10/11/2022
Ityoophiyaan bara 2030'tti lafa manca’ee hektaara miiliyoona 22 dabalataan deebistee bosonoomsuuf karoorfatteetti-MM Abiy Ahimad
Finfinnee, Sadaasa 1, 2015 (Daily Media)–Ityoophiyaan hanga bara 2030'tti lafa manca’e hektaara miiliyoona 22 dabalataan deebistee bosonaan uwwisuuf karoorfattee hojjechaa jiraachuu Muummeen Ministiraa FDRI Abiy Ahimad ibsan.
Muummeen Ministiraa Abiy Ahimad Yaa’ii Jijjiirama Qabeenya Qilleensaa Dhaabbata Mootummoota Gamtoomanii Ijiptitti gaggeeffamaa jirurratti sagantaa Ashaaraa Magariisaa Ityoophiyaa ilaalchisuun ibsa taasisaniiru.
Ibsa isaaniin muuxannoo gama inisheetivii Ashaaraa Magariisaan jiruu fi hojiilee hojjetamaaniin bu’aalee argaman kaasaniiru.
Kanaanis Ityoophiyaan hanga bara 2030'tti lafa manca’e hektaara miiliyoona 22 dabalataan deebistee bosonaan uwwisuuf karoorfattee hojjechaa jiraachuu dubbatan.
Gumaachi Ityoophiyaan jijjiirama qabeenya qilleensaa ittisuu keessatti qabdus sadarkaa kamiinuu kan dinqisiifamuudha jedhan.