልን ብዋናነት ኣብ ውዕሊ ፕሪቶርያ ዝተመስረተ ከምዝኾነ ንኣምን። ይኹን እምበር እቲ ዉዕሊ ካብ ዝፍረም ክልተ ዓመት እንተኾኖ’ውነ ንህዝብና ግልፂ ብዘይኮኑ ምኽንያታት መሰረታዊ ዓንድታቱ ክሳብ ሐዚ ኣይተተግበሩን። ብወገና ውዕሊ ፕሪቶሪያ ኣብዚ ሐዚ እዋን ካብ መሰረታዊ ረብሓታት ትግራይ ሓደን ወሳንን እዩ ኢልና ንኣምን። ከም ወኪላት ህዝቢ ድማ ከይዲ ኣፈፃፅማ እዚ ውዕሊ ኮነ ካልኦት ወሰንቲ ጉዳያት ፖለቲካዊ ምሕደራ ትግራይ ንፖለቲካ መራሕቲ ጥራሕ ዝግደፍ ዘይኮነስ ንኹልና በቢብፅሒትና ዝምልከተና ጉዳይ እዩ። በዚ መሰረት ድማ ጉዳይ ኣፈፃፅማ ውዕል ፕሪቶሪያን ፖለቲካዊ ምሕደራን ትግራይ ንፖለቲከኛታት እንገድፎ ስለዘይኮነ ኣፈፀፅማኡ ዝከታተልን ደገፍ ዝህብን ካብ ኩሉ ማሕበረሰብ ዝተውፃፀአ ካውንስል ክጣይሽ ፃዊዒት እናቕረብና እዚ ካውንስል ናይ ኣፈፃፅማ ጊዜ ንክቕመጥ ዝመክር፣ እቲ ውዕሊ ብሙሉእነት ንክፍፀም ድፍኢት ዝገብር፣ ከይተፈፀሙ ዝተርፉ ጉዳያት ብዝምልከት ምኽንያቶም ዘፅንዕን ንህዝቢ ዕላዊ ዝገብርን ተሓታትነት ንክረጋግፅ ዝሰርሕን ክኸውን ንጠልብ ነቕርብ።
2. ውዕሊ ፕሪቶርያ ካብ ዝፍረም ክልተ ዓመት እንተኾነ’ውን ህዝብና ኣብ ስደትን ኣብ ናይ ተመዛበልቲ መዓስከራትን ይሳቐይ ኣሎ። ክሳብ ሐዚ ህዝብና ናብ መረበቱ ክምለስ ዝቐረቡ ፃውዒትታትን ምሕፅንታታትን ድማ ሰማዒ ምስኣኖም ዝፈጠረልና ሓዘንን ቑጠዐን እንዳገለፅና ኣብዚ መዳይ ተወዓዓልቲ ውዕሊ ፕሪቶሪያ፣ እዚ ውዕል ንኽፍፀም ዘተሓባበሩ ወገናት፣ ዓለምለኸ ተዓዘብቲ (Observers) ከምኡ’ውን ካልኦት ኩሎም ሃገራውን ዓለኻውን መዳርግቲ ኣካላት ፀገም ህዝብና ኣብ ግምት ዘእተወ፣ ስሉጥ፣ ንፁር ናይ ጌዘ ሰሌዳ ዝተቐመጠሉን ናይ ህዝብና ድሕንነትን ክብርን ብዝሓለወ ኣገባብን ህዝብና ናብ መረበቱ ክምለስ ክሰርሑ ከምኡ’ውን ናይ ፀጥታ ሓይልታት ኣብ ዘይብሎም ወሰናት ትግራይ (buffer zones) ዘሎ ህዝብና ውሕስነት ፀጥታ ዝረኽበሉ ኩነታት ክመዓራረ ፃዊዒት ነቕርብ።
3. ሕላገት ሕሉፍን ናይ ሐዚን ቃልስታት ህዝቢ ትግራይ መሰል ዓርሰ ውሳነን ዓርሰምሕደራን ምርግጋፅ፣ ተመዛበልቲ ናብ መረበቶም ዝምለሱሉን ግዝኣታዊ ሓድነቱ ምውሓስን፣ ክብሩን መንነቱን ምሕላው ምዃኑ ንኣምን። ይኹን’ምበር ፕሪቶርያ ካብ ዝፍረም ድሕሪ ኽልተ ዓመት’ውን እንተኾነ እዚ ናይ ህዝቢ ቁልፊ ሕቶ ዝኾነ ጉዳይ ዓርሰ ምሕደራን ግዝኣታዊ ሓድነትን ክሳብ ሐዚ መልሲ ኣይረኸበን። ስለዝኾነ ድማ ኣካል ግዝኣታዊ ሓድነት ዝኾነ መሬት ትግራይ ናብ ሕገመንግስታዊ ግዝኣት ትግራይ ክምለስን ብህዝቢ ዝተመረፀ መንግስቲ ዝትከለሉ ናይ ጊዜ ሰለዳ ክወፅእን እናፀዋዕና እዚ ንምግባር ኩሉ ዓይነት ሰላማዊ ቃልሲ ከምንገብር ነረጋግፅ።
4. ህዝብና ዓበይቲ ዓለምለኸ ገበናት ከምዝተፈፀሙዎን ሐዚ’ውን ገና ዘይዛረ እናተፈፀሞ ዘሎ ምዃኑን ይፍለጥ። እቲ ብውዕሊ ፕሪቶሪያ ተረኺቡ ዘሎ ኣንፃራዊ ሰላም ዘላቂ ክኸውን ኣብ ፍትሕን ተሓታትነትን ዝተመስረተ ዘላቒ ሰላም ክረጋግፅ ከምዘለዎ ዘለና እምነት እንዳገለፅና ኣብ ትግራይ ኣብ ዝተፈፀሙ ገበናት ዝተዋስኡ ኩሎም ኣካላት ብነፃን ዓለምለኸ ደርጃ ዘማልአን ናይ ፍትሒን ተሓታትነትን መስርሕ ተሓተቲ ክኾኑ ንፅውዕ።
5. ኣብ መንጎ መራሕቲ ህወሓት ዘሎ ምክፍፋልን ምስሕሓብን ውዕሊ ፕሪቶሪያ ብኣግባቡ ከይፍፀም ዝገብር፣ ውሽጣዊ ሓድነት ህዝብና ዘላሕልሕ፣ መንግስታዊ መሓውራት ብኣግባቡ ከይሰርሑ ዝገብር፣ ዓቕምታት ትግራይ ዝብትን ስለዝኾነን እዚ ንምፍታሕ ጥምረትና ዝተፈላለየ ፃዕሪ ክገብር ፀኒሑ እዩ። ሐዚ’ውን ምስ ዝምልከቶም ኻልኦት ኣካላት ብምውዳድ ፃዕርና ክንቅጽለሉ ኢና። እዚ መሰረት ብምግባር ፖለቲካዊ መራሕቲ ትግራይ ብፍላይ ኣመራርሓ ውድብ ህወሓት ካብ ዝሓለፈ ድኽመቶምን ውድቀቶምን ከይተምሃሩ ብህልኽን ብኣነነት መንፈስን ናብ ኻሊእ ቕልውላው ዝወስድ ስሑት መንገዲ እንተጓዓዙ ዘለዉ ብምዃኖም፦
5.1. ኣብ ውሽጢ ህወሓት ተፈጢሩ ዘሎ ቅልውላው በቲ ናይቲ ውድብ መስርሕን ኣብቲ ክሊ ውድብን ክፍታሕ እንዳፀዋዕና መንግስታዊ መሓውር ንፖለቲካ ዕላማ ምውዓል ኣብ ምሕደራ ዝፈጥሮ ዘሎ ኣሉታዊ ፅልዋ ኣብ ዘሰክፍ ደረጃ በፂሑ ስለዘሎ ፖለቲካዊ ምሕደራ ትግራይ ውድባውን መንግስታውን ስራሕቲ ብዝፈሊ ኣገባብ ጥራሕ ክስርሑ ንፅውዕ።
5.2. ፖለቲካዊ መሪሕነት ትግራይ ኣብ ትግራይ ተፈጢሩ ዘሎ ፖለቲካዊ ቕልውላው ሓቛፋይ ብዝኾነን ኩሉ ብዘሳትፍን ዘተ ንክፈትሑዎ እናፀዋዕና እዚ ንምግባር ቕሩባት ተዘይኮይኖም በብምዕራፉ ዝተፈላለየ መልክዕ ዘለዎ ሰላማዊ ቓልሲ ከምንገብር ነፍልጥ።
6. ኣብ ወፃእ ኮነ ኣብ ዓዲ ዝርከቡ ሓደ ሓደ ሚድያታት ዝዝርግሕዎ ግጉይ ሓበሬታን መረዳእታን ንከይዲ ስምምዕነትን ኣፈፃፅማን ውዕሊ ፕሪቶሪያ ናብ ሓደጋ ብዘእቱ መልክዑ፣ ነቲ ኣብ ትግራይ ተፈጢሩ ዘሎ ፖለቲካዊ ፀገም ዘጋድድን ሓድነት ህዝብና ዝሽርሽርን ስለዝኾነ ኩሎም ናይ ሚዲያ ኣካላት ስነ ምግባር ጋዜጠኝነት ሓልዮም ጭቡጥን ሚዛናዊን ሓበሬታት ከመሓላልፉ፣ ካብ ረብሓ ህዝብን ዓዲን ዝጎድኡ ኣካይዳታት ክቑጠቡን ብዓቢይ ህዝባዊ ሓላፍነት መንፈስ
ክሰርሑን ፃዊዒትና ነቕርብ።
7. ድሕንነትን ሰላምን ህዝቢ ትግራይ ልዕሊ ሸውሃትን ባህግን ፖለቲከኛታትን ውድባትን ትግራይ ከምዝኾነ ኣብ ግምት ብምእታው ፖለቲካ ውድባት፣ ሲቪክን ቢዝነስን ማሕበራት፣ ሚድያታት፣ ሓይልታት ፀጥታ ትግራይ ብሓባር ተመኻኺሮምን ውዕሊ ፕሪቶሪያ ሽኻሎም ገይሮምን ወሰንቲ ረብሓታት ትግራይ ክንፅሩ፣ ስምምዕነት ኣብ ዝበፅሑሎም መትከላት ስነ ምግባር (Code of conduct) ከዳልውን ንዘዳልውዎም መትከላት ተገዛእቲ ክኾኑን ቃል ኪዳን ዝኣተውሉ መስርሕ ከተኣታተውን ከምንሰርሕን ንተፈፃምነቱ’ውን ብዕቱብ ከምንቀሳቐስን ንገልፅ።
8. ህዝቢ ትግራይ በብመዋእሉ ዝገጥሞ ፈተና ሰሚሩን ሓቢሩን ብምቅላስ መሰሉን ኽብሩን እናሓለወ መፅዩ እዩ። እዚ መንፈስ ሓድነት ካብ ዝኾነ ፖለቲካዊ ውዳበ ንላዕሊ ምዃኑ ንኣምን። እዚ ናይ ሓድነት መንፈስን ክብርን ክዕቀብ፣ ንቐፃሊ ወለዶ ክመሓላለፍ፣ ብዝበለፀ አብ ፍትሕን ማዕርነታዊ መትከልን ተመስሪቱ ክጠናኸር ይግባእ። ስለዝኾነ ህዝቢ ትግራይ ንጉጅለኣዊ ፖለቲካዊ ረብሓ ተባሂሉ ኣፈፃፅማ ውዕሊ ፕሪቶሪያ ናብ ሓደጋ ዘእቱ፣ ሓድነት ዝሽርሽር ኣረኣእያን ተግባርን ክነፅግን ክኹንንን ብልዑል ትሕትና እናተሓሳሰብና ሽኻሉ ዝተማልአ ኣፈፃጽማ ውዕሊ ፕሪቶሪያ ዝገበረ ቃልሲ ክገብር ነተሓሳስብ።
9. ኣብ ዝሓለፉ ሰላሳን ኣርባዕተን ዓመታት ትግራይ ብዙሕ ዕድል ኣምሊጥዋ፣ በብምዕራፉ ኲናትን ፖለቲካዊ ነውፅን ኣጓኒፍዋ እዩ። እዚ ኾይኑ ግን ኣብ ዉሱን ወድባዊን መንግስታዊን መድረኽ ካብ ዝግበር ገምጋም ሓሊፉ ፀገማት ከይድገሙን ዕድላት ንክንብለፀሎምን ብዘኽእል ኣገባብ ኣይተፈተሹን። በዚ ምኽንያት ውድቀታት እንዳተዋህለሉ ኣብ መወዳእታ ህዝቢ ትግራይ ግዳይ ኲናትን ክሳብ ጄኖሳይድ ዝበፅሑ ዓለምለኸ ጥሕሰታት ሰብኣዊ መሰላትን ኮይኑ እዩ። ስለዝኾነ ኣብ ዝሓለፉ ሰላሳን ሸውዓተን ዓመታት ዘምለጠና ዕድል፣ ዝተፈጠረ ፀገምን ጌጋን ኣፅኒዑ ከይድገም ብንመሃረሉ ኣገባብ ኣንፈት ዘነፅር ነፃ ናይ ምርመራ ኮሚሽን ክጣየሽ ንፅውዕ። ነዚውን ኣበርቲዕና ከምንሰርሓሉ ንገልፅ።
10. ኣብዚ በፂሕናሉ ዘለና ምዕራፍ ኣብ ህዝብን መሪሕነትን ትግራይ ዘሎ ናይ ምትእምማን መንፈስ ዝወደቐሉ፣ በዚ ምኽንያትውን ሕሉፍ ምምሕዳራውን ፖለቲካውን ኸይድና እንምርምረሉን መፃኢ ኣንፈትና እንንፅረሉን ዘገድድ እዋን በፂሕና ኣለና። ስለዝኾነ ኣብ ሃገርን ወፃእን ዝርከብ ኹሉ ትግራዋይ፣ ፖለቲካ ውድባት፣ ሰራዊት ትግራይ፣ ትካላት ሃይማኖት፣ ሙሁራን ትግራይ፣ ከምኡውን ኣባላት ሲቪክን ቢዝነስን ማሕበራት ዝሳተፈሉን ኣሳሪ ሕጋዊ መሰረት ዘለዎ ውሳነ ዝሓልፈሉን ዋዕላ ትግራይ ክፅዋዕን መሰረታዊ ፀገማትን መፍትሕን ፖለቲካ፣ ምሕደራን ማሕበረ ኢኮኖሚን ትግራይ ክመክርን ምርድዳእ ክብፃሕን ግዝያዊ ምምሕዳር ትግራይ ኩነታት ከመቻችይ ፃዊዒት ንገብር።
ሓቢርና መፃኢ ትግራይ ነስምር!
ሕዳር 1/2017 ዓ/ም
መቐለ