Balageru TV

01/01/2025

በዜናዎቻችን ከተካተቱ የዕለቱ ዐበይት ጉዳዮች መካከል ፦ Balageru TV

✅ የወንድ የዘር ፈሳሽ ልገሳ
✅ ሰልፍ በመቐለ ከተማ
✅ አሜሪካ የመንን ደበደበች
እሸት እሸት መረጃዎችን ለማግኘት ፤ በጥበብና በተሰጥዖ ለመርካት፤
• የድረገፅ | https://www.balagerutv.com/
• የዩቲዩብ | https://www.youtube.com/c/BalageruTV?sub_confirmation=1
• የፌስቡክ | https://www.facebook.com/tvbalageru
• የኢንስታግራም | https://www.instagram.com/balageru.tv/
• የቲክቶክ | https://www.tiktok.com/
• የቴሌግራም | https://t.me/BalageruTv_OfficialChannel
• የቲውተር |
ገፆቻችንን ሼርና ላይክ በማድረግ ይጎብኙን፡፡ ባለ ሃገር ሆነው ከባላገሩ ጋር አብረውን ስላሉ እናመሰግናለን፡፡
አስተያየታችሁንም በአጭር የስልክ መስመራችን 7544 ማስተላለፍ አይርሱ፡፡
ነቃ ነቃ!!!
https://youtu.be/bGPkfFCcbAo

በዜናዎቻችን ከተካተቱ የዕለቱ ዐበይት ጉዳዮች መካከል ፦ ✅ የወንድ የዘር ፈሳሽ ልገሳ✅ ሰልፍ በመቐለ ከተማ✅ አሜሪካ የመንን ደበደበች.እሸት እሸት መረጃዎችን ለማግኘት ፤ በጥበብና በ...

01/01/2025

በመቐለ ከተማ ሰላሚዊ ሰልፍ እየተካሄደ ይገኛል።

(ባላገሩ ቴሌቪዥን ፣ታህሳስ 23 ቀን 2017 ዓ.ም)

ዛሬ ታህሳስ 23/2017 ዓ.ም ከመቐለ እና አከባቢዋ የተወጣጡ ወጣቶች በጊዚያዊ አስተዳደሩ የተሾሙ ከንቲባ ስራ እንዲጀምሩ ያለመ ሰልፍ በማካሄድ ላይ ይገኛሉ።

ወጣት ሰላማዊ ሰልፈኞቹ ህጋዊው ከንቲባ ወደ ፅህፈት ቤታቸው ሳይገቡ ከቦታው ንቅንቅ እንደማይሉ ፤ ከተማዋ የግርግር እና ረብሻ ምንጭ እንድትሆን እንደማይፈቅዱ ድምፃቸው በማሰማት ላይ ይገኛሉ።

መቐለ ከተማ በጊዜያዊ አስተዳደሩና በነ ደብረፅዮን ቡዱን የተሾሙ ሁለት ከንቲባዎች እንዳሏት ይታወቃል።

በሰልፉ ላይ ከተማችን ለወራት ያለ ከንቲባ መቆየቷ አግባብነት የለውም፣ የትግራይ ጊዝያዊ አስተዳደር ውሳኔዎች ይከበሩ፣ የህዝባችንን አንድነት ለመሸርሸር የሚደረጉ እንቅስቃሴዎች አጥብቀን እንቃወማለን፣ መንግስትን ለመገልበጥ የሚደረጉ እንቅስቃሴዎች ይቁሙ፣የሚሉ ድምፆች ተስተጋብተዋል።

31/12/2024

የኢትዮጵያ ብሔራዊ ምርጫ ቦርድ ህዝባዊ ወያነ ሓርነት ትግራይ (ህ.ወ.ሓ.ት) ጠቅላላ ጉባዔውን እንዲያደርግ አሳሳበ።

31/12/2024

አሰልጣኝ መሳይ ስለ መቀጣለቸው ምን አሉ? Balageru TV
የኢትዮጵያ ብሄራዊ ቡድን ከቻን አፍሪካ ዋንጫ ውጪ ከሆነ በኋላ ዛሬ ዋና አሰልጣኝ መሳይ ተፈሪ ጋዜጣዊ መግለጫ ሰጥተዋል።
እሸት እሸት መረጃዎችን ለማግኘት ፤ በጥበብና በተሰጥዖ ለመርካት፤
• የድረገፅ | https://www.balagerutv.com/
• የዩቲዩብ | https://www.youtube.com/c/BalageruTV?sub_confirmation=1
• የፌስቡክ | https://www.facebook.com/tvbalageru
• የኢንስታግራም | https://www.instagram.com/balageru.tv/
• የቲክቶክ | https://www.tiktok.com/
• የቴሌግራም | https://t.me/BalageruTv_OfficialChannel
• የቲውተር |
ገፆቻችንን ሼርና ላይክ በማድረግ ይጎብኙን፡፡ ባለ ሃገር ሆነው ከባላገሩ ጋር አብረውን ስላሉ እናመሰግናለን፡፡
አስተያየታችሁንም በአጭር የስልክ መስመራችን 7544 ማስተላለፍ አይርሱ፡፡
ነቃ ነቃ!!!

31/12/2024

''መቀጠሌ የሚመለከተው አካል ውሳኔ ነው እኔ ግን ለማገልገል ፈቃደኛ ነኝ''

አሰልጣኝ መሳይ ተፈሪ

(ባላገሩ ቴሌቪዥን ፣ታህሳስ 22 ቀን 2017 ዓ.ም)

የኢትዮጵያ ብሄራዊ ቡድን ከቻን አፍሪካ ዋንጫ ውጪ ከሆነ በኋላ ዛሬ ዋና አሰልጣኝ መሳይ ተፈሪ ጋዜጣዊ መግለጫ ሰጥተዋል።

በሱዳን ጨዋታ የነበረብን የመከላከል ክፍተት የምናገኛቸውን የጎል እድል አልተጠቀምንም ለዛ ነው የተሸነፍነው ያለው አሰልጣኝ መሳይ ፣ውጤቱ ጥሩ ባይሆንም ቡድኑ በነበረው እንቅስቃሴ ግን ደስተኛ እንደሆነ ተስፋ ሰጪ ነገሮች ለወደፊት እንደተመለከተ ገልጿዋል።

የዘራነውን ነው የምናጭደው ያለው አሰልጣኝ መሳይ የተቃራኒ ቡድን እኛን መቋቋም ያልቻለባቸው ብልጫ የወሰድንባቸው መንገዶችን መመልከቱን በአጋጣሚ ሳይሆን በርካታ እድል በተጠና መንገድ መፍጠራቸውን አብራርቷል ። ይህን ብናሳድግ ጥሩ ነው ያለው አሰልጣኙ ተስፋ አለው .መታገስ አስፈላጊ ነው ብሏል ።

ከአሰልጣኝ ገብረመድን ስንብት በኋላ በጊዜአዊነት የዋሊያዎቹ አለቃ የሆነው አሰልጣኝ መሳይ ስለቆይታው ሲጠየቅ መቀጠሌ የሚመለከተው አካል ውሳኔ ነው እኔ ግን ለማገልገል ፈቃደኛ ነኝ ሲል ምላሽ ሰጥቷል።

ባላገሩ ስፖርት

31/12/2024

በዜናዎቻችን ከተካተቱ የዕለቱ ዐበይት ጉዳዮች መካከል ፦ Balageru TV

✅ ሰብዓዊ ቀውስ በላስታ
✅ የወርቅ ንግድ
✅ የሱዳን ቀዉስ
እሸት እሸት መረጃዎችን ለማግኘት ፤ በጥበብና በተሰጥዖ ለመርካት፤
• የድረገፅ | https://www.balagerutv.com/
• የዩቲዩብ | https://www.youtube.com/c/BalageruTV?sub_confirmation=1
• የፌስቡክ | https://www.facebook.com/tvbalageru
• የኢንስታግራም | https://www.instagram.com/balageru.tv/
• የቲክቶክ | https://www.tiktok.com/
• የቴሌግራም | https://t.me/BalageruTv_OfficialChannel
• የቲውተር |
ገፆቻችንን ሼርና ላይክ በማድረግ ይጎብኙን፡፡ ባለ ሃገር ሆነው ከባላገሩ ጋር አብረውን ስላሉ እናመሰግናለን፡፡
አስተያየታችሁንም በአጭር የስልክ መስመራችን 7544 ማስተላለፍ አይርሱ፡፡
ነቃ ነቃ!!!

https://youtu.be/4hzvvklkYL0

በዜናዎቻችን ከተካተቱ የዕለቱ ዐበይት ጉዳዮች መካከል ፦ ✅ ሰብዓዊ ቀውስ በላስታ✅ የወርቅ ንግድ✅ የሱዳን ቀዉስ .እሸት እሸት መረጃዎችን ለማግኘት ፤ በጥበብና በተሰጥዖ ለመርካት፤ •...

30/12/2024

በዲላ ስታዲየም ሊገነባ ነው!

(ባላገሩ ቴሌቪዥን ፣ታህሳስ 21 ቀን 2017 ዓ.ም)

የዲላ ከተማ ስታዲየም አለም አቀፍ ደረጃውን የጠበቀ አድርጎ ለማሻሻል እንቅስቃሴ መጀመሩን የጌዴኦ ዞን የመንግስት ኮሙኒኬሽን ጉዳዮች መምሪያ ኃላፊ ወ /ሮ ዜና ማሞ ለባላገሩ ስፖርት ተናግረዋል ።

9 ሄክታር ላይ የሚያርፈው ሁለገብ ስታዲየሙ የእግር ኳሱ ስታዲየም ብቻ 35ሺ ተመልካች እንዲይዝ ተደሮጎ እንደሚገነባ፣ ጎን ለጎን ህዝባዊ ባዕላትና ሌሎች የስፖርት ሁነቶች የሚካሄዱበት 70ሺ ህዝብ መያዝ የሚያስችል ቦታ አብሮ እንደሚዘጋጅ ወ/ሮ ዜና ገልፀዋል።

በሶስት አመት ጊዜ ውስጥ ለማጠናቀቅ እቅድ ሲያዝም የጌዴኦ ሕዝብ ባህል እሴትና በዲዛይን መካተቱ ተነግሯል። 800ሚሊየን ብር ወጪ አጠቃላይ እንደሚፈጅም ለማወቅ ተችሏል።

በቀጣይ ሳምንታት ምክር ቤት ሀሳቡ ቀርቦ አቅጣጫ ሲሰጥ ትልልቅ መርሀ ግብሮች ይፋ እንደሚሆኑና የክልሉ መንግስትና ህዝቡ እንቅስቄሴውን እንደሚደግፍ ያላቸውን እምነት ወ/ሮ ዜና ጨምረው ገልፀዋል።።

ባላገሩ ስፖርት

30/12/2024

በዜናዎቻችን ከተካተቱ የዕለቱ ዐበይት ጉዳዮች መካከል ፦ Balageru TV

✅ ተደጋጋሚው የመሬት መንቀጥቀጥ
✅ አሳዛኙ የትራፊክ አደጋ
✅ ግብጽና የአንካራው ስምምነት
እሸት እሸት መረጃዎችን ለማግኘት ፤ በጥበብና በተሰጥዖ ለመርካት፤
• የድረገፅ | https://www.balagerutv.com/
• የዩቲዩብ | https://www.youtube.com/c/BalageruTV?sub_confirmation=1
• የፌስቡክ | https://www.facebook.com/tvbalageru
• የኢንስታግራም | https://www.instagram.com/balageru.tv/
• የቲክቶክ | https://www.tiktok.com/
• የቴሌግራም | https://t.me/BalageruTv_OfficialChannel
• የቲውተር |
ገፆቻችንን ሼርና ላይክ በማድረግ ይጎብኙን፡፡ ባለ ሃገር ሆነው ከባላገሩ ጋር አብረውን ስላሉ እናመሰግናለን፡፡
አስተያየታችሁንም በአጭር የስልክ መስመራችን 7544 ማስተላለፍ አይርሱ፡፡
ነቃ ነቃ!!!
https://youtu.be/bsAJ0EbbRMo

በዜናዎቻችን ከተካተቱ የዕለቱ ዐበይት ጉዳዮች መካከል ፦ ✅ ተደጋጋሚው የመሬት መንቀጥቀጥ✅ አሳዛኙ የትራፊክ አደጋ✅ ግብጽና የአንካራው ስምምነት .እሸት እሸት መረጃዎችን ለማግኘት .....

30/12/2024

አሰልጣኝ ራውዳ አሊ ለዓለም ዋንጫ ማጣሪያ ጥሪ አድርጋለች!

(ባላገሩ ቴሌቪዥን ፣ታህሳስ 21 ቀን 2017 ዓ.ም)

የኢትዮጵያ ከ17 ዓመት በታች ሴቶች ብሔራዊ ቡድን በዓለም ዋንጫ ማጣርያ ለሚደረጉ ጨዋታዎች ለ23 ተጨዋቾች ጥሪ ተደርጓል።

በዓለም ዋንጫ ማጣሪያ አንደኛ ዙር ከዚምባብዌ ቡድን ጋር በጥር ወር መጀመርያ ለሚደረገው ጨዋታ ዝግጅት አሰልጣኝ ራውዳ ዓሊ ለ23 ተጫዋቾች ጥሪ አድርጋለች።

ጥሪ የተደረገላቸው ተጫዋቾች ከነገ ጀምሮ ወሎ ሰፈር በሚገኘው በሽታዬ ስዊት ሆቴል በመሰባሰብ ዝግጅት እንዲጀምሩ ጥሪ መቅረቡን የኢትዮጵያ እግር ኳስ ፌዴሬሽን መረጃ አጋርቷል።

በተጨዋችነት ለኢትዮጵያ ብሄራዊ ቡድንና ቅዱስ ጊዮርጊስ በአማካይ ስፍራ ተጨዋችነት ስሟን ያስተዋወቀችው አሰልጣኝ ራውዳ አሊ ጫማ በሰቀለችበት ፈረሰኞቹ ቤት ከምክትል ወደ ዋና አሰልጣኝ ስታድግ ብሄራዊ ቡድን ጥሪ እንደቀረበላት ይታወሳል።

በኢትዮጵያ ብሄራዊ ሴቶች ቡድን የእንዳልካቸው ጫካ ምክትል የነበረችው ወጣቷ አሰልጣኝ ራውዳ አሊ የኢትዮጵያ ሴቶች ከ17 ዓመት በታች ብሄራዊ ቡድንን እንድታሰለጥን አበረታች ረዥም ኮንትራት ፌዴሬሽኑ ከሰጣቸው አሰልጣኞች ስትመደብ፣ ቡድኑን ለአለም ዋንጫ ታሳልፋለች ተብሎ ይጠበቃል ።

ባላገሩ ስፖርት

30/12/2024

በአውስትራሊያ የኢትዮጵያውያን ዓመታዊ ውድድር ተጠናቀቀ!

(ባላገሩ ቴሌቪዥን፣ ታህሳስ 21 ቀን 2017 ዓ.ም)

በአውስትራሊያ 28ኛው የኢትዮጵያውያን አውስትራሊያውያንና ትውልደ ኢትዮጵያውያን ዓመታዊ ፌስቲቫል ተጠናቋል።

የዘንድሮ ሞቃታማውን የአየር ንብረት ተቋቁመው ከተለያዩ ግዛቶች ሜልቦርን የተሰባሰቡት ኢትዮጵያውያን ልዩ የሆነውን ''የኢትዮጵያን ቀን'' በመልካም ጊዜ እንዳሳለፉም ለማወቅ ተችሏል ።

በ12 ቡድኖች መካከል በተደረገው የእግር ኳስ ውድድር የአምናው የፍፃሜ ተፋላሚ የይደንቃቸው ተሰማ እግር ኳስ ክለብ በሰቲት ሁመራ 3 ለ 2 ተሸንፏል። ሰቲት ሁመራም የውድድሩ አሸናፊ ሆኖ ዋንጫ ወስዷል።

በዓመታዊ ቀን አንጋፍው ድምፃዊ ሻምበል በላይነህ፣ የቀድሞ ዝነኛ ተጨዋቾች ሲሳይ ከበደ፣ ለማ ክብረትን ጨምሮ በውድድሩ ጥሪ የተደረገላቸው ትልልቅ እንግዶች ተገኝተዋል።

ባላገሩ ስፖርት

30/12/2024

የቀድሞው የአሜሪካ ፕሬዝዳንት ጂሚ ካርተር ከዚህ ዓለም በሞት ተለዩ

(ባላገሩ ቴሌቪዥን፣ ታህሳስ 20 ቀን 2017 ዓ.ም)

39ኛው የቀድሞ የአሜሪካ ፕሬዝዳንት ጂሚ ካርተር በዛሬው እለት በ100 ዓመታቸው ከዚህ ዓለም በሞት ተለይተዋል።

የቀድሞ ፕሬዝዳንት ጂሚ ካርተር በጆርጂያ ግዛት በሚገኘው መኖሪያ ቤታቸው በወዳጅ ዘመዶቻቸው ተከበው በሰላም ማረፋቸውን በስማቸው ያቋቋሙት የእርዳታ ድርጅት “የካርተር ማእከል” በድረገፁ አስታውቋል።

የቀድሞው የአሜሪካ ፕሬዝዳንት የኢትዮጵያ ምርጫ 97 ወቅት የምርጫ ታዛቢ ሆነው አገልግለዋል

29/12/2024

ንዝረቱ አዲስ አበባ ድረስ የተሰማ በሬክተር ስኬል 5 የሆነ የመሬት መንቀጥቀጥ በፈንታሌ ተከሰተ

(ባላገሩ ቴሌቪዥን፣ ታህሳስ 20 ቀን 2017 ዓ.ም)

የአዲስ አበባ ዩኒቨርሲቲ የጂኦ ፊዚክስ ሕዋ ሣይንስና አስትሮኖሚ ተቋም በአዋሽ ፈንታሌ ወረዳና በመተሃራ አካባቢ የተለያየ መጠን ያለው የመሬት መንቀጥቀጥ እየተከሰተ ነው ብሏል።

29/12/2024

አሳዛኝ የመኪና አደጋ

(ባላገሩ ቴሌቪዥን፣ ታህሳስ 20 ቀን 2017 ዓ.ም)

በሲዳማ ክልል የሠርግ አጃቢዎችን ጭኖ የነበረ አይሱዙ ወንዝ ውስጥ ገብቶ ከ60በላይ ሰዎች ሕይወት አለፈ።

ዛሬ ታኀሣሥ 20 ቀን 2017 ዓ.ም በሲዳማ ክልል በቦና ዙሪያ ወረዳ በጋላና ወንዝ ድልድይ ላይ በደረሰው አደጋ ከ60 በላይ ሰዎች ህይወት አልፏል።

አደጋው የተከሰተው አንድ አይሱዙ መኪና ከ70 በላይ የሠርግ አጃቢዎች አሳፍሮ ወደ ዳዬ በንሳ መሥመር እየተጓዘ ሳለ አደጋው ደርሷል።

ባላገሩ ቴሌቪዥን በዚህ አሰቃቂ አደጋ ህይወታቸውን ላጡ ዜጎች የተሰማዉን ጥልቅ ሀዘን ይገልጻል።

29/12/2024

አሸናፊዎቹ ከውድድሩ ውጪ ሆኑ!

(ባላገሩ ቴሌቪዥን ፣ታህሳስ 20ቀን 2017 ዓ.ም)

የአምናው የኢትዮጵያ ዋንጫ አሸናፊ ኢትዮጵያ ቡና እግር ኳስ ክለብ ከውድድሩ ውጪ ሆኗል።

ዛሬ በአበበ ቢቂላ ስታዲየም የትግራዩን ሰሑል ሽረ የገጠመው ኢትዮጵያ ቡና በደጋፊው ፊት ሁለት ለአንድ ተሸንፏል።በጨዋታው ለስሑል ሽረ ብሩክ ሐዲሽና ሄኖክ ተወልደ ጎሎች ሲያስቆጥሩ ኩንኩን ሃፊዝ ለኢትዮጵያ ቡና አስቆጥራል።

በጨዋታው የስሑል ሽረ ግብ ጠባቂው ፋሲል ገ/ሚካኤል ድንቅ ብቃቱን አሳይቷል ።የጨዋታው ኮከብና የቡድኑ አምበል ብሩክ ሀዲሽ ተመልካችን ያስደሰተ እንቅስቃሴ አሳይቷል።

በጨዋታው የስሑል ሽረው አሰልጣኝ ጌታቸው ዳዊት በቀይ ካርድ ከሜዳ ተሰናብተዋል ።

ባላገሩ ሰፖርት

29/12/2024

ዝነኛው አሸናፊ ግርማ በስታዲየም !

(ባላገሩ ቴሌቪዥን፣ ታህሳስ 20 ቀን 2017 ዓ.ም)

የኢትዮጵያ ብሄራዊ ቡድንና የኢትዮጵያ ቡና የምንጊዜም ኮከብ ተጨዋቾቹ አሸናፊ ግርማ አሁን በአዲስ አበባ አበበ ቢቂላ ስታዲየም ተገኝቷል።

የመሀል ሜዳው ኮከብ አሸናፊ ግርማ በኢትዮጵያ ዋንጫ ጨዋታ ስሁል ሽረ ከኢትዮጵያ ቡና የሚያደርጉትን ጨዋታ ለመከታተል ነው በስታዲየሙ የተገኘው።

አሸናፊ ግርማ ከእግር ተጨዋችነት ራሱን ካገለለ በኋላ ኑሮውን በካናዳ አደርጎ ታዳጊ ተጨዋቾች በማሰልጠን ህይወቱን እየመራ እንደሆነ ይታወቃል ።

ከካናዳ ባለፈው ሳምንት ለረፍት አዲስ አበባ የገባው አሸናፊ ግርማ ቀድሞ የነገሰበትን ክለብ ጨዋታ ለማየት ዛሬ በስታዲየም ተገኝቷል።

ባላገሩ ስፖርት

29/12/2024

የትግራይ ቴሌቪዥን ጋዜጠኞች በታጣቂዎች መታገታቸው ተሰማ

(ባላገሩ ቴሌቪዥን፣ ታህሳስ 20 ቀን 2017 ዓ.ም)

የወርቅ ማዕድን ማዉጫ አካባቢዎችን ሁኔታ ለመዘገብ ወደ አካባቢው ያቀኑ የትግራይ ቴሌቪዥን ጋዜጠኞች በታጣቂዎች መታገታቸው ተገልጿል።

ዛሬ ታህሳስ 20 ቀን 2017 ዓ.ም ከጠዋቱ 3፡00 ላይ ሶስት ጋዜጠኞች በአስገደ ወረዳ በሚገኝ መንደር ታስረዉ ይገኛሉ ሲል የትግራይ ቴሌቪዥን አስታዉቋል።

ጋዜጠኞቹ ላለፉት ሶስት ቀናት በአካባቢው ያለውን የማዕድን ማውጫ ሲጎበኙ ከተለያዩ ባለድርሻ አካላትና ከአካባቢው ነዋሪዎች ጋር ውይይት ሲያደርጉ ቆይተዋል ያለው ጣቢያው አሁን ላይ ታጣቂዎችም ታስረዋል ብሏል።

የትግራይ ቴሌቭዥን ጋዜጠኞች ያሉበትን ቦታና ደህንነት ለማረጋገጥ የተለያዩ ጥረቶችን እያደረገ እንደሚገኝ የገለፀው ጣቢያው የአካባቢውን አመራሮች ለማግኘት ያደረኩት ሙከራ አልተሳካም ብሏል።

ባላገሩ ቴሌቪዥን

28/12/2024

የታቀደው የአፄዎቹ የእስራኤሉ ጉዞ !

(ባላገሩ ቴሌቪዥን ፣ታህሳስ 19 ቀን 2017 ዓ.ም)

የኢትዮጵያው እግር ኳስ ክለብ ፋሲል ከነማ ከእስራኤል ክለብ ጋር ለሚያደርገው የወዳጅነት ጨዋታ ለማመቻቸት የፊፋ ማች ኤጀንቱ ኢንጅነር ፍፁም አድነው የእስራኤል ቆይታውን ማጠናቀቁን ለባላገሩ ስፖርት መረጃ ሰጥቷል።

የወዳጅነት ጨዋታውን ለማመቻቸት በእስራኤል ሲቆይም አስፈላጊ ቅድመ ሁኔታዎችን መጨረሱን፣ ከማካቢ ሀሽከሎን ለፋሲል ታዳጊ ቡድን የትጥቅ ድጋፍ መረከቡን ኢንጅነር ፍፁም ተናግሯል።

በእስራኤል የኢትዮጵያ አምባሳደር ተስፋዬ ይታዬህ ከፊፋ ማች ኤጀንቱ ጋር በመገናኘት መምከራቸውም ሲታወቅ ፤ የእስራኤሉ ክለብ ኤጀንቱ በኢትዮጵያ ለሚያከናውናቸው የወጣቶች ፕሮጀክት ድጋፍ እንቅስቃሴውን ለመደገፍ ስምምነት መደረጉን ጨምሮ ገልጿል።

የፊፋ ማች ኤጀንቱ ሸገር ደርቢን በዱባይና የሀዲያ ሆሳዕና ክለብን በደቡብ አፍሪካ የወዳጅነት ጨዋታ መርሀ ግብሮችን ቀደምሲል ማከናወኑ ይታወሳል።

ባላገሩ ስፖርት

28/12/2024

ሳይጨባበጡ ወጡ !

(ባላገሩ ቴሌቪዥን፣ ታህሳስ 19 ቀን 2017 ዓ.ም)

የኢትዮጵያ ዋንጫ ተጠባቂ ጨዋታዎች ዛሬ መደረጋቸውን ሲቀጥሉ አፄዎቹ በኢትዮጵያ መድን ሁለት ለዜሮ ተሸንፈዋል።

ከጨዋታው መጠናቀቅ በኋላ የፋሲል ከነማ አሰልጣኝ ውበቱ አባተና የኢትዮጵያ መድን አሰልጣኝ ገብረመድህን ሀይሌ ሰላም ሳይባባሉ ወደ መልበሻ ክፍል ገብተዋል ።

ሁለቱ በአርያነት የሚጠቀሱት የቀድሞ የኢትዮጵያ ብሄራዊ ቡድን አሰልጣኞች ከፉክክሩ በኋላ የስፖርታዊ ጨዋነት ሰላምታ አለመለዋወጣቸው በስታዲየሙ ያሉትን ተመልካቾች አነጋግሯል።

የዚህ ዜና ዘጋቢ አሰልጣኝ ውበቱ ለሰላምታ ፊታቸውን አዙረው ሲጠባበቁ ቢታዘብም አሰልጣኝ ገብረመድን ረጅም ሰአት ጨዋታው አልቆ ፊታቸውን አዙረው ተጨዋቾችን ሲያበረታቱ ታዝቧል።

ተስፋ የቆረጡ የሚመስሉት አሰልጣኝ ውበቱ ወደ መልበሻ ክፍል ገብተዋል።

ኢትዮጵያ መድን በዳዊት ተፈራና መሀመድ አበራ የመጀመሪያ አጋማሽ ጎል ነው ፋሲል ከነማን አሸንፎ ወደ ተከታዮች ዙር ያለፈው።

ባላገሩ ስፖርት