Amanuel .G .K

12/01/2026

አንድ ቀን የድርጅቱ ዋና ስራ አስኪያጅ ከቢሮው ወጣ ሲል፣ አንዲት ምግብ አቅራቢ ወጣት በላብ ተጠምቃና ዝልፍልፍ ብላ ከቢሮው ደጃፍ አጠገብ ወድቃ ተመለከተ።

ደንግጦም ወደ እርሷ ጠጋ አለና፤ "እመቤቴ፣ ደህና ነሽ? ምን ሆንሽ?" አላት ወደ ላይ ቀና እያደረጋት።

ወጣቷም ትንፋሽ እያጠራት፤ "ጌታዬ... እባክዎን ይሄ 35ኛው ፎቅ ነው?" ስትል ጠየቀችው።

እሱም በመገረም "አይደለም፣ ይሄ 30ኛው ፎቅ ነው። ቆይ ግን... 30 ፎቅ ድረስ በደረጃ ነው የወጣሽው?" አላት።

እሷም "አዎ ጌታዬ፤ በአስቸኳይ 35ኛው ፎቅ መድረስ አለብኝ። የህንጻው ሊፍት ብልሽት ስላለበት ለሰራተኞች ብቻ ነው የተፈቀደው። ይህ ምግብ የታዘዘለት ሰውዬ 'በአምስት ደቂቃ ውስጥ ካላመጣሽልኝ ከስራሽ እንዲያባርሩሽ አደርጋለሁ' ብሎ ዝቶብኛል። ወርደው እንዲቀበሉኝ ብማጸናቸውም ፈቃደኛ አልሆኑም" አለችው።

አለቃውም የታዘዘውን ሰው ስም ሲመለከት 'ሚስተር ኮስቢ' የሚል ነበር። በሁኔታው በጣም ተቆጣ። ምግቡን ከወጣቷ ተቀብሎ በቀጥታ ወደ 35ኛው ፎቅ ወጣ። ወደ ሚስተር ኮስቢ ቢሮ ዘልቆ በመግባት ምግቡን በጠረጴዛው ላይ አስቀመጠው።

ሚስተር ኮስቢ በድንጋጤ ተነስቶ "ጌታዬ! እርስዎ ምግቡን ለምን አመጡት?" ሲል ጠየቀ።

አለቃውም በቁጣ አይን እያየው "አይዞህ... መጀመሪያ ምግብህን ብላ፤ ከዚያም እቃህን ጠቅልለህ ከዚህ ድርጅት ውጣ!" አለው።

ሚስተር ኮስቢ ግራ በመጋባት "ጌታዬ... ለአንዲት ተራ ምግብ አቅራቢ ብለው ያባርሩኛል? ምንም ይሁን ምን ምግቡን ማድረስ እኮ ስራዋ ነው!" ሲል ተከራከረ።

አለቃውም በረጋ ግን ቁርጠኛ በሆነ ድምፅ እንዲህ አለው፦ "እንግዲያውስ አንድ እድል ልስጥህ። አሁኑኑ ወርደህ ከአንደኛ ፎቅ እስከ 35ኛው ፎቅ በአምስት ደቂቃ ውስጥ በደረጃ ውጣ፤ ያኔ ስራህን ታስጠብቃለህ።"

ሚስተር ኮስቢ ጮክ ብሎ "ምን? ይሄ እኮ የማይቻል ነገር ነው!" አለ።

ቦሱም "ለአንተ የማይቻል የሆነውን ነገር ሌላው የሰው ልጅ እንዲያደርገው እንዴት ትገፋፋለህ? አንተ ሰው የመሆን ህሊና ጎድሎሃል። በሰው ላይ ጭካኔ የምታሳይ ሰው በዚህ ድርጅት ውስጥ ቦታ የለህም... ውጣ!" ሲል አባረረው።

አንዳንድ ስራዎች ክህሎትን ይገልጻሉ፤ እውነተኛ ማንነት ግን የሚታወቀው ደካማ ለምንላቸው ሰዎች በምናሳየው አያያዝ ነው።

-------------- ------------ -----------

የሰው ልጅን ክብር ከያዘው ስራና ከደረጃው ጋር አታያይዘው፤ ሰው መሆኑ ብቻ እንዲከበር በቂ ነው።

ራስህ ልትሸከመው የማትችለውን ከባድ ሸክም በሌሎች ላይ ለመጫን አትሞክር።

እውነተኛ ታላቅነት የሚለካው ዝቅ ያሉትን በማንሳት እንጂ በስልጣን ተጠቅሞ ሌሎችን በመጨቆን አይደለም።

🛑 ላይክ ሼር ፎሎ ማድረግ አይዘንጋ!!

11/01/2026

07/01/2026

አንድ ገበሬ የንስር እንቁላል ያገኝና ወደቤት ወስዶ ዶሮዋ እንድትፈለፍለው ያደርጋል።በዚያ በዶሮዋ ተፈልፍሎ የተወለደው ንስርም በዶሮዎች መሃል አደገ። ምግቡንም ከመሬት ይፈልግ ጀመር።ነገረ ስራው ሁሉ የዶሮ ሆነ። ትንሽ ጊዜ እንኳን ለመምብረር ሞክሮ አያውቅም።አንድ ቀን በሰማይ ከፍ ብሎ የሚበር ንስር ተመለከተና እንዴት የሚያምር ወፍ ነው እኔም እንደሱ አንድ ቀን መብረር እፈልጋለሁ ሲል ዶሮዎች ሰሙትና አትጃጃል ያ ወፍኮ ንስር ነው የአእዋፋት ሁሉ ንጉስ አንተ ደግሞ ዶሮ ነህ ስለዚህ መጃጃልክን ትተህ አርፈህ ከመሬት ጥሪጥሬህን ልቀም አሉት። ይህን ጊዜ ንስር ህልሙን ተወው። እራሱን ዝቅ አድርጎ መኖርም ጀመረ። አንድም ቀን ለመብረር ሳይሞክርንስር ሆኖ ተፈጥሮ እንደደሮዎች ሆኖ ኖሮ እንደደሮዎች ሞተ።
እኛስ በዙሪያችን ያሉ ሰዎች እነማን ናቸው። የህልማችን ገዳይ ወይስ ብርታቶቻችን
መልሱን ለእናንተ!
ከተመቻችሁ

07/01/2026

🇸🇳🗣️ ሳዲዮ ማኔ እንዲህ ይላል፦

"ረሀብን መቋቋም ነበረብኝ፣ በእርሻ ቦታዎች ሰርቻለሁ፣ ጦርነቶችን ተርፌያለሁ፣ ያለ ጫማ እግር ኳስ ተጫውቻለሁ፣ ትምህርት አልነበረኝም እና ሌሎች ብዙ አስቸጋሪ ነገሮችን አሳልፌያለሁ። ዛሬ ግን ከእግር ኳስ በማገኘው ገቢ ህዝቤን መርዳት እችላለሁ።"

"ትምህርት ቤቶችን እና ሆስፒታል ገንብቻለሁ፤ በጣም በድህነት ውስጥ ለሚኖሩ ሰዎች ልብስ፣ ጫማና ምግብ እናቀርባለን። በተጨማሪም በጣም ደካማ በሆነው የሴኔጋል ክልል ውስጥ ለሚገኙ ሰዎች ሁሉ በወር 70 ዩሮ እሰጣለሁ። ውድ መኪናዎችን፣ የቅንጦት ቪላዎችን፣ ጉዞዎችን፣ ይልቁንም የግል አውሮፕላኖችን ማሳየት (መፎከር) አያስፈልገኝም፤ ይልቁንም ህዝቤ ህይወት ለእኔ ከሰጠችኝ ጥቂቱን እንዲያገኙ እመርጣለሁ።" ❤👏

07/01/2026

#ፍቅር VS #ክብር
መጋቢት፣ 1856። ፎስተር አላገባሽም ብሎ እምቢ ካለኝ ከአንድ ወር በኋላ፣ አባቴ ወደ ቢሮው ጠራኝ። በእሳት ማንደጃው ላይ እሳቱ ጭል ጭል ይል ነበር። መጋረጃዎቹ የቀኑን ብርሃን ጋርደውታል። እንድቀመጥም አልጋበዘኝም። በሚያስገመግም ድምጹ፡-
“ጋብቻሽን አዘጋጅቻለሁ።” ድንገት - ስልል ባለና ባዶ በሆነ ድምፅ - ሳቅሁ።
“ለማን?” Amanuel .G .K
“ለጆሳያ።”ስሙ ልክ እንደ መዶሻ መታኝ። “አንጥረኛው፣” አለ አባቴ ማብራራት አያስፈልገውም ነበር። የተሽከርካሪ ወንበሬን ጎማዎች አጥብቄ ያዝኩ።
“አባቴ... እሱ እኮ ባሪያ ነው።”
“ለጊዜው ነው፣” አለ አባቴ በረጋ መንፈስ። “ነገ ነፃ አወጣዋለሁ። እሱ ባልሽ ይሆናል - በሕግ፣ በእግዚአብሔር እና በዚህ ቤት።” አባቴ ያለ ምክንያት ምንም አያደርግም።
“እኔ ስሞት ብቻሽን መሆንሽ ጥሩ አይሆንም፣” አለ። “ደካማ እና አቅመ ቢስ መሆንሽን ነጭ ወንዶች ያውቃሉ። ጆሳያ ግን ግዴታውን መወጣት የሚችል ጠንካራ ነው።”
ድምፄ ተንቀጠቀጠ። “እሱ ያውቃል?”
“ወዲያውኑ ተስማምቷል።” ብሎ መለሰልጭ አባቴ፡፡ ከሁሉም በላይ ያስፈራኝ ደግሞ ይሄ ነበር።
ጆሳይያ ከሁለት ቀናት በኋላ በዋናው በር በኩል ወደ ቤት ገባ። እቤት ውስጥ ሰው ሁሉ በየጥጋጥጉ ሲያንሾካሹክ ይሰማኛል፡፡ ግዙፍ ነበር፣ ትከሻዎቹ እንደ ድንጋይ የጠነከሩ፣ እጆቹም በከባድ ሥራ የደደሩ። ቢሆንም ግን አይኖቹን ወደ ታች አቀርቅሮ ነበር።
“ሚስ ዊትሞር፣” አለ በዝግታ። ከዚያም ተንበረከከ። ባሪያ ስለነበረ አይደለም። ነገር ግን ከእቤ በጣም የረዘመ ስለነበረ ለማውራት እኩል እንድንሆን ብሎ ነው።
“ቃል እገባለሁ፣” አለ፣ “አንቺ ለእኔ መቼም ቢሆን ሸክም አትሆኚብኝም።” የሆነ ነገር በውስጤ ሲሰባበር ተሰማኝ።
ጎረቤቶች ጠፉ። አብያተ ክርስቲያናት አንጎራጎሩ። ሐሜት ያለ ልክ ተሰራጨ። ነገር ግን እሱ ያለ ምንም ችግር ከነ ወንበሬን አንስቶ ከቦታ ወደ ቦታ ሲያዘዋውር አላዩም። ለእንቅስቃሴ ይመቸኝ ዘንድ በገዛ እጆቹ የሰራቸውን መወጣጫዎች (ramps) አላዩም። እግሮቼ ተቃጥለውና ልቤ ዝሎ ሲደክመኝ ጎኔ ቁጭ ብሎ መጽሐፍ ሲያነብልኝ አላዩም። ጆሳያ አንድም ቀን እንደ ሽባ አይቶኝ አያውቅም። እኔም ብሆን እንደ ግል ንብረቴ አይቼው አላውቅም።
ሰርጉ
ጋብቻችን እንደ ሀገሩ ልማድ በቤተክርስቲያነ አልነበረም የተካሔደው። ባርያ የነበረን ጥቁር ከነጭ ሴት ጋር የምታጋባ ቤተክርስቲያን በአሜሪካን ምድር አልነበረችም፡፡ እንደም ታዳሚም አልነበረም። ያጋባን ፓስተር፣ አባቴ እና እግዚአብሔር ብቻ።
ጆሳያ በዚያን ቀን ጠዋት ነፃ ወጣ። ፓስተሩ “ሙሽራው ሙሽራዋን ይሳም” ብሎ ሲናገር ጆሳያ ቆም አለ። ከመሳሙ በፊት “ይቻላል?” ሲል ጠየቀኝ። ከዚህ በፊት ማንም እንዲህ ጠይቆኝ አያውቅም ነበር።

አባቴ ከሶስት ዓመት በኋላ ሞተ። መላ ሀብቱ ወደ እኔ ተላለፈ። ጆሳያ ደግሞ የሀብቱ አስተዳዳሪ ሆነ... ከዚያም ባለቤቱ።በቨርጂኒያ ውስጥ የመጀመሪያው ጥቁር የመሬት ባለቤት ሆነ። ከባርነት ሸሽተው የሚጠፉትን እንደብቅ ነበር። ነፃ ለወጡት ደግሞ ደመወዝ እየከፈልን እንቀጥራቸው ነበር።
ሶስት ጠንካራ፣ ደግና እና ነፃ ልጆችን ወልደን አሳደግን።
እኔን "ሚስት ልተሆን የማትችል" ይሉኝ ነበር። እሱን ደግሞ "አደገኛ" ይሉት ነበር። ነገር ግን ተሳስተው ነበር። እኛን ፍቅር አይደለም ያዳነን፤ ክብር (Respect) እንጂ። በጥላቻ ሰንሰለት በታሰረ ዓለም ውስጥ፣ እኛ ግን አንዳችን አንዳችንን መረጥን።
fans

07/01/2026

ለመላው ህዝበ ክርስትያን እንኳን አደረሳችሁ

05/01/2026

አንድ የደከመ የሚመስል ሰው ወደ ምግብ ቤት ገብቶ ጥሩ የሚባል ምግብ አዘዘ።
አስተናጋጁ ግን ርካሽ የሆነ ምግብ ይዞለት መጣ። Amanuel .G .K
ለሰውየውም መክፈል ሳይችሉ ሲቀሩ ፖሊስ መጥራት ስለማልፈልግ ነው:: አቅምዎ የሚችለውን ምግብ ያቀረብኩት አለው።
ሰውየው ምንም ሳይናገር ምግቡን ለመመገብ ተቀመጠ።
ልክ በዚያን ሰሀት አንድ ሀብታም የሚመስል ሰው ወደ ምግብ ቤቱ ገባ።
አስተናጋጁም እየተጣደፈ ወደ ደሃው ሰውዬ በመሄድ፣ ጌታዬ፣ ይህ ክፍል ለልዩ እንግዶች የተዘጋጀ ቪአይፒ ነው።
ልዩ ደንበኞቻችን ምቾት እንዲሰማቸው ስለምንፈልግ፣ እባክዎ ወደ ሌላ ቦታ ይሂዱ አለ።
ከዚያም ብዙም ወደማይታይ የማዕዘን ቦታ አጅቦ ወሰደው።
ተመልሶም ወደ ሀብታሙ ሰው በመሄድ በሜኑ ላይ ያሉትን ምርጥ ምግቦች አቀረበለት። እንዲያውም በድጋሚ ተመልሶ ውድ የሆነ ጣፋጭ ምግብ ይዞለት በመምጣት፣ ጌታዬ፣ ይሄኛው የኔ ግብዣ ነው። ቀምሰውት ሀሳብዎን በኋላ ይነግሩኛል በማለት ትቶት ሄደ።
በኋላ የክፍያ ሰዓት ሲደርስ፣ ሀብታሙ ሰውዬ ገንዘቡን ሳይከፍል እንደጠፋ አስተዋለ። አስተናጋጁ እየተጣደፈ ወደ ውጭ ቢሮጥም ሰውየው እቦታው ላይ አልነበረም።
በንዴትም እየተንገበገበ ወደ መጀመሪያው ሰውዬ ጠረጴዛ ሲመለስ እሱም በቦታው አልነበረም።
በዚህም ግራ ተጋባ።
መለስ ብሎም የመጀመሪያውን ሰውዬ ጠረጴዛ ሲያጸዳ፣ ከሰሀኑ ስር ካዘዘው ምግብ ዋጋ በአስር እጥፍ የሚበልጥ የተቆለለ ገንዘብ አገኘ።
ልክ በዚያን ጊዜ፣ ያ የደከመ መስሎ የታየው ሰው ድንገት ብቅ አለና ተጨማሪ ገንዘብ ጉርሻ እየሰጠው እንዲህ አለው::

አንዳንድ ትምህርቶች ትኩስ ትኩሱን ሲቀርቡ ነው ጣዕማቸው። አንተ የምትፈርደው በውጫዊ ገጽታ ነው አለው::

ሰውን በውጫዊ ገፅታው ብቻ አይተህ አትፍረድ:: ሰውን ስላለው ወይም ስለሌለው አታክብር:: ነገር ግን ሰውን ሰው በመሆኑ ብቻ አክብር አለው::

ሰውን በሰውነቱ ብቻ ቦታ በመስጠት አናክብር::
በዚህ ከተስማሙ ላይክ ሼር ያድርጉ👍

05/01/2026

በአንድ ትምህርት ቤት መምህርቷ ከፍተኛ ውጤት ላስመዘገበ ተማሪ ጫማ ሽልማት ለመስጠት ቃል ትገባና ፈተናው ተካሄደ ። በፈተናው ሁሉም ልጆች ተመሳሳይ ውጤት አስመዘገቡና ለሁሉም ጫማ መስጠት ስለማይቻል መምህርቷ አብሰለሰለች። ከዛም አንድ ሃሳብ መጣላት ፦ ለተማሪዎቹ ቁራጭ ወረቀት ሰጠቻቸው እና ስማቸውን በላዩ ላይ እንዲፅፉ እና በዕጣ እንዲለዩ ስማቸው የወጣለትም ጫማ እንድወስድ ወሰነች ። ሁሉም ጽፈው እንደጨረሱ መምህርቷ የሰበሰበችውን ወረቀት በኩባያ ውስጥ ነቀነቀቻቸውና በሁሉም ፊት አንድ ወረቀት መዘዘች። ወረቀቱን ስትከፍት መሎና ይላል ...ሁሉም ደስ አላቸው ። መሎናም በደስታ ተሞልታ ሽልማቱን ተቀበለች። መሎና እነዛን ጫማዎች በጣም ትፈልጋቸው ነበር ። በተቀደደው ባረጀው ጫማዋ በጣም ተሰላችታ ነበር ። አባቷ ከዚህ አለም በሞት ተለይቷል ...እናቷ ድሃና ረዳት የሌላት ስለነበረች ይህ ሽልማት ለሷ ትልቅ ትርጉም ነበረው።

ታርኩን ይበልጥ አስገራሚ የሚያደርገው ነገር ታዲያ እዚህ ጋር ነው ያለው ፦

መምህርቷ በኩባያ ውስጥ ያሉትን ሌሎች ወረቀትን ቀስ እያለች አንድበአንድ ስትመለከት እያንዳንዱ ልጅ በወረቀት ላይ የጻፈው የመሎናን ስም ነበር ።
✅ልባችን ንጹህ ስሆን ለኔ ማለትን ትተን ለኛ ማለት እንጀምራለን
✅ልጆች ንፁህ ነጭ ወረቀት ናቸው ጥላቻን ፣ ዘረኝነት አንስበካቸው
✅ፍቅርን መተሳሰብን እንዝራባቸው፣ ያኔ አለምን የተሻለ ቦታ ማድረግ እንችላለን ።
"ከቲክቶክ አለም የተወሰደ"

05/01/2026

ትዕግስት በሳይኮሎጂ እይታ እንመልከት።ኣንብቡት ታተርፉበታላችሁ 📚
Amanuel .G .K
ትዕግስት በሳይኮሎጂ
1. ትዕግስት ምንድነው? (ሳይኮሎጂ)
በሳይኮሎጂ ትዕግስት ማለት፣
👉 ስሜታችንን መቆጣጠር፣ ጭንቀትን መቋቋም እና የፈጣን ፍላጎትን መዘግየት ነው።
እሱ የአእምሮ ጥንካሬ (emotional regulation) መገለጫ ነው።
2. ትዕግስት እና ስሜት መቆጣጠር
ሰው ሲቆጣ ወይም ሲጨነቅ፣
አእምሮው ፈጣን ምላሽ ሊሰጥ ይፈልጋል
ትዕግስት ግን ለአንድ ጊዜ መቆምና መንፈስን ማረጋገጥ ነው
👉 ይህ የተመጣጠነ ውሳኔ ለመስጠት ያግዛል።
3. የ“Delayed Gratification” ሐሳብ
ታዋቂው Marshmallow Experiment እንዲህ ያሳያል፦
ፍላጎትን ማዘግየት የሚችሉ ሰዎች
👉 በትምህርት፣ በስራ እና በሕይወት ይሻላሉ
እንግዲህ ትዕግስት = የወደፊት ስኬት መሠረት ነው።
4. ትዕግስት እና ጭንቀት
ትዕግስት ያለው ሰው፦
ጭንቀትን በቀላሉ ይቆጣጠራል
ችግርን “ጊዜያዊ” እንደሆነ ያያል
ድንገተኛ ውሳኔ አይሰጥም
👉 ይህ የአእምሮ ጤናን ያሻሽላል።
5. ትዕግስት የሚያመጣው ጥቅም
የቁጣ መቀነስ
ጥሩ ግንኙነት
እምነት በራስ
የውሳኔ ጥራት መሻሻል
6. መደምደሚያ
“ትዕግስት ስሜትን መግዛት ነው፤
ስሜት ሰውን እንዳይገዛው መከላከል ።

03/01/2026

-- --
Amanuel .G .K
የእግር ፈንገስ የተለመደ የእግር ጣቶች፣ የእግር ስር ወይም ጎን ቆዳን የሚያጠቃ ኢንፌክሽን ሲሆን ሙቀት እና እርጥበት ምቹ ሁኔታን ይፈጥርለታል

የእግር ፈንገስ በበሽታው ከተያዘ ሰው ጋር በቀጥታ በመገናኘት ወይም በፈንገስ የተበከሉ ቦታዎችን በመንካት ይከሰታል ፤ ያልታከመ የእግር ፈንገስ ወደ እግር ጥፍር እና ሌሎች የሰውነት ክፍሎች በመሰራጨት አሳሳቢ ደረጃ ላይ ሊደርስ ይችላል

የእግር ፈንገስ ምልክቶች :

◈ በእግር ጣቶች መካከል ማሳከክ እና ማቃጠል
◈ የሚላላጥ ወይም የሚሰነጠቅ የእግር ቆዳ
◈ መጥፎ የእግር ሽታ
◈ መቅላት ወይም ማቃጠል
◈ ደረቅ ቆዳ ከስር ወይም በጎን መኖር
◈ በጣቶች መካከል ነጭ የበሰበሰ ቆዳ መኖር

አጋላጭ ሁኔታዎች :

◈ ባዶ እግር መጓዝ
◈ የጋራ መታጠቢያ ቤቶች እና የመዋኛ ገንዳዎችን መጠቀም
◈ ካልሲዎችን ፣ ጫማዎችን ወይም ፎጣዎችን መጋራት

◈ ጠባብ ፣ ሽፍን ጫማዎችን መልበስ
◈ እግርዎን እርጥብ ማድረግ እና ንፅህናን በአግባቡ አለመጠበቅ
◈ የእግር ማላብ ካለ
◈ የረጠበ ካልሲ ማድረግ ወይም ካልሲ ሳያጥቡ ደጋግሞ መልበስ

◈ ሞቃት እና እርጥበት አዘል አየር መኖር
◈ በጣቶች መካከል መቆረጥ/ ቁስል መኖር
◈ የስኳር በሽታ እንዲሁም በሽታ የመከላከል አቅም ዝቅተኛ መሆን

መከላከያ መንገዶች እና መፍትሄዎች :

◈ እግርን ንፁህ ማድረግና ከታጠቡ በኋላ ማድረቅ (ጣቶች መሀልን ጨምሮ)
◈ ካልሲዎችን ፣ ጫማዎችን ወይም ፎጣዎችን ከሌሎች ጋር አለመጋራት
◈ በሕዝብ መታጠቢያዎች ፣ መዋኛ ገንዳዎች የመሳሰሉ ቦታዎች ላይ ነጠላ ጫማ ማድረግ

◈ ካልሲን በየቀኑ መቀየር ( የሚያልበን ከሆነ ደግሞ ቶሎ ቶሎ መቀየር)
◈ ድፍን ጫማ ለረጅም ሰዐት አለማድረግ
◈ ጫማ መቀየር እና አየር እንዲያገኝ ማስቀመጥ
◈ አየር የሚያስገቡ ጫማዎች ማድረግ

◈ ፀረ-ፈንገስ ፓውደር መጠቀም
◈ በቪኒገር ወይም ኮምጣጤ እግርን መዘፍዘፍ
◈ አለማከክ

ህክምናው :

◈ ፀረ-ፈንገስ ክሬም/ስፕሬይ መጠቀም (በቀን አንዴ ወይም ሁለቴ ከ 2-4 ሳምንት) ፤ ምልክቱ ከጠፋም በኋላ ለአንድ ለሁለት ሳምንት መጠቀም አለማቆም

◈ በአፍ የሚወሰድ አንቲ-ፈንገስ (የተባባሰ ፣ የሚሰራጭ ወይም ተመልሶ የሚመጣ ሲሆን)

◈ ኢንፌክት የሆነ የእግር ጥፍር ካለ ማከም

ከሁለት ሶስት ሳምንት በኋላ ለውጥ ከሌለው ወይም ስኳር ካለብን አሊያም ከፍተኛ ህመም ካለው በሀኪም መታየት ያስፈልጋል

fans

03/01/2026

01/01/2026

(Self-love):-የፍቅር ሁሉ መጀመሪያ! ✨

ለሰዎች ፍቅር እየሰጠህ አንተ ግን ባዶነት ይሰማሃል?

ሌሎችን ለማስደሰት ስትሮጥ ራስህን ረስተኸው ይሆን? ምናልባት ስህተቱ ያለው ያንተ "መስጠት" ላይ ሳይሆን፤ በራስህ "ኩባያ" ላይ ሊሆን ይችላል። ራስን መውደድ እና ራስ ወዳድነት ያላቸውን ሰፊ ልዩነት እስኪ እንየው...

"ራስን መውደድ ማለት ለሌሎች ፍቅር ለመስጠት መጀመሪያ የራስን ኩባያ መሙላት ማለት ነው!"

ብዙዎቻችን አንድ ትልቅ ስህተት እንሰራለን፤ ራስን መውደድ (Self-love) እና ራስ ወዳድነት (Selfishness) አንድ ይመስሉናል። ነገር ግን ልዩነታቸው የሰማይና የምድር ያህል ነው። ራስ ወዳድነት ሌሎችን ጎድቶ ለራስ ብቻ ማሰብ ሲሆን፤ ራስን መውደድ ግን ለሌሎች የሚተርፍ ፍቅር እንዲኖርህ መጀመሪያ ራስህን መንከባከብና ማክበር ነው።

ባዶ ኩባያ ይዞ ሰውን ማጠጣት አይቻልም! ለሰዎች ፍቅር ለመስጠት፣ ለሥራህ ለመትጋትና ለዓላማህ ለመቆም መጀመሪያ የራስህን ኩባያ መሙላት አለብህ።

እውነተኛ ራስን መውደድ የሚገለጽባቸው 3 መንገዶች፦

1. 🛡️ ራስን እንደ ባለቤት መቀበል (Self-Acceptance)
ጥንካሬህን ብቻ ሳይሆን ድክመትህንም፣ ውበትህን ብቻ ሳይሆን ጠባሳህንም ተቀበል። "ፍጹም ስሆን እወደዋለሁ" አትበል፤ ዛሬ ባለህበት ማንነትህ ራስህን አፍቅረው። አንተ የፈጣሪ ድንቅ ስራ ነህ፤ ማንም ሊተካህ የማይችል ልዩ ፍጥረት መሆንህን እወቅ።

2. 🚦 ጤናማ ድንበር ማበጀት (Setting Boundaries)
ራስን መውደድ ማለት ለራስህ ሰላምና ጤና ስትል "አይ!" ማለት መቻል ነው። ለሌሎች ደስታ ስትል የራስህን ሰላም አትገብር። ሰላምህን ለሚነሱ ሰዎች፣ ጊዜህን ለሚሰርቁ ሁኔታዎችና አቅምህን ለሚያዳክሙ ንግግሮች ድንበር አብጅ። ለራስህ ቅድሚያ መስጠት የጥንካሬ ምልክት እንጂ የራስ ወዳድነት አይደለም።

3. 🌱 ለራስህ ሩህሩህ መሆን (Self-Compassion)
ስህተት ስትሠራ ራስህን አትግረፍ። ለምትወደው ጓደኛህ የምታሳየውን ርህራሄና ይቅርታ ለራስህም አድርግ። "አልበቃም" ከሚል የውሸት ድምፅ ይልቅ "እማራለሁ፣ አድጋለሁ፣ እችላለሁ" በሚል የድጋፍ ድምፅ ራስህን አበረታታ።

💡 የዛሬው ትምህርት፦
ዓለም አንተን እንዲያከብርህ ከፈለግክ፣ መጀመሪያ አንተ ራስህን አክብር። ዓለም እንዲወድህ ከፈለግክ፣ መጀመሪያ አንተ ራስህን ውደድ። የራስህን ኩባያ ሞልተህ ስታተርፍ፣ ለዓለም የምትሰጠው ፍቅር ንጹህና እውነተኛ ይሆናል! 💖

🔥 የዕለቱ ጥያቄ፦
ዛሬ፣ ለራስህ ያለህን ፍቅር ለማሳየት እና "ኩባያህን ለመሙላት" የምታደርገው አንድ ትንሽ ነገር ምንድነው? 👇 በኮሜንት አጋሩን!

📌 ይህንን መልእክት ራሱን እንዲወድ ለምትፈልገው ወዳጅህ Share በማድረግ የፍቅር ብርሃን ሁንለት!